一九七六年 四月 五日 ， 喺 中國 嘅 首都 ， 喺 首都 嘅 中心 ， 天安門廣場 ， 發生 咗 震驚中外 嘅 天安門 事件 。
當時 ， 各大 報紙 都 按照 中央 定 咗 嘅 調子 ， 喺 頭版頭條 ， 進行 咗 報道 宣傳 ：
天安門廣場 事件 説 明 了 什麼 ？
天安門廣場 的 反革命 政治事件 ；
關於 天安門 反革命 政治 事件 的 真相 ；
走資派 還在 走 ，黨內 確有 資產階級 ；
天安門廣場 反革命 事件 剖析 ；
鄧小平 是 天安門廣場 反革命 事件 的 總 後台 ；
偉大的 勝利 ，等等等等 。
赫然醒目嘅大標題 ，聳人聽聞嘅事件 經過 報道 之後 ，啲人 睇咗 ，既係 忿忿不平 ，懷疑不解 ，又 慶幸 自己 冇 卷咗入去 。
有啲 丈夫 對 曾經 係 不安分 嘅 妻子 話 ：我 嗰日 唔 畀 你 去 天安門 啱咯啩 ？
你 嗰日 如果 去咗 啊 ，講唔埋 早就 畀人 拉咗 去 喇 。
白髮蒼蒼嘅 母親 對 兒子 話 ：以後 呢種事啊 ，千祈 唔好 去 湊熱鬧 。
你知道 係乜嘢事 吖 ，唔好 出去 四圍 走 喇 ，記住 啊 。
班主任老師 對 年幼 個 學生 話 ：階級 敵人 就係 利用 你哋 嘅 無知 。
你哋 見到 人哋 抄 天安門廣場 嘅 詩詞 ，你哋 亦 跟住 去 抄 ，結果 點啊 ？
某某 同學 仲 攞返嚟 朗誦 添 ，太 幼稚 喇 。
天安門廣場 事件 發生 之後 ， 機關 、 學校 、 工廠 、 各 單位 嘅 層層 領導 ， 按照 上級 佈置 落 嚟 嘅 任務 ， 召開 大大小小 嘅 會議 ， 講 天安門 事件 嘅 嚴重性 。
凡 係 嗰 幾日 去過 天安門 嘅 要 登記 ， 寫過 、 抄過 悼念 總理 嘅 詩詞 嘅 要 上交 。
知情嘅 揭發 ，檢舉 嘅 有功 。
一系列 嘅 活動 使到 人人 自危 ，個個 擔心 ，家家 緊張 。
喺 嗰 陣 ， 幾多 人 憂心忡忡 啊 。
聽講 ，某某某 畀 人 拉咗 去 喇 。
唉 ，某某 真係 夠 運滯 㗎喇 ，嗰日 只係 喺 天安門 經過 啫 ，亦 冇 做乜嘢 ，噉 就 圈埋入去 喇 。
聽講啊 ，工人民兵 用 棍 打死 咗 唔少 人 啊 。
紀念碑 都 瀄滿 晒 血 喇 ，天光 之前 呀 ，先至 用 水龍頭 衝乾淨 嘅 啫嘛 。
人們 嘅 猜測 ， 社會 上 嘅 傳聞 ， 老百姓 嘅 憂慮 ， 繪聲繪影 嘅 描述 ， 充斥 住 中國 社會 嘅 空間 。
北京 、天津 、南京 、上海 、廣州 等等 嘅 大城市 不必 講 喇 。
即使 係 火車 都 唔 通 嘅 窮鄉僻壤 ，為咗 宣傳 毛澤東 思想 先至 安咗 大喇叭 嘅 場院 裏 便 ，亦 廣播住 天安門 事件 嘅 真相 。
噉 ，天安門廣場 嘅 事件 ，喺 中南海 裏 便 引起 咗 點樣 嘅 反響 呢 ？
七六年 四月 六日 下午 ，天安門事件 ，已經 過去 咗 兩 日 喇 。
但係 事件 之後 嘅 政治 影響 ，紛紛雜雜 嘅 論説 ，正 係 喺 頂峰 時期 。
小孟 按照 規定 ，喺 離開 主席 卧室 好 近 嘅 房間 裏 便 休息咗 四個 小時 之後 ，嚟 接 小張 嘅 班 。
速可眠嘅藥力 雖然 仲未過去 啊 ，但係 小孟 必須 強迫 自己 清醒過嚟 ，唔能夠 以 一面 倦容 噉 ，出現 喺 主席 嘅 面前 㗎嘛 。
佢 用 冷水 出力 咁 拍 自己 嘅 額頭 ，抹返 乾 塊 面 ，又 用 手 一次一次 噉 自我 按摩 ，佢 完全 清醒 嘞 。
當 小孟 行去 毛澤東 嘅 卧室 嘅 時候 ，聽見 卧室 裏 便 説説笑笑 。
一向 係 好 安靜 嘅 卧室 ，今日 點解 咁 熱鬧 呢 ？
呢個 係 小孟 入嚟 工作 之後 極少 碰見 嘅 情景 。
佢 記得 七 五年 嘅 夏天 ， 佢 入 咗 中南海 四個 幾月 ， 對 佢 好 熱情 嘅 毛澤東 突然 間 變得 冷漠 起 嚟 。
小孟 有 幾次 同佢 講説 話佢 都 唔願 理睬 。
一 係 呢 ， 就 用 手 向 外 便 擺下 ， 意思 係 叫 佢 離開 ， 顯然 個心 好煩 啊 。
點解呢 ？我 喺 邊處 得罪咗 佢 呢 ？
開始嘅時候 ，主席 唔係 噉㗎 。
講故事 ，開玩笑 ，唱京戲 ，喺 大廳 裏 便 跳舞 ，生活得 好好㗎 。
小孟 思前想後 搵唔到 答案 ，佢 將 自己 嘅 想法 同 張姐 講咗 ，佢 話 ：
張姐啊 ，你 見到 主席 高興 嘅 時候 ，你 幫 我 問下 ，佢 到底 對 我 有 咩嘢 意見 ，點解 一味 對 我 發脾氣 啫 。
張玉鳳 話 ：唉 ，對 你 係 噉樣 ，對 我 亦都 係 噉樣 ，經常 鐘意 發火 。
有機會 我 問下佢 啦 。
聽 小張 噉 講 ，小孟 一諗 又係 噃 ，佢 想起 冇 幾耐 之前 發生 嘅 一件事 。
嗰日 ，亦 係 小孟 瞓覺 之後 嚟 接 小張 嘅 班 。
佢啱啱 行到 主席 卧室 門口 ，就 聽見 裏面 有人 大聲 噉 嘈喇 ：你 同 我 滾 ！
小孟 聽出 係 主席 大聲 噉 喝 ，把 聲 呀 ，係 竭盡全力 發出嚟 嘅 。
滾就滾 ，邊個 唔畀 我 走 佢 就係 狗 。
小孟 又 聽見 小張 嗰 把 唔係 點 高 ，但係 亦 顯得 好 激動 嘅 聲音 。
小張 嘅 説話 ，講得 又 快 又 急 。
你 鬧 我 係 狗 ，你 ，你 。
主席 顯然 係 嬲 到 發抖 嘞 。
小孟 聽到 呢處 ，唔知 應該 入去 呢 定係 應該 行開 嘞 。
佢 個 心 啊 又 緊張 又 好奇 。
毛澤東 亦 係 人 ，亦 係 一個 鐘意 發脾氣 嘅 老人 。
佢 亦 係 同 普通人 一樣 ，要 嘈交 ，要 發嬲 。
後嚟 小孟 聽講 ，主席 仲 將 小張 鬧 佢 係 狗 嘅 説話 寫 喺 張 紙 上 便 。
呢張紙 ，仲 交咗 畀 有關 工作人員 。
呢件事 ，使 小孟 睇到咗 一個 作為 凡人 嘅 毛澤東 。
過咗幾日 ，小張 話畀 小孟 聽 ：我 問過 主席 喇 ，佢 話 你 啊 嚇親 佢 喇 。
佢 房間 裏 便 特別 靜 嘅 ， 佢 話 ， 你入 房間 嘅 時候 ， 一 啲 聲 都 冇 ， 突然 間 出現 喺 佢 面前 ， 經常 將 佢 嚇一跳 。
噉 你 以後 入 房間 嘅 時候 ，先 畀 啲 聲音 佢 聽 下 先 ，比如 ，咳嗽 一 聲 啊 ，或者 個 鼻 出 啲 氣 啊 噉 ，噉 佢 就 有 咗 思想 準備 喇 。
就係咁啲多事啫 。
哎呀 呢啲事 我 真係 唔知道 㗎 。
主席 又係嘅 ，有 咩嘢 唔啱嘅 就 直接 講咯 ，又唔講 ，邊個 知道 咩嘢 一回事 啫 。
主席 嘅 房間 裏 便 ，經常 係 靜嚶嚶 嘅 ，靜到 彷彿 一切 都 已經 瞓着 晒 噉 。
今日 係 邊個 喺 裏 便 同佢 談笑 呢 ？
小孟 不由自主 噉 停低 腳步 ，企 喺 門口 仔細 一 聽 ，哦 ，裏面 嘅 人 仲 好多 添 噃 。
呢個 時候 ，江青 正在 講嘢 ，佢 把 聲 好 容易 認 嘅 。
小孟 聽咗 一聽 ，就 行入去 嘞 。
因為 呢個 係 職責 ，已經 到咗 佢 上班 嘅 時間 ，任何人 都 冇 阻止 佢 入 主席 房間 嘅 權力 。
佢 係 嚟 工作 嘅 ，嚟 值班 嘅 。
小孟 入咗 房間 ，仿佛 邊個 都 冇 發現 佢 。
因為 佢哋 都 談得 太 興奮 喇 ，正在 㷫緊 ，邊度 仲 顧得 其他 呢 。
小孟 亦 畀 呢種 從未見過 嘅 場面 所 吸引 ，佢 企 喺 離 主席 床前 有 兩米 左右 嘅 屏風 前面 ，睇住 眼前 發生 嘅 一切 。
毛澤東 嘅 卧室 裏 便 除咗 江青 之外 ，仲有 毛遠新 、王洪文 、姚文元 同 張春橋 。
王洪文 、張春橋 就 坐 喺 主席 張床 左便 嘅 軟椅 上 便 。
姚文元 坐 喺 床 前面 稍為 遠 一啲 嘅 一張 沙發 上 便 。
毛遠新 同 江青 ，分別 坐 喺 離 主席 張 床 只有 尺 幾 遠 嘅 挨拼 椅 上 便 。
主席 係 半 瞓 半 坐 噉 ， 挨 喺 佢 嗰 張大 床上 便 。
頭 ，靠 喺 豎起嚟 嘅 大 枕頭 上 便 。
江青 過去 喺 主席 面前 一向 都 整 成 係 温文爾雅 ，而家 就 唔係 喇 ，簡直 有啲 手舞足蹈 喇 。
小 孟 喺 主席 身邊 工作 嘅 一年 幾 ， 江青 嚟 過 幾次 ， 但 係 小孟 從來 冇 見 過江青 今日 噉 樣 嘅 。
佢 冇 見過 江青 咁 興奮 ，咁 無拘無束 。
更加 使到 小孟 吃驚 同 迷惑不解 嘅 呢 係 ，佢 從來 冇 見過 主席 允許 江青 喺 佢 面前 噉樣 嘅 。
江青 唔 淨止 喺度 講 啊 ，仲 不時 咁 企起嚟 ，用 手 喺度 比劃 。
佢 正在 向 主席 匯報 天安門廣場 嘅 反革命 事件 嘅 經過 。
佢啊不愧係演員出身啊 ，佢嘅講述 ，繪聲繪色 。
江青 話 ： 嗰 幫 反革命 暴徒 ， 冇 想到 工人 民兵 嚟 得 咁 迅速 嘅 。
其實 啲 民兵 ，早就 埋伏 喺 中山公園 、文化宮 、二十八中 喇 。
一聲號令啫 ，天安門廣場 燈火通明 ，十萬 工人民兵 一齊 出動 ，一下 就 將佢哋 圍到 水泄不通 。
佢 哋 大多數 人 束手就擒 ， 有 啲 頑固 分子 仲想 反抗 噃， 工人 民兵 啲 棍 呀 ， 就 將 佢 哋 囂張氣焰 壓落 去 喇 。
佢哋 一個 二個 跪 喺 地下 求饒 ，真係 大快人心 啊 。
江青 竭力 將 呢場 人民 大眾 自發 嘅 抗暴 鬥爭 ， 描繪成 一個 有 預謀 、 有 組織 嘅 行動 ， 一個 反革命 事件 。
一切 可以 借用 嘅 例子 ，都 畀 佢 誇大 到 聳人聽聞 嘅 地步 。
江青 呢 一切 嘅 匯報 ，都 喺度 説明 走資派 還 在 走 ，走資派 正在 瘋狂 反撲 。
江青 一便 講 ，一便 察顏觀色 ，憑住 佢 嘅 感覺 ，憑住 佢 畢竟 同 主席 生活 咗 多年 嘅 了解 ，佢 可以 猜測到 乜嘢 嘢 ，能夠 更好 噉 影響 主席 。
江青 喺 毛澤東 嘅 眼神 裏 便 ，漸漸 噉 ，睇出 咗 共鳴 。
呢種 共鳴 ，係 佢 通向 毛澤東 心靈 嘅 一座 小橋 。
佢 必須 全力以赴噉 ，嚟 加固 呢座 小橋 。
於是 佢 不停 咁 講 ，不停 咁 比劃 ，佢 怕 一 停落嚟 ，一切 都 隨之 破滅 。
毛遠新 係 江青 嘅 得力 助手 ，佢哋 互通 信息 ，同 壕 共戰 。
毛遠新 自從 七五年 秋天 到 北京 之後 ，做咗 政治局 同 毛主席 之間 嘅 聯絡員 ，經常 往來 於 主席 同 政治局 之間 。
佢 同 毛澤東 嘅 頻繁 接觸 交談 之中 啊 ，得知 主席 嘅 觀點 同 態度 ，於是 就 乘隙而入 ，竭力 投其所好 ，取得 毛澤東 嘅 信任 。
天安門 事件 呢 幾日 ， 真 係 忙 到 毛遠新 啊 不得了 ， 佢 不斷 噉 向 毛澤東 匯報 天安門廣場 嘅 情況 。
佢 匯報 話 ：幾日嚟 ，去 天安門廣場 紀念碑 送 花圈 嘅 ，每 日 有 幾萬人 ，有時 多到 二十萬人次 。
佢哋 有 啲 仲 致悼詞 ，貼 小字報 、標語 、傳單 、詩詞 。
內容 表面 係 悼念 總理 ， 實際上 係 搞 分裂 ， 有 啲 直接 攻擊 毛主席 ， 語言 極為 惡毒 啊 。
佢哋 用 死人 壓 活人 。
廣場 上 嘅 反革命 暴徒 正在 鬧事 啊 ， 佢 哋 肯定 有 後 台 嘅 ， 佢 哋 有 一個 地下 嘅 裴多菲 俱樂部 ， 等等等等 。
天安門 事件 嘅 前前後後 ， 毛遠新 幾乎 每日 都 嚟 見 毛澤東 。
佢 匯報咗 唔少 情況 ，但係 呢 ，亦 隱瞞咗 唔少 事實 。
張春橋 、姚文元 、王洪文 冇 咩嘢 插話 ，只係 喺 聽 江青 、毛遠新 匯報 嘅 時候 ，多多少少 噉 添油加醋 啫 。
張春橋 話 ：天安門事件 ，實際 就係 中國 嘅 匈牙利 事件 。
姚文元話 ：呢幫 反革命 分子 ，就係 有 預謀 、有 組織 、有 計劃 嘅 。
張春橋 又 插 咗 一句 話 ： 呢 幫 傢伙 寫 嗰 啲 反動 詩詞 ， 就 係 要 推出 鄧小平 做納吉 。
王洪文 話 ： 我 哋 呢 一仗 呀 打 得 漂亮 啊 。
毛澤東 唔單止 喺度 聽 ，而且 仲 發問 ，佢 話 ：
廣場 呢啲 情況 ，你哋 有冇 親眼 見到 啊 ？
江青 話 ：我 同 春橋 、文元 佢哋 ，喺 人大會堂 嘅 東大廳 ，睇 現場 錄像 ，睇得 一清二楚 。
呢 次 科學院 新 搞 嘅 錄像 設備 ， 相當 方便 嘅 。
主席 如果 想 睇 嘅 話 ，可以 將 錄像 放畀 你 睇下 。
我 冇 咁 大 興趣 睇 呢啲 嘢 ，算咯 。
毛澤東 擺下 手 。
江青 睇出 主席 有啲 嬲 喇 。
近 十年 嘅 文化大革命 ，紛紛亂亂 嘅 事件 ，四處 告急 、告危 、告狀 嘅 事情 ，早就 使到 毛澤東 感覺 疲倦不堪 。
喺 佢 發動 呢場 史無前例 嘅 文化大革命 嘅 時候 ， 佢 絕對 冇 想到 ， 會 出現 咁 多 難以 應付 嘅 局面 。
佢 亦 唔 可能 將 革命 嘅 全部 過程 想得 咁 周到 嘅 ，主旨 係 有 嘅 ，總體 設計 並 唔 完善 。
就好似 ，要 起 一座 大廈 ，先 清理 地基 ，再 按 圖紙 興建 ，呢個 係 總體 設想 。
不過 點樣 清理 地基 ， 點樣 設計 構圖 ， 大廈 係 乜嘢 式樣 嘅 ；
幾多層 ，每層 幾多個 房間 ，外部 內部 點樣 裝修 。
呢一切 都 未 仔細 考慮 好嘅 時候 ，甚至 圖紙 都 仲 未 畫完 ，只係 勾勒 一個 輪廓 嘅 時候 ，就 開始 動工 嘞 。
你噉能夠唔亂咩 ？
噉 能夠 唔 漏洞百出 咩 ？
呢間 大廈 能夠 建好 咩 ？
但係 毛澤東 係 個 一不做二不休 嘅 強者 ，毛澤東 認為 軟弱 、動搖 同 退縮 ，係 一個人 最 可恥 嘅 表現 。
宋江 ，就係 古典文學 當中 佢 厭惡 嘅 形象 之一 嘞 。
不到 長城 非 好漢 。
問 蒼茫 大地 ，誰 主 沉浮 。
數 風流 人物 ，還 看 今朝 。
毛澤東 係 一個 好勝 嘅 人 ，一個 無所畏懼 嘅 男子漢 。
佢 唔 單 止 有 堅強 嘅 意志力 ， 有 豐富 嘅 鬥爭 經驗 ， 有 無與倫比 嘅 首創精神 ， 有 對 共產主義 事業 必勝 嘅 堅定信念 。
而且 ，仲有 其他 嘅 特點 。
佢 深信 自己 嘅 見解 係 正確 嘅 ， 佢 堅信 自己 代表 住 真理 。
因此 ，佢 一切 努力 都有 成就 嘅 。
儘管 佢 亦 認為 錯誤 係 難免 嘅 ，不過 有 錯誤 ，亦 係 可以 嘅 。
但係 佢 對 文化大革命 嘅 態度 ，係 喺 肯定 嘅 前提 之下 ，進行 一啲 小修小補 。
佢 決 唔 容許 懷疑 文化大革命 嘅 成績 。
凡 係 擋住 佢 嘅 道路 嘅 ， 就 係 佢 嘅 敵人 。
即使 係 多年 共事 嘅 戰友 ，佢 亦 唔 允許 反對 佢 。
就噉樣 ，使佢 發動 嘅 文化大革命 竟然 長達 十年 之久 。
但 係 一系列 嘅 動亂 ， 已 令 佢 難免 有 啲 心灰意懶 咯 。
十年嘅動盪 ，至令佢 有啲 身心交瘁 嘞 。
佢 早就 希望 有 一種 平靜 。
動 與 靜 ，總係 相輔相成 嘅 ：久靜 思 動 ，久動 思 靜 。
月盈則虧 ，水滿則溢 ；
久坐 思 動 ，物 極 必 反 。
呢啲 古老 嘅 諺語 ，對於 讀 古書 讀得 好多 嘅 毛澤東 嚟 講 係 太過 熟悉 嘞 。
佢 而家 需要 嘅 係 一種 安靜 。
因此 ，佢 曾經 發出 安定 團結 嘅 指示 。
