前文 再續 啊 書 接 上 一回 啊 。
話説 陳近南 ，喺 韋小寶 加入 天地會 嘅 儀式 完成 之後 佢 話 ：
青木堂 嘅 兄弟 ，當日 曾經 喺 萬雲龍 大哥 靈位 ，同埋 尹香主 靈位 之前 發誓 ，邊個人 殺咗 鰲拜 ，為 尹香主 報咗 大仇 ，大家 就 奉 佢 為 本堂 香主 。
有 呢件事 吖 嘛 ？
噉 大家 都 話 ：冇錯 ，確有 呢件事 。
陳近南 嘅 目光 炯炯 ，從 左 到 右 喺 各人 塊 面 上 掃過去 ，佢 慢慢 噉 話 ：
聽講 青木堂 嘅 好 兄弟 ，為咗 繼立香主 嘅 事 曾經 發生過 一啲 爭執 ，雖然 大家 顧全 大局 ， 仁義 為重 ，並冇 傷咗 和氣 。
但係 呢件事 ，如果 唔能夠 妥善 了斷 ，青木堂 之內 總係 埋落 一個 極大 嘅 隱憂 。
青木堂 係 我哋 天地會 極 重要 嘅 堂口 ，統管 江南 江北 各 府 州 縣 。
近年來 漸漸 擴展 到 山東 、河北 ，噉 呢 一次 ，更兼 攻入 北京城 添 。
香木堂 嘅 香主 是否 一個 適當 人選 ，同 本會 嘅 興衰 、反清 大業 嘅 成敗 ，有 極之 大 嘅 關係 。
如果 堂內 眾 兄弟 意見 不合 ，唔能夠 同心 協力 ，大事 就 做唔成 喇 。
鰲拜 嗰個 奸賊 ，乃係 韋小寶 所殺 ，青木堂 眾 兄弟 都 親眼 睇見 嘅 係 唔係 啊 ？
李力世 同 關安基 一齊 話 ：係 。
李力世 跟住 話 ：大家 喺 萬雲龍 大哥 靈位 之前 發過 嘅 誓 ，決 唔能夠 講咗 唔算數 。
如果 發 噉樣 嘅 誓 都 等於 放屁 嘅 ，以後 仲 能夠 喺 萬雲龍 大哥 嘅 靈位 之前 發 咩 嘢 誓 ，許 咩 嘢 願 呢 ？
韋小寶 兄弟 年紀 雖然 係 細 ，我 李力世 甘願 擁戴 佢 為 本堂 香主 。
關安基 就 畀 佢 搶咗 先 ，個 心 就 諗 嘞 ：
呢個 細佬哥 係 總舵主 嘅 徒弟 ，身份 已經 唔係 一般 。
聽 總舵主 呢番 説話 ，顯然 係 要 佢 呢個 小徒弟 做 本堂 香主 。
李老坑 一味 同 我 爭 香主 嚟 做 ，邊個 都 唔 服 邊個 ，索性 一 拍 兩 散 啦 。
佢 已經 先 開口 向 總舵主 討好 嘞 ，我 都 唔 能夠 輸 畀 佢 。
於是 關安基 又 話 ：李大哥 講得 好啱 啊 。
韋兄弟 機警 過人 ，喺 總舵主 調教 之下 ，第日 必定 係 一位 威 震 江 湖 嘅 少年 英俠 。
關安基 甘願 擁護 韋小寶 兄弟 為 青木堂 香主 。
韋小寶 嚇 咗 一 跳 啊 ，瘟 咁 耍 手 擰 頭 大叫 話 ：唔 得 啊 唔 得 㗎 ，呢 呢 呢 呢 個 咩 香主 、臭主 我 做 唔 嚟 㗎 。
陳近南 雙眼 一 睩 ，喝 佢 話 ：你 亂 噏 咩 啊 ？
韋小寶 唔 敢 再 講 嘞 。
陳近南 話 ：呢個 細佬哥 親手 殺咗 鰲拜 ，乃係 不能 改變 嘅 事實 。
我哋 遵守 喺 萬雲龍 大哥 靈位 之前 所立 嘅 誓言 ，唯有 畀 佢 做 青木堂 香主 。
我 係 為咗 要 等 佢 做 香主 ，先至 收 佢 做 徒弟 嘅 ；
而唔係 收咗 佢 做 徒弟 之後 ，先至 想到 要 佢 做 香主 嘅 。
呢個 細佬 哥 氣質 不佳 ，唉 ，以後 唔知道 會 使 我 頭痛 幾百次 啊 。
方大洪 話嘞 ：總舵主 嘅 苦心 ，兄弟們 都 理解 嘅 。
總舵主 同 韋兄弟 非親非故 ，今日 先至 第一次 見面 。
總舵主 破例 垂青 ，當然 係 為咗 本會 嘅 大事 着想 。
不過 ，不過 ，總舵主 不必 擔心 。
本會 啲 兄弟 喺 江湖 上 行 ，讀書 嘅 人 少 ，邊個 唔 係 口出 粗言 俗語 呢 ？
韋兄弟 年紀 輕 ，李大哥 同 關夫子 都 願意 全力 輔助 ，決 唔會 撞 咩 板 嘅 。
陳近南 岌 一 岌 頭 話 ：
我哋 之所以 畀 韋小寶 做 青木堂 香主 ，係 因為 喺 萬雲龍 大哥 靈位 前 立過 誓 ，決 唔 能夠 唔 算數 。
但係 只要 佢 做 一日 香主 ，亦 算 係 做過 喇 。
聽日 ，如果 佢 胡作非為 ，擾亂 青木堂 事務 ，有礙 本會 反清復明 大業 ，我哋 即刻 開香堂 廢咗 佢 ，決 唔 能夠 有 半點 姑息 。
李大哥 、關二哥 ，我 拜託 你哋 兩位 畀心機 幫 佢 。
如果 呢個 細佬哥 嘅 行為 有 咩嘢 唔妥當 嘅 地方 ，一定 要 向 我 稟報 ，唔好 隱瞞 。
李力世 同 關安基 好 恭敬 噉 應承 咗 嘞 。
陳近南 擰轉身 ，喺 靈位 前 便 跪低 ，喺 香爐 裏 便 攞起 三支 香 ，雙手 捧住 高聲 噉 話 ：
屬下 陳近南 ，喺 萬雲龍 大哥 靈位 之前 立誓 ：
屬下 嘅 弟子 韋小寶 如果 違犯 會規 ，又 或者 係 才 德 不足以 服眾 ，屬下 即時 廢 咗 佢 青木堂 香主 嘅 職司 ，決 唔 敢 有 半點 偏私 。
我哋 封 佢 為 香主 ，係 遵守 誓言 ；第日 ，如果 廢 咗 佢 ，亦係 遵守 誓言 。
屬下 陳近南 如果 不 遵 此 誓 ，萬大哥 在 天 之 靈 ，使 我 天雷 轟頂 五馬 分屍 ，死於 韃子 鷹爪 之 下 。
講完 ，舉香 拜咗 幾拜 ，將 香 插落 香爐 ，然後 叩頭 。
大家 齊聲 稱讚 佢 話 ：總舵主 處理 事情 大公無私 ，冇 一個 心裏頭 唔服 嘅 。
韋小寶 個 心 就 諗 喇 ：好啊 你 。
我 仲 估話 你哋 真係 要 我 做 咩 香主 臭主 喎 ，原來 將 我 做 一座 木橋 嚟到 過河 ，過咗 河 就 拆 橋 喇 。
今日 封 我 做 香主 ，你哋 就 唔算 背誓 。
聽日 搵 個 藉口 廢 咗 我 又 唔 算 背誓 。
嗰 陣 時 李大哥 又 好 關夫子 又 好 ，再 嚟 做 香主 就 順理成章 嘞 。
噉 於是 佢 大聲 噉 叫 ：師父 ，我 唔 做 香主 ！
陳近南 打 個 突 嘞 ：咩話 ？
我 唔會 做 ，亦 唔想 做 。
唔會做 就 慢慢 學 吖 嘛 。
我 會 教 你 ，李 關 兩位 又 應承 幫 你 。
香主 嘅 職位 喺 天地會 內 位置 好 高 ，你 點解 唔想 做 啊 ？
今日 做咗 ，聽日 又 畀 你 廢咗 ，噉 反而 丟架 啦 。
我 唔 做 香主 ，咩嘢 事 都 馬馬虎虎 就 得嘞 ；
一做咗啊 人人 都 嚟 雞蛋 裏 便 搵 骨頭 ，唔使 半日 啊 即刻 就 冇 行 咯 。
雞蛋 裏 便 冇 骨頭 ，人哋 想 搵 都 搵唔到 吖 。
雞蛋 變咗 雞仔 就 有 骨頭 㗎 啦 。
就算 冇 骨頭 啊 ，人哋 嚟 搵 嘅 時候 ，就 打爛 隻 蛋殼 先至 再 搵 ，搞到 蛋黃 蛋白 一擗 噉 。
聽 佢 噉 講 ，大家 忍唔住 都 笑起上嚟 。
陳近南 話 ：我哋 天地會 做事 ，你 估 係 細佬哥 玩泥沙 ？
你 只要 唔 做 壞事 ，人哋 都 敬重 你 係 青木堂 香主 邊個 會 得罪 你 呢 ？
就算 唔 敬重 你 ，亦會 敬重 你 係 我 嘅 弟子 啊 。
韋小寶 諗咗 一諗 話 ：
好 ，嗱 我哋 説話 講明 在先 。
你哋 將來 唔要 我 做 香主 ，我 唔 做 就係 喇 。
就 唔 能夠 亂 加 罪名 ，又 打 又 鬧 又 咩 割耳斬頭 ，斬開八碌 啊 噉 㗎 。
陳近南 話 ：你 乜嘢 都 鐘意 講價 ，你 唔 做 壞事 邊個 嚟 打 你 殺 你 呢 ？
敵人 如果 打 你 殺 你 ，大家 幫 你 報仇 。
小寶 ，大丈夫 敢作敢為 ，當仁不讓 ，既然 入咗 我哋 天地會 ，就 應該 奮勇爭先 為民除害 。
一味 為 自己 打算 ，又 點 係 英雄 豪傑 嘅 行為 呢 ？
韋小寶 一 聽到 英雄 豪傑 四 個 字 ，就 想到 講古 先生 所 講 嗰啲 大 英雄 ，個 心 處 啊 當堂 湧起 一 股 豪氣 啊 ，佢 話 ：
係 ，師父 教訓 得 啱 。
斬咗 人頭 ，至多 唔係 碗 咁 大 嘅 疤 。
十八年 後 又 係 一條 好漢 。
呢啲 係 江湖 漢子 畀 人 綁 上 法場 嘅 時候 時時 講 嘅 説話 嘞 。
韋小寶 用咗 出嚟 雖然 唔係 點得體 ，都 搏得 眾人 一陣 掌聲 。
陳近南 微微 笑話 ：做 香主 係 一件 大喜事 ，又 唔 係 綁上 法場 斬首 。
呢處 九位 香主 人人 做得 歡歡喜喜 ，你 應該 學 佢哋 嘅 樣 先 係 。
關安基 行到 韋小寶 面前 ，抱拳 躬身 行禮 話 ：屬下 關安基 ，參見 本堂 香主 。
韋小寶 擰轉頭 問 陳近南 話 ：我 點 做 啊 ？
陳近南 話 ：你 還禮 就 啱 喇 。
韋小寶 抱拳 還禮 話 ：關夫子 你好 。
陳近南 笑 嘞 ：關夫子 三個字 啊 ，係 啲 兄弟 平時 叫 嘅 外號 。
平時 可以 叫 佢 做 關夫子 ，正式 見禮 嘅 時候 ，就 應該 叫 佢 做 關二哥 。
韋小寶 改口 喇 ：關 二哥 你好 。
李力世 呢 一次 畀 關安基 佔咗 先 ，於是 跟住 上前 見禮 。
噉 其餘 九堂 香主 啊 ，逐個 再次 同 韋小寶 見禮 。
然後 大家 返去 大廳 ，總舵主 同 十堂 香主 留低 商量 事情 啊 。
青木堂 係 後五堂 之 長 ，喺 天地會 十堂 之 中 排列 第六 。
噉 韋小寶 個 座位 呢 ，就 排 喺 右首 便 第一位 。
赤火堂 等堂 香主 啊 有啲 係 白鬚 垂胸 嘅 老人 ，反而 坐 喺 佢 嘅 下首 便 。
李力世 、關安基 等人 呢 都 退咗 出去 廳外 便 嘞 。
噉 廳 裏 便 呢 ，就 只 係 陳近南 等 十一 個 人 ，乃 係 天地會 裏頭 第一級 嘅 首腦 。
陳近南 指住 當中 一把 空椅 ，佢 話 ：
呢個 係 朱三太子 嘅 座位 。
又 指住 旁邊 另外 一張 空椅 話 ：呢個 係 台灣 鄭王爺 嘅 座位 。
鄭王爺 就係 國姓爺 嘅 公子 ，而家 繼承 爵位 做 延平郡王 。
我哋 天地會 開 會議事 ，朱三太子 同埋 鄭王爺 如果 唔到 呢 ，總係 空咗 座位 嘅 。
呢幾句説話 ，係 解釋 畀 韋小寶 聽 㗎喇 ，解釋完 就 繼續 話 ：
眾位 兄弟 ，請 講下 各省 嘅 情形 先 啦 。
嗰前 五 房 啊 ，長房 蓮花堂 就 管 福建 ，二房 洪順堂 就 管 廣東 ，三房 家後堂 就 管 廣西 ，四房 參太堂 管 湖南 、湖北 ，五房 宏化堂 就 管 浙江 。
後五房 ，長房 青木堂 就 管 江蘇 ，二房 赤火堂 管 貴州 ，三房 西金堂 管 四川 ，四房 玄水堂 管 雲南 ，五房 黃土堂 管 中州 河南 。
天地會 係 鄭成功 嘅 舊部 所 組成 嘅 ，主力 喺 福建 ，因此 蓮花 堂 係 長房 吖 ，實力 最強 嘞 。
其次 係 兩廣 兩湖 ，再 其次 ，就係 浙江 同 江蘇 。
於是 蔡德忠 首先 就 講述 福建 嘅 天地會 會務 ，跟住 方大洪 啊 講 廣東 會務 。
韋少寶 聽咗 一陣 ，一來 就 唔明白 ，二來 一啲 都 唔感覺到 興趣 ；
到到 收尾 啊 直情 聽而不聞 ，個心 啊 佢 有佢 喺度 遊魂 喇 ，啊 喺度 想 賭錢 啊 玩耍 嘅 事 。
輪到 青木堂 香主 講述 嘅 時候 ，陳近南 話 ：
青木堂 本來 係 喺 江南 江寧 、蘇州 一帶 同 清兵 周旋 嘅 。
收尾 ，尹兄弟 將 香堂 移咗 去 江北 徐州 ，逐步 進入咗 山東 直隸 ，一直 伸展 到 佢哋 嘅 京城 。
只可惜 尹兄弟 死 喺 鰲拜 之手 ，青木堂 元氣 大傷 。
日前 眾 兄弟 奮勇 攻入 康親王府 ，機緣巧合 ，小寶 殺死咗 鰲拜 ，為 尹 兄弟 報咗 大仇 。
青木堂 呢 件事 做得 轟轟烈烈 ，令到 清兵 心驚肉跳 。
只不過 噉 樣 一 嚟 呢 ，佢 哋 梗 係 會 加緊 提防 嘅 ，我 哋 今後 做事 ，要 加倍 小心 先 係 啊 。
噉 大家 都 話 係 啊 噉 。
此後 赤火堂 、西金堂 兩 堂 嘅 香主 ，分別 講述 貴州 、四川 兩 省 嘅 情形 。
韋小寶 聽到 忍唔住 要 打 喊 露咯 ，連忙 伸手 揞住 個 嘴 。
等到 玄水堂 香主 林永超 講起 雲南 會務 個 時候 ，佢 神情 激昂 ，不斷 咁 鬧 ，韋小寶 噉 呢 就 有心機 聽 喇 ，只 聽見 佢 話 ：
吳三桂 嗰個 大漢奸 ，處處 同 我哋 作對 㗎 。
自從 舊年 到 今年 ，都 唔夠 十 個 月 ，會內 嘅 兄弟 前前後後 ，已經 有 七十九 個 死 喺 呢個 王八蛋 嘅 手上 。
叉叉叉 佢 嘩 ，老子 同 呢個 狗賊 啊 不 共 戴 天 ！
屬下 幾次 派人 去 行刺 ，但 呢個 漢奸 身邊 能人 好多 ，連 氣 行刺 咗 三 次 都 失 咗 手 。
講到 呢度 ，佢 指 一指 自己 用 布 掛 喺 條 頸 處 嘅 左手 。
上個月 呢一次 ，叉叉叉 ，老子 仲 斷咗 隻手 。
呢個 大漢奸 作惡多端 ，終於 有日 ，要 全家 畀 我哋 天地會 斬 成 肉醬 。
一講到 吳三桂 人人 氣憤 填膺 。
韋小寶 喺 揚州 個 時候 ，早就 聽 人 講 吳三桂 引 清兵 入 關 ，奪 咗 漢人 嘅 天下 。
韃子 兵 嘅 揚州 姦淫 燒殺 ，最大 嘅 罪魁禍首 就 係 吳三桂 。
呢 個人 幫 清廷 打 天下 ， 官 封 平西王 永鎮 雲南 。
韋小寶 聽 人 提到 吳三桂 三個 字 嘅 時候 ， 冇 個 唔 係 咬牙切齒 恨之入骨 嘅 。
聽見 林香主 破口大罵 ，韋小寶 亦 不以為奇 喇 。
林永超 一 鬧 開咗 頭 呢 ，其餘 八 位 香主 跟住 亦 鬧起嚟 喇 。
噉 佢哋 本來 都 係 軍人 ，近年來 喺 江湖 上 行 ，粗口 都 係 講慣 嘅 ，只不過 喺 總舵主 面前 大家 盡力 收斂 而已 唧 。
而家 一鬧開 咗 啊 邊個 都 唔 再 客氣 喇 。
韋小寶 高興 啊 ， 一 聽到 呢 啲 污言穢語 啊 當堂 如魚得水 ， 忍 唔 住 插口 亦 鬧 埋 一份 。
講到 鬧人 呢 ，韋小寶 同 呢九位 香主 相比 就 頗 有 精 粗 之 別 嘞 。
佢 一句句 轉彎 抹角 ，狠毒 刻薄 ，嗰 九位 香主 不過 係 亂鬧 一餐 啫 ，比起 上 嚟 啊 直情 爭 咗 幾皮 啊 。
陳近南 搖搖 手 佢 話 ：夠喇 夠喇 。
天下 千千萬 人 喺度 鬧 吳三桂 ，不過 嗰個 嘢 仲 係 好地地 做 佢 嘅 平西王 。
鬧 係 鬧佢 唔死 ，行刺 亦 唔 係 辦法 。
宏化堂 香主 李式開 生得 矮小 瘦削 ，講 起 説話 ，好 細聲 ，鬧 人 呢 亦 唔 多 。
呢個 時候 佢 話 ：依 屬下 之 見 ，就 算 我哋 大隊 人馬 去 雲南 ，將 吳三桂 殺 咗 ，對於 大局 亦 冇 幾 大 好處 嘅 。
韃子 另外 派 總督 巡撫 去 雲南 ，老百姓 啊 一樣 翻 唔 到 身 。
吳三桂 呢個 漢奸 罪孽 深重 ，如果 一刀 殺 咗 佢 ，未必 太過 便宜 咗 佢 咯 。
陳近南 岌 一 岌 頭 話 ：講得 好 有 道理 啊 ，唔 知道 李 兄弟 有 何 高見 呢 ？
李 式 開 話 ：呢 件 事 非常 重大 ，大家 需要 從 長 計 議 。
屬下 亦 想 唔 出 咩 好 法子 ，仲 係 聽 總舵主 指點 。
陳近南 話 ：呢 件 事 非常 重大 需要 從 長 計 議 ，李 兄弟 呢 句 説話 就 係 高見 嘞 。
開講 有話 ： 一人計 短 就 二人 計長 。
我 哋 十個 人 ， 啊 唔 係 唔 係 ， 十一個 人 ， 平心靜氣 仔細 噉 想下 ， 主意 就 更加 多 嘞 。
我哋 殺 吳三桂 ，不但 為 天地會 畀 個 害死 嘅 眾位 兄弟 報仇 ，亦係 為 天下 千千萬萬 漢人 同胞 報仇 。
呢件事 ，我 考慮過 好耐 ，吳三桂 嗰個 傢伙 喺 雲南 根深蒂固 ，勢力 龐大 ，淨係 天地會 一會 之 力 ，只怕 係 㧬佢 唔冧 嘅 。
林永超 大聲話 ：拼住 千刀萬剮 ，亦要 逳下佢 ！
蔡德忠 話 ：你 早就 逳過 啦 ，吳三桂 逳 佢 唔到 ，就 整 斷 自己 隻 手 。
林永超 發惡喇 ：你 恥笑 我 啊 ？
蔡德忠 知道 失言 喇 ，就 賠笑話 ：我 係 講笑 唧 ，林兄弟 唔好 嬲 。
陳近南 見到 林永超 仲 係 憤憤不平 ，就 安慰 佢 話 ：
林 賢弟 ，殺死 吳三桂 乃 係 普天下 英雄好漢 人人 夢寐以求 嘅 大事 ，點 能夠 要 林 賢弟 同埋 玄水堂 單獨 擔起 呢 副 重擔 呢 ？
就算 係 天地會 幾萬 兄弟 齊心合力 ，亦 未必 能夠 逳得到 佢 嘅 。
林永超 話 ：總舵主 講得 啱 。條氣 噉 先至 順翻 。
陳近南 話 ：我 睇 要 辦成 呢件 大事 ，我哋 一定 要 聯絡 江湖上 各門各派 各幫各會 ，共謀 大舉 。
吳三桂 呢個 傢伙 喺 雲南 有 幾萬 精兵 ，麾下 雄兵 猛將 非 同 小 可 。
淨係 要 殺 嗰個人 未必 十分 為難 啊 ，但係 要 殺 佢 全家 ，殺盡 佢 手下 助 紂 為 虐 嘅 一班 所有 大大小小 漢奸 惡賊 ，就 唔係 天地會 一 會 之 力 能夠 辦得到 嘅 。
林永超 拍住 大髀 噉 叫 ：冇 錯 喇 冇 錯 喇 ！
天地會 嘅 兄弟 已經 畀 吳三桂 殺 咗 咁 多 ，淨係 殺 呢 個 賊子 一個 人 啊 ，點 填得 晒命 啊 ？
大家 想到 要 消滅 吳三桂 全家 同埋 手下 所有 嘅 惡賊 ，都 係 十分 興奮 。
但係 過咗 冇 幾耐 ，大家 都 互相 望下 ，個 心 都 喺度 諗 ：呢 件 事 啊 真係 好 難 㗎 噃 。
蔡德忠 話 ：少林 、武當 兩派 人 多 勢 眾 ，武功 又 高 ，佢哋 一定 係 要 聯絡 嘅 。
黃土堂 香主 姚必達 有 啲 躊躇 噉 話 ：
少林寺 方丈 晦聰大師 喺 武林 中 聲望 冇 錯 係 極高 嘅 ，不過 佢 向來 十分 老成持重 ，唔肯 得罪 官府 。
呢幾年嚟 ，仲 定落 一條 規矩 ，連 俗家子弟 亦 唔准 隨便 出寺 下山 ，慌怕 惹禍 搞事 。
我 睇 要 聯絡 少林派 ，都 怕 有 好多 難處 㗎 。
管 湖廣 地面 嗰個 參太堂 香主 胡德第 話 ：
武當派 亦 差 唔多 。
真武觀 觀主 雲雁道人 同埋 佢 師兄 雲鶴道人 ，失和 已經 好耐 嘞 ，兩個 人 一味 勾心 鬥角 ，互相 搵 對方 門下 嘅 雞腳 。
殺 吳三桂 咁 冒險 嘅 勾當 ，就怕 ，就怕 。
佢 冇 再 講 落 去 嘞 ，但係 邊個 都 明白 ，多數 雲雁 、雲鶴 兩個 人 都 唔 會 願意 去 做 㗎 。
林永超 話 ：如果 約 唔 到 少林 武當 ，我哋 唯有 自己 去 做 喇 。
陳近南 話 ：噉 亦 唔使 心急 ，武林 之中 亦 並非 只有 少林 武當 兩派 嘅 。
噉 各人 紛紛 議論 ，有啲 話 峨眉 或者 願意 做 ，有啲 話 丐幫 裏頭 ，唔少 好手 入 咗 天地會 ，必定 願意 同 天地會 聯手 去 殺死 呢個 大漢奸 嘅 。
陳近南 聽 各人 講咗 好耐 ，佢 話 ：
如果 唔係 十 拿 九 穩 ，我哋 千萬 唔能夠 向 人哋 提出嚟 啊 。
方大洪 話 ：噉就 梗係 啦 ，唔係 聽 家人哋 唔願意 做 ，撞 咗 板 都 唔算 噃 ，仲 傷咗 我哋 天地會 嘅 面子 啊 。
陳近南 話 ：冇面 仲 唔緊要 ，風聲 洩漏 出去 畀 吳三桂 嗰個 嘢 加以 提防 就 更 棘手 嘞 。
李式開話 ：為咗 穩重 起見 ，如果 要 向 邊 一個 門派 幫會 提出 ，必定 要 先 經 總舵主 岌頭 ，第啲 人 就 唔能夠 隨便 揸 主意 嘅 。
大家 都 話 ：係 ，係要 噉 。
噉 各人 又 商議咗 一陣 ，陳近南 話 ：
而家 仲 唔能夠 草擬出 確定 嘅 策略 。
三個月 之後 ，大家 湖南 長沙 再次 聚會 啦 。
小寶 ，你 仍然 返到 宮中 ，青木堂 嘅 事務 暫時 由 李力世 、關安基 兩位 代理 。
長沙 之 會 你 唔 使 嚟 喇 。
韋小寶 話 ：係 。
個心諗 ：噉咪 擺明咗 過河拆橋 ？
嗱 各位 ，欲知 後事 如何 ，且 聽 下回 分解 。
