前 文 再續 啊 書 接上 一回 啊 。
話 說 韋小寶 順手牽羊 ，攞 咗 部 四十二章 經 收埋 喺 身處 ， 噉 又 返去 大廳 。
大廳 仍然 同 佢 離開 嘅 時候 一模一樣 ， 賭錢 嘅 賭錢 聽 曲 嘅 聽 曲 。
扮師 姑 嗰 個 旦角 呢 仲 喺 度 扭扭捏捏 猛唱 ， 韋小寶 問 索額圖 話 ：
呢 個 女子 裝模作樣 搞 咩 鬼唧 ？
索額圖 就 笑 住 話 ： 呢 個 師姑仔 啊 ， 喺 師 姑 庵 想 男人 啊 ， 要 趯 落山 嫁人 。
呢 你 睇 下 ， 佢 塊 面 係 春意 蕩 漾 ， 嗰 雙眼 啊 ， 一味 咁 拋生 藕 。
突然 間 諗 起 韋小寶 係 個 太監 ， 唔 能夠 同 佢 講 咁 多 男女 嘅 事 以免 惹 佢 煩惱 嘞 ， 佢 就 話 ：
誒 呢 齣 戲 冇 咩 好玩 嘅 ， 桂公公 ， 我同 你 另外 點一 齣 ， 啊 ， 誒 ， 我 哋 點一 齣 雅觀 樓 ， 李存孝 打 虎 嘅 ， 少年 英雄 ， 非同小可 。
然後 就 再 嚟 一 齣 鍾馗 嫁妹 ， 鍾馗 手下 嗰 五隻 小鬼 啊 ， 武打 功夫 熱鬧 到極 啊 。
韋小寶 拍手叫好 ， 不過 佢 話 ： 不過 我要 趕住 回宮 啊 ， 怕 嚟 唔 切 睇 嘞 。
佢 擸 一眼 ， 見到 齊元凱 正 係 同 一名 武師 猜枚 ， 四雄 四 啊 七 俏俏 啊 ， 叫 得 好 熱鬧 。
佢 猜 咗 一陣 枚 ， 大聲 噉 問 ： 神照上人 ， 嗰 個 姓 郎 嘅 傢伙 呢 吓 ？
席 上班 武師 都 話 嘞 ： 好 耐 冇 見到 佢 喇 ， 只怕 鬆 咗 人 咯 。
神照 冷笑 啊 ： 哼哼 ， 呢 個人 不識 抬舉 ， 睇 佢 亦 冇 面 喺 王府 再 住 落 去 咯 。
齊元凱 話 ： 九成 係 鬆 咗 人 啦 呢 個人 啊 鬼鬼 鼠鼠 ， 千祈 唔 好 偷 咗 咩 嘢 嘢 走 至 好 啊 。
一名 武師 話 ： 哦 ， 噉 好 難講 啊 。
韋小寶 個心 諗 ： 呢 個 姓 齊 嘅 做事 真 係 周到 啊 。
先不先 ， 等 嗰 個 姓 郎 嘅 丟 咗 個 大 架 逼 到 佢 非 靜靜 鬆 人 不可 。
等到 王府 發現 死 咗 人 喇 ， 失 咗 嘢 喇 ， 噉 梗 係 邊個 都 會 疑心 姓 郎 嗰 個 啦 。
豈有此理 ， 好 嘢 ， 要學下 至 得 ， 以後 做 嘢 之前 呀 ， 先 要 搵 定 替死鬼 。
眼見 天色 已經 晏 嘞 ， 侍 衞 總管 多隆 呢 起身 告辭 ， 話 要 入宮 值班 。
韋小寶 跟 住 告辭 。
康親王 就 唔 敢留 佢 喇 ， 笑 騎騎 噉 送 兩個 人 出去 。
吳應熊 、 索額圖 等 人 一直 送到 大門口 。
韋小寶 啱 啱 上 轎 坐定 ， 楊溢之 行 過去 雙手 托住 個 包袱 佢 話 ：
我 哋 世子 送 啲 薄禮 畀 公公 ， 希望 公公 唔 好 嫌 菲薄 啊 。
韋小寶 話 ： 多謝 晒 多謝 晒 。 雙手 接過 嚟 佢 就 話 ：
楊大哥 ， 我 哋 一見如故 ， 我當 你 係 好 朋友 ， 如果 畀 錢 嚟 打賞 你 就 睇 唔 起 你 咯 。
噉 啦 ， 第 日 得閒 我 請 你 飲酒 。
楊溢之 好 高興 啊 佢 話 ： 公公 已經 賞 咗 七百兩 銀喇 ， 唔 通仲 唔 夠 咩 ？
哈哈哈 哈哈 ， 嗰 啲 係 人 哋 荷包 嘅 錢 ， 唔 算數 嘅 。
頂 轎行 出巷 冇 幾遠 ， 韋小寶 性急 喇 ， 叫 轎夫 停 轎 ， 噉 攞 住 燈籠 喺 轎 外 便 照住 ， 就 打開 包袱 嚟 睇 下 禮物 。
見到 有 三個 錦盒 ， 一個 盒裝 嘅 呢 ， 係 一對 翡翠 雞 ， 一公一 乸 ， 雕工 啊 極之 精細 ；
另外 一 盒裝 住 兩串 珍珠 ， 每 一串 都 係 一百 粒 ， 雖然 冇 佢 碾碎 咗 幫 小 郡主 搽 面 嘅 珍珠 咁 大粒 啊 ， 但 係 難得 嘅 係 兩百 粒 一樣 咁 大細 ， 佢 個 心 歡喜 嘞 ：
我 呃 小 郡主 話 去 買 珍珠 ， 哈 ， 吳應熊 啊 真 係 送 嚟 喎 。
第三個 錦盒 裝 嘅 呢 係 金 票 ， 每張 黃金 十兩 ， 總共 係 四十張 ， 乃 係 四百兩 黃金 。
韋小寶 個心 諗 嘞 ：
下次 我 見到 吳應熊 呢 個 小 漢奸 呢 ， 我 只 係 冷冷淡淡 噉 隨口 多謝 佢 一聲 ， 即 係 嫌 佢 嘅 禮物 太過 水皮 ， 噉 佢 就 非 要 大大 補 一筆 不可 。
呢 啲 係 索大哥 教 落 嘅 妙法 ，嚱。
呢 個 小 漢奸 如果 詐 假意 唔 懂 呢 ， 老子 就 窒 佢 ：
喂 ， 小王爺 ， 你 送 咗 一對 小小 嘅 綠 雞仔 畀 我 都 幾 得意 嘅 ， 不過 呢 ， 就 係 唔 係 點似 雞 噃。
噉 小 漢奸 一定 會問 㗎 ， 桂公公 ， 點解 唔 似雞 啊 噉 。
老子 就 話 ： 世上 嘅 雞 公雞 乸 呢 邊有 咁 細 隻 㗎 啫 ？
麻雀 都 要 大得多 啦 。
嗱 再 講 ， 綠色 嘅 鸚鵡 、 綠色 嘅 孔雀 就 見得 多 喇 ， 綠雞 就 冇 見過 ， 啊 唔 知 你 哋 雲南 有 冇 嘅 呢 ？
小 漢奸 呢 只有 苦笑 喇 。
噉 老子 又 話 ： 就算 有綠雞 啊 ， 噉 雞公 嘅 雞冠 ， 總 應該 係 紅 嘅 啩？
啊 仲有 啊 ， 呢 隻 雞 乸 一味 唔 生蛋 嘅 ， 噉 算 得 係 咩 嘢 寶貝 唧 ？ 哈哈 ， 哈哈哈 哈哈 。
話 説 韋小寶 一返 到 去 皇宮 ， 急急 腳返 到 自己 間屋 ， 戌 翻 上 道門 ， 點着 蠟燭 ， 掀開 蚊帳 ， 噉 佢 笑 住 話 ： 等到 好悶 啊 呢 ？
只見 小 郡主 逳 都 唔 逳 噉 瞓 喺 處 ， 雙眼 擘 到 大大 ， 嘴 上 便 呢 ， 仍然 疊 住 嗰 幾件 糕 ， 一件 都 冇 食 。
佢 攞 出 嗰 兩串 珍珠 笑 住 話 ：
你 睇 下 ， 我同 你 買 咗 呢 兩串 珍珠 返 嚟 ， 碾成 咗 末 ， 同 你 搽 咗 ， 你 如果 唔 係 天下第一 嘅 美 人 呢 ， 我 就 唔 姓 ， 誒 唔 姓 桂 。
啊 你 餓 唔 餓 啊 ？ 點解 唔 食 糕 啊 ？ 我 扶 你 起身 食 啦 。
咪 伸手 去 扶 佢 坐 起身 ， 突然 間 小 掩 一下 麻痹 ， 跟 住 心口 又 係 一陣 疼痛 。
韋小寶 吖 噉 一聲 驚叫 ， 兩隻 膝頭 哥一軟 ， 坐 咗 喺 地 嚟 ， 只 覺得 全身 酸麻 逳 都 唔 逳 得 。
小 郡主 咭 聲 噉 笑 起 上 嚟 ， 掀開 張 被 落床 喇 ， 佢 笑 住 話 ：
我 嘅 穴道 早就 解開 咗 喇 ， 等 咗 你 咁 耐 ， 你 點解 到 而家 先至 返 嚟 唧 ？
韋小寶 奇怪 喇 ： 邊個 同 你 解開 穴道 㗎 ？
畀 人點 咗 穴道 ， 過得 六七個 時辰 ， 唔 使解 都 自己 通啦 。
我 扶 你 上床 ， 我要 走 喇 。
韋小寶 急死 嚟 喇 ： 唔 得 㗎 ， 唔 得 㗎 ！ 你 你 ， 你 面上 嗰 啲 傷痕 未曾 好 ， 要 同 你 搽藥 先至 好 得 齊 㗎 。
你 呢 個人 呢 真 係 曳 㗎 喇 ， 講 説 話 一味 呃 人 嘅 。
你 幾時 喺 我 面 上面 刻花 唧 ？ 害到 我 啊 擔心 咗 咁 耐 。
你 ， 你 ， 你 點會 知道 㗎 ？
我 早就 落床 照 過 鏡 喇 ， 面 上面 乜嘢 都 冇 。
韋小寶 見 佢 塊 面光 潔白 膩 ， 同 佢 搽 嘅 豆蓉 、 蓮蓉 等等 啊 早就 洗乾 洗淨 嘞 。
唉 佢 好 後悔 啊 ， 佢 諗 ：
我 咁 莽撞 嘅 ？ 都 冇 睇 下 佢 塊 面 先 ， 如果 見到 佢 洗 過 面 呀 ， 就 唔 會上 佢 當 啦 。
於是 佢 話 ： 你 搽 咗 我 個 靈丹妙藥 ， 梗 係 好 嘞 。
否則 啊 ， 我 為 咩 嘢 嗱嗱 聲 又 去 同 你 買 珍珠 唧 ？
我行 勻 咗 北京城 嘅 珠寶店 ， 先至 同 你 買 到 呢 兩串 珍珠 啊 。
啊 ， 我仲買 咗 一 啲 好 好玩 嘅 嘢 畀 你 啊 。
係 咩 嘢 啊 ？
你 同 我 解開 穴道 啦 我 就 攞 畀 你 。
好 ！
小 郡主 正話 想 伸手 同 佢 解開 穴道 ， 忽然間 見到 佢 嘅 眼珠 猛 咁 轉 ， 佢 心念 一動 就 笑 住 話 ：
爭 啲 又 上 咗 你 嘅 當 喇 ， 解開 你 嘅 穴道 ， 你 又 唔 准 我 走 㗎 喇 。
唔 會 嘅 ， 唔 會 嘅 ， 大丈夫 一言既出 ， 嗰 隻 馬 難 追 。
駟馬難追 ， 咩 叫做 嗰 隻 馬 難 追 唧 ？
嗰 隻 馬 跑得快 過 駟馬 吖 嘛 ， 嗰 隻 馬 都 追 唔 到 咯 ， 駟馬 更加 追 唔 到 啦 。
小 郡主 唔 知道 嗰 隻 馬 係 咩 馬 ， 啊 將信將疑 話 ：
嗰 隻 馬 難 追 ， 吖 噉 我 係 第一次 聽見 啫 噃。
嗱， 又 教多 你 一樣 嘢 喇 。
喂 ， 嗰 樣 嘢 啊 ， 好 有趣 㗎 ， 一隻 公 嘅 一隻 乸 嘅 。
係 唔 係 小白兔 啊 ？
唔 係 ， 比 小白兔 好玩 過 十倍 啊 。
係 金魚 。
唔 係 唔 係 唔 係 ， 金魚 有 咩 好玩 唧 ？ 比 金魚 啊 要 好玩 一百倍 。
小 郡主 又 估得 幾樣 嘢 都 冇 估中 ， 噉 佢 話 ： 快 啲 攞 出 嚟 啦 ， 到底 係 咩 嘢 啫 ？
韋小寶 要 氹 佢 同 自己 解開 穴道 佢 就 話 ： 你 一 解開 我 穴道 呢 ， 我 即刻 就 攞 畀 你 睇 。
小 郡主 擰 擰 頭話 ： 唔 得 ， 我 即刻 就要 走 喇 ， 哥哥 唔 見 咗 我 啊 ， 一定 好 急 㗎 喇 。
喂 ， 你 穴道 早就 解開 咗 啦 ， 點解 唔 走 要 等 我 返 嚟 呢 ？
你 好心 幫 我 買 珍珠 ， 我 總 係 要 多謝 下 你 ， 同 你 告別 一聲 㗎 。
唔 聲 唔 響 噉 就 走 咗 ， 又 太 對 唔 住 人 啦 嘛 。
韋小寶 喺 個 心 處 偷笑 嘞 ：
原來 呢 個 姑娘 仔 係 個 小 傻瓜 。
沐 王府 啲 人 啊 木頭木腦 ， 果然 冇 姓 錯 呢 個 姓 啊 。
之 口 佢 就 話 ： 噉 唔 係 囉 ， 我 擔心 你 一個 人 喺 呢 處 怕 吖 嘛 ， 喺 街 處 啊 ， 搏命 咁 走 搏命 咁 走 ， 只 係 諗 住 早 啲 買 咗 珍珠 。
不過 一間 間 珠寶店 睇 過去 ， 就 係 冇 啱 心 水 嘅 ， 我心 一急 ， 連氣 𢴈 咗 幾跤 嘞 。
哎呀 ， 有 冇 𢴈 親你 啊 ？
呢 一下 𢴈 落 去 ， 啱 啱 心口 撞 喺 嚿 大石頭 處 ， 痛到 我 死死 下 啊 。
噉 而家 有 冇 好 啲 吖 ？
撞 嗰 下 ， 傷勢 好重 啊 ， 哎呀 而家 越 嚟 越痛 喇 。
你 ， 你 ， 你點 咗 我 個 穴道 ， 唔 肯 解開 ， 我 呢 ， 呢 ， 呢 一 啖 氣 ， 提 ， 提 ， 提 唔 上 嚟 啊 ， 我 ， 我 。
佢 越 講 把 聲 就 越 低 ， 突然 間 雙眼 一翻 冚𠾴唥 都 係 眼白 ， 就 好似 暈 咗 一樣 ， 跟 住 呢 ， 屏住 呼吸 。
小 郡主 伸手 摸 下 佢 鼻息 ， 果然 冇 咗 氣 ， 大吃一驚 啦 ， 哎 吖 噉 嗌 一聲 ， 全身 都 震 晒 。
哎呀 ， 你 ， 你 ， 你 唔 好 死 啊 ， 你 唔 好 死 啊 。
韋小寶 話 ： 你 ， 你 點錯 ， 點錯 咗 我 嘅 穴道 ， 點 咗 我 ， 我 嘅 死 ， 死穴 啊 。
唔 會 嘅 ， 唔 會 嘅 ， 師父 教個 點穴 法 ， 唔 會 錯 㗎 。
我 明明 點 咗 你 嘅 靈墟 同步 廊 兩個 穴 ， 仲有 天池 穴 啫 嘛 。
你 ， 你 慌慌張張 ， 點 ， 點錯 咗 喇 。
哎呀 ， 我而家 ， 全身 氣血 翻湧 ， 經脈 掉轉頭 ， 誒 天下 ， 天下大亂 ， 我 走 ， 走火 入 ， 入 。
係 唔 係 走火入魔 啊 ？
係 咯 ， 走火入魔 啊 。
哎 吖 ， 你 點解 咁 糊塗 㗎 ？
點穴 功夫 ， 又 冇 練 到 家 ， 就 喺 我 身上 面 ， 亂 咁 點 。
你 點 嘅 都 唔 係 咩 嘢 天池 ， 咩 嘢 步廊 ，冚𠾴唥 都 點 咗 死穴 啊 ， 死得 十拿九穩 嘅 死穴 啊 。
佢 唔 識 穴道 個 名稱 嘅 ， 如果 佢 識 啊 ， 早就 講 幾個 出 嚟 喇 。
小 郡主 係 年紀 細 ， 功夫 自然 係 冇 練 到 家 。
點穴 嘅 功夫 原本 係 好 艱難 繁複 嘅 ， 人身 嘅 大 穴 幾百個 ， 距離 呢 只 係 幾分 咁 多唧 ， 慌慌忙忙 之中 點錯 咗 亦 係 好 平常 。
但 係 佢 曾經 得到 名師 指點 ， 呢 三下 認穴 啊 極準 ， 勁力 雖然 唔 足 啊 ， 穴位 係 一 啲 都 冇 錯 嘅 。
但 係 新學 新 用 ， 到底 係 冇 咩 嘢 自信 ， 韋小寶 呢 又 愁眉 苦面 扮得 好似 ， 佢 以 為 真 係 點錯 咗 死穴 噃 就 急 喇 ：
誒 唔 通 ， 唔 通 我點 咗 你 嘅 膻中 穴 ？
韋小寶 話 ： 唉 ， 冇 錯 喇 ， 冇 錯 喇 係 膻中 穴 啊 。
不過 你 呢 亦 唔 使 難過 嘅 ， 你 ， 你 亦 唔 係 故意 嘅 ， 我 死 咗 之後 ， 決 唔 怪 你 。
閻 ， 誒 ， 閻羅王 問起 嚟 ， 我亦決 唔 話 你 係 你 點死 我 嘅 。
我話 我 自己 ， 一 唔 小心 ， 用 手指 喺 自己 身上 一點 ， 噉 就 點死 咗 喇 。
小 郡主 聽 佢 應承 喺 閻羅王 面前 為 自己 隱瞞 ， 又 感激 又 過 意 唔 去 。
佢 連忙 話 ： 快 ， 快 啲 將 穴道 解開 咗 再講 啦 ， 或者 仲有 得救 嘅 。
講完 ， 連忙 伸手 去 佢 心口 腋下 推拿 。
佢 點穴 嘅 勁力 呢 唔 強 ， 只 係 推拿 咗 幾下 ， 韋小寶 已經 能夠 行動 嘞 。
佢 呻吟 咗 幾聲 就 話 ：
唉 ， 已經 點 咗 死穴 ， 救 唔 翻生 㗎 喇 。
小 郡主 急 嘞 ： 或者 救得生 呢 ？ 我 唔 小心 點錯 咗 真 係 ， 真 係 對 唔 住 啊 。
我 知道 你 係 好人 。
我 死 咗 之後 ， 喺 陰間 保佑 你 ， 從朝 到 晚 呢 ， 我 隻 鬼魂 ， 總 係 跟 住 你 嘅 。
哎呀 嚇 到 小 郡主 尖叫 一聲 佢 問 ：
你 嘅 鬼魂 一味 跟 住 我 㗎 ？
你 唔 使 怕 ， 我個 鬼魂 唔 會害 你 嘅 。
不過 呢 有 個 規矩 ， 邊個 殺死 咗 我 呢 ， 我個 鬼魂 就 總 係 跟 住 邊個 嘅 。
我 唔 係 故意 想 殺死 你 㗎 。
唉 ， 姑娘 仔 ， 你 叫做 咩 嘢 名 啊 ？
你問 嚟 做 咩 嘢 唧 ？
啊 ， 你 要 去 陰間 告 我 係 唔 係 ？ 我 唔 講 你 聽 。
我 唔 會告 你 嘅 。
噉 你 問我個 名 做 咩 嘢 吖 ？
我 知道 咗 你 嘅 名 ， 喺 陰間 保佑 你 吖 嘛 。
陰間 嘅 鬼 朋 鬼 友好 多 㗎 ， 我要 大家 齊心合力 噉 嚟 保佑 你 ， 無論 你 去 到 邊處 ， 幾千 幾百隻 鬼魂 都 跟 住 你 。
小 郡主 嚇 到 大叫 一聲 連忙 話 ： 唔 好 啊 ， 唔 好 啊 ， 唔 好 跟 住 我 啊 。
噉 就 淨 係 我 一個 人 嘅 鬼魂 跟 住 你 啦 ， 噉 得 唔 得 吖 ？
噉 ， 噉 你 如果 唔 嚇 我 ， 嗯 ， 嗯 噉 都 唔 緊要 嘅 。
我 當然 唔 嚇 你 啦 。
嗱， 你 日頭 坐 喺 處 ， 我個 鬼魂 呢 同 你 趕 烏蠅 ， 夜晚 你 瞓 着 覺 ， 我個 鬼魂 呢 同 你 趕 蚊 。
你 如果 悶 過頭 ， 我個 鬼魂 就 托 夢 畀 你 ， 講 好好 聽 ， 好好 聽 嘅 古 仔 你 聽 。
你 點解 要 待 我 咁 好唧 ？ 唉 你 如果 唔 死 就 好 喇 。
韋小寶 話 ： 有 一件 你 應承 過 我 嘅 事 你 冇 辦到 ， 唉 我 死不瞑目 啊 。
咩 事 啊 ？ 我 應承 過你 咩 事唧 ？
你 應承 過叫 我 三聲 好 哥哥 ， 我 臨死 之前 聽 你 叫 咗 我 就 死 得 眼閉 喇 。
小 郡主 出 生於 世襲 黔 國公 嘅 王府 ， 父母 兄長 都 對 佢 十分 寵愛 㗎 。
雖然 ， 佢 出世 嘅 時候 已經 國破家亡 ， 但 係 世臣 家將 、 奴婢 僕役 ， 仲 係 對 呢 位 金枝玉葉 嘅 郡主 愛護 得 無微不至 。
佢 一 世人 當中 ， 從來 冇 人 呃 過 佢 ， 嚇 過 佢 。
出世 以來 所 聽到 個 説 話 ， 真 係 冇 半句 假話 ， 因此 對 韋小寶 嘅 亂 噏 無 為 初時 呢 都 信以 為 真 嘅 。
但 係 見 佢 越 講 越 精神 ， 講到 話 要 叫 佢 三聲 好 哥哥 個 時候 呢 ， 雙眼 裏頭 仲 露出 狡猾 嘅 神情 。
小 郡主 不過 係 天真 良善 啫 ， 但 到底 唔 係 傻 㗎 。
知道 韋小寶 喺 度 呃 自己 嘞 ， 於是 退後 一步 佢 話 ： 你 呃 人 嘅 ， 你 唔 會 死 嘅 。
韋小寶 哈哈大笑 話 ： 就算 暫時 唔 死 啊 ， 過 幾日 總 係 會 死 㗎 嘛 。
過 幾日 都 唔 會 死 啫 。
就算 過 幾日 唔 死 啊 ， 將來 總有 一日 會 死 㗎 。
嗱 你 唔 叫 我 呢 三聲 好 哥哥 ， 我 隻 鬼魂 就 日日 跟 住 你 ， 不停 噉 叫 ： 好 妹妹 ， 好 妹妹 啊 。
佢 挾 緊 隻 喉嚨 ， 把 聲 呢 拖 到 長長 ， 哎呀 真 係 陰風 慘慘 十分 恐怖 ， 又 伸 長條 脷 ， 扮成 係 吊 頸 鬼 噉 樣 。
小 郡主 吖 一聲 ， 轉身 就 衝出去 房 。
韋小寶 追住 過去 ， 見 佢 伸手 想 掹 門 戌 ， 連忙 攔腰 一手 抱住 佢 話 ： 唔 走 得 㗎 ， 外便 好多 惡鬼 㗎 。
放開手 啦 ， 我要 返 屋企 。
你 唔 走 得 出去 嘅 呢 。
小 郡主 右手 切落 去 ， 斬 佢 右腕 。
韋小寶 手掌 翻轉 ， 反而 捉 佢 前臂 。
小 郡主 手 踭 後撤 ， 左手 握拳 ， 向 韋小寶 頭頂 就 打 。
韋小寶 身體 向後一縮 ， 避過 咗 呢 一拳 ， 同時 呢 攬住 佢 小腿 。
小 郡主 一招 虎尾 剪 ， 左掌 打斜 削落 去 。
韋小寶 避 唔 開 嘞 ， 啪 一聲 ， 打中 佢 膊 頭 ， 佢 出力 一拉 ， 小 郡主 企 唔 定 嘞 𢴈 低 喺 地 。
韋小寶 衝上去 想 捉住 佢 ， 小 郡主 又 鴛鴦 連環 腿 飛 起 啊 直 踢 面門 。
韋小寶 一 趢， 又 扭住 佢 左臂 。
小 郡主 嘅 拳腳 功夫 啊 ， 就 曾經 得到 名師 傳授 ， 叻 過 韋小寶 學 嘅 好多 ， 兩個 人 如果 真 係 比武 ， 韋小寶 一定 唔 係 佢 對手 。
但 係 兩個 人而家 呢 只 喺 地上 扭打 ， 一個 又 想 趯 ， 一個 扭住 佢 唔 放 。
呢 啲 扭 撲 摔跤 嘅 功夫 啊 ， 韋小寶 啊 經過 長期 練習 ， 同 康熙 比武 較量 上下 有 一年 咁 長 。
海老公 教 佢 嘅 武功 呢 雖然 係 半真半假 ， 佢 又 練 得 馬虎 ， 但 係 呢 啲 近身 搏擊 嘅 擒拿 ， 佢 到底 仲 係 有 幾下 嘅 。
幾個 回合 ， 韋小寶 個 心口 雖然 係 捱 咗 兩拳 啊 ， 不過 已經 捉住 小 郡主 嘅 右臂 ， 拗 咗 轉頭 問 佢 ：嗱， 你 投 唔 投降 ？
唔 投降 。
韋小寶 用 膝頭 哥 跪 喺 佢 背脊 上 便 又問 ： 你 ， 你 投 唔 投降 啊 ？
唔 投降 。
韋小寶 隻 手 一 加力 ， 將 佢 捩 喺 背後 嘅 手 一 抬 。
小 郡主 哎 吖 一聲 ， 喊 喇 。
韋小寶 同 康熙 比武 摔跤 ， 兩個 人 無論 痛到 幾 咁 厲害 從來 唔 示弱 ， 更 冇 話 喊 嘅 。
只不過 一 畀 對方 制 住 呢 冇 法子 反抗 喇 就 嗌 投降 ， 算 係 輸 咗 一個 回合 ， 重新 比 過 。
估 唔 到 小 郡主 嘅 作風 同 康熙 完全 唔 同 嘅 一 輸 就 喊 喎 。
韋小寶 話 ： 嘿 ， 冇 用 嘅 死 妹 釘 ！ 噉 就 放開 咗 佢 。
就 喺 呢 個 時候 ， 忽然間 聽見 窗門 上面 嘞 一聲 。
韋小寶 低聲 話 ： 哎呀 ， 有鬼 啊 。
小 郡主 大吃一驚 ， 一捩手 攬住 咗 佢 。
只 聽見 窗門 上面 又 是 嘞 一聲 ， 個 窗 啊 ， 嘞 嘞 嘞 慢慢 咁 推開 ， 哎呀 連 韋小寶 都 大吃一驚 喇 ：
真 係 有鬼 啊 ！
小 郡主 向前 一撲 ， 蜎 咗 上床 嘅 被 竇 裏 便 全身 發抖 。
嗰 對 窗門 慢慢 推開 ， 有人 陰陰森森 噉 話 ：
小桂子 ， 小桂子 。
韋小寶 初時 估話 係 海老公 嘅 鬼魂 走 嚟 索命 啫 ， 但 係 聽 呢 個 叫聲 係 女子 口音 佢 就 話 ：
哎呀 係 個 女鬼 啊 。
連氣 退 咗 幾步 ， 雙腳 酸軟 就 坐 咗 喺 床 口 處 。
突然 間 一陣 勁風 吹入 嚟 ， 房裏 便 嘅 蠟燭 就 熄 咗 ， 眼前 一花 ， 房裏 便 已經 多 咗 個人 嘞 。
嗰 個 女鬼 陰陰森森 又 叫 ： 小桂子 ， 小桂子 ， 閻王爺 叫 你 去 啊 。
閻王爺 話 你 害死 咗 海老公 啊 。
韋小寶 嚇 到 魂飛魄散 佢 想 話 ： 海老公 唔 係 我 害死 嘅 。 但 係 張口結舌 ， 邊度 講 得出 説 話 呢 ？
嗰 個 女鬼 又 話 ： 閻王爺 要 捉 你 去 ， 上刀山 ， 落油 鑊 啊 ， 小桂子 啊 小桂子 ， 今日 你 走 唔 甩 喇 。
韋小寶 聽 咗 呢 幾句 説 話 ， 猛然間 發覺 ， 係 太后 啊 ， 唔 係 女鬼 。
嗱 各位 ， 欲知 後事 如何 ， 且 聽 下回分解 。
