前文再續啊 書接上一回啊 ，話説 韋小寶 講起 嗰個 假宮女 ，話 佢 好厲害㗎 ，講起 都 而家 仲 怕 噉 。
陶紅英 塊面 啲 肌肉 突然 間 跳 幾下 ， 啲 眼神 啊 好 驚 噉 ， 定 咗 眼望 住 前面 ， 出晒神 。
韋小寶 話 ：阿姨 ，你 唔 舒服 啊 ？
陶紅英 冇 回答 ，似乎 冇 聽見 噉 。
韋小寶 又 問 多 一次 。
陶紅英 周身 一震 ：哦哦 ，冇啊 。
突然間啪一聲 ，揸住 條 馬鞭 就 跌咗 落地 。
韋小寶 跳落 架車 ， 執翻 起條 馬鞭 飛身 又 跳 翻 上架 大車 ， 身法 就極 之 乾淨利落 。
佢 就 非常 得意 啊 ，希望 陶紅英 讚 佢 幾句 。
點知 陶紅英 擰擰頭 話 ：乖侄 ，你 安定 落嚟 之後 呢 ，應該 痛下苦功 至得 。
你 而家 啲 功夫 喺 宮內 做 太監 係 好 到 極 喇 ，之 出嚟 行走 江湖 就 差 到 極 喇 ，仲 唔 及 一個 啲 多 武功 都 唔 會 嘅 人 。
韋小寶 面 都 紅晒 應 佢 話 ：係 。
但係 個 心 諗 呢 ：我 武功 雖然 唔 得 啫 ，點解 會 唔 及 一個 唔 會 武功 個人 啊 。
陶紅英 話 ：你 如果 一啲 都 唔會 武功 ，人哋 亦 唔會 隨便 噉 嚟 殺 你 。
你既然有武功嘞 ，對方 防 你 反擊 ，一出手 就 唔留情 ，你話 係唔係 仲 弊 吖 ？
噉 如果 撞到 開 黑店 、打 悶棍 啲 賊仔 呢 ？
陶紅英 打個 特 ，一時 回答 唔出 嘞 ，過咗 一陣 間 佢 話 ：
噉亦啱嘅 ，喺 江湖 上 ，啲 賊仔 大概 多過 武功 好手 更多 啊 。
陶紅英 有 啲 心神不定 ，指住 前便 一樖 大樹 話 ：
我哋 唞 一唞 先至 行 啦 ，等 騾仔 食 啲 草 。
噉趕架車 去到 樹腳 ，兩個人 跳落車 一拍 噉 坐喺 樹根 上便 。
陶紅英 又 試出 晒 神嘞 ，過咗 一陣 間 佢 忽然 問 ：
有冇 講説話 啊 ？佢 有冇 講説話唧 ？
韋小寶 唔知 佢 問 嘅 係 邊個 噃 ，仰起頭 睇住 佢 唔知 點樣 回答 。
噉 啊 兩個 人 你 睇 我 我 睇 你 ， 一個 啊 等 對方 回答 一個 又 唔 知 對方 個 意思 係指 乜 。
過咗 一陣間 ，陶紅英 又 問嘞 ：
你 有冇 聽到 佢 講 嘢 啊 ？有冇 見到 佢 嘴唇 喺度 逳 啊 ？
韋小寶 見 佢 噉嘅 神氣 ，唔知 佢 係 撞咗 邪 吖 抑或 係 撞 鬼 嘞 ，佢 怕 喇 。
阿姨 ， 你 見到 邊個 啊 ？
邊個 ？ 嗰 個 ， 嗰 個 男扮女裝 嘅 假 宮女 呢 。
韋小寶 更加 慌 嘞 ： 你 ， 你 見到 嗰 個 假 宮女 啊 ？ 喺 邊 處 啊 ？
陶紅英 好似 突然間 醒翻 噉 佢 話 ：
嗰晚 喺 太后 間 房 裏 便 ，當 我 同 嗰個 假 宮女 打鬥 個 時候 ，你 有冇 聽到 佢 開口 講説話 啊 ？
韋小寶 噉 至 松翻 啖氣 佢 話 ：哦 你 係 問 嗰晚 嘅 事 係 嘛 ？
佢 有冇 講説話 ，啊 我 冇 聽見 噃 。
陶紅英 又 諗咗 一陣 擰擰頭 話 ：
我 同 佢 嘅 武功 相差 好 遠 ，佢 亦 唔 使 念 咒 吖 。
韋小寶 完全 摸唔着 頭腦 ，就 勸 佢 話 ：阿姨 ，你 唔使 諗 佢 咯 呢個人 早就 畀 我哋 殺 咗 嘞 ，唔會 翻生 㗎 喇 。
陶紅英 話 ：呢個 人 畀 我哋 殺咗 ，唔會 翻生 㗎 喇 。
呢句 説話 本來 係 自己 安慰 自己 嘅 ，但係 佢 講説話 嘅 神情 卻 係 顯得 內心 非常之 驚 。
陶紅英 又 話 ：佢 已經 死咗 ，當然 係 唔緊要 啦 係唔係 啊 ？
係佢 就算 變咗 鬼 都 唔使 怕 佢 啦 。
咩嘢 鬼唔鬼唧 ？我 擔心 佢 係 神龍教 教主 座下 嘅 弟子 ，噉 ，噉就 。
嗯 ，太后 叫 佢 做 師兄 ，唔會 嘅 ，一定 唔會 嘅 。
睇佢 嘅 武功 ，亦 完全 唔似 吖 。
你 真係 冇 見到 佢 出手 嘅 時候 嘴唇 喺度 逳 啊 ？吓 ？
陶紅英 自言自語 ，聲 都 震埋 ，似乎 好 希望 韋小寶 能夠 證實 佢 冇 估錯 噉 。
韋小寶 又點 能夠 分辨 得出 呢 個 假 宮女 嘅 武功 家數 呢 ？
不過 佢 又 大聲 話 ：哦 唔使 擔心 ，你 講得 啱啊 ，嗰個 假 宮女 嘅 武功 唔 似 吖 。
佢 出手 啊 眯埋 個 嘴 ，一句 説話 都 冇 講 嘅 。
阿姨 ，神龍 教 嘅 教主 係 咩 傢伙 啊 ？
陶紅英 連忙 話 ：神龍教 洪教主 神通廣大 ，佢 嘅 武功 深不可測 ，你 點 能夠 叫 佢 做 咩 嘢 傢伙 呢 ？
乖侄啊 ，就算 喺 背後 講説話 ，亦 唔好 得罪 佢 啊 。
洪大教主 徒子徒孫 非常之多 ，消息 靈通 到極 。
你 只要 講 佢 一句半句 唔恭敬 嘅 説話 ，傳翻 入 佢 隻 耳仔 啊 ，你 ，你 呢世人 就算 完 喇 。
佢 一面 講説話 ，一面 就 東張西望 ，似乎 怕 身邊 有 神龍教 教主 嘅 下屬 噉 。
乜 神龍教 教主 咁 厲害 嘅 咩 ？
唔通 佢 嘅 權力 仲 大過 皇帝 啊 ？
佢 嘅 權力 當然 冇 皇帝 咁 大 。
不過 你 得罪 咗 皇帝 就 趯 更匿 埋起 嚟 ， 皇帝 就 唔 一定 捉 得到 你 ；
得罪咗 神龍教 教主 ，你 就係 走到去 天涯海角 ，都 冇 容身之地 啊 。
噉樣 講起嚟 ，神龍教 啊 比 我哋 天地會 唔係 仲要 人多勢眾 ？
唔同嘅 ，唔同嘅 。
你哋 天地會 反清復明 ，做事 光明正大 ，江湖 上 嘅 好漢 人人 都 敬重 ，神龍教 就 係 大不相同 喇 。
你係講 ，江湖上 嘅 好漢 人人 對 神龍教 都 好 怕 嘅 係咪 啊 ？
陶紅英 諗咗 一陣 就 話 ：
江湖上 嘅 事情 ，我 知道得 好 少 好少 ，只係 聽 師父 講過 一啲 唧 。
我 太師父 噉嘅 武功 ，就 死 喺 神龍教 弟子 嘅 手下 。
佢 阿爺 吖 ， 噉 樣講 啊 ， 神龍教 係 我 哋 大 仇人 喇 噉 使 乜 怕 佢 啊 ？
陶紅英 擰擰頭 ，佢 話 ：
我 師父 講 ，神龍教 所 傳 嘅 武功 千變萬化 ，固然 係 厲害 到 極 啦 ；
但係 更加 厲害 嘅 係 ，佢哋 教 啊 ，有 好多 咒語 ，對 敵 嘅 時候 唸起上嚟 ，能夠 令 對手 心驚膽戰 ，而 佢哋 自己 呢 ，就 越戰越勇 。
太師父 喺 鑲藍旗 旗主 屋企 偷 經書 嗰陣 ，同 幾個 神龍教 弟子 大戰 起嚟 ，明明 已經 佔咗 上風 㗎 啦 ；
但係 佢哋 其中 有 個 人 ，口中 念念有詞 ，太師父 擊出去 嘅 拳風 掌力 ，就 越嚟越 弱 咯 ，終於 佢 小腹 中咗 一 掌 ，受咗 重傷 。
我 師父 當時 喺 旁邊 親眼 睇住 㗎 。
佢 話 ， 佢 奮勇 要 上前 幫手 啦 ， 但 係 聽 咗 咒語 之後 呢 ， 全身 都 酸 軟 ， 一味 想 跪 低 嚟 投降 ， 竟然 啊 全 無 鬥志 噉 。
太師父 一 受咗 傷 ，嗰個人 就 唔 唸 咒 嘞 ，我 師父 呢 ，即刻 就 唔怕 嘞 噃 ，衝過去 搶 咗 太師父 就 走 。
佢 事後 想起嚟 ，又 慚愧 又 害怕 ，因此 佢 再三 叮囑 我 ，天下間 最 兇險 嘅 事 ，莫過於 同 神龍教 教下 嘅 人 打 啊 。
阿姨 ， 嗰 個人 唸 咩 咒 ， 你 有 冇 聽過 啊 ？
我 ， 我 冇 聽過 啊 。
我啊擔心嗰個假宮女係神龍教嘅弟子 ，所以一直都問你 ，有冇聽到佢喺打鬥嘅時候講過乜嘢嘢 ，有冇見到佢個嘴唇喺度逳 。
哦 原來 噉嘅 。
韋小寶啊 想 翻 當時 喺 床下底 嘅 所見所聞 ，佢 話 ：
完全冇噃 ，啊 你 有冇 聽見 啊 ？
呢個 假宮女 嘅 武功 高過 我 好多 ，所以 我 全力 同 佢 打 ，對於 周圍 嘅 一切 ，冚𠾴唥 都 聽唔到 嘞 。
不過 我 同 佢 打咗 一陣 ，個 心 啊 ，忽然 怕起 上嚟 ，一味 想 逃走 ，我 事後 諗起嚟 好奇怪 啊 。
阿姨 ，你 學習 武藝 以嚟 ，同 幾多人 打過 ，誒 殺過 幾多人 啊 ？
我 從來 冇 同人 打過 ，一個人 都 冇 殺過 啊 。
噉就唔怪得知啦 ，以後啊 你 殺多幾個人 ，再 同人哋 打 嘅 時候 就 唔會 怕 嘞 。
或者 你 講得 啱嘅 。
不過 我 唔想 同人 打 ，更加 唔想 殺人 。
只要 能夠 太太平平 噉 ，搵到 嗰 八部 四十二章經 ，想法子 破咗 清廷 嘅 龍脈 ，噉 就 心滿意足 嘞 。
唉 ， 不過 鑲 藍旗旗 主 嗰 部 四十二章 經 ， 九成 已經 落 咗 入 去 神龍教 嘅 手上 。
想 喺 神龍教 嘅 手上 再 搶翻嚟 ，噉 就 難 到 極 喇 。
阿姨啊 ，你 入 我哋 天地會 好唔好 啊 ？
韋小寶 個 心 諗 ：你 怕 得 咁 厲害 ，我 天地會 人 多 勢 眾 就 唔 怕 神龍教 。
陶紅英 打個特 ，問佢話 ：你 為咩事 要 我 入 天地會 呢 ？
天地會 嘅 宗旨 係 反清復明 ，同 你 太師父 、師父 係 一樣 目的 㗎 。
噉 都 好嘅 ，不過 呢件事 將來 再 講 啦 。
我 而家 要 返去 皇宮 啊 ，你 去 邊處 啊 ？
韋小寶 奇怪 喇 ：乜 你 又 返去 皇宮 咩 ？你 唔怕 老舉 乸 嘞 咩 ？
陶紅英 歎 一口氣 佢 話 ：我 自細 喺 宮 裏 便 長大 ，諗嚟諗去 ，只有 喺 宮 裏 便 過 日子 先至 唔會 怕 唧 。
出便 世界 啲 事 啊 ，我 乜嘢 都 唔 懂 。
我 本來 係 怕 心裏頭 呢個 大 秘密 ，跟住 入埋 棺材 ，而家 已經 講咗 畀 你 聽 嘞 ，我 就算 畀 太后 殺咗 亦 唔 緊要 嘞 。
而且 皇宮 個 地方 好 大 ，我 搵 笪 地方 匿起嚟 ，太后 搵唔到 我 嘅 。
好 ，你 返去 啦 ，第日 我 一定 嚟 探 你 。
而家 師父 有事 派 我 去 做 啊 。
關於 天地會 嘅 事 ，陶紅英 就 不便 多問 喇 ，佢 話 ：
將來 你 回 宮 之後 ，點樣 同 我 見面 呢 ？
誒 ，嗱 ，我 返到 皇宮 ，喺 火場 嗰度 冧 一 堆 石頭 ，喺 石堆 上 便 呢 插 一 條 木 ，木條 上 便 呢 畫 隻 雀仔 ，噉 你 見到 就 知道 我 返嚟 喇 。
當晚 ，我哋 就 喺 火場 嗰度 見面 好嘛 ？
好 ，一於 噉話 啦 。
乖侄啊 ，江湖上 風波 險惡 ，你 要 一切 小心 啊 。
哦 ， 阿姨 啊 ， 你 自己 都 要 小心 啊 。
太后 呢個 老舉 乸心腸 狠毒 ，你 千祈千祈 唔好 上 佢 當 啊 。
噉 兩個人 趕架車 去到 一個 市鎮 ，韋小寶 就 另外 請咗 架 車 ，噉啊 兩個人 一東一西 就 分別 嘞 。
韋小寶 見 陶紅英 駕車 向住 東 便 行 ，一味 捩轉頭 嚟 望 ，個心 諗 ：
佢 雖然 唔係 我 真 阿姨 ，不過 佢 待 我 真係 好 㗎 。
話説 韋小寶 喺 馬車 裏 便 就 瞓咗 一覺 。
傍晚時分 ，忽然間 聽見 馬蹄聲響 ，有 一 騎馬 喺 後便 飛跑而嚟 ，跑到 近嘞 ，聽見 有 個 男人 聲 大喝 話 ：
喂 車夫 ！坐車 嘅 係咪 個 細路 啊 ？
韋小寶 認得 係 劉一舟 把 聲 ，都 唔 等 車夫 回答 啊 ，就 喺 車 裏 便 伸 個 頭 出嚟 笑住 話 ：劉大哥 ，你 搵 我 啊 ？
只見 劉一舟 滿頭 大汗 ，成面 都係 灰塵 。
佢 一見 韋小寶 就 大叫 話 ：好 ！我 終於 追到 你 喇 。
噉啊 縱馬 跑到 架 車 前 便 喝佢 話 ：躝落嚟 ！
韋小寶 見 佢 神情 咁 唔友善 ，吃咗 一驚 喇 。
劉大哥 ，我 咩事 得罪 你 啊 搞到 你 咁 嬲 啊 ？
劉一舟 一 馬鞭 揮 出去 ， 出力 拂 落架 大車 嘅 騾 仔 嘅 頭殼 。
隻 騾仔 痛嘞 ，大聲 噉 叫 ，人 噉 企 起身 ，噉 架 大 車 向 後 一 仰 ，車夫 啊 爭啲 跌落地 。
嗰個 車夫 喝 佢 話 ：青天白日 ，你 撞鬼 咩 ？發 咩 狼戾 喎 ！
劉一舟 大叫 話 ：老子 就要 發狼戾 ！
馬鞭 再 一揮 ，捲住 嗰個 車夫 條 鞭 ，一拉 就 𢴈 車夫 落地 。
跟住 用 馬鞭 嚟 拂 個 車夫 ，拂 一 鞭 就 鬧 一 聲 ：
老子 就要 發狼戾 ！ 老子 就要 發狼戾 ！
嗰個 車夫 畀 馬鞭 打住 躝 唔起身 ，就 咪咪 媽媽 亂咁 鬧 。
劉一舟 啊 越 打 越 重 啊 ，一鞭 拂 落去 ，就 鮮血 惦 流 。
韋小寶 啊 驚到 傻咗 噉 個 心 諗 ：
呢個 車夫 同 佢 無 冤 無 仇 ，佢 噉樣 嚟 毒打法 ，梗係 衝住 我 嚟 㗎 嘞 。
老子 唔係 佢 對手 ，等 佢 打完 車夫 啊 九成九 亦 會 噉噉樣 打 我 嘅 ，噉 就 大事 不妙 喇 。
噉啊即刻 喺 靴筒 拔出 把 匕首 ，喺 隻 騾仔 𦣇 柚 呢 輕輕 拮咗 一下 。
嗰只騾仔 又 痛 又 驚 ，好似 發咗狂 噉 拉住 架 大 車 順住 大 路 啊 猛跑 。
劉一舟 就 唔理 個 車夫 喇 ，拍馬 追住 去 ，大叫 話 ：僆仔 ，有種 嘅 就 唔好 走 ！
韋小寶 喺 車裏 便 伸 個頭 出 嚟 大叫 話 ：僆 仔 ， 有種 就 唔 好 追 吖 ！
劉一舟 啊 出力 鞭 隻 馬 ，飛跑 咁 追 。
騾仔 啊 跑 得 雖然 好 快 啊 ， 但 係 拉 住 架 大車 啊 ， 噉 跑 咗 一陣 ， 劉一舟 啊 越 追越 近 嘞 。
韋小寶啊 想 用 匕首 掟 劉一舟 ，但係 諗住 多數 掟唔中 嘅 ，反而 失咗 防身 利器 添 就 唔掟 。
佢 亂咁 喝 想 催 隻 騾仔 快啲 跑 。
突然間 耳邊 勁風 一過 ，右邊 塊面 啊 痛到 熱辣辣 ，已經 畀 佢 打咗 一鞭 嘞 。
佢 急急 縮翻 個頭 入車 ， 喺 大車 帳篷 條 嚹 處 就 見到 劉一舟 嘅 馬頭 已經 挨到車 旁邊 嘞 。
噉只要 跑 多 幾步 ，劉一舟 就 能夠 跳 上 車 嘞 。
情急智生 ，喺 身邊 扲出 一錠 銀 ，出力 掟出去 ，掟中 嗰隻 馬 嘅 左眼 。
嗰匹馬 左眼 啊 即時 流血 ，眼珠 碎裂 ，當堂 盲咗 ，噉 啊 打斜 呢 就 向 山坡 上面 跑 。
劉一舟 啊 連忙 勒 韁 咯 喎 ， 嗰 隻 馬 痛 得 犀利 啊 ， 幾個 虎 跳 ， 將 劉一舟 拋 咗 落地 。
劉一舟 一個 關斗 ，跟住 就 企翻 起身 。
不過 嗰 匹 馬 呢 已經 走 入 樹林 嘞 ，叫 咗 幾 聲 ，跑 到 好 遠 。
韋小寶 哈哈大笑 佢 話 ：劉師哥 ，你 唔會 騎馬 ，喂 ，你不如 去 捉 隻 烏龜 嚟 騎 下 罷啦 。
劉一舟 好嬲啊 ，提住氣 ，猛咁 追架 大車 。
韋小寶 嚇咗 一跳 ，急急 趕 隻 騾仔 快啲 跑 。
佢 捩 轉頭 睇 下 劉一舟 ，噉 啊 見 佢 雖然 同 大車 距離 已經 有 二三十 丈 啊 ，但係 佢 猛咁 追 啊 ，要 拋開 佢 都 唔係 咁 容易 嘅 噃 。
於是 又 用 把 匕首 輕輕 㓤 下 隻 騾仔 𦣇 柚 ，哈 ，點知 呢次 唔靈 喇 。
隻 騾仔 跳咗 幾 下 ，忽然間 掉轉頭 ，向住 劉一舟 跑過去 。
韋小寶 大叫 話 ：唔係啊 ，唔係啊 ！哎呀 你個 死畜生 ，幫 人 唔 幫 我 自己 ，要 老子 死 嘅 啫 。
佢 出力 咁 拉韁繩 ，但係 騾仔 癲 咗 噉 ，又 點 拉得住 佢 吖 ？
韋小寶 見 情況 不妙 嘞 ，連忙 喺 車 裏 便 跳出嚟 ，向住 路邊 嘅 樹林 就 跑 。
劉一舟 一個 箭步 飚 上去 ，左手 一 伸 ，就 揦住 佢 條 衫 領 。
韋小寶 用 匕首 向 後 便 刺出去 。
劉一舟 右手 順住 佢 手臂 向下 一勒 ，一招 行雲流水 ，就 已經 捉住 佢 嘅 手腕 ，跟住 就 拗轉 佢 隻 手臂 ，匕首 尖尖 啊 對住 佢 喉嚨 ，喝 佢 話 ：
死賊仔 ，你 仲 敢 惡 吖嗱 ！
左手 啪啪 兩下 ，摑咗 佢 兩巴 。
韋小寶 知道 自己 呢 把 匕首 啊 削鐵如泥 ，割 喉嚨 啊 直情 切 豆腐 一樣 ，佢 連忙 嬉皮笑臉 噉 話 ：
誒 劉大哥 ， 有 説 話 好 講 ， 大家 係 自己 人 ， 誒 ， 使 乜嘢 逳 手 啊 ？
劉 一舟 一啖 口水 吐 喺 佢 塊 面 處 ：
呸 ！ 邊個 認 你 係 自己 人 啊 ？ 你 ， 你 你 你 ， 你 呢 個 賊 仔 。
咁 大膽 喺 皇宮 裏 便 花言巧語 ， 呃 我方 師妹 ， 又 同 佢 瞓 埋 一張 床 ， 噉 ， 噉 ， 我 ， 我 ， 我 非 殺 咗 你 不可 ！
劉一舟 額頭 青筋 都 爆起晒 ，雙眼 啊 好似 噴火 噉 。
左手 揸實 拳頭 ，對準 韋小寶 塊 面 。
韋小寶 而家 先至 明白 ，佢 之所以 發 咁大 火 啊 原來 係 為咗 方怡 ，只不過 唔知 佢 點樣 知 就係 喇 。
眼前 嘅 局面 千鈞一髮 ，佢 火氣 稍為 大啲 ，隻手 啊 使 多半分力 ，自己 嘅 喉嚨 啊 ，即刻 多個 窿 。
佢 笑住 話 ：方 姑娘 係 你 心上人 ，誒 我 點 敢 對 佢 冇 禮 啊 ？
方姑娘 個 心裏 便 啊 ，就 只係 得 你 一個 人 咋 ，佢 從朝到黑 ，就係 想住 你 啫嘛 。
劉一舟 嘅 火氣 即刻 降低 喇 ：你 點 知道 㗎 ？
將 把 匕首 啊 縮 翻 後 幾 寸 。
韋小寶 話 ：因為 佢 求 我 救 你 ，我先至 送 你 出 宮 啫 ，佢 一 知道 你 脱險 啊 ，都 唔 知 幾 咁 歡喜 啊 。
劉一舟 突然間 又 惡起上嚟 喇 咬牙切切 噉 話 ：
你呢個死賊仔 ，老子 唔領 你嘅情 ！
你 救 我 亦 好 ，唔 救 我 亦 好 ，你 點解 呃 我 方 師妹 應承 嫁 ，嫁畀 你 做 老婆 吖 ？
匕首 又 向 前 推咗 幾寸 。
韋小寶 話 ：吓 ？邊度 有 噉嘅 事 啊 ？你 聽 邊個 講 㗎 ？
方姑娘 係 個 閉月羞花 嘅 美人 ，只有 嫁 你 噉 嘅 又 英俊 、又 使得 嘅 英雄 ，噉 先至 相配 㗎 嘛 。
劉一舟 火氣 又 降咗 三分 嘞 ，將 匕首 又 縮翻 後 幾寸 。
你 仲 想 賴 ？方師妹 係 唔係 應承 嫁 畀 你 做 老婆 ，吓 ？
韋小寶 哈哈大笑 啊 。
有咩 咁 好笑 啊 你 ？
劉大哥 ，我 問 你 嘞 ，做 太監 嘅 人 能 唔 能夠 娶 老婆 吖 ？
劉一舟 一肚 怒火 追住嚟 ，一直 都 冇 諗過 韋小寶 係 個 太監 ，而 太監 啊 決 唔 能夠 娶 老婆 嘅 。
而家 經 韋小寶 一言 提醒 ，當堂 心花怒放 忍唔住 都 笑起上嚟 ，但係 佢 仲 唔 放開 佢 隻手 啊 。
噉 你 點解 要 呃 我 方 師妹 ，要 佢 嫁 你 做 老婆 吖 ？
喂 ，呢句 説話 你 喺 邊度 聽 翻嚟 嘅 唧 ？
我 親耳 聽到 方師妹 同 小郡主 講 嘅 ，唔通 仲 有 假 咩 ？
係佢哋 兩個人 自己 講 呢 ，定係 同你 講㗎 ？
係 佢 哋 兩個 人 講 嘅 。
原來 徐天川 同 方怡 、沐劍屏 兩個人 起程 去 石家莊 ，行咗 冇 幾遠 ，就 撞到 吳立身 、敖彪 、劉一舟 三個人 嘞 。
吳立身 佢哋 三個人 喺 清宮 裏 便 受過 酷刑 ，雖然 係 冇 傷到 筋骨 ，但係 全身 都 打到 皮開肉綻 。
噉啊 坐住 大車 ，亦 要 去 石家莊 養傷 ，而家 路上 相逢 ，梗係 歡喜 定 啦 。
但係 方怡 對待 劉一舟 嘅 神情 就 同 往日 大不相同 嘞 。
除咗 見面 嘅 時候 叫 一聲 劉師哥 之外 ，以後 就 十分 冷淡 ，對 佢 唔理唔睬 。
劉 一舟 幾次 三番 要 拉埋 佢 一便 講 幾句 知心 説話 ，方怡 一味 陪住 沐 劍屏 唔肯 離開 。
劉一舟 又 急 又 唔 高興 ，就 猛咁 追問 方怡 。
方怡話 ：劉師哥 ，從今以後 ，我哋 兩個人 就係 師兄妹 唧 ，除此之外 就 咩嘢 都 唔使 提 ，亦 唔使 想 喇 。
劉一舟 吃 咗 一驚 喇就問 ： 噉 ， 噉 為 咩 嘢 啊 ？
冇為咩嘢啊 。
劉一舟 拉住 佢 隻手 話 ：師妹 ，你 。
方怡 出力 一捹 ，捹甩 佢 隻手 ：唔該 你 尊重啲 。
劉一舟 啊 撞咗 個 大板 ，呢 一晚 ，喺 客店 裏 便 就 翻來覆去 瞓唔着 ，個 心 就 囉囉攣 。
靜靜 起身 ，就 嚟到 方怡 同 沐劍 屏住 嗰 間 房 嘅 窗口 旁邊 ，果然 聽見 兩 個 人 喺度 細細聲 傾偈 。
嗱 各位 ，欲知 後事 如何 ，且 聽 下回 分解 。
