多次嘅勝利 ，使 毛澤東 更加 堅信 自己嘅 意志 ，一切 都 要 按照 佢嘅 意願 去 辦 。
佢嘅 權力 ，唔能夠 有 一點 分散 。
儘管 ，佢 曾經 退居 過 二線 。
但係 當 佢 發現 噉樣 做 ，並 唔 能夠 使 佢 心態 安然 嘅 時候 ，佢 又 得出 咗 相反 嘅 結論 。
佢唔淨止要身居一線 ，甚至於身居前線 ，而且要發動 、調動一切可以調動嘅力量 ，搞到佢地覆天翻 。
秦始皇 算乜嘢 ，唐宗 宋祖 、成吉思汗 亦 可以 一筆勾消 ，數 風流人物 還 看 今朝 。
佢嘅 眼光 永遠 向住 前方 ，標新立異 ，係 佢 性格 嘅 特點 。
毛澤東 嘅 呢 種 性格特點 ， 貫穿 佢 嘅 生命 嘅 始終 。
青年時代 ， 正當 佢 嘅 大多數 嘅 同學 、 夥伴 ， 高喊 住 科學 救國 、 教育 救國 、 實業 救國 等等 嘅 時候 ；
正當 有啲 青年 成日 花前月下 ，成日 探討 女人 嘅 魅力 嘅 時候 ；
毛澤東 卻 喺度 思考 ，中國 ，必須 要 走 武裝鬥爭 嘅 道路 ，提出 咗 革命 救國 嘅 論斷 。
對於 女人 ，佢 似乎 無暇 顧及 。
中午時分 ，嗰啲 衣冠楚楚 、有錢有勢 嘅 子弟 ，已經 酒足飯飽 噉 離開 食堂 ，去 打牌 、去 閒談 、去 散步 。
食堂 裏 便 漸漸 空 喇 ，只見 一個 布衣 青年 急急噉 趕嚟 。
好 嘅 飯菜 早就 賣 晒 嘞 ， 只 係 剩返 一 啲 冇 人 問津 嘅 飯菜 嘞 。
呢個 高高 嘅 青年 ，冷餸 嚟 送 冷飯 ，食得 非常 開胃 。
一個 西服 革履 嘅 青年 向 佢 行過嚟 話 ：點啊 ，梅菜 仲 香過 鯧魚 呀 ？
毛澤東 用 鄙視 嘅 眼光 睇 咗 佢 一 眼 ，然後 理 都 唔 理 佢 就 行開 嘞 。
每一日 ，佢 幾乎 係 嚟 食堂 嘅 最遲 嘅 一個 學生 。
中年嘅毛澤東 ，正當 日寇 鐵蹄 ，喺 中國大地上 步步進逼 嘅 時候 。
當時 ，有啲人 認為 應該 主動 主動再主動 ，進攻 進攻再進攻 ，同 日寇 進行 死打硬拼 嘅 陣地戰 。
佢 呢 ，卻 係 提出咗 自覺的 被動 。
佢 決定 一 退再退 ，退到 敵人 後方 去 發動 群眾 。
退卻 ， 係 為 咗 進攻 ， 係 為 咗 勝利 。
由此可見 ，佢 係 幾咁 善於 相反相成 。
西安事變 ，當時 好多人 都 力主 殺 蔣 。
毛澤東 卻 力主 不但 不殺 ，仲要 放 蔣 。
當時 好多人 對 毛澤東 嘅 主張 唔 理解 ，發牢騷 。
事實證明 ，此舉 英明 啊 。
晚年 ，當啲人 都 覺得 應該 開始 和和平平 嘅 社會主義 建設 嘅 時候 ；
當啲人 沉浸 喺 勝利 嘅 歡呼聲 中 嘅 時候 ；
當 啲 人 ， 啱 啱 喺 硝煙瀰漫 嘅 戰場 走落 嚟 ， 開始 營建 自己 嘅 安樂窩 嘅 時候 ；
毛澤東 就 開展咗 一個 又 一個 嘅 運動 ，展開咗 一次 又 一次 嘅 鬥爭 。
佢 動則 不窮 ，舉則 不迷 啊 。
佢 將 解放戰爭 嘅 勝利 ，比作 一齣 戲 嘅 序幕 ，比作 萬里長征 走完咗 第一步 。
三反 、 五反 、 反右 鬥爭 、 反 右傾 鬥爭 ， 一直 到 十年 文化大革命 ， 佢 總結 咗 一條 ：
馬克思主義的 道理 千條萬緒 ，歸根結底 ，就是 一句話 ：造反 有理 。
真係 高度 概括 嘞 ，但係 ，概括 得失去 咗 時間 、地點 嘅 限制 。
佢嘅 理論 ，畢竟 係 根植於 中國 呢 一 塊 古老 嘅 土地 ；
畢竟 冇 突破 中國 嘅 、傳統 嘅 、小農經濟式 嘅 基礎 同 規律 。
毛澤東 標 嘅 新 、 立 嘅 異 ， 仲 係 中國式 嘅 。
呢種 性格 特色 ，同樣 表現 喺 佢 晚年 嘅 日常生活 之中 ；
表現 喺 佢 對 普通 嘅 事情 、普通 嘅 人 或者 物 嘅 睇法 之 中 。
一九七五年 八月 嘅 一日 ， 晚飯 之後 ， 毛澤東 、 張玉鳳 、 孟錦 雲 、 李玲 詩 喺 一齊 睇 電影 。
片名 ，雲中落繡鞋 ，係 香港 鳳凰 電影 製片廠 出品 。
內容 係 噉嘅 ：
一個 員外 屋企 嘅 小姐 ，唔 小心 跌咗 落 後花園 嘅 枯井 裏 便 ，生命 危在旦夕 。
員外 貼出 告示 ：邊個 能夠 搭救 小姐 ，就 將 小姐 許配 佢 為 妻 。
兩個 青年 同時 要 救 小姐 ，噉 啊 商量 好 ，一個 落去 ，一個 喺 上 便 照應 。
將 小姐 救 上嚟 之後 呢 ，就 聽從 小姐 嘅 意願 ，佢 鐘意 嫁 邊個 都 可以 。
一個 青年 ，就 用 隻 籮 ，用 繩 綁住 ，將 另外 一個 青年 呢 吊 到 落去 井底 。
落去嘅 青年 呢 見到 小姐 已經 奄奄一息 嘞 。
井下 又 黑 又 潮濕 ，空氣 稀薄 。
嗰個 青年 啊 趕緊 將 小姐 放 個 籮 裏 便 ，嗌 上 便 嘅 青年 向 上 拉 。
噉井上嘅 青年 呢 ，出力 咁 拉 ，小姐 啊 終於 救上嚟 喇 。
小姐 雖然 氣色 奄奄 啊 ，但係 依舊 美麗 動人 。
井上 嘅 青年 一見 小姐 ，趕緊 用 一塊 大石 冚住 井口 ，抱住 小姐 返去 員外 間屋 。
呢個 青年 個 心 諗 ：井下 嗰個 青年 點樣 嗌 亦 唔會 有人 聽見 㗎 喇 。
過得冇幾耐呢 ，喺 井裏頭 就 會 悶死 ，自己 咪 就 娶咗 小姐 成其美事 咯 。
果然 ，嗰個 青年 作為 小姐 嘅 救命恩人 ，就 做咗 員外 嘅 女婿 嘞 。
嗰個 井底下 便 嘅 青年 呢 ，等 小姐 上去 之後 ，以為 再 將 個 籮 吊 落嚟 拉 佢 啦 。
但係 左 等 右 等 ，唔見 吊 個 籮 落嚟 。
而且 冇 幾耐 ，自己 頭頂上 嗰 一啲啲 光亮 啊 ，亦 一下 畀 嘢 冚住 喇 ，當堂 一片 漆黑 。
佢 又 呼 又 喊 ，唔見 反響 。
佢 個 心 諗 ：弊喇 ，肯定 係 井上 嗰個 青年 陷害 。
自己 唔 單止 娶唔成 小姐 啊 ，而且 一定 會 喺 井 裏頭 焗死 添 。
佢 又 睇 一睇 自己 揸住 嗰隻 繡花鞋 ，係 一隻 白 緞 繡花鞋 。
雖然 井下 伸手 不見 五指 啊 ，但係 呢隻 鞋 呢 卻係 閃住 白光 。
佢 似乎 ，又 有 咗 生 嘅 希望 嘞 。
原來 呢隻鞋 ，係 拉小姐 上去 嘅 時候 ，隻鞋 甩咗 ，啱啱 落 喺 呢個 青年 嘅 手 上 。
佢 好 小心噉 捧住 呢隻 繡花鞋 。
呢 隻 鞋 啊 ， 係 佢 搭救 小姐 嘅 見證 啊 。
佢 睇 下 隻 繡花 鞋 又 摸 下 隻 繡花 鞋 ，諗 下 點樣 先至 能夠 喺 井 裏 頭 逃跑 出去 。
小姐 同 井上面 嗰個 青年 呢 已經 喜結良緣 嘞 。
一晚 ，小姐 忽然間 發咗 個夢 。
夢見佢 正 喺 後花園 裏 便 賞 桂花 ，忽然間 ，喺 天上 飄咗 一隻 繡花鞋 落嚟 。
呢隻鞋 ，正好 落喺 小姐 嘅 腳下 。
小姐 低頭 一 睇 ，係 自己 失 嗰 隻 鞋 。
噉 自己 正話 想 去 執 啦 ，哈 ，鞋 忽然間 唔見 喇 。
喺佢面前 ，有 一個 英俊 嘅 青年 企 向 處 。
嗰個 青年 ，講畀佢聽 救佢 嘅 經過 ，講完 ，就 飄然而去 嘞 。
小姐 醒返 之後 ，左思右想 ，個心 覺得 好奇怪 。
自己 失咗 嗰隻 繡花鞋 ，確實 到 而家 仲 未搵返 。
莫非 ，真係 好似 夢中 嗰個 青年 講 嘅 噉嘅 ？
小姐 正 喺度 想緊 呢件事 ，嗰個 夢中青年 ，忽然間 敲門 入嚟 嘞 。
咪 一切 真相 大白 啦 ，小姐 由 父親 作主 ，趕走 咗 嗰個 狡猾 嘅 青年 ，再 嫁 畀 嗰個 死裏逃生 嘅 青年 。
至於 嗰個 井下 嘅 青年 點樣 死裏 逃生 ，噉 自然 ，係 有 神仙 保佑 喇 。
呢個 係 中國 傳統 嘅 民間 故事 ，講 畀 人 聽 善 有 善報 ，惡 有 惡報 嘅 道理 。
噉呢一類故事啊 ，喺 中國 民間 老百姓 嗰處 呢 千古 流傳 。
睇完 呢部 影片 ，主席 問咗 小張 、小孟 、小李 一個 睇起上嚟 好 可笑 嘅 問題 。
你哋 話 ，呢 兩個 救 小姐 嘅 青年 ，邊個 好啲 啊 ？
小李 衝口而出 話 ：當然 係 喺 井下 嗰個 青年 好啦 。
小孟 話 ：仲使 講嘅 ，井上 嗰個 青年 呀 真係 壞 㗎 喇 。
佢 唔 淨止 貪 天之功 據為己有 啊 ，仲 陷害 別人 添 。
主席 又 笑住 問 張玉鳳 話 ：張姐 ，你 自不然 亦 同 佢哋 一樣 嘅 睇法 啦 ？
小張 話 ：差唔多啦 。
呢 個 好 明顯 嘅 道理 嚟 嘅 ， 我 真 係 唔 明白 喇 ， 你 點解 要問 噉 樣 嘅 問題 嘅 ？
我 同 你哋 嘅 睇法 ，唔係 點 同 啊 。
我覺得仲係嗰個井上便嘅青年更好啲 。
主席 講到 呢度 就 唔 講住 喇 ，望住 佢哋 三個 ，意思 係 等待 佢哋 嘅 反駁 。
小孟 問 ：噉 點解 啊 ？我哋 都 唔明白 喇 。
嗰個 井下 青年 ，對 問題 嘅 考慮 太 簡單 ，佢 缺乏 周密 嘅 思考 。
佢 早就 應該 想到 井上 嘅 青年 ，會 使出 呢一招 㗎嘛 。
佢 太 蠢 咯 ，仲係 嗰個 井上 嘅 青年 聰明 啊 。
主席 興趣 好 濃噉 同 幾個 姑娘 爭辯 嘞 。
小張 首先 反對 主席 嘅 意見 ：
佢 聰明 ？佢 奸猾 就 真 ，呢種 人 呀 太過 唔 老實 喇 。
小孟 又 話 ： 噉 佢 亦 唔 應該 為 自己 嘅 利益 去害 別人 㗎 。
主席 話 ：噉就係 得 一個 小姐 ，佢 唔去 害 ，佢 能夠 得到 咩 ？
睇嚟呀 ，佢 係 好 愛 呢個 小姐 啊 。
噉就叫做 愛之心切 ，恨之心狠 啦嘛 ，相反相成 啊 。
小張 話 ：橫掂 我哋 都 講唔過 主席 㗎 喇 ，總之 係 你 有道理 啦 係唔係 吖 ？
小張 係 想 結束 呢場 爭論 嘞 。
的確 ，當啲人 不約而同噉 ，同情 嗰個 忠厚老實 嘅 井下 青年 ，憎恨 否定 嗰個 狡猾 嘅 井上 青年 嘅 時候 ，毛澤東 係 唔同意 呢種 公正 嘅 睇法 。
佢 甚至 對 呢個 井下 青年 ，一啲 同情 都 冇 。
毛澤東 的確 有 自己 獨有 嘅 思考 習慣 。
佢 時時 喺 人們 習慣 嘅 思維 規律 裏 便 擺脱出嚟 ，喺 事物 嘅 幾個 方面 去 分析 問題 。
呢點 ，可能 係 佢 成為 一個 思想家 所 必要 嘅 。
好與壞 ，大與小 ，快與慢 ，強與弱 ，真與假 ，美與醜 ，善與惡 ，等等之間 ，佢 會 睇到 佢哋 之間 嘅 轉化 。
變化 、 運動 、 發展 係 永恆 嘅 ， 事物 都 係 一分 為 二 嘅 。
五十年代 ，毛澤東 曾經 陪 民主人士 去 十三陵 遊覽 。
佢哋 將 十三個 陵墓 逐個 都 睇過 ，見到 皇陵 嗰種 殘破 嘅 敗跡 ，不少人 發出 慨歎 。
不少人 向 毛澤東 建議 ：喺 國泰民安 嘅 時期 呢 ，就 應該 將 呢 十三個 陵 啊 修復 返 佢哋 ，畀 人們 參觀 。
毛澤東 面對 斷壁 頹垣 ，碎瓦 亂磚 ，草木 斜陽 ，發表 咗 噉樣 嘅 意見 ，佢 話 ：
呢啲 皇帝 想 不朽 ，真係 可笑 亦 可悲 啊 。
用勞動人民嘅血汗為自己立碑 ，簡直 係 可恨 。
真正嘅碑 ，應該 立喺 歷史 嘅 記載 上 ，立喺 人民 嘅 心裏 便 。
噉先至叫做豐碑 ，噉先至叫做不朽 嘛 。
破壞咗嘅嘢 ，就 不必 再 要去 花 大 氣力 修復 咯 。
破敗 ，先至 係 佢哋 應有 歷史 真實 。
人們 喺 呢處 應該 想到 歷史 ，睇到 歷史嘅 演變 。
的確 ，當 人們 嚟到 呢個 皇陵 嘅 時候 ，如果 能夠 面對 此境 ，發思古之幽情 ，想象 呢個 廢墟 當年 嘅 盛況 ，同 佢 嘅 興衰 榮辱 ；
而想象 ，往往 比 眼前 更 豐富 噉 就 夠 喇 。
十三陵 ，留低嘅 係 歷史 ，佢 嘅 價值 早就 超過 皇陵 嘅 本身 。
毛澤東 喜歡 從 相反 嘅 另一面 去 分析 事物 ，呢個 係 長久以來 嘅 習慣 。
呢 個 ， 可能 係 佢 能夠 得出 一 啲 比較 準確 嘅 判斷 嘅 來源 。
因 為 佢 唔 單 止 睇 到 人們 容易 睇 到 嘅 嗰 一方面 ， 亦 睇 到 咗 人們 唔 容易 睇 到 ， 極容易 忽略 嘅 嗰 一面 。
毛澤東 多次 精讀 紅樓夢 ，佢 係 將 呢部 書 作為 歷史 嚟 讀嘅 。
因此佢話 ：唔讀 紅樓夢 ，就 唔了解 封建社會 。
主席 有 一日 忽然間 問 小孟 話 ：
孟夫子 ，你 睇過 紅樓夢 嘛 ？
小孟 話 ：第啲 書 就 冇 睇過 ，呢本 書 呀 我 真係 睇過 一次 㗎 。
哦 ，睇過 紅樓夢 呀 ？噉 你 講嚟 聽下 ，有 咩嘢 想法 。
呢本書 好睇 嘛 ？
有啲 地方 好好睇㗎 ，劉姥姥 入 大觀園 ，嗰段 寫得 真係 有意思 喇 。
不過 有啲 地方 ，我 唔係 點 睇得懂 嘅 。
係啊 ，紅樓夢 我 都 睇過 十幾次 嘞 ，有啲 地方 都 仲係 未 睇懂 ，呢點 唔 奇怪 嘛 。
主席啊 ，我 點解 睇到 最收尾 ，見到 佢哋 嘅 家族 四分五裂 ，家境 敗落 嘅 時候 ，個 心裏 便 呀 ，硬係 有啲 同情 嘅 呢 ？
係咩 ？唔淨止 你 同情 啊 ，我 亦 同情 啊 。
不過 我 一 諗 ，就 唔同 情 喇 。
榮國府 、寧國府 嘅 敗落 ，只不過 係 暫時 喪失 咗 食人 嘅 權力 。
呢個 府 同 嗰個 府 嘅 此起彼落 ，不過 係 狗咬狗 嘅 輸贏 啫 ，同情 係 大可不必 嘅 。
我 同情 林黛玉 ，不過 呢 就 唔 喜歡 賈寶玉 嘅 。
佢 對 咁多個 女仔 都 好好 嘅 ，噉 算 係 咩嘢 喎 ，一啲 都 唔 專一 嘅 。
林黛玉 有 句 説話 講得 好啊 ：
不是 東風 壓倒 西風 ，就是 西風 壓倒 東風 。
佢 係 個 好有頭腦 嘅 女仔 ，但係 佢 嘅 脾氣 呢 ，亦 好 得人驚 嘅 。
賈寶玉 ，係 個 好有性格 嘅 男仔 嚟㗎 ，佢 對 女仔 好 ，係 因為 佢 覺得 女仔 受壓 嘛 。
大觀園 裏 便 嘅 女 仔 ， 總 係 比 嗰 啲 男人 乾淨 得 多 。
你呀 仲唔懂 賈寶玉 。
仲有 一次 ，主席 同 小孟 談到 俄國 嘅 普希金 。
本來 ， 主席 好少 談到 外國 嘅 作家 嘅 ， 但 係 呢 次 突然 間 提到 普希金 嘞 。
主席 話 ：俄國 有 個 詩人 普希金 ，佢 寫咗 一個 童話 ，漁夫 和 金魚 的 故事 ，我 非常 喜歡 啊 。
小孟 話 ：漁夫 和 金魚 的 故事 ，我 讀 小學 嘅 時候 睇過 呢齣 動畫片 啫 ，嗰個 貪心 嘅 老太婆 啊 ，真係 可惡 喇 。
你就係 會 睇到 嗰個 老太婆 嘅 貪心 ，太過 可惡 。
不過呢 ，你 冇 睇到 呢個 貪心 之中 ，有 可愛 嘅 一面 喇 。
個 老太婆 一味 要 老頭子 去 問 金魚 要 呢樣 要 嗰樣 ，最後 仲 要 做 女王 ，仲 要 叫 金魚 嚟 服侍 佢 。
金魚 嬲 喇 ，老太婆 仲 唔係 一切 都 冇咗 咯 ，只係 得返 個 爛 木盆 。
一個人 貪得無厭 係 唔好 ，但係 人 要 貪得有厭 ，恐怕 世界 就 唔 前進 咯 。
你話 係唔係 呢個 道理 吖 ？
都滿足咯 ，到咗 厭嘅 程度 ，噉 仲要 變革 ，仲要 追求 乜嘢 呢 ？
呢個 又係 毛澤東 嘅 觀點 ，佢 贊成 老太婆 嘅 追求 。
孟錦雲 嘅 結論 係 ：主席 嘅 睇法 ，成日 同 我哋 唔同 嘅 ，呢個 人 呀 真係 怪 嘞 。
小張 亦 有 同樣 嘅 睇法 ：
佢 就係 怪 ，你 話 係 黑 嘅 ，佢 偏要 話 係 白 嘅 ，佢 喜歡 對立 嘅 。
難怪 年青 時代 嘅 毛澤東 ，老師 喺 畀 佢 嘅 詩 嘅 評語 裏 便 ，就 稱 佢 為 怪才 。
仲係 毛澤東 經常 講 嘅 嗰句 説話 ：你哋 叫做 只知其一 ，不知其二 啊 。
小孟話 ：我哋 成日 係 只知其一 ，不知其二 ，你 呢 ，成日 係 又 知 其一 ，又 知 其二 。
毛澤東 係 個 怪才 ，佢 嘅 才 ，可能 係 來自於 佢 嘅 怪 。
