前文 再續 啊 書 接 上 一回 啊 。
話説 韋小寶 估計 柳燕 係 啱啱 入 宮 冇 幾耐 就 唔識路 ，就 帶 佢 去 上書房 ，想 搵 康熙 救命 嘞 噃 。
誰知 佢 只係 向 東 便 行咗 第一步 唧 ，第二步 仲未 行 ，後領 一緊 ，已經 畀 柳燕 一手 揸住 嘞 佢 話 ：好兄弟 ，你 去 邊度 啊 ？
韋小寶 話 ：咪 去 我 住 嗰處 囉 ，攞 經書 吖 嘛 。
噉 你 點解 去 上書房 呢 ？想 皇上 救 你 啊 ？
臭豬乸 你 識得 路 㗎 噃 原來 。
第啲 就 唔識啫 ，乾清宮 、慈寧宮 同埋 小兄弟 你 住 嘅 地方 ，都 唔會 認錯 嘅 。
講完 ，隻手 向右 便 一扭 ，將 佢 成個人 扭到 去 西面 。
乖乖哋 行路 啦 唔好 耍花槍 。
啊扭到韋小寶條頸骨啊喇喇聲咁響 ，痛到佢哇哇聲大叫 。
噉啊 前 便 有 兩名 太監 啊 聽見 韋小寶 把 聲 ，就 擰轉 頭 嚟 睇 。
柳燕 低聲 話 ：太后 吩咐過 你 如果 想 趯佬 ，或者 嗌人 救 你 ，就要 我 即刻 殺咗 你 。
韋小寶 個 心 諗 嘞 ：
縱然 大聲 叫 救命 啊 ， 驚動 咗 皇帝 ， 康熙 亦 唔 會 違背 母 后 嘅 命令 嘅 。
皇帝 對 自己 雖然 係 好啫 ，決不至於 為咗 一個 小太監 而 激嬲 母親 㗎 。
最好呢就能夠撞到幾名侍衞 ，挑撥佢哋 殺咗柳燕 。
突然間 條腰 一痛 ，畀 柳燕 用 手踭 大力 一撞 ，佢 話 ：想 搞 咩鬼 啊 你 ？
搞咩鬼 唧冇嘢 搞啊 。
韋小寶 冇 法子 啦 ，唯有 行翻去 自己 住 嘅 地方 ，佢 個 心 諗 ：
到咗 我 間 房 ，雖然 有 兩個 人 幫手 ，但係 方怡 同 小郡主 都有 傷 ，我 三個 對 一個 仲係 打唔過 個 大肥豬 㗎 噃 。
畀佢 發現咗 兩個人 嘅 蹤跡 ，盞 死 多 兩個人 嘅 啫 。
行到去 房門外 便 ，佢 攞 條 鎖匙 嚟 開 鎖 嘞 。
特登 將 鎖匙 同 鎖 呢 猛 咁 撞 ，搞到 叮叮噹噹 咁 響 ，大聲 噉 話 ：
衰婆 ，大肥豬 ，你 噉樣 折磨 我 啊 ，終於 有 一日 呢 ，你 不得 好死 嘅 。
柳燕 笑住 話喇 ：你 顧住 自己 先 啦 ，走嚟 理 人哋 嘅 閒事 。
韋小寶 嘣聲 推開 道門 ，佢 話 ：
呢部 經書 畀唔畀 太后 你 都 會 殺咗 我 嘅 ，你 當 我 係 傻瓜 咩 仲 想 有 命 啊 ？
太后 既然 講過 話 放生 你 ，多數 都 會 放生 你 嘅 ，至多 挖 咗 你 對眼 核 ，斬埋 你 雙腳 啫 。
哼 ， 你 以 為 太后 會待 你 好好 啊 ？ 你 害死 我 之後 啊 ， 太后 亦 都 必定 殺 咗 你 嚟 滅口 㗎 。
呢句 説話 似乎 講中咗 柳燕 嘅 心事 嘞 ，佢 窒咗 一窒 ，跟住 出力 喺 佢 背脊 上一 推 ，韋小寶 企唔穩 啊 一下 舂咗 入去 屋 。
佢 喺 門口 外 便 啊 講咗 咁多 説話 ，估計 方怡 同 小郡主 就 已經 聽到 晒 嘞 。
知道 係 嚟咗 一個 極之 兇惡 嘅 敵人 ，而家 實 係 匿埋 喺 被竇 裏 便 連 大氣 都 唔 敢 唞 嘞 。
柳燕 就 話 ：我 唔得閒 等 你 啊 ，快啲 攞出嚟 。
又喺佢背脊出力一㧬 ，韋小寶 一個踉蹌 ，幾步 衝咗入去 內房 。
柳燕啊 跟住 佢 入咗去 。
韋小寶 一擸眼 ，見到 張 床 前面 係 齊齊整整 一拍 放住 兩雙 女鞋 。
好在 當其時 天色 已經 夜嘞 ，房 裏 便 又 無 燈 無 燭 ，柳燕 入 房 之 後 呢 冇 立即 發現 。
韋小寶 個 心 諗 ：弊傢伙 ！
趁勢 又 向前 一衝 ，將 兩對 鞋 呢 推 入去 床 下底 ，跟住 成個人 都 蜎埋 入去 。
個心諗 ：再嚟一次 ，用 殺瑞棟 個法子 啊 劏咗 呢隻 肥豬 至得 。
一蜎 入去 床下底 ，右腳 就 想 縮埋 ，想去 攞 靴筒 裏 便 嘅 匕首 。
點知 右腳 腳眼 一緊 ，已經 畀 柳燕 捉住 嘞 。
你 做咩嘢 啊 ？
韋小寶 話 ：我 攞 經書 吖嘛 ，呢部 書 擠 喺 床 下底 嚟 嘅 。
好 。
柳燕 啊 諒佢 喺 床下 底 亦 趯唔到 邊處 嘅 ，就 放開佢 。
韋小寶 將 個 身 一 縮 就 縮埋 一嚿 ，拔出 把 匕首 。
柳燕 喝 佢 話 ：攞出嚟 啦 ！
咦 ？好似 有 老鼠 啊 ，哎吖吖 ，哎吖弊喇弊喇 ，點解 將 經書 咬到 爛晒 啊 ？
你 喺 我 面前 搞鬼 係 一啲 用處 都 冇 嘅 ，躝 出嚟 ！
柳燕啊 伸手 去 捉佢 ，捉唔到 ，原來 韋小寶啊 已經 縮 喺 挨近 牆 嗰處 嘞 。
於是 柳燕 向前 躝咗 兩尺 ，噉 啊 上身 喺 床下 底 ，又 試 伸手 去 捉 佢 。
韋小寶 擰轉身 ，無聲無色 噉 用 匕首 刺 出去 。
刀尖 啊啱啱 同 佢 手背 接觸 ，柳燕 就 即刻 知道 咯 ，反應 迅速 到 極 啊 ，右手 翻過嚟 一揦 ，就 揦住 韋小寶 嘅 手腕 ，跟住 出力 一捻 。
韋小寶 隻手 啊 即刻 冇晒力 ，唯有 鬆手 放甩 把 匕首 。
柳燕話 ：你 想 殺 我 ？挖 咗 你 隻 眼 核 先 。
噉啊 用 右手 叉住 佢 條 喉嚨 ，左手 就 去 挖 佢 眼核 嘞 噃 。
韋小寶 大聲 嗌 ：有條 毒蛇 啊 ！
柳燕 嚇咗 一驚 佢 話 ：咩話 ？
突然間 吖 一聲 大叫 ，叉住 韋小寶 喉嚨 嘅 手 漸漸 放鬆 ，個 身 扭 幾下 ，趴咗 喺 地 嘞 。
韋小寶 又 驚 又 喜 ，連忙 喺 床 下 底 躝 翻出嚟 。
只聽見 沐劍屏 話 ：你 ，你冇受傷 吖 嘛 ？
韋小寶 揭開 堂蚊帳 ，見到 方怡 坐 喺 床 上面 雙手 扶住 劍柄 猛咁 喘氣 。
嗰 把 長劍 呢 ，喺 墊褥 上面 插到 落去 床 下底 ，一直 插到盡 。
原來 佢 聽見 韋小寶 情勢 緊急 ，就 喺 床上 便 用 劍 插落去 ，長劍 啊 穿過 墊褥 同 棕绷 ，一直 插入 柳燕 嘅 背脊 。
韋小寶 喺 柳燕 𦣇 柚 踢咗 一 腳 ，見 佢 逳 都 唔 逳 喇 ，歡喜 到 極 喇 佢 話 ：好 ，誒 好 姐姐 ，多謝 你 救咗 我 條 命 啊 。
韋小寶 啊 仲 怕 柳燕 死 唔透 ，拔出 把 長劍 ，隔住 床褥 又 刺咗 兩 劍 添 。
沐劍屏 話 ：呢個 惡 女人 係 邊個 唧 ？佢 好 惡 㗎 ，話 要 挖 你 雙眼 核 喎 。
韋小寶 話 ：係 老舉乸 太后 個 手下 咯 。
佢 又 問 方怡 話 ：你 傷口 痛 唔 痛 啊 ？
方怡 皺住 眉頭 話 ：冇乜事 。
其實 係 先頭 呢一 劍 佢 用咗 好 大力 ，牽動咗 傷口 ，痛到 佢 幾乎 暈 咁滯 ，額頭 啲 汗水 啊 猛 咁 一 滴滴 滲出嚟 。
韋小寶 話 ：過冇幾耐 ，老舉乸 又 會 再 派 人 嚟 㗎 喇 ，我哋 要 即刻 想法子 逃走 至 得 。
誒 ，你哋 兩個 女扮男裝 啦 ，扮成 太監 噉樣 ，撈埋 啲 人 可以 出 宮 㗎 喇 。
姐姐 ，你 行唔行得 啊 ？
方怡 話 ：勉強 可以 啦 。
韋小寶 攞咗 自己 兩套 衣服 出嚟 佢 話 ：你哋 換咗 佢 啦 。
跟住 ，將 柳燕 嘅 屍體 喺 床下底 拖出嚟 ，執翻 起 把 匕首 收好 ，然後 喺 屍體 上 便 糝咗 啲 化屍粉 ；
就嗱嗱聲 將 銀票 、金銀珠寶 、兩部 四十二章經 ，同埋 武功秘訣 就 打咗 個 包袱 包好 ；
噉嗰 一大包 蒙汗藥 同埋 化尸粉 係 當然 非 帶 不可 㗎喇 。
沐劍屏 啊 換 好 衣服 ，噉 啊 落咗 床 先 。
韋小寶 一 睇 贊佢 話 ：吖 ，你 個 小太監 好 靚 啊 ，嚟嚟嚟 ，我 同 你 鬢辮 啦 。
過咗 一陣間 ，方怡 落 床 嘞 。
佢 身材 就 高過 韋小寶 啲 ， 着 咗 佢 嘅 衣服 就 繃 到 緊緊 ， 好 唔 啱 身 ， 照一 照鏡 ， 忍 唔 住 笑 起 嚟 嘞 。
沐劍屏 話 ：佢 嚟 同 我 鬢辮 ，我 同 師姐 你 鬢辮 啦 。
韋小寶 攞起 沐劍屏 長長 嘅 頭髮 ，噉 啊 求其 鬢條 大辮 。
沐劍屏 照照鏡 佢 就 話 ：哎呀 咁 難睇 嘅 我 自己 鬢 過 佢 。
韋小寶 話 ：而家 唔使 鬢住 ，天 都 黑嘞 ，唔出得 皇宮 㗎喇 。
老舉 乸 唔 見到 肥豬 返去 報告 又 會 派 人 嚟 捉 我 㗎 嘞 。
我哋 搵 笪 地方 匿埋 先 ，聽朝 早 一早 先至 出去 啦 。
方怡 問 ：老 ，太后 唔會 派 人 喺 各處 宮門 嚴密 搜查 咩 ？
噉啊 唯有 行 一步 算 一步 係啦 。
韋小寶 諗起 從前 ，同 康熙 比武 摔跤 嗰 間 屋 啊 十分 清靜 ，從來 冇 第三個 人 到 嘅 。
於是就 扶住 兩個人 ，行出 間房 。
沐劍屏 就 斷咗 腳 ，攞住 門戌 啊 當 枴杖 撐住 行 。
方怡 行 一步 個 心口 就 痛 一痛 。
韋小寶 右手 攬住 佢 條腰 ，半扶半抱 向前 行 嘞噃 。
好 在 天色 已經 黑 嘞 ， 佢 又 一味 揀 啲 僻靜 嘅 地方 行 ， 只 係 撞 到 幾個 唔 相干 嘅 太監 ， 亦 都 冇 人 留意 佢 哋 。
好喇 ，去到喇 ，入到 嗰間 屋裏 便 三個 人 都 鬆咗 啖氣 。
韋小寶 閂翻埋道門 ，扶方怡 喺 椅 處 坐落 ，噉 細細聲 話 ：
我哋 呢處 唔好 講説話 喇 ，外便 就係 走廊 ，就 唔似 我 住 嗰間 屋 咁 清靜 㗎 。
好嘞 ，越嚟越 夜 喇 。
初時 三個人 仲 可以 互相 見到 五官 嘅 ，到到 收尾 ，只係 見到 朦朦朧朧 一個人 唧 。
沐劍屏 啊 嫌 韋小寶 鬢 條 辮 唔好睇 ，自己 解開 咗 又 再 鬢過 。
方怡 喺度 玩 自己 條辮 ，忽然間 吖噉 輕輕 嗌咗 一下 。
韋小寶 低聲 問佢 ：做咩嘢 啊 ？
方怡 話 ：冇咩嘢 ，我 跌咗 支 銀釵 啫 嘛 。
沐劍屏 話 ：吖 係嘞 ，我 解開 你啲 頭髮 嘅 時候 ，將 你 嗰支 銀釵 擠 喺 枱面 ，噉 鬢 好 辮 我 就 唔 記得 咗 同 你 插 翻 上去 喇 ，吖 我 真係 論盡 嘅 啫 。
嗰支 銀釵 係 劉師哥 畀 你 嘅 係唔係 啊 ？
方怡話 ：一支 銀釵 啫嘛 ，又 有 咩嘢 咁 緊要 吖 ？
韋小寶 聽 佢 講 雖然 話 唔緊要 啊 ，但係 語氣 呢 好 惋惜 。
個心諗 ：好人 做到底 ，我 靜靜 去攞翻嚟 畀佢 至得 。
佢 亦 唔 出聲 ，過咗 一陣 就 話 ：
哎呀 個肚 好 餓 啊 ， 捱到 聽日 ， 都 怕 冇 力 行路 嘞 ， 我 搵 啲 嘢 返 嚟 食 啊 。
沐劍屏 話 ：你 快啲 返嚟 啊 。
得 喇 。
韋小寶 行到 門邊 ，噉 聽下 外 便 冇 人 喇 就 開 門 行 出去 。
佢 三步 夾埋 兩步 返到 自己 間 屋 。
佢 怕 太后 呢 就 派 人 等住 佢 ，就 兜 去 後 便 聽 咗 好 耐 ，確實 知道 間 屋 裏 便 冇 人 喇 ，噉 至 推開 埲窗 擒 入去 。
噉 當其時 月光 斜照 ，見到 枱面 啊 果然 有 一支 銀釵 。
呢支 銀釵 手工 好 粗糙 嘅 ，至多 啊 值 一 兩 錢 銀 嘅 啫 個 心諗 ：
劉一舟 呢個 窮佬 吖 ，送 啲 咁 寒酸 嘅 禮物 畀 方 姑娘 都有 嘅 ？
吐噉 ，喺 銀釵 上面 𦧲咗 㞘口水 ，咪 擠入 自己 件 衫袋 ，然後 就 喺 錫罐 、竹籃 、櫃桶 等等 嘅 地方 ，求其 執咗 啲 糕餅 點心 ，就 擠到 個 紙盒 處 ，帶 喺 身邊 。
當佢正話想喺窗口擒翻出去 ，忽然間 見到 張床前 便 有 一對 紅色 金線 繡花 鞋 ，鞋裏 便就 各 有 一隻 腳 。
哎呀 ，韋小寶 嚇咗 一跳 啊 。
喺 朦朧 嘅 月色 之下 ，見到 一對 斷腳 上 便 着住 一雙 鮮豔 嘅 紅鞋 好 恐怖 啊 。
但 佢 跟住 就 明白 喇 ：
柳燕 嘅 屍體 畀 化屍粉 化去 嘅 時候 ，因為 地面 唔平 啊 ，屍體 化成 嘅 黃水 啊 流向 床下底 ，噉 剩翻 兩 隻 腳 冇 化到去 。
佢 擰轉身 ，正話 想 將 兩隻 斷腳 踢入去 黃水 裏 便 ，但係 黃水 呢 乾咗 嘞 ，而 化尸粉 啊 已經 包咗 落 個 包袱 ，喺 方怡 同 沐劍屏 身邊 。
佢 心念 一轉 ：老子 呢次 離開 皇宮 就 一世 都 見唔到 老舉乸 㗎 喇 ，哼 ，老子 將 呢 兩 隻 腳 掉入 佢 間 屋 裏 便 ，嚇到 佢 半死 至 得 。
噉就攞咗 一件 長衫 ，包住 一雙 着住 鞋 嘅 斷腳 ，喺 窗口 擒翻 出去 ，靜靜 行去 慈寧宮 。
上下 到 慈寧宮 嘞 ，就 唔敢 再 行 正路 嘞 噃 ，匿埋 喺 啲 花木 後 便 ，行 一步 聽 一聽 。
個心諗 ：如果 一下 唔小心 ，畀 老舉乸 捉到 啊 ，哎 真係 叫做 自投羅網 。
噉佢 又 覺得 有癮 又 覺得 害怕 。
一步步 呢 行近 太后 寢宮 ，佢 諗 ：
我 將 呢 對 臭 豬蹄 放 喺 門口 嘅 石級 上 便 ，佢 聽日 實 會 睇見 嘅 。
如果 掟入 去 天井 呢 ，嗯 呀 太過 危險 嘞 。
佢 輕手輕腳 又 行前咗 兩 步 ，忽然間 聽到 一把 男人 嘅 聲音 話 ：
阿燕 點 搞 㗎 ，點解 到 而家 仲 唔 返嚟 嘅 ？
韋小寶 好奇怪嘞 ：屋裏 便 點解 有 男人 嘅 ？
呢個人 講嘢 把聲 又唔係 太監 ，哦 ，唔通 老舉乸 有咗 契家佬 ？哈 ，老子 要 捉奸 。
佢 個 心 雖然 講話 要 捉奸 啊 ，但係 再 畀 佢 十倍 嘅 膽量 佢 都 唔 敢 。
但係 好奇心 又 大 啊 ，就 點 都 唔肯 就噉 放低 對 斷腳 就 走 嘅 。
佢 跟住 把 聲 拈手拈腳 噉 行咗 幾 步 ，每 一步 呢 都 係 輕輕 扚起 ，慢慢 噉 放低 ，怕 踩到 啲 枯枝 有 聲 啊 。
只聽見 嗰個 男人 話 ：哼 ！就怕 事情 有 變 。
你既然知道 個僆仔 十分 狡猾 ，點解 叫 阿燕 一個人 帶 佢 去 吖 ？
韋小寶 個 心 諗 ：啊 ，原來 你 係 講 你 老子 。
只聽見太后話 ：阿燕 嘅 武功 高過 佢 成 十倍 ，個人 又 機警 步步 提防 啊 點會 出事 吖 ？
實係 嗰部 經書 擠得 好 遠 ，阿燕 押住 個 僆仔 去 搦 就係 咯 。
能夠 攞到 經書 梗係 好啦 ，否則 ，哼哼 ！
呢個人 個 語氣 好 嚴峻 ，對 太后 敢 噉樣 講嘢 ，實在 係 冇 禮 到 極 啊 。
韋小寶 越嚟越 奇怪 嘞 佢 諗 ：
天下間 有 邊個 能夠 對 佢 噉樣 講嘢 嘅 呢 ？
唔通 老皇帝 喺 五台山 返咗嚟 ？
想到 順治皇帝 回宮 好 興奮 啊 佢 ，諗住 實有 齣 好戲 睇 嘞 。
奇怪嘅 呢 係 附近 竟然 一名 宮女 太監 都 冇 ，睇嚟 ，都係 畀 太后 打發 走咗 嘞 。
噉 又 聽見 太后 話 ：你 知道 我 已經 盡力而為 啦嘛 。
我噉樣嘅身份 ，總唔能夠 親自 押住 個 小太監 ，喺 宮 裏 便 行嚟行去 㗎 。
我 行 出 慈寧宮 一步 ，宮女 太監 就 跟埋 一大串 ，仲 做得 乜嘢 事 唧 ？
你 唔能夠 等到 天黑 再 押佢 去 咩 ？
一係就 通知 我 ，等 我 押 佢 攞 經書 。
我 唔 敢 勞煩 你 嘅 大駕 ，你 喺 呢處 咩嘢 形跡 都 唔 能夠 露 嘅 。
哼哼 ，遇到 噉樣 嘅 大事 仲 理得 咁多 咩 ？
我 知道 你 唔肯 通知 我 ，係 怕 我 搶咗 你 嘅 功勞 啫 嘛 。
有咩嘢 好搶唧 ？有功勞 係 噉樣 冇功勞 亦 係 噉樣 。
但求 太平 無事 噉 捱埋 呢 一年 啫 。
韋小寶 如果 唔係 清清楚楚 認得 太后 把 聲 ，一定 會 當 係 一個 老 宮女 畀 人 哋 責怪 埋怨 。
嗰 兩個 人 講説話 都係 壓低 把 聲 嘅 ，但係 距離 又 近 ，夜 靜 無人 ，決 冇 聽錯 個 道理 。
聽佢 兩個人 講 咩 搶咗 功勞 啊噉 ，呢個 男人 又 唔係 順治皇帝 嘞 噃 。
佢 個 好奇心 真係 冇法子 抑制 嘞 ，慢慢 躝 到 去 窗口 旁邊 ，喺 窗嚹 裝入 去 。
只見 太后 打側身 坐喺 張 椅 處 ，有 個 宮女 ，雙手 反背 喺度 踱嚟踱去 。
噉啊 除此之外 ，冇 第個人 嘞 ，佢 個 心 諗 ：
嗰個 男人 去咗 邊處 呢 ？
只見 嗰個 宮女 擰轉身 話 ：唔等喇 ，我 去 睇下 。
佢 一 開口 唧 ，韋小寶 喊 咗 一 跳 ，原來 呢個 宮女 啊 一把 男人 聲 ，先頭 就係 佢 喺度 講説 話 。
韋小寶 喺 個 窗 嚹 裏 便 只係 睇見 佢 嘅 心口 ，睇唔到 佢 塊 面 。
太后 話 ：我 同埋 你 去 啦 。
嗰個 宮女 話 ：嘿 ，你 就係 唔放心 。
又 有 咩嘢 唔 放心 啫 ？我 疑心 阿燕 有 咩 古怪 ，我哋 兩個人 聯手 去 容易 制服 佢 啫 嘛 。
嗯 ，噉 亦 不可不防 ，去啦 。
太后 岌一岌頭 ，行到 去 床邊 ，掀開 被褥 ，又 掀起 一塊 木板 。
燈光 之下 ，青光 一閃 ，隻手 已經 多咗 一把 短劍 。
佢 將 把 短劍 插入 劍鞘 放 喺 身邊 。
韋小寶 個 心 諗 ：原來 老舉 乸 床上面 仲 有 個 噉嘅 機關 。
佢 係 怕 人 行刺 ，短劍 呢 唔 插 喺 劍鞘 裏 便 ，咪 伸手 一攞 ，搦起 劍 就 可以 殺人 嘞 。
真係㗎噃 萬分 緊急 嘅 時候 ，眨眨眼 咁 耐 就 好 緊要 㗎 喇 。
咪只見太后 同 嗰個 宮女 行出 寢殿 ，噉 就 虛掩 殿門 就 出咗 慈寧宮 ，房 裏 便 嘅 蠟燭 呢 亦 冇 吹熄 。
韋小寶 個 心 諗 ：我 將 呢 對 臭 豬蹄 擠 喺 佢 床 上 嗰 個 機關 裏 便 ，等陣 呢 佢 放 翻 把 短劍 落去 ，忽然間 摸到 呢 對 臭 豬蹄 ，實 嚇到 佢 死死下 啫 。
嘿 ！ 只 覺得 呢 個 主意 啊 妙不可言 啊 。
咪即刻 行入屋 ，掀開 被褥 ，見到 床板 有 個 小 銅環 ，用 手指 一拉 ，一塊 大概 一尺 闊 、兩尺 長 嘅 木板 啊 應手而起 。
下便 係 個 長方形 嘅 暗格 ，放住 三部 經書 ，呢 三部 經書 就 係 佢 曾經 見過 嘅 四十二 章 經 嘞 。
兩部 ，係 佢 喺 鰲拜 屋企 抄家 抄翻嚟 嘅 ，噉 啊 原來 放 經書 嘅 玉盒 已經 唔見 咗 喇 。
另外 有 一部 封皮 係 白綢 嘅 。
嗰晚 聽 海老公 同 太后 講嘢 ，話 順治皇帝 賜畀 董鄂妃 一部 經書 ，噉 啊 太后 殺咗 董鄂妃 之後 據為己有 ，估計 就係 呢一部 嘞 。
韋小寶 歡喜 到 乜嘢 噉 佢 心諗 ：
呢啲 經書 都 唔知 有 乜鬼 用 嘅 ，人人 都 咁 睇重 佢 ，老子 嚟 個 順手牽羊 ，激死 個 老舉乸 。
就攞咗 嗰 三部 經書 出嚟 ，塞落 個 身處 。
將 柳燕 嗰 對 腳 呢 喺 長衫 扽 咗 落 暗格 ，冚 翻 木板 ，放好 被褥 ，將 長衫 啊 踢 入 床 下底 。
正話 想 行翻 出去 ，忽然間 聽見 外房門 咿噉 一聲 ，有人 推 門 入嚟 。
呢一下 真係 嚇到 佢 魂飛天外 啊 。
邊度 估到 太后 同埋 嗰個 宮女 返嚟 得 咁快 呢 ？
佢 想 都 嚟唔切 想喇 ，一趴低 蜎 入 床 下底 。
個心 啊 一味 叫苦 啦 ， 只 係 望 太后 賴低 咗 咩 嘢 嘢 ， 返 嚟 攞 咗 又 去 搵 自己 嘞 。
又望佢賴低嘅嘢呢 ，唔係 擠喺 被褥 下 便 嘅 暗格 裏頭 。
佢 只 聽見 一陣 輕快 腳步聲 ，有 個 人 飚咗 入嚟 ，係 個 女子 。
雙腳 着住 一雙 淡綠色 嘅 鞋 ，條 褲 亦 係 淡綠色 嘅 ，睇 條 褲 個 形狀 係 個 宮女 。
佢 心諗 ：原來 係 服侍 太后 嘅 宮女 ，佢 會 武功 嘅 ，唔會 係 蕊初 嘞 。
佢 如果 唔 馬上 返翻 出去 ，要 將 佢 殺咗 至 得 ，最好 呢 等 佢 行 到 張 床 前 便 。
於是 佢 輕輕 拔出 把 匕首 ，等 個 宮女 行到 埋嚟 一刀 由下而上 刺 佢 小腹 ，擔保 佢 莫名其妙 就 冇命 。
只聽見 嗰個 宮女 喺度 開 櫃桶 開 櫃門 抄 嘢 噃 ，好似 搵 乜嘢 噉 ，不過 呢 始終 唔 行到 張 床 前面 。
跟住 又 聽見 叻叻 幾 聲 ，係 用 咩 利器 啊 割爛咗 兩個 箱 。
韋小寶 吃咗 一驚 啊 ：呢個 人 唔係 一般 宮女 ，係 嚟 太后 間 房 偷 嘢 嘅 。
哎呀 ，唔通 佢 係 嚟 偷 四十二章經 ？
佢 既然 揸住 刀劍 ，睇嚟 武功 亦 唔會 差過 老子 ，我 如果 出去 ，咪 講話 殺 佢 啦 ，怕 畀 佢 殺咗 先 係 真 。
噉啊 聽見 嗰個 女子 喺 個 箱 處 猛咁 抄 ，又 割爛 咗 西便 三個 箱 嚟 搵 ，搵極 都 搵唔到 。
嗰個 女子 似乎 十分 焦急 嘞 。
韋小寶 想 投降 嘞噃 ：哎呀 ，不如 將 經書 拋出 畀 佢 ，等 佢 快啲 走 啦 ，唔係 老舉乸 就 返嚟 㗎 喇 。
嗱 各位 ，欲知 後事 如何 ，且 聽 下回 分解 。
