前文 再續 啊 書 接 上一回 啊 ，話說 韋小寶 應承 去 五台山 ，探訪 老皇帝 嘅 消息 。
康熙話 ：我哋 大清 嘅 規矩 ，太監 係 唔能夠 出京 嘅 ，除非 係 跟埋 我 去 啦 。
好彩 你 本來 就 唔係 太監 。
小桂子 ，你 以後 唔 做 太監 喇 ，仲 係 做 侍衞 罷啦 。
不過 皇宮 同 朝廷 嘅 人 都 已經 認識 你 ，你 忽然間 唔 做 太監 啊 大家 會 好 奇怪 㗎 噃 。
嗯 ，得 ！我 可以 對 大家 講 ，話 你 係 捉拿 鰲拜 ，就 奉 我 之 命 假扮 太監 ，而家 鰲拜 已經 剷除 咗 噉 當然 唔能夠 一味 假扮 太監 啦 。
小桂子 ，嗱 你 將嚟 要 讀 多啲 書 ，我 封 你 做 個 大官 。
好啊 ，誒 ，不過 呢 我 一見到 書 就 頭赤 㗎 嘞 。
不如噉呢 ，我 讀 少啲 書 ，你 封 我 個 官 呢 就 細啲 就 得嘞 。
康熙 坐 喺 枱 度 ，寫 信 畀 父皇 就 稟明 自己 不孝 ，直到 而家 先至 知道 父皇 尚 在 人世 ，個 心 啊 極之 歡喜 ，即日 呢 就 要 上山 ，恭迎 聖駕 回 宮 噉 。
啱啱 寫咗 幾行 ，一諗 ：呢封信 如果 落入 第二個人 嘅 手 ，就 好 唔 妥當 嘞 。
小桂子 如果 畀 人哋 捉咗 或者 殺死 ，呢封信 就 畀 人哋 抄咗去 㗎喇 。
佢 即刻 燒咗 嗰 張 信紙 ，再 寫過 一 張 。
敕令 御前 侍衛 副總管 ，欽賜 穿 黃馬褂 韋小寶 前赴 五台山 一帶 公幹 ，各省 文武官員 受命 調遣 ，欽此 。
寫完 ，扱咗 御寶 ，即係 皇帝 印嘞 ，就 交畀 韋小寶 。
我 封咗 你 一個 官 ，你 睇下 係 咩 嘢 ？
韋小寶 睩 大 雙眼 ，只係 識得 自己 個 名 同埋 五 、一 、文 三 個 字 ，噉 啊 總共 六 個 字 。
而 個 韋 字 同 個 寶 字 呢 ，亦 都 係 同 個 小 字 上下 相連 至 認得 嘅 啫 ，如果 分開 就 唔 識 㗎 嘞 。
佢 擰 一擰 頭 話 ：都 唔識得 係 咩 官 嘞 ，不過 皇上 封贈 嘅 ，噉 都 怕 唔係 細 官 啩 ？
康熙 笑住 將 嗰道 敕令 讀咗 一次 。
韋小寶 伸 一伸 條脷 嘩嗨 ，係 御前 侍衞 副總管 啊 ，犀利 咯 ，仲 賞 穿 黃馬褂 添 。
多隆 雖然 係 總管 ，不過 冇 黃馬褂 着 。
你 呢次 嘅 事 如果 能夠 做得 妥當 ，回宮 之後 再 升 你 官 。
不過 呢 你 啊 年紀 太 細 ，官 做 大過 頭 喇 唔 似樣 ，我哋 慢慢 嚟 啦 。
官大官細 我 都 唔 在乎 啊 ，只要 時時 能夠 同 你 見面 噉 就 好喇 。
康熙 嘅 心情 啊 真係 又 悲 又 喜 佢 話 ：
你 呢次 去 一切 都 要 小心 ，做 事務 必要 萬分 機密 。
呢道敕令 如果 唔係 萬不得已 就 唔好 攞出嚟 畀 人哋 睇 。
你 去 啦 。
韋小寶 同 康熙 叩頭 告別 ，就 返去 自己 間 屋 。
輕輕 開門 入去 ，呢個 時候 ，個 天 已經 出現 魚肚白 喇 。
方怡 冇 瞓着 ，見到 佢 返嚟 好 歡喜 啊 佢 話 ：你 返嚟 喇 ？
韋小寶 話 ： 嘿 萬事大吉 喇 ， 我 哋 而家 就 離開 皇宮 啦 。
沐劍屏 醒嘞 佢 話 ：師姐 啊 好 擔心 啊 ，怕 你 有 危險 咯 。
韋小寶 笑住 問佢 ：噉 你 呢 ？
我 梗係 擔心 啦 ，你 冇事 吖嘛 ？
冇事 ，梗冇事㗎 。
呢個 時候 ，只 聽見 鐘聲 響嘞 ，宮門 打開 ，文武百官 就 快 陸陸續續 入 宮 候 朝 。
韋小寶 點着 蠟燭 ，噉啊 睇下 兩個人 嘅 裝束 有冇 破綻 。
佢 話 ：裝束 就 冇 問題 嘞 ，不過 你 兩個 人 生得 咁 靚 ，噉啦 ，你 抹 啲 泥沙 灰塵 落 塊 面 處 啦 。
沐劍屏 啊 有啲 唔想 ，但係 見到 方怡 用 手 喺 地下 揩 啲 泥塵 抹 落 塊 面 處 ，噉 佢 亦都 照做 嘞 。
韋小寶 將 喺 太后 床下 底 偷翻嚟 嗰 三部 經書 ，就 包咗 落 個 包袱 ，扲 出 嗰 支 銀釵 遞 畀 方怡 佢 話 ：
係唔係 呢支 銀釵 啊 ？
方怡 塊面 一 紅 ，慢慢 伸手 接咗去 ，佢 話 ：
你 冒 咁 大 嘅 危險 ，原來 ，原來 係 去 同 我 攞翻 呢支 銀釵 啊 ？
個 心 一 酸 ，眼眶 都 紅咗 ，就 擰轉 頭 嘞 。
韋小寶 笑住 話 ：亦 冇 咩 危險 啫 。
個心諗 ：呢啲 叫做 好心有好報 喇 ，唔去攞 呢支 銀釵 ，就 撈唔到 件 黃馬褂 着 。
好喇 ，噉 韋小寶 帶住 佢 兩個 人 ，由 後門 神武門 出咗 皇宮 。
當其時 個 天 仲 未 光得晒 ，守門 嘅 侍衞 見到 係 桂公公 帶埋 兩名 小太監 出 宮 唄 ，噉 啊 除咗 托大腳 之外 ，仲有 邊個 嚟 問 多 一句 吖 ？
方怡 出咗 皇宮 ，行咗 十幾丈 之後 捩轉頭 睇下 皇宮 ，真係 百感交集 ，直情 係 好似 隔世 為人 啊 。
韋小寶 喺 街邊 請咗 三 頂 轎 ，就 吩咐 抬 去 西長安街 。
落咗轎 之後 呢 ，又再 請過 三頂 ，就 去到 天地會 落嗰 嘅 地方 兩條 胡同 ，喺 外 便 落 轎 佢 話 ：
你哋 沐王府 嘅 朋友 尋日 都 出 咗 城 喇 ，我 要 同 朋友 商量 一下 ，睇下 送 你哋 去 邊處 啦 。
方怡 問 佢 話 ： 噉 你 ， 你 以後 要 去 邊處 啊 ？
我唔敢再留喺北京城咯 ，去得越遠越好 ，等到太后死咗冇事喇 ，我先至敢返嚟啊 。
我 哋 喺 河北 石家莊 有個 好 朋友 ， 你 ， 你 如果 唔 嫌棄 就 ， 就 一齊 去 暫時 避開 下好 唔 好 ？
沐劍屏 話 ：好啊 ，你 係 我哋 嘅 救命恩人 ，大家 都 係 自己人 吖嘛 。
三個人 一齊 都 熱鬧啲 啊 。
兩個人 望實 韋小寶 都 好 盼望 佢 去 ，沐劍屏 啊 顯得 天真 熱切 ，方怡 呢 ，就 有 啲 怕怕 醜醜 噉 。
韋小寶 如果 唔係 有 要務 在身 ，同 呢 兩 個 俏街人 搭伴 同行 本來 係 快活 逍遙 到 極 嘅 ，但係 而家 呢 就 不得不 設法 推託 喇 佢 話 ：
我 仲 應承咗 朋友 去 做 一 件 緊要 嘅 事 ，而家 唔 能夠 同 你哋 去 石家莊 嘞 。
你 哋 身上 有傷 ， 噉 兩個 姑娘 喺 路上 唔 方便 嘅 ， 我要 拜託 一兩個 可靠 嘅 朋友 ， 護送 你 哋 去 至 得 。
我哋 唞唞 先 ，食飽 個 肚 慢慢 再 商量 啦 。
行咗 冇 幾耐 ，就 到 天地會 嘅 住地 。
喺 外便 守衞 嘅 弟兄 見到 係 佢 唄 ，連忙 帶 佢哋 入去 。
高彥超 出嚟 迎接 ，見 佢 帶埋 兩名 小太監 就 好奇怪 。
韋小寶 喺 佢 耳 仔 邊 細細 聲話 ： 係 沐家 小公爺 嘅 妹妹 ， 仲有 一個 係 佢 師姐 ， 我 喺 宮裏 便 救出 嚟 嘅 。
高彥超 請 兩個 女仔 喺 大廳 坐 ，就 奉 咗 茶 之後 ，將 韋小寶 拉埋 一便 佢 話 ：
總舵主 尋晚 離開咗 北京 嘞 。
韋小寶 啊 歡喜 到 乜嘢 噉 ，佢 一來 實在 怕 師父 查問 自己 武功 啊 練成 點樣 ；
二來 ，又 唔 知道 應唔應該 將 康熙 叫佢 做 嘅 事 講畀佢聽 ；
而家 一聽 師父 已經 離開 北京 唄 ，個 心 當堂 好似 放落 一嚿 大石 噉 ，不過 佢 就 話 ：
哎呀 乜 噉噉 ，噉 師父 咁快 就 走 嘅 呢 ？
高彥超話 ：總舵主 吩咐 屬下 轉告 韋香主 ，佢 老人家 突然間 接到 台灣 嚟 嘅 急報 ，非 趕返去 處理 不可 喎 。
總舵 主要 韋香 主 一切 小心 ，相機行事 ，皇宮 裏 便 如果 唔能夠 再 住 落去 喇 ，就 離開 北京 暫時 避開 下 啦 。
又 話 韋香主 要 勤練 武功 ， 韋香主 個 身上 嘅 傷 毒 唔 知 好 晒 未 ， 如果 身子 唔 妥 ， 就 務必 要 急急 報 畀 總舵主 知 啊 。
係 ，師父 掛住 我 個 傷勢 同 武功 真係 令人 感激 嘞 。
哎 台灣 出咗 咩事 啊 ？
聽講 係 鄭氏 母子 不和 ，殺咗 大臣 ，好似 發生咗 內變 。
不過 總舵主 威望 極高 ，有 咩 變亂 ，佢 老人家 喺度 就 必定 能夠 平息 嘅 ，韋香主 你 唔使 擔心 。
李大哥 、關夫子 、樊大哥 、風大哥 同 玄貞道長 佢哋 都 跟埋 總舵主 去 咗 台灣 。
徐三哥 同 屬下 就 留 喺 北京 ，聽 侯韋香 主 差遣 。
韋小寶 岌一岌頭 佢 話 ：你 叫 人 去 請 徐三哥 嚟 啦 。
佢 個 心 諗 ：八臂猿猴 徐天川 武功 又 高 ，個人 又 機警 ，而且 係 個 老人家 ，護送 兩個 女仔 去 石家莊 就 最好 嘞 。
佢 交帶完 就 返嚟 大廳 ，同 方沐 兩個人 一齊 食 啲 麵 。
沐劍屏 食咗 細半碗 麵 就 忍唔住 問 佢 ：
你 真係 唔能夠 同 我哋 去 石家莊 啊 ？
韋小寶 望 下方 怡 ，見 佢 停咗 筷子 定 眼 望住 自己 ，眼光 啊 充滿 晒 殷切 之 情 ，不禁 個 心口 一熱 ，就 想 佢哋 兩個 女仔 啊 跟埋 自己 去 五台山 。
但係 佢 即刻 又 諗 ：
我要 同 皇上 辦 大事 噃 。
如果 帶埋 呢 兩個 受咗傷 嘅 姑娘 去 礙手礙腳 ，惹人注意 ，哎 千祈 唔好 䎺喇 。
於是 佢 歎 一口氣 話 ：我 做完 咗 事 之後 呢 就 去 石家莊 探 你哋 啦 。
你 哋 嘅 朋友 住 喺 邊 處 啊 ？ 叫做 咩 嘢 名 啊 ？
方怡 慢慢 耷低頭 ，用 筷子 夾咗 一條 麵 之 又 唔食 ，細細聲 話 ：
嗰位 朋友 喺 石家莊 西市 開咗 一 間 騾馬巷 ，佢 叫做 快馬 宋三 。
哦 ，快馬 宋三 ，得喇 ，我 一定 嚟 探 你哋 。
我 又 點 能夠 唔嚟 呢 ？我 唔 捨得 呢對 閉月羞花 嘅 大 老婆 同 小 老婆 㗎 嘛 。
沐劍屏 笑住 話 ：乖咗 唔夠 一陣 又 試 口花花 嘞 。
方怡 好正經 噉 話 ：你 如果 真係 當 我哋 係 好朋友 ，我哋 ，我哋 日日 都 盼望 你 嚟 。
你 如果 係 存心 輕薄 ， 唔 尊重 人 ， 噉 ， 噉 就 唔 使 嚟 喇 。
韋小寶 撞咗 個 板 覺得 冇乜 癮 喇 就 話 ：
噉好啦 ，你 唔鐘意 講笑 噉 我 以後 唔講 就係啦 嘛 。
方怡 有啲 抱歉 就 好聲好氣 話 ：
就算係 講笑啊 ，都 有 個 分寸 ，要 睇下 時候 睇下 地方 㗎嘛 。
你 ，你嬲啊 ？
韋小寶 又 高興 翻 喇 佢 話 ： 冇 冇 冇 冇 嬲 冇 嬲 ， 只要 你 唔 嬲 就 得 嘞 。
方怡 笑咗 一笑話 ：對 你 啊 ，邊個 都 唔會 真係 嬲 嘅 。
方怡 噉樣 嫣然 一笑 ，真係 俏麗 到 極 啊 ，韋小寶 當堂 周身 温暖 。
忽然間 ，聽見 天井 嗰度 有 腳步聲 ，跟住 一個 老伯 行咗 入嚟 ，係 徐天川 到 嘞 。
佢 行到 韋小寶 面前 躬身 行禮 ，滿面 笑容 ，恭恭敬敬 噉 話 ：你好嘛 ？
徐天川 為人 謹慎 ，見到 有 外人 在座 就 唔 稱呼 韋香主 嘞 。
韋小寶 抱拳 還咗 禮 ，佢 話 ：徐三哥 ，我 同 你 引見 兩位 朋友 。
呢 兩位 都 係 鐵背蒼龍 柳大爺 嘅 高足 ，呢一位 係 方姑娘 ，呢一位 係 沐姑娘 ，係 沐王府 嘅 小 郡主 。
又 同 方沐 兩位 話 ：呢位 係 徐大哥 ，同 柳大爺 、你哋 小公爺 都 識 嘅 。
誒 本來 佢哋 有 一啲 小小 嘅 過節 ，不過 而家 都 冇事 喇 。
等 三個人 見過 禮 之後 ，佢 話 ：
徐三哥 ，我 想 拜託 你 一件事 啊 。
徐天川 聽見 呢 兩個 女扮男裝 嘅 小太監 ，竟然 係 沐王府 嘅 重要 人物 。
佢 諗住 沐劍聲 佢哋 都 已經 知道 韋小寶 個 來歷 嘞 ，噉 呢 兩位 姑娘 當然 亦 早就 知道 㗎 啦 ，佢 話 ：
韋香主 有 咩嘢 差遣 ，屬下 一定 奉命 。
點知道 方怡 同 沐劍屏 完全 唔 知道 韋小寶 個 身份 ，聽 徐天川 叫 佢 做 韋香主 都 十分 奇怪 。
韋小寶 笑咗 一 笑話 ：
兩位 姑娘 同 吳立身 吳大爺 、劉一舟 劉大哥 佢哋 一樣 ，都係 失陷 喺 皇宮 裏 便 ，而家 先至 出嚟 。
沐小公爺 同 劉一舟 師兄 佢哋 都 已經 離開 咗 北京 㗎 啦 係咪 啊 ？
徐天川 話 ：沐王府 各位 英雄 尋日 都 已經 平安 離開 北京 嘞 。
沐小公爺 仲 託 我 打聽 下 小郡主 嘅 下落 ，我啊 請 佢 放心 ，我哋 天地會 擔保 ，必定 搵到 小郡主 嘅 。
沐劍屏 話 ：劉師哥 係咪 同 我 哥哥 喺 一齊 啊 ？
佢 呢句 説話 係 代 方怡 問 嘅 。
徐天川 話 ：在下 送 佢哋 分批 出城 ，劉師兄 係 同 柳大爺 喺 一齊 ，去 南便 嘅 。
方怡 塊面 一 紅 ，耷低 頭 唔 出聲 。
韋小寶 個 心 諗 ：你 聽見 心上人 平安 脫險 一定 係 心花怒放 㗎 啦 ？
點知道 呢 一次 就 估錯咗 。
方 怡 嘅 心 諗 嘅 係 ： 我 應承 過 佢 ， 佢 如果 救 咗 劉 師哥 條命 ， 我 就要 嫁 佢 做 老婆 。
但係 佢 係 個 太監 又 點 嫁得 唧 ？
佢 年紀 輕輕 鬼馬 多端 ，點解 又 變咗 韋香主 呢 ？
韋小寶話 ：呢 兩位 姑娘 ，搏命 同 清宮 侍衞 打 身上 受 咗 傷 ，而家 要 去 石家莊 一位 朋友 屋企 養傷 。
我啊 想 請 徐三哥 護送 佢哋 去 。
徐天川 好 歡喜 噉 話 ： 理當 效勞 理當 效勞 。
韋香主 派咗 一件 好 差事 畀 我 。
屬下 對唔住 沐王府 個 朋友 ，反而 ，承蒙 沐小公爺 搭救 ，個 心 啊 真係 又 感激 又 慚愧 。
而家 能夠 陪伴 兩位 姑娘 平安 到達 ，亦 可以 稍為 補報 於 萬一 嘞 。
沐劍屏 望咗 徐天川 一眼 ，見 佢 身材 瘦弱 ，駝背 彎腰 係 個 隨時隨地 都 能夠 一命嗚呼 嘅 老坑 ，仲 講 咩 護送 自己 同 師姐 吖 ，就 怕 一路 啊 仲 要 照料 佢 添噃 。
何況 韋小寶 又 唔 去 早 就 好 失望 嘞 ，所以 成面 都 好 唔 高興 嘅 表情 。
方怡話 ：要 勞煩 徐大爺 實在 唔敢當 ，只係 要 麻煩 你 同 我哋 請 架 大車 ，我哋 自己 去 就 得 喇 。
我哋 嘅 傷 亦 冇 乜嘢 緊要 嘅 ，唔使 費心 喇 。
徐天川 笑住 話 ：呵呵呵呵 ，方姑娘 唔使 客氣 。
韋香主 既然 有 命令 ，我 點都 要 奉陪 到底 嘅 。
兩位 姑娘 武藝 高超 ，本來 唔使 我 呢個 伯爺公 去 討人嫌 㗎喇 ，護送 兩個 字 ，我 實在 冇 呢個 本事 。
但係 走走趯趯 ，侍候 兩位 姑娘 住客棧 、打尖 、叫車 、買嘢 ，噉 係 我 嘅 拿手好戲 ，免致 兩位 姑娘 一路 要 對付 啲 騾夫 啊 、車夫 啊 、店小二 啲 人 咁 費事 啦 。
方怡 見到 難以推託 喇 佢 就 話 ：
徐大爺 呢 番 盛意 唔知 點樣 報答 先至 係 喇 。
哈哈哈哈哈哈 ，報咩嘢 答吖 ？唔怕 同 兩位 姑娘 講嘞 ，我 對 我哋 呢位 韋香主 啊 真係 佩服 到 佢 不得了 。
咪 睇 佢 年紀 輕輕 ，實在 係 神通廣大 。
佢 救咗 我 條命 ，尋日 又 同 我 呢個 老坑 呢 出咗 啖 氣 。
我 個 心 啊 正喺 度 諗 嘞 ：點 都 要 想法子 幫佢 做翻 幾件事 至 得 。
吖 ，誰知 佢 今日 就 交咗 一件 差事 畀 我 。
兩位 姑娘 就算 唔准 我 陪 啊 ，我亦 只有 厚住 面皮 ，一路上 做個 先行官 ，逢山 開路 ，遇水 搭橋 ，侍候 兩位 平安 到達 石家莊 。
咪 講話 喺 北京 去 石家莊 係 幾日 路程 啦 ， 韋香主 如果 吩咐 我 跟 住 兩位 去 雲南 啊 ， 噉 亦 係 話 去 就 去 送到 為止 啊 。
沐劍屏 見 佢 個 樣 雖然 係 兜兜踎踎 ，講起 説話 上嚟 呢 就 好 風趣 ，就 問 佢 ：
佢 尋日 同 你 出咗 咩 嘢 氣 啊 ？尋日 佢 ，佢 唔係 喺 皇宮 裏 便 咩 ？
哈哈哈哈哈哈哈 ，噉嘅 ，吳三桂 嗰個 奸賊 手下 有 個 狗官 叫做 盧一峰 。
佢 將 我 捉咗 去 ，拷打 辱罵 ，仲 攞 一 貼膏藥 封住 我 個 嘴 ，好彩 令 兄 啊 派 人 救翻 我 出嚟 。
韋香主 就 應承 我 話 ，佢 一定 叫 人 打斷 呢個 狗官 雙腳 噉 。
我諗 吳三桂 個 衰仔 呢次 嚟 北京 ，手下 帶 嘅 能人 好多 。
盧一峰 呢個 嘢 上次 畀 我 打過 ，學精咗 嘞 ，就 唔敢 一個人 出街 ，我哋 要 報仇 就 唔係 咁 容易 啦 。
哈 ，點 知道 尋日 我 喺 西城 種德堂 藥材鋪 ，見到 一個 做 跌打醫生 嘅 朋友 講起 ，話 平西王 嗰個 狗竇 啊 派 人 抬住 嗰個 狗官 ，到處 搵 跌打醫生 。
不過 事情 呢 又 奇怪 噃 ，跌打 醫生 啊 搵 完 一 個 又 一 個 ，總共 搵咗 二 三 十 人 ，又 唔 畀 佢 醫 。
只係 同佢哋 話 ，呢個 狗官 叫做 盧一峰 ，真係 糊塗 混賬 喇 ，平西王 嘅 衰仔 呢 ，親自 用 條 棍 打斷 佢 一對 狗腳 ，要 佢 痛 七日七夜 ，唔准 佢 醫 喎 噉 。
方怡 同 沐劍屏 都 十分 奇怪 嘞 ，問 韋小寶 話 ：點解 會 噉嘅 ？
韋小寶話 ：呢個 狗官 得罪咗 徐三哥 ，噉啊 梗係 要 佢 受 多啲 苦啦 。
沐劍屏 話 ：平西王 個 狗竇 裏 便啲 人 ，又 點解 將 佢 抬嚟抬去 畀 啲 人 知道 呢 ？
韋小寶 話 ：吳應熊 嗰個 衰仔 要 人 傳話 畀 我 聽 ，我 叫 佢 打斷 呢隻 狗官 雙腳 ，佢 已經 做妥咗 喇 噉 。
佢 點解 又 要 聽 你 説話 呢 ？
我 亂噏 一通 呃 鬼佢 啫 嘛 噉 佢 又 信 喇 。
徐天川 話 ：我 本來 想 去 將 佢 殺咗 㗎 喇 ，但係 諗住 呢個 狗官 畀 人 抬住 遊街 示眾 ，斷咗 兩 隻 腳 又 唔准 醫 ，如果 去 殺咗 佢 反而 便宜 佢 啦 。
噉 尋日 下午 我 親眼 見到 佢 嘞 ，一條 狗 命 十成 已經 去咗 九成 嘞 ，卷起 條 褲 ，打出 兩 隻 斷 腳 ，腫 到 好似 水桶 噉 ，痛到 佢 一味 呀呀 聲 。
兩位 姑娘 ，你 話 我 呢個 老坑 個 心 啊 有 幾 痛快 呢 ，哈哈哈哈哈哈哈哈 。
呢陣時 高彥超 已經 叫咗 三架 大車 喺 門口 等住 嘞 。
佢 亦 係 天地會 裏 便 嘅 得力 人物 ，因為 大家 做 嘅 都 係 殺頭 犯禁 嘅 事 啊 ；
噉 根據 會裏頭 個 規矩 ，如果 唔係 必要 呢 就 越 少 露面 越 好 ，所以 呢 亦 冇 同 方沐 兩個人 引見 。
因為 韋小寶 已經 有咗 五部 四十二章經 ，雖然 呢啲 書 有 咩 用 ，佢 一啲 都 唔 知 啊 。
但係 見到 咁多人 搏命 去 偷 去 搶 ，噉 一定 大 有 緣故 嘅 ，佢 又 唔想 帶埋 上 五台山 啊 。
佢 就 靜靜 同 高彥超 話 ：
高大哥 ，我 喺 宮 裏頭 有 個 好好 嘅 兄弟 ，畀 清宮侍衞 殺咗 ，我 就 帶咗 佢 骨灰 出嚟 ，要 好好地 安葬 佢 。
唔該 你 即刻 派人 去 買 埲 好 棺材 返嚟 啦 。
高彥超 應咗 就 去 嘞 ，佢 嘅 心 諗 ：
韋香主 嘅 好 朋友 畀 清廷 殺 咗 ，噉 必定 係 個 反清 義士 嘞 。
就 親自 去 選咗 一埲 上等 嘅 柳州 棺材 。
佢 知道 呢位 韋香主 好 闊佬 嘅 ，於是 將 佢 畀 佢 嗰 三百 兩 銀 使到 只 剩翻 三十 幾 兩 唧 。
除咗 棺材 之外 ，其他 嘅 壽衣 、骨灰罌 、石灰 、綿紙 、油布 、靈牌 、靈幡 、衣紙 等等 一應俱全 ，冚𠾴唥 都係 最好 嘅 。
又 幫 方沐 兩個 女仔 買咗 改換 男裝 嘅 衣衫 鞋帽 ，噉 啊 路途 上 所用 嘅 乾糧 點心 ，仲 叫咗 一名 仵作 、一名 油漆佬 添 。
等到 各樣嘢 都 辦齊 喇 ，韋小寶 同 兩個 女仔 啊 都 已經 瞓咗 兩個 時辰 喇 。
韋小寶 換咗 老百姓 裝束 ，佢 個 心 諗 ：
我 奉旨 去 五台山 公幹 就 有得 我 忙 㗎 喇 ，邊度 仲 有 咩 時候 練 武功 吖 ？
師父 呢部 武功 秘訣 千祈 唔好 畀 人 偷咗 去至 得 。
就 將 五部 經書 ，同埋 師父 畀 嘅 武功 秘訣 ，用 油布 一層又一層 噉 包到 密密實實 。
又 去 灶窟 捧咗 一紮 老灰 ，放 喺 骨灰罌 裏 便 ；
又蘸啲清水 抹喺 雙眼 同埋 塊面 處 ，整成 悲悲哀哀噉 ，雙手 捧住 油布包 同埋 骨灰罌 行到去 後廳 ；
噉 將 油布包 同埋 骨灰罌 放入 棺材 ，跪低 放聲 痛哭 。
徐天川 、高彥超 ，同埋 方怡 、沐劍屏 ，都 喺 大廳 等候 佢 。
見到 佢 跪低 痛哭 ，邊度 會 疑心 吖 ？以為 確係 佢 好朋友 個 骨灰 ，都 跪低 行禮 。
韋小寶 見過 死者 家屬 ，向 吊祭者 還禮 嘅 情形 就 嗱嗱聲 去到 棺材 旁邊 ，跪低 向 四個人 叩頭 還禮 嘞噃 。
噉啊 睇住 仵作 放好 綿紙 、石灰 等等 ，咪 釘 上 棺材 蓋 油漆佬 就 開始 油漆 嘞 。
嗱 各位 ，欲知 後事 如何 ，且 聽 下回 分解 。
