前 文 再續 啊 書 接上 一回 啊 。
話說 康熙 突然間 個 手 一鬆 ，茶杯 哐 一聲 跌咗 喺 地 ，康熙 亦 吖噉 叫咗 一聲 。
鰲拜 打過 突佢 話 ：皇上 。
兩個 字 啱啱 出口 唧 ，身後 十二 名 小太監 已經 一齊 撲 上嚟 ，捉 手 、摱 膊 、抱 腰 、掹 腳 ，同時 進攻 。
康熙 哈哈大笑話 ：鰲少保 因 住 啊 。
鰲拜 以為 少年 皇帝 指使 啲 小太監 試 佢 功夫 啫 ，微微 一笑 ，雙手 打橫 一揮 ，四名 小太監 啊 即刻 跌咗 出去 。
佢 都 仲 唔 敢 太過 使力 啊 ，怕 打傷 班 小太監 。
佢 左腿 輕輕 一掃 ，又 掃低咗 兩名 ，跟住 就 哈哈大笑 嘞 。
其餘嗰啲 小太監 記住 皇上 話過 如果 輸咗 ，十二 個 人 一齊 斬首 嘅 。
於是就 出盡咗 飲奶 嘅 力 ，緊緊 噉 攬實 佢 條 腰 同 腳 。
韋小寶 早就 匿 埋 喺 佢 身後 ， 睇 準 佢 個 太陽穴 ， 搏命 一錘 。
鰲拜 只 覺得 一陣 頭暈 ，個 心 又 已經 嬲 嘞 ：呢啲 小太監 認真 無禮 ！
佢 左手 突然間 掃出 ，將 三個 小太監 猛 推開去 。
點知 轉過身嚟 ，心口 又 中咗 韋小寶 一拳 。
韋小寶 呢 兩下 偷襲 ，手法 就算 得 極之 快 。
但係 佢 全 無力道 ，打中 嘅 雖然 係 鰲拜 嘅 要害 地方 ，不過 就 冇 啲 效用 嘅 。
鰲拜見到 偷襲 自己 嘅 人 ，竟然 係 皇帝 貼身 嘅 小太監 ，隱隱約約 覺得 有啲 不妙 嘞 。
但係 畢竟 唔信 皇帝 要 呢一班 細佬哥 嚟 捉拿 自己 。
佢 左掌 一 伸 ，對住 韋小寶 右膊 撳落去 。
韋小寶 使 一招 覺後空空 ，左掌 喺 鰲拜 面前 揚咗 兩揚 ，鰲拜 一 低頭 ，啪 一聲 ，心口 已經 中咗 一腳 。
韋小寶 呢 就 吖聲 大叫 啊 ，原來 呢 一腳 踢正 佢 心口 呢 就 好似 踢咗 一埲 牆 噉 ，自己 隻 腳 呢 ，痛到 唔知 幾 緊要 。
鰲 拜見 到 佢 連氣 使出 殺着 ，又 驚 又 嬲 。
喺 搏鬥 嘅 時候 ，亦 嚟唔切 去 想 皇帝 係 咩 用意 嘞 ，只係 想 推開 班 小太監 嘅 糾纏 ，將 韋小寶 收拾 咗 先 。
但係 嗰班 小太監 ，攬腰 個攬腰 ，拉腳 個拉腳 ，捹甩咗 幾名 ，其餘 嗰啲 又 撲翻 上嚟 。
康熙 拍住手 笑住 話 ：鰲少保 ，怕 你 會 輸 啊 。
鰲拜 舉起 拳頭 ，正話 要 對住 韋小寶 個 頭頂 打落去 㗎喇 。
聽見 康熙 噉樣 講 個 心諗 ：原來 係 同 我 玩 嘅 啫 ，我 點 能夠 同班 細路 嚟 真 㗎 ？
手臂 一 偏 ，勁力 就 稍為 收咗 ，啪 一聲 ，呢 一拳 就 打落 韋小寶 個 右 膊 。
佢 只係 使咗 一成 力啫 ，但係 佢 力 大 無窮 啊 。
當年 戰陣 之中 同 明軍 交鋒 ，雙手 捉起 明軍 官兵 啊 四便 亂掟 ，真係 來去如風 當者 披靡 。
韋小寶 只係 馬馬虎虎 噉 學過 幾個月 武功 ，噉又 係 個 細路 。
雖然 有 一班 小太監 幫手 啊 ，又 點 係 佢 對手 呢 ？
呢一拳 打落嚟 ，韋小寶 舂一舂 ，成個人 向前 跌倒 啊 順勢 左踭 撞出 ，就 撞正 鰲拜 嘅 腰眼 。
鰲拜 笑住 鬧 佢 ：哈哈 你 呢個 細路 ，都 真係 狡猾 噃 。
右手 喺 韋小寶 背脊 輕輕 一 推 。
韋小寶 噼啪 噉 啊 𢴈 喺 地 ，佢 企翻 起身 嘅 時候 ，手上 已經 多咗 一把 匕首 ，向住 鰲拜 撲 上去 。
鰲拜 驀然間 見到 佢 手上 多咗 一把 擸擸亮 嘅 刀 ，窒咗 一窒 ，就 喝 佢 話 ：你 ，你 做乜嘢 啊 ？
韋小寶 笑住 話 ：我 用 刀 ，你 空手 我哋 嚟 鬥下 啦 。
你 快啲 放開 把刀 ，皇上 面前 唔准 用 凶器 。
好啦 ，放咪放 。
噉裝成 將 匕首 插 翻 落 靴筒 噉 。
呢個 時候 仍然 有 七八個 小太監 扭住咗 鰲拜 。
韋小寶 突然 間 向前 一跌 ， 似乎 企 唔 穩 噉 ， 噉 啊 成 個人 向 住 鰲拜 撞 過去 ， 挺刀 向前 㓤， 想 㓤 佢 個 肚 。
點知 鰲拜 應變 迅捷 ，迅速 異常 噉 一縮 ，噉呢 一刀 就 只係 㓤中 佢 大髀 。
鰲拜 一 聲 怒哮 ，雙手 捹甩 三名 小太監 ，一下 就 叉住 韋小寶 條 頸 。
康熙 見到 韋小寶 同埋 班 小太監 搞唔掂 鰲拜 ，唔對路 喇 ，就 繞到 去 鰲拜 背後 拔出 匕首 ，一刀 插入 佢 嘅 背枚 。
鰲拜 猛然間 覺得 背枚 有啲 痛 ，立即 背肌 一收 ，噉 康熙 呢 一刀 呢 ，就 㓤歪咗 ，未 㓤中 要害 。
鰲拜 順手 掟開 韋小寶 ，拂噉 好似 旋風 一樣 轉過身嚟 ，面前 一個 少年 正係 皇帝 啊 。
鰲拜 打個突 ，康熙 即刻 跳開 兩步 。
鰲拜 大叫 一聲 ，終於 明白 皇帝 要 攞 自己 條命 啊 ，拼死 咯 ，對住 康熙 揮拳 就 打 。
康熙 側身 避開 咗 。
鰲拜 捉住 兩名 小太監 ，將 佢哋 嘅 頭殼 對 頭殼 啪 一 撞 ，兩個人 當堂 頭骨 破裂 。
佢 跟住 左手 一拳 ，直情 打穿 一名 小太監 嘅 胸膛 。
右腳 連踢 幾下 ，將 四名 小太監 啊 踢到 撞 埋 牆壁 。
一個 二個 筋 折 骨 斷 ，吭 都 冇 吭 一 聲 就 死咗 咯 。
跟 住 左腳 𨅝 落 一名 攬 實 佢 右腳 嘅 小太監 嘅 肚 處 ， 嗰 個 小太監 當堂 啊 肚裂 腸斷 。
佢 眨眼之間 ，連 殺 八 人 啊 ，剩低 嗰 四 名 小太監 嚇到 傻晒 ，都 唔知 點 好 嘞 。
韋小寶 舉起 匕首 向 佢 撲過去 ，鰲拜 左拳 直擊 而出 。
韋小寶 只 覺得 一浸 勁風 撲面而嚟 ，氣 都 喘唔過 ，就 用 匕首 想 插 佢 隻 手 。
鰲拜 隻 手 微微 一 斜 ，避開 匕首 ，跟住 一拳 擊出 ，噉 啊 打中 韋小寶 左 膊 。
打到 韋小寶 成個人 飛起 啊 ，掠過 書枱 一跤 就 𢴈 喺 香爐 上 便 ，當堂 爐灰 飛揚 。
康熙 啊 始終 十分 沉着 ，佢 使 開 八卦 游龍掌 同 鰲拜 游鬥 。
但係 康熙 喺 呢 路 掌法 上 嘅 造詣 呢 就 好 有限 啫 ，更兼 係 遇到 鰲拜 噉 嘅 天生 神勇 嘅 猛將 ，實在 並 冇 幾 大 用處 嘅 。
鰲拜 畀 佢 打中咗 兩 掌 都 毫不在乎 ，突然間 佢 左腳 一 踢 ，踢中 康熙 右腿 。
康熙 企唔穩 嘞 ，向前 趴低 。
鰲拜 大叫 一聲 啊 ：大家 一齊 死咗 算喇 ！雙拳 對住 康熙 頭頂 擂落去 。
康熙 同埋 韋小寶 扭打過 好 長 時間 ，應變 嘅 身法 就 極之 純熟 迅捷 。
見到 鰲拜 拳頭 到 唄 ，即刻 一趢 ，就 趢到 書枱 底 。
鰲拜 左腳 飛起 ，踢開 書枱 ，右腿 連環 ，正話 想 踢 康熙 。
突然間 ，灰塵 飛揚 雙眼 裏 便 冚𠾴 唥 都係 幼灰 。
鰲拜呱呱聲大叫 ，用手啊亂咁捽雙眼 。
同時 右腳 呢 就 飛快 噉 向前 踢 ，怕 敵人 乘機 進攻 。
原來 韋小寶 見到 事態 咁 緊急 ，走去 香爐 裏 便 就 揦起 兩 紮 爐灰 ，對住 鰲拜 就 撒過去 。
香爐灰 就 好 幼嘅 ，一 落入 鰲拜 雙眼 即時 就 散開 。
鰲拜 突然間 又 覺得 左臂 一痛 ，原來 韋小寶 用 把 匕首 掟 佢 ，就 㓤唔中 佢 心口 要害 就 插咗 入 佢 手臂 。
呢個 時候 ，書房 裏 便 枱 翻 凳 倒 ，七國 咁 亂 啊 。
韋小寶 見到 鰲拜 背後 有 張 椅 ，正係 皇帝 平時 坐 嗰 張 龍椅 。
咪即刻 出力 捧起 個 青銅 香爐 ，跳上 龍椅 對準 鰲拜 後腦 ，搏命 噉 𢱕落去 。
呢個 香爐 啊 係 唐代 嘅 古物 ，至少 都 有 成 三十幾 斤 重 。
鰲拜 雙眼 就 睇唔到 嘢 就 難以 閃避 。
啪噉 一聲 ，𢱕中 佢 頭頂 ，鰲拜 個 身 一晃 就 𢴈倒 喺 地 暈咗 咯 。
香爐 都 打到 裂喇 ，吖鰲 拜 呢 居然 頭骨 唔 碎噃 。
康熙 好 歡喜 啊 佢 話 ：小桂子 ，你 真係 使得 嘞 。
佢 早 係 準備咗 牛筋 同 繩索 㗎 嘞 ，就 連 忙 喺 冧倒 嗰 張 書枱 櫃桶 就 攞 咗 出嚟 ；
同韋小寶 兩個人 夾手夾腳 ，噉啊 將 鰲拜 嘅 手腳 都 綁實 。
韋小寶 呢 已經 嚇到 全身 都係 冷汗 ，手腳 都 嘀嘀震 ，想 拉緊 繩索 都 使唔出力 啊 。
噉 同 康熙 兩個人 啊 你 睇 我 我 睇 你 ，都 係 歡喜 到 不得了 。
鰲拜 冇 幾耐 就 醒 翻 喇 ， 佢 大聲 嗌： 我 係 忠臣 ， 我 冇 罪 啊 ！ 噉 樣 陰謀 害 我 ， 我 死 都 唔 服 啊 ！
韋小寶 喝 佢 話 ：你 造反 ，帶埋 刀 嚟到 上書房 ，罪該萬死 ！
鰲拜 大叫 話 ：我 冇 帶 刀 啊 。
你仲話 冇 帶 刀 ， 你 身上 唔 係 明明 帶住 兩把 刀 咩 ？ 背脊 一把 ， 手臂 上面 一把 ， 仲敢 話 冇 帶 刀 你 ？
韋小寶 強詞奪理 ，鰲拜 啊 點 拗得 佢 過 吖 。
何況 鰲拜 嘅 頭頂 畀 銅 香爐 重重 一 𢱕， 背脊 同 手臂 呢 分別 插 咗 一刀 ， 雖然 唔 係 致命 啊 ， 不過 受傷 亦 唔 輕 嘅 。
佢 情急 起嚟 只係 氣急敗壞 噉 大嘈大叫 唧 。
康熙 見到 十二 名 小太監 死 剩 四 個 人 就 話 ：
你哋 都 親眼 睇見 㗎啦 ，鰲拜 呢個 嘢 犯上 作亂 ，竟然 想 殺 我 。
四個 小太監 都 驚到 乜嘢 噉 ，面 如 土色 。
噉 其中 有 一個 人 話 ：係 ，係 。
其餘 嗰 三個 人 啊 連 一句 説話 都 講唔出 喇 。
康熙話 ：你哋 出去 宣 我 旨意 ，召 康親王 傑書 同 索額圖 兩個人 入嚟 。
先頭嘅事 一句 説話 都 唔 准 提起 ，如果 有 洩露 風聲 ，因住 你哋 嘅 人頭 。
噉 四名 小太監 應咗 就 出去 嘞 。
鰲拜 仲 喺 度 大叫 噃： 冤枉 啊 ！ 冤枉 啊 ！ 皇上 親手 殺 我 顧命 大臣 ， 先帝 有知 必定 唔 會 放過 你 㗎 ！
康熙 面色 都 黑晒 噉 話 ：想 個 法子 等 佢 唔 能夠 亂講 。
韋小寶 應咗 聲 話 ：係 。
就行過去 伸出 左手 ，捻實 鰲拜 嘅 鼻哥 ，噉 鰲拜 擘 大 個 口 唞氣 啦 ，韋小寶 用 右手 拔起 佢 手臂 上面 嗰 把 匕首 ，喺 佢 嘴 裏 便 啊 亂咁 㓤 幾下 。
又 喺 地下 揦 起 兩 紮 香爐灰 ， 夾硬塞 落 佢 嘅 嘴 處 。
鰲拜 喉嚨 頭 嗰處 嘰里咕咯 幾 聲 ，幾乎 連 呼吸 都 塞埋 啊 ，仲 邊度 講得出 説話 呢 ？
韋小寶 又 拔起 佢 背脊 嗰 把 匕首 ，噉 啊 將 一雙 匕首 一拍 噉 插 喺 枱面 。
佢 自己 就 守住 鰲拜 身邊 ，如果 見到 佢 稍為 有啲 作怪 呢 ，即刻 就 用 匕首 㓤 佢 幾下 。
康熙 見到 大事 已經 定嘞 個 心 好 歡喜 。
又 一 諗 ： 哎呀 如果 唔 係 小桂子 用 計 ， 而家 自己 畀 佢 殺 咗 咯 。 諗 落 都 不禁 打個 冷震 啊 。
等咗 好耐 下 ，四名 小太監 啊 宣召 康親王 同 索額圖 入嚟 。
兩個人 一行 到 入去 上書房 ，見到 死屍 狼藉遍地 血污 ，驚到 不得了 ，即刻 跪低 猛咁 叩頭 一齊 話 ：皇上 萬福 金安 。
康熙話 ：鰲拜 大逆不道 ，帶刀 入宮 ，膽敢 向 朕 行兇 。
好在 祖宗 保佑 ，尚膳監 小太監 小桂子 會 同 眾 太監 ，力拒 兇逆 ，將 佢 捉住 唧 。
點樣 善後 ，你哋 睇下 點 做 就 點做 啦 。
康親王 同 索額圖 ，向來 同 鰲拜 唔啱 嘅 ，畀 佢 排斥 好耐 㗎 喇 。
今日 突然間 見到 宮廷 發生 咁 大 嘅 變故 ，真係 又 驚 又 喜 。
噉啊再三向皇帝請安 ，話 自己 疏於 防範 罪過 重大 ，好彩 皇帝 洪福齊天 ，百神 呵護 ，鰲拜 兇謀 不能 得逞 噉 。
康熙 話 ： 行刺 嘅 事 你 哋 不必 向 外人 提起 喇 ， 以免 嚇親 太皇太后 同 皇太后 。
傳咗出去 ，反而 使到 漢官 同 啲 百姓 笑話 。
鰲拜 呢個 嘢 罪大惡極 ，就算 冇 今日 嘅 事 啊 ，早就 罪不容誅 嘞 。
康親王 同 索額圖 都 叩頭 話 ：係 ，係 。
不過 個 心 呢 都 懷疑 啊 ：
鰲拜 呢個 嘢 天生 神勇 ，係 我 滿洲 第一 勇士 ，真係 要 行刺 皇上 ，點會 畀 幾名 小太監 捉住 呢 ？
其中 ，必定 另有 別情 嘅 。
好在 佢 兩個 都 巴不得 重重 處分 鰲拜 ，噉 有 咩 內情 啊 不必 多問 喇 。
何況 皇帝 噉樣 講 ，又 有 邊個 膽敢 問 多一聲 呢 ？
康親王 話 ：啟奏 皇上 ，鰲拜 呢個 傢伙 黨羽 甚多 ，必須 要 一網成擒 ，防範 佢 有 其他 變故 。
由 索大人 就 喺 呢處 護駕 ，半步 都 唔好 離開 聖駕 。
奴才 就 去 傳達 旨意 ，將 鰲拜 嘅 黨羽 都 捉起嚟 ，聖意 以為 如何 呢 ？
康熙 岌一岌頭 話 ：好極 。
噉 康親王 就 離開 。
索額圖 仔細 噉 打量 小桂子 佢 話 ：
小公公 ，你 今日 護駕 嘅 功勞 ，真係 好大好大 啊 。
小桂子 話 ：呢啲 係 皇上 嘅 福氣 啫 ，我哋 做 奴才 嘅 有 咩 功勞 吖 ？
康熙 見到 韋小寶 並唔 居功 ， 對 啱 先 嗰 場 激 鬥 呢 更加 係 隻字不提 個心 好 歡喜 ， 佢 心 諗 ：
自己 親自 出手 ，喺 鰲拜 背脊 插咗 一刀 ，呢件事 如果 傳咗 出去 呢 ，就 有失 皇帝 嘅 風度 。
佢 又 諗 ：小桂子 今日 嘅 功勞 大 到 無以復加 ，可以 話 得 係 救咗 我 條命 。
可惜 佢 係 個 太監 吖 ，無論 我 點樣 提拔 ，亦 總係 個 太監 。
祖宗 定落 嚴格 嘅 規矩 ，唔准 太監 干預 政事 嘅 ，睇嚟 ，唯有 賞 多啲 銀 畀 佢 啦 。
康親王 辦事 十分 迅速 ，過咗 冇 幾耐 ，就 帶咗 幾名 親信 嘅 王公大臣 一齊 嚟 請安 ，稟告 話 鰲拜 嘅 黨羽 ，已經 大部分 捉到 嘞 。
宮中 原有 嘅 侍衞 都 已經 奉旨 出宮 ，一個人 都 唔 留 。
請 皇上 另 派 領 內侍 衞 大臣 ，另外 挑選 親信 侍衞 護駕 噉 。
康熙 好 歡喜 啊 佢 話 ：辦得 好 妥當 。
幾名 親王 、貝勒 、文武大臣 ，見到 上書房 裏 便 八名 小太監 ，畀 鰲拜 打到 腦蓋 碎裂 ，腸 穿 骨 斷 嘅 慘狀 都 好 震驚 ，齊聲 痛罵 鰲拜 大逆不道 啊 。
刑部尚書 呢 即刻 親自 將 鰲拜 押咗 落去 監禁 。
班王公大臣 講咗 好多 恭頌 聖安 嘅 説話 ，噉 就 要 退出去 商議 ，點樣 定 鰲拜 嘅 罪 嘞 。
康親 王傑書 就 秉承 康熙 嘅 意思 ， 囑咐 大家 話 ：
皇上仁孝 ，唔想 殺戮 太多人 ，驚動咗 太皇太后 同埋 皇太后 。
因此 鰲拜 大逆不道 嘅 事 ，不必 喺 朝廷 上 暴露 嘞 。
只需要 將 佢 平日 把持 政事 、蠻橫不法 嘅 罪狀 一件件 噉 列出嚟 就 得喇 。
王公大臣 就 當然 齊聲 恭頌 聖德 。
行刺 皇帝 就 非同小可 ， 鰲拜 固之然 要 凌遲 處死 啦 ， 連 佢 全族 嘅 老幼 婦孺 ， 以及 同黨 嘅 家人 、 族人 ， 冇 個 能夠 倖免 。
呢一件 大案 如果 辦落嚟 呀 ，牽連 一廣 ，至少 都 要 死 幾千人 咁多 。
康熙 雖然 係 憎恨 鰲拜 跋扈 唧 ，亦 唔 想 對 佢 亂咁 加 罪名 ，更 加 唔 願意 累及 無辜 。
康熙 親政 嘅 日子 已經 唔 短 喇 ，但係 一切 大小 政務 ，向來 都係 由 鰲拜 處決 嘅 ，朝中 嘅 官員 一直 都 係 聽 鰲拜 嘅 説話 辦事 。
今日 捉咗 鰲拜 ，康熙 見到 王公大臣 嘅 神情 忽然間 唔同晒 ，對 自己 恭順 敬畏 得多 嘞 。
康熙 直到 而家 先至 知道 做 皇帝 係 咁 威 。
佢 又 向 韋小寶 望 咗 一 眼 ，見 佢 縮埋 喺 一二角 ，粒 聲 唔 出 ，個 心 諗 ：
呢個人 唔多嘴 ，都 好乖覺 啊 。
噉 眾 大臣 退出去 之後 ，索額圖 話 ：
皇上 ，上書房 需要 好好地 打掃 下 ，是否 請 皇上 移駕 ，去 寢宮 休息 呢 ？
康熙 岌一岌頭 ，就 由 康親王 同埋 索額圖 陪駕 去 寢宮 。
韋小寶 啊 唔 知道 應唔應該 跟埋 去 ，正 喺度 躊躇緊 ，康熙 對 佢 岌一岌頭 話 ：你 跟 我 嚟 啦 。
康親王 同埋 索額圖 喺 寢宮 之外 幾百步 嘅 地方 ，就 告辭 嘞 。
事關 皇宮 嘅 內院 啊 ，除咗 后妃 、公主 、太監 、宮女 之外 ，外臣 向來 就 唔 能夠 入去 嘅 。
韋小寶 跟住 康熙 入去 裏便 ，本來 估話 皇帝 嘅 寢宮 一定 係 金碧輝煌 ，到處 都 鑲滿 晒 翡翠 白玉 ；
牆壁上 嘅 夜明珠 呢 就 至少 有 二三千粒 㗎 啦 ，到 夜晚 就 唔 使 點 燈 嘅 。
點知 行到 入去 寢宮 ，亦 不過 係 平平常常 嘅 一間 房間 啫 。
只不過 被褥 枕頭 呢啲 嘢 呢 都係 用 黃綢 做 嘅 ，繡 咗 啲 龍鳳 花紋 而已 啫 。
一見到噉樣大失所望 ，個心諗 ：唓 ，比 我哋 揚州 麗春院 裏 便啲 房間 ，都 威唔到 幾多 啫 。
噉 有 個 宮女 捧咗 一 碗 參湯 嚟 畀 康熙 飲 。
飲完喇 ，康熙 長長咁 㗾咗 啖 氣 佢 話 ：
小桂子 ，跟 我 去 見 皇太后 啦 。
當其時 康熙 仲 未 成婚 ，寢宮 同埋 皇太后 所 居住 嘅 慈寧宮 距離 唔 遠 。
到咗 皇太后 嘅 寢宮 ，康熙 自己 入去 ，就 吩咐 韋小寶 喺 門口 外 便 等 。
韋小寶 等咗 好耐 佢 無聊 起嚟 個 心 諗 ：
我 學咗 海老公 教 嘅 大慈大悲 千葉手 ，皇上 學咗 八卦 游龍掌 。
不過 今日 同 鰲拜 打交 ，咩嘢 千葉手 啊 游龍掌 啊 冚𠾴唥 都 冇 鬼 用 嘅 。
仲係 靠 我 小白龍 韋小寶 出到 糝香爐灰 ，用 香爐𢱕 嘅 下九流 手段 ，噉 先至 大功告成 啫 。
嗰啲 武功 再 學 落去 都 冇 咩 好玩 㗎 嘞 。
喺 皇宮 裏 便 成日 咁 扮 假 太監 ，叩頭 畀 小玄子 亦 好 翳氣 嘅 。
鰲拜 已經 捉 咗 咯 ， 小玄子 亦 冇 咩 要 我 幫忙 㗎 啦 ， 哼 ， 聽日 我 就 離開 皇宮 鬆 人 唔 返 嚟 咯 。
佢 正 喺度 諗緊 點樣 離開 皇宮 ，有 名 太監 行 出 嚟 笑住 話 ：
桂兄弟 ，皇太后 叫 你 入去 叩頭 啊 。
韋小寶 喺 個 心處 鬧嘞 ：豈有此理 又 要 我 叩頭 ，你 皇太后 點解 唔 叩頭 畀 老子 啊 ？
之佢 係 恭恭敬敬 噉 回答 話 ：係 。
噉啊 跟住 嗰個 太監 行咗 入去 。
穿過咗 兩重 院子 之後 ，嗰個 太監 隔住 門簾 話 ：
回太后 ，小桂子 見駕 。
噉 輕輕 掀開 門簾 ，努一努 個 嘴 。
韋小寶 行 入去 ，迎面 又 係 一堂 門簾 。
呢堂門簾 呢 成堂 都係 用 珍珠 穿 成 嘅 ，發光 嘅 。
有 一 名 宮女 拉開 珠簾 ，韋小寶 耷低 個 頭 入去 ，就 微微 噉 抬起 眼皮 裝 下 。
只見 一個 三十歲 左右 嘅 貴婦人 坐 喺 椅處 ，康熙 就 靠住 佢 身邊 。
噉 呢個人 自不然 就係 皇太后 咯 ，咪 即刻 跪低 叩頭 。
皇太后 微微 笑岌 一岌頭 話 ：起身 。
等 韋小寶 企 起身 嚟 喇 ，皇太后 又 話 ：
聽 皇帝 講 ， 今日 擒拿 叛臣 鰲拜 你立 咗 好 大 嘅 功勞 噃。
韋小寶 話 ：回 太后 ，奴才 只 知道 赤膽忠心 ，保護 主子 。
皇上 吩咐 點樣 做 ，奴才 就 奉旨 做事 ，奴才 年紀 細 ，咩嘢 都 唔 懂 㗎 。
佢 喺 皇宮 裏 便 只係 幾個 月 ，但係 賭錢 嘅 時候 聽聞 班 太監 講起 宮 裏 便 同 埋 朝廷 嘅 規矩 ，佢 一一二二 都 記住 晒 喺 心 。
知道 做主子 嘅 呢 就 最 忌 奴才 居功 。
你 功勞 越大 ，就 越要 裝成 冇半點 功勞 ，主子 噉 先至 歡喜 嘅 。
如果 稍為 有啲 驕傲 ，講唔定 就 有 殺身之禍 喇 。
至於 使到 主子 討厭 、唔寵幸 你 ，噉 自不然 就 不在話下 喇 。
佢 噉樣 回答 ，皇太后 又 果然 間 好 歡喜 佢 話 ：
你 小小年紀 都 咁 明事理 ，比起 嗰個 做咗 少保 、封咗 一等 超武公 嘅 鰲拜 仲 叻 啊 。
仔 ，你話 我哋 賞 啲 乜嘢 畀佢 好 呢 ？
康熙話 ：請 太后 吩咐 啦 。
皇太后 沉吟 一下 話 ：你 喺 尚膳監 怕 仲 未 有 品級 㗎 ？
海大富 海監 係 五品 ，賞 你 一個 六品 嘅 品級 ，升為 首領 太監 ，就 喺 皇上 身邊 侍候 啦 。
韋小寶 個 心 諗 ：
乜鬼嘢 六品 七品 啦 ，就算 係 畀 我 做 一品 太監 老子 都 唔 做 啊 。
之塊面 呢 就 堆滿 笑容 跪低 叩頭 話 ：謝 皇太后 恩典 ，謝 皇上 恩典 。
清宮規例啊 ，宮中 總管 太監 啊 總共 十四 人 ；
副總管 就 八人 ；
首領 太監 一百八十九 人 ；
太監 呢 就 冇 定額 嘅 ，清朝 初期 係 千幾 人 ，收尾 呢 增加 到 二千幾 人 。
有 職司 嘅 太監 最高 係 四品 ，最低 係 八品 ，普通 太監 呢 就 冇 品級 嘅 。
韋小寶 由 無品級 嘅 太監 一躍 而 升為 六品 ，喺 宮中 都 算 係 少有 嘅 殊榮 咯 。
皇太后 岌一岌頭 話 ：要 好好地 盡心 辦事 啊 。
韋小寶 連氣應 幾聲 話 ： 係 ， 係 。 噉 啊 企 起身 倒退 出去 。
宮女 掀起 珠簾 嘅 時候 ，韋小寶 偷偷 望 咗 皇太后 一眼 。
只見 皇太后 面色 極之 白 ，目光 炯炯 ，皺起 眉頭 ，似乎 有啲 憂愁 噉 ，又 好似 喺度 想緊 咩 心事 噉 。
韋小寶 諗 ：佢 身為 皇太后 仲 有 咩 嘢 咁 唔開心 噃 ？
啊 ，係喇 ，我 知喇 ，佢 死咗 老公 。
噉就算係 皇太后 ，死咗 老公 梗係 唔開心 㗎啦 。
各位 ，欲知 後事 如何 ，且 聽 下回 分解 。
