前文 再續 啊 書 接 上 一回 。
話説 韋小寶 同 雙兒 喺 半路 撞到 個 頭陀 ，又 高 又 瘦 ，佢 撳住 韋小寶 個 膊頭 問 ：
你 係 唔 係 皇宮 裏 便 嘅 太監 小桂子 啊 ？
呢隻 大手 喺 膊頭 一撳 ，韋小寶 當堂 全身 都 軟晒 逳 都 唔 逳得 ，佢 話 ：
你亂噏啦 ，你睇我似太監咩 ？我係揚州嘅韋公子 。
雙兒 又 喝 佢 話 ：快啲 放手 ！點解 對 我哋 相公 咁 冇禮 啊 ？
嗰個 頭陀 用 隻 右手 想 撳 雙兒 嘅 膊頭 ，佢 話 ：
聽 你 把 聲 啊 ，你 亦 係 個 小太監 。
雙兒 右膊 一沉 ，避開咗 ，伸出 食指 飛快 咁 點 佢 天豁穴 ，噗 一聲 ，點到正 。
但係 手指 掂到 嗰處 啊 好似 鐵板 噉 ，只 覺得 指尖 痛到 不得了 ，連 手指 都 爭啲 斷 咁滯 啊 ，不禁 哎吖 噉 叫咗 上嚟 。
跟住 膊頭 一 痛 ，已經 畀 嗰個 頭陀 隻 葵 扇 咁 大 嘅 大手 捉住 。
嗰 個頭 陀 騎騎 騎 噉 笑 咗 三聲 佢 話 ： 你 呢 個 小太監 武功 好好 ， 厲害 啊 ， 真正 厲害 。
雙兒 飛起 左腳 ，啪 一聲 ，踢佢 大髀 。
呢一下 就 直情 好似 踢中 一 嚿 石頭 噉 咯 大叫 一 聲 哎吖 ，眼淚 就 惦 流 嘞 。
嗰個 頭陀 話 ：小太監 武功 使得 啊 ，認真 厲害 。
雙兒話 ：我唔係 小太監 ，你先係 小太監 ，哎呀 ，哎呀 。
你 睇 我 似唔似 太監 吖 。
快啲 放手 啦嘛 ，你 仲 唔 放 我 要 鬧人 㗎 喇 。
你 點 我 嘅 穴道 ，踢 我 大髀 我 都 唔 怕 ，仲 怕 你 鬧 人 咩 ？
你 武功 咁 高強 ，實係 皇宮 裏 便 派出嚟 嘅 ，我 要 搜查 下 。
韋小寶 話 ：你 武功 仲 高 啦 ，噉 你 更加 係 皇宮 裏 便 派出 嚟 㗎 喇 。
嗰個 頭陀 話 ：哈 ，你 呢個 小太監 乜 咁多 嘢 講 嘅 ？
左手啊扚起韋小寶 ，右手啊扚起雙兒 ，向住山上 飛咁快就走 。
韋小寶 同 雙兒 啊 大聲 咁 叫 咯噃 ，嗰個 頭陀 理 都 唔 理 ，扚住 兩個 人 ，直情 好似 冇 嘢 噉 啊 。
于 八佢哋 睇到 眼 都 擎晒 ，聲 都 唔 敢 聲嘞 。
嗰個 頭陀 順住 山路 走咗 幾丈 ，突然間 向住 山坡 上面 冇路 個 地方 猛咁 走 ，真係 上山 如履平地 啊 。
韋小寶 只 覺得 耳邊 呼呼聲 風 響 ，個 心 諗 ：
呢個 頭陀 咁 犀利 ，唔通 係 山神 鬼怪 ？
走咗 一陣 ，嗰個 頭陀 放低 兩個 人 喺 地 ，向 上面 一 指 佢 話 ：
如果 你 唔 老老實實 講 呢 ，我 捉 你 去到 嗰個 山頂 掟 落嚟 。
佢 指 嗰個 山 好 高 㗎 ，山頂 啊 ，畀 啲 雲 遮住 晒 睇唔見 。
韋小寶 話 ：好喇好喇 ，我 老實 講 啦 。
噉就算 你 識做 。
你 到底 係 咩嘢 人 ？呢個 僆仔 係 邊個 ？
大師傅 ，佢 唔係 僆仔 啊 ，佢 係 我 嘅 ，誒 係 我 嘅 。
係 你 嘅 咩 嘢 人 啊 ？
係 我嘅 ，老婆 啊 。
老婆 呢 兩個 字 一 出口 ， 嗰 個頭 陀同 雙兒 都 大吃一驚 ， 雙兒 啊 直情 滿面 通紅 嘞 。
嗰個 頭陀 問 ：咩 話 ？咩 老婆 啊 ？
唔 怕 同 大師傅 講啦 ， 我 係 北京城 嘅 富家 公子 ， 就 鐘意 咗 隔 籬屋 呢 位 小姐 ， 於是 ， 於是 我 哋 喺 後花園 私定終身 。
哈點知佢阿爹唔應承噃 ，噉我帶佢趯佬出嚟嘞 。
你 睇下 佢 係 個 姑娘 嚟 㗎 ，點 會 係 小太監 呢 真係 冤 哉 枉 也 嘞 。
嗱 你 如果 唔信 ，你 除咗 佢 頂 帽 睇 你 就 知 㗎 嘞 。
嗰個 頭陀 除咗 雙兒 頂帽 ，即刻 打出 一頭 秀髮 。
噉 當 其時 天下 間 除 咗 僧 、 道 、 頭陀 、 尼姑 呢 啲 出家人 之外 呢 ， 都 要 剃 去 前 半 便 頭髮 嘅 。
雙兒 嘅 頭髮 一褸 落嚟 就 一直 髧 到 落 膊頭 ，噉 梗係 個 女仔 嘞 。
韋小寶 話 ：大師傅 ，唔該 你 啦 ，你如果 將 我哋 送畀 官府 ，噉 我哋 就 冇 命 㗎 喇 。
嗱， 我 畀 一千兩 銀過 你 ， 你 放 咗 我 哋 啦 。
嗰個 頭陀 話 ：噉樣 講 ，你 真係 唔係 太監 嘞 噃 ？
呵呵 邊度 有話 太監 拐帶 人 哋 嘅 女 私奔 㗎 ？ 哼 ， 你 咁 細個 ， 個膽 都 幾大 㗎 噃。
講完 就 放開咗 佢 。
你哋 上 五台山 嚟 做 咩嘢 啊 ？
我哋 上 五台山 嚟 拜佛 囉 ，求 菩薩 保佑 ，等 我 呢個 落難 公子 中咗 狀元 ，噉 將來 佢 呢 ，誒誒 我 呢個 老婆 呢 ，就 能夠 做 一品 夫人 喇 。
佢 講 嘅 喺 後花園 私定 終身 ，落難 公子 中 狀元 等等 呢 ，都 係 佢 喺 揚州 聽 講 古 先生 講 嘅 。
嗰個 頭陀 諗咗 一陣 就 話 ：
噉係 我 認錯人 喇 ，你哋 走啦 。
韋小寶 好 歡喜 啊 佢 話 ： 啊 多謝 大師 。
噉 我 哋 以後 拜 菩薩 嘅 時候 呢 ， 就求 菩薩 保佑 ， 保佑 你 大師 將來 亦 都 ， 誒 亦 都 做 個 大 菩薩 ， 同 文殊 菩薩 、 觀音菩薩 平起平坐 嘅 。
講完 就 拖住 雙兒 隻 手 就 行 嘞 噃 。
啱啱 行咗 幾步 ，嗰個 頭陀 話 ：唔係 ，返嚟 ！
姑娘仔 ，你 嘅 武功 好 厲害 ，點咗 我 一指 ，踢咗 我 一腳 。
講完 ，摸一摸 條腰 嘅 天豁穴 。
你 嘅 武功 係 邊個 教 㗎 ？ 係 邊 一家 㗎 ？
雙兒 就 唔會 講 大話 嘅 ，唂 到 面 都 紅晒 擰擰頭 。
韋小寶 話 ：佢 嗰啲 係 家傳 嘅 武功 ，係 佢 老母 教 嘅 。
姑娘仔 姓 咩嘢 啊 ？
姓咩嘢啊 ，嘿嘿 ，講起上嚟 有啲 唔係 點 方便 噃 。
咩嘢 唔方便 啊 ，快啲 講 ！
雙兒話 ：我哋 姓 莊 。
姓莊 ？唔啱 ，你 呃人 嘅 ，天下 姓莊 嘅 人 裏 便 ，冇 噉嘅 武功 高手 能夠 教出 你 噉樣 嘅 女 。
韋小寶話 ：天下間 武功 好 嘅 人 極多 ，你 又 點 知道 晒 咁多 呢 ？
哈 ，我 喺度 問 姑娘仔 你 就 唔好 嘈 生晒吓 。
講完 ，輕輕 喺 佢 膊頭 一 推 ，佢 呢 一 推 啊 用力 極之 輕 ，就 怕 呢個 細路 頂唔住 。
點知道 手掌 啱啱 掂到 韋小寶 個 膊頭 唧 ，只覺得 佢 順勢 一帶 一卸 ，雖然 毫無 勁力 啊 ，但係 所用 個 招式 呢 ，係 一招 風行草偃 。
見佢 移肩 轉身 ，左掌 護面 ，右掌 伏擊 ，居然 有 啲 路數 噃 。
嗰個 頭陀 有 啲 奇怪 喇 ，一手 執住 佢 心口 。
韋小寶 右掌 督 出去 ，一招 靈蛇 出動 ，吖 又 係 使得 一啲 都 冇 錯 ，噗 一聲 ，督 喺 嗰個 頭陀 條 頸 下 便 。
誰知 手指 又 好似 督落 鐵板 噉 ，痛到 佢 叫 救命 啊 。
雙兒 雙掌 飛舞 向 頭陀 展開 攻擊 。
嗰個 頭陀 掌心 發力 ，將 韋小寶 心口 嘅 穴道 封住 ，就 回身 同 雙兒 打 嘞 。
雙兒 飚 高 伏 低 身法 輕盈 。
但係 嗰個 頭陀 過咗 七八招 之後 ，已經 捉住 佢 嘅 雙手 ，手踭 一撞 ，封住 佢 穴道 ，就 擰轉 身 問 韋小寶 咯 ：
你話 係 富家公子 ，點解 會 使 遼東 神龍島 嘅 擒拿功夫 啊 ？
韋小寶話 ：我 係 富家公子 ，點解 唔能夠 使 遼東 神龍島 個 功夫 啊 ？
唔通 實要 窮佬仔 先 能夠 使 嘞噃 ？
佢 把 口 呢 就 敷衍 住 佢 ，拖延 時刻 ，個 心 就 飛快 咁 諗 嘞 ：
遼東 神龍島 功夫 係 咩 功夫 呢 ？
吖 ，冇錯喇 。
海老烏龜 講過 ，老舉乸 呢 假冒 武當派 ，其實 係 遼東 蛇島 嘅 功夫 。
嗰個 神龍島 呢 九成 就係 蛇島 嘞 。
冇錯喇 ，老舉乸 同 神龍教 嘅 人 勾勾搭搭 ，佢哋 嫌 個 蛇字 唔好聽 ，就 自稱 為 神龍 。
小玄子 嘅 功夫 係 老舉 乸 教 嘅 ， 噉 我 時時 同 小玄子 拆招 比武 ， 不知不覺 就學 咗 佢 呢 幾下 擒拿 手法 喇 。
嗰 個頭 陀話 ： 亂 噏 啦 你 ， 你 師父 係 邊個 啊 ？
韋小寶 個心 諗 ： 如果 話 呢 個 功夫 係 老舉 乸 教 嘅 ， 噉 等於 招認 自己 喺 宮裏 頭 嘅 小太監 啦 。
於是 佢 就 話 ：係 我 阿叔 一個 相好 ，一個 柳燕 阿姨 教 嘅 ，佢 好 肥 㗎 。
嗰個 頭陀 非常 奇怪 喇 ：柳燕 ？柳姑娘 係 你 阿叔 嘅 相好 咩 ？你阿叔 係 咩嘢 人 啊 ？
我 阿叔 叫做 韋大寶 ，係 北京城 有名 嘅 風流 公子 嚟 㗎 ，啲 銀 一 使 啊 就 一千 兩 。
佢 個 樣 呢 好似 做戲 嘅 小生 噉樣 嘅 ，嗰個 柳 姑娘 一 見到 佢 啊 入晒迷 嘞 。
柳姑娘 時時 都 三更半夜 嚟 我 屋企 㗎 ，喺 我哋 花園 嘅 圍牆 跳入 跳出 。
噉 我 纏住 佢 要 佢 教 我 武功 ，噉 佢 就 教咗 我 幾 手 喇 。
嗰個 頭陀 將 信 將疑 啊 ：你 阿叔 會唔會 武功 呢 ？
韋小寶 哈哈大笑話 ：哈哈哈 ，佢 識 個 屁 ！
佢 時時 畀 柳燕 姑娘 捉住 條 頸 ，扚嚟扚去 ，冇得 逳卒 啊 。
噉 我 叔 啊 嬲 起 上嚟 又 鬧 佢 喇 ：係 個 仔 扚 老豆 啫 嘛 。
柳燕姑娘 啊 笑住 話 ：係啊 ，係 個仔 扚 老豆 又 點 啊 ？個孫 扚 老豆 都 唔 緊要 啊 。
韋小寶 啊 兜 個 圈 鬧人 ，之 個 頭陀 一啲 都 唔 覺 噃 ，只係 一味 追問 柳燕 嘅 形狀 相貌 。
韋小寶 講得 啊 一啲 都 冇 錯 ，佢 話 ：
呢個 肥 阿姨 最 鐘意 呢 就 着 紅色 嘅 繡花鞋 喇 。
大師傅 ，我 估 你 呢實 係 鐘意咗 佢 定 喇 ，係咪 呢 ？
你 幾時 見到 佢 呢 ，就 同 佢 一齊 瞓覺 ，瞓咗 呢 永遠 唔使 起身 就 好喇 。
嗰個 頭陀 唔 知道 柳燕 已經 死咗 ，呢番 説話 好似 係 風言風語 噉 ，其實 係 咒佢 。
細佬哥 亂噏 一通 啦 。
但係 對 佢 嘅 説話 呢 就 信晒 嘞 ，噉 啊 用 手 喺 佢 小腹 上 輕輕 一 拍 ，想 解 翻 開 佢 個 穴道 。
點知道 一拍 ，拍正 佢 收 喺 身邊 嗰 部 四十二章經 ，啪 一聲 ，但係 穴道 呢 冇 解開 。
嗰個 頭陀 問 ：咩嘢嘢 啊 ？
韋小寶 話 ：係 銀票 啫嘛 ，我 屋企 偷 翻嚟 㗎 。
吹牛啦 ，銀票 邊度 有 咁多 㗎 ？
噉啊 伸隻手 落 佢 懷抱 一摸 ，攞咗 嗰個 包裹 出嚟 ，解開嚟 一睇 ，係 一部 經書 。
佢 窒咗 一下 ，當堂 笑容滿面 大叫 話 ：四十二章經 啊 ，係 四十二章經 啊 ！
噉啊 急急 包翻 好佢 ，擠入 自己 嘅 懷抱 裏 便 。
一下揦住韋小寶 ，將佢舉到高高 ，大聲噉喝佢話 ：喺邊處得翻嚟嘅 ？
呢 一句 説話 就 唔 容易 回答 咯 。
韋小寶 笑住 話 ：嘿嘿 ，你 問 我 喺邊度 得翻嚟 㗎 係嘛 ？
嘿 講起 上嚟 啊 一匹布 咁 長 啦 ，一時間 ，點 講得完 噃 。
佢 拖延 時刻 ，要 想 一番 説話 天衣無縫 嘅 嚟 呃 呢個 頭陀 。
要話 經書 喺 邊處 得翻嚟 嘅 呢 ，就 求其 捏造 就 得㗎 喇 好 容易 嘅啫 。
但係 經書 已經 落入 佢 手 ，點樣 至 呃得 翻嚟 呢噉 就 難啲 嘞 。
嗰個 頭陀 又 問 一 聲 ：係 邊個 畀 你 嘅 ？
韋小寶 畀 個 頭陀 舉起 喺 半空中 ，突然間 見到 山坡 上 便 有 七八名 灰衣 僧人 行緊 嚟 。
睇個樣呢 ，係 清涼寺 後廟 見到 嘅 少林 十八 羅漢 嘅 人物 。
再轉頭一睇 ，又見到 幾個 ，噉啊 連埋 西便 上嚟 嗰 幾個 呢 ，總共有 十七八 名 。
嘿呀 佢 歡喜 喇 ，佢 諗 ：
賊頭陀 你 武功 硬叻 ，亦 打唔過 少林 十八 羅漢 。
嗰個 頭陀 又 話 ：快啲 講 ，快啲 講 啦 嘛 ！
佢 見 韋小寶 東張西望 ，就 順住 佢 眼光 睇 過去 。
見到 山坡 上面 東 、北 、西 三 便 有 十幾名 和尚 上緊嚟 ，不過 佢 亦 唔 放 喺 心上 ，佢 就 問 ：
嗰啲 和尚 嚟 做 咩嘢 㗎 ？
韋小寶 話 ：佢哋 聽講 大師傅 武功 高強 ，十分 佩服 啊 ，特登 嚟 拜 你 做 老師 嘅 。
我 從來 唔 收 徒弟 嘅 。
嗰個 頭陀 大聲 噉 喝 ：喂 ！你哋 快啲 躝扯 ，唔好 嚟 啰嗦 ！
呢一聲 呼喝 啊 山 鳴 谷 應 威勢 驚人 啊 。
不過 嗰 十八 名 僧人 呢 好似 唔 聽見 噉 ，一齊 上 咗 山坡 。
有個 長眉毛 個 老僧 合十 行禮 話 ：大師 係唔係 遼東 肥 尊者 啊 ？
韋小寶 聽咗 呢句 説話 ，雖然 係 畀 人哋 舉住 喺 半空中 啊 ，仲係 忍唔住 哈哈大笑 嘞 。
呢個 頭陀 身材 嗰種 瘦法 啊 世間 罕有 ，呢個 老和尚 問 佢 係唔係 肥 尊者 喎 ，實係 諷刺 佢 啦 。
誰知 嗰個 頭陀 大聲 話 ：冇錯 ，我 就係 肥頭陀 。
你哋 想 拜 我 做 老師 啊 ？我 唔 收 徒弟 㗎 。
你哋 跟 邊個 學過 武功 㗎 ？
嗰個 老僧 話 ：老衲 係 少林寺 澄心 ，忝 掌 達摩院 ，呢度 十七 位 師弟 都 係 少林寺 達摩院 嘅 同侶 。
吓 ？
肥頭陀 慢慢 將 韋小寶 放翻 落地 ，佢 話 ：
原來 少林寺 達摩院 十八 羅漢 統統 都 嚟晒 嘞 。
你哋 唔係 嚟 想 拜 我 做 老師 嘅 。
我 一個人 係 打 你哋 唔過 。
澄心合十話 ：大家 無冤無仇 都係 佛門 一脈 ，點能夠 講到 個 打字 呢 ？
羅漢 係 佛門 裏 便 嘅 聖人 ，我輩 凡夫俗子 唔敢 當 呢個 稱呼 。
不過 武林 嘅 朋友 亂 咁 尊稱 我哋 係 十八羅漢 真係 唔敢當 啊 。
遼東 肥瘦 二尊者 神功 無敵 ，我哋 素來 仰慕 ，今日 有緣 拜見 真係 大幸 喇 。
講到 呢處 ，其餘 嗰 十七 名 僧人 一齊 合十 行 禮 。
肥頭陀 就 躬身 還禮 ，佢 問 ：你哋 嚟 五台山 有 咩嘢 事 呢 ？
澄心 指住 韋小寶 話 ：呢位 小施主 同 我哋 少林寺 有 啲 淵源 ，求 大師 高抬貴手 放 佢 落山 。
肥頭陀 稍為 猶疑咗 一下 ，睇見 對方 人多勢眾 ，又 知道 少林 十八 羅漢 個個 都係 武功 驚人 嘅 ；
單打獨鬥 就 毫不在乎 啊 ，佢 十八個人 一齊 上 就 唔係 佢 手腳 嘞 ，佢 就 話 ：
好 ，睇 在 大師 份 上 放咗 佢 啦 。
講完 ，就 彎低 條腰 喺 韋小寶 個 肚 處 搓 咗 幾 下 ，解 翻 開 佢 嘅 穴道 。
韋小寶 一 企 起身 ，就 伸出 大手板 話 ：
嗰部 經書 呢 ，係 呢 十八 羅漢 嘅 朋友 交畀 我 嘅 ，叫 我 送去 ，送去 少林寺 ，交畀 住持 方丈 嘅 ，你 還 翻畀 我 啦 。
肥 頭陀 話 ： 咩 嘢 話 ？ 呢 部 經書 關 少林寺 咩 嘢 事 啊 ？
吖 你 搶 咗 我部 經書 ， 係 老和尚 叫 我 交 畀 人 㗎 非同小可 ， 你 快 啲 還翻 嚟 啦 。
亂噏 無為 啦 。
頭陀 一 轉身 ，就 向住 北便 山坡 下 便 跳落去 。
三名 少林 僧 飛身而起 ，伸手 揦 佢 手臂 。
肥頭陀 唔敢 同 佢哋 打 啊 ，側身 避開 三個 少林 僧 。
佢 個人 係 高得出奇 啊 ，但係 行動 係 輕巧 無比 。
少林 三僧 呢 一揸 ，都係 少林 武功 嘅 絕頂 ，吖 竟然 掂唔到 佢 件 衫 。
但係 肥頭陀 噉樣 慢咗 一慢 ，又 有 四 名 少林 僧 攔住 佢 後便 ，八掌 交錯 ，擋住 佢 去路 。
肥頭陀 用 足氣 大喝一聲 ：哇 ！雙掌 一招 五丁開山 推出去 ，趁住 呢股 威猛 氣勢 啊 ，擰轉頭 向南 便 飛快 咁 跑 。
但係 四名 少林 僧 同時 出掌 ，左右 夾攻 。
噉 肥頭陀 用 雙掌 迎敵 ，只 覺得 左方 擊嚟 嘅 掌力 非常 剛硬 ，右方 嘅 掌力 呢 ，就 含有 綿綿 嘅 柔勁 。
哎呀 個 心 一驚 ，即時 雙掌 運力 ，將 對方 掌力 消咗 ，就 喺 呢個 時候 ，背後 又 有 三 隻 手掌 揦 過嚟 嘞 。
肥頭陀 一擸眼 ，見到 左便 又 有 兩 僧 舉 拳 打過嚟 ，即刻 雙腳 一𨅝 向上 跳起 。
但係 見到 背後 三僧 伸出 嘅 手掌 啊 ，各 有 不同 嘅 ：一個 係 龍爪 ，一個 係 虎爪 ，一個 係 鷹爪 。
個心 當堂 怯咗 ，一拂 堂衫袖 ，捲起 一浸 旋風 ，左腳 落地 ，右手 就 將 韋小寶 揦住 佢 話 ：要 佢 死 定係 要 佢 生 啊 ？
十八個 少林僧 ，圍成 兩個 圓圈 ，分開 兩層 沊沊𡃈 將 佢 圍住 。
澄心話 ：呢位 小施主 嗰部 經書 關係 重大 ，請 大師 還 翻 畀 佢 結 個 善緣 ，我哋 感激不盡 。
肥頭陀 右手 將 韋小寶 高高噉 舉起 ，左掌 啊 撳住 佢 天靈蓋 ，大踏步 向 南面 就 走 。
呢個 局勢 係 好 明白 嘅 ，如果 少林 僧 出手 攔阻 ，佢 左掌 稍為 用力 ，韋小寶 即時 頭蓋 破裂 。
噉 啊 南方 擋住 路 嗰 幾名 少林 僧 啊 稍 為 遲疑 咗 一下 ， 念聲 阿彌陀佛 ， 就 唯有 讓開 嘞 。
肥頭陀 扚住 韋小寶 ，向住 南便 急急 腳噉 行 ，越行就越快 。
少林寺 十八 羅漢 施展 輕功 喺 後 便 跟到 實 。
呢個 時候 ，雙兒 啊 畀 頭陀 封閉 嘅 穴道 呢 ，已經 由 少林 僧 解開 。
佢 睇住 韋小寶 被 擒 個 心 好 慌 ，就 猛咁 追住 去 。
佢 拳腳 功夫 啊 因為 得到 高人 傳授 都 幾 使得 嘅 ，但係 到底 年輕 啊 ，內力 修為 同埋 十八 少林 僧 啊 相差 極 遠 ；
加之 身矮 腳繃短 ，只係 追 咗 兩里 幾 路 唧 ，就 已經 遠遠 落後 ，佢 個 心急 到 不得了 就 喊 起 上嚟 。
但係 一面 喊 一面 仍然 係 猛咁 追 。
再走咗一陣 ，肥頭陀 扚住 韋小寶 向住 正南 一座 高峰 飛奔而上 。
十八 少林 僧 呢排 成 單行 喺 後 便 追到 實一實 。
雙兒 走到 峰腳 已經 氣㗾氣喘 嘞 ，忽然間 聽見 隆隆聲 ，原來 一嚿嚿 大石 啊 喺 山路 轆落嚟 。
十八 少林 僧 啊 左 跳 右 跳 猛 咁 閃避 。
原來 肥頭陀 上山 嘅 時候 ，不停 咁 踢 路邊 啲 岩石 ，等 啲 石轆 落嚟 攔阻住 敵人 。
十八 少林 僧 啊 當然 唔會 畀 石頭 𢱕傷 啦 ，不過 同 頭陀 嘅 距離 呢 就 更加 遠 嘞 。
澄光方丈 啊 同 皇甫閣 打 嘅 時候 ，心口 受傷 ，損傷咗 內力 ，所以 十八個 和尚 呢 佢 係 行 包尾 大班 。
雙兒 走到 嘞 ，叫聲話 ：方丈大師 ，等埋我啦 。
澄光 企定 等埋 佢 ，見到 雙兒 走到 上 氣唔接下氣 好 慌噉 ，就 安慰 佢 話 ：
唔使怕 ，佢 唔敢 傷害 你 相公 嘅 。
噉就 拖住 雙兒 一齊 上山 嘞 。
呢座 山峰 係 五台山 嘅 南台 ，好在 山路 曲折 ，轉咗 幾個 彎 呢 ，肥頭陀 踢落嚟 嗰啲 石頭 就 𢱕唔到 人 嘞 。
等到 雙兒 跟住 澄光 上到 南台頂 ，只見 十七 名 少林 僧 啊 沊沊𡃈 圍住 一座 廟宇 ，肥頭陀 同 韋小寶 梗係 喺 廟 裏 便 嘞 。
五台山 總共有 五座 高峰 ，噉啊 各個 峰頂 呢 都有 一間 廟 嘅 。
五台山 係 佛教 裏頭 文殊菩薩 演教 嘅 場所 ，峰頂 每座 廟 裏 便所 供奉 嘅 文殊 啊 ，名號 不同 。
東台 望海峰 ，係 望海寺 ，供奉 聰明 文殊 ；
北台葉斗峰 ，係 靈應寺 ，供奉 無垢文殊 ；
中台 翠岩峰 ，係 演教寺 ，供奉 儒童 文殊 ；
西台 掛月峰 ，係 法雷寺 ，供奉 獅子 文殊 ；
南台錦繡峰 ，係 普濟寺 ，供奉 智慧 文殊 。
而家 佢哋 上 嘅 山峰 就係 錦繡峰 ，嗰座 廟 呢 ，就係 普濟寺 嘞 。
雙兒 叫 咗 幾聲 ： 相公 ， 相公 ！ 唔 聽見 有人 應 ， 就 嗱嗱 聲 走入 間 寺 。
雙兒 一 入到去 ，只見 肥頭陀 企 喺 大雄寶殿 嘅 滴水檐口 ，右手 呢 仍然 揦住 韋小寶 。
雙兒 撲過去 話 ：相公 ，惡和尚 冇 傷害 你 吖 嘛 ？
韋小寶 話 ：你 唔使 慌 ，佢 唔敢 傷害 我 嘅 。
肥頭陀 發惡嘞 ：我 點解 唔敢 傷害 你 啊 ？
呵呵 ，你 如果 敢 逳 我 一條 頭髮 啊 ，少林 十八 羅漢 捉住 你 ，將 你 回復 原狀 ，再 變成 又 矮 又 肥 ，噉 你 就 弊傢伙 咯 。
嗰個 肥頭陀 面色 都 變咗 ：咩 ，咩回復原狀 啊 ？你 ，你 ，你 點 知道 㗎 ？
其實 韋小寶 一無所知 ，只係 見 佢 身材 高到 離譜 又 瘦到 出奇 ，個名 呢 ，又 叫做 肥頭陀 喎 ，就 隨口 亂講 㗎啫 。
估唔到 誤打誤撞 ，竟然 似乎 講中咗 佢 嘅 心病 。
韋小寶 睇 佢 個 樣 ，又 聽 佢 嘅 説話 呢 ，有 又 驚 又 怕 嘅 表情 ，就 冷笑 幾 聲 話 ：嘿嘿嘿 ，我 梗係 知道 啦 。
肥頭陀 話 ：諒 佢哋 亦 冇 呢種 本事 。
嗱 各位 ，欲知 後事 如何 ，且 聽 下回 分解 。
