前 文 再續 啊 書 接上 一回 啊 。
話説 雙兒 將 韋小寶 嗰個 包袱 捧 咗 出嚟 放 喺 枱面 。
莊夫人 話 ：桂相公 ，你 嘅 大恩大德 ，實在 難以 報答 。
本應 係 好好 款待 至 係嘅 ，不過 我哋 都係 守寡 嘅 人 有 啲 唔方便 。
噉 大家 商量 ，想話 送 啲 薄禮 聊 表 寸心 啦 ，但係 桂相公 行囊 豐足 ，帶住 咁多 錢 喺 身邊 。
我哋 鄉下 地方 ，又 有 咩嘢 係 桂相公 睇得上眼 嘅 呢 ？
至於 武功 ， 桂相公 係 天地會 陳總舵 主 嘅 及 門 弟子 ， 叻 過我 哋 啲 淺薄 功夫 好多 嘅 。
唉噉 真係 為難 喇 。
唔使客氣 。只係 我 想 問下 ，誒 我 嗰幾位 同伴 佢哋 去咗 邊處 呢 ？
莊夫人 諗咗 一陣 就 話 ：
既然 問到 咯 ，本來 唔敢 唔 回答 嘅 。
但係 恩公 知道咗 之後 ，恐怕 有損 無益 。
呢幾位 係 恩公 個 朋友 ，我哋 一定 竭盡所能 ，唔畀 人 傷害 佢哋 就係 嘞 。
佢哋 以後 ，就 可以 再 同 恩公 見面 㗎喇 。
韋小寶 估計 再 問 亦係 冇用 㗎 嘞 ，噉 就 唔出聲 。
擔 高頭 望 下個 窗 個 心 諗 ：點解 仲 未 天光 嘅 ？
莊夫人 啊 似乎 明白 佢 嘅 心意 嘞 佢 問 ：
恩公 聽日 要 去 邊處 啊 ？
韋小寶 心諗 ：我 同 嗰個 章老三 嘅 對答 ，佢 都 怕 聽到 晒 㗎 喇 ，呃 佢 唔過 嘅 。
噉佢話 ：我要 去 山西 五台山 啊 。
呢度 去 五台山 條路 好 遠 㗎 ，怕 沿途 仲 會 有 啲 風波 。
我哋 想 送 一件 禮物 畀 恩公 ，請 你 唔好 推卻 啊 。
哦 ，人哋 好意 送 嘢 畀 我 ，我 係 從來 都 冇 話 唔收 㗎 。
噉好極嘞 。
佢 指住 雙兒 話 ：
呢個 小丫鬟 雙兒 ，跟咗 我 好多 年 ，做事 都 幾 妥當 嘅 。
我哋 就 送咗 畀 恩公 ，請 你 帶埋 去 啦 ，以後 就 服侍 恩公 嘞 。
韋小寶 真係 又 驚 又 喜 啊 ，想唔到 佢 話 送 一件 禮物 畀 自己 ，竟然 係 一個 人 。
啱先 雙兒 服侍 自己 ，燙 衫 、鬢辮 ，就 慳咗 自己 唔少 功夫 。
如果 有 噉樣 一個 又 美貌 又 乖巧 嘅 小丫鬟 喺 身邊 陪住 自己 ，確係 好 快活 㗎 。
但係 呢次 去 五台山 ，就 未必 太平無事 ，只有 隨機應變 至 得嘅 ，帶住 個 小丫鬟 就 十分 唔方便 嘅 噃 ，佢 話 ：
莊夫人 送 呢件 重禮 畀 我 真係 多謝到極喇 ，只不過 ，誒 只不過 。
佢 見到 雙兒 耷低 個 頭 ，正 喺度 睇緊 自己 。
佢 眼光 一 射 過去 ，雙兒 連忙 擰轉 頭 ，即刻 塊 面 呢 都 紅晒 。
莊夫人 話 ：唔知 恩公 有 咩 為難 嘅 地方 呢 ？
我 去 五台山 ， 要 做 個 事 呢 多數 係 ， 係 誒 ， 誒 好 唔 容易 嘅 ， 帶住 呢 位 姑娘 ， 恐怕 唔 方便 啊 。
噉 就 唔 使 擔心 ， 雙兒 年紀 雖然 係 細 ， 但 係 身手 都 幾 靈便 嘅 ， 唔 會 成為 恩公 嘅 累贅 嘅 ， 你 即管 放心 啦 。
韋小寶 又 睇 咗 雙兒 一眼 ， 見 佢 嘅 眼神 流露出 好願 跟 自己 去 噉 ， 就 笑 住 問 佢 ： 雙兒 ， 你 願 唔 願意 跟 我 去 啊 ？
雙兒 耷低 個頭 細細 聲話 ： 三少奶 叫 我 服侍 相公 ， 梗 係 ， 梗 係 要 聽 三少 奶 嘅 吩咐 啦 。
噉 你 自己 願唔願意 呢 ？會 有 危險 㗎 噃 。
我 唔 怕 危險 嘅 。
你 答咗 我 第二句 説話 ，冇 答 第一句 啊 。
你唔怕危險 ，只不過 係 夫人 將 你 送咗 畀 我 啫 ，你嘅 心 係 唔願意 嘅 係唔係 啊 ？
夫人 對 我 好好 嘅 ， 相公 對 我 莊家 又 有 大恩 ， 夫人 叫 我 服侍 相公 我 一定 盡心 嘅 。
相公 待 我 好 係 我條命 好 ，待 我 唔好 呢 ，係 我 ，係 我條命 苦啫 。
哈哈哈 哈哈 ， 你 條命 好好 嘅 唔 會 命苦 嘅 。
雙兒 個 心 就 歡喜 嘞 。
莊夫人 話 ：雙兒 啊 ，你 叩 個 頭 畀 相公 ，以後 你 就係 桂 相公 嘅 人 喇 。
雙兒 擔 高 個 頭 ，忽然間 眼圈 都 紅晒 ，噉 啊 先 跪低 叩頭 畀 莊夫人 。
三少奶 ，我 ，我 。
講咗 兩個 我字 就 喊起嚟 。
莊夫人 摸住 佢 頭髮 話 ：桂相公 少年 英雄 ，年紀 輕輕 就 已經 名揚 天下 喇 ，你 要 好好地 服侍 相公 ，嗯 。
佢 應承過 好好噉 待 你 嘅 。
係 。
雙兒 擰轉身 ，向 韋小寶 跪低 叩頭 。
韋小寶 話 ：唔使 客氣 。
扶翻佢起身 ，打開 個 包袱 ，攞咗 一串 明珠 出嚟 笑住 話 ：算係 我 嘅 見面禮 啦 。
個 心 諗 ：呢串 明珠 啊 ，至少 都 值得 三四千 兩 銀 ，要 嚟 買 丫鬟 啊 買 幾十個 都 得 喇 。
不過 幾十個 丫鬟 加埋 一齊 ，都 唔 及得 呢個 雙兒 咁 可愛 。
噉 雙兒 接過 串 珍珠 就 話 ：多謝 相公 。
就 掛喺 條 頸 處 嘞 。
莊夫人 話 ：恩公 去 五台山 ，唔知 係 打算 明查 定係 暗訪 呢 ？
噉梗係 暗訪 㗎啦 。
五台山 各處 廟宇 ，有 青廟 黃廟 ，好多 卧虎藏龍 個 人物 㗎 ，相公 務請 小心 啊 。
青廟 ， 係 和尚 寺 ； 黃廟 ， 係 喇嘛廟 。
韋小寶 話 ：係 ，多謝 吩咐 。
不過 你 叫 我 做 恩公 ，真係 唔敢當 啊 ，你 叫 我 做 小寶 得嘞 。
噉就唔敢當 。
莊夫人 企 起身 話 ：一路 珍重 啊 ，原諒 我 呢個 未亡人 唔 送 你 喇 。
雙兒 ，你 出咗 呢道 門 之後 ，就 唔係 莊家 嘅 人 喇 。
以後 你 講 咩嘢 説話 ，做 咩嘢 事 ，一概 同 舊主 無 涉 。
你 如果 喺 外 便 胡作非為 ，我 莊家 就 唔 能夠 庇護 你 喇 。
講 呢句 説話 嘅 時候 ，神情 非常之 鄭重 。
雙兒 應咗 佢 。
莊夫人 又 向 韋小寶 行禮 ，然後 就 行咗 入去 嘞 。
個 天 漸漸 光 嘞 。
雙兒 入去 攞咗 個 包袱 出嚟 ，噉 啊 連埋 韋小寶 嘅 包袱 一齊 孭起 。
韋小寶 話 ：我哋 走 喇 。
哦 。
雙兒 耷低 個 頭 ，神情 悽慘 ，不歇噉 望去 後堂 嗰 便 。
佢 同 莊夫人 分別 ，真係 戀戀不捨 啊 。
佢 雙眼 紅 一紅 ，啱先 一定 係 喊過 㗎 。
話説 韋小寶 行 出 大門 ，雙兒 跟 喺 佢 後 便 。
當其時 大雨 啊 已經 停咗 嘞 ，但係 水汽 極重 。
行咗 一百幾十步 ，捩轉頭 睇下 ，只見 一片 白濛濛 ，間 大屋 都 睇唔見 嘞 。
韋小寶 歎 一啖 氣 佢 話 ：
哎 ，尋晚 嘅 事 啊 真係 好似 發夢 噉 。
雙兒 ，夫人 最後 同 你 講 嗰 幾句 説話 係 咩 意思 啊 ？
三少奶話 ：我 以後 只係 服侍 相公 你 一個人 ，唔理 講 乜嘢 做 乜嘢 ，都 同 佢 莊家 冇 關係 喎 。
噉 ，噉 我 嗰啲 同伴 到底 去咗 邊處 ，你 可以 講 畀 我 聽 啦 。
係 。
相公 嗰啲 同伴 ，本來 都 畀 我哋 救翻出嚟 㗎 喇 。
章老三 同 佢 嗰班 手下 我哋 都 捉住 佢哋 嘞 。
但係 收尾 神龍教 嚟咗 個 厲害 人物 ，冚𠾴唥 都 搶走晒 。
三少奶話 ，我哋 都係 女流之輩 ，同 嗰啲 男人 打 好 唔方便 喎 。
同時 ，亦 未必 打得贏 ，噉 啊 暫時 由得 佢哋 先 ，另外 託 人 去 救 你 嗰 幾位 同伴 喎 。
神龍 教啲 人 見 我哋 退讓 咯 ，就 走咗 喇 ，臨 走 嘅 時候 ，仲 講咗 幾句 客氣話 添 。
韋小寶 岌一岌頭 ，不過 佢 對方 怡 同 沐劍屏 嘅 處境 都 幾 擔心 。
雙兒話 ：三少奶 對 神龍教 嘅 首領 話 ，千祈 唔能夠 傷害 你 嗰 幾位 同伴 啊 。
噉 嗰 個人 親口 應承 咗 嘅 ， 相公 唔 使 擔心 嘅 。
唉 ，神龍教 呢啲 傢伙 啊 ，就 怕 講嘢 好似 放屁 噉 ，唉 不過 都 冇法子 啦 。
三少奶 會唔會 武功 㗎 ？
會啊 ，唔止 會 仲 好叻 添噃 。
係咩 ？
睇佢 連 風 都 吹得 跌 嘅 人 ，點解 武功 會 好叻 㗎 ？如果 佢 武功 好叻 啊 ，噉 三少爺 啊 點 會 畀 鰲拜 殺死 呢 ？
老太爺 、三少爺 佢哋 遇害 嘅 時候 ，我哋 幾十 家人 冇 一個 會 武功 㗎 。
嗰陣時 啲 男人 都 畀 鰲拜 捉咗 去 北京 殺頭 ，女人 呢 要 充軍 去 寧古塔 ，話 要 畀 啲 咩 嘢 披甲人 做 奴婢 喎 。
好彩 喺 半路 遇到 救星 ，殺死咗 解差 ，將 我哋 幾十 家人 嘅 女子 都 救晒出嚟 ，安排 喺 呢度 居住 ，又 教會 咗 三少奶 佢哋 本事 嘞 。
韋小寶 啊 漸漸 明白 喇 噉 就 。
當其時 ，天 已經 光晒 嘞 。
東方 朝陽 初上 ，一晚 大雨 ，將 青山 樹林 啊 洗到 青翠 欲滴 。
韋小寶 直到 而家 先至 完全 唔疑心 尋晚 見到 嘅 係 女鬼 。
佢 問 ：你哋 間 屋 裏 便 擺咗 咁多 靈牌 ，嗰啲 都 係 畀 鰲拜 害死 嘅 各位 老爺 同 少爺 喇 ？
係啊 ，我哋 隱居 喺 深山 裏 便 ，從來 唔 同 外便 啲 人 來往 嘅 。
附近啲 鄉下人 ，有啲 好奇 㗎 咯噃 ，噉 過嚟 探頭探腦 ，我哋 總係 裝神扮鬼 嚇走 佢哋 。
所以 大家 話 呢間 係 鬼屋 ，噉 近 一年 喇 ，邊個 都 唔敢 入嚟 喇 。
想唔到 相公 尋晚 會 嚟 。
三少奶話 ，我哋 大仇 未報 ，一切 都 必須 十分 隱蔽 先 好 。
靈堂 牌位 上面 寫住 遇難 嘅 老爺 、 少爺 嘅 名 ， 如果 畀 外人 見到 啊 ， 就 好 唔 妥 㗎 喇 。
相公 尋晚 問起 我 我唔敢講 。
不過 三少奶 話 ，從今以後 我 只係 服侍 相公 唧 ，同 莊家 冇 咗 關係 㗎 喇 ，噉 我 就 乜嘢 都 唔 瞞 你 喇 。
好 ，我 都 講畀 你 聽 ，我 真名 呢 叫做 韋小寶 ，咩 桂公公 啊 係 假名 嚟 㗎 啫 。
你 係 我 韋家 嘅 人 ，唔係 桂家 嘅 人 啊 。
相公 連 真名 都 同 我 講咗 ，我 唔會 洩漏 嘅 。
我呢個 真名 亦 唔係 咩 大 秘密 嚟 嘅 天地會 裏 便 嘅 兄弟 ，好多人 都 知道 㗎 。
係喇相公啊 ，神龍教 嗰啲 人 同 你哋 打鬥 嘅 時候 ，三少奶 佢哋 喺 出便 睇 熱鬧 。
見到佢哋 會 唸咒 ，嘰裏咕嚕嘰裏咕嚕 噉啊 。
洪教主 神通廣大 ，壽 與 天 齊 ，呢啲 咒 啊 我 都 會 唸 。
三少 奶話 ， 佢 個 嘴 係 噉 唸咒 ， 暗中 呢 ， 一定 仲 喺 度 使 咩 第 啲 法術 嘅 。
如果唔係啊 ，唔會 突然間 一唸咒 ，佢哋 啲 功夫 就 叻咗 幾倍 。
收尾 嗰個 章老三 同 你 講嘢 ，三少奶 就 喺 窗外 便 聽 嘞 噃 ，噉 其他 啲 人 呢 就 整熄 咗 大廳 嘅 燈 ，用 漁網 將 成班 人 都 捉 咗 喇 。
咩嘢話 ？用 漁網 嚟 捉 人 啊 ，哎呀 妙啊 。
三少奶話 ：嗰個 章老三 嘅 武功 ，都 冇 咩 咁 叻 嘅 ，就 佢 妖法 厲害 啫 嘛 ，所以 冇 同 佢 正面 打 。
一引咗佢出嚟 ，就 熄咗 眼燈 ，漁網 噉樣 一笠 。
捉到 隻 老 烏龜 。
雙兒 笑咗 一 笑 就 話 ：
喺 山 後 便 有 個 湖 ，我哋 夜晚 係 時時 去 捉 魚 嘅 。
我哋 喺 湖州 嘅 時候 ，莊家 大屋 靠近 太湖 ，嗰個 湖 啊 好 大 㗎 。
嗰陣時 我哋 莊家 漁船 好多 ，咪 租 畀 啲 漁夫 打魚 。
三少 奶佢哋 見過 漁夫 撒網 捉魚 嘅 法子 。
你哋 果然 係 湖州 人 ，唔怪得 啲 湖州 粽 整得 咁 好食 啦 。
係喇 ，三少爺 到底 係 點樣 畀 鰲拜 害死 㗎 ？
三少奶話 ，係 叫做 文字獄 喎 。
蚊子肉 ？蚊 都 有 肉 嘅 咩 ？
唔係 蚊子 啊 ，係 文字 ，即係 寫 嗰啲 字 呢 。
我哋 少爺 係 讀書人 ，學問 好好 嘅 ，佢 雙眼 盲 咗 之後 寫 咗 一部 書 ，書裏 便 ，有 鬧 滿洲人 嘅 説話 。
嘖嘖 嘖嘖 嘖 ， 哎呀 真 係 叻 喇 ， 盲 咗 雙眼 仲會 寫文章 寫書添 啊 ？
我 雙眼 就 冇 盲 ，不過 見到 人哋 寫 嘅 字 啊 都係 唔識 嘅 ，我 呢個 人 呢 就 叫做 ，誒 開眼 盲公 。
老太太 時時 都 話 ，而家 世情 唔好 ，仲係 唔識字 嘅 好 啊 。
我哋 住埋 一齊 呢 幾户 人家 ，每 一位 遇難 嘅 老爺 、少爺 ，個個 都係 學士 才子 ，個個 嘅 文章 都係 天下 聞名 㗎 。
就係因為 寫文章 ，噉先至 寫出 大禍 啫嘛 。
不過 三少奶 話 ：清廷 唔准 我哋 漢人 讀書 寫文章 ，我哋 偏偏 要 讀 ，偏偏 要 寫 ，等 佢哋 唔好 咁 稱心如意 喎 。
噉 你 會唔會 寫 文章 啊 ？
相公 真係 會 講笑 㗎啫 ，妹仔 釘 點 會 寫 文章 吖 ？
三少奶 教 我 讀書 ，不過 讀咗 七八本 啫嘛 。
嘩 你 讀咗 七八 本 書 啊 ？噉 就 叻過 我 好多 咯 ，我 不過 識得 七八 個 字 咋 。
相公 唔 鐘意 讀書 ，老太太 一定 鐘意 你 啫 。
佢 話 一 到咗 清朝 啊 ，敗家仔 先至 讀書 嘅 啫 。
嘿 冇 錯 喇 ， 我 睇 鰲拜 嗰 個 嘢 呢 ， 亦 唔 係 點 識字 嘅 啫 ， 實 係 嗰 啲 托 大腳 嘅 人 ， 講 畀 佢 聽 㗎 咋 。
噉唔係 ，我哋 少爺 寫 嗰部 書 叫做 咩 明史 ，書裏頭 啊 ，有 鬧 滿清人 嘅 説話 。
有個 壞人 叫做 吳之榮 噃 ，噉 攞 咗 部 書 去 鰲拜 嗰處 告發 。
事情 一 搞大咗 啊 ，害死咗 幾百 人 喇 ，連 賣書 嘅 書店 事頭 、買書 嚟 睇 嘅 人 ，都 捉咗 去 殺頭 啊 。
相公 ，你 喺 北京城 ，有冇 見過 呢個 吳之榮 啊 ？
冇 ，不過 慢慢 搵 啦 ，總 搵得到 嘅 。
啊雙兒 ，我 想 攞 你 換 一個 人 唧 。
雙兒 吃咗 一驚嘞 話 ：你 ，你要 攞 我 去 送畀 人 啊 ？
唔係 送畀 人 ，係 換 一個 人 。
雙兒 嘅 眼圈 都 紅晒 喇 ，差唔多 要 喊 出嚟 咁滯 。
咩 嘢 ， 咩 嘢 換 一個 人唧 ？
你 三少奶 啊 將 你 送咗 畀 我 吖 ，咁 大 一份 禮 你 話 點 報答 好 呢 ？
所以 我要 想法子 將 吳之榮 嗰個 嘢 捉翻嚟 ，送畀 你 三少奶 ，噉 啊 呢份 禮物 都 差唔多 喇 。
雙兒 噉 就 笑翻 喇 ，用 隻 手 輕輕 拍 下 個 心口 話 ：
哎呀 你 嚇咗 我 一大跳 ，我 同 估 相公 唔 要 我 添 噃 。
你 怕 我 唔要 你 就 急 成 噉 嘅 樣 啊 ？
你唔使擔心嘅 ，人哋 就係 將 金山 、銀山 、珍珠山 、寶石山 堆 喺 我 面前 ，都 換唔到 你 去 嘅 。
話說 韋小寶 同 雙兒 行 下 傾 下 ，冇 幾 耐 ，就 行咗 幾 里 路 ，嚟到 一個 市鎮 。
噉 兩個人 搵咗 間 面鋪 入去 打尖 。
韋小寶 坐落 之後 ，雙兒 就 企 喺 旁邊 侍候 佢 。
韋小寶 話 ：唔好 咁 客氣 啦 ，坐低 一齊 食 啦 。
雙兒話 ：唔得 ，我 點能夠 同 相公 一枱 食嘢 呢 ？太過 冇規矩 喇 噉樣 。
理佢 咩 規矩 唔 規矩 吖 ，我 話 得 就 得 ，等 我 食完 你 先 再 食 幾 嘥 時間 喇 。
相公 一 食完 我哋 就 走 ，我 買 啲 饅頭 ，一便 行 一便 食 就 得嘞 ，唔會 嘥 時間 嘅 。
唉 ，我 有 個 怪脾氣 ，一個人 食嘢 呢 ，個 肚 實 痛 㗎 噃 。
如果 冇人 陪埋 我 一齊 食 ，等陣 我 肚痛 起上嚟 就 慘 咯 。
雙兒 甜甜噉 笑一笑 ，唯有 攞 張 橋凳 嚟 ，打斜噉 喺 枱角 坐落 。
韋小寶 一 碗 麵 先至 食得 幾啖 唧 ，只見 有 三 個 西藏 喇嘛 行 入 間 麵鋪 。
坐落之後 就 猛咁 嗌 夥記 ：攞 麵 嚟 ，攞麵嚟啊 ！
有個 喇嘛 見到 雙兒 條 頸 嗰 串 明珠 ，即刻 用 手踭 撞 下 個 同伴 ，努 下 個 嘴 叫 佢哋 睇下 。
嗰 兩個 人 一 睇 ，當堂 流口水 ，就 目不轉睛 盯住 嗰 串 珍珠 嘞 。
韋小寶 個 心 諗 ：弊嘞弊嘞 ，呢 三個 嘢 想 攔路 打劫 。
噉啊即刻攞出一塊碎銀 ，叫夥記幫佢請一架大車 ，匆匆忙忙食完麵 ，上咗大車 ，吩咐車夫向西便快啲跑 。
跑咗 幾里 路 ，聽見 後 便 有 馬蹄聲 嘞 。
韋小寶 捩轉頭 望下 後便 ，果然 見到 嗰 三名 喇嘛 騎馬 追住嚟 ，佢 就 同 雙兒 話 ：
嗰 三個 衰人 要 搶 你 串 珍珠 啊 ，畀 咗 佢哋 算 喇 ，第日 我 另外 買 一 串 珍珠 畀 你 。
雙兒話 ：哦 ，不過 亦 唔使 送嘅 。
呢個 時候 ，只 聽見 嗰 三個 喇嘛 大聲 叫 ：停車 ，停車啊 ！
噉 車夫 就 勒 停 隻 騾仔 嘞 。
三名 喇嘛 縱馬 上去 ，攔住 個 大車 。
一句人話 ：兩個 細路 落車 啦 ！
雙兒 將 嗰串 珍珠 除咗 落嚟 ，遞出去 話 ：
你哋 睇中咗 呢串 珍珠 ，相公 話 送咗 畀 你哋 喎 ，噉 就 攞去 啦 。
一名 又肥又大 嘅 喇嘛 伸 隻 大 手 出嚟 ，就 唔 接 珍珠 ，一揦 就 揦住 雙兒 隻 手 ，想 拉 佢 出去 外便 。
韋小寶 急 嘞 ： 誒 要錢 仲 有錢 啊 ， 唔 好 逳 手 啊 。
只見 黃影 一閃 ，嗰個 喇嘛 飛身而起 ，跳咗 上半天 ，就 向後 飛咗 出去 。
韋小寶 個 心話 ：嘩 嗨 乜 咁 好 功夫 㗎 ？
只見佢個身一落 ，原來係頭下腳上 ，啪一聲 ，成個人舂咗入去泥湴處 ，一直嚟到胸前 ，雙腳就亂咁舞 。
另外 兩個 喇嘛 呢 嘰裏呱啦 嘰裏呱啦 亂 咁 叫 ， 衝過去 將 佢 喺 泥 湴 處 掹 翻 出 嚟 。
嗰個 喇嘛 成面 都係 濕泥 狼狽 到 無比 。
好彩 尋晚 呢 落咗 成晚 大雨 ，浸到 路邊 啲 泥 都 軟晒 ，噉 嗰個 喇嘛 先至 冇 受傷 唧 。
韋小寶 哈哈大笑 同 個 車夫 話 ：仲唔快啲 走 。
雙兒 揸住 串珍珠 問 韋小寶 ：相公 ，串珍珠 仲 畀 唔 畀 佢哋 啊 ？
韋小寶 仲 未 回答 ，只見 三名 喇嘛 都 拔出 鋼刀 ，惡死 楞瞪 噉 追上嚟 。
雙兒 啊 攞咗 車夫 嗰 條 鞭 ，向外 一捹 ，捲住 一個 喇嘛 揸住 嗰把 鋼刀 ，條 鞭 一縮 ，左手 就 接住 把 刀 嘞 。
右手 就 將 鞭 捹 出去 ，一 捲 ，將 第二個 喇嘛 揸住 嗰 把 鋼刀 亦 搶 咗 過去 。
第三個 喇嘛 嚇到 叫咗 一聲 ：哎呀 ！噉就 唔追 嘞 噃 。
但係 雙兒 條 鞭 呢 又 捹 出去 嘞 ，不過 呢次 呢 捲住 佢 條 頸 ，一拉 將 佢 拉到 架 車 前 便 ，一手 攞住 佢 把 鋼刀 。
嗰個 喇嘛 喉嚨 畀 條 鞭 勒住 ，眼 坦坦 伸出 條 脷 ，塊 面 呢 一啲 血色 都 冇 。
嗰 兩 名 喇嘛 呢 ，一 左 一 右 向 雙兒 進攻 ，想 去 救翻 佢 嘅 同伴 。
雙兒 就 企起身 ，左腳 企喺 車沿 上便 ，飛起 右腳 ，踢中 兩名 喇嘛 頭上 嘅 穴道 ，即刻 就 𢴈 喺 地 暈咗 。
佢 又 松翻開 佢 條 鞭 ，嗰個 喇嘛 呢 因為 窒息 好耐 啊 ，亦都 暈埋 嘞 。
韋小寶 歡喜 到 極 喇 ，跳起身嚟 大叫話 ：雙兒 你 真係 叻 㗎 喇 ，原來 你 功夫 咁 使得 嘅 。
雙兒 微微 一笑話 ：冇乜嘢吖 ，係 呢 三個 惡人 唔中用 啫 。
早知 係 噉樣 啊 ，我 就 唔使 擔心 咁耐 咯 。
韋小寶 跳落 架車 ，喺 一名 喇嘛 個 身處 踢咗 一腳 問 佢 ：
你哋 嚟 做咩嘢 啊 ？
但係 嗰個 喇嘛 呢 ，仲 係 暈咗 未 醒 。
嗱 各位 ，欲知 後事 如何 ，且 聽 下回 分解 。
