一九七五年 十一月 初 嘅 一 日下午 ，主席 瞓完 午睡 ，小孟 又 同 主席 讀報 ，無非 係 嗰啲 批判 嘅 文章 。
毛澤東 依舊 係 似聽非聽 ，冇 任何 反應 。
小孟 讀咗 一陣 報紙 ，見到 主席 反應 冷淡 ，就 唔知 應該 讀啲 乜嘢 好 。
只見 主席 向 佢 擪 下手 ，意思 係 要 佢 行近 床邊 。
小孟 行過去 ，主席 話 ：
唔好 讀 嗰啲 乏味 嘅 文章 喇 ，盡 下 醫生 嘅 責任 啦 。
請你 幫我 按摩 下個 頭 好嘛 ？
我 個 頭 有 啲 發脹 啊 。
於是 小孟 就 用 手 喺 主席 嘅 前額 部分 按摩 嘞 ，從 鼻樑 向 上 慢慢 推 ，推到 前額 嘅 中間 ，然後 將 兩隻 手指 分開 ，向 兩側 嚟到 推 ，一直 推到 太陽穴 。
小孟 一便 按摩 一便 問 ：
噉樣 按摩 啱唔啱 啊 ？可以 吖嘛 ？
可以 ， 你 簡直 係 個 按摩 大夫 啊 。
你 表揚 我 真係 唔容易 啊 。
小孟 見 主席 嘅 精神 ，比 先頭 讀報 個 時候 好得多 ，亦 願意 講説話 喇 ，佢 就 話 ：
呢一排 ，報上 登 嘅 文章 都係 唔點名 批 鄧小平 嘅 。
我覺得 鄧小平 同志 好好啊 ，人哋 嘅 心地 唔錯 ，根本 唔係 反 你 嘅 。
毛澤東 聽 佢 噉 講 就 話 ：
鄧小平 ，係 鄧水平 嘛 ，佢 有 能力 嘅 。
噉唔係 ，我 返屋企 聽過 我啲 親戚 講 ，科學院 搞咗 整頓 之後 ，好 有 成績 ，大家 係 服氣 嘅 。
我 畀 你 一個 任務 ：
你 以後 再 返 屋企 嘅 時候 ，就 多啲 打聽 外便 嘅 情況 ，乜嘢 情況 都 要 聽 。
外便嘅 世界 精彩 到 極 啊 。
喺 我 呢度 ，淨係 睇 報紙 ，聽 文件 ，唔得 嘅 。
鄧小平 ，鄧水平 ，呢個 係 毛澤東 對 小平 同志 嘅 最終 評價 。
呢個 評價 始終 因為 一啲 人 嘅 封鎖 ，唔能夠 及時 傳達 出去 。
除咗 極少數 個人 之外 ，大多數 個人 始終 認為 ，毛澤東 日理萬機 ，夜以繼日 噉 工作 。
毛澤東 永遠 係 神采奕奕 ，精神矍鑠 。
毛澤東 總係 好似 喺 畫報 上 所見到 嘅 照片 噉樣 ，經常 伏案 執筆 ，批閲 文件 ；
喺 會議室 裏 便 開會 ，喺 工廠 田頭 視察 等等 。
直到 一九七六年 九月九日 ，人們 先至 喺 不知所措 嘅 茫然 之中 ，結束 咗 呢種 想象 。
其實 人們 喺 報紙 上 、喺 熒幕 上 、喺 一切 宣傳 嘅 窗口 裏 便 ，都 睇唔到 毛澤東 晚年 真實 嘅 工作 情況 。
人們 只 係 知道 ， 領袖人物 ， 特別 係 早就 畀 人 神話 咗 嘅 毛澤東 ， 喺 度 決策 住 國家 嘅 一切 ， 主宰 住 人民 嘅 命運 。
毛澤東 嘅 一 舉手 ，一 投足 ，都 會 對 歷史 造成 巨大 嘅 波瀾 。
毛澤東 嘅 任何 一個 意念 ，都 會 形成 滔滔 洪水 一瀉千里 。
喺 中國 噉 樣 一塊 特定 嘅 土地 上 ， 喺 二十世紀 七十年代 噉 樣 一個 特定 嘅 歷史 時期 ， 毛澤東 具有 特別 嘅 權力 ， 特別 嘅 威望 。
佢 喺 佔 全世界 四分之一 嘅 人們 嘅 心目 中 ， 係 生命 ， 係 希望 ， 係 光明 ， 係 永遠 不 落 嘅 紅太陽 。
人們 並冇 完全 估錯 ，毛澤東 直至 生命 嘅 最後 時刻 ，依然 喺度 工作 。
只不過 佢 嘅 工作方式 、工作環境 、工作形象 ，唔係 好似 人們 嘅 猜測 噉樣 啫 。
毛澤東 嘅 工作 ，到咗 佢 嘅 黃昏 歲月 ，已經 唔係 喺 辦公室 ，亦 唔係 喺 會議室 ，更加 唔係 喺 田間地頭 ，而係 ，喺 佢 嘅 卧室 裏 便 。
更加 確切 啲 、 更加 具體 啲 嚟 講 ， 係 喺 佢 嘅 床 頭上 便 。
毛澤東 早就 唔能夠 伏案 執筆 ，急書狂草 嘞 。
而 係 用 佢 顫抖 嘅 手 ， 慢慢 噉 非常 費力 噉 寫 。
人們 並冇 估錯 ，儘管 毛澤東 已經 係 重病纏身 ，但係 佢 依然 喺度 工作 ，而且 係 直至 生命 嘅 最後 時刻 。
儘管 毛澤東 病卧床榻 ，心臟病 、腦血管病 ，將 佢 折磨到 心力交瘁 。
儘管 毛澤東 早就 已經 步履蹣跚 ，兩腿 無力 ；
儘管 毛澤東 有 時候 講説話 都 好 困難 ；
儘管 佢 嘅 手 ，震到 攞唔起 一支 好 輕 嘅 筆 ，但係 毛澤東 依然 繼續 喺度 工作 。
如果 毛澤東 係 一個 普通 老人 ，到 咗 佢 噉 嘅 年紀 ，噉 嘅 身體 狀況 ，佢 早就 應該 去 醫病 ，去 住 醫院 ，去 療養 ，去 休息 嘞 。
但係 毛澤東 係 領袖 ，係 統帥 ，佢 似乎 唔能夠 唔 工作 。
呢 啲 係 畀 一種 崇高 嘅 思想境界 所 驅使 呢 ？ 抑或 係 客觀 環境 所 逼 ？
係唔係 身在其位 ，必謀其政 呢 ？
唔理 點 講 都 好啦 ，毛澤東 喺 最後 一年 幾 嘅 日子 裏 便 ，佢 依然 處理住 國家 大事 ，依然 關照住 國際 鬥爭 嘅 風雲 ，依然 掌握住 生殺予奪 嘅 大權 。
佢 絕對 冇 交班 嘅 啲 多 表示 ， 直至 佢 生命 嘅 最後 時刻 。
所謂 你 辦事 我 放心 ，亦 絕冇 讓權 嘅 意思 。
呢句 説話 嘅 前前後後 ，都 有 一啲 背景 ：
毛澤東 仲冇 想到 或者 係 唔願意 去 想 ，自己 就 要 退出 呢個 佢 十分 眷戀 嘅 歷史 舞台 ，呢個 佢 曾經 叱吒風雲 嘅 歷史 舞台 。
佢 雖然 有 過 面臨 絕境 嘅 驚險 ，但係 更 有 過 扭轉 乾坤 嘅 得意 ；
有過 蒼涼 嘅 悲懷 ，更 有過 事功 極盛 嘅 豪邁 。
因此 直至 生命 嘅 最後 一息 ，佢 亦 冇 去 交班 。
係 嚟 唔 切 呢 ？ 定 係 佢 唔 願意 呢 ？
毛澤東 係 喺 中國 呢 塊 土地 上 土生土長 嘅 領袖 。
佢 係 一個 農民 嘅 兒子 ，佢 必然 具有 中國 嘅 特色 。
而且 毛澤東 所留低 嘅 身影 ，比 任何 其他 人物 ，喺 中國 都 會 顯得 更為 龐大 。
毛澤東 曾經 講過 ：我 歷來 唔同意 讓 自己 嘅 老婆 做 自己 辦公室 嘅 主任 。
我 嘅 秘 書 ， 亦 只 係 做 啲 收 收發 發 嘅 工作 。
屬於 我 嘅 事情 ， 應該 我 自己 去 做 。
毛澤東 嘅 晚年 仲 係 遵循 呢 一個 原則 。
儘管 佢 已經 係 個 重病 病人 ，所有 文件 嘅 批示 ，佢 都 要 親自 去 做 。
一九七五年 七月 廿五日 ， 毛澤東 分 兩次 睇 完 電影 創業 之後 ， 佢 喺 大廳 返去 卧室 。
佢 好似 往常 一樣 ，又 半瞓半挨 噉 靠 喺 床頭 。
佢 將 手 一 抬 ，喺 床頭 小櫃 攞起 支 筆 ，然後 又 順手 攞起 一 張 紙 。
小孟 知道 主席 要 寫嘢 嘞 ，就 喺 張 四方 枱 上 便 攞起 一本 厚厚 嘅 硬皮 精裝 書 ，放 喺 主席 嘅 大髀 上 便 ，畀 佢 墊住 嚟 寫字 。
主席 顯得 有啲 激動 啊 。
佢嘅 表情 十分 嚴肅 ，佢 將 支筆 用 拇指 同 中指 轉咗 幾下 。
呢 個 ， 係 佢 喺 思考問題 嘅 時候 嘅 習慣 動作 。
主席 睇 創業 後 嘅 激動 心情 ，使 佢 迫不及待 噉 要 寫 批示 。
由 鄧小平 同志 呈轉 嘅 張天文 嘅 來信 ，主席 好 仔細 噉 睇過 。
當時 佢 冇 講 嘢 。
睇過 再 講 啦 ，冇 調查 ，就 冇 發言權 嘛 。
創業 呢部 影片 宣揚 嘅 獨立自主 、自力更生 嘅 創業 精神 ，所 表現 嘅 中國 人民 要 有志氣 嘅 英雄氣概 深深 噉 感染 咗 毛澤東 。
自力更生 何罪之有 ？
自力更生 有 咩 嘢 唔 好 呢 ？ 一萬年 都 要 自力更生 。
中國 唔 自力更生 ，實 會 垮台 嘅 。
毛澤東 天性 係 個 浪漫 詩人 ，佢 好 容易 動情 ，佢 嬲 嘞 。
毛澤東 用 震住嘅 手 ，急促噉 寫 ，雖然 係 急 ，不過 依然 寫咗 好耐 。
寫完之後 ，交咗 畀 小孟 。
小孟 攞 個 批示 仔細 噉 睇 ，一便 睇 ，仲 一便 讀 出 聲 ：
此片 無 大錯 ，建議 通過 發行 。
不要求全責備 ，而且 罪名 有 十條之多 ，太過分了 ，不利 調整 黨內 的 文藝政策 。
小孟 一便 讀 ，一便 皺起 眉頭 ：
不 要求 ， 不 要求 ， 後面 嘅 字 係 乜嘢 字 啊 ？ 真 係 睇 唔 清楚 喇 。
主席 攞 個 批示 睇咗 一下 佢 就 話 ：
係責備嘛 ，我 再 寫 一次 啦 。
於是 主席 又 攞起 筆 ，喺 另外 一張 紙 上面 寫咗 大大 嘅 責備 兩個 字 遞畀 小孟 。
小孟 接咗 過嚟 ，睇咗 之後 佢 話 ：
你 寫字 隻 手 震得 咁 厲害 ，以後 就 唔好 寫 喇 。
你 講 ，我哋 幫 你 記 唔係 得 咯 。
仲係 我 自己 嚟 ，唔能夠 以 嘴 待 勞 嘅 。
毛澤東 嘅 性情 就 係 噉 㗎 喇 ， 只要 佢 能夠 做 嘅 事 ， 佢 仲 係 要 自己 去 做 。
喺 毛澤東 嘅 最後 歲月 裏便 ，佢 除咗 自己 讀書 之外 ，佢 依然 批閲 大量 嘅 文件 。
其中 包括 請示 嘅 報告 、信件 、電報 等等 。
凡係 送上嚟嘅 文件 ，佢 都 要 親自 過目 。
或者 由 秘書 、工作人員 讀畀 佢 聽 ，然後 佢 進行 批示 。
呢啲 日常 工作 ，佢 絕不 假手 別人 。
呢啲 工作 ，亦 佔去 佢 大量 嘅 時間 。
一九七五年 九月 中旬 ， 小孟將 送 嚟 嘅 有關 周楊 檢查 嘅 文件 ， 送 畀 主席 睇 。
主席 睇咗 之後 ，當時 乜嘢 都 冇 講 ，亦冇 喺 文件 上面 批 咩嘢 字 。
九月二十七日 ，有關部門 將 參加 人大會堂 ，國慶 宴會 嘅 名單 ，送嚟 請 主席 過目 審查 批准 。
主席 見到 名單 上 有 好多 喺 文化大革命 裏 便 ，被 打倒 個人 都 列 上 嘞 ，好似 羅瑞卿 啊 、楊尚昆 啊 等等 ，佢 顯出 好 高興 嘅 神情 。
當佢 睇完 呢個 長長 嘅 名單 之後 ，對 小孟 話 ：
名單 裏 便 ，冇 周楊 咩 ？
小孟話 ：周楊 有 錯誤 ，幾日前 ，唔係 畀 你 睇過 有關 佢 檢查 嗰份 文件 咩 ？
係 ，你 將 嗰份 文件 ，再 攞嚟 畀 我 。
於是 小孟 喺 四方枱 上 搵到 嗰份 文件 ，遞畀 主席 。
主席 攞 個 文件 ，又 仔細 睇咗 一次 ，然後 ，就 喺 最後 一頁 上 寫咗 ：
人 無 完人 ，金 無 足赤 。
當然 ，毛澤東 對 周楊 嘅 問題 絕 唔係 未 加 思考 嘅 。
上次 睇完 之後 ，佢 唔 表態 ，本身 就 意味住 思索 。
喺 長長 嘅 名單 裏 便 ，佢 注意到 缺咗 周楊 嘅 名 ，本身 就 説明 佢 對 周楊 嘅 關注 。
噉 毛澤東 嘅 批示 啊 ， 好 快 喺 報紙 就 見到 喇 。
有一日 ，辦公廳 送嚟咗 華國鋒 總理 嘅 請示信 ，小孟 同 主席 讀咗 。
內容 係 講 華國鋒 喺 過去 接見 外賓 嘅 活動 參加 得少 ， 冇 幾多 經驗 。
係咪 等 張春橋 參加 接見 先 ，佢 就 可以 見習 一番 。
當 小孟 讀完 信 以後 ，主席 微微 一笑 佢 話 ：
我 睇 大 可不必 ，太 拘泥 唔好 嘛 。
又過咗幾日 ，為 呢件事 ，主席 仲 同 小孟 話 ：
有啲 同志 總係 認為 別人 、先人 做嘅 樣子 就係 規矩 ，照 自己 嘅 辦法 去 做 ，噉 又 唔係 同 後人 立咗 規矩 咩 ？
路 係 人 行 出嚟 嘅 ，規矩 亦 係 人 創造 嘅 ，可以 遵守 ，亦 可以 打破 。
有 一批 國民黨 嘅 將領 要 特赦 ，關於 呢件事 嘅 文件 、名單 ，喺 一九七五年 十月份 就 送到 上嚟 主席 呢度 嘞 ，請 主席 批閱 。
主席 好快 就 批閲咗 ，將 文件 放 喺 櫃 裏頭 ，按照 常規 呢 ，要 等 到 一九七六年 春節 再 正式 發落去 。
就快到 一九七六年 元旦 嘞 ，有 一日 ，主席 忽然間 向 秘書 提起 呢個 文件 嘅 事 。
佢 話 ： 關於 特赦 嘅 文件 ， 發 咗 落 去 未 啊 ？
秘書 話 ：未啊 ，應該 係 春節 之前 發 。
點解 要 等 春節 呢 ？可以 喺 元旦 發 嘛 。
既然 決定 咗 喇 ， 我 睇 早 發比 遲 發好 ， 人 哋 係 度日如年 啊 。
毛澤東 講咗 嘅 説話 就要 照住 去 辦 ，佢 話 提前 就 提前 。
佢 每日 都 要 閲讀 批示 文件 ，但係 佢 並冇 同等 對待 。
有啲 ，佢 會 印象 清晰 ；
有啲 就 好似 過眼雲煙 ；
有啲 文件 過咗 好耐 佢 仲 會 再 提起 嘅 。
毛澤東 嘅 記憶力 ，即使 係 到咗 晚年 ，亦 係 驚人 㗎 。
有一次 ，主席 同 小孟 喺 大廳 傾偈 。
小孟 講起 六十年代 跳舞 個 事 ，講起 東方紅 大 歌舞 排練 嘅 事 。
主席 忽然間 話 ：張寧 有冇 參加 大歌舞 啊 ？
小孟 話 ：張寧 ？邊個 張寧 啊 ？
小孟 一時 都 想唔起 嘞 。
前嗰幾日 ，你 同 我 讀 嘅 文件 裏 便 嘅 張 寧 咯 。
噉樣 一 提 ，小孟 就 想起嚟 喇 。
前幾日 ，佢 同 主席 讀 一份 文件 ，係 關於 釋放 林彪 九一三 事件 有關 人員 嘅 文件 。
裏面 列舉 咗 釋放 嘅 名單 ，其中 有 一 個 叫做 張寧 ，佢 曾經 被 選 為 林立果 嘅 妃子 嘅 。
當 讀到 張寧 個 名 嘅 時候 ，小孟 補充 咗 幾句 説話 ：
張寧 ，我 識 佢 嘅 ，係 跳舞 嘅 ，跳過 蚌鶴舞 嘅 領舞 ，好 高 嘅 ，雙腳 特別 長 ，舞姿 唔 錯 。
主席 話 ：張寧 ，同 你 過去 係 同行 ，你 話 識 佢 嘅 意思 ，係咪 要 我 手下 留情 啊 ？
留情唔留情 我 啊 唔敢講 ，你話 點 就 點啦 。
呢份 文件 嘅 名單 之中 ，仲有 曾經 逮捕過 小孟 嘅 嗰位 空軍 保衞 部門 ，叫做 某某 嘅 幹事 。
小孟 亦都 向 主席 做咗 解釋 ：裏面 嘅 某某 就係 嗰個 逮捕 過 我 個人 喇 。
逮捕過 你 嘅 人 ，你 肯定 懷恨在心 咯 。
我 恨 佢 做 乜嘢 啫 ？ 又 唔 係 佢 決定 嘅 。
我 恨 林彪 ，吳法憲 。
哦 ，孟夫子 仲 係 有頭腦 嘅 ，夫子 不記 小人 過 嘛 。
主席 鄭重其事 噉 喺 呢份 文件 上面 做咗 圈閱 嘅 批示 。
小孟 冇 想到 ，幾日 之後 ，主席 又 會 提起 嗰個 跳舞 嘅 張寧 。
