前 文 再續 啊 書 接上 一回 啊 。
話 説 青木堂 啲 好漢 喺 處 推選 香主 ， 大家 你 一 言 我 一語 ， 有 啲 就 話 李大哥 好 有 啲 話 關夫子 好 ， 拗 咗 一大 輪 ， 始終 唔 能夠 一致 。
忽然間 有 個人 放聲 痛哭 ， 佢 一面 喊 一面 就 講 ：
尹香主 ， 尹香主 啊 ， 你 在世 嘅 時候 ， 我 哋 青木堂 幾 咁 和睦 ， 眾 兄弟 真 係 好似 至親骨肉 一樣 ， 同心協力 ， 做 反清復明 嘅 大事 。
不幸 你 畀 鰲拜 呢個 奸賊 害死 ，我哋 青木堂 ，再 冇 第二個 人 ，能 好似 你 噉樣 ，又 有人緣 ，又 有 本事 嘞 。
尹香主 啊 尹香主 ，除非 你 死而復生 ，否則 我 哋 青木堂 ，怕 要 互相 糾紛 冇 完 冇 了 ，成為 一盤 散沙 。
再 唔 能夠 好似 你 在世 嗰陣 時候 咁 興旺 咯 ，尹香主 。
大家 聽 佢 噉樣 講 ，唉 ，好多人 都 忍唔住 又 流起 眼淚 。
又 有 個人 話 ：
李大哥 有 李大哥個 好處 ，關夫子 有 關夫子嘅 好處 ，兩位 都 係 自己 嘅 好兄弟 ，我哋 千祈 唔好 為咗 推舉 香主 嘅 事 搞到 大家 不和 啊 。
計 我 話 呢 ，不如 請 尹香 主 在 天 之 靈 嚟 決定 嘞 。
我哋 寫咗 李大哥 同 關夫子 嘅 名 ，大家 向 尹香 主 靈位 叩頭 ，然後 就 執籌 決定 啦 ，噉 就 最 公平 㗎 喇 。
噉 好多人 都 隨聲附和 嘞 噃 。
賈老六 大聲 話 ：呢個 法子 唔好 啊 。
有人 問 ：點解 唔好 啊 ？
賈老六 話 ：執籌 由 邊個 嚟 執 啊 ？
嗰個人 話 ：大家 推舉 一位 兄弟 嚟 執 就 得 啦 嘛 。
賈老六 話 ：至怕 人 有 私心 ，會 作弊 噃 。
單眼崔 嬲 嘞 ：喺 尹香主 靈前 ，邊個 有 咁 大膽 敢 作弊 ，欺瞞 尹香主 在天之靈 啊 ？
賈老六 話 ：哼 ，人心 難測 ，不可 不 防 啊 。
單眼崔 媽媽 聲噉 鬧 佢 ，叉叉叉 除非 你 想 作弊 啦 。
賈老六 亦 發惡嘞 ：你 呢個 衰公 鬧 邊個 啊 ？
單眼崔 話 ：我 就係 鬧 你 呢個 衰公 ，點吖 ？
賈老六 話 ：我 忍咗 你 好耐 㗎喇 ，你 鬧 我 老母 就 無論如何 唔能夠 忍 ！撐 一聲 ，拔出 把 鋼刀 。
單眼崔 ，我哋 兩個 出去 外便 院子 較量 下 。
單眼崔 慢慢 拔出 把 刀 佢 話 ：
嗱 ，呢啲 係 你 嘅 挑戰 我 被逼 應戰 㗎 咋 ，關 夫子 你 親耳 聽到 㗎 啦 。
關安基 話 ：大家 兄弟 唔好 為 呢件事 搞到 要 動刀 。
崔老弟 ，你 鬧 我 舅仔 就係 你 唔啱 喇 。
單眼崔 話 ：我 早就 知道 你 搵 都 要 搵 啲 嘢 嚟 窒 我 㗎喇 ，你 都 仲未曾 做 香主 已經 係 噉樣 嘞 ，如果 做咗 仲得了 嘅 ？
關安基 亦 嬲 嘞 ：唔通 你 鬧 人 老母 ，噉 就 啱 嘞 咩 ？
你媽 我 舅仔 ，我 算係 你 咩 嘢 人 啊 ？
大家 一聽 都 忍唔住 哈哈聲 笑起上嚟 。
一時之間 ，亂到 含含聲 啊 。
賈老六 見 姐夫 為 佢 出頭 唄 ，就 更加 㷫 啦 ，想 衝 去 單眼崔 嗰 處 。
有人 嚟 伸手 攔住 佢 勸 佢 話 ：賈老六 ，你 想 你 姐夫 做 香主 ，就 唔能夠 得罪 人 太多 㗎 ，有事 就 要 讓 人 一步 至 得 㗎 嘛 。
單眼崔 慢慢 收刀 入鞘 佢 話 ：
我 亦 唔係 怕咗 你 ，只不過 大家 義氣 為重 ，自己 兄弟 唔應該 動刀搏命 啫 。
總而言之 ，關夫子 要 做 香主 ，崔某 啊 點都 唔 贊成 㗎 喇 。
受 關夫子 氣都 仲 冇 咩 嘢 問題 ，受 賈老六 嘅 氣 ，就 難頂 喇 ，閻王 好見 小鬼 難當 啊 。
韋小寶 企 喺 旁邊 ，聽 啲 人 你 一言 我 一語 爭執 不休 ，有啲 人 又 粗口 謾罵 ，又 有人 要 動刀 打交 ，佢 冷眼 旁觀 覺得 幾 有趣 啊 。
初時 ，佢 以為 呢啲 人 都 係 鰲拜 嘅 部屬 ，咪 就 會 殺咗 自己 嚟 祭奠 鰲拜 㗎 。
及至 知道 呢啲 人 嬲死 咗 鰲拜 嘅 當堂 放心 ，但係 聽 佢 口口 聲聲 講 咩 反清復明 ，又 擔心 嘞噃 ，佢 諗 ：
佢哋 梗係 認定 我 係 清宮 裏 便 嘅 小太監 ，無論 點 講 佢 都 唔 信 㗎啦 。
等佢 選定 香主 之後 ，第一件事 就會 殺咗 我 。
反清復明 吖嘛 ，而且 呢處 嘅 清人 ，除咗 老子 之外 仲有 邊個 啊 ？
而且 我 喺 呢處 將 佢哋 咩嘢 秘密 都 聽咗 去 ，就算 唔 殺 我 滅口 啊 ，亦 必定 將 我 韞起嚟 永世 不得 超生 啦 。
嗯 ，老子 仲 係 鬆人 為妙 喇 。
噉 佢 慢慢 一步一步 退到 門邊 ，只係 盼望 大廳 裏 便 情勢 再 亂啲 呢 就 逃跑 出去 。
只 聽見 有 個人 話 ：執籌 嘅 事 好 難 講 嘅 ，有啲 近乎 兒戲 啊 。
計 我 話 呢 ， 仲 係 請 李大哥 同 關夫子 以 武功 嚟 決 勝敗 ， 拳腳 又 好 ， 兵器 又 好 ， 點到 為止 就 唔 好 傷人 。
大家 企 喺 旁邊 瞪大 雙眼 睇住 ，誰 勝 誰 敗 清清楚楚 ，邊個 都 冇得 好 講 喇 係咪 吖 ？
賈老六 啊 首先 贊成 喇 佢 大聲 話 ：好 ，就係 比武 決 個 輸贏 啦 。
如果 李大哥 贏咗 ，我 賈老六 就 擁護 李大哥 為 香主 。
佢 呢句 説話 一 出口 啊 ，韋小寶 即刻 就 諗 嘞 ：
你 贊成 比武 噉 梗係 你姐夫 嘅 武功 叻過 李大哥 啦 仲 比 咩 嘢 啫 ？
連 韋小寶 都 會 噉樣 諗 ，青木堂 啲 人 啊 更加 係 噉 諗 啦 。
擁李派 啊 當時 紛紛 反對 嘞 ，有啲 就 話 ：做 香主要 使到 全堂 兄弟 和衷共濟 啫嘛 ，同 武功 好唔好 冇 咩 好大 關係 嘅 。
有個 又話 喇 ：真係 要 比武 決定 邊個 做 香主 呀 ，噉 如果 本堂 兄弟 之中 ，有人 武功 叻過 關夫子 嘅 ，噉 係唔係 就 等 佢 嚟 做 香主 啊 又 ？
有個 話 喇 ：呢個 都 唔 係 推舉 香主 啊 ，係 打擂台 啊 。
關夫子 不妨 擺 個 擂台 ，等 天大 英雄 好漢 都 嚟 打 擂台 啦 。
有 個 又 話 ：如果 鰲拜 呢個 奸賊 唔 死 ，佢 係 滿洲 第一 勇士 ，關夫子 嘅 武功 未必 能夠 贏得 佢 㗎喎 。
打完 擂台 之後 ，唔通 就 請 鰲拜 嚟 做 我哋 嘅 香主 嘞噃 ？
大家 一 聽 忍 唔 住 都 笑 起 上 嚟 嘞 。
正係 亂糟糟 個 時候 ，忽然間 有 個人 冷冷冰冰 噉 話 ：
尹香主 啊 尹香主 ，你 死 咗 之後 ，大家 都 睇 你 唔 起 咯 。
喺 你 靈前 講過 個 説話 ，發過 個 誓 ，都 變成 放 狗 屁 喇 。
韋小寶 認得 呢個 人 把聲 ，知道 佢 係 至 鐘意 冷言冷語 嗰個 祁老三 。
大家 即刻 靜晒 。
跟住 幾個人 同時 問 佢 ：祁老三 ，你 講 呢句 説話 係 咩嘢 意思 啊 ？
祁老三 冷笑 住 話 ：
呵呵呵 ，我 祈 某人 當年 喺 萬雲龍 大哥 同埋 尹香 主靈 前 叩過 頭 。
喺 手指 上面 刺過 血 ，仲 發咗 重誓 ，決心 為 尹香 主 報仇 。
我 親口 講過 ，邊 一個 兄弟 殺咗 鰲拜 ，為 尹香主 報咗 大仇 ，我 祁彪清 就 奉 佢 為 本堂 香主 ，忠心 遵奉 佢 嘅 號令 ，決不 違背 。
呢 一句 説話 ，我 祁老三 係 講過 嘅 。
祁某人 講過 個 話 算數 ，決唔係 放狗屁 ！
霎時之間 ， 大廳 裏 便 一片 寂靜 ， 真 係 連 跌 眼針 落地 都 聽得見 。
原來 呢 句 説 話 大廳 上面 每個 人 都 講過 㗎 。
隔咗一陣 ，賈老六 第一個 沉唔住氣 嘞 佢 話 ：
祁三哥 ，你 呢番 説話 冇 錯 ，呢幾句 説話 大家 都 講過 ，連 我 賈老六 在 內 ，講過 個 説話 當然 唔 能夠 賴 貓 。
但係 ，但係 ，但 你 知 我 知 大家 都 知 ，殺死 鰲拜 嘅 就係 呢個 ，呢 。
佢 轉身 想 搵 韋小寶 ，突然間 見到 韋小寶 一隻 腳 已經 𨂾 咗 出 廳門 ，正話 想 逃跑 就 大聲 嗌 ：
捉住 佢 ，唔好 畀 佢 走咗 啊 ！
韋小寶 啊 發腳 想 走 ，霎時之間 ，六七個人 撲上去 ，十幾隻手 同時 拉住 佢 ，將 佢 係噉 拉翻轉頭 。
韋小寶 高聲 大叫 ： 喂喂 喂 ， 你 哋 啲 龜 仔 王八蛋 吖 ， 你 哋 拉 老子 做 咩 啊 ？
佢 諗 ：呢次 橫掂 都係 冇命 㗎 喇 ，不如 鬧 痛快 再 講 啦 噉 。
呢個 時候 ，喺 人叢 裏 便 有 一個 身穿 秀才 衣服 嘅 人 行 出嚟 佢 話 ：
小兄弟 ，你 唔好 鬧人 。
韋小寶 認得 佢 把 聲 啊 佢 話 ：你 就 係 祁老三 啊 ？
嗰個人 正係 祁老三 祁彪清 ，佢 愕然 嘞 ：你 認得 我 咩 ？
韋小寶 話 ：我 認得 你 老母 。
祁彪清 係 有 三分 書呆子氣 嘅 ，唔知 佢 呢句 係 鬧人 嘅 説話 ，就 更加 奇怪 啦 佢 問 ：
你 點解 會 認得 我 老母 呢 ？
韋小寶 話 ：我 同 你 老母 係 老契 吖 嘛 。
大家 就 哈哈大笑 ，都 話 嘞 ：嗨 ，呢個 小太監 吖 油嘴滑舌 。
奇彪 清塊面 一紅 ，佢 話 ：唔 好 講笑 啦 ，小兄弟 ，你 為 咩 事 要 殺 鰲拜 啊 ？
韋小寶 靈機 一動 佢 大聲 話 ：
鰲拜 呢個 奸賊 做咗 唔少 壞事 ，害死咗 我哋 漢人 嘅 無數 英雄 好漢 ，我 韋小寶 同 佢 啊 勢不兩立 。
我 ，我 ，我 好 地地 一個人 ，畀 佢 捉咗 入去 皇宮 做咗 太監 ，我 恨不得 啊 將 佢 斬 為 肉醬 ，掉落 個 塘 處 餵 龜仔 啊 。
佢 知道 越係 講得 慷慨激昂 呢 ，有命 嘅 機會 就 越 大 。
大廳 裏 便 啲 人 你 睇 我 我 睇 你 ，都 覺得 好 驚奇 。
祁彪清 問 佢 ：你 做 太監 做咗 幾耐 啊 ？
韋小寶 話 ：咩嘢 幾耐 啫 ，半年 都 仲 唔 到 ，我 本來 係 揚州 人 ，畀 捉咗 嚟 北京 。
豈有此理 佢 嘩 ，鰲拜 死咗 佢 都 要 上 刀山 、落 油鑊 、滾 釘板 、穿 骨頭 啊 。
一連串 揚州 鬧人 嘅 説 話 衝口而出 。
有 個 中年 漢子 話 ：佢 真係 揚州 人 啊 。
呢個 中年 漢子 講 嘅 亦係 揚州 口音 。
韋小寶 話 ：阿叔 ，我哋 揚州 人 ，當年 畀 清兵 殺得 真係 慘 啊 ，連 氣 殺 咗 十日 ，由 朝頭早 到 夜晚 啊 冇 時 停 。
我 阿爺 啦 、阿嫲 啦 、大姑媽 、二姑媽 、三姑媽 、四姑媽 ，冇 一個 唔係 畀 清兵 殺 嘅 。
清兵 喺 東門 殺 到 西門 ，喺 南門 殺 到 北門 ，都係 呢個 鰲拜 落 嘅 命令 。
我 ，我同佢 有 不共戴天之仇 。
佢 記起 聽 人 講過 嘅 揚州 十日 大屠殺 嘅 慘事 ，越 講 就 越 真 。
大家 聽咗 好 感動 啊 一味 岌頭 。
關安基 話 ：唔 怪 得 啦 唔 怪 得 啦 。
韋小寶 話 ：唔淨止 我 阿爺 阿嫲 啊 ，連 我 阿爹 啊 都 係 畀 鰲拜 一齊 殺埋 喇 。
祁彪清 話 ：唉 ，真係 可憐 嘞 。
單眼崔 問 佢 ：你 今年 幾多歲 啊 ？
韋小寶 話 ：十三四歲 囉 。
單眼崔 話 ：揚州 大屠城 已經 有 廿幾年 嘞 ，點解 你 阿爹 亦 會 畀 鰲拜 殺埋 呢 ？
韋小寶 一 諗 ：哎呀 ，弊喇 ，講 大話 講到 離晒譜 。
佢 隨口 話 ：我 點 知道 啫 ，嗰陣時 我 又 未曾 生出嚟 ，係 我 阿媽 講 嘅 。
單眼崔 話 ：噉 就 算 係 遺腹子 都 唔 得 㗎 。
祁彪清 話 ：崔老弟 ，你 噉 講 就 唔 啱 嘞 。
呢個 小兄弟 只係 話 佢 阿爹 畀 鰲拜 殺 咗 啫 ，並 冇 講 係 揚州 十日 嗰個 時候 殺 㗎 。
鰲拜 做 大官 一直 做到 而家 ，邊 一年 唔 殺人 吖 ？
我哋 尹香主 畀 鰲拜 害死 ，亦 不過 係 兩 年 幾 以前 嘅 事 啫 嘛 。
單眼崔岌頭 話 ：啊 ，噉 又 係 ，噉 又 係 啊 。
賈老六 忽然間 問 ：小 ，誒 小朋友 ，你話 鰲拜 殺咗 無數 英雄好漢 ，又 關 你 咩事 啊 ？
點解 唔關 我 事 啫 ？我 有 個 好 朋友 ，就係 畀 鰲拜 捉咗 去 清宮 裏 便 害死咗 嘅 。
我 同 佢 啊 一齊 畀 人 捉 入去 㗎 。
噉 大家 一齊 問 ：係 邊個 啊 ？
呢個人呀 ，江湖上 好 有名 㗎 ，佢 就係 茅十八 囉 。
當堂 有 十幾個 人 一齊 哦噉 一聲 。
賈老六 話 ：茅十八 係 你 朋友 咩 ？佢 冇 死 噃 。
佢 冇 死 啊 ？哎 真係 好 喇 。
賈老六 ，你 喺 揚州 鬧 鹽梟 ，茅十八 啊 為咗 你 同 人 打 交 ，我 仲 幫 埋 佢 打 添噃 。
賈老六 撓 下 頭 佢 話 ：吖 噉 啊 真 有 呢件事 噃 。
關安基 話 ：好 ！呢個 小朋友 到底 係 朋友 抑或 敵人 事關 重大 ，老六 ，你 帶 幾位 兄弟 ，去 請 茅十八 嚟 ，認 一認 人 。
賈老六 應咗 ，就 轉身 行 出 廳 。
祁彪清 拉咗 一張 椅 嚟 佢 話 ：小兄弟 ，請坐啦 。
韋小寶 老實 不客氣 啊 就 坐低 嘞 。
跟住 有人 送咗 一碗 面 一杯 茶 嚟 。
韋小寶 係 餓到 好緊要 咯 嘶哩瀡略 食到 乾乾淨淨 。
關安基 、祁彪清 ，仲有 嗰個 人人 叫 佢 做 李大哥 嘅 李力世 就 陪 佢 傾偈 。
言語 之中 都 幾 客氣 嘅 ，其實 呢 就 喺度 盤問 佢 個 身世 同埋 經過 遭遇 。
韋小寶 亦 冇 隱瞞 喇 ，偶然 吹 幾句 牛 ，鬧 幾句 鰲拜 ，噉 仲 係 將 點樣 幫 康熙皇帝 捉拿 鰲拜 等等 都 講咗 。
只係 跟 海老公 學 武藝 ，康熙 親自 出刀 逳手 等等 就 冇 提 嘞 。
關安基 佢哋 本來 已經 聽講 ，鰲拜 係 畀 小皇帝 ，與及 一班 小太監 捉住 嘅 。
聽 韋小寶 講得 活龍活現 ，多數 都 唔係 假 㗎喇 。
關安基 話 ：唉 ，鰲拜 號稱 滿洲 第一 勇士 ，不但 畀 你 殺死 ，而且 亦 曾經 畀 你 捉住 ，真係 天數 啊 。
就係噉 傾咗 半個 時辰 ，關安基 、李力世 、祁彪清 都係 閱歷 好深 嘅 老江湖 ，雖然 覺得 韋小寶 講説話 呢 有 啲 浮滑 ，但係 緊要 嘅 地方 ，一啲 都 冇 花 假 。
忽然 聽見 腳步聲 ，廳門 一 推開 ，兩 條 大漢 抬住 一 副 擔架 入嚟 。
賈老六 跟埋 喺 後便 話 ：姐夫 ，茅十八 茅爺 請咗嚟 喇 。
韋小寶 跳起身 ，只見 茅十八 瞓 喺 擔架 上 便 ，兩個 腮 都 凹晒 ，眼核 深深 ，面口 十分 之 憔悴 ，就 問 ：你 ，你 有 病 啊 ？
茅十八 畀 人 抬 咗 嚟 ，只係 知道 天地會 青木堂 有 大事 請 佢 商量 ，但係 又 唔 知道 咩嘢 事 嘅 。
而家 突然間 見到 韋小寶 ，歡喜 到 佢 癲啊 ，大聲 嗌 ：
小寶 ，你 ，誒 ，你 都 逃走 出嚟 啊 ？好 極 喇 好 極 喇 。
我 呢 一排 ，我 ，我 呢 一排 ，成日 掛住 你 啊 。
只 係 望 傷好 翻 之後 ，入去 皇宮 救翻 你 出 嚟 ，噉 ，噉 ，噉 真 係 好 喇 。
佢 呢 幾句 説話 一 講 ，大家 個 心 本來 仲 有 三分 疑慮 嘅 ，霎時 之間 一掃而空 。
呢 個 小太監 果然 係 茅十八 嘅 朋友 ， 一齊 畀 人 拉 咗 入 清宮 裏 便 嘅 。
茅十八 雖然 唔係 天地會 嘅 會友 ，但 喺 江湖 上 亦 頗 有 名聲 ，向嚟 一就一 ，二就二 。
近年來 又 畀 清廷 通緝 ，噉 係 眾所周知 嘅 事情 。
韋小寶 既然 係 佢 個 朋友 ，當然 唔會 係 清宮 嘅 太監 啦 。
噉 又 見 茅十八 講 説 話 嘅 時候 真情流露 ， 顯然 同 呢 個 細路 嘅 交情 極之 好 嘅 。
韋小寶 話 ：茅大哥 ，你 ，你 受咗 傷 啊 ？
茅十八 歎 一口氣 佢 話 ：唉 ，嗰晚 ，喺 皇宮 逃走 出嚟 ，就快 去到 皇宮 門口 㗎喇 ，噉啊 終於 撞到 啲 侍衞 。
我 一個 ，打 佢哋 五個 ，殺咗 兩個 ，自己 又 畀 佢哋 斬咗 兩刀 。
噉 我 噉 搏命 ，逃走 出去 門口 啦 。
皇宮 裏 便 呢 ，又 有 侍衛 ，追 出嚟 。
本來 係 走唔甩 㗎 喇 ，好在 ，好在 天地會 嘅 朋友 幫手 ，先至 救咗 我 條命 啊 。
你 ，你 都 係 天地會 嘅 好朋友 ，救翻出嚟 㗎 ？
關安基 佢哋 啊 當堂 好 尷尬 啊 ，覺得 呢件事 實在 做得 唔係 點 醒神 嘞 。
吖 誰知 韋小寶 話 ：係啊 ，嗰個 老太監 逼 我 做 小太監 啦 ，直到 今日 啊 先至 逃走 出嚟 啫 ，好彩 撞啱 天地會 呢啲 ，誒 呢啲 大爺 咋 。
天地會 啲 人 都 暗暗 鬆 咗 一口氣 ，覺得 韋小寶 噉 樣 講法 ，顧全 咗 佢 哋 面子 ，個心 都 好 感激 。
呢個人 年紀 雖然 係 細 咋 ，好夠 朋友 。
噉 賈老六 就 招呼 茅十八 同埋 韋小寶 兩個人 去 廂房 休息 。
噉 青木堂 啲 人 呢 ，喺 大廳 處 繼續 商量 大事 嘞 。
茅十八 係 受咗 重傷 ，雖然 已經 休養咗 好幾個月 喇 ，個 身子 仍然 係 極之 虛弱 嘅 。
先頭 抬嚟 嘅 時候 又 扽咗 一輪 ，傷口 好 痛 ，精神 疲乏 。
想就 好想 講 説話 ，但係 又 冇 力 講 啊 。
韋小寶 心諗 ：唔理 點樣 佢哋 總 唔會 殺 我 㗎 喇 。
心情 一寬 ，縮 喺 一張 太師椅 處 話 咁快 就 瞓着 。
瞓到 收尾 ，覺得 有人 將 佢 抱起嚟 ，放上 張 床 處 冚好咗 被 。
第 日 瞓 醒 ，有 一名 漢子 送水 嚟 畀 佢 啷口 洗面 ，又 送 咗 清茶 同 一碗 大肉面 嚟 。
韋小寶 個 心 諗 ：咦 ？招呼 老子 越嚟越 好 咯 喎 ，居然 將 我 當 大老爺 看待 添 。
但係 佢 見到 廂房 外 便 啊 企咗 兩個人 ，窗口 外便 呢 亦 企咗 兩個人 。
雖然 詐假意 行嚟行去 啊 無所事事 ，但係 顯然 呢 係 奉命 監視 怕 自己 逃走 嘅 。
韋小寶 又 有 啲 擔心 嘞 ：
如果 真係 將 我 當 客人 看待 ，點解 又 派 呢 四個 人 看住 我 呢 ？
哼 ，要 看住 韋小寶 啊 ，都 怕 唔係 咁 容易 。
我 偏偏 鬆 出去 逛下 ，睇下 你 呢 四個 蠢材 奈得 我 咩 嘢 何至 得 。
佢 睇 清楚 四圍 嘅 環境 ，已經 有 計 嘞 。
佢 突然 間 ，用手 出力 噉 推開 東 便 嗰 個 窗 ，嘭 噉 一聲 ，噉 四名 漢子 同時 望去 窗 嗰 便 嘞 噃 。
佢 一 引開 四個人 嘅 視線 ，出 衡力 將 房門 向 裏 便 一 拉 即刻 咯 一 聲 就 趢咗 入去 床下底 。
四名 漢子 一 聽見 門聲 ，即刻 捩轉頭 ，只見 兩道 門 呢 已經 打開 ，仲 喺度 擺下擺下 ，都 大吃一驚 啦 。
呢 四個 人 冇 錯 係 奉命 監視 韋小寶 嘅 ，突然間 見到 房門 開咗 ，第一 個 想法 ，就係 佢 已經 逃走咗 咯 。
四個人 一齊 話 ，哎呀 噉 大叫 一聲 ，衝入去 廂房 。
入到去 見到 茅十八 喺 床面上 瞓到 好 淰 ，韋小寶 啊 果然 不知 去向 。
有個人 話 ：呢個 細路 走咗 冇 幾 遠 啫 ，快啲 分頭 追截 啦 ，我 去 稟告 上頭 。
噉 其餘 三個 人 應咗 ，就 急急 衝出 房 ，其中 兩個 人 呢 跳 上 屋頂 添 。
韋小寶 誒 哼噉 咳咗 一 聲 ，喺 床 下 底 躝 翻出嚟 ，大模 廝樣 噉 行 出去 ，一直 嚟到 大廳 。
一 推開 道門 ，只見 關安基 同 李力世 一拍 噉 坐 響處 。
一名 奉命 監視 佢 嘅 人 呢 正在 氣急敗壞 噉 稟報 ：
呢 ，個 細路 忽然間 ，逃走咗 啊 ，都 唔知 去咗 邊處 。
説話 未 講完 ，突然間 見到 韋小寶 出現 。
嗰個人 吖噉 一聲 ，睩大 雙眼 ，驚奇 到 佢 講唔出 説話 。
韋小寶 伸咗 個 懶腰 佢 話 ：李大哥 、關夫子 早晨 啊 。
關安基 同 李力世 互相 望咗 一眼 ，就 對 嗰個 人 話 ：出去 啦 ，一啲 用 都 冇 。
噉 跟住 對 韋小寶 笑住 話 ：哈哈哈 請坐 ，尋晚 瞓得 好唔好 啊 ？
韋小寶 笑容滿面 噉 坐低 佢 話 ：瞓得 好 ，好好 啊 。
嗱 各位 ，欲知 後事 如何 ，且 聽 下回 分解 。
