前 文 再續 啊 書 接上 一回 啊 。
話説 雙兒 入到去 普濟寺 ，只見 肥頭陀 企 喺 大雄寶殿 嘅 滴水檐口 ，右手 呢 仍然 揦住 韋小寶 。
突然之間 ，肥頭陀 飛起 右腳 ，嘭一聲 ，將 個 石鼓 踢起嚟 ，撞埋 照壁 上 便 ，石屑 紛飛 。
佢 問 雙兒 話 ：你 嚟 做咩 啊 ？嫌 命長 啊 ？
雙兒話 ：我 同 相公 同生共死 ，你 如果 逳 佢 一下 ，我 同 你 搏命 。
死得你吖 ，呢個 衰仔 有 咩嘢 咁 好 啊 ？對 佢 咁 有 情 有 義 。
雙兒 塊 面 一 紅 ，回答 唔出 嘞 佢 就 話 ：相公 係 好人 ，你 係 壞人 。
只聽見 外便 十八名 少林 僧 一齊 口 宣 佛號 ：
阿彌陀佛 ， 阿彌陀佛 ！ 肥 尊者 ， 請 你 放 咗 小 施主 啦 ， 將部 經書 還 畀 佢 啦 。
你 係 武林 中 赫赫有名 嘅 英雄好漢 ，為難 一個 細佬哥 ，唔怕 畀 天下人 恥笑 你 咩 ？
你哋 再 啰啰嗦嗦 ，老子 就 唔 客氣 嘞 ！
大家 一拍兩散 ，老子 殺咗 呢個 細路 ，毀咗 經書 ，睇 你哋 有 咩 嘢 法子 。
澄心 話 ： 肥 尊者 ， 你 要點 樣至 肯放人同 還翻部 經書 呢 ？
放人 倒 可以 ，經書 就 無論如何 唔能夠 交翻 畀 佢 喇 。
講完 ，外便 少林 十八 僧 啊 寂然 無聲 。
肥頭陀 四圍 睇 下 間 大雄寶殿 ，諗 下 點樣 甩身 嘞噃 。
突然間 灰影 閃動 ，十八名 少林 僧 入晒嚟 喇 。
五名 少林僧 ，貼住 左便埲墻 去到 佢 後便 ；
又 有 五 名 少林 僧 ，順住 右 便 埲墻 去到 佢 後便 ，眨下眼 ，又 試 包圍住 佢 。
肥頭陀 話 ：有種 嘅 就 單打獨鬥 ，一個個 嚟 試下 老子 手段 ，你哋 就算 係 車輪大戰 ，老子 都 唔怕 你哋 。
澄光合十話 ：請恕 老衲 無禮 ，我哋 要 一齊 上 。
肥頭陀 攞起 隻 左腳 ，輕輕 踩住 韋小寶 嘅 頭殼 喺度 冷笑 ：
韋小寶 畀 佢 踩住 個 頭 冇計 啦 ，唯有 雙眼 啊 猛咁 睄 ，想 搵 啲 咩 嘢 惹眼 嘅 嘢 呢 ，嚟到 亂噏 一通 ，引開 肥頭陀 嘅 眼光 。
只要 佢 稍為 走下神唧 ，少林僧 就 有 機會 救 自己 嘞 。
但係 佢 個 頭殼 畀 佢 踹住 啊 ，只能夠 睇到 外面 嗰 便 。
只見 天井 嗰度 有 隻 大 石龜 ，背脊 上 便 呢 豎住 一 塊 大 石碑 ，嘿 有 嘢 講 喇 。
韋小寶話 ：肥尊者 ，你 阿爹 一味 趴 喺 個 天井 處 ，背脊 啊 矺住 幾萬斤 嘅 大石頭 ，幾 辛苦 啊 。
你 唔 去 救 下 佢 ，真係 不孝 喇 你 。
肥頭陀嬲嘞 ：咩嘢 我阿爹 趴 喺 天井 啊 ？亂講 ！
四十二章經 啊 總共有 八部 ，你 先至 攞得 一部 ，噉 得唔到 其餘 七部 ，淨係 一部 經書 有 乜鬼 用吖 ？
另外 七部 喺 邊處 啊 ？你 知唔知 啊 ？
我 梗係 知 㗎 。
喺邊處 ，快啲 講 。
你 如果 唔 講 ，我 一 腳 踩爆 你 頭殼 。
我 呢 就 本來 唔知 嘅 ，啱 先至 知 嘅 啫 。
啱先先至知 ？咩嘢 意思 啊 ？
韋小寶 伸長 條 頸 睇下 嗰個 石碑 。
嗰個 石碑 上面 刻滿 彎彎曲曲 嘅 篆文 ，韋小寶 梗係 唔識 啦 ，不過 佢 又 詐 假意 讀 碑文 噃 ，慢慢慢慢 噉 話 ：
四十二章經 總共 分 八部 ，第一部 藏 喺 河南省 個 咩咩山 咩寺 裏 便 嘅 ，吖 嗰 個 字 我 唔 識 喇 。
肥頭陀 問 佢 ：咩嘢 字 啊 ？
見佢 雙眼 睇實 天井 裏頭 嗰個 石碑 就 問 ：呢塊 石頭 上 便 有 刻住 嘅 咩 ？
韋小寶 唔理 佢 ，作狀 好 認真 噉 讀 啲 碑文 。
第二部 藏喺 山西省 咩咩山 嘅 咩 尼姑庵 裏 便 嘅 。
肥老兄 ，呢幾個字 我 唔識 嘅 ，啲字 又 刻得 好 模糊 ，你 文武全才 自己 睇 啦 。
肥 頭陀 信以 為 真 嘞 ，扚 起 韋小寶 行去 大殿 門口 仔細 噉 睇 個 石碑 。
碑上面 刻嘅 係 篆文 ，自己 一個 字 都 唔識 。
只聽見 韋小寶 繼續 噉 話 ：
第三部 喺 四川 咩嘢 山 喇 ，呢個 字 我 又 唔 識 嘞 。
肥頭陀 早就 聽 人 講過 四十二章經 呢 總共有 八部 ，必須 要 八部 一齊 得到 先至 有用 嘅 。
至於 收埋 喺 邊處 呢 佢 就 一無所知 嘞 。
聽 韋小寶 噉樣 講 ，就 一啲 都 唔 懷疑 。
即刻 就 拉佢 起身 ，問 佢 ：第四部 收埋 喺 邊處 啊 ？
韋小寶 蒙埋 雙眼 望 實 石碑 ，個 頭殼 又 向 左 便 側 一側 ，又 向 右 便 側 一側 ，然後 擰 一擰 頭 話 ：睇唔清楚 啊 。
肥頭陀 扚起 佢 ，向 石碑 行咗 三步 ，呢個 距離 就 好近 嘞 。
睇 到 啦 嘛 ？ 第四部 收埋 喺 邊 處 啊 ？
韋小寶 話 ：哎呀 我 個 頭 好 痕 啊 。
咩嘢話 ？
呢間廟啊 有 狗虱 嘅 ，喺 我 頭髮 裏 便 咬 我 。
肥老兄 ，你 幫 我 捉佢 出嚟 啦 。
我 個 頭 痕 得 好 厲害 啊 雙眼 睇 嘢 睇唔 清楚 嘞 。
肥頭陀 除咗 佢 頂帽 ，伸出 隻 大手 ，用 五隻 鼓槌 咁 大 嘅 手指 喺 佢 頭髮 裏 便 撓 幾下 ：唔痕 啦 嘛 ？
哎吖唔得㗎唔得㗎 ，嗰隻狗虱 啊 咬 我 左便頭殼 ，你 又 撓 右便 喎 ，越 撓 越 痕 。
噉 肥頭陀 就 去 撓 佢 左 便 頭殼 。
哎呀 ，隻 狗 虱 跳咗 入 我 條 頸 裏 便 啊 ，你 睇唔睇見 啊 ？
肥頭陀 明知 佢 係 作怪 㗎喇 ，不過 仲係 放開 佢 ，只係 用 左手 輕輕 撳住 佢 膊頭 怕 佢 逃走 ，佢 話 ：
你 自己 撓 啦 。
韋小寶 話 ：哎呀 你個 死鬼 狗虱 吖 好 厲害 啊 ，實係 三年 冇 食 人血 定 嘞 。
本來 係 矮矮肥肥 嘅 ，而家 呢 餓到 又 瘦又扁 ，搏命 噉嚟 為難 老子 啊 。
講完 ， 左手 伸入 條 衣領 處 出力 咁 撓 痕 嘞 噃。
肥頭陀 知道 佢 兜 個 圈 鬧 自己 係 狗虱 ，只係 詐諦 唔知 嘞 佢 問 ：
第四部 經書 收埋 喺 邊處 啊 ？
嗯 ，第四部 經書 就 收埋 喺 ，喺咩嘢 少 ，少林寺 嘅 達 ，誒 達乜鬼 院 啊 。
肥頭陀 吃咗 一驚嘞 ，收埋 喺 少林寺 嘅 達摩院 啊 ？
韋小寶 見到 佢 對 十八 少林 僧 啊 十分 避忌 ，而 呢班 少林 僧 呢 ，又 話 係 達摩院 嘅 ，就 故意 出 個 難題 戲弄 佢 一下 。
估計 佢 就算 有天 咁大 嘅 膽 啊 亦 唔 敢 去 少林寺 達摩院 偷經 。
韋小寶 話 ： 呢 個 魔 字 啊 ， 我 又 唔 識 啊 。
肥老兄 ，你 連 呢個 咁深 嘅 字 都 識得 ，又 何必 叫 我 讀 吖 ？
啊係喇 你 想 考下 我 。
講起嚟 真係 醜 啊 ，我 一行 裏頭 呢 ，總 有 幾個 字 唔識 嘅 。
肥頭陀 打斜眼 睇 下班 和尚 ，佢 問 ：
噉 第五部 經 ，收埋 喺 邊處 啊 ？
少林寺 係 武林 中 嘅 大門派 ，韋小寶 啊 聽 海大富 講過 ，又 聽 佢 講 皇太后 冒充 武當派 ，皇太后 呢 就 講 海大富 係 崆峒派 。
武當 、崆峒 諗落嚟 亦都係 兩大 門派 嘞 。
於是就 將 第五部 、第六部 講成 係 收埋 喺 武當山 同 崆峒山 。
肥頭陀 嘅 面色 越嚟越 難睇 嘞 。
韋小寶 話 第七部 經書 ，係 雲南 沐王府 嘅 人 得 咗 去 。
第八部 呢 ，就 喺 雲南 咩 西王 嘅 王府 裏 便 噉 。
因為 白寒楓 啊 畀過 苦頭 佢 食 ，噉樣 講 呢 可以 搞到 沐王府 多啲 麻煩 。
吳三桂 平西 王府 裏 便 呢 就 好手如雲 ，連 師父 都 十分 避忌 嘅 ，肥頭陀 如果 敢 去 惹 是生非 呢 一定 撞 大板 。
誰知 肥頭陀 突然間 變咗 面色 ：你 話 第八部 經書 係 喺 平西王府 裏頭 啊 ？
韋小寶話 ：呢個字 我 唔識 啊 唔知 係唔係 平西王 呢 ？
亂噏 ！呢塊 石碑 冇 一千年 都有 五百年 嘞 。
吳三桂 有 幾多 歲 啊 ？幾百 年前 嘅 碑文 ，點 會 寫住 吳三桂 嘅 平西王 吖 ？
嗰塊 石碑 就 顏色 烏黑 ，石龜 同埋 石碑 上 便 生 滿晒 青苔 ，所刻 嘅 文字 呢 斑駁 殘缺 ，一望 就 知道 係 幾百 年前 嘅 古物 。
韋小寶 唔識得 啊 ，只係 信口開河 就 扯到 吳三桂 嘅 身上 。
佢 諗 ：弊嘞 弊嘞 弊嘞 。
但係 個 嘴 呢 仲 喺度 強辯 噃 ：
我 都 話咗 唔識 呢個 字 㗎 啦 ，係 你 話 平西王 啫 嘛 ，講唔定 古時候 雲南 有 個 狗西王 、貓西王 、烏龜西王 呢 ？
肥老兄 ，我 同 你 講吖 ，呢啲 字 彎彎曲曲 好 難 認㗎 。
你識 就 話識 ， 唔 識 就 話 唔 識 ， 你 唔 識 就 夾硬話識 ， 讀成 咗 平西王 吳三桂 。
呢處 咁多 位 大和尚 個個 都 學問 高深 嘅 ，你 亂咁 讀 白字 啊 ，唔 笑 歪 人哋 個 嘴 咩 ？
哈呢番説話 就 極 有道理 噃 ，講到 肥頭陀 當堂 滿面 通紅 。
不過 佢 唔 嬲 ， 岌一 岌 頭 佢 話 ：
呢啲 蝌蚪字 我 一個 字 都 唔 識 ，原來 唔係 平西王 啊 。
噉 下 便 又 寫 住 啲 咩 嘢 字 啊 ？
韋小寶 諗 ：哎呀 險過 剃頭 ，要 講翻 幾句 好聽啲 嘅 説話 等 佢 開心 下 至 得 。
呢個 頭陀 將 蛇島 講成 係 神龍島 ，又 識 肥豬柳 燕 嘅 九成九 係 神龍教 嘅 人 定 嘞 。
於是 打側 個 頭 睇咗 一陣 佢 話 ：
下面 好似 係 ， 壽與天 ， 天 ， 天 咩 嘢 啊 ？
肥頭陀 個 神情 當堂 緊張 起嚟 ：你 仔細啲 睇下 ，壽 與 天 咩嘢 啊 ？
好似 係 一個 ，一個 誒 ，誒 一個 齊字 ，吖 冇 錯 冇 錯 ，係 壽 與 天 齊 啊 。
肥頭陀 歡喜 咯 猛咁 搓手 話 ：果然 有 呢句 説話 ，誒 仲 有 咩 嘢 字 啊 ？
韋小寶 指住 石碑 話 ： 呢 啲 字 啊 古古怪怪 認真 難認 啊 。
係 喇 ， 呢 個 係 洪字 。
洪教主 三個 字啊 ，又 有 神龍 兩個 字 嘅 。
你 睇 ，呢個 係 神通廣大 四個 字 。
嘩 ， 真 係 洪 教主 有 噉 嘅 福分 啊 ， 壽與天 齊 ？
呢個 千年 石碑 上 便 ，早就 寫定 喺度 㗎喇 ？
係啊 ，上面 仲 寫住 係 ，誒 ，係 唐太宗 李世民 立 嘅 碑 添 噃 ，佢 派 秦叔寶 、程咬金 立 嘅 。
碑上面 寫得 明明白白 ，唐朝 有 個 上知千年下知千年 嘅 軍師 叫做 徐茂功 ，佢 算到 千年 之後 呢 ，大清朝 有 個 神龍教 洪教主 神通廣大 、壽 與 天 齊 啊 。
喺 揚州 茶館 裏 便 講古 先生 呢 講 隋唐 故事 ，韋小寶 啊 聽得 好多 ，咩嘢 程咬金 啊 徐茂功 個 名 啊 滾瓜爛熟 。
至於 洪教主 神通廣大 壽與天齊 呢 ，係 佢 喺 莊家 大屋 裏 便 啊 聽 章老三 佢哋 神龍教 教眾 講 嘅 。
果然 肥頭陀 一聽 ，歡喜 到 癲 喇 擘 大 個 口 合唔翻 嘞 。
韋小寶 話 ： 呢 個 石碑 後 便 唔 知仲寫 咗 啲 咩 嘢 呢 ？
肥頭陀 話 ：哦 ，去 睇下 ，就 行 去 石碑 後 便 睇 嘞 喎 。
韋小寶 趁 呢個 機會 一個 箭步 跳去 後便 。
肥頭陀 吃咗 一驚 ，連忙 想 去 捉翻 佢 。
兩便 四名 少林 僧 同時 揮掌 拍出 。
肥頭陀 唯有 揮拳 抵擋 啦 。
呢陣時 韋小寶 已經 跳到 少林 僧 嘅 後便 嘞 。
同時又有 四名 少林僧 湧上去 。
八名 少林 僧 雙腳 都 唔停 啊 ，圍住 肥頭陀 猛咁 走 ，雙手 啊 不斷 發招 ，都 唔理 呢一招 係唔係 擊中 對方 ，總之 就 一擊 就 走 ，此 上 彼 落 。
十六隻手啊由八個方位打到 ，完全係一個練習有素嘅陣法 。
肥頭陀 守得 好 嚴密 啊 ，不過 以 一 敵 八 呢 ，確係 頂唔順 。
只聽見 啪啪 兩聲 ，一名 少林 僧 同 肥頭陀 各中 一掌 。
嗰個 少林僧 跳出 圈子 ，另外 一名 僧人 呢 就 補咗 佢 個 位 。
噉啊再鬥一陣 ，肥頭陀 隻 大髀 啊 畀 人 踢咗 一 腳 。
佢 雙手 伸直 轉咗 個 圈 ，將 八名 少林 僧 啊 逼到 各自 退開 兩步 。
肥頭陀 話 ：停手 ！
噉啊 八僧 呢 又 各 退 兩 步 。
今日 寡 不敵 眾 ，經書 就 畀 翻 你哋 啦 。
喺 身邊 攞咗 部 經書 出嚟 。
澄心 左手 一揮 ，八名 少林 僧 啊 行 上 兩步 ，同 肥頭陀 啊 距離 唔到 三尺 ，各人 提掌 蓄勢 。
肥頭陀 唔理 佢哋 ，將 部 經書 交畀 澄心 。
澄心 喺 丹田 裏 便 調勻 內息 ，周身 充滿 咗 暗勁 ，左手 三指 啊 捏訣 ，等到 攻守 俱備 之後 ，然後 先至 伸出 右手 慢慢 將 經書 接過嚟 。
點知 肥頭陀 並冇 搞鬼 噃 ，噉 交還咗 經書 微微 一笑 佢 話 ：
澄心大師 ，你哋 少林寺 十八羅漢 名 滿 天下 ，十八 個 人 打 我 一 個 ，未免 唔係 點 光彩 啩 ？
澄心 將 經書 放入 懷抱 合十 躬身 話 ：
得罪喇 。少林僧 單打獨鬥 ，唔係 肥尊者 嘅 對手 。
左手 一揮 ，眾僧 一齊 退開 。
因為 怕 佢 又 嚟 捉 韋小寶 啊 ，五六 名 僧人 都 擋住 佢 前便 。
肥頭陀 話 ：韋施主 ，我 有 件事 誠心 請求 你 ，請 你 應承 。
韋小寶 話 ：咩事呢 ？
我 想 請 你 去 神龍島 做 幾日 客人 。
咩話 ？要 我 去 神龍島 啊 ？呢種 地方 。
小施主 嘅 經書 由 澄心 大師 收咗去 ，轉呈 畀 少林 方丈 。
小施主 唔使 擔心 㗎 ，你 到 神龍島 我哋 全 教上下 ，一定 用上 賓之禮 恭敬 相待 。
見過 洪教主 之後 ，一定 送 小施主 平安 離島 嘅 。
佢 見 韋小寶 扁 下個 嘴 ，顯然 係 唔信 自己 嘅 説話 喇 。
澄心大師 ，請 你 做個 證人 ，我 肥頭陀 講過 嘅 説話 ，有冇 話 唔算數 㗎 ？
澄心 知道 呢 個頭 陀行 為 邪妄 ， 但 係 亦 冇 重大 嘅 罪行 。
佢 肥瘦 兩個 頭陀 啊 言出必行 ，卻 係 早 有所聞 ，佢 話 ：
肥尊者 言出有信 ，係 眾所周知 嘅 。
只不過 韋施主 身 有 要事 ，恐怕 未必 得閒 去 神龍島 啫 。
韋小寶 話 ：噉唔係 ，我 忙到 要死 啊 。
噉啦 ，將來 得閒 喇 ，我 再 去 神龍島 會見 肥尊者 同 洪教主 啦 。
應該 講 係 洪教主 同 佢 老人家 嘅 下屬 肥頭陀 。
因為 第一 ，天下 冇 人 可以 排名 先過 佢 老人家 嘅 。
講咗 第二個 人 嘅 名 先 再 提 洪 教主 ，噉 就係 非常 唔 恭敬 啊 。
噉 皇帝 呢 ？
梗係 洪教主 在 前 ，皇帝 在 後 啦 。
第二 ，喺 教主 佢 老人家 面前 ，唔能夠 提 咩 尊者 真人 嘅 稱呼 。
普天之下 ，唯 洪教主 一人 為尊 啊 。
嘩 ，洪教主 咁 厲害 㗎 ，我 更加 唔敢 去 見 佢 嘞 。
洪教主 仁慈 愛眾 ，恩澤 被 於 天下 。
好似 小施主 噉 嘅 聰明伶俐 嘅 少年 英雄 ，佢 老人家 見咗 一定 十分 歡喜 嘅 。
小施主 去 一趟 神龍島 ，必定 滿載而歸 啊 。
教主 佢 老人家 賞賜 好多 嘢 畀 你 ，噉 就 不必 講 嘞 ；
講唔定佢老人家一高興 ，教翻你一招半式 ，從此 小施主 縱橫天下 ，終身受用不盡喇 。
佢 呢番 説話 講得 非常之 誠懇 。
韋小寶 記起 陶紅英 嘅 説話 ，喺 莊家 呢 見到 章老三 呢班 人 嘅 舉止 ，又 想起 皇太后 同 柳燕 ，男扮女裝 假 宮女 嘅 樣 ，對 神龍教 啊 真係 講唔出 咁 討厭 。
不過 比較起嚟 呢 ，佢 所 認識 嘅 神龍教 咁 多人 當中 ，都 仲 係 呢個 肥頭陀 有 幾分 英雄氣概 。
不過 佢 初初 恃惡 搶咗 部 經書 ，將 自己 扚嚟扚去 ，忽然間 態度 變晒 ，請 自己 去 神龍島 作客 ，嗯 梗係 不懷好意 嘅 。
咪 睇 佢 講 呢句 説話 嘅 時候 客客氣氣 啊 ，皆因 佢 打唔過 少林 僧 而已 啫 。
少林僧 一 走 ，必定 又 係 兇狼 霸道 㗎嘞 ，邊個 制得 服佢 啊 ？
於是 猛咁 擰頭 話 ：我 唔去 ，我 唔去 啊 。
肥頭陀 好 失望 嘞 ，睇咗 自己 周圍 十八 少林 僧 一 眼 ，慢慢 噉 話 ：
小施主 ，我 嘅 武功 同 佢哋 十八位 大和尚 相比 ，邊個 叻 啊 ？
韋小寶 話 ： 各有所長 啦 。
咩 嘢 各有所長 吖 ？
如果 一對一噉 打 ，佢哋 贏得到 我 啊 ？
一對一 講唔 定 係 你贏 ， 一對 十八 就 一定 係 你 輸 嘞 ， 噉 先至 各有所長 吖 嘛 。
如果 一對一 亦 係 你 輸 ，噉 你 仲 長 個 屁 咩 ？你 不過 身 長啲 啫 。
好似 我 噉樣 武功 高強 嘅 人 ，你 見過 未 呢 ？
當然 見過 喇 ，你 嘅 武功 亦 不過 馬馬虎虎 啫 嘛 ，比 你 高強 十倍 嘅 人 啊 ，我 都 見過 唔少 啦 。
肥頭陀 好嬲啊 ，行前一步 伸手 又 想 捉佢 。
四名 少林 僧 啊 同時 用 掌 擋住 。
肥頭陀 話 ：你 話啦 ，邊個 嘅 武功 高過 我 啊 ？
韋小寶 一時之間 講唔出 嘞 。
師父嘅 武功 係 極高 㗎 嘞 ，不過 亦 未必 贏得到 佢 噃 。
肥頭陀 好得意 喇 ：你 睇 你 睇 ，你 講唔出 喇 係 唔係 啊 ？
咩嘢 講唔出唧 ？我 就係 唔想 講 怕 嚇親 你 咋 。
武功 高過 你 好多 個人 啊 ，嗱 ，第一位 ，係 天地會 總舵主 陳近南 。
我 見過 佢 喺 北京城 同 人哋 打交 ，雙手 捉住 四名 頭陀 。
每個 頭陀 呢 都有 二百 幾 斤 重 嘅 ，佢 雙腳 一䟴 ，就 飛身 跳過 城墻 嘞 。
你 同 佢 比 啊 ，差得 遠 啦 。
吹牛 。
肥頭陀 亦 聽過 陳近南 個 名 ，但係 決唔信 佢 能夠 捉住 四個人 飛身 跳過 城牆 嘅 。
韋小寶 話 ：第二位 武功 高強 嘅 人 呢 ，係 江南 一 位 嬌滴滴 嘅 少奶喇 。
佢 講到 呢處 ，睇 一睇 雙兒 。
雙兒 一味 耍手 ，叫佢 唔好 講 啊噉 。
但係 韋小寶 話 ：呢位 少奶 啊 ，曾經 同 三十六 個 武當派 嘅 道士 打交 ，噉 三十六 個 道士 都 圍住 佢 ，使出 一種 咩嘢 ，咩咩 陣法 嚟 。
係 武當派 嘅 陣法 ，空手 㗎 抑或 使 劍 㗎 ？
使劍嘅 。
係 真武 劍陣 啊 。
係冇錯冇錯 ，啊肥大師 你 見多識廣 ，知道 係 真武劍陣 。
嗰個 時候 三十六 把 寶劍 圍住 嗰個 少奶 ，劍光 閃閃 啊 水 都 潑 唔 入 啊 。
嗰位 少奶 係 左手 抱住 個 細佬哥 ，右手 係 空手 嘅 。
咩嘢話 ？佢 左手 抱住 細佬哥 同 武當派 比武 啊 ？
噉 有 咩 咁 稀奇 唧 ？佢 抱住 一對 孖仔 添 噃 ，都 係 男仔 嚟 ，肥嘟嘟 嘅 。
噉佢 一便 氹住 個 細佬 哥 話 ：兩個 乖乖 ，唔好 喊 ，你哋 睇住 媽媽 變把戲 吓 。
一便呢 將 三十六 名 道士 揸住 嘅 寶劍 冚𠾴 唥 都 搶晒 。
又 將 呢啲 道士 啊 點咗 穴道 ，一個個 企 喺 嗰處 ，好似 泥菩薩 噉 ，逳 都 唔 逳得 。
嗰位 少奶 抱住 細佬哥 ，等 佢哋 掹 老道士 嘅 鬍鬚 。
嘿 ， 啲 老 道士 啊 嬲 到 吹 鬚 睩 眼 ， 對 孖 仔 呢 笑 到 唔 知 幾 開心 啊 。
武當派 同 少林派 齊名 ，武功 啊 各有千秋 ，呢一點 呢 ，韋小寶 係 知道 嘅 。
佢 見 肥頭陀 鬥 唔過 十八 名 少林 僧 ，就 話 嗰個 少奶 打敗 咗 三十六 名 道士 。
噉 武功 邊個 叻 邊個 唔叻 都 唔使 講 嘞 。
肥 頭陀 聽到 傻 咗 噉 ， 歎 咗 口氣 話 ： 唉 ， 天下 間 竟然 有 咁 神奇 嘅 武功 嘅 。
韋小寶 見 居然 呃到 佢 ，非常 得戚 噉 話 ：嘿 ，唔怕 同 你 講 啦 ，呢位 少奶 啊 就係 我 嘅 契媽 。
噉 又 嚇咗 肥頭陀 一 驚嘞 。
係 你 契媽 啊 ？ 佢 姓 咩 㗎 ？ 武林 裏 便 有 咁 厲害 嘅 人物 ， 我 點解 冇 聽見 過呢 ？
韋小寶 話 ：武林 裏 便 厲害 嘅 人物 好多 ，呢 好似 我 呢個 老婆 吖 。
佢 指 一 指 雙兒 話 ： 你 睇 佢 吖 ， 小巧玲瓏 ， 嬌滴滴 噉 ， 點 知道 佢 一身 武功 啊 。
雙兒 成個 面 都 紅晒 佢 話 ：相公 你 唔好 亂講 啦 。
肥頭陀 同 雙兒 交過手 ，好似 噉樣 一個 姑娘仔 居然 身手 了得 ，如果 唔係 親眼 睇見 啊 ，都 幾 難 信得落 嘅 。
佢 岌一岌頭 笑住 話 ：講得啱 ，講得啱 。
噉 小施主 既然 唔肯 去 神龍島 咯 ，噉 亦 冇法子 啦 ，各位 請 。
嗱 各位 ，欲知 後事 如何 ，且 聽 下回 分解 。
