前 文 再續 啊 書 接上 一回 啊 。
話 説 韋小寶 審問 完 心溪 和尚 ， 就 叫 人 將 佢 帶 出去 ， 又 帶 咗 皇甫閣 嚟 審問 。
呢 個人 呢 十分 硬頸 啊 ， 一句 説 話 都 唔 回答 。
韋小寶 用 匕首 嚟 嚇 佢 ， 佢 理 都 唔 理 。
雙兒 點 佢 天 豁 穴 穴道 ， 痛 到 佢 死死 下喇忍 唔 住 呻吟 喇 。
但 係 韋小寶 問 佢 啲 嘢 呢 始終 唔 肯 回答 ， 只 係 話 ：
你 有種 ， 就 一刀 將 大爺 殺 咗 ， 折磨 人 嘅 ， 唔 係 好漢 。
韋小寶 敬重 佢 係 條 漢子 就 話 ： 好 ， 我 哋 唔 折磨 你 。
叫 雙兒 解 咗 佢 個 天 豁 穴 嘅 穴道 。
佢 叫 人 帶 咗 皇甫閣 出 咗 去 之後 ， 又 去 請 咗 澄光 方丈 嚟 嘞 佢 話 ：
呢 件 事 點樣 了 局 呢 ， 我 哋 要 同 嗰 位 大人物 商量 下 至 得 噃。
澄光 擰 頭話 ： 佢 係 堅決 唔 見 外人 嘅 。
咩 唔 見 外人 唧 ？ 先頭 咪 已經 見過 嘞 咩 ？
我 哋 如果 唔 理 啊 ， 佢 唔 係 畀 人 哋 捉 咗 去 。
唔 使 幾日 ， 北京 嘅 大喇嘛 又 派 人 嚟 ， 有個 咩 天下無敵 嘅 大 高手 ， 仲有 咩 神龍教 、 烏龜 教 啊 噉 ， 就算 我 哋 肯 幫忙 啊 亦 頂 唔 住 咁 多 人 㗎 。
哦 ， 噉 又 係 噃。
嗱， 你 同 佢 講 啦 ， 話 事情 緊急 ， 一定 要 商量 個 辦法 出 嚟 至 得 㗎 。
老衲 應承 過 佢 喇 ， 寺裏 便連 老衲 在內 都 唔 同 佢 講 説 話 㗎 。
好 ， 我 唔 係 你 寺裏 便 嘅 和尚 吖 嘛 ， 我 去 同 佢 講 。
唔 得 嘅 呢 唔 得 嘅 呢 。
小 施主 一入 僧房 ， 佢 師弟 啊 嗰 個 莽 和尚 行癲 ， 就 會 一 杵 打死 你 㗎 喇 。
佢 打 唔 死 我 嘅 。
澄光 睇 咗 雙兒 一眼 佢 就 話 ：
你 就算 叫 尊價將 行癲 和尚 點倒 ， 行癡 仍然 唔 會同 你講 嘢 嘅 。
行癡 ？ 佢 法名 叫做 行癡 啊 ？
係 ， 原來 施主 唔 知道 啊 ？
唉 ， 既然 係 噉 ， 我 亦 冇 計 嘞 。
你 又 冇 萬失 無 一 嘅 好 法子 ， 可惜 清涼寺 好好 一座 古廟 ， 喺 你 方丈 手裏 便 噉 就 冇 咗 啦 。
澄光 愁眉 苦面 ， 一味 咁 搓手 ， 忽然間 佢 話 ： 啊 ， 我 去 問 下 玉林 師兄 或者 佢 有 法子 呢 。
呢 位 玉林 大師 係 邊個 啊 ？
係 行癡 嘅 傳 法 師父 。
哎呀 好極 喇好極 喇 ， 你 帶我去 見 嗰 位 老和尚 啦 。
噉 澄光 啊 即刻 帶 韋小寶 同 雙兒 ， 由 清涼寺 嘅 後門 出去 。
行 咗 里 幾路 ， 嚟 到 一座 舊廟 ， 細細 間 嘅 啫 ， 間廟 亦 冇 匾額 。
澄光 帶 佢 哋 一直 入去 ， 入到 去 後 便 嘅 禪房 。
只見 一位 白鬚 白 眉 嘅 老僧 坐 喺 蒲團 上 便 ， 正 喺 度 閉目 入定 ， 對 三個 人入 到 嚟 呢 ， 似乎 乜嘢 都 唔 知 唔 覺 噉 。
澄光 打 咗 個 手勢 ， 就 輕輕 喺 旁邊 嘅 蒲團 坐低 ， 低目 垂眉 ， 雙手 合十 。
韋小寶 偷笑 嘞 ， 跟 住 亦 坐 低 ， 雙兒 呢 ， 就 企 喺 佢 後 便 。
四圍 萬籟無聲 靜一靜 ， 呢 間 廟 ， 似乎 就 得 呢 個 老和尚 唧 。
過 咗 好 耐 ， 嗰 個 老僧 始終 紋絲不動 就 好似 死 咗 噉 樣 ， 唔 止 佢 唔 逳 啊 ， 竟然 連 澄光 逳 都 唔 逳。
韋小寶 手麻 腳痺極 之 唔 耐煩 ， 企 起身 又 坐 低 坐 低 又 企 起身 ， 個心 呢 ， 將 嗰 個 老僧 嘅 十八代 祖宗 都 問候 咗 幾十次 啊 。
又過 咗 好 耐 ， 嗰 個 老僧 唞 咗 個 大氣 慢慢 擘 開眼 ， 見到 面前 有人 亦 唔 覺得驚奇 ， 只 係 微微 岌下頭 。
澄光 話 ： 師兄 ， 行癡 塵緣 未斷 ， 有人 搵 到 嚟 清涼寺 啊 ， 要 請 師兄 佛法 化解 。
玉林 話 ： 境由 心生 ， 化解 在己 。
澄光 話 ： 外魔 極重 ， 清涼寺 有 難 啊 。
噉 澄光 就將 心溪 、 巴顏 、 皇甫閣 一班人 想 劫持 行癡 ， 好彩 韋小寶 主僕 幫手 搭救 等等 嘅 情形 講 咗 ；
又 話 雙方 都 死 咗 幾個 人 ， 睇 嚟 ， 對方 唔 肯善 罷乾休 。
玉林 唔 出 聲 唔 出氣 噉 聽 完 ， 一言不發 ， 眯 埋 雙眼 又試 入定 嘞 。
韋小寶 嬲 啊 ， 噗聲 企 起身 破口大罵 ： 叉 。
不過 佢 啱 啱 鬧 咗 個 字 唧 ， 澄光 就 猛 打手勢 ，𠼮 佢 唔 好 嬲 又 𠼮 佢 坐 翻 低 。
呢 一次 玉林 入定 呢 ， 又 係 細 半個 時辰 。
韋小寶 諗 ： 天下 間 啊 咩 衰人 潑婦 都 好 ， 都 冇 呢 個 老和尚 咁 討厭 啊 。
好 喇 ， 等到 玉林 擘 開眼 喇 ， 佢 問 ： 韋 施主 喺 北京 嚟 啊 ？
冇 錯 。
韋 施主 喺 皇上 身邊 辦事 嘅 係 唔 係 啊 ？
韋小寶 大吃一驚 就 跳 起身 嚟 話 ： 你 ， 你 ， 你 ， 你 點知 㗎 ？
老衲 不過 係 估 嘅 啫 。
韋小寶 諗 ： 呢 個 老和尚 真 古怪 ， 怕 真 係 有 啲 法力 㗎 。
個心 就 唔 敢 再 鬧 佢 嘞 ， 規規矩矩 噉 坐 翻 低 。
玉林 話 ： 皇上 派 韋 施主 嚟 見 行癡 有 咩 嘢 講 啊 ？
韋小寶 個心 諗 ： 呢 個 老和尚 咩 嘢 都 知道 ， 呃 佢 都 冇 用 㗎 喇 。 就 話 ：
皇上 知道 老皇爺 仲 喺 人世 ， 又 喜 又 悲 ， 派 我 嚟 向 老皇爺 叩頭 請安 。
如果 ， 如果 老皇爺 肯返 駕回 宮 ， 噉 啊 最好 啦 。
康熙 本來 話 查明真相 之後 呢 ， 就 自己 上 五台山 嚟 朝見 父 皇 嘅 ， 呢 句 説 話 韋小寶 就 瞞住 佢 唔 講 嘞 。
玉林 話 ： 皇上 有 冇 叫 施主 帶 咩 信物 嚟 呢 ？
韋小寶 喺 貼 肉 嘅 底 衫 袋 裏 便 ，攞 出 康熙 親筆 所寫 嘅 御 札 雙手 呈 上去 話 ： 大師 請 睇 啦 。
御 札 上面 寫住 ：
敕令 御前 侍 衞 副 總管 、 欽賜 穿 黃馬褂 韋小寶 ， 前 赴 五台山 一帶 公幹 ， 各省 文武 官員 受命 調遣 ， 欽此 。
玉林 接過 嚟 睇 咗 還翻 畀 韋小寶 。
原來 係 御 前 侍 衞 副 總管 韋大人 ， 多多 失敬 。
韋小寶 個心 得意 嘞 ： 你 唔 敢 睇 小 我 嘞 啩？
但 係 佢 見 玉林 嘅 表情 啊 ， 亦 冇 咩 恭敬 嘅 樣 ， 個 心裏 便 嘅 得意 呢 又 淡 翻晒 嘞 。
玉林 話 ： 韋 施主 ， 你 話 應該 點樣 處置 呢 ？
韋小寶 話 ： 我要 叩見 老皇爺 ， 聽 老皇爺 嘅 吩咐 。
佢 以前 富有 四海 ， 不過 出家 之後 ， 塵緣 早就 斬斷 咯 。
老皇爺 三個 字 唔 好 再 提喇 ， 免致 聽到 都嚇 親人 ， 又 騷擾 佢 嘅 清修 。
韋小寶 唔 出 聲 ， 玉林 又 話 ：
請 你 返去 啟奏 皇上 ， 行癡 唔 願 見 你 ， 亦 唔 願 再見 外人 嘞 。
皇上 係 佢 個 仔 唔 係 外人 啊 。
乜嘢 叫做 出家 呢 ？
家 已經 唔 係 家 ， 妻子兒女 都 係 外人 嘞 。
韋小寶 個心 諗 ： 睇 嚟 都 係 你 呢 個 老和尚 喺 度 搞鬼 ， 從中 阻攔 。
老皇爺 就算 唔 肯回 宮 啊 ， 亦 唔 至於 連個 仔都 唔 見 啩？
佢 就 話 ：
既然 係 噉 樣 ， 我 去 調遣 人馬 ， 上 五台山 嚟 到 保護 守 衞 ， 唔 准 閒雜人等 ， 入 清涼寺 啰嗦 滋事 啦 。
玉林 微微一笑 佢 話 ： 噉 樣 搞法 ， 清涼寺 就 變成 皇宮 內 院 、 官府 衙門 ；
韋大人 呢 位御前 侍 衞 副 總管 ， 就 變成 喺 清涼寺 當差 喇 。
噉 行癡 不如 返去 北京 皇宮 去仲好 啦 。
哦 原來 大師 另有 保護 老 ， 誒 誒 佢 老人家 嘅 妙法 嘅 ， 在 下 洗耳恭聽 。
韋 施主 小小年紀 ， 果然 係 個 厲害 人物 ， 難怪 十幾歲 嘅 少年 ， 就 已經 做到 咁 大官 嘞 。
妙法 就 冇 ， 出家人 與世無爭 ， 逆來順受 。
多謝 韋 施主 一番 美意 ， 清涼寺 如果 真 係 有 禍殃 ， 噉 亦 係 在劫難逃 喇 。
講完 合十 行禮 ， 眯 埋 雙眼 又 入定 嘞 。
澄光 企 起身 打個 手勢 ， 退 翻出去 ， 行到 門邊 ， 對住 玉林 躬身行禮 。
韋小寶 對 玉林 扮個 鬼臉 ， 伸一 伸條 脷 ， 右手 個 手指 公 啊 撳住 自己 嘅 鼻 哥 ， 四隻 手指 向 住 玉林 擪 咗 幾 擪， 即 係 話 ： 好 臭 啊 ， 唔 埋 得 鼻 啊 。
不過 玉林 啊 眯 埋 雙眼 ， 亦 睇 佢 唔 見 。
三個 人出 到 間 廟 仔 外面 ， 澄光 話 ：
玉林 大師 係 得 道 高僧 ， 已經 有 明白 嘅 表示 嘞 。
老衲 去將 心溪 方丈 佢 哋 都 放 翻 。
韋 施主 ， 今日 相見 亦 係 有緣 ， 我 哋 就 分別 嘞 。
講完 雙手 合十 ， 鞠躬 行禮 ， 竟然 啊 唔 畀 佢 哋 再 返 去 清涼寺 噃。
韋小寶 心頭 火起 嘞 佢 話 ： 好極 喇 ， 你 哋 有 萬失 無 一 嘅 妙計 係 我 多事 啫 。
就 叫 雙兒 去 嗌 埋于 八 一班人 ， 噉 就 落山 ， 又 返去 靈境 寺 借宿 。
佢 尋 晚 喺 靈境 寺 曾經 佈施 咗 七十兩 銀 。
噉 住持 見到 大 施主 又 再 光臨 唄 ， 梗 係 殷勤 接待 啦 。
喺 客房 裏 便 ， 韋小寶 用 隻 手 撐住 個頭 佢 諗 ：
老皇爺 就 見到 嘞 ， 吖 原來 佢 一 啲 都 唔 老 嘅 。
不過 佢 又 好 危險 咯 ， 西藏 喇嘛 要 捉 佢 ， 神龍教 又 要 捉 佢 。
哼 ， 嗰 個 玉林 老 賊禿 ， 裝模作樣 ， 屁 本事 都 冇 啲 。
澄光 方丈 一個 人 又 有 咩 用 吖 ？
至怕 幾日 之後 ， 老皇爺 就 會 畀 人 捉 咗 去 咯 ， 噉 我 又 點樣 同 小玄子 交代 呢 ？
一 轉頭 ， 見到 雙兒 皺實 眉頭 神情 好 唔 高興 噉 ， 就 問 佢 ：
雙兒 ， 有 咩 事 唔 高興 啊 ？
冇 咩 嘢 啊 。
你 一定 有 心事 嘅 ， 快 啲 講我 聽 啦 。
真 係 冇 咩 嘢 呢 。
韋小寶 轉念 一 諗 ， 就 話 ： 吖 我 知 嘞 ， 我知 嘞 。
你 怪 我 喺 朝廷 做官 ， 一直 都 冇 同 你講 係 咪 呢 ？
雙兒 眼圈 都紅 咗 佢 話 ：
清廷 皇帝 係 個 大 壞人 ， 相公 你 ， 點解 要 做 佢 嘅 官 唧 ？ 而且 仲做 大官 添 。
講完 眼淚 就 流出 嚟 。
韋小寶 窒 咗 一 窒 佢 話 ： 哎 傻 嘅 你 都 ， 噉 使 乜 喊 呢 ？
雙兒 抽抽噎噎 噉 話 ： 三少 奶將 我 畀 咗 相公 ， 吩咐 我 服侍 你 ， 聽 你 嘅 説 話 。
不過 ， 不過 你 喺 朝廷 做 ， 做 大官 ， 我 爸爸 、 媽媽 ， 仲有 兩個 哥哥 ， 都 係 畀 啲 惡官 殺死 嘅 。
你 ， 你 。
講完 就 放聲 喊 嘞 。
韋小寶 一時 手足無措 連忙 話 ：
哎 好 喇 好 喇 ， 我而家 乜嘢 都 唔 瞞 你 喇 吓 。
嗱 我 老實 講 你 聽 吖 ， 我 做官 呢 係 假 嘅 ， 我 係 天地會 青木堂 嘅 香主 。
天父 地母 反清復明 ， 你明 唔 明白 啊 ？
我 師父 係 天地會 嘅 總舵主 ， 我 一早 呢 就 同 你 哋 三少奶 講過 喇 。
我 哋 天地會 ， 專門 同 朝廷 作對 。
我 師父 派 我 混入 皇宮 去 做官 ， 做 咩 呢 ？ 就要 打探 朝廷 嘅 消息 。
呢 件 事 啊 好 秘密 㗎 ， 如果 畀 人 哋 知道 咗 ， 我 就 冇 命 㗎 喇 。
雙兒 一手 揞 住 韋小寶 把 口 ， 低聲 話 ： 你 快 啲 唔 好講 啦 。
哎呀 都 係 我 唔 好 ， 逼 你 講出 嚟 。 講完 就 笑 翻 嘞 。
相公 係 好人 ， 當然 唔 會 去 做 壞事 啦 ， 我 ， 我 真 係 笨 嘅 啫 。
唔 係 ， 你 好乖 啊 。
韋小寶 拉 住 雙兒 隻 手 ， 叫 佢 坐 喺 自己 身邊 ， 細細 聲將 順治 同 康熙 之間 嘅 事情 講 畀 佢 聽 。
佢 又 話 ： 小 皇帝 先至 十幾歲 ， 佢 阿爹 出家 做 咗 和尚 唔 要 佢 喇 ， 你 話 可 唔 可憐 吖 佢 。
今日 嚟 捉 佢 嗰 班 傢伙 啊 ， 都 係 大壞蛋 嚟 ， 好彩 你 救 咗 佢 唧 。
唉 ， 我 總算 做 翻 一件 好事 。
不過 噉 噃 雙兒 ， 嗰 班 嘢 呢 又 畀 方丈 放走 嘞 。
佢 哋 一定 唔 肯 甘心 嘅 ， 翻 轉頭 又 要 捉 嗰 個 老 皇帝 ， 將 佢 啲 肉 啊 ， 一件件 噉 割落 嚟 ， 煮熟 嚟 食 ， 噉 咪 弊 。
韋小寶 知道 雙兒 嘅 心 好 啊 ， 要 激 佢 勇於 救人 ， 就 特登將 順治 嘅 處境 講得 十分 悽慘 。
雙兒 周身 一震 ， 佢 問 ： 佢 哋 要 食 佢 嘅 肉 啊 ， 點解 啊 ？
唐僧和尚 去 西天 取經 呢 個 古仔 你 有 冇 聽過 吖 ？
聽過 啊 ， 仲有 孫悟空 、 豬八戒 添 。
嗱， 佢 哋 去 西方 取經 嘅 時候 呢 ， 一路 有 好多 妖怪 ， 都 想 食 唐僧 嘅 肉 ， 話 佢 係 聖僧 ， 食 咗 佢 嘅 肉 呢 就 會 成佛 成仙 㗎 喇 。
啊 ， 我 明白 喇 ， 嗰 啲 壞人 以為 老 皇帝 和尚 亦 係 聖僧 。
係 喇 你 真 係 聰明 喇 。
老 皇帝 和尚 呢 就 好比 係 聖僧 ， 嗰 啲 壞人 呢 係 妖怪 ， 我 係 馬 騮 精 孫行者 ， 你 呢 就 係 。
講完 ， 將 兩隻 手掌 放 喺 自己 嘅 耳 仔 旁邊 擪 下 入 擪。
你 話 我 係 豬八戒 啊 ？
個樣 呢 就 似 觀音菩薩 ， 不過 做 嘅 呢 ， 係 豬八戒 嘅 事 。
哎呀 唔 好 講埋 啲 冒犯 菩薩 嘅 説 話 啦 。
相公 ， 你 做 觀音菩薩 身邊 嗰 個 善 財 童子 紅孩兒 ， 我 就 係 。
講到 呢 處 ， 塊面 一紅 ， 下 便 嘅 説 話 就 唔 講 嘞 。
韋小寶 話 ： 冇 錯 喇 ， 我 做 善財 童子 ， 你 就 做 龍女 。
我 哋 兩個 人 成日 喺 一齊 嘅 ， 點都 唔 分開 嘅 。
雙兒 塊面 更紅 喇 ， 佢 低聲 話 ：
我 梗 係 永遠 服侍 你 啦 ， 除非 ， 除非 你 唔 要 我 ， 趕 我 走 咯 。
韋小寶 用 隻 手掌 喺 自己 條頸處 一 斬 佢 話 ：
就 係 殺 咗 我 個頭 我 都 唔 趕 你 走 啊 。
除非 你 唔 要 我 ， 自己 偷偷 走 囉 。
雙兒 亦 都 用 隻 手掌 喺 自己 條頸處 一 斬 佢 話 ： 殺 咗 我 個頭 亦 唔 會 走 啊 。
兩個 人 同時 哈哈大笑 。
雙兒 自從 跟 咗 韋小寶 之後 ， 主僕 嘅 分別 係 好 嚴格 嘅 ， 好少 同 佢 講 笑 。
今日 聽 韋小寶 吐露真情 ， 個 心極 之 歡暢 。
噉 兩個 人 噉 樣一笑 呢 ， 感情 又 親密 咗 幾分 。
韋小寶 話 ： 好 喇 ， 我 哋 自己 嘅 事 呢 就 講完 喇 。
噉 就要 想下 法子 去 救 唐僧 嘞 噃。
雙兒 話 ： 救 唐僧和尚 ， 總 係 齊天大聖 出 主意 ， 我 呢 個 豬八戒 ， 不過 係 隻 跟 尾 狗 啫 嘛 。
豬八戒 真 係 有 你 咁 好樣 啊 ， 唐僧 都 唔 會 出家 做 和尚 咯 。
點解 啊 ？
唐僧 梗 係 娶 咗 豬八戒 做 老婆 啦 。
雙兒 咭 聲 笑 起 上 嚟 佢 話 ： 豬八戒 係 個 豬精 嚟 嘅 ， 邊個 娶 佢 做 老婆 唧 ？
韋小寶 聽 雙兒 講到 娶 豬精 做 老婆 ， 就 忽然間 諗 起 人 參 茯苓 豬 沐劍屏 ， 都 唔 知 佢 而 家 同方 怡 喺 邊 處 ， 係 唔 係 平安 呢 ？
雙兒 見到 韋小寶 定 咗 神 噉 喺 度 諗 嘢 ， 唔 敢 打斷 佢 思路 嘞 。
過 咗 一陣 間 ， 韋小寶 話 ： 要 想個 法子 ， 唔 畀 啲 壞蛋 捉 咗 老 皇帝 去 至 得 。
嗱 雙兒 ， 譬如 有 一樣 寶貝 ， 好多 賊 都 想 去 偷 嘅 ， 噉 我 哋 用 咩 法子 能夠 使到 啲 賊 偷 唔 到 呢 ？
見到 啲 賊 嚟 偷 寶貝 ， 就將 啲 賊 捉起 嚟 咪 得 囉 。
啲 賊 好多 啊 捉 唔 完 㗎 ， 不如 噉 呢 ， 我 哋 自己 去 做 賊 。
我 哋 自己 去 做 賊 ？
係 ， 我 哋 先下手 為強 ， 將 寶貝 偷 到手 ， 噉 第 啲 賊 就 偷 唔 到 啦 嘛 。
啊 ， 我 明白 喇 ， 我 哋 去 將老 皇帝 和尚 捉 翻 嚟 。
冇 錯 喇 ， 事 不 遲宜 ， 我 哋 即刻 走 。
話 説 兩個 人 就 嚟 到 清涼寺 外便 ， 韋小寶 話 ：
個天 都 未 黑 ， 偷 嘢 又 好 偷 和尚 又 好 ， 都 要 等到 天黑 先至 做 啦 。
於是 兩個 人匿 埋 喺 樹林 裏 便 ， 噉 等等 等 ， 等到 個天 都 黑 晒 喇 ， 萬籟無聲 喇 。
韋小寶 細細 聲話 ：
寺裏 頭呢 得 方丈 一個 人會 武功 ， 好 彩 佢 先頭 打鬥 受 咗 傷 ， 而家實 係 瞓 喺 度 休息 嘅 。
你 去 將 嗰 個 肥大 和尚 行癲點 倒 咗 ， 我 哋 就 可以 將老 皇帝 和尚 偷出 嚟 嘞 。
不過 嗰 個 行 癲 好 大力 㗎 ， 使 嗰 條 黃金 杵 打人 好 厲害 㗎 ， 你 要 小心 至 得 。
雙兒 啊 岌一岌頭 。
噉 兩個 人 喺 樹林 行出 嚟 ， 聽下 四面 冇 人 喇 ， 就 跳 咗 入 圍牆 ， 一直 去 到 順治 坐禪 嗰 個 僧 房 外 便 。
只見 道 板門 呢 已經 閂 埋 嘞 ， 但 係 嗰 道門 日頭 畀 人 哋 踢 壞 咗 ， 一時 呢 嚟 唔 切 修理 ， 所以 就 噉 擺 喺 處 擋風 唧 。
雙兒 貼住 埲 牆 行 埋 去 ， 將 道門 向 左 便 一拉 ， 只見 黃 光 一閃 ， 拂 一聲 ， 黃金 杵 喺 條 罅 處 打出 嚟 。
雙兒 等 金 杵 向上 提起 嘅 時候 ， 一個箭步 跳入 去 ， 用 手指 喺 行 癲 嘅 胸口 要 穴 上 便 連點 兩指 ， 低聲 話 ： 對 唔 住 喇 。
跟 住 用 雙手 抱住 佢 揸 喺 手 嘅 金 杵 。
行 癲 嘅 穴道 畀 佢 點 咗 ， 個身 就 軟 顂顂 跌倒 嘞 。
呢 條金 杵 啊 成百 幾斤 重 嘅 ， 雙兒 如果 唔 抱住 ， 一 跌落 嚟 呢 就 實 矺 碎 佢 隻 腳趾 。
韋小寶 跟 住 入 去 ， 拉翻 埋道 門板 。
僧房 就 好 細 嘅 ， 黑暗 之中 ， 隱約 見到 有 個人 坐 喺 蒲團 上 便 。
韋小寶 知道 佢 就 係 法名 叫做 行癡 嘅 順治 皇帝 嘞 ， 即刻 跪低 叩頭 佢 話 ：
奴才 韋小寶 ， 就 係 日頭 救駕 嗰 個 呢 ， 請 老皇爺 唔 使 慌 啊 。
行癡 唔 出 聲 。
韋小寶 又 話 ：
老皇爺 喺 呢 度 修行 ， 本來 係 好好 嘅 ， 不過 外便 有 好多 壞人 ， 想 捉 咗 老皇爺 去 ， 想害 你 啊 。
奴才 為 咗 保護 老皇爺 ， 想 請 你 去 另外 一 笪 妥當 嘅 地方 ， 免致 畀 壞人 捉 到 。
行癡 仍然 冇 回答 。
韋小寶 話 ： 噉 就 請 老皇爺 同 奴才 一齊 出去 啦 。
隔 咗 一陣 ， 見 佢 始終 盤膝 坐響 處 逳 都 唔 逳。
呢 個 時候 韋小寶 喺 黑暗 裏 便 已經 好耐下 喇 ， 睇 得 清楚 啲 嘞 。
見 行癡 坐禪 嘅 姿勢 ， 就 同日 頭 嗰 個 玉林 和尚 一模一樣 嘅 ， 都 唔 知道 佢 係 真 係 入定 呢 定 係 唔 睬 自己 嘞 。
韋小寶 又 話 ： 老皇爺 嘅 身份 已經 洩漏 咗 ， 清涼寺 裏 便 冇 人 能夠 保護 你 。
敵人 去 咗 一批 又 嚟 一批 ， 老皇爺 終歸 會 畀 佢 哋 捉 咗 去 嘅 ， 仲 係 換 一個 清靜 嘅 地方 修行 罷啦 。
行癡 仍然 冇 出 聲 。
突然 間 ， 行癲 開聲 嘞 ：
你 哋 兩個 細路 係 好人 ， 日頭 多得 你 哋 救 翻 我 。
我 師兄 坐禪 ， 唔 同 人 講 説 話 㗎 ， 你 要 佢 去 邊 處 啊 ？
佢 把 聲 本來 好 響亮 嘅 ， 而家 搏命 噉 壓低 ， 變成 十分 沙啞 。
佢 開 聲 啊 得 喇 ， 韋小寶 企 起身 嚟 佢 話 ：
是 但 去 邊處 都 好 啦 ， 你 師兄 鐘意 去 邊度 ， 我 哋 就 護送 佢 去 邊度 。
只要 嗰 啲 壞蛋 搵 佢 唔 到 ， 你 哋 兩位 就 可以 安安靜靜 修行 念佛 嘞 。
我 哋 係 唔 念佛 㗎 。
好 啦 好 啦 ， 唔 念佛 就 唔 念佛 。
雙兒 ， 你 快 啲 解開 呢 位 大師 嘅 穴道 啦 。
嗱 各位 ， 欲知 後事 如何 ， 且 聽 下回分解 。
