前文 再續 啊 書 接上 一回 啊 。
話説 錢老闆 啊 捉咗 小郡主 ，秘密 送到嚟 皇宮 ，要 韋小寶 收埋 佢 ，韋小寶 應承嘞 。
錢老闆 問 ： 韋香 主 嘅 臥室 喺 裏 便 啊 ？
韋小寶 岌一岌頭 。
錢老闆 護低身 抱起 小郡主 ，行入去 裏 便 放 喺 床 上 。
間房 裏 便 呢 ，本來 有 大床 細床 一樣 一張 嘅 。
海大富 死咗咯 ，韋小寶 已經 叫人 將 細床 抬 出去 。
佢 隱秘 嘅 事 好多 嘅 ，就 冇 要 小太監 住 喺 屋 裏 便 服侍 佢 。
錢老闆 話 ：屬下 帶 小郡主 入 宮 嚟 嘅 時候 ，已經 點 咗 佢 背 枚 嘅 神堂穴 、陽綱穴 ，仲 點 咗 佢 後頸 嘅 天柱穴 ，等 佢 唔 能夠 逳動 講唔出 説話 。
韋香主 如果 要 佢 食飯 喇 ，就 可以 解開 佢 嘅 穴道 啦 。
不過 最好 呢 ，點咗 佢 隻 腳環 跳 穴 先 ，免致 佢 會 逃跑 啊 。
沐王府 嘅 人 武功 好 高 㗎 ，之 呢個 姑娘仔 就 唔 會 幾多 武功 嘅 ，不過 呢 亦 不可 不防 啊 。
韋小寶 想 問 佢 咩 叫做 神堂穴 、環跳穴 ，又 點樣 點穴 解穴 。
但係 轉 念 一 想 ：自己 係 青木堂 香主 ，又 係 總舵主 嘅 弟子 噃 ，連 點穴 解穴 都 唔 會 ，豈 不 是 叫 下屬 睇 唔 起 ？
橫掂 對付 一個 姑娘仔 總 唔係 咩 難事 嘅 ，噉 就 岌 頭 話 ：哦 知道 喇 。
錢老闆 話 ：唔該 韋香主 借 把 刀 使下 。
韋小寶 個 心 諗 ：你 要 刀 嚟 做 乜嘢 呢 ？
喺 靴筒 攞 把 匕首 出嚟 遞咗 畀 佢 。
錢老闆 接咗 刀 ，喺 豬 背上 一劃 ，哈 ，佢 估唔到 把 匕首 啊 鋒利 無比 ，割 豬肉 呢 就 好似 切 豆腐 噉 ，一劍 落去 ，直情 落到 劍柄 。
錢老闆 吃咗 一驚 喇 佢 贊話 ：嘿 ，真係 好劍 啊 。
噉 就 割咗 兩片 脊肉 、兩隻 前髀 。
韋香主 ，留 翻 嚟 燒烤 食 啦 ，噉 其餘 嗰啲 呢 吩咐 啲 小公公 抬 返 去 廚房 就 得 喇 。
屬下 告辭 喇 ，會裏 便 嘅 事情 ，屬下 隨時 嚟 向 韋香主 稟告 嘅 。
韋小寶 接過 匕首 話 ：好 。
佢 對 瞓 喺 床上 嘅 小郡主 睇咗 一眼 話 ：呢個 姑娘仔 瞓得 好 淰 啊 。
佢 本來 就 想話 ：呢個 姑娘仔 喺 宮 裏 便 時間 一 長 ，太過 危險 喇 ，如果 畀 人哋 發覺 咗 噉 啊 就 弊 到 極 喇 。
但係 諗 下 天地會 嘅 英雄 好漢 ，邊度 話 有 怕 危險 㗎 ？
呢種 説話 講 出口 啊 ，會 畀 人 睇 小 㗎 噃 ，好 ，唔 講 。
等錢 老闆 返咗 去 廚房 喇 ，韋小寶 連忙 戌翻 道門 ，又 睇過 窗口 ，一條 罅 都 冇 ，噉 先至 坐 喺 床邊 去 睇 小郡主 。
只見 佢 正在 擘開 雙眼 ，望住 床頂 ，見到 韋小寶 過嚟 連忙 眯埋 眼 。
韋小寶 笑住 話 ：你 又 唔會 講説話 ，又 唔會 逳 ，安安靜靜 瞓 喺 處 真係 乖 到 極 喇 。
見到 佢 件 衫 亦都 唔 污糟 ，噉 睇嚟 錢老闆 將 嗰隻 肥豬 嘅 豬肚 呢 ，洗得 十分 乾淨 ，啲 咁多 血跡 都 唔 留 嘞 ，於是 拉 張 被 嚟 𢫏住 佢 。
只見 小郡主 嘅 面珠 雪 咁 白 ，一啲 血色 都 冇 嘅 ，長長 嘅 眼泣毛 不停 咁 震 ，睇嚟 呢個 心 好 怕 定 嘞 ，就 笑住 話 ：
你 唔 使 怕 嘅 ，我 唔 會 殺 咗 你 嘅 ，過得 幾日 呀 就 放返 你 扯 吓 。
小 郡主 擘開 隻 眼 ，睇 咗 佢 一 睇 ，即刻 又 眯 翻 埋 喇 。
韋小寶 諗 ：你 沐王府 嘅 人 呀 ，喺 江湖 上 好 威風 㗎 喎 。
嗰 日 喺 蘇北 條路 處 ， 你 屋企 嗰 個 白寒松 呀 幾 大 架子 啊 ， 一 啲 都 冇 將 老子 睇 在 眼內 。
呢 ，而家 仲 唔 係 畀 我 手下 嘅 人 打死 咗 ？
哈豈有此理 ，諗到 呢處 伸起 隻手 ，只見 手腕上 便 ，有 一𡃈 烏烏黑黑 嘅 仲未曾退 ，仲 覺得 有啲 痛 添 。
個心諗 ：嗰個 白寒楓 死咗 大哥 冇埞 出氣 ，捻到 老子 骨頭 啊 都 差唔多 斷 咁滯 。
想唔到 沐王府 嘅 郡主 娘娘 就 落喺 我 手 ，老子 想打 就 打 想鬧 就 鬧 ，你 一啲 都 冇 得 逳卒 ，哈哈 ，哈哈哈哈哈 。
諗到 得意 嘅 地方 ，不禁 笑出聲 嘞 。
小郡主 聽到 笑聲 擘開 隻 眼 ，睇 佢 點解 要 笑 嘞 噃 。
韋小寶 話 ：你 係 郡主 娘娘 好叻 啦 係咪 啊 ？老子 先至 唔 將 你 放 喺 眼內 啊 。
行埋 去 揸住 佢 右耳 ，掹咗 三下 ，又 捻住 佢 嘅 鼻哥 ，擰咗 兩下 哈哈大笑 。
小郡主 流 眼淚 喇 ，不過 雙眼 呢 仲係 眯埋 嘅 。
韋小寶 喝 佢 話 ：唔准 喊 ，老子 叫 你 唔准 喊 就 唔准 喊 ！
佢 噉 一 喝 ，小郡主 嗰啲 眼淚 仲 流得 多 咯 。
哈 ，你 個 死人頭 你 嘩 ，臭妹釘 ，你 仲 咁 硬頸 ，擘開 眼 吖嘛 ，睇住 我 ，睇住 我 。
小郡主 將 眼 眯得 更 緊 嘞 。
哈 ，你 仲 以為 呢處 係 你 沐王府 啊 ？
你 屋企 裏 便 劉白方 蘇 四大家將 ，有 乜嘢 咁 叻 啊 ？終於 有 一日 ，撞正 老子 呢 一個個 都 斬 成 肉醬 。
你 擘 唔 擘 開 眼 啊 ？擘 吖 嘛 。
小郡主 又 出力 眯埋 雙眼 。
好 ，你 唔肯 開眼 吖 嘛 ？噉 要 呢 對 臭 眼 核 嚟 有 乜 用 啊 ？不如 挖 出 嚟 畀 老子 送酒 。
噉 啊 攞起 匕首 ，打平 放 喺 佢 眼皮 上 便 拖咗 幾 拖 。
嚇到 小郡主 周身 打個 冷震 ，仍然 唔 擘開 眼 。
韋小寶 啊 冇 佢 收 嘞 佢 話 ：
你 唔 開眼 ，我 偏偏 要 你 開眼 ，我 同 你 鬥過 ，睇下 你 郡主娘娘 叻 呢 ，淨係 我 呢 個 流氓仔 、乞兒仔 叻 。
我 暫時 唔 挖 你 嘅 眼核 住 ，挖 咗 眼核 ，咪 算 係 你 贏 咯 喎 ，因為 永遠 唔 能夠 睇 我 吖 嘛 。
嗯 ，我 喺 你 個 面珠 上 便 呢 用 刀尖 刻 啲 花款 ，左 便 塊 面 呢 ，就 刻 隻 小 烏龜 ，右 便 塊 面 呢 就 刻 一 堆 牛屎 。
等到 將來 呢 結咗 𤶸喇 ，你 出到去 街 嘅 時候 ，成 千 成 萬 嘅 人 圍 埋 嚟 睇 咯 喎 ，大家 都 話 ：
哎呀 靚 啊 靚 啊 ，嚟 睇 下 沐 王府 嘅 靚女 啊 ，左 便 塊 面 呢 一隻 王八 ，右 邊 塊 面 呢 一堆 牛屎 啊 。
你 到底 擘開 眼 唔 擘開 眼 ？擘開 眼 ！
小郡主 全身 都 唔逳得嘅 ，只有 擘開 眼 同埋 眯埋 眼 能夠 自己 揸主意 。
聽見 韋小寶 噉樣 講 ，雙眼 啊 越 眯 越 緊 。
韋小寶 自言自語 噉 話 ：
原來 呢個 臭妹仔 嫌 自己 面珠墩 唔夠 靚 噃 ，想 我 喺 佢 塊 面珠 處 呢 就 化下妝 ，好 ，我 刻 隻 烏龜 先 。
噉啊 打開 枱面 嘅 墨硯 ，磨 咗 一磨 ，用 筆 蘸 咗 墨 。
呢啲 筆墨墨硯 呢 ，都 係 海老公 嘅 嘢 喇 。
韋小寶 一世人 從來 未 搦過 筆 嘅 ，呢個時候 攞 支 筆 啊 就 好似 揸 筷子 噉 。
好喇 ，攞起 筆 喺 小郡主 左便 嘅 面處 呢 畫咗 一隻 烏龜 。
小郡主 啲 眼淚水 猛咁 流 ，喺 烏龜 嘅 筆畫 上面 流出 一道 墨痕 。
韋小寶 話 ：我 攞 支 筆 嚟 打 個 樣 先 ，然後 呢 ，就 用 把 刀 嚟 刻 ，好似 人哋 刻 圖章 噉 。
係喇 ，郡主 娘娘 ，我哋 刻好 之後 呢 ，我 拉住 你 去 長安門 大街 ，噉 啊 大聲 叫 ：
邊 一位 客官 要 印 烏龜 啊 ？三文 錢 印 一 張 。
我 用 啲 黑墨 搽 喺 你 塊 面 處 ，噉 有人 畀 三文 錢 呢 ，就 用 張 白紙 喺 你 面上 一印 ，噉 就 係 隻 烏龜 嘞 ，幾快 啊 。
一日 啊 ，實 印得 一百張 啫 ，三百文 銅錢 ，誒 夠使 咯 。
佢 一面 亂咁噏 ，一便 呢 偷偷 睇下 小郡主 嘅 面色 。
見 佢 眼泣 毛 不停 咁 震 ，顯然 呢 又 係 嬲 又 係 怕 。
佢 好 得意 啊 ： 嗯 ， 右邊 塊 面 呢 刻 一堆 牛屎 ， 不過 噉 噃 冇 人 肯 出 錢 嚟 買 牛屎 㗎 噃 ， 啊 不如 刻 隻 肥豬 啦 ， 又 肥 又 蠢 ， 生意 一定 好 嘅 。
噉 攞 起 支 筆 ，喺 佢 右邊 塊 面 珠 亂 畫 一 通 ，噉 畫 嘅 嘢 呢 就 求其 有 四 隻 腳 、一 條 尾 就 係 喇 ，都 唔 知 係 似 貓 定 似 狗 。
佢 放 低 支 筆 ，再 攞 一 把 剪銀 嘅 鉸剪 嚟 ，將 鉸 箭 尖 啊 輕輕 放 喺 小郡主 塊 面珠 上 便 ，喝 佢 話 ：
嗱 ，你 仲 唔 擘 開 眼 呢 我 就 刻花 㗎 喇 ，我 刻 咗 烏龜 先 ，肥豬 呢 等 陣 至 刻 。
小 郡主 啊 淚如泉 湧 偏偏 就 係 唔 肯 開眼 。
韋小寶 冇 收 嘞 ， 但 係 佢 唔 肯 認輸 ， 噉 就 將 鉸 剪 尖 呢 ， 喺 佢 塊 面 處 輕輕 噉 劃 嚟 劃去 。
呢把 鉸剪 尖 啊 其實 好 鈍 嘅 ，小郡主 嘅 皮膚 雖然 係 好 幼嫩 ，亦 冇 整傷 到 佢 。
不過 佢 驚 啊 ，噉 以為 呢個 小惡人 真係 用 刀 喺 自己 面 上面 刻花 噃 ，一 急 就 暈咗 嘞 。
韋小寶 見 佢 神情 唔 對 路 ，怕 係 畀 自己 嚇 死 咗 噃 就 吃 咗 一 驚 ，連忙 伸手 去 探下 佢 鼻息 ，好彩 仲 有 呼吸 。
臭妹 釘 你 詐死 ？
噉 佢 諗 嘞 ：你 死 都 唔肯 擘開 眼 ，唔通 我 輸 畀 你 ？
好啦 ，我哋 睇 住 嚟 啦 ，韋小寶 總 唔會 輸 畀 你 嘅 臭妹釘 嘅 。
噉 攞 塊 濕 布 ，抹 咗 佢 兩 便 面珠墩 嘅 墨 ，噉 一直 抹 咗 三 次 先至 抹 乾淨 。
只 見 佢 眼眉毛 淡淡 ，眼泣毛 長長 ，嘴仔 細細 鼻哥 高高 ，個 樣 啊 真係 秀麗 嘞 。
佢 自言自語 噉 話 ： 你 係 郡主 娘娘 ， 個 心 一定 係 睇 唔 起 我 呢 個 小太監 啦 ， 我 啊 夠 睇 唔 起 你 咯 ， 噉 大家 仲 唔 係 打平 ？
過 咗 一 陣間 ，小郡主 慢慢 醒 翻 嘞 ，一 擘 開 眼 ，只 見 韋小寶 嗰 雙 眼 同 佢 雙 眼 呢 距離 不到 一 尺 ，正在 猛咁 睩住 佢 。
不 由得 吃咗 一驚 ，連忙 眯 翻 埋 雙眼 喇 。
韋小寶 哈哈大笑話 ：哈哈哈 ，你 終於 擘開 眼 喇 ，見到 我 喇 ，係 老子 贏 喇 係 唔 係 ？
佢 自己 覺得 贏咗 啊 心裏 便 好 高興 。
不過 小郡主 唔能夠 講説話 啊 ，就 未必 有啲 掃興 ，噉 啊 想 解開 佢 嘅 穴道 ，不過 又 唔識 噃 ，噉 就 話 ：
你 畀 人 點 咗 穴道 ，如果 解 唔 開 唔 能夠 食飯 ，噉 咪 餓死 囉 ？
噉 我 本來 想 同 你 解開 嘅 ，不過 解穴 嘅 法子 呢 ，就 以前 學過 ，而家 就 唔 記得 嘞 ，你 會 唔 會 吖 ？
你 如果 唔 會 ，就 瞓 喺 處 做 僵尸 咯 ，逳 都 唔 好 逳 ，如果 會 呢 ，就 眨 三 下 眼 。
佢 目不轉睛 噉 望住 小郡主 ，只見 佢 雙眼 呢 ，逳 都 唔 逳 下 。
過 咗 好耐 下 喇 ， 突然 間 雙眼 慢慢 噉 連氣 眨 咗 三 眨 。
韋小寶 好 歡喜 啊 佢 話 ：
哈 ，我 仲 以為 沐王府 嘅 人 既然 係 姓 沐 ，一定 個個 都 係 木頭 ，笨頭笨腦 咩嘢 都 唔會 嘅 ，原來 你 呢個 小 木頭 仲 會 解 穴 。
噉啊 抱起 佢 ，坐 喺 張 椅處 。
嗱 你 睇住 吓 ，我 用 手指 指 你 身上 各個 部位 ，如果 指得 啱 嘅 ，你 就 眨 三下 眼 ；
指得 唔啱 嘅 呢 ，就 雙眼 擘到 大大 ，逳 都 唔好 逳噃 ，噉 我 搵到 解穴 嘅 部位 呢 ，就 幫 你 解開 穴道 。
明唔明 啊 ？明 就 眨眼 啦 。
小郡主 眨咗 三下 眼 。
韋小寶 岌一岌頭 話 ： 好 ，嗱 ， 我 嚟 指 嘞 噃 。
韋小寶 一 伸手 ，就 指住 佢 右便 嘅 胸部 佢 話 ：係咪 呢處 啊 ？
小郡主 當堂 面 都 紅晒 ，一雙眼 啊 睩到 大大 ，邊度 敢 眨 一眨 啊 。
韋小寶 又 指住 佢 左邊 胸部 佢 話 ：係咪 呢處 啊 ？
小 郡主 塊 面 呢 更加 紅 嘞 ，因為 雙眼 啊 擘 得 耐 過頭 ，忍 唔 住 要 眨 一 眨 。
韋小寶 大聲 話 ：吖 ，係 呢處 喇 ！
小郡主 連忙 擘翻 大 雙眼 ，又 醜 又 急 ，真係 唔知 點好 嘞 。
佢 兩個 都 係 十四五歲 年紀 ，對於 男女 之間 嘅 事 啊 似 懂 非 懂 。
不過 女仔 人家 呢 ，早就 識得 人事 喇 。
韋小寶 又 喺 妓院 長大 嘅 ，平時 呢 ，嫖客 同 妓女 嘅 猥褻 舉動 見得 多 ，雖然 唔 係 點明 白 佢 嘅 意思 ，總之 知道 呢 啲 行為 呢 就 極 不 妥當 㗎 啦 。
韋小寶 見到 佢 唔知 點好 得意洋洋 咯喎 ，只 覺得 尋日 喺 楊柳胡同 所受 嘅 一番 羞辱 啊 ，而家 都 出咗 氣 報咗 仇 喇 。
佢 喺 小郡主 身上面 東指西指 ，小郡主 就 搏命 撐開 雙眼 ，唔敢 眨 一下 ，至 驚啊 一 唔 小心 眨 一 眨 眼 呢噉 就 大事 去矣 咯 。
過 咗 冇 幾耐 ，鼻哥 尖 呢 已經 有 一 滴滴 細細 粒 嘅 汗珠 滲出 嚟 嘞 。
好彩 韋小寶 呢 陣時 啊 ，手指 指 住 佢 左 便 胳 肋 底下 邊 ，噉 啊 正 係 解開 穴道 個 地方 ，急急 連氣 眨 咗 三 下 眼 ，個心 一 鬆 ，唞 啖 大氣 。
韋小寶 話 ：哈哈 ，果然 係 呢處 喇 ，老子 呢 亦 唔 係 唔知道 噃 ，不過 記性 唔 好 ，一時之間 呢 忽然間 唔 記得 咗 啫 嘛 。
個心 諗 ：解開 佢 穴道 之後 ，唔 知 佢 武功 點 㗎 噃 ，呢個 妹釘 如果 出手 打 人 ，噉 亦 係 麻煩 。
轉過身 攞起 兩條 腰帶 ，首先 將 佢 兩隻 腳 緊緊噉 綁實 ，又 將 佢 雙手 啊 反到 椅背後 便 綁好 。
小郡主 啊 唔知 佢 要 點樣 折磨 自己 喇 就 好 驚 。
韋小寶 笑住 話 ：你 怕 我 係 唔係 ？你 既然 怕喇 ，噉 老子 就 解開 你 穴道 。
噉啊 伸手 喺 佢 左便 胳肋 底 輕輕 撓 咗 幾 撓 。
哎呀 死咯 ，小郡主 又 奇癢 難當 ，偏偏 呢 佢 又 冇 法子 逳 得 ，嗰 塊 面 呢 就 唂 到 紅 晒 。
韋小寶 話 ：點穴 解穴 呢 ，我 本來 係 拿手 好戲 嘅 ，只不過 老子 近來 事情 太 忙 ，呢種 小事 亦 冇 記 喺 心上 ，真係 有啲 唔 記得 咗 嘞 。
係 咪 噉樣 解 㗎 ？
講完 ，喺 佢 胳肋 底下 便 捽 咗 幾 下 。
哎呀 小郡主 又 係 一陣 奇癢 ，不過 塊面 呢 ，就 有 啲 嬲嬲哋 嘞 。
韋小寶 話 ：呢啲 呢 ，係 我 最 上乘 嘅 高深 解穴 手法 。
上乘手法 就 用 喺 上等人 身上 噉 先 有用 嘅 。
你 呢個 妹釘 唔係 上等人 ，第一流 嘅 手法 用 喺 你 身上 ，竟然 半點 動靜 都 冇 嘅 ？
好 啦 ，我 用 第二 流 手法 試下 啦 。
用 手指 喺 佢 胳肋 底下 便 督 咗 幾 下 。
小郡主 又 痛 又 痕 ，眼淚水 又 喺 佢 眼眶 裏 便 轆嚟轆去 咯 喎 。
韋小寶 話 ：咦 ？第二流 嘅 手法 亦 唔 得 啊 ？
唔 通 你 係 第三 流 嘅 妹 釘 ？ 冇 法子 啦 ， 唯有 用 第三 流個 手法 試下 囉 。
噉啊 用 手板 喺 佢 胳肋 底下 便 拍咗 一陣 ，仍然 唔見 功效 。
各位 ，點穴 啊 ，係 武學 中 嘅 上乘 功夫 。
武功 極 有 根底 嘅 人 啊 ，經 名師 指點 ，仲要 幾 年 勤學苦練 先至 能夠 有成就 嘅 。
解穴 同 點穴 ，係 一件 事 嘅 兩面 ，會 點穴 ，先至 會 解穴 。
認穴 呢 又 要 準確 噃 ，手指 上 便 呢 ，又 要 有 剛柔並濟 嘅 內勁 ，先 能夠 封 人 嘅 穴道 ，解 人 嘅 穴道 。
韋小寶 又 冇 內功 ，點穴 解穴 嘅 法子 呢 從來 冇 學過 ，噉 亂搞 一通 又 點 能 解得開 小郡主 嘅 穴道 呢 ？
噉 佢 拍打 唔得 ，噉 啊 改而為 搣 嘞 噃 ，搣 亦 唔得 ，就 改而為 擰 喇 。
小郡主 又 嬲 又 急 ，忍 唔 住 眼淚 又 流 出 嚟 。
韋小寶 呢陣時 呢 就 確 唔 係 有意 折磨 佢 喇 ，但係 搞咗 半日 仲 解 唔 開 佢 穴道 ，噉 自己 額頭 出汗 就 不禁 有啲 老羞成怒 。
我 連 第八流 手法 都 用埋 喇 ，吖 好似 老鼠 拉 龜 一啲 都 冇 用 嘅 。
唔通 你 係 第九流 嘅 妹釘 ？
老子 係 大有 身份 、 大有 來歷 嘅 人 噃 ， 第九 流 武功 啊 點 都 唔 肯 用 嘅 。
睇 嚟 你 哋 沐 王府 個人 ， 都 係 死 人 嘅 爛 木頭 ， 木頭木腦 ， 木知木 覺 。
嗱 我 同 你 講 喇 ，我 而家 唔 理 自己 身份 喇 ，用 第九流 嘅 武功 ，再 喺 你 呢 個 第九流 嘅 妹 釘 身上 面試 下 啦 。
於是 彎起 中指 ， 用 手指 公 摱 住 出力 咁 彈 ， 彈 喺 小 郡主 嘅 胳肋 底 。
佢 話 ：呢啲 係 彈 棉花 噃 。
啪啪 啪 ，彈 棉花 。
棉花 臭 ，炒 黑豆 。
黑豆 燶 ，就 撈 胡椒 。
胡椒 辣 ，起 寶塔 。
寶塔 尖 ，就 衝破 天 。
天 落雨 ，地 滑滑 ，滑倒 你 沐家 木頭木腦 狗頭狗腦 十八代 祖宗 嘅 老 阿太 。
佢 講 一句 就 彈一下 ，連 氣 彈咗 十幾下 ，講到 個 太字 嘅 時候 ，小郡主 突然間 嘩 一聲 喊出嚟 嘞 。
韋小寶 歡喜喇 ，成個人 彈起 跳上跳下 佢 笑住 話 ：
我 都 話 㗎啦 ，原來 沐王府 嘅 妹釘 啊 果然 係 第九流 嘅 嘢 ，非 用 第九流 嘅 武功 對付 不可 嘅 。
小 郡主 喊 嘞 ：你 ，你 ，你 先 係 第 第 ，第 ，第九 流 啊 。
把聲 係 好 清脆 嬌嫩 ，帶住 柔軟 嘅 雲南 口音 ，真係 講唔出 咁 好聽 啊 。
韋小寶 挾緊 喉嚨 學佢 講説話 喇 ：
你 ，你 先係 第第第 ，第九流 啊 ，哈哈哈哈哈 。
講完 哈哈大笑 。
原來 佢 用 手指 亂咁 彈 啊 ，都 彈 正 小郡主 胳肋底 嘅 腋 淵 穴 上 便 。
腋淵穴 ，係 屬 足 少陽 膽經 ，喺 胳肋 底下 便 三寸 嘅 地方 。
噉 人身 頭部 各個 穴位 ，好似 絲空竹 、陽白 、臨泣 等等 穴道 呢 ，都 屬於 呢個 經脈 嘅 。
佢 喺 腋淵穴 上 便 又 搣 又 擰 又 打 又 彈 ，手勁 雖然 係 唔夠 啊 ，但係 搞得 時間 長 喇 ，小郡主 頭部 各個 穴位 一齊 通晒 ，講 說話 就 冇 阻滯 。
韋小寶 見 居然 能夠 解開 小郡主 嘅 穴道 ，好 歡喜 啦 ，對 沐王府 個 仇恨 ，當堂 就 唔見 咗 大半 ，佢 話 ：
我 肚 煲 餓喇 ，睇 嚟 呢 你 都 唔 飽 嘅 ，我 畀 啲 嘢 你 食 先 吓 。
佢 原來 係 個 貪飲 貪食 嘅 人 ，噉 既然 做咗 尚膳監 嘅 頭頭 ，屬下 嘅 太監 啊 拍 佢 馬屁 ，日日 都 吩咐 廚房 啊 送 各種 各樣 嘅 新鮮 點心 畀 佢 。
噉佢 每日 去 街 ，街市 上 各種 好食 嘅 嘢 呢 佢 總係 見到 就 買 嘅 。
因此 間 屋 呢 ，罌 啊 罐 啊 盒 啊 竹笠仔 啊 不 計 其 數 ，裝 嘅 呢 都 係 零星 食物 。
佢 將 糕點 攞 出嚟 ，佢 話 ：
呢啲 玫瑰 綠豆糕 ，你 食 一件 試下 啦 。
小郡主 擰擰 頭 。
韋小寶 攞咗 另外 一個 盒 ，打開 盒蓋 佢 話 ：
呢啲 係 北京城 出名 嘅 點心 豌豆黃 ，你哋 雲南 一定 冇 嘅 ，試 一件 啦 。
小郡主 又 擰擰頭 。
韋小寶 啊 一於 要 賣弄 啊 ，將 各種 糕餅 糖果 啊 堆滿晒 張 枱 佢 話 ：
你 睇下 ，我 好食 嘅 嘢 你 話 多唔多 吖 ？
就算 你 係 王府 嘅 郡主 ，多數 亦 從來 未 食過 咁多 點心 嘅 。
嗱 ，你 如果 唔 鐘意 食 甜 嘅 呢 ，就 試下 我哋 廚房 呢啲 葱油 薄脆 吖嗱 ，又 香 又 脆 世上 少有 啊 。
連 皇帝 都 鐘意 食 啊 ，你 試 一件 啦 ，包你 鐘意 。
小郡主 又 擰擰頭 。
噉啊 韋小寶 連氣 搦出 最好 嘅 七八種 糕點 出嚟 ，小郡主 啊 硬係 擰頭 。
噉 韋小寶 就 激氣 嘞 噃 ，鬧佢話 ：臭妹釘 ，你 嘴 咁 刁 ，呢樣 唔 食 嗰樣 唔 食 ，你 到底 想 食 咩嘢 吖 ？
小郡主 話 ：我 ，我 乜嘢 都 唔 食 。
只係 講咗 呢句 説話 唧 ，咿咿噎噎 又 喊起 上嚟 。
韋小寶 畀 佢 一 喊 心腸 有 啲 軟 嘞 ：
你 唔 食 嘢 咪 餓 死 囉 ？
小郡主 話 ：我 ，我 ，我 情願 餓死 。
我 先至 唔信 你 情願 餓死 啊 。
正喺 呢個 時候 ，外便 有人 輕輕 敲門 ，韋小寶 知道 係 小太監 送飯 嚟 嘞 。
但係 佢 又 怕 小郡主 嗌 起 上嚟 驚動 旁人 喇 ，就 攞出 一條 手巾仔 ，綁實 佢 個 嘴 ，噉 先 去 開 門 。
佢 吩咐 小太監 話 ：我 今日 想 食 啲 雲南菜 ，你 吩咐 廚房 即刻 整咗 送嚟 啦 。
小太監 應咗 就 去 喇 。
韋小寶 將 飯菜 捧 入嚟 房 ，將 綁住 小郡主 嘅 手巾 解開 ，噉 啊 坐 喺 佢 對面 笑住 話 ：
嗱 你 唔 食 ，我 要 食 嘞 噃 。
嗯 ，呢 啲 係 醬 爆 牛肉 ，呢 啲 係 糟 溜 魚片 ，呢 啲 係 蒜泥 白 切肉 ，仲有 鎮江 餚肉 ，清炒 蝦仁 ；
呢 一 碗 口磨 雞腳 湯 ，真係 鮮美 無比 香甜 啊 。
佢 𢳂 湯 嚟 飲 ，就 故意 飲到 嗒嗒聲 。
同時 呢 偷眼 去 睇下 小郡主 ，見到 佢 眼淚 一滴滴 咁 流 ，一啲 都 唔想 食 噃 。
噉 欲 知 後事 如何 ，且 聽 下回 分解 。
