主席 用餐 嘅 時間 ，由 小張 同 小孟 掌握 ，大概 係 四個 鐘頭 一次 啦 。
每隔 四個 鐘頭 之後 ，小孟 就 會 同 主席 話 ：
主席 ，你 應該 食啲嘢 喇 。
當 小孟 或者 小張 問 佢 嘅 時候 ，佢 一般 都 岌下 個 頭 ，有時 亦 會 唔同意 嘅 。
噉呢個時候呢 ，小孟 或者 小張 就會 勸佢話 ：
今日 呀 有 好好食 嘅 嘢 啊 ，你 唔 食 就 白做 㗎 喇 ，噉 我哋 食 㗎 喇 ，你 仲係 多少 都 食 啲 。
都好幾個鐘頭喇 ，你 需要 食嘢 㗎喇 。
冇錯 ，人 係 鐵 ，飯 係 鋼 ，一餐 唔食 啊 餓到 慌 。
不過 我 冇 慌噃 ，呵呵 ，好 ，食啲 都 好 。
毛澤東 又 會 講出 一啲 俏皮話 嚟 喇 。
小孟 聽咗 ，又 回想起 六十年代 同 主席 接觸 嘅 嗰啲 日子 。
嗰陣 ，喺 主席 嘅 客廳 裏便 ，有 幾次 主席 請 佢哋 食飯 。
主席 呢 亦 時常 開啲 玩笑 嘅 ：
你哋 食多啲 啦 ，人哋 話 人 係 鐵 ，飯 係 鋼 。
我呢就認為 人 係 鐵 ，煙 係 鋼 ，一次 唔 抽 悶到 慌 。
飯 可以 唔食 ，煙 就 唔能夠 唔抽 啊 。
小孟話 ： 唔 抽煙 又 會點 呢 ？ 我 真 係 唔 明白 喇 ， 煙為 咩 事 總 係 咁 容易 上癮 嘅 ？
不入虎穴 ，焉得虎子 。你 唔 抽煙 當然 唔知道 抽煙嘅 癮頭 啦 。
不過 都 仲係 唔抽 好 ，尼古丁 係 害人 精 啊 。
毛澤東 原來 抽煙 抽得 好 厲害 㗎 ，自從 七二年 患病 之後 ，佢 由 多 漸少 ，慢慢 噉 戒煙 喇 。
但係 佢 對 煙 依舊 有 啲 戀戀不捨 。
開始嘅時候 係 每日 控制 抽 五支 ，收尾 又 減少 到 三支 。
當時 佢 每次 抽煙 ，都 將 一支 搣 為 兩橛 ，一次 抽 一橛 。
似乎噉樣呢 ，就 顯得 多抽幾支 嘞 。
而家 嘅 毛澤東 已經 係 半支 煙 亦 唔 能夠 抽 喇 ，疾病 迫使 佢 完全 戒咗 香煙 。
主席 喺 小孟 嘅 提醒 勸説 之下 ，同意 食飯 喇 。
小孟 就 用 電話 通知 下便 嘅 工作人員 ，準備 開飯 。
下便嘅 工作人員 再 通知 廚房 嘅 師傅 做飯 。
因為 師傅 早就 做好 準備 喇 ，所以 二十分鐘 至 半個小時 之後 呢 ，飯菜 就 做好 喇 。
毛澤東 嘅 工作人員 分為 兩 部分 ：
可以 出入 佢 卧室 嘅 ，只有 小張 同 小孟 兩個人 ；
另外一部分人 ，可以 進入 主席 嘅 客廳 ，係 喺 外便 工作 嘅 。
好似 理療 、打針 嘅 護士 、送飯 、理髮 、洗衫 、打掃 衞生 、整理 房間 、管理 圖書 、保管 存款 嘅 工作人員 ，總共有 四五 個 人 。
主席 同意 用餐 之後 ，小孟 就 會 幫 主席 用 毛巾 抹 下 塊 面 ，請 主席 坐起身 ，活動 一下 。
小周 就 攞 個 竹籃 ，將 啲 飯 送 到 主席 卧室 外 便 嘅 大廳 ，然後 用 電話 通知 小孟 嚟 攞 。
小 周 ， 係 喺 外 便 工作 嘅 四五位 工作人員 當中 嘅 一個 。
佢 管 同 主席 送飯 、管理 圖書 同 理發 等等 。
小孟 將 竹籃 攞 入嚟 ，放 喺 主席 床前 嘅 一 張 茶几 上 便 。
呢個 時候 ，就 由 小張 餵飯 喇 。
主席 每餐飯 一般 都有 魚 ，有 一碟 辣椒 ，一碗 仔米飯 。
食咗 一啲 飯 之後 ，冇 幾 耐 ，小周 會 送嚟 第二道 菜 同 第三道 菜 ，最後 送 一次 湯 。
主席 經常 食 嘅 餸菜 有 紅燒水魚 、胖頭魚 、蒜泥白肉 、麻醬茄瓜 、苦瓜炒鴨 、魚翅 、燕窩湯 、色拉 、腐乳 。
呢啲餸菜 當然 唔係 每日 都 食 啦 ，只係 每次 整 一兩個 啫 。
主食 一般 係 食米飯 。
喺 兩 餐 飯 之間 ，主席 有時 亦 食 啲 麥片 啊 ，煉乳 之類 嘅 嘢 。
水果 一般 係 製成 果汁 嚟 飲 。
佢 鐘意 食 芒果 、葡提子 、西瓜 ，但係 每次 只能夠 食 一啲啲 嘅 啫 。
主席 食飯 嘅 時候 ，往往 係 談笑 比較 多 嘅 時候 。
佢 覺得 好食 嘅 嘢 ，就 會 叫 小張 、小孟 一齊 嚟 食 。
一般嘅情況 ，係 主席 食完 之後 佢哋 兩個人 先 再 食 ，有時候 呢 亦都 一同時 食 。
小孟 啱 啱 到 主席 身邊 嘅 時候 ， 主席 就 講過 ： 你 喺 我 呢 度 工作 ， 係 三 不要 。
一 係 食飯 唔 要錢 ， 二 係 住房 唔 要錢 ， 三 係 着 衫 唔 要錢 ， 仲有 睇 書任 你 睇 到夠 。
小張 同 小孟 兩個人 嘅 飯錢 ，都 係 由 主席 負擔 ，呢個 係 主席 講過 嘅 。
據説 史大林 晚年 ，經常 係 由 當時 政治局 嘅 委員 陪同 用餐 。
因為 佢 疑心 好重 啊 ，每次 上菜 ，佢 都 要 請 啲 委員 首先 品嘗 ，啲 委員 亦 都 明白 史泰林 嘅 意思 。
因此 每次 上菜 之後 ，佢哋 就 主動 先 食 喇 ，跟住 ，史泰林 先至 用餐 㗎 。
毛澤東 就 冇 呢種 疑心 ，佢 唔問 咩嘢 ，自己 食咗 之後 ，小張 、小孟 再 食 ，有時 ，佢哋 同時 進餐 。
主席 仲 時常 話 ：我哋 有福 同享 嘛 。
主席 好鐘意 食 苦瓜 ，用 鴨肉 炒嚟 食 。
有一次 ，主席 一邊 食 一邊 談 ，佢 話 ：
苦瓜 ，我哋 家鄉 好多 ，房前 屋後 都 可以 種 ，好 種 ，亦 好容易 生 㗎 。
有啲人 就 食唔慣 ，係 怕 佢 嘅 苦味 。
我 不但 食得慣 ，仲 一生一世 都 食 ，從細 就 鐘意 食 ，就係 貪 佢 呢種 苦味 。
我 呢個人 ，一生 吃苦 唔少 ，睇嚟 係 苦慣咗 咯 ，以 苦 為 樂 咯 。
佢 一 便 講 ， 一便 用 手指 指住 隻 碟 裏 便 嘅 苦瓜 話 ：
你哋 食多啲 啦 ，唔好 怕 苦 啊 。
當 小孟 、小張 都 食 苦瓜 嘅 時候 ，主席 就 會 接住 議論 喇 ：
凡係 苦嘅 嘢啊 ，對 人體 都 有 啲 好處嘅 。
苦 能夠 去火 明目 吖嘛 。
人 食 五穀 雜糧 ，就 難免 上火 。
有時 嬲 都 會上 火 㗎 ， 呢 啲 就 叫做 虛火 。
呢種人 ，食啲 苦嘅嘢 好 有必要 。
我 呢個人 亦 鐘意 上火 ，所以 命中註定 要 食苦 咯 ，不如 主動 去 食 ，免致 火氣 太 大 。
火氣 一大 呢 ，唔係 傷人 就係 傷己 喇 。
至於 明目 ，更加 係 佢 大大 嘅 好處 。
我而家 有 啲 老眼 昏花 咯 ，時時 食 一啲 ，免致 睇唔清 事理 啊 。
聽見 毛澤東 嘅 呢番 議論 ，小孟 嘅 心 好 清楚 ：
主席 已經 唔 淨係 喺 處 議論 苦瓜 本身 嘞 ，而係 引申 到 更加 深遠 嘅 地方 。
借題發揮 ，思維活躍 ，善於聯想 ，呢啲 ，係 毛主席 歷來 嘅 一大特色 。
主席 係 鐘意 食 魚 ，喺 嗰首 水調歌頭 游泳 嘅 詞 裏 便 ，佢 曾經 寫過 ：
才 飲 長沙 水 ，又 食 武昌 魚 。
主席 最經常 食 嘅 魚 ，係 一種 比 武昌魚 名氣 小得多 ，一種 極之 普通 嘅 魚 ，胖頭魚 。
並且 特別 鐘意 飲用 呢種 魚頭 整 嘅 湯 ，一種 煲到 奶白色 嘅 湯 。
有一次 ，飲 胖頭魚湯 ，主席 望住 湯 裏頭 又肥又大 嘅 魚頭 ，又 用 佢 嗰種 特有 嘅 幽默 同 浪漫 聯想起嚟 喇 。
佢 指 一指 個 魚頭 話 ：呢個 頭 ，比 一般 魚 嘅 頭 大 。
唔知 呢種 魚 比 第二啲 魚 聰明 唔聰明 啲 呢 ？
噉睇起上嚟 ，大腦 發達 ，應該 聰明 啩 。
食多啲 呢種 大魚頭 ，一定會 使 大腦 發達 嘅 ，嚟嚟嚟 ，你哋 都 食啲 。
我啊真係希望你哋越嚟越聰明啊 。
主席 嘅 玩笑話 ，使到 席間 充滿 咗 輕鬆 歡樂 嘅 氣氛 。
主席 每餐 食完 飯 之後 ，經常 鐘意 食 一啖 魚凍 。
呢種 魚 凍 小孟 亦都 試過 。
小孟 雖然 亦係 一個 特別 鐘意 食 魚 嘅 人 啊 ，而且 一般 魚 嘅 腥味 佢 都 唔 怕 嘅 。
就好似 有啲人 鐘意 食 羊肉 噉 ，久而久之 ，對 羊肉 嘅 騷味 亦 係 毫無 感覺 一樣 。
但 係 當 佢 食 一 啖 魚凍 嘅 時候 ， 馬上 覺得 一種 特殊 嘅 腥味 ， 真 係 有 啲 頂 唔 住 ， 就 再 唔 願食 呢種 魚凍 嘞 。
不過 佢 唔明白 ，主席 為咩嘢 每餐飯後 ，都 要 食返一啖 呢 ？
有一次 ，食完飯之後 小孟 又 問 主席 話 ：
主席啊 ，你 食 嗰種 魚凍 啊 腥 瘟瘟 ，有 咩嘢 好食 啫 ，你 點解 總係 要 食 佢 嘅 ？
主席 話 ：孟夫子 ，你 講得 啱喇 。
我就係要食呢種腥味 ，魚唔腥就唔係魚咯 。
魚腥 、肉香 ，都 要 領略 ，食 一啖 魚凍 ，啲 飯 呀 一下 就 落晒 格喇 。
呢啲 就係 主席 嘅 口味 嘞 。
毛澤東 仲有 一個 特點 ，就係 佢 認為 啱嘅 ，佢 係 唔會 輕易 改變 。
佢 唔願 食藥 ，唔願 醫生 同 佢 睇病 ，晚年 啊 唔鐘意 運動 ，時時 使到 工作人員 無可奈何 。
對於 食嘢 呢 ，佢 顧忌 嘅 唔多 ，甚至 全無 顧忌 。
只要 佢 係 想 食 ，鐘意 食嘅 ，佢 認為 就 可以 食㗎喇 。
主席 鐘意 食 一種 白色 嘅 腐乳 ，呢種 腐乳 ，醫生 化驗 之後 就 建議 主席 唔好 食 喇 。
因為 裏 便 係 有 一 種 白色 嘅 念菌 ，對 身體 唔好 嘅 。
醫生 將 呢個 建議 寫成 報告 ，由 小孟 轉告 主席 。
主席 聽咗 不以為然 噃 ，並且 開咗 個 不大不小 嘅 玩笑 添 。
毛澤東話 ：聽日 ，我 請 醫生 嚟 一齊 食飯 ，請佢 食 啲 腐乳 。
果然 ，第二日 請咗 嗰個 醫生 嚟 ，飯枱 上 便 特登 擺咗 一碟 腐乳 。
主席 一便 食 一便 對 醫生 話 ：
你 試下 呢啲 腐乳 啦 ，睇下 好食 唔好食 。
醫生 用 筷子 夾 咗 一粒 ，放咗 入 嘴 ，只有 話 ：嘿 好食 ，好食 。
食完飯之後 ，小孟 對 主席 話 ：我 覺得 你 唔應該 開 噉 嘅 玩笑 啫 ，人哋 醫生 建議 係 一片 好心 。
再講吖 ，亦係 有 科學 根據 嘅 ，人哋 係 為 你 嘅 健康 着想 啫嘛 。
主席 話 ：請人 嚟 食飯 ，當然 要 攞出 我 認為 係 好食 嘅 嘢 嚟 招待 人客 㗎 嘛 。
我 亦 冇 問 佢 啲 腐乳 有 咩 嘢 成分 ，只係 問 佢 好食 唔好食 啫 。
佢嘅 回答 得 亦 好 ，只係 話 好食 ，並 冇 講 有 咩 嘢 成分 啊 。
再講吖 ，老朋友 ，開個 小小嘅 玩笑 ，亦係 可以嘅 。
主席 思索 咗 一下 又 話 ：我 覺得 ，人 覺得 好食 ，亦 鐘意 食 嘅 嘢 ，就 能夠 食 㗎喇 。
鐘意 食 ，一定 係 人體 有 呢種 需要 。
呢啲 ，可能 係 一種 咩嘢 潛在 嘅 嘢 啦 。
不過 究竟 係 乜嘢 呢 ，我 亦 講唔清 。
但係 世界上 嘅 嘢 ，講唔清 嘅 亦 太多 咯 。
噉亦係好事嚟㗎 ，都講得清楚咯 ，科學 仲 研究 乜嘢 呢 ？
唔 研究 咯 ，仲有 發展 啊 ？
主席 又係 借題發揮 嘞 。
每次 主席 用餐 之後 ，見到 小孟 、小張 食得 好開胃 ，佢 面上 會 現出 好高興 嘅 神情 。
佢 時常 話 ：睇見 你哋 咁 開胃 ，比 自己 食 呀 仲 高興 啊 。
毛澤東 晚年 嘅 膳食 ，唔話得 係 好 儉樸 ，但 亦 唔話得 係 奢侈 。
紅辣椒 、腐乳 ，應該 講 係 反映咗 毛澤東 嘅 特殊性格 。
青年時代嘅毛澤東 ，就係 一個 鐘意 標新立異 嘅 人 。
獨坐祠堂 如 虎踞 ，綠楊樹下 養 精神 。
春 來 我 不 先 開口 ，哪個 蟲兒 敢 作聲 。
呢首詠蛙詩 ，係 毛澤東 十七歲 嘅 時候 作嘅 。
當時 ，老師 出 題目 ，叫 學生 寫 詩 。
大家 寫 嘅 詠蛙詩 當中 啊 ，唔係 寫 蛙鳴 好似 開 音樂會 ，就係 寫 青蛙 係 益蟲 ，可以 吞食 害蟲 。
唯獨 毛澤東 呢 首 詩 啊 ，卻 係 獨出心裁 ，另有 立意 。
雖然 呢首詩 亦唔係 咩嘢 不朽之作 ，但係 由 呢個 角度 去 寫 ，將 小小 嘅 青蛙 賦予 虎氣 ，卻係 別樹一幟 ，實在 難得 。
毛澤東 決唔會 因循守舊 ，人云亦云 。
佢 讀書 ，佢 尊重 古人 嘅 一啲 哲學觀點 。
但係 佢 總係 鐘意 喺 相反 嘅 方面 去 思考 。
佢 喜歡 離經叛道 ， 佢 喜歡 創建 自己 嘅 學 説 ， 提出 自己 嘅 理論 。
喺 青年 時代 嘅 毛澤東 就 話 ：
天下者 ，我們的 天下 ；國家者 ，我們的 國家 。
與 天 奮鬥 ， 其樂無窮 ； 與 地 奮鬥 ， 其樂無窮 ； 與 人 奮鬥 ， 其樂無窮 。
到咗 晚年 ，佢 本來 可以 安居樂業 ，頤養天年 喇 。
但係 佢 仍然 不安分 ，佢 不斷 咁 提出 新 嘅 觀點 ，不斷 咁 創建 新 嘅 學説 。
並且 不惜一切代價 噉 ，將 自己 嘅 理論 學説 ，付之於 實踐 。
佢 又 提出 自己 嘅 論斷 ： 鬥則 進 ， 不鬥則 退 ， 不鬥則 收 ， 不鬥則 垮 。
共產黨的 哲學 ，就是 鬥爭的 哲學 。
階級鬥爭 這個 光 ，一揸 就 靈 。
在 全國 平定 以後 ，他們 也 還 會 以 各種 方式 從事 破壞 和 搗亂 。
他們 將 每日每時 ，企圖 在 中國 復辟 ，這 是 必然的 ，毫無疑義的 ，我們 務必 不要 鬆懈 自己的 警惕性 。
在戰略上 ，我們 要 藐視 一切 敵人 ；
在戰術上 ，我們 要 重視 一切 敵人 ，等等等等 。
佢 鐘意 與眾不同 ，佢 信仰 馬列主義 ，但係 佢 決唔會 因襲 ，佢 要 發展 ，要 改造 ，要 出新 。
因為 噉 樣 ， 佢 將 用 咗 畢生 嘅 精力 心血 ， 所 參與 締造 嘅 ， 將好 地 地 嘅 中華人民共和國 ， 不惜 幾乎 粉碎 。
佢 要 將 自己 親自 創建 起嚟 嘅 一套 套 機構 ，通通 砸爛 ；
使 幾十年來 同甘共苦 嘅 戰友 ，蒙受 不白之冤 ，通通 靠邊站 ，揪鬥 、關押 、慘死 。
呢一切 ，都 唔能夠 動搖 佢 嘅 信念 。
一張 白紙 沒有 負擔 ，一切 從頭 嚟 ，有得 必 有失 。
呢啲 ，就係 佢 嘅 判斷 。
