前 文 再續 啊 書 接上 一回 啊 ， 話 説 康熙 主張 放 咗 啲 刺客 ， 然後 就 跟蹤 去 搵 主謀 。
韋小寶 聽咗 好 歡喜 啊 ，佢 一字 拍手 笑 一字 話 ：
啊 ， 妙極 喇 妙極 喇 ， 我 哋 放 咗 刺客 ， 暗中 盯住 ， 佢 哋 梗 係 會 去 同 反賊 嘅 頭頭 會面 㗎 。
聖上 神機妙算 ， 真 係 勝過 三個 諸葛亮 啊 。
康熙 笑住 話 ：咩嘢 勝過 三個 諸葛亮 啊 ？你 拍馬屁 啊 ，拍得過咗 龍 咯 。
不過 點樣 盯住 刺客 唔畀 佢哋 發覺 ，就 唔係 幾 容易 唧 。
小桂子 ， 我 畀 一件 差事 你 ， 你 走 去 扮 好人 ， 將 佢 哋 救出 皇宮 ， 噉 嗰 啲 刺客 呢當 你 係 同道 ， 梗 係 帶你去 㗎 。
噉啊 ，噉 。
呢件事 梗係 有啲 危險 啦 ，如果 畀 佢哋 察覺咗 ，即刻 就 會 攞 你 條命 咯 。
唉可惜 我 係 皇帝 啦 ，唔係 啊 我 真係 想 自己 去 做 啊 。
呢種 滋味 ，啊 ，真係 妙 啊 。
皇上 叫 我 去 做 ，噉 梗係 遵命 啦 ，再 危險 嘅 事 都 唔 怕 。
哈哈哈 ，我 早就 知道 你 又 聰明 、又 勇敢 ，最 肯 幫 我 辦事 㗎喇 。
你 係 細路哥 ，噉 刺客 就 唔會 疑心 。
我 本來 仲 想 派 兩名 武功 好 嘅 侍衞 去 做 嘅 ，但係 刺客 唔係 傻 㗎 嘛 ，未必 會 上當 㗎 ，噉 試 咗 一次 唔 靈 ，第二次 就 唔能夠 再 試 喇 。
小桂子 ，你 去 做 呢件事 呢 ，就 好似 我 親身 去 做 一樣 。
嗱 ，你 要 扮得 越 似 越好 ，最好 呢 ，就 能夠 當住 刺客 面 ，殺死 一兩名 看守 嘅 侍衞 ，等 呢啲 刺客 對 你 一啲 都 唔 懷疑 。
噉 我 再 吩咐 多隆 ，叫 佢 放鬆 盤查 ，等 你 帶埋 佢哋 出 皇宮 。
係 ，不過 噉噃 ，侍衞 嘅 武功 好 ，至 怕 我 殺 佢哋 唔到 噃 。
你 隨機應變 就 得啦 ，不過 你 要 小心 啊 ，唔好 畀 侍衛 殺咗 你 先 啊 。
如果 畀 侍衞 殺咗 啊 ，噉 啊 死得 不明不白 ，小桂子 反而 成為 反賊 嘅 同黨 咯 。
康熙 猛 喺度 搓 手板 非常 興奮 佢 話 ：
小桂子 ，你 做成 呢件事 呢 ，要 我 賞 你 啲 乜嘢 呢 ？
呢件事 如果 成功 ，噉 皇上 一定 好 開心 㗎 。
只要 皇上 開心 ，噉 就 比 咩嘢 賞賜 都 好喇 。
噉 皇上 下次 再 想到 有 咩 又 有癮 、又 危險 嘅 嘢 ，仍然 派 我 去 做 ，噉 就 好到極 喇 。
好 ，一定 ，一定係噉 。
啊 小桂子 ，可惜 你 係 個 太監 唧 ，唔係 我 係 一定 賞 個 大官 你 做 下 。
韋小寶 心念 一動 佢 話 ：多謝 皇上 。
佢 諗 喇 ：總 有 一日 ，你 會 發覺 我 係 冒牌 太監 ，到時候 啊 都 唔知 會 嬲 成 點 喇 。
佢 就 話 ：皇上 ，我 求 你 一個 恩典 。
康熙 微微 笑話 ：想 做 大官 啊 ？
唔係 。
我 同 皇上 赤膽忠心 做事 ，如果 撞咗 大板 ，激嬲咗 皇上 ，你 要 放過 我 ，唔好 殺 我 頭 噃 。
你 只要 真係 對 我 忠心 ，你 呢個 人頭 啊 ，喺 頸 上面 就 擺得 穩穩陣陣 嘅 。
講完 ，哈哈大笑 。
話説 韋小寶 喺 上書房 出嚟 ，噉 佢 諗 ：
我 本來 呢 就 想 放翻 小郡主 同 方姑娘 畀 沐王府 嘅 ，但係 皇上 先頭 講 嗰番 説話 ，變成 係 奉旨 放 刺客 。
噉嗰 兩個 姑娘仔 就 唔使 放 咁早 畀 佢哋 嘞噃 。
刺客 嘅 真正 頭頭 ，先頭 老子 就 同 佢哋 一齊 飲酒 呢 。
噉 要 唔 要 講 畀 皇上 知 ，將 沐劍聲 嗰個 烏龜仔 同埋 柳大洪 嗰個 老嘢 捉 起嚟 呢 ？
嗯 ，不過 師父 如果 知道咗 我 做 呢件事 啊 ，一定 唔肯 放過 我 啫 。
唉豈有此理 ，噉 我 到底 仲 做唔做 天地會 嘅 香主 啊 ？
佢 喺 宮 裏 便 啊 人人 奉承 佢 ，康熙 又 對 佢 十分 寵信 ，一時之間 ，真係 想 喺 宮 裏 便 做 一世 太監 就 算 嘞 。
但係 一諗到 皇太后 ，哎呀 ，個心 打個震 。
呢個 老舉乸 成日 都 搵 我 晦氣 嘅 ，老子 喺 皇宮 裏 便 都 唔 踎得 幾耐 㗎啫 。
噉 一便 行 一便 諗 ，噉 就 嚟到 乾清宮 西 便 嘅 侍衞房 嘞 。
值班嘅 頭頭 係 趙齊賢 。
佢 尋晚 啊 已經 分到 銀 嘞 ，今日 又 喺 侍衛 總管 多隆 嗰 處 得到 賞賜 。
知道 係 韋小寶 喺 皇上 面前 講咗 好話 ，所以 而家 一見到 佢 嚟到 ，歡喜 到 乜嘢 噉 啪聲 跳起身 迎上去 話 ：
桂公公 ，咩嘢 風吹到 你 大駕 光臨 啊 ？
韋小寶 話 ：我 嚟 睇下 嗰 幾個 大膽 嘅 反賊 。
講到 呢處 就 哄埋 佢 耳仔 邊 細細聲 話 ：
皇上 派 我 嚟 幫 你 套下 口供 ，要 查到 主使 佢哋 嘅 主謀 到底 係 邊個 啊 。
趙齊賢岌頭話 ：係 。
三個 反賊 把 嘴 啊 好 緊 啊 ，打斷咗 兩條 皮鞭 ，仲係 一口 咬定 係 吳三桂 派 佢哋 嚟 嘅 。
韋小寶 話 ：等 我 問 下 佢哋 啦 。
當佢 行 入去 西廳 ，見到 三條 漢子 啊 綁住 喺 條 木柱 上便 ，上身 啊 剝光晒 ，已經 打到 血肉模糊 嘞 。
一個 係 虬髯大漢 ，另外 兩個 係 廿幾歲 嘅 年輕人 。
一個 皮膚 好白淨 嘅 ，另外 一個 身上 刺滿 咗 花 ，心口 刺 咗 個 猙獰 嘅 老虎 頭 。
韋小寶 諗嘞 ：唔知 呢 兩個 人 當中 有冇 嗰個 劉一舟 呢 ？
佢 同 趙齊賢 話 ：趙大哥 ，睇 個 樣 你哋 捉 錯 人 嘞 ，你 出去 一陣 啦 。
趙齊賢話 ：係 。
轉身 行 出去 順手 掩 翻埋 道門 。
韋小寶 話 ：三位 尊姓大名 啊 ？
嗰個 虬髯 漢子 睩 大 雙眼 鬧 佢 話 ：狗 太監 ！你 都 配 嚟 問 老子 嘅 名 ？
韋小寶 細細聲 話 ：我 係 受人之託 ，嚟 救 一個 叫做 劉一舟 嘅 朋友 。
佢 呢句 説話 一 講 啊 ，三個人 都 驚奇 起上嚟 ，互相 望咗 一眼 。
嗰個 虬髯 漢子 問 佢 ：你 受 邊個 嘅 託 啊 ？
韋小寶 話 ：你哋 中間 有 冇 劉一舟 呢個 人 啦 ？有呢 ，我 有 説話 講 ，冇 呢噉 就 算 喇 。
三個人 又 你 睇睇 我 我 睇睇 你 ，都 係 遲遲疑疑 噉樣 慌死 上當 。
嗰個 虬髯 漢子 又 問 ：你 係 邊個 啊 ？
韋小寶 話 ：託 我 嗰 兩位 朋友 ，一位 姓 沐 ，一位 姓 柳 嘅 。
鐵背蒼龍 你哋 識唔識 吖 ？
嗰個 虬髯 漢子 大聲 話 ：鐵背 蒼龍 柳 大洪 喺 雲貴 四川 一帶 邊個 唔知 啊 ？
沐劍聲 係 沐天波 個 仔 ，流落 江湖 ，而家 都 唔知 係 死定生 啊 。
一面 講 ，一面 猛咁 擰頭 。
韋小寶話 ：三位 既然 都 唔識 沐家小公爺 同埋 柳大爺 ，噉 一定 唔係 佢 嘅 朋友 喇 。
睇 嚟 呢 啲 招式 亦 都 唔 識 㗎 啦 ， 講完 使 咗 兩招 沐家拳 ， 自 不然 係 橫掃千軍 同 高山流水 啦 。
嗰個 心口 刺住 老虎頭 嘅 年青人 咦咗 一聲 。
韋小寶 停手 問 佢 ：點啊 ？
嗰個人 話 ：冇乜嘢 。
虬髯漢子 問 佢 ：呢啲 招式 係 邊個 教 㗎 ？
韋小寶 笑住 話 ：我 老婆 教 嘅 。
虬髯漢子 鬧 佢 嘞 ：唓 ！太監 有 乜 老婆 吖 ？
講完 ，仲 不停 咁 搖頭 。
佢 本來 鬧 韋小寶 係 狗 太監 嘅 ，收尾 聽 韋小寶 講 説話 有 啲 古古怪怪 ，所以 就 唔 要 咗 個 狗字 。
韋小寶 話 ： 太監 啊 點解 唔 能夠 有 老婆 唧 ？ 人 哋 願意 嫁 你 你 理得 咁 多 咩 ？
我 老婆 姓 方 ，單名 一個 怡字 。
嗰個 白白淨淨 嘅 年輕人 突然間 大哮 一聲 ，喝佢話 ：亂講 ！
韋小寶 見到 佢 額頭 起晒 青筋 ，雙眼 要 噴出 火 嚟 噉 ，急成 噉 嘅 樣 ，估計 呢個 人 就係 劉一舟 嘞 。
見佢 生得 日字口面 ，相貌 都 頗為 英俊 ，只係 發緊 惡 啊 ，神情 啊 未免 有啲 恐怖 。
噉就 笑住 話 ：咩嘢 亂講 啊 ？
我 老婆 啊 ，係 沐王府 裏 便 劉白方 蘇 四 大家將 姓 方 嘅 後代 。
噉 同 我 做 媒人 嘅 呢 ，姓 蘇 ，叫做 蘇岡 ，佢 嘅 外號 呢 叫做 聖手 居士 。
仲有個媒人 啊 佢 姓 白 ，佢大佬 白寒松 呢 最近 畀 人哋 打死 咗 。
噉嗰個 白寒楓 吖 ，就 同人 做媒人 呃錢 ，嚟 收斂 佢 死咗 嘅 大佬 咯 。
嗰個 年輕人 越 聽 越 嬲 ，大哮 話 ：你 ，你 ，誒 ，你你你 。
嗰個 虬髯 漢子 猛擰頭 話 ：兄弟 ，你 唔好 嘈 。
又 對 韋小寶 話 ：沐王府 嘅 事 ，你 都 知道 得 好多 噃 。
誒使乜講啊 ？我 係 沐王府 嘅 女婿 ，外父 大人 屋企 嘅 事 點 會 唔 知道 至 得 㗎 ？
嗰個 方怡方 姑娘 呢 本來 就 唔肯 嫁 我 嘅 ，話 佢 同 佢 個 師哥 劉一舟 已經 訂咗 婚 喎 。
噉但係 聽講 劉一舟 啊 唔生性 ，投靠 咗 大漢奸 吳三桂 嘅 部下 ，入 皇宮 嚟 行刺 。
你 諗下 吖 ，吳三桂 呢個 大 漢奸 ，勾結 外敵 ，將 我 大明 天子 嘅 大好 江山 ，竟然 雙手 奉送咗 畀 清廷 。
吳三桂 呢個 嘢 啊 ，凡係 我哋 漢人 冇 一個 唔想 剝 佢 個 皮 ，食 佢 嘅 肉 嘅 。
劉一舟 呢個 衰仔 ，咩 主人 唔好 投靠 唧 ，點解 要 投 吳三桂 吖 ？
噉方姑娘 梗係 面目無光 啦 ，噉就 唔肯 嫁 佢 喇 。
嗰個 年輕人 啊 急到 一味 話 ：我 ，我我 。
虬髯漢子 就 猛擰頭 話 ：人各有志 ，閣下 喺 清宮 裏頭 做 太監 ，呵呵 ，亦唔係 咩 光彩 嘅 事情 啊 。
韋小寶話 ：係 ，係啊 ，當然 冇 咩嘢 光彩 啦 。
我 老婆 掛住 舊情人 ，一定要 我 去 查問 清楚 ，個 劉一舟 到底 死咗 未 。
如果 真係 死咗 喇 ，噉 佢 嫁畀 我 就 更加 心安理得 ，噉 從此 之後 呢 冇 牽掛 喇 。
不過 呢 ，要 同 佢 嘅 劉 師哥 安 嗰 靈位 ，燒 啲 溪錢 。
嗱 三位 朋友 ，你哋 呢處 冇 一個 劉一舟 呢個 人 啦 嘛 係咪 啊 ？
好 ，噉 我 返去 回覆 方姑娘 ，今晚 就 同 我 拜堂 成親 喇 。
講完 ，轉身 行 出去 。
嗰個 年輕人 話 ：我 就係 。
唔好 上當 ！虬髯漢子 大聲 咁 喝佢 。
嗰個 年輕人 出力 掙扎咗 幾下 ，發惡噉 話 ：佢 ，佢 ！
吐 ！突然間 ，一啖 口水 對住 韋小寶 吐過去 。
韋小寶 一 閃 避開 咗 。
見 呢 三個人 嘅 手腳 ，都 畀 粗牛筋 喺 柱 上面 綁 到 實一實 ，冇法子 擢得開 嘅 。
個心 諗 ： 呢 個人 明明 係 劉一舟 喇 ， 佢 本來 就 想認 嘅 ， 不過 畀 呢 個 鬍鬚 佬 阻住唧 。
佢 沉吟 咗 一下 ，已經 有 辦法 喇 ，佢 話 ：
你哋 喺 呢處 等住 我 ，我返去 問 下個 老婆 先 。
噉啊出到去外便同趙齊賢話 ：我已經問到啲嘢喇 ，嗱你唔使再打佢㗎喇 ，等陣我會再嚟 。
當其時 個 天 已經 好 黑 ，韋小寶 個 心 諗 ：方怡 同 沐劍屏 已經 好 餓 㗎 喇 。
噉就 先 去 吩咐 御膳房 手下 嘅 太監 ，開 一 圍 豐盛 嘅 筵席 嚟 自己 間 屋 。
佢 話 尋晚 嗰 班 侍衞 呢 擒賊 有功 ，今日 要 擺 酒 慶賀 ，席上 要 商量 擒拿 刺客 嘅 機密 大事 ，就 唔使 小太監 服侍 喇 噉 。
佢 返到去 ，開鎖 入 屋 ，就 輕輕 推開 內室 嘅 房門 。
沐劍屏 細細聲 嗌咗 佢 一聲 ，坐咗 起身 話 ：
你 點解 到 而家 先至 返嚟 嘅 ？
韋小寶 笑住 話 ：等到 你 心急 死 啊 呢 ，係唔係 ？我 啊 ，探聽到 好消息 喇 。
方怡 瞓 喺 處 抬起 頭 嚟 問 ：咩嘢 好 消息 啊 ？
韋小寶 點着 枱面 嘅 蠟燭 ， 見到 方怡 雙眼 紅紅 哋 梗 係 喊過 嚟 喇 。
歎咗口氣佢話 ：
唉 ，呢個 消息 你 聽起嚟 呢 係 非常非常之 好 嘅 消息 ，但係 對於 我 呢 就係 弊弊冇咁弊 ，因為 啱啱 到手 嘅 好 老婆 呼聲 飛咗 咯 。
話 你 聽 吖 唉 ，劉一舟 呢個 嘢 啊 ，居然 冇 死 。
方怡 吖 一聲 ，歡喜 啊 佢 。
沐劍屏 亦 好 歡喜 噉 話 ：我哋 劉師哥 平安 冇事 啊 ？
韋小寶 話 ：死 就 冇 死 ，想 有 命 恐怕 亦 唔係 點 容易 啫 。
佢 畀 宮裏 便 嘅 侍衞 捉住 咗 ，就 一口 咬定 話 係 大漢奸 吳三桂 派 嚟 皇宮 行刺 嘅 。
死罪 固然 係 難免 啦 ，噉 傳咗 出去 ，江湖 上 嘅 英雄 好漢 都 話 佢 係 同 吳三桂 做 走狗 嘅 ，噉 殺咗 頭 之後 啊 ，呢個 聲名 亦 係 夠 臭 㗎 喇 。
方怡 趷起 上身 佢 話 ：我哋 嚟到 皇宮 之前 ，早就 已經 諗到 呢層 㗎 喇 。
但求 整冧 吳三桂 呢個 奸賊 ，為 先帝 同 沐公爺 報咗 深仇大恨 ，自己 條命 同 死後 嘅 聲名 ，早就 已經 置諸度外 喇 。
韋小寶 戙起 手指公 話 ：好 ！有骨氣 ，吾老公 十分 佩服 。
方姑娘 ，我哋 有 一件 大事 要 商量 下 。
如果 我 能夠 救得到 你 嘅 劉師哥 條 命 ，噉 你 又 點 呢 ？
方怡 好 興奮 ，面 都有 啲 紅嘞 ：
真係 救得 我 劉師哥 ，你 無論 派 我 去 做 乜嘢 艱難 危險 嘅 事 ，方怡 決 唔會 皺 一下 眉頭 。
呢幾句 説話 講得 斬釘截鐵 ，十分 乾脆 。
嗱 ，我哋 訂 一個 約 呢 好唔好 ？小郡主 做 證人 。
如果 我 將 你 劉師哥 救翻出嚟 ，交咗 畀 小公爺 沐劍聲 同 鐵背蒼龍 柳大洪 柳大爺 。
沐劍屏 啊 接口 話 ：你 識得 我 阿哥 同埋 我 師父 咩 ？
沐家 小公爺 同埋 鐵背蒼龍 大名鼎鼎 ，邊個 唔 知道 啊 ？
沐劍屏 話 ：你 真係 好人 嘅 啫 。
如果 能夠 救得劉 師哥 ， 大家 都 感激 你 嘅 恩情 啊 。
唔係 ，我 唔係 好人 啊 ，我 只係 做 生意 嘅 啫 。
劉一舟 呢個人 啊 非同小可 ，佢 係 行刺 皇帝 嘅 欽犯 噃 。
噉 我要 救 佢 ，係 要 攞 自己 條 命 嚟 搏 㗎 噃 ，係唔係 ？
官府 一查到 係 我 做 嘅 ，不但 我 人頭 落地 啊 ，連 我 屋企 嘅 阿爺 、阿嫲 、爸爸 、媽媽 、三個 哥哥 、四個 妹妹 ，仲有 姨丈 、姨媽 、姑丈 、姑媽 、舅父 、妗母 、外公 、外婆 、表哥 、表弟 、表姐 、表妹 ，冚𠾴唥 都 要 斬頭 係唔係 ？
呢啲 叫做 滿門抄斬 喇 。
噉 我 屋企 嘅 金 啊 、 銀 啊 、 屋 啊 、 灶頭 啊 、 長褲 啊 、 鞋襪 啊 ， 冚𠾴唥 都 要 畀 官府 沒收 係 唔 係 ？
佢 問 一句 係唔係 ，沐劍屏 就 岌一岌頭 。
方怡話 ：係啊 ，呢件事 牽連 太過 大 ，唔能夠 請 你 幫忙 嘅 。
橫掂我 ， 我 ， 我 師哥 死 咗 ， 我 都 唔 做人 㗎 喇 。
邊個 叫 我 條命 唔好 吖 ？
講完 啲 眼淚 叭叭聲 咁 流 。
韋小寶 話 ：誒 唔好 傷心 唔好 喊 ，唔好 喊 。
你 一個 羞花閉月 嘅 美人 ，眼淚 一流 唧 ，我 心腸 就 軟 嘞 。
方姑娘 ，為咗 你 ，我 乜嘢事 都 做 。
我 一定 將 你 嘅 劉師哥 救出嚟 。
嗱 ，我哋 一言為定 ，救唔出 你 嘅 劉師哥 ，我 一世人 呢 同 你 做 牛 做 馬 做 奴才 。
救到 你 劉師哥 出嚟 喇 ，你 一世人 呢 做 我 老婆 。
大丈夫 一言既出 ，嗰隻馬 難追 ，就係 講 一句 。
方怡 定定噉 睇住 佢 ，面上 漸漸 唔紅 嘞 ，漸漸 蒼白 喇 ，佢 話 ：
桂大哥 ， 為 咗 救劉 師哥 條命 ， 乜嘢 事 ， 乜嘢 事 我 都 肯 。
如果 你 真 係 能夠 救 得 佢 平安 冇 事 ， 要 我 一 世人 ， 一 世人 服侍 你 亦無不可 嘅 ， 只不過 ， 只不過 。
啱啱 講到 呢處 ，屋外 便 有 腳步聲 嘞 ，聽見 有人 話 ：桂公公 ，送 酒菜 嚟 喇 。方怡 即刻 停口 。
韋小寶 話 ：哦嚟喇 。
噉啊 行出 房 掩 翻埋 道 房門 ，然後 打開咗 屋 門 。
四名 太監 啊 擔住 飯菜 碗碟 行 入嚟 屋 ，噉 就 喺 處 開 枱 。
十二 大碟 菜餚 ，另外 一 煲 雲南 汽鍋 雞 。
四名太監 啊 擺咗 八副 杯筷 ，恭恭敬敬 噉 話 ：桂公公 ，仲 爭 咩嘢 冇 啊 ？
韋小寶 話 ：得喇 ，你哋 返去 啦 。
每人 賞 一兩 銀 ，噉 四名 太監 啊 歡天喜地 走咗咯 。
韋小寶 將 屋門 上咗 門戌 ，將 餸菜 攞 入嚟 房 ，將 枱 呢 ，就 推 到 去 床 前面 ，斟 咗 三 杯 酒 裝 咗 三 碗 飯 ，佢 問 ：
方姑娘 ，你 啱先 話 只不過 只不過 ，到底 只不過 乜嘢 啊 ？
呢個 時候 ，方怡 已經 由 沐劍屏 扶住 坐咗 起身 ，聽 佢 噉 問 個 面 一 紅 ，耷低 頭 。
隔咗 一陣 先至 低聲 話 ：
我 本來 想 講 ，你 係 皇宮 裏 便 嘅 執事 ，點 能夠 娶 老婆 呢 ？
但係唔理點樣 ，只要 你 能夠 救得 我 劉師哥 條命 ，我 一世人 陪住 你 就係喇 。
佢 嘅 皮膚 啊 本來 好似 玉 咁 光潤 ，喺 紅紅 嘅 燭光 映照 之下 就 更加 嬌豔 到 極 。
韋小寶 年紀 雖然 係 細 啊 ，但 亦都 睇到 有啲 魂不守舍 ，佢 笑住 話 ：
哦 原來 你 話 我 係 太監 ，唔 娶得 老婆 係嘛 。
娶唔娶得 老婆 係 我 個 事 你 唔使 擔心 咁多 。
我 只係 問 你 ，肯唔肯 做 我 老婆 唧 ？
方怡 個 心 有 啲 嬲嬲哋 嘞 ，又 隔 咗 一陣 ，落 咗 決心 喇 佢 話 ：
咪 講話 做 你 老婆 ， 就 係 你 將來 賣 咗 我 去 做 娼妓 ， 我 亦 心甘情願 。
呢句説話 如果 第二啲 男人 聽到 一定 會 好唔高興 嘅 ，但係 韋小寶 本來 喺 妓院 出身 嘅 ，所以 亦 唔 覺得 有 咩嘢 。
佢 笑口吟吟噉 話 ：好 ，一於噉話 ，好老婆 ，好妹妹 ，我哋 三個人 嚟 飲 一杯 。
方怡 本來 就 唔 將呢 個 小太監 睇 在 眼 內 嘅 ， 等到 見到 佢 親手 殺死 御前 侍 衞 副 總管 瑞棟 ， 用 啲 古怪 嘅 藥 化 咗 佢 個 屍體 ；
皇宮 裏 便 班 侍衞 同埋 第啲 太監 又 對 佢 十分 恭敬 ，先至 信 佢 唔係 尋常 人物 。
劉一舟 係 佢 傾心 相戀 嘅 意中人 ，雖然 仲 未 訂婚 啊 ，但係 兩個人 早就 心心相印 ，一個 非君不嫁 一個 非卿不娶 。
尋晚 兩個人 一齊 入宮 行刺 ，方怡 見到 劉一舟 失手 畀 侍衞 捉咗 去 ，自己 又 受傷 救唔到 佢 ，噉 估計 個 情人 呢 必定 係 殉難 喇 。
點知 呢個 小太監 竟然 話 佢 不但 未死 ，仲 能夠 設法子 搭救 添 。
佢 個 心 諗 ：只要 劉郎 能夠 脱險 ，我 就算 係 一生 受苦 ，亦 感謝 上蒼 待 我 唔 薄 喇 。
呢個 小太監 又 點 能夠 娶 我 做 老婆 吖 ？
佢 不過 鐘意 油嘴滑舌 ，攞 啲 口頭上 嘅 便宜 啫 嘛 ，我 就 住 佢 一啲 就係 喇 。
想通咗 呢一層 ，即刻 就 微微笑 攞起 酒杯 話 ：
呢杯酒 我 同 你 飲 ，不過 如果 你 救唔到 我 劉師哥 ，就 難免 做 我 劍下 之 鬼 嘞 。
韋小寶 見 佢 笑到 好似 花 咁 靚 個 心 好 歡喜 ，亦 攞起 酒杯 話 ：
我哋 講嘢 呢一 就 一 ，二 就 二 ，唔准 逃賴 嘅 。
如果 我 救咗 你 劉師哥 ，你又 反悔 又 要 去 嫁 佢 噉 啊 點 吖 ？
你 兩個 夾手夾腳 我 唔係 對手 㗎 噃 ，佢 一刀 打橫 斬過嚟 ，你 一劍 直劈 過去 ，我 桂公公 啊 當時 分為 四嚿 ，嗯 呢件事 不可 不防 啊 。
方怡 唔 笑嘞 ，好 嚴肅 噉 話 ：
皇天 在 上 ， 後 土 在 下 ， 桂公公 如果 救得 劉一舟 平安 脫險 ， 小女子 方怡 ， 就 嫁 桂公公 為妻 ， 一生 對 丈夫 忠貞不二 。
就算 桂公公 唔 能夠 真 係 娶 我 ， 我 亦 死心塌地 噉 服侍 佢 一世 。
如果 有 三心兩意 ，叫我 萬劫不得超生 。
講完 ，將 一杯酒 潑 喺 地下 ，佢 又 話 ：小郡主 就係 證人 。
嗱 各位 ，欲知 後事 如何 ，且 聽 下回 分解 。
