前文 再續 就 書 接 上 一回 啊 。
話說 查伊璜 同 個 乞兒 喺 間 爛廟 裏 便 食 狗肉 、飲 燒酒 。
冇幾耐 ，狗肉 食 清光 嘞 ，酒 亦 飲晒 嘞 。
嗰個 乞兒 哈哈 大笑話 ：哈哈哈哈 ，誒 可惜 酒 少啲 ，飲唔醉 孝廉公 唧 。
查伊璜話 ：舊年 冬天 喺 舍下 見面 ，今日 又 無意中 相遇 ，真係 有緣 喇 。
老兄 神力 驚人 ，原來 係 一位 海內 奇男子 。
能夠 結交到 你 呢位 朋友 ，小弟 真係 好 歡喜 。
老兄 如果 有 興致 ，我哋 去 酒樓 ，再 飲 呢 如何 啊 ？
嗰個 乞兒 話 ：好啊 ，好啊 。
噉 兩個人 去 西湖 邊 嘅 樓外樓 酒樓 ，又 試 飲過 。
冇 幾耐 ，查伊璜 又 飲醉 嘞 。
等到 酒醒 啦 ，個 乞兒 已經 不知 去向 。
嗰啲 呢 係 ，明朝 崇禎 末年 嘅 事 嘞 。
過咗 幾年 ，清兵 入關 ，明朝 滅亡 。
查伊璜 唔肯 再 考試 做官 嘞 ，只係 喺 屋企 悠悠閒閒 噉 過日子 。
有一日 ，忽然間 有 一名 軍官 帶住 四名 兵丁 就 嚟到 屋企 。
查伊璜 吃咗 一驚 啊 ，估話 有禍 啦 ，點知 嗰個 軍官 對 佢 好 恭敬 話 ：
奉 廣東省 吳 軍門 之 命 有 薄禮 奉贈 。
查伊璜話 ：我 同 貴 上 素不相識 ，怕 搞錯 咗 咯啩 ？
個 軍官 攞出 個 拜盒 ，又 攞出 一 張 大 紅 泥金 名帖 。
上面 寫住 ：拜上 查 先生 伊璜 ，諱 繼佐 ；
下便 寫 嘅 係 ：眷 晚 生 吳 六 奇 頓首 百拜 。
查伊璜 個 心 諗 ：我 連 呢個 吳六奇 個 名 都 未 聽過 ，點解 送禮 畀 我 呢 ？
當時 佢 沉沉吟吟 唔出聲 。
個 軍官 話 ：敝上 話 ，些少 薄禮 請 查 先生 唔好 見笑 。
講完 將 兩個 朱漆 燙金 嘅 圓盒 放 喺 枱面 ，請咗 個 安 ，就 告辭 走嘞 。
查伊璜 打開 個 禮盒 一 睇 ，竟然 係 五十 兩 黃金 ；
另外 嗰 一 盒 呢 ，係 六 樽 洋酒 ，酒樽 上面 係 用 明珠 翡翠 裝飾 ，十分 華貴 。
查伊璜 就 更加 吃驚 ，追出去 要 嗰個 軍官 收返 啲 禮物 。
但係 嗰個 軍官 已經 去咗 好遠 追唔到 嘞 。
查伊璜 個 心 諗 ：飛來 橫財 ，都係 ，禍 多過 福 咯 。
唔通 有人 想 陷害 我 ？
噉啊即刻 將 兩個 禮盒 用 封條 封起嚟 ，收埋 佢 。
過咗 幾個月 ，亦 冇 咩嘢 動靜 。
呢一日 ，有 一名 着得 好 光鮮 嘅 公子 嚟到 求見 。
呢個 公子 不過 係 十七八歲 唧 ，精神 飽滿 氣宇 軒昂 ，帶住 八名 隨從 。
一見到 查伊璜 ，即刻 跪低 叩頭 話 ：
查世伯 ，侄子 吳寶宇 拜見 。
查伊璜 連忙 扶 起 佢 話 ： 誒 唔 敢當 唔 敢當 ， 尊大人 係 邊位 啊 ？
嗰個 吳寶宇 話 ：家嚴 名諱 上 六 下 奇 ，現居 廣東省 ，通省 水陸 提督 之 職 ；
特命 小侄 前來 恭請 世伯 去 廣東 住 幾個月 啊 。
查伊璜 話 ：以前 承蒙 令尊 大人 厚賜 個 心 十分 不安 。
講起嚟 好 慚愧 ，兄弟 記性 好差 ，都 記唔起 幾時 同 令尊大人 相識 嘞 。
兄弟 一介書生 ，素來 唔 結交 貴官 。
誒 公子 請坐 一陣 先 。
講完 就 行咗 入去 內室 ，將 嗰個 禮盒 捧 出嚟 佢 話 ：
請 公子 帶返去 ，實在 唔敢 受 咁 厚禮 。
查伊璜 個 心 諗 呢個 吳六奇 喺 廣東 做 提督 嘅 ，必定 係 仰慕 自己 嘅 名聲 ，想 用 重金 請 自己 去 做 幕客 定 嘞 。
呢 個人 做 大官 ， 為 滿洲 人 做 鷹犬 ， 欺壓 漢人 ， 如果 受 咗 佢 嘅 錢 ， 噉 啊 玷污 咗 自己 嘅 清白 。
吳寶宇 話 ：家 嚴 吩咐 ，務必 請到 世伯 嘅 。
世伯 如果 唔記得 家 嚴咯 ，有 一件 嘢 響 處 ，請 世伯 睇下 。
講完嘞 ，喺 隨從 手上 接過 一個 包袱 打開嚟 ，原來 係 一件 好 舊 嘅 羊皮 袍 。
查伊璜 見到 呢件 袍 ，記得 就係 往年 送 畀 一個 乞兒 嘅 ，噉 先至 恍然大悟 。
原來 呢個 吳六奇 將軍 ，就係 當年 同 佢 一齊 飲酒 嘅 酒友 。
個心一動 ：吖 ，而家 清兵 佔領 我哋 天下 ，如果 有 手握 兵符 嘅 人 首先 舉起 義旗 ，噉 四方 響應 ，講唔定 就 可以 將 清兵 趕出 關外 噃 。
呢個 奇人 居然 仲 記得 我 往日 請過 佢 飲酒 ，送過 件 皮袍 畀 佢 ，噉 就 唔係 冇 良心 嘅 人 。
我 如果 同佢 講明 道理 ，都 未嘗 冇 希望 嘅 。
而家 正係 男兒 建功 報國 嘅 時候 ，大不了 就 畀 佢 殺咗 我 啫 ，又 有 乜 點 唧 。
於是就 歡歡喜喜 應承 ，嚟到 廣州 。
吳六奇 將軍 接咗 佢 入去 將軍府 ，對 佢 極之 恭敬 。
佢 話 ：六奇 流落 江南 ，賀蒙查 先生 不棄 ，當 我 係 個 朋友 。
請 我 飲酒 ，送 皮袍 畀 我 ，倒是 一件 小事 。
喺 嗰間 爛廟 裏 便 ，肯 同 我 一齊 用 一個 缽頭 飲酒 ，用手 嚟 揦 狗肉 食 ，噉 先至 真正 睇得起 我 。
六奇 當其時 ，窮途 老倒 ，到處 都 畀 人哋 睇唔起 嘅 。
查 先生 噉 樣 熱心 對待 我 ， 當堂 令到 六奇 大為 振奮 ， 先 能夠 有 今日 啊 ， 都 係 出於 查 先生 之 賜 啊 。
查伊璜 平平淡淡噉 話 ：喺 晚生 睇起嚟 ，今日 嘅 吳將軍 亦 唔見得 就 叻過 當年 嘅 雪中乞兒 啊 。
吳六奇 打個突 ，亦冇 再 問 嘞 ，只係 話 ：係嘅 ，係嘅 。
當晚 ，大排筵席 ，噉啊 請晒 廣州 城內 嘅 文武官員 參加 。
請查伊璜 坐咗 首席 ，自己 就 坐 喺 下首 便 作陪 。
廣東省 由 巡撫 以下 嘅 文武百官 ，見到 提督 大人 對 查伊璜 咁 恭敬 ，個個 都 覺得 好 稀奇 啦 。
嗰個 巡撫 仲 以為 查伊璜 ，係 皇帝 派出嚟 微服 察訪 嘅 欽差大臣 噃 。
否則 吴六奇 平日 對人 就 好 驕傲 嘅 ，何以 而家 對 呢個 江南 書生 係 咁 必恭必敬 呢 ？
散咗席之後 ，個巡撫 就 靜靜 問 吳六奇 ，呢位 貴客 係咪 朝上 紅員 啊噉 。
吳六奇 微微 一笑 佢 話 ：嗯 老兄 認真 聰明 ，鑒貌辨色 ，十有九中 啊 。
呢句 說話 嘅 意思 呢 本來 係 諷刺 佢 ，話 佢 呢 第十次 就 估 錯咗 。
點知 嗰個 巡撫 竟然 會 錯咗 意 ，估話 查 伊璜 真係 欽差 。
個 心 諗 呢位 查 大人 喺 吳 提督 府 裏 便 居住 ，就 已經 畀 佢 巴結 上 咯 。
吳提督 同 自己 呢 向來 有 啲 唔啱橋 嘅 ，如果 欽差大人 回京 之後 ，向 皇上 稟奏 對 我 不利 噉 就 弊 傢伙 喇 。
一返到屋企 ，即刻就 準備咗 一份重禮 ，第日 一朝早 唧 ，就 送去 提督府 。
吳六奇 就 出嚟 見客 ，話 查 先生 尋晚 大醉 都 未 醒 ，府台 嘅 禮物 一定 代為 交到 嘅 ，一切 放心 ，唔使 掛住 嘅 噉 。
巡撫 一 聽 就 好 歡喜 ，猛咁 話 多謝 多謝 噉 就 返 扯 啦 。
消息 傳開咗 ，啲 官員 都 知道 巡撫大人 送咗 份 厚禮 畀 查 先生 。
呢位 查 先生 係 咩嘢 來頭 就 不得而知 嘞 ，但係 連 巡撫 都 送 厚禮 ，自己 點 可以 唔 送 呢 ？
幾日之間 ，提督府 裏 便 嘅 禮物 多到 好似 山仔 噉 。
吳六奇 就 吩咐 賬房 全部 照 收 ，但係 呢 就 唔 畀 查 先生 知道 。
佢 就 每日 除咗 去 軍府 辦理 公事 之外 ，總係 陪住 查伊璜 飲酒 。
呢一日 ，傍晚時分 ，兩個人 又 喺 花園 涼亭 裏 便 飲酒 。
酒 過 三 巡 ，查伊璜 話 ：喺 府上 叨擾 咁多 日 ，已經 好 感激 盛情 嘞 ，晚生 聽日 就 要 返 扯 喇 。
吳六奇 話 ：哎 ，先生 乜噉 講 。
先生 嚟 一次 唔 容易 ，如果 唔住 返 一年半載 我 點 都 唔 放 先生 返 去 。
聽日 ，陪 先生 去 五層樓 玩下 。
广东 嘅 風景名胜 好多 啊 ，幾個月 嘅 時間 都 遊覽 唔盡 㗎 。
查伊璜 趁住 啲 酒意 ，大膽 噉 話 ：
山河 雖然 係 美好 ，不過 已經 淪陷 於 夷狄 之 手 ，見到 盞 傷心 啫 。
吳六奇 面色 有啲 變變地 喇 佢 話 ：先生 飲醉 ，早啲 休息 啦 。
查伊璜話 ：初初 遇見 你 嘅 時候 ，我 敬重 你 係 個 風塵豪傑 ，可以 做 個 朋友 。
誰不知 ，竟然 係 睇錯咗 眼 咯 。
點解 睇錯咗 眼 呢 ？
你 有 大好 身手 ，唔 去 為 國 為 民 出力 ，反而 助 紂 為 虐 ，做 清廷 嘅 鷹犬 ，欺壓 我 大漢 百姓 。
而家 ，仲 喺度 洋洋得意 都 不以為恥 。
呵呵 ，查某 同 你 做 朋友 覺得 好 醜 啊 。
講完 ，啪聲 企起身 。
吳六奇話 ：先生 唔好 咁 大聲 ，你 嘅 說話 畀 人 聽見 咗 ，就係 一場 大禍 啊 。
查伊璜 話 ： 我 今日 仲當 你 係 個 朋友 ， 有 一番 良言 勸 你 ， 你 如果 唔 聽 ， 就 不妨 殺 咗 我 。
查某 手無縛雞之力 ，橫掂 都 難以 反抗 嘅 。
吳六奇 話 ：在下 洗耳恭聽 。
查伊璜話 ：將軍 手握 廣東 全省 兵權 ，正係 起義 反正 嘅 良機 。
登高 一 呼 天下 響應 ，縱然 大事 唔 成功 啊 ，亦 會 使 清廷 嚇破膽 ；
轟轟烈烈噉大鬧佢一場 ，先至 不負 你 天生 神勇 ，大好頭顱啊 。
吳六奇 斟滿 一碗 酒 ，咕咕咕咕 飲晒 佢 然後 話 ：
先生 講得 真 痛快 。
雙手 一伸 ，瀡 一聲 ，撕開 自己 嗰件 長衫 ，打出 生滿 黑毛 嘅 心口 。
噉撥開啲心口毛 ，只見 皮膚 上面 刺住 八個 細字 ：天父 地母 ，反清復明 。
查伊璜 又 驚 又 喜 佢 問 ：呢 ，呢 ，呢啲 係 乜嘢 啊 ？
吳六奇 掩 返 好 衣襟 佢 話 ：先頭 聽到 先生 一番 偉論 ，可敬 可佩 。
先生 唔顧 殺身滅族 嘅 大禍 ，披肝瀝膽 ，向 在下 指點 ，在下 點 敢 再 行 隱瞞 呢 ？
在下 ，本來 喺 丐幫 ，而家 ，係 天地會 嘅 洪順堂 紅旗 香主 ，誓 以 滿腔 熱血 ，反清復明 ！
查伊璜 見到 吳六奇 心口 嘅 刺字 ，就 再冇 懷疑 喇 佢 話 ：
原來 將軍 身在 曹營 心在 漢 ，先頭 言語 冒犯 ，得罪 晒啊 。
吳六奇 好高興啊 ，佢 心諗 ：身在曹營心在漢 ，噉就 將 自己 比作 關雲長 喇 。
佢 話 ：噉樣 嘅 比喻 真係 唔 敢當 。
查伊璜話 ：唔知 何謂 丐幫 ，何謂 天地會 呢 ？倒是 要 請教 將軍 嘞 。
吳六奇 話 ：先生 請 再 飲 一杯 ，等 在下 慢慢 講 你 聽 。
於是 兩個人 就 各 飲咗 一杯 。
吳六奇 話 ： 丐幫 呢 ， 已經 有 咗 好 耐 㗎 喇 ， 自從 宋朝 以 嚟 ， 就 係 江湖 上 一個 大幫 。
幫內 嘅 兄弟 ，都 係 以 行乞 為 生 。
就算 係 家財 百萬 嘅 人 ， 一入 咗 丐幫 ， 亦 要 散 盡 家財 ， 過 乞兒 嘅 生活 嘅 。
幫內 ， 當然 係 以 幫主 嘅 地位 係 最高 嘞 。
幫主 以下 係 四大 長老 ， 再 下 呢 ， 係 前 、 後 、 左 、 右 、 中 ， 五方 護法 。
在下 位居 左護法 ，喺 幫 內 算 係 八袋弟子 ，位置 都 唔 算 低 。
收尾 ，有 一次 因為 同一個 姓 孫 嘅 長老 不和 ，打起交嚟 ，在下 當時 飲醉酒 ，一時 失手 將 佢 打到 重傷 。
唔尊敬尊長 呢 已經 係 違犯 幫規 嘞 ，打傷 長老 更加 係 大罪 。
幫主 同 四長老 一齊 商議 之後 ，就 將 在下 斥責 開除 出 幫 。
嗰日 ，喺 府上 相遇 ，先生 請 我 飲酒 。
當時 在下 啱啱 被 開除 ，心情 非常之 鬱悶 ，承蒙 先生 不棄 ，仲 當 在下 係 個 朋友 ，胸懷 當堂 舒暢 返 。
查伊璜話 ：啊 ，原來 噉嘅 。
吳六奇 跟住 話 ：第二年 春天 ，喺 西湖 邊 再次 見面 ，先生 不但 冇 睇 我 唔起 ，仲 稱讚 我 係 海內 奇男子 添 。
在下 諗咗 好多日 ，我自己 不容 於 丐幫 ，江湖上 朋友 都 睇 我 唔起 。
唉 ，每 日 爛醉如泥 ，自暴自棄 ，睇住 喺 幾年 之間 就 會 醉死 。
呢位 查 先生 ，卻 話 我 係 個 奇 男子 喎 ，我 吳 六 奇 唔通 就 噉樣 ，跌倒 唔起得返身 ，再 無 出頭之日 ？
過咗冇幾耐 ，清兵 南下 ，當時 我 個心 好 憤激 ，亦 不明 是非 ，噉 就 去 投效 清軍 ，立咗 唔少 軍功 ，殘殺 同胞 ，諗起嚟 ，非常 慚愧 啊 。
噉 就 唔 啱 咯 ， 老兄 不容 於 丐幫 ， 獨來獨往 亦 好 吖 ， 自立門戶 亦 好 啊 ， 噉 啊 何苦 出此下策 ， 要 去 投效 清軍 呢 ？
在下 又 蠢 又 粗魯 ，當時 未 得到 先生 嘅 教誨 ，做咗 唔少 錯事 ，真係 該死 到 極 。
將軍 既然 知錯 ，將功贖罪 都 仲 唔遲 。
收尾 清兵 席捲 南北 ，我 亦 做咗 提督 。
喺 兩年 之前 ，有 個人 半夜 闖入 我 臥室 行刺 。
呢個 刺客 武功 唔係 我 嘅 對手 ，畀 我 捉住 咗 。
點着燈一睇 ，竟然 就係 往年 畀 我 打傷 嘅 嗰位 丐幫 孫長老 。
佢 開口 就 鬧 我 ，話 我 卑鄙 無恥 ，甘心 做 滿洲 嘅 走狗 。
佢 越鬧 就 越 犀利 ，哎 每句 說話 都 打中 我 個 心 啊 。
呢啲 說話 有時候 我 自己 都 諗到 㗎 ，明知 自己 所作所為 好唔啱 。
噉 半夜 撫心自問 ，極之 慚愧 。
只係 自己 所 想到 個 呢 ，遠遠 冇 佢 鬧得 咁 明白 痛快 。
噉 我 歎咗 口氣 ，界 開咗 佢 畀 個 封住 嘅 穴道 我 話 ：孫長老 ，你 鬧得 好啱 ，你 走 啦 噉 。
佢 都 覺得 好奇怪 ，噉啊 跳窗 走咗 咯 。
查伊璜話 ：呢件事 你 噉 做 又 啱 。
吳六奇話 ：嗰陣時 ，提督衙門 嘅 監獄 裏 便 ，韞咗 唔少 反清 嘅 好漢 。
第日 一早 ，我 搵 啲 藉口 ，一個 二個 將 佢哋 放晒 。
有啲話 係 捉錯咗 人 ，有啲 又 話 唔係 主犯 啊 噉 等等 ，噉啊 從輕 發落 。
過咗 個 幾月 啦 ，嗰位 孫長老 半夜 又 嚟 見 我 ，開門見山 就 問 我 ：係咪 已經 有 悔悟之意 ，願意 反清立功 ？
我 拔出 把 刀 嚟 ，一刀 斬斷 咗 左手 兩隻 手指 話 ：
我 吳六奇 決心 痛改前非 ，今後 ，聽從 孫長老 號令 ！
吳六奇 講到 呢處 ，就 伸出 隻 左手 。
果然 佢 無名指 同 手指尾 已經 唔見 ，只係 剩返 三隻 手指 。
查伊璜 豎起 手指 公讚 佢 話 ：真係 好漢 ！
吳六奇 繼續 話 ：孫長老 見 我 咁 誠意 ，又 知道 我 雖然 係 性情 魯莽 ，不過 講過 嘅 說話 呢 ，從來 冇 唔算數 嘅 。
佢 話 ：好吖 ，等 我 回覆 幫主 ，請 幫主 指示 啦 。
十日之後 ，孫長老 又 嚟 見 我 ，話 幫主 同 四長老 商量 ，就 決定 收 我 回 幫 ，重新 由 一袋 弟子 做起 。
又話 丐幫 已經 同 天地會 結盟 ，同心協力 反清復明 。
嗰個 天地會 呢 ，係 臺灣 國姓爺 鄭 大帥 手下 嘅 謀士 陳永華 陳 先生 創立 嘅 。
近年來 喺 福建 、浙江 、廣東 一帶 非常 興旺 。
孫長老 同 我 介紹咗 天地會 廣東 洪順堂 香主 ，就 加入 天地會 。
天地會 就 查咗 我 一年 ，交咗 幾件 緊要 嘅 事 畀 我 去 辦 ，見到 我 確實 係 忠心 不貳 嘞 ，噉 最近 陳 先生 喺 臺灣 通知 落嚟 ，封咗 我 做 洪順堂 紅旗 香主 。
查伊璜 雖然 唔 清楚 天地會 嘅 來歷 ，但係 臺灣 國姓爺 延平郡王 鄭成功 ，孤軍 抗清 ，精忠 英勇 就 天下 冇 唔 人 知 嘅 。
呢個 天地會 既然 係 佢 手下 謀士 陳永華 創立 嘅 ，噉 自不然 係 志同道合 嘅 人 嘞 ，就 不歇 咁 岌頭 。
吳六奇 又 話 ：國姓爺 往年 率領 大軍 ，圍攻 金陵 ，又可惜 寡 不敵 眾 ，退返 去 臺灣 。
但係 留喺 ，江浙閩 三省 嚟唔切 退返去 嘅 官兵 ，仲有 好多 。
陳 先生 暗中 聯絡 啲 老兄弟 ，組成咗 呢個 天地會 。
會裏 便 嘅 口號 就係 天父 地母 ，反清復明 。
即係 ，在下 心口 所 刺 嗰 八個 字 。
一般 會裏 便 嘅 兄弟 身上 亦 唔 刺字 嘅 ；
在下 之所以 自行 刺字 ，係 學 一學 當年 岳武穆 盡忠 報國 嘅 意思 唧 。
查伊璜 非常 歡喜 ，噉 又 連氣 飲咗 兩杯 酒 佢 話 ：
兄台 噉嘅 行為 ，真正 不愧 稱為 海內 奇 男子 嘞 。
吳六奇話 ：海內 奇男子 五個字 實在 唔敢當 。
只要 查 先生 肯認 我 係 個 朋友 ，姓 吳 嘅 已經 快活 到 不得了 喇 。
我哋 天地會 總 舵主 陳永華 陳 先生 ，又 有 個 名 叫做 陳近南 啊 。
佢 先至 真正 係 響當當 嘅 英雄好漢 ，江湖 上 講起 佢 嚟 ，冇人 唔 尊敬 嘅 。
呢 ，有 兩句 說話 講得 好 ：平生 不識 陳近南 ，就 稱 英雄 也 枉然 啊 。
在下 仲 未 見過 陳 總舵主 嘅 面 ，唔 算得 咩 嘢 人物 ！
查伊璜 想像 陳近南 個 英雄氣概 就 非常之 神往 。
佢 斟 咗 兩 杯 酒 話 ：嚟 ，我哋 為 陳 總舵主 乾 一 杯 ！
噉 兩個人 一啖 飲乾 ，查伊璜 話 ：
查 某一 介書生 ，於 國 於 民 全 無 裨益 。
只要 將軍 喺 邊 一日 乘機 而 動 ，奮起 抗 清 ，查某 必當 投效 軍前 ，稍 盡 微勞 啊 。
由 呢日 起 ，查伊璜 喺 吳六奇 府 內 ，同 佢 日夜 密談 ，商量 抗清 嘅 策略 。
吳六奇話 ：天地會 嘅 勢力 已經 逐步 擴展 到 北方 各 省 ，各個 大省 之中 都 已經 開咗 香堂 。
查伊璜 喺 吳六奇 處 ，住咗 六七 個 月 咁耐 ，噉 先至 返 家鄉 。
返到屋企 ，大吃一驚啊 ，咩嘢事呢 ？
只見 喺 舊屋 旁邊 ，竟然 間 起咗 好大 一片 新屋 。
原來 吳六奇 派 人 帶咗 廣東 大小 官員 所 送 嘅 禮金 ，就 嚟到 浙江 查伊璜 個 府上 大興土木 起 新屋 。
查伊璜啊知道 黃宗羲 同 顧炎武 ，都 係 一心 要 興復 明朝 ，平時 就 四處 奔走 ，聚集 天下 英雄 豪傑 共 圖 反清 。
因此呢 ，就 將 呢件事 毫不隱瞞噉 同 佢 講咗 。
話說 黃宗羲 喺 船上 將 呢件事 ，原原本本 噉 講晒 畀 呂留良 聽 。
到 最 收尾 佢 話 ： 呢 件 事 ， 如果 洩 漏出去 ， 畀 清廷 先下手 為強 ， 噉 伊璜 先生 同 吳將軍 固之然 有 滅族 之禍 啦 ；
而 反清 嘅 大業 ， 亦 即 係 斷 咗 一條 棟樑 喇 。
呂留良話 ：除咗 你 兩位 同 我 三個人 之外 ，呢件事 啊 半個字 都 決唔能夠 講出去 。
就算 見到 伊璜 先生 ，亦 決唔能夠 提到 廣東 吳將軍 嘅 名 。
各位 ，欲知 後事 如何 ，且 聽 下回 分解 。
