前 文 再續 啊 書 接上 一回 啊 ， 話 説 韋小寶 認出 嗰 隻 唔 係 咩 女鬼 ， 而 係 皇太后 啊 。
佢 個 心 呢 ，仲係 一樣 咁 驚 ，佢 心 諗 ：
如果係女鬼 ，或者 仲 捉 我 唔去 ，太后 呢 ，實在 唔殺 我 滅口 唔得 咯 。
自從 佢 知道 太后 嘅 機密 ，起初 仲 時時 擔心 佢 會 殺咗 自己 滅口 嘅 ，但 一直 冇 動靜 ，時候 一 長 ，擔心 就 漸漸 淡嘞 。
估話 太后 信 咗 自己 ， 以為 自己 真 係 冇 聽到 海大富 嗰 番 説 話 ， 又 或者 以為 自己 ， 就算 係 聽到 喇 ， 亦 決 唔 敢 洩 露 嘅 。
再升咗 自己 管御 膳房 ，噉 自己 感激 之下 呢 ，就 一切 太平 無事 嘞 。
其實 佢 邊處 知道 吖 ，太后 所以 遲遲 唔逳手 ，皆因 嗰日 佢 同 海老公 打 ，就 受 咗 內傷 好 重 ；
又 見 海老公 重重 一腳 竟然 踢 唔 死 韋小寶 ， 就 估話 呢 個 細路 呢 內功 修為 亦 幾 使得 嘅 ；
噉 自己 如果 唔醫好 翻晒 ，功力 唔恢復 ，就 唔敢 貿貿然 逳手 。
呢啲 殺人滅口 嘅 嘢 ，唔能夠 搵 人 做 㗎 嘛 ，必須 要 親自 逳手 。
否則 呢個 細路 臨死 嘅 時候 講咗 幾句 説話 出嚟 ，就 弊弊 冇 咁 弊 喇 。
呢件事牽涉太大啊 ，唔好講話 韋小寶 只係 個 微不足道 嘅 小太監 啦 ，就算 係 后妃 太子 、將軍 大臣 ，只要 可能 聽過 呢件 大 秘密 嘅 ，有 一百 個 就 殺 一百 ，一千 個 就 殺 一千 。
佢 已經 等待咗 好耐 喇 ，當其時 ，功力 仲 未 復原 ，但 諗住 耽擱 多 一 日 ，就 多 一分 洩露 嘅 危險 。
到咗 呢一晚 ，實在 唔願 再 等嘞 ，決定 逳手 。
佢 嚟 到 韋小寶 間屋 ， 推開 窗門 嘅 時候 ， 聽見 韋小寶 話 有鬼 ， 就 索性 扮鬼 嘞 。
佢 唔 知道 床上面 仲 有 一個 人 噃 ，就 慢慢 凝聚 勁力 ，舉起 右手 ，一步步 行到去 床前 便 。
韋小寶啊 知道 難以抗拒 嘞 ，將 個 身 一縮 ，就 蜎咗 入 被竇 。
太后 揮掌 拍落去 ，啪 一聲 ，同時 擊中 咗 韋小寶 同 小郡主 ，好彩 係 隔住 厚厚 一層 棉被 ，勁力 呢 已經 消失 咗 大半 。
太后 又 舉起 手 ，第二 掌 又再 擊落去 ；
呢次 運力 啊 更 強 喇 ，手掌 啱啱 同 棉被 接觸 唧 ，猛然 覺得 掌心 中 一陣 劇痛 ，已經 畀 利器 㓤傷 ，大叫 一聲 就 向 後 跳開 。
呢 個 時候 ， 聽見 窗口 外便 有 三四個 人 齊聲 大叫 ： 有 刺客 ， 有 刺客 啊 ！
太后 大吃一驚 喇 ：點解 有人 知道 呢 ？
佢 親手 嚟 殺 呢個 小太監 ，就 決 唔 能夠 畀 人 見到 嘅 。
手掌 又 痛得 厲害 ，冇 時間 嚟 睇 下 韋小寶 係咪 已經 死 喇 ，雙腳 一 點 ，喺 窗口 倒 跳 出去 。
仲未曾落地唧 ，背後 已經 有人 一齊 嚟 襲擊 嘞 。
太后 雙掌 向 後 揮出 ，使 一招 後顧無憂 ，左掌 右掌 同時 擊中 兩個人 嘅 心口 。
嗰 兩個 人 𢴈咗 出去 。
只聽見 噹噹噹 打起 鑼 ，一陣 間唧 ，四圍 都 響起 鑼聲 。
遠處 又 有人 叫 ： 右衛 第一隊 、 第二隊 保護 皇上 ， 右衛 第三隊 保 衞 太后 。
跟住 東便 假山 之後 有人 嗌 ：呢便 有 刺客 啊 ！
太后 知道 呢啲 都係 宮中 侍衞 ，就 縮埋 喺 花叢 嘅 側跟 ，掌心 嘅 疼痛 啊 一陣陣 更加 厲害 嘞 。
只見 朦朦朧朧 有 七八 堆 人 喺度 互相 廝殺 ，乒乒咣咣 ，兵刃 不斷 碰撞 ，個 心 諗 ：
原來 宮內 真 係 嚟 咗 刺客 ， 係 海老公 嘅 朋友 定 係 鰲拜 嘅 舊部 呢 ？
聽到 遠處 傳令 嘅 聲音 唔 斷 ，黑暗 之中 ，火把 同埋 孔明燈 嘅 燈光 ，四面八方 噉 聚集 過嚟 。
太后 睇住 如果 仲唔走 呢 稍遲 一陣 唧 就 難以 甩身 嘞 ，於是 喺 花叢 後 便 跳 出去 ，急急 向 慈寧宮 走過去 。
只係 走咗 幾丈 遠 唧 ，迎面 有 個人 撲到 嚟 ，手中 一對 鋼錐 向 太后 面門 猛刺 大喝 話 ：大膽 反賊 ，竟然 到 宮中 搗亂 ！
太后 微微 打斜 個 身 ，右 掌 虛晃 一下 ，左 掌 向 佢 肩頭 拍落去 。
嗰個人 沉肩 避開 ，左手 鋼錐 反挑 上嚟 。
太后 向 左 便 一閃 ，右掌 反拍 ，噉 啊 霎時 之間 啊 兩個人 已經 拆咗 幾 招 嘞 。
嗰個人 大喝 一聲 話 ：你個 反賊 吖 原來 係 個 女人 。
太后 見 呢個 侍衞 武藝 唔低 ，自己 啊 雖然 可以 贏 佢 ，但係 總要 再 拆 上 十幾 招 至 得 。
噉但係又怕其餘嘅侍衞趕到嚟啊 ，佢就話 ：我係太后 。
嗰個 侍衛 嚇咗 一驚 ，停手 問 佢 ：咩話 ？
大膽 奴才 ，你 膽敢 冒犯 太后 ？
嗰個人 稍為 一 遲疑 ，太后 雙掌 齊 出 ，啪 一聲 ，打正 佢 心口 。
嗰個 侍衞 即時 就 死咗 ，噉 太后 呢 飛快 閃咗 入 花叢 嘞 。
而家 講 翻轉頭 ，話說 韋小寶 蜎 入去 被 竇 ，畀 太后 一掌 打 正 條 腰 ，當堂 幾乎 窒息 咁滯 。
危急 起嚟 就 拔出 靴筒 裏頭 嘅 匕首 ，喺 被 竇 裏 便 呢 豎 起嚟 ，噉 被 竇 咪 高 咗 囉 。
太后 第二 掌 向 被 竇高 嗰 地方 打落去 ，把 匕首 鋒利 無比 ，太后 呢一 掌 嘅 勁度 呢 又 係 極之 大 嘅 ，匕首 當堂 穿過 棉被 刺入 掌心 ，一直 通到去 手背 。
等到 太后 喺 窗口 跳出去 ，韋小寶 掀起 棉被 一角 ，只 聽見 屋外 便 人聲 雜亂 。
佢 當時 第一個 念頭 就係 ：太后 派 人 嚟 捉 我 喇 。
喺 床上 跳咗 落 地 ，掀開 棉被 話 ：我哋 快啲 走啦 。
小郡主 喊住 話 ：痛啊 ，哎 ，痛 ，痛死我喇 。
原來 太后 第一 掌 嘅 掌力 呢 既 打中 韋小寶 後腰 ，同時 又 打中 小郡主 嘅 左腿 。
小郡主 受力 比較 多 啊 ，左腿 小腿 骨 呢 竟然 畀 佢 打斷 咗 。
韋小寶 話 ：做咩 唧 你 ？
一手 揦 住 佢 頸 口 衣服 話 ： 快 啲 走 啦 ， 快 啲 走 啦 ！ 將 佢 拉 咗 落 床 。
小 郡主 右腳 先 落地 ， 只 覺得 左腳 痛到 呢 難頂 喇個 身 一側 ，趢 倒 喺 地 嚟 喊住 話 ： 我 嘅 ， 我 嘅 腳 斷 咗 啊 。
韋小寶 急 嘞 ： 死妹 釘 你 遲 唔 斷 早 唔 斷 ！
個心 諗 ： 老子 自己 趯 佬 要緊 喇 ， 咪 講話 你 一隻 腳斷 咗 啦 ， 就算 係 四隻 腳 、 八隻 腳 ， 斷 成 十七八 碌 ， 老子 都 唔 在乎 啊 。
轉身 衝到 去 窗口 ，裝 出去 ，只 盼 外 便 冇 人 ，就 跳 出去 走嘞 。
誰知 一望 ，只見 太后 雙掌 向後 揮出 ，跟住 兩個人 飛起嚟 ，噼啪 噉𢴈 咗 喺 地 。
一個人 咁啱 呢𢴈 喺 佢 嘅 窗口 下 便 ，朦朦朧朧 見到 呢個 人 着住 侍衞 嘅 服飾 。
佢 心裏 便 好奇 啦 ：太后 為咩事 要 打 宮 裏頭 嘅 侍衞 呢 ？
跟住 見到 太后 閃 入去 花叢 ，又 見 幾丈 之外 ，有 六七 個 人 正 喺度 廝殺 ，鬥得 好 激烈 ，聽見 遠處 有人 叫 ：捉 刺客 啊 ，捉刺客啊 ！
韋小寶 又 驚 又 喜 ：嘩 ，原來 真係 嚟咗 刺客 ，唔係 嚟 捉 我 嘅 。
定眼 望過去 ，見到 太后 又 喺度 同 一名 侍衞 格鬥 。
嗰個 侍衞 使 一對 鋼錐 ，雖然 同 佢 嘅 窗口 距離 好 遠 啊 ，但係 仍然 可以 見到 鋼錐 上 嘅 白光 閃閃 。
噉鬥咗一陣 ，太后 又 將 嗰個 侍衞 打死 嘞 ，噉 好快 脆 呢 ，喺 黑暗 之中 隱沒 唔見 咗 。
韋小寶 捩轉頭 睇下 小郡主 ，見到 佢 坐 喺 地下 細細聲 呻吟 。
當佢知道自己並冇危險喇 ，情緒就即刻好翻晒 ，行到佢前面 低聲話 ：
痛得 好 厲害 啊 ？外便 有人 要 嚟 捉 你 啊 ，快啲 唔好 嘈 喇 。
小郡主 嚇到 啞 都 唔敢 再 啞嘞 。
忽然間 聽見 外便 有人 叫話 ：
黑腳狗 牙齒 厲害 ，去 點 蒼山 啦 ！
小郡主 一 聽見 咦噉 一聲 話 ：係 我哋 嘅 人 啊 。
韋小寶 奇怪 喇 ：係 你 嘅 朋友 啊 ？你 點 知道 㗎 ？
佢哋 講 嘅 係 我哋 沐王府 嘅 暗語 ，快 ，快 ，快啲 扶 我 去 睇 下 。
佢哋 係 唔係 嚟 皇宮 救 你 啊 ？
我唔知啊 ，呢處 係 皇宮 咩 ？
韋小寶 唔 回答 佢 個 心 諗 ：
佢哋 如果 知道 妹 釘 喺 呢處 ，衝入嚟 救人 ，嗯嗯 老子 雙拳 難敵 四手 嘞 ，一伸手 出力 揞住 佢 個嘴 ，細細聲 恐嚇 佢 話 ：
千祈唔好出聲啊 ，畀人一發覺啊 ，連 你嗰隻腳 都 打斷埋 ，我就唔捨得㗎喇 。
呢個 時候 只 聽見 外便 有人 呀呀聲 噉 大聲 叫 。
又 有人 歡呼 話 ：殺咗 兩個 刺客 喇 ！
噉 有人 叫 ：刺客 向 東 便 走咗 啊 ，大家 快 追 ！
噉 跟住 人聲 漸漸 去 遠咗 。
韋小寶 放開 手 佢 話 ：你 嘅 朋友 逃走 咗 喇 。
小郡主 話 ：唔係 逃走 啊 ，佢哋 話 去 點 蒼山 ，係 暫時 避一避 嘅 意思 啫 。
噉 黑腳狗 係 咩嘢 啊 ？
黑腳狗 就係 宮 裏頭 嘅 武士 囉 。
噉正喺度傾緊 ，又 聽見 遠遠 傳令 嘅 聲音 不斷 噉 傳嚟 ，顯然 宮中 正在 圍捕 刺客 啊 。
忽然間 ，聽見 窗口 下 便 有人 呻吟 咗 兩 聲 ，係 個 女仔 聲 嚟 。
韋小寶 話 ：有 個 刺客 仲 未 死 ，我 去 拮佢 兩刀 。
因為 宮內侍衞 都係 男子 ，呢個 呻吟 嘅 梗係 刺客 嘞 。
小郡主 話 ：唔好 ，唔好殺啊 ，或者 係 我哋 府 嘅 呢 。
佢 扶住 韋小寶 嘅 膊頭 ，企咗 起身 ，右腳 單腳 掂地 跳咗 幾下 去到 窗口 。
只見 窗口 下 便 有 兩個 人 ，佢 問 ：係唔係 天南地北 㗎 ？
韋小寶 一手 就 揞住 佢 個嘴 。
窗口 下 便 有 個 女仔 話 ：孔雀明王 座下 ，你 ，你係 小郡主 啊 ？
韋小寶 個 心 諗 ：呢個 女仔 已經 發現咗 小郡主 嘅 蹤跡 嘞 ，噉 唔係 大禍 ？咪 喇 。
舉起 匕首 就要 掟落去 嘞噃 ，突然間 右腕 一緊 ，已經 畀 小郡主 捉住 嘞 。
跟住 小掩 一痛 ，撳住 佢 個嘴 嘅 手 呢 亦 不由自主 噉 松翻開 。
小郡主 問 ：係 師姐 啊 ？
嗰 女仔 話 ：係 我 ，你 ，你 ，你 喺 呢處 做 乜嘢 啊 ？
韋小寶 接口 話 ：你 阿爺 吖 ，你 喺 處 做 乜嘢 啊 ？
小郡主 話 ：你 唔好 鬧 佢 啦 ，佢 係 我 師姐 啊 。
師姐 ，你 受咗 傷 啊 ？
哎呀 ，你 快啲 想法子 救下 我 師姐 啦 ，師姐 同 我 最好 㗎 。
小郡主 呢 幾句 説話 呢分別 對 兩個人 講 嘅 。
嗰個 女仔 呻吟 咗 一 聲 ，佢 話 ：
唉 ，我 唔要 呢個 僆仔 救 我 ，睇 佢 亦 冇 救 我 嘅 本事 。
韋小寶 用力 一擢 ，小郡主 就 鬆咗 手 嘞 。
韋小寶 鬧 佢 ：死妹釘 吖 ，你 話 我 冇 本事 救 你 ？
你 呢種 第九 流 武功 嘅 死 妹 釘 啊 ， 哼 ， 老子 啊 用 一隻 手指 尾 咋 ， 隨隨便便 就 救 你 二三十個 七八十個 啦 。
呢陣時 ，遠遠 又 響起 捉刺客 ，捉刺客嘅 聲音 。
小郡主 好 急嘞 連忙 話 ：你 快啲 救 我 師姐 啦 ，嗱 ，我 ，我 叫 你 三聲 好 ，好哥哥 好哥哥 ，好哥哥 。
呢 三個 字 本來 佢 點 都 唔肯 叫 嘅 ，呢個 時候 為咗 求 佢 救人 ，竟然 連 氣 叫咗 三 聲 。
嘩韋小寶 高興到不得了 ：好妹妹 ，你 要 好哥哥 做 咩嘢 啊 ？
小郡主 啊 醜 到 滿面 通紅 佢 話 ：唔該 你 救下 我 師姐 啦 。
窗口 外 便 嗰個 女仔 嘅 語氣 係 十分 硬頸 噃 佢 話 ：
使咩求佢啊 ？呢個 衰仔 ，自身 難保 ，連 自己 都 救唔到 自己 啊 。
韋小寶 話 ：哼 ，畀面 過 我 好妹妹 咋 ，我 偏要 救 你 。
好妹妹 ，我哋 講過 嗰説話 呢 ，唔准 你 抵賴 㗎噃 。
你 要 我 救 你 師姐 吖 ，噉 以後 就 唔 能夠 改口 ，永遠 要 叫 我 做好 哥哥 。
小郡主 話 ：以後 叫 你 咩嘢 都 得 ，好叔叔 、好伯伯 、好公公 。
誒唔係唔係 ，我 只係 做好 哥哥 唧 。
係喇 ，我 永遠 都 叫 ，永遠 叫 你 做好 ，好 。
好咩嘢吖 ？
好 ，好哥哥 。講完 ，喺 佢 背脊 輕輕 一推 。
韋小寶 喺 窗口 跳出去 ，見到 一個 身穿 黑衣 嘅 女仔 ，打斜瞓 喺 地 。
韋小寶 話 ：啲 侍衞 啊 就 要 嚟 捉 你 去 ，將 你 斬 成 肉醬 ，做 鮮肉 包 嚟 食 。
嗰個 女仔 話 ：怕 咩嘢 啊 ？自不然 有人 嚟 同 我 報仇 嘅 。
哈 你 個 妹 釘 吖 都 幾 牙擦 㗎 噃 。
話 你 聽吖 ，啲 侍衞 呢 唔 殺 你 住 ，剝光 你 嘅 衣服 ，大家 呢 ，大家 攞 你 嚟 做 老婆 先 。
你 快啲 一刀 殺咗 本 姑娘 啦 。
嘿嘿嘿 ，我 點解 要 殺 你 啊 ？我亦 要 剝光 你 嘅 衣服 ，攞 你 嚟 做 老婆 。
講完 護 低身 就 抱佢 。
嗰個 女仔 急起上嚟 ，打咗 佢 一巴 。
但係 佢 受咗 重傷 吖 ，手上 一啲 力 都 冇 ，一巴 打 喺 塊 面 處 就 好似 輕輕 拂 一拂 噉 唧 。
韋小寶 笑住 話 ：你 都 未 做 我 老婆 就 先 同 老公 撓痕 喇 ？
講完 ，抱起佢 ，喺 窗口 送入去 房 。
小郡主 好 歡喜 嘞 ，行 上前 將 個 女仔 接住 ，慢慢 將 佢 放落 床 。
韋小寶 正話 想 跟住 跳入 房 ，忽然間 聽見 腳邊 有 個人 低聲 話 ：
桂 ， 桂公公 ， 呢 ， 呢 個 女仔 ， 呢 個 女 仔 係 反賊 ， 刺客 ， 唔 ， 唔 救 得 佢 㗎 。
韋小寶 大吃一驚 喇 問 佢 話 ：你 ，你 係 邊個 啊 ？
嗰嗰人 話 ：我 ，我係 宮中 侍 ，侍衞 啊 。
韋小寶 當堂 明白 喇 ，佢 係 啱先 畀 太后 一掌 打中 嘅 侍衞 竟然 未 死 ，佢 瞓 喺 地下 唔 逳得 唧 。
講說話 就 斷斷續續 ，噉 受傷 呢 一定 係 極重 嘅 。
個心諗 ：我 如果 將 呢個 黑衣 女仔 交出去 就 梗係 一件 功勞 啦 ，噉 但係 小郡主 又 點算 呢 ？
呢件事 敗露 出嚟 就 唔得掂 㗎噃 。
於是 舉起 匕首 ，哧 一刀 ，插到 佢 胸膛 。
嗰個 侍衞 啞 都 冇 啞 就 即時 死咗 嘞 。
韋小寶 話 ：真係 對唔住 喇吓 ，如果 先頭 你 唔 開口 呢 ，就 唔會 死 嘅 。
不過 我 桂公公 嘅 人頭 呢 ，就 唔係 咁 穩陣 喇 。
佢 再 一諗 ：哎呀 ，左近 都 怕 有 啲 受傷 嘅 ，咪 搵 嘅 搞 ，我 要 一個個 都 殺咗 滅口 。
噉佢 喺 周圍 花叢 假山 啊 搵咗 一輪 ，見 地下 呢 總共有 五個 屍體 。
三個 係 宮中 侍衞 ，兩個 係 刺客 ，都 已經 氣絕 身亡 嘞 。
韋小寶 抱起 一個 刺客 嘅 屍體 ，放 喺 窗口 上 便 ，頭 裏 腳 外 ，跟住 喺 屍體 背後 ，用 匕首 插 咗 幾下 。
小郡主 嚇咗 一驚 啊 佢 話 ：佢 ，佢 係 我哋 王府 嘅 人 噃 ，死 都 死咗 喇 ，點解 又 要 殺 佢 啊 ？
韋小寶話 ：哼 ！佢 死 都 死咗 咯 ，噉 我 就 唔能夠 再 殺 佢 啊 ？你 殺 個 死人 畀 我 睇下 吖 。
要救 你 呢個 臭鬼 師姐 啊 唔係 噉 唔得 㗎 。
嗰個 女仔 瞓 喺 床上 便 話 ：你 先至 臭 啊 ，
你 又 未 聞過 ，點知 我 臭 啊 ？
呢間 屋裏 便 就 有 一 浸 臭𡃴 。
本來 好香 㗎 ，你 入嚟 之後 先至 臭 嘅 啫 嘛 。
小郡主 急喇 ：哎呀 你 兩個 又 唔 相識 ，一見面 就 嘈交 ，快啲 唔好 嘈 啦 。
師姐 ，你 點解 嚟到 呢處 㗎 ？係 ，係咪 嚟 救 我 㗎 ？
嗰個 女仔 話 ：我哋 唔 知道 你 喺 呢處 ，大家 唔見咗 你 ，到處 咁 搵 ，搵唔到 。
講到 呢處 ，已經 上氣唔接下氣 嘞 。
韋小寶 話 ：冇力 講説話 就 少 講 幾句 吖 。
我 偏要 講 ，你 點吖 ？
你 有 本事 咪 講落去 囉 ，講啦 嘛 講啦嘛 。
你 睇 人 哋 小 郡主 吖 幾 咁 温柔 斯文 吖 ， 邊度 似 你 咁 潑辣 嘅 啫 ？
小郡主 連忙 話 ：唔係啊唔係啊 ，你 唔知 咋 ，我 師姐 係 至好人 㗎喇 ，你 唔好 鬧 佢 啦 ，佢 就 唔會 嬲 你 㗎 啦 嘛 。
師姐 ， 你 邊度 受 咗 傷啊 ？ 傷得重 唔 重 啊 ？
佢 武功 唔得 ，又 唔自量 ，嚟 皇宮 嚟 丟架 ，梗係 傷得 好重 啦 。
我 睇 佢 呀 ，都 怕 冇 三個 時辰 命 啊 ，唔到 天光 就 歸天 㗎 喇 。
唔 會 嘅 ， 唔 會 嘅 ， 好 哥哥 ， 你 你 快 啲 想法子 救下 我 師姐 啦 。
嗰個 女仔 發惡話 ：我 寧可 死 啊 都唔要 佢 救 啊 。
小郡主 ，呢個 衰仔 油腔滑調 ，你 點解 叫佢 ，叫佢 。
叫 我 咩 啊 ？
嗰 女 仔 唔 上當 喇 ： 叫 你 馬 騮 仔咯 。
韋小寶 話 ：係 馬騮公 呢 定 馬騮乸 啊 ？
嗰個 女仔 聽 佢 講 嘢 咁 粗俗 無賴 ，就 唔 睬 佢 ，一味 喘氣 。
韋小寶 搦起 支 蠟燭 佢 話 ：我哋 睇下 佢 邊度 受咗 傷 先 啦 。
嗰個 女仔 大聲 叫話 ：唔好 睇 我 ，唔好 睇 我 ！
韋小寶 喝 佢 話 ： 嘈 咩 啊 嘈 ？ 你 想 人 哋 捉 咗 你 去 做 老婆 啊 ？
攞住 蠟燭 走埋 去 一睇 ，只見 呢個 女仔 半邊 面 都係 血 ，約莫 十七八 歲 啦 ，瓜子面 ，生得 好 靚 。
忍唔住 讚 一聲 話 ：原來 個 臭妹釘 係 個 靚女 。
小郡主 話 ：你 唔好 鬧 我 師姐 啦 ，佢 ，佢 係 生得 好 靚 㗎 。
韋小寶 話 ：好 ，我 更加 非要 佢 做 老婆 不可 。
嗰個 女仔 一驚 ，想 掙扎 起身 嚟 打人 ，但 個 身 輕輕 一 抬 唧 ，就 哎吖 一聲 ，𢴈翻 喺 床 上 便 。
韋小寶 對於 男女 間 嘅 事 ，喺 妓院 裏頭 自不然 聽得 好多 ，都 完全 都 唔 當做 一回事 嘅 。
噉講到話 要攞佢嚟做老婆 等等 ，佢 年紀 細小 ，亦 從來 冇 起過 心 。
只係 佢 鐘意 惡作劇 ，見 嗰個 女仔 聽見 自己 一 講到 話 要 攞 佢 嚟 做 老婆 ，就 急 成 噉 嘅 樣 ，不禁 十分 得意 嘞 。
嘿嘿嘿嘿 ，你 唔使 心急 嘅 ，都 未 拜堂 ，點 能夠 做 夫妻 呢 ？
你 當 呢處 係 麗春院 咩 ？話 做 夫妻 就 即刻 就 做 。
哎呀 ， 你 傷口 流血 啊 ， 唔 好 整污糟 我 鋪 床 啊 。
只見佢 衣衫 上面 鮮血 不停 咁 滲出嚟 ，傷勢 實在 唔輕 。
忽然間 ，聽見 一班人 快步 行近嚟 ，有 個人 叫住 話 ：
桂公公 ， 桂公公 ， 你 冇 事 吖 嘛 ？
宮中 侍衞 擊退咗 刺客 ，噉 啊 派 人 保護咗 皇上 、太后 ，同埋 地位 比較 高 嘅 嬪妃 ，就嚟 保護 有 職司 有 權力 嘅 太監 。
韋小寶 係 皇帝 面前 嘅 紅人 啊 ，噉 就 有 十幾 名 侍衞 搶住 嚟 討好 嘞 。
韋小寶 低聲 對 小郡主 話 ：上翻床 啦 。
噉 拉 張 棉被 嚟 將 兩個 人 都 冚實 ，放低 堂 蚊帳 ，跟住 就 叫話 ：你哋 快啲 嚟 ，呢處 有 刺客 啊 ！
嗰個 女仔 大吃一驚 ，但係 佢 受咗 重傷 啊 ，邊處 掙扎 得起 吖 ？
小郡主 急喇 ：你 唔好 嘈喇 ，唔好 叫 人 嚟 捉 我 師姐 啊 。
佢 都 唔肯 做 我 老婆 ，有 咩 咁 客氣 唧 ？
呢個 時候 ，十幾名 侍衞 已經 走到 嚟 窗口 外便 ，一個人 大聲 叫話 ：啊 ，呢度 有 刺客 啊 ！
韋小寶 笑住 話 ：呢個 傢伙 啊 ，想 走 入 嚟 我 間 房 ，畀 老子 幾刀 就 做 瓜 佢 嘞 。
眾侍衛 舉起 火把 ，果然 見到 嗰個人 背脊 有 幾個 傷口 ，衣服 、窗口 、地下 都係 血跡 。
有個人 話 ：桂公公 受驚 喇 。
另外一個人 話 ：桂公公 受 咩嘢 驚唧 ？桂公公 武功 咁 使得 ，一逳手 啊 就 將 刺客 殺死 嘞 ，就算 嚟 多 幾個 啊 ，咪 一樣 殺埋 。
眾侍衛 跟住 托大腳 ，大讚 韋小寶 使得 ，今晚 啊 又 立咗 大功 啊噉 。
韋小寶 話 ：功勞 呢 亦 冇 乜嘢 功勞 ，做 瓜 一兩個 刺客 啫 嘛 ，亦 唔 使 嘥 幾多 力 嘅 。
不過 要 捉住 滿洲 第一 勇士 鰲拜 呢 ，就 比較 難啲 喇 。
噉 眾侍衛 梗係 你 又 讚 時 我 又 讚 啦 。
嗱 各位 ，欲知 後事 如何 ，且 聽 下回 分解 。
