前 文 再續 啊 書 接上 一回 啊 ， 話 説 韋小寶 返到 去 住 地 ， 話 畀 海老公 聽話 賭錢 贏 咗 錢 喇 ， 不過 冚𠾴唥 借 咗 畀 老 吳 噉 。
海老公 聽 咗 板 起塊 面話 ： 借 畀 老吳 呢 個 傢伙 有 乜嘢 用 吖 ？ 佢 又 唔 係 上 書房 嘅 ， 點解 唔 借 畀 温家 兩 兄弟 呢 ？
韋小寶 唔明 佢 嘅 意思 就 話 ：溫家 兩 兄弟 又 冇 問 我 借 啊 。
冇 問 你 借 ，你唔會 想法子 借畀 佢 咩 ？
我 吩咐 你 嘅 説話 唔 記得 晒 喇 ？
我 ，嗯 ，我我 尋晚 殺咗 個 細路 ，嚇到 乜嘢 噉 啊 ，乜嘢 都 唔 記得 晒 喇 。
嗯 ，吖係 ，要 借畀 温家 兩 兄弟 ，冇錯冇錯 ，你 老人家 的確 係 噉 吩咐過 嘅 。
哼 ，殺 個 把 人 有 乜嘢 咁 了不起 吖 ？
不過 你 年紀 細 ，又 未 殺過 人 噉 亦 難怪 嘅 。
嗰部書 有 冇 唔記得 啊 ，吓 ？
嗰部書呀 ，嗰部書 我 ，誒 。
哼 ！真係 乜嘢 都 唔記得 喇 你 。
公公啊 ，我 ，我個頭 好痛啊 ，又 驚嘞噃 ，你 ，你又 咳成噉 ，我真係 擔心啊 ，乜嘢 我都 糊塗晒嘞 。
好 ，你 過嚟 。
哦 。
韋小寶 行近 幾步 ，海老公 話 ：
嗱 ，我 再 講 一次 ，你 如果 再 唔記得 呢 ，我 就 劏咗 你 。
哎我知喇 。個心諗 ：你只要再講一次呢 ，我再過一百年都唔會唔記得啊 。
海老公話 ：你 去 同 温家 兩 兄弟 賭 ，佢哋 輸咗 咯 ，你就 借 錢 畀 佢哋 ，借得 越多 就 越好 。
過得 幾日 ，你 就 要 佢哋 帶 你 去 上書房 。
佢 哋 欠 咗 你 錢 ， 唔 敢 唔 䎺 嘅 ， 如果 推三推四 呢 ， 你 就 話 我會 去 同上 書房 總管 ， 烏 老公 算賬 。
温家 兄弟 還唔 出錢 ，自不然 就 會 趁 皇上 唔喺 。
皇上 ？
點啊 ？
哦冇 ，冇 ，冇乜嘢 啊 。
佢哋 就會 問 你 ，去 上書房 做乜嘢 啦 。
你就話 ，人 望 高處 ，盼望 見到 皇上 ，能夠 響 上書房 當差 噉 。
温家 兄弟 呢 ，就 唔會 畀 你 見到 皇上 嘅 ，帶 你 去 嘅 時候 ，皇上 一定 唔會 喺 書房 裏 便 嘅 。
到其時 ，你 就 要 想法子 偷 一部 書 出嚟 。
韋小寶 聽 佢 連氣 提到 皇上 心念 一動 ：
唔通 呢度 係 皇宮 ？
唔係 北京城 嘅 大妓院 噃 。
哎吖吖 ，係啊係啊 ，如果 唔係 皇宮 ，邊度 有 咁 富麗堂皇 㗎 ？
呢啲 人 呢 ，一定 係 服侍 皇帝 啲 太監 。
韋小寶 啊 雖然 聽 人 講過 皇帝 、皇后 、太子 、公主 ，以及 宮女 太監 等等 ，但係 只係 知道 皇帝 就 必定 係 着 龍袍 。
其餘 啲 人 呢 係 點樣 裝扮 嘅 點樣 嘅 就 冚𠾴唥 唔 知 㗎 嘞 。
佢 喺 揚州 睇 霸王戲 呢 亦 睇咗 好多 。
不過 戲台 上面 嗰啲 太監 ，服飾 、打扮 同 海老公 、老吳 佢哋 完全 唔同 嘅 。
隻手 呢 ，就 成日 揸住 一支 拂塵 發嚟發去 ，唱 嗰啲 戲文 就 冇 一句 好聽 嘅 。
而家 佢 同 海 老公 相處 咗 一 日 ，又 同 老吳 、溫氏 兄弟 賭 咗 成 半 日 錢 ，都 唔 知道 佢哋 就係 太監 。
而家 聽 海老公 噉 樣一講 先至 漸漸 醒悟 ， 佢 心 諗 ：
哎吖 ，噉樣 一嚟 我 豈不是 變成 小太監 ？
海老公 大聲 噉 話 ：喂 ，你 聽明白 冇 啊 ？
韋小寶 話 ： 啊 ， 啊 ， 明白 喇 明白 喇 ， 誒 要 去 皇 ， 誒 皇帝 間 書房 吖 嘛 。
去 皇上 書房 做 乜嘢 吖 ？去 玩 啊 ？
誒 ，係 去 偷 一部 書 出嚟 咯 。
偷 咩嘢 書 啊 ？
誒 ， 誒 ， 咩 嘢 書 我 ， 我 ， 我 唔 記得 嘞 。
嗱 ，我 再 講 一次 ，你 好好地 記實 啊 。
呢部書 ，係 一部 佛經 ，叫做 四十二章經 。
呢部 經書 個 樣 都 好 舊 㗎 喇 ，總共 有 好幾 部 嘅 ，你 要 一齊 攞嚟 畀 我 。
記住 啦 嘛 ？ 叫做 乜嘢 啊 ？
韋小寶 高興 嘞 佢 話 ：叫做 四十二章經 咯 。
海老公 聽出 佢 講説 話 裏頭 嗰種 歡喜 嘅 味道 ，就 問 佢 ：
有咩嘢 咁 開心 啊 你 ？
韋小寶 話 ：吖 你 一 提 我 就 記起 喇 ，唔係 高興 咯 。
原來 佢 聽 海老公 話 要 佢 去 上書房 偷書 ，偷 係 絕不 困難 嘅 ，書 就 難倒 佢 咯 喎 。
事關 佢 西瓜 咁 大 個 字 呢 識 唔 夠 一擔 ，要 分辨 乜嘢 書 真係 殺咗 頭 都 做唔到 。
等到 聽講 書名 叫做 四十二章經 ，不由得 心花怒放 啊 。
章經 係 咩 東東 就 不得而知 ， 呢 兩個 字 又 唔 認得 ， 四十二 呢 呢 三個 字 係 識 嘅 。
五個 字 當中 居然 識得 三個 ，就 不禁 大為 得戚 嘞 。
海老公 又 話 ： 喺 上書 房裏 便 偷書 ， 手腳 一定 要 乾淨利落 啊 。
如果 畀 人哋 見到 ，你 就算 有 一百 條命 都 唔掂 啊 。
韋小寶 話 ：呢層 我 又 明 ，偷嘢 畀 人哋 揪住 ，仲有 好戲 睇 咩 ？
講到 呢處 佢 靈機一動 ，佢 又 話 ：
不過 呢 ，我 決唔會 穿埋 公公 你 出嚟 嘅 。
穿唔穿埋 我 出嚟 都 唔 相干 嘅 。
今日 呢 ，吖 ，你 都 幾 叻 ，居然 贏到 錢 。
佢哋 冇 疑心 吖 嘛 ？
嘿嘿 ，冇 ，點會啫 。
佢 本來 係 想 自稱 自讚 一番 嘅 ，終於 忍住 。
海老公話 ：唔好 偷懶 喇 ，橫掂 得閒 冇事 ，練多啲 啦 。
韋小寶 哦噉 應咗 ，就 行 入 房 。
只見 枱面 啊 擺好 碗筷 喇 ，四菜一湯 冇 人 逳過 ，佢 就 話 ：公公 啊 ，你 唔 食 飯 喇 ？我 裝 飯 畀 你 啦 。
海老公話 ：唔餓 ，唔食喇 ，你自己食啦 。
嘩 ，韋小寶 好 歡喜 啊 ，都 唔 裝 飯 住 喇 ，夾 起 嚿 紅燒肉 就 食 。
雖然 啲 餸 已經 擺 到 凍晒 喇 ，之 吞入 個 餓肚 裏 便 真係 有 講唔出 嘅 美味 。
個心諗 ：呢啲 飯菜 唔知 係 邊個 送嚟 嘅 呢 ？
哎呀咪喇 ，呢啲 小事 唔好 問 咁多 喇 ，總之 我 擘大雙眼 睇住 慢慢 自然 會 知 嘅 。
佢 又 諗 ：如果 呢處 真係 皇宮 ，噉 老吳 、温家 兩 兄弟 ，仲有 嗰個 小玄子 都 係 太監 嘞 噃 ？
哈 ，唔知道 皇帝 同埋 皇后 娘娘 係 點鬼樣 嘅 呢 ？點 都 要 睇 清楚 下 先至 得 。
第日 返到 揚州 ，哈哈 ，老子 一 講起 上嚟 呀 就 威水 咯 。
哎呀 ，茅大哥 又 唔知 能唔能夠 走得甩 呢 呢次 ？
賭錢 嘅 時候 又 冇 聽 佢哋 講起 話 捉到 人 噃 ，嗯 ，多數 都係 趯咗 出去 喇 。
好喇 ，食完 飯 嘞 ，韋小寶 怕 海老公 疑心 ，就 攞起 六粒 骰仔 喺 碗 處 叮鈴當啷 叮鈴當啷 噉 猛咁 擲 。
擲咗 一陣間 ，只覺得 眼皮 打交 嘞 。
尋晚 成晚 冇 瞓 ，到 咗 呢陣時 實在 疲倦 不得了 ，冇幾耐 就 瞓着 。
呢一覺 一直 瞓到 傍晚 時分 ，跟住 又 有 一 名 粗工 太監 送 飯菜 嚟 。
韋小寶 服侍 海老公 食咗 一碗飯 ，又 服侍 佢 上床 瞓覺 ，噉 啊 自己 瞓 喺 張 床仔 處 ，佢 心諗 ：
聽日 至緊要 就係 同 小玄子 比武 ，要 打贏 佢 先至 好 。
噉佢眯埋雙眼 ，回想 茅十八 喺 酒館 裏頭 ，同 啲 滿洲 武士 打交 嘅 手法 。
哈弊傢伙 喇 乜 都 模模糊糊 記唔清楚 ，佢 不禁 有啲 後悔 。
茅大哥 話 要 教 我 武藝 ，我 就 偏 唔肯 學 。
你話 同佢 一路 嚟 北京 嘅 時候 ，如果 學咗 咯 ，小玄子 啊 雖然 大力過 我啫 ，又 點 係 我 對手 呢 ？
聽日 如果 再 畀 佢 騎住 翻唔過嚟 ，輸咗 銀 唔緊要 啊 ，噉咪 好 丟架 ？
我 呢個 小白龍 韋小寶 喺 江湖 上 ，噉 都 唔 使 撈 啦 。
突然間 一諗 ：啊 ，滿洲武士 打唔過 茅大哥 ，茅大哥呢 又唔係 個 老烏龜 嘅 對手 ，不如 呃下 老烏龜 教 我 啲 本事 唔係 好 ？
於是 韋小寶 就 話 ： 公公 啊 ， 你 要 我 去 上 書房 攞 幾本書 ， 有樣 嘢 好 難 啊 。
海老公 問 ：有 咩嘢 難 啊 ？
呢 ，今日 咯 ，我 賭完 錢 返嚟 ，就 遇到 一個 小 ，嗯 小太監 ，攔住 條 路 ，要 我 分 錢 畀 佢 噃 ，我 梗係 唔肯 啦 ，就 同 我 比武 。
佢 話 我 贏得到 佢 呢 ，先至 畀 我 過 噉 。
我 同 佢 打成 半日 ， 所以 ， 嗯 ， 所以 咪 連飯 都 趕 唔 切返 嚟 食咯 。
你 輸咗 係唔係 呢 ？
佢 又高又大 隻 ， 力 啊 大過 我 好多 啊 。
佢 話 日日 都 要 同 我 比武 ，到 邊 一 日 我 贏到 佢 喇 ，佢 先至 唔嚟 纏 我 喎 。
嗰個 細路 叫做 乜嘢 名 吖 ？係 邊 一 房 㗎 ？
佢 叫做 小玄子 ，噉 啊 唔知 佢 係 邊 一 房 㗎 喇 。
實係 你 贏咗 錢 就 懶叻 啦 ，個樣 好 乞人憎 定 啦 ，否則 人哋 亦 唔會 搵 你 吖 。
我啊唔忿氣啊 ，聽日 我咪 同佢 再 鬥過 咯 ，就係 唔知道 能唔能夠 贏 啫 ？
哼 ！你 又 想 𠼮 我 教 你 武功 啫 嘛 。
我 話過 唔教 就 唔教 ，你 兜 多 幾個 彎 都 冇用 嘅 。
韋小寶 個 心 啊 鬧 佢 喇 ：
老烏龜 你 都 幾 聰明 唔 上 呢個 當 吓 。
佢 又 話 ：呢個 小玄子 又 唔會 武功 ，我 想 贏 佢 亦 唔使 學 咩 武藝 ，邊個 要 你 教 啫 ？
今日 我 明明 已經 騎實 佢 㗎 喇 ，不過 佢 力大 ，翻 咗 過 嚟 啫 嘛 。
聽日呀 ，我 出力 扼實 佢 ，呢個 傢伙 未必 就 能夠 烏龜 翻身 嘅 。
佢 呢一日 嚟 已經 小心 收斂 ，一句 粗話 都 唔 講 㗎喇 ，到 咗 呢陣時 終於 忍唔住 講咗 一句 。
海老公話 ：你 想 佢 翻唔過嚟 ，噉 亦 容易 。
韋小寶 話 ：我 諗 亦 冇 咩 咁 難 啫 ，我 聽日 呀 一定 出力 撳住 佢 膊頭 ，噉 啊 得 㗎 喇 。
哼 ，撳住 膊頭 有 乜嘢 用 啊 ？
能唔能夠 翻身 ，全靠 條 腰 嘅 力 ，你 一定 要 用 膝頭哥 ，頂住 佢 後腰 穴道 至得 。
你 過嚟 啦 ，我 指畀 你 睇 。
韋小寶 轟隆 一 聲 喺 床 上 跳落地 ，就 行到 佢 張 床 前 便 。
海老公 摸到 佢 後腰 一笪 地方 ，輕輕 一撳 ，韋小寶 就 覺得 全身 酸軟 無力 喇 。
海老公話 ：記得吖嘛 ？
韋小寶話 ：記得喇 ，聽日 我 就 去 試下 ，不過 都 唔知 掂唔掂 嘅 。
咩嘢 掂唔掂 啊 ？呢一手 係 百發百中 ，萬試萬靈 。
又 用 手 喺 佢 條 頸 嘅 兩 側 輕輕 一 撳 ，韋小寶 當堂 哎吖噉 大叫 一 聲 ，只 覺得 心口 一陣 窒息 ，唞氣 都 唞唔到 。
海老公 話 ：你 如果 出力 捻 佢 呢 兩 處 穴道 ，佢 就 冇 力 同 你 鬥 㗎 喇 。
韋小寶 好 高興 啊 佢 話 ：掂晒 ，聽日 我 實 能夠 贏 佢 㗎 喇 。
噉就 返去 自己 張 床 瞓 低 。
諗 起 聽 日 小白龍 韋小寶 打 到 小玄子 大叫 投降 啊 十分 得意 啊 。
第日 ，老吳 又 嚟 叫 佢 去 賭錢 。
温家 兩 兄弟 一個 叫做 温有道 ，一個 叫做 温有芳 。
輪到 佢 兩 兄弟 做 莊 嘅 時候 ，韋小寶 啊 使出 手段 贏 咗 佢哋 廿 幾 兩 銀 。
佢 兩 兄弟 手氣 又 衰 ，唔到 半個 時辰 啫 ，五十 兩 本錢 已經 輸 清光 。
韋小寶啊 借咗 廿 兩 銀 畀 佢哋 。
到 收檔 唔 賭 嘅 時候 ，温家 兄弟 又 將 呢 二十 兩 銀 輸 埋 。
韋小寶 個 心 呢 只係 記住 同 小玄子 比武 嘅 事 ，賭局 一 散 噔噔 聲 就 走去 嗰 間 屋 。
只見 枱面 仍然 係 擺住 好多 碟 點心 ，佢 就 攞咗 幾件 食咗 ，就 聽見 腳步 響嘞 。
佢 怕 嚟 嘅 唔係 小玄子 ，個 心 諗 ：仲 係 蜎 入 枱 底 先 再 講 。
都未曾逳啫 ，就 聽見 小玄子 喺 門外 便 嗌 ：小桂子 ，小桂子 ！
韋小寶 幾步 跳 到 門口 笑住 話 ：死約會 ，不見不散 。
小玄子 亦 笑住 話 ：哈哈 ，死約會 不見不散 。噉 就 行 入 屋 。
韋小寶 見到 佢 一身 新衣服 ，極之 華麗 ，不禁 有啲 妒忌 嘞 ，佢 諗 ：
等陣 我 撕爛 你 件 新 衫 ，等 你 冇得 威 至 得 。
於是 一聲 大叫 就 向 佢 撲過去 。
小玄子 喝咗 一聲 ：嚟得好 ！就 扭住 佢 雙手 ，左腳 打橫 就 掃 。
韋小寶 企唔穩 嘞 ，岌咗 幾 岌 一跤 跌倒 就 拉住 小玄子 都 跌倒 喺 地 。
韋小寶 一趢 ，就 翻身 砸住 小玄子 背脊 。
佢 記住 海老公 教 佢 嘅 功夫 ，即刻 用 手 去 捻 佢 後腰 穴道 ，但係 佢 冇 練過 打穴 嘅 功夫 呢 。
呢啲 穴道 啊 ，你 估 話 一 捻 就 正 㗎 咩 ？
佢 捻 嘅 部位 稍為 歪咗啲 ，小玄子 已經 翻過嚟 ，捉住 佢 手臂 ，出力 向後 拗 。
韋小寶 大叫 啊 ： 哎 吖 ， 哎 吖 ， 你 都 唔 知 醜 嘅 ， 拗人 隻 手 喎 。
小玄子 啊 笑住 話 ：學摔跤 就係 學拗人隻手 ，咩 叫做 唔知 醜啫 ？
韋小寶 啊 趁 佢 講説話 嘅 時候 鬆咗 啖 氣 ，全身 用力 向 佢 後腰 撞過去 ，將 背心 撞 佢 個 頭 。
右手 呢 喺 佢 胳肋 底 穿過去 ，出力 向上 捹 ，噉 小玄子 成個人 就 喺 佢 頭頂 飛過 啪 一聲 𢴈 喺 地下 。
小玄子 跳翻 起身 話 ：原來 你 都 會 呢一招 羚羊 掛角 嘅 。
韋小寶 唔知 羚羊 掛角 係 咩嘢 手法 啊 。
之佢 誤打誤撞 贏咗 呢一招 非常 得戚 佢 話 ：唓 羚羊 掛角 算得 乜嘢 吖 ？我 仲 有 好多 厲害 手法 都 未 使出嚟 咋 。
噉 真 係 好 喇 ， 我 哋 再 嚟 鬥過 啦 。
韋小寶 個 心 諗 ：原來 你 學過 武功 嘅 ，唔怪得 打 你 唔過 啦 。
不過 你 使 一招 ，我 就 學 一招 ，至多 咪 畀 你 𢴈 多 幾 跤 ，噉 你 嘅 法子 呢 ，我 實 學 得到 嘅 。
只見 小玄子 又 撲過嚟 ，好 ，佢 即刻 猛力 撲過去 。
點知 小玄子 呢一撲 係 假嘅 ，等 韋小寶 撲到嚟 ，佢 已經 收勢 側身 避開 。
噉啊 用 手 喺 佢 背脊 一 推 ，韋小寶 撲空 咗 ，本來 就 已經 收腳 唔住 㗎 喇 ，再 畀 佢 順力 一 推 ，當堂 啪 一 聲 𢴈 到 佢 直 。
好嘢 ！小玄子 大聲 歡呼 ，跳過嚟 騎喺 佢 背上 大聲 叫 ：投唔投降 啊 你 ？
韋小寶 話 ：唔 投降 ！
正話 想 挺腰 翻起身 ，突然間 腰間 一陣 酸麻 ，後腰 兩處 穴道 已經 畀 小玄子 屈埋 手指 頂實 。
呢一手 ，正係 海老公 尋晚 所教 嘅 手法 。
自己 雖然 係 學會咗 ，但係 畀 對方 搶先 用出嚟 。
韋小寶 掙扎咗 幾下 始終 掙扎唔甩 ，就唯有 大叫 話 ：好啦好啦 ，投降 你 一次 啦 。
小玄子 哈哈大笑 放翻佢 起身 。
韋小寶 突然 伸腳 𠽤 過去 ，小玄子 啊 爭啲 跌倒 。
韋小寶 順手 出拳 打正 佢 腰眼 ，小玄子 啊 痛到 呻咗 一 聲 彎低 條 腰 。
韋小寶 喺 後便 撲 上去 雙手 箍住 佢 條 頸 ，箍到 小玄子 啊 暈 起 上嚟 ，趴咗 喺 地 。
韋小寶 高興 喇 ， 雙手 緊緊 箍 住 佢 唔 放 問 佢 ： 你 投 唔 投降 ？ 你 投 唔 投降 ？
小玄子 哼咗 一聲 ，突然間 雙手 向後 便 出力 打 個 包踭 。
韋小寶 心口 嘅 肋骨 呀 痛到 想 斷 噉 ，大叫 一 聲 就 打仰 就 跌倒 。
小玄子 翻身 坐喺 佢 心口 上 便 ，呢個 回合 又 贏咗 喇 。
只 係 猛 咁 喘氣 ， 亦 已經 辛苦 到 上氣 唔 接下 氣 嘞 ， 問 佢 ： 服 ， 服 ， 服服 唔 服 吖 你 ？
韋小寶 話 ： 服個 屁 ！ 唔 ， 唔 服 ， 一百個 ， 一萬個 唔 服 ， 你 不過 ， 你 不過 撞 啱 贏 啫 嘛 。
你 唔 服 ？ 你 唔 服 就 起身 打過 啦 。
韋小寶 雙手 撐地 ，只係 想 出力 噉 彈起身 ，但係 心口 要害 嘅 地方 畀 對手 扼住 ，乜嘢 力 都 使唔出 ，噉 僵持咗 好耐 就 唯有 又 投降 一次 嘞 。
小玄子 企 起身 ，覺得 雙手 酸軟 。
韋小寶 啊 勉強 企起嚟 ，個人 呢 亦 搖搖岌岌 ，佢 話 ：
聽日 ，唉 ，聽日聽 ，聽日再嚟打過 ，非 ，非要你投降不可 。
小玄子 就 笑住 話 ：再 打 一百 次 ，你 都 亦都 係 ，亦都 要 輸 嘅 ，你 有 膽 ，聽日 就 再 嚟 打過 啦 。
韋小寶 話 ：怕 你 冇 膽 咋 ，我 為 咩 事 冇膽 啊 ？死約會 ，不見不散 。
小玄子 話 ：好 ！死約會 ，不見不散 。
兩個人 都 打到 㷫晒 ，都冇 提到 輸賭銀兩 嘅 事 。
小玄子 既然 唔 提 喇 ，韋小寶 更加 唔 提 啦 詐詐諦諦 唔 記得 呢件事 就算 喇 。
如果 係 佢 贏咗 啊 ，佢 就 實會 問 小玄子 攞 嗰 三兩 銀 啫 。
韋小寶 返到去 住地 同 海老公 話 ：公公 啊 ，你 個 法子 都 唔 使得 嘅 ，冇用 㗎 。
海老公 哼咗 一聲 話 ：冇出息 ，又 打輸咗 啦 ？
如果係用我自己嘅法子 ，雖然 唔一定 實贏 ，不過 亦 唔見得 實輸 啊 。
不過 你啲 法子 亦 太過 水皮 啦 ，人哋 啊 夠 會 喇 有 咩 稀奇 啫 ？
咩話 ？乜 佢 都 識 呢種 法子 咩 ？
你 試 畀 我 睇下 。
韋小寶 個 心 諗 ：你 又 盲眼 嘅 試 畀 你 睇 下 喎 ，唔通 你 見得到 咩 ？
佢 突然間 心念 一動 ：啊 唔知 佢 係 真盲 定係 假盲 呢 ，係 要 試下 佢 至 得 。
噉啊即刻 兩隻手 踭 向後 便 一撞 ，佢 話 ：佢噉樣 一撞 ，撞到 我 周身 三千 條骨 啊 條條 都 痛啊 。
海老公 歎咗 一口氣 話 ：你 話 噉樣 一撞 ，我 又 點 見得到 吖 ？
佢 震揗揗 噉 企起身 嚟 話 ：你 試下 學 佢 個 樣 。
韋小寶 個 心 偷笑 嘞 ：隻 老烏龜 真係 盲 咗 啊 。
於是就用背脊 向住佢 ，手踭呢 就慢慢 向後便撞過去 話 ：
佢 用 手踭 就係 噉樣 撞 我 喇 。
等到 手踭 掂到 海老公 嘅 心口 ，佢 就 唔再 使力 。
海老公 嗯咗 一聲 話 ：係 腋底 錘 ，都 唔算 得 乜嘢 吖 。
韋小寶 話 ：仲有 噉 添 啊 。噉啊 拉住 海老公 嘅 左手 放 喺 自己 嘅 右膊 ，佢 話 ：
佢 出力 一捹 ，我 個人 呢 就 喺 佢 頭殼 頂 飛咗 過去 喇 。
呢一招呢 ，其實 係 佢𢴈到 小玄子 嘅 得意 之作 ，就 故意 調轉 嚟 講 ，想 考下 海老公 。
海老公話 ：呢招 係 羚羊 掛角 。
韋小寶 話 ：原來 你 早就 知道 㗎喇 。
噉啊 跟住 拉住 海老公 嘅 手臂 慢慢 向後 拗轉 。
海老公話 ：嗯 ，呢招 係 倒折梅裏便 嘅 第三手 。
仲有 乜嘢 添吖 ？
嗱 各位 ，欲知 後事 如何 ，且 聽 下回 分解 。
