呢一日 ，梁中書 得到 報告 ，話 梁山泊 嘅 軍馬 ，今日 已經 全部 收兵 都 返晒 去 喇噉 。
梁 中書 聽咗 ，即刻 就 嗌 李成 、聞達 嚟 商量 。
聞達話 ：睇嚟呀 ，實係 京師 嘅 救兵 去 打 佢 梁山泊 ，呢班 傢伙 ，怕 失 咗 巢穴 慌忙 返 去 定 喇 。
我哋 趁勢 追殺 ，一定 捉到 宋江 嘅 。
話猶未了 ，已經 有 官差 帶住 東京 嚟 嘅 公文 ，話 已經 帶兵 去 打 賊巢 喇 ，梁山 如果 退兵 ，就 趕快 去 追噉 。
梁中書 即刻 叫 李成 、聞達 ，各 帶 一支 兵馬 ，由 東西 兩路 追殺 梁山 嘅 人馬 咯噃 。
而家 講下 宋江 佢 帶兵 退卻 吖 ，見到 城 裏 便 調兵 嚟 追趕 咪 就 搏命 咁 走 。
呢便 李成 、聞達 呢 就 一直 追 到 去 飛虎峪 嗰邊 ，哈 ，只 聽見 背後 火炮 轟轟聲 咁 響 。
李成 、聞達 吃咗 一驚 ，勒住 戰馬 一睇 ，只見 後便 呀 ，旗幡 亂擺 戰鼓 齊鳴 。
李成 、 聞達 措手不及 喇 ， 只見 左手 便 啊 ， 撞出 小 李廣花 榮 ， 右手 便 ， 撞 出 豹子頭 林沖 ， 各帶 住 五百 軍馬 喺 兩 便 殺 嚟 。
李成 、聞達 知道 中計 喇 呢趟 ，即刻 返轉頭 啦 。
哈 ，點知 前便 又 撞正 呼延灼 ，帶住 一支 馬軍 就 大殺 一陣 ；
殺到 李成 、聞達 呀 頭盔 又 跌咗 衣甲 飄零 ，退返 入 城 就 閉門 唔敢 出嚟 啊 。
宋江 嘅 軍馬 ，就 依住 次序 退返去 啦 。
退到 就嚟到 梁山泊邊 ，就 遇 正醜 郡馬 宣贊 攔住 去路 。
宋江 就 命令 停止 行軍 ，就喺 處 扎寨 先 。
然後呢 ，暗中 使人 啊 由 偏僻 嘅 小路 ，游水 過去 上山 去 通知 ，約定 水陸 兩路 派兵 嚟到 接應 。
而家 講 下 水寨 裏 便 嘅 頭領 船 火兒 張 橫 啊 ，佢 同 佢 細佬 浪 裏 白 跳 張 順 喺度 商量 ，佢 話 ：
我哋 兩 兄弟 ，嚟咗 山寨 咁 耐 都 未曾 立過 功 。
而家 ，蒲東 大刀 關 勝 三路 調兵 嚟 打 我哋 山寨 。
喂 ， 不如 我同 你 兩 兄弟 ， 去 劫 咗 佢 個 寨 先 ， 捉到 關勝立 咗 呢 個 大功 ， 喺 咁 多位 兄弟 面前 爭返 啖 氣都 好 吖 嘛 。
張順話喇 ：大哥 ，我 同 你 只係 管 一啲 水軍 ，如果 唔夠 佢 打 ，盞 畀 佢 笑 㗎 咋噃 。
張橫 話 喇 ：嘿 ，同 你 樣樣 都 咁 謹小慎微 ，何年何月 先至 能夠 立功 啊 ？
你 唔去 就 罷啦 ，我 今晚 自己 去 。
張順 就 苦苦 勸 佢 都 佢 都 唔 聽 。
噉 當晚 張橫 啊 ，就 點咗 五 啊 幾隻 船仔 ，每隻 船 呢 ，只係 坐 三五 個 人 嘅 啫 ，全身 都 係 輕裝 ，揸住 苦竹槍 ，擪住 蓼葉刀 。
趁住 有 多少 月色 ，夜晚 又 靜 ，就 將 啲 船仔 啊 一直 棹 到 過 旱路 嗰 便 。
呢個 時候 呢 ，大概 係 ，二更 時候 啦 。
噉關勝呢 ，當晚 喺 中軍帳 裏 便 啊 點住 燈 睇書 ，有啲 埋伏 喺 路口 嘅 小校 就 靜靜地 嚟 報告 佢 ：
將軍 啊 ， 喺 蘆花 蕩 嗰 處 ， 大概 有 四五十隻 船仔 ， 人人 都 揸 住 長槍 ， 喺 蘆葦 林 嗰 處 埋伏 喎 唔 知 咩 意思 呢 ， 特 嚟 報告 啊 。
關勝 聽咗 ，佢 微微 冷笑 。
同旁邊 企 喺 處 嘅 首 將 細細聲 噉 講咗 幾句 。
好喇 ，張橫 呢 就 帶住 二三百 人 ，喺 蘆葦林 中間 就 輕手輕腳 嚟到 寨邊 ，拔開 鹿角 ，直撲 中軍 。
啊 ，望見 中軍 帳 裏頭 燈光 火猛 ，關勝 呢 ，用 隻手 捋下捋下 鬍鬚 坐 喺 處 睇 書 。
張橫 個 心 歡喜 喇 以為 得 米 喇 呢 趟 ，佢 揸住 長槍 直 衝 入 中軍 帳 裏 便 。
點知 側 跟 嗙噉 一聲 鑼 響 ，喎嗬 啲 官軍 啊 一齊 吶喊 ，好似 天崩地裂 山倒江翻 啊 ，嚇到 張橫 啊 拖住 支 長槍 轉身 就 走 。
呢個 時候 ，四周圍 嘅 伏兵 亂起 。
張橫 同 二三百 個 人 啊 一個 都 冇 走甩 ，冚𠾴唥 畀 人 捉住 ，推 到 嚟 中軍 帳 前 便 。
關勝 見到 ，笑住 噉 鬧 ：嘿嘿嘿嘿嘿 ，無知 草賊 ，居然 敢 嚟 蝦 我 ？
叫人 將 張橫 啊 用 囚車 韞 好 ，其餘 嘅 呢 冚𠾴 唥 監禁住 。
話 等埋 捉到 宋江 呢 一齊 解 上京師 。
而家 講 下 水寨 裏 便 嘅 三阮 頭領 啊 ，正 喺 寨 裏 便 商量 ，想 派 人 去 宋江 嗰 度 呢 探聽 下 消息 。
張順嚟喇 ，佢話 ：
我 阿哥 因為 唔聽 我 勸 啊 ，硬係 要 去 劫 關勝 嘅 營寨 ，畀 佢哋 捉咗 喇 。
阮小七 聽咗 就 大叫 起上嚟 話 ：嘿 ，我哋 大家 兄弟 同 死 同生 ，吉凶 相救 。
你 係 佢 個 親細佬 ，點解 會 由得 佢 自己 一個人 去 搞到 畀人 捉咗 咁 弊 㗎 ？
你唔去救 ，噉 我哋 三兄弟 去 救佢 。
張順 話 喇 ：為因 未曾 得到 大哥 嘅 將令 唔 敢 亂逳 㗎 嘛 。
阮小七 就 話 ：如果 等到 將令 嚟 嘅 時候 啊 ，你 阿哥 畀 佢哋 斬 成 八碌 都 得 喇 。
阮小二 、阮小五 都 話 喇 ：冇錯 喇 ，噉 講得 啱 啊。
張順 拗 佢哋 三個 唔過 ，就 唯有 點 話 點好 係啦 。
當晚 四更 ，點起 大小水寨 嘅 頭領 ，駛咗 百幾 隻 船 ，一齊 殺奔 關勝 嘅 營寨 。
岸上啲小軍 ，嘩嗨 ，睇見 水面上啲戰船 好似 蟻噉 ，都 傍晒嚟 岸邊 ，就 慌忙 報畀 主帥 聽 。
關勝 笑住 話 ：哼 ，賊仔 毫無 見識 ，何足為慮啊 ！
擰 轉頭 ， 對 身邊 嘅 首 將 又 細細 聲 噉 講 咗 幾句 ， 噉 噉 噉 噉 ， 定 咗 計喇 。
噉 當時 三阮 在 前 就 張順 在 後 ，喎嗬 噉 吶喊 一 聲 就 衝入 寨 裏 便 。
嗯 ，只見 寨內 槍刀 豎立 ，旗幟 招展 ，但 一個人 都 冇 。
三阮 大驚 ，轉身 就 走 。
點知 帳前 嗙噉 一 聲 鑼 響 ，左右 兩 邊 ，馬軍 步軍 就 分 成 八 路 ，好似 天羅地網 噉 啊 重重疊疊 包圍 過嚟 。
張順 喺 後 便 㗎 嘛 ，咦 見 唔係 頭路 喇 ，乒乓 噉 就 跳 落水 走 先 喇 。
三阮 就 奪路 就 走啦 ，急急 嚟到 水邊 ，啲 後軍 趕到 上嚟 喇 。
撓鉤齊下就套索亂飛啊 ，將嗰個活閻羅阮小七一下勾住 ，橫拖掂掹啊捉咗去 。
阮小二 、阮小五 、張順 ，好彩 得到 混江龍 李俊 啊 帶埋 童威 、童猛 搏命 救咗 返去 。
噉啲 水軍 呢 ，就 即刻 將 劫寨 失敗 嘅 經過 啊 報上 梁山泊 。
劉唐 就 嗌 張順 呢 ，由 水路 直到 宋江 嘅 營寨 ，報告 呢個 消息 。
宋江 知道咗 ，就 同 吳 用 商量 點樣 嚟 打退 關勝 。
吳用 話 ：聽日 決戰 睇下 勝敗 如何 啦 。
話口 未完 ，就 聽見 外便 戰鼓 齊 鳴 喇 ，原來 係 醜郡 馬 宣贊 啊 ，率領 大小 三軍 嚟到 大寨 。
宋江 就 點齊 人馬 出去 迎戰 ，見到 宣贊 喺 門 旗下 便 嘍打 ，佢 就 話 ：邊個 出馬 去 捉 呢個 傢伙 先 啊 ？
只見 小李 廣花榮 拍馬 持槍 ，直取 宣贊 。
宣贊 就 舞刀 嚟 打 喇 一來一往 一上一下 ，打咗 十個 回合度 ，花榮 賣 個 破綻 ，回馬 就 走 。
宣贊咪嚟追咯 ，花榮 帶住 鋼槍 ，拈弓取箭 ，坐歪個身 ，𠻘噉 一翻身 一箭 。
宣贊 聽見 弓弦 響 ，知道 有 箭 嚟喇 ，用 把 刀 一隔 ，砰 一聲 就 射 喺 刀面 上面 。
花榮 見到 一箭 射 佢 唔中 唄 ，再 攞 第二支 箭 ，瞄準 咗 ，對實 宣贊 嘅 胸膛 射過嚟 。
宣贊 用 個 鐙 裏 藏身 ，又 避過 咗 咯 。
宣贊 見到 佢 嘩嗨 乜 箭法 咁 高強 嘅 就 唔 敢 追 ，啪聲 就 勒 轉 馬頭 跑 返 去 本陣 。
花榮 見 佢 唔嚟 追 ，即刻 勒 轉馬頭 ，追返 轉頭 喇 。
佢 又 攞 第三 支 箭 ，對住 宣贊 嘅 後心 ，𠻘噉 再 射 一 箭 。
只聽見 噹噉 一聲響 ，正正 射中 背後 護心鏡 上 。
宣贊 就 慌忙 跑 馬 入 陣 ，即刻 使人 報 畀 關勝 知 。
關勝 知道 喇 ，就 嗌 個 小校 ：快啲 同 我 牽 戰馬 嚟 ！
嗰 匹 馬 ，周身上下 冇 一條 雜色 毛 㗎 ，純粹 係 火炭 一樣 噉 赤色 。
關勝 全身 披褂 ，提刀 上馬 ，一直 嚟到 陣前 。
宋江 見到 關勝 嘩 一表非俗 ，就 同 吳用 暗暗 喝彩 喇 ，佢 擰轉頭 同 各位 梁山 好漢 話 ：
關將軍 英雄 真 係 名不虛傳 啊 ！
説話未完 ，林沖 就 嬲 喇佢 話 ：
我 哋 各位 弟兄 ， 自從 上 咗 梁山泊 ， 大大小小 六七十 陣 ， 未曾 輸 過 銳氣 ， 點解 今日 要滅 自己 嘅 威風 啊 ！
講完 就 挺槍 出馬 直取 關勝 。
關勝 見咗 大喝 一聲 話 ：
水泊草寇 ，你哋 點 敢 背負 朝廷 咁 大膽 ！
宋江 出嚟 ，同 我 決戰 。
宋江 喺 門 旗下 喝住 林沖 ，縱馬 親自 出陣 。
佢 欠 一 欠身 對 關勝 行 個 禮 佢 話 ：鄆城 小吏 宋江 參見 將軍 。
關勝話 ：你 身為 小吏 ，點解 要 背叛 朝廷 啊 ？
將軍 ，因為 朝廷 不明 ，縱容 奸臣 當道 ，讒佞 專權 ，任用 啲 貪官 污吏 陷害 天下 百姓 。
宋江 等 替天行道 並無 異心 啊 。
嘿！ 天兵嚟到 ，仲膽敢抗拒 ，巧言令色 ，想瞞騙我 係嘛 ！
如果 唔 落馬 受降 ，就要 你 粉身碎骨 ！
霹靂火 秦明 聽見 就 嬲 到 不得了 ，舞起 狼牙棍 就 縱馬 直 衝過去 。
關勝 亦都 縱馬 迎上嚟 ，同 秦明 打過 。
林沖 拍馬 飛跑過嚟 ，直奔 關勝 ，嘿 三騎馬 ，搞到 沙塵 滾滾 ，打到 呲𠻘咁 轉啊 。
宋江 睇咗 ，怕 傷害咗 關勝 ，就 叫 鳴金 收兵 。
林沖 、秦明 就 返到嚟 陣前 就 問 喇 ：小弟 正話 要 想 捉住 嗰個 傢伙 ，兄長 點解 要 收兵 罷戰 呢 ？
宋江 就 話 ：賢弟 啊 ，我哋 忠義 為 懷 ，兩個 打 佢 一個 唔係 我哋 嘅 所為 啊 。
縱使 喺 陣 上 捉 到 佢 ， 佢 個 心 唔 服 ， 盞 係 假 嘅 啫 。
我睇 ，關勝 係 英勇 之 將 ，世代 忠良 ，如果 得到 呢個人 上山 呀 ，我 宋江 情願 讓位 啊 。
林沖 、秦明 見 宋江 噉 講 就 冇 出聲 。
當日 ，兩便 都 各自 收兵 。
而家 講下 關勝 返到去 營寨 ，落咗 馬 卸咗 盔甲 個 心 就 諗嘞 ：
我 先頭 力鬥 兩將 ， 鬥 佢 哋 唔 過眼 睇 住 要 輸 ， 宋江 反而 收 咗 兵馬 唔 知 咩 嘢 意思 ？
佢 就 叫 卒仔 ，將 韞 喺 囚車 裏 便 嘅 張 橫 、阮 小七 推出嚟 ，佢 問 ：
宋江 係 個 鄆城 小吏 ， 你 哋 呢 班 傢伙 點解 咁 服 佢 呢 ？
阮小七 就 應 佢 話 ：我 大哥 喺 山東 、河北 ，遠近 馳名 ，都 稱 佢 做 及時雨 、呼保義 宋公明 。
你呢個傢伙 係 個 不知禮義 嘅 人 ，你 點會 明白 㗎 ！
兩句 説話 ，講到 關勝 耷低頭 冇聲出 。
當晚 ，關勝 喺 營寨 裏 便 悶悶不樂 坐卧不安 ，就 行 出去 外 便 睇下 ，見到 月色 滿天 霜花 遍地 ，佢 長歎 咗 幾 聲 。
呢個 時候 ，有 個 伏路 小校 嚟 報告 佢 話 ：有 個 鬍鬚 將軍 匹 馬 單鞭 要 見 元帥 啊 。
關勝話喇 ：你 冇 問 佢 係 邊個 咩 ？
佢 又 冇 衣甲 軍器 ，唔 肯 講 性名 ，就係 話 要 見 元帥 啫 。
既然 係噉 ，同 我 嗌 佢 嚟 啦 。
冇幾耐 ，就 帶咗 嗰個 鬍鬚 將軍 嚟到 帳 裏 便 拜見 關勝 。
關勝 睇咗 ，吖 係 有啲 面熟 ，不過 諗唔起 佢 叫做 咩嘢 名 ，就 問 佢 係 邊個 。
嗰個人 話 ：請 左右 個人 行開啲 先 。
關勝話 ：唔緊要啊 你 即管 講 。
小將 就係 呼延灼 。
以前 ，曾經 為 朝廷 統領 連環馬軍 征剿 梁山泊 。
點知 中咗 賊人 奸計 ，打敗咗 仗 ，貽誤 軍機 唔能夠 返去 。
今日 ，聽到 將軍 嚟到 ，小將 不勝 歡喜 啊 。
今朝早 對陣 嘅 時候 ，林沖 同 秦明 係 想 捉 將軍 ，但係 宋江 火急 要 收兵 ，就 怕 傷 犯 咗 將軍 。
宋江 呢個人 ，一向 都有 歸順 朝廷 嘅 意思 ，唯獨 是 嗰班 賊人 就 唔肯 。
所以 宋江 就 暗中 同 小將 商量 ，要 逼使 大家 歸順 朝廷 。
將軍 如果 願意 呢 ，喺 聽晚 黑 ，輕弓短箭 騎住 快馬 ，由 小路 直入 賊寨 ，就 可以 生擒 林沖 等 賊 ，解去 京師 ，建立 功勳 喇 。
關勝 聽咗 非常之 歡喜 ，就 請 呼延灼 入去 帳篷 ，擺 酒 嚟 款待 。
呼延灼 呢 ，就 話 宋江 啊 專係 以 忠義 為 主 ，不幸 落草 係 冇 辦法 嘅 事 啫 噉 等等 講咗 好多 。
兩個人 都 講得 好 坦率 ，並 冇 疑心 。
第日 ，宋江 帶住 全部 人馬 嚟 挑戰 。
關勝 同 呼延灼 就 商量 ：今晚 雖然 係 用 呢一條 計策 ，但係 今日 呢一場 仗 仲 係 要 打贏 佢 先 。
呼延灼 就 借 一副 衣甲 着咗 ，同 關勝 一齊 上馬 ，嚟到 陣前 。
宋江 喺 陣上 就 痛罵 呼延灼 啊 ，佢 話 ：
吖山寨 並冇 虧待 你 半分 ，因乜事 幹 要 漏夜 趯咗 去 。
呼延灼 就 答 佢 話 喇 ：你哋 呢班 草寇 ，做得成 乜嘢 大事 吖 ！
宋江 就 叫 鎮三山 黃信 出馬 ，黃信 舞住 喪門劍 ，拍馬 上前 直奔 呼延灼 。
兩個 人 交手 鬥 咗 唔 到 十個 回合 ， 呼延 灼手 起 一鞭 就將 黃信 打 落馬 下 。
宋江 陣上 啲 兵卒 就 衝出嚟 ，抬 咗 黃信 返去 。
關勝 好 歡喜 ，正係 要 命令 大小 三軍 一齊 掩殺 嘅 時候 ，呼延灼 話 ：唔好 追 啊 。
吳用 嗰 個 傢伙 神機莫測 ， 如果 追趕 呀 怕 中 咗 佢 哋 嘅 計 啊 。
關勝 聽咗 就 火急 收兵 ，都 返去 本寨 。
嚟到 中軍帳 ，擺酒款待 ，就 問起 鎮三山 黃信 嘅 事 。
呼延灼話 ：呢個人 ，本來 係 朝廷 命官 ，做過 青州 都監 ，佢 係 同 秦明 、花榮 一齊 落草 。
今日 打低咗 佢 ，挫滅咗 佢哋 嘅 威風 ，噉 今晚 偷營 一定 成功嘅 。
關勝 好 歡喜 ，就 發佈 命令 喇 ，叫 宣贊 、郝思文 兩路 接應 ，佢 自己 呢 就 帶 五百 馬軍 ，輕 弓 短 箭 ，叫 呼延灼 引路 。
夜晚 二更 起身 ，三更 前後 就 直奔 宋江 營寨 ，以 炮響 為 號 ，裏應外合 一齊 進兵 。
當晚 ，個 月 好 光 ，好似 日頭 噉 。
關勝 呢 就 披掛 好 喇 ， 命令 所有 嘅 戰馬 嘅 啷 啷 都 除 低 晒 ；
個個士卒 呢 ，都 含住 文銅錢 ，由 呼延灼 啊 當先 引路 ，全隊 跑步 出發 。
行咗入山路喇 ，約莫 行咗 半個更度 ，前面 撞見 幾十個 埋伏 喺 路邊 嘅 卒仔 ，細細聲 噉 問 ：
嚟 緊 嘅 ， 係 唔 係 呼 將軍 啊 ？ 宋公明 派 我 哋 喺 處 迎接 啊 。
呼延灼 就 話 ：咪 出聲 ，跟住 我 馬 後 便 行 。
呼延灼 縱馬行 先 ，關勝 騎住 馬 喺 後 便 跟住 。
又 轉過 一個 山嘴 ，只見 呼延灼 啊 用 槍尖 指住 遠遠 嘅 一眼 紅燈 。
關勝 勒住 馬 問 佢 喇 ：有 紅燈 嗰處 係 邊度 啊 ？
呼延灼 話 ：嗰度啊 ，就係 宋公明 中軍 喇 。
就 催促 人馬 快啲 上 。
就嚟到 紅燈 嗰處 ，忽然間 聽到 一聲 炮響 ，啲 兵卒 就 跟住 關勝 殺 奔 前去 咯噃 。
哦到到 紅燈 之下 一睇 ，點知 一個人 都 唔見 嘅 ，嗌 呼延灼 啦 ，哈 ，呼延灼 亦 唔見咗 喇 。
弊 ！關勝 大吃一驚 ，知道 中計 喇 ，連忙 回馬 ，就 聽見 四面 山頭 啊 一齊 鼓響 鑼鳴 。
啊 ，真係 慌不擇路 咯 ，嗰班 兵卒 就 各自 逃生 。
關勝 睇下 自己 嘅 身邊 ，只係 剩返 幾個 馬軍 跟住 啫 。
轉出咗 山嘴 ，又 聽見 腦後 樹林 邊 轟噉 一聲 炮響 ，四周圍 啲 撓鉤 一齊 伸出嚟 就 將 關勝 拖咗 落 馬鞍 。
奪咗 刀馬 ，除咗 佢 嘅 衣甲 ，用 繩 綁實 ，前推 後擁 啊 押佢 返寨 。
而家 講下 林沖 、花榮 啊 ，帶住 一支 軍馬 截住 郝思文 。
林沖 喝 佢 話 ：你 主將 關勝 ，已經 中計 被擒 喇 ，你 呢個 無名 小將 ，仲唔 下馬 受綁 ！
郝思文 發火 ，直取 林沖 。
兩個 鬥咗 幾個 回合 ，花榮 挺槍 嚟 助戰 ，郝思文 頂唔住 喇 ，回馬 就 走 。
哈哈 ，點知 喺 旁邊 ，撞出 個 女將 一丈青 扈三娘 ，一撒起 個 紅綿 套索 ，將 郝思文 一下 就 拖咗 落馬 。
啲 步兵 衝 上前 ，七手八腳 啊 捉住 佢 ，押咗 返 寨 。
話分兩頭 ，呢便 秦明 、孫立 啊 ，帶住 一支 軍馬 去 捉 宣贊 嘞噃 ，喺 半路 啊 撞到 正 。
當時 宣贊 拍馬 就 大聲 咁 鬧 ：草賊 匹夫 ，擋 我 者 死 ，避 我 者 生 啊 ！
秦明 發起 恶 ，揮舞起 狼牙棍 ，躍馬 直取 宣贊 。
兩個人 大概 鬥咗 幾個 回合 啦 ，孫立 喺 侧 跟 就 衝過嚟 ，宣贊 有啲 慌張 ，刀法 都 亂晒 喇 ，畀 秦明 一棍 就 湴咗 佢 落馬 下 。
啲 兵卒 㗾 噉 嗌 一 聲 就 上前 嚟 捉住 佢 。
噉嗰頭呢仲有撲天雕李應 ，帶領住 大小軍兵 啊 一直 衝到去 關勝寨 裏頭 。
首先 呢 就 救出 咗 張 橫 、阮 小七 ，同埋 被 擒 嘅 水軍 人員 ；
同時呢 ，就 奪走 所有 嘅 糧草 馬匹 ，然後 就 四周圍 去 招安 啲 敗殘 人馬 喇 。
宋江 同埋 大家 返咗 上山 ，呢個 時候 ，已經 天光 。
喺 忠義堂 上 大家 按照 次序 坐好 ，將 關勝 、宣贊 、郝思文 就 押 上嚟 。
宋江 一見咗 ，連忙 行落嚟 喝退咗 啲 軍卒 ，親自 同佢 解咗 條 繩 ；
扶住 關勝 啊 坐喺 正中 把 交椅 上便 ，跪低 就 拜 ，叩頭 請罪 ，佢 話 ：
宋江 係 亡命 狂徒 ， 冒犯 虎 威望 乞 恕罪 。
關勝 就 連忙 答禮 都 唔知 講 乜嘢 好 。
呼延灼 亦都 上前嚟 請罪 話 ：
小人 服從 將令 ，詐降 嚟 欺騙 將軍 ，萬望 將軍 恕罪 啊 。
關勝 睇見 一班 頭領 義氣 深重 ，就 擰轉 頭 同 宣贊 、郝思文 話 ：
我哋 已經 被擒 ，點 做好 呢 ？
嗰 兩個 人 就 回答 話 ：我哋 聽從 將軍 你 嘅 命令 。
關勝 就 對 宋江 話 ：我哋 三個 冇 面 還 京 ，願求 一死 。
宋江話 ：點解 噉 講 啊 ？
將軍 如果 唔 嫌棄 微賤 咯 ，就 一齊 替天行道 ；
如果 唔肯 ，亦 唔敢 苦苦 挽留 ，即刻 就 送 將軍 回 京 。
關勝話 ： 唉 ， 人人 都 稱讚 忠義 宋公明 ， 果然 話不虛傳 啊 。
今日 ， 我 哋 有家難奔 ， 有國難投 ， 原 喺 帳 下 做 一名 小卒 。
宋江 好 歡喜 。
當日 ， 一便 就 設宴 嚟 慶賀 ， 一便 就 派 人 招安 逃竄 嘅 殘兵敗將 ， 又 得到 六七千 人馬 喇 噉 就 。
啲 官軍 裏 便 啊 ，如果 屋企 有 妻兒老小 嘅 ，就 發 啲 錢 過 佢哋 ，放 佢哋 返 屋企 。
另外呢 ，又 派 薛永 帶住 書信 去 蒲東 ，接 關勝 嘅 家人 老小 嚟 梁山 ，就 不在 話下 喇 。
宋江 正喺度 飲宴 嘅 時候 ，諗起咗 盧員外 、石秀 啊 仲 失陷 喺 大名 嚟 ，就 流起 眼淚 。
吳用話 ：兄長 唔使 擔心 ，我 自有 辦法 㗎喇 。
過咗 今晚 ，聽日 再 出兵 去 打 大名府 ，必然 成功 嘅 。
關勝 就 企起身 話 喇 ：小將 冇 咩嘢 嚟到 報答 相愛 之 恩 ，我 願 為 前部 。
宋江 好 歡喜 。
第二朝早 ，就 下令 派 關勝 做 前部 先鋒 ，宣贊 、郝思文 就 為 副 ，就 撥回 原有 軍馬 。
其餘 原來 參加 打過 大名府 嘅 頭領 啊 ，一個 都 不 缺 。
再增派 李俊 、張順 ，帶埋 水戰 嘅 盔甲 跟埋去 ，按照 次序 就 再 向 大名府 出發 喇 。
而家 講下 梁中書 啊 ， 佢 喺 大 名城 ， 正在 慶賀 索超病 好 啊 一齊 喺 度 飲酒 ， 只見 探馬 嚟 報告 話 ：
關勝 、宣贊 、郝思文 ，同埋 全部 軍馬 都 畀 宋江 捉咗 去 ，已經 入咗 夥 啊 。
梁山泊 嘅 軍馬 而家 又 到 喇 。
梁 中書 聽咗 ，嚇到 傻晒 ，連 酒杯 都 跌咗 落地 。
索超話喇 ：上次 ，中咗 賊人 冷箭 ，呢一次 呀 要 報仇 雪恨 啊 ！
梁中書 即刻 斟咗 杯 熱酒 賞畀 索超 ，叫 佢 帶領 本部 人馬 出城 迎敵 。
李成 、聞達 呢 就 隨後 調軍 接應 。
當其時呢 係 冬天 ，好 冷 ，連 氣 呢 幾日 啊 彤雲 密佈 ，朔風 凜冽 。
索超得咗命令 ，就 一直 嚟到 飛虎峪 扎寨 。
第日 ，宋江 帶住 呂方 、郭盛 ，上去 高坡 睇 關勝 廝殺 。
嘣嘣嘣嘣嘣嘣嘣嘣 ，打完 三通 戰鼓 ，關勝 出陣 。
只見 對面 索超 出 馬 ，索超啊 唔識 關勝 ，佢 身邊 嘅 軍卒 就 話 喇 ：
將軍啊 ，嚟緊 呢個 ，就係 新新 反水 嘅 大刀關 勝喇 。
索超 聽咗 一句 説話 都 唔 講 ，對準 關勝 啊 直 衝過嚟 。
關勝 亦都 拍馬 舞刀 嚟 迎戰 。
兩個 鬥咗 唔夠 十個 回合 ，李成 喺 中軍 見到 索超 把 大斧 都 唔得 喇 ，唔夠 關勝 打 噃 ，就 舞住 雙刀 出陣 啊 夾攻 關勝 。
呢便 宣贊 、郝思文 見咗 呢 ，揸住 兵器 衝上前嚟 助戰 ，五 騎馬 就 打埋 一堆 。
宋江 喺 高坡 上面 見到 ，鞭梢 一 指 就 大軍 捲殺 過去 。
李成 嘅 軍馬 唔夠 打 喇 ，畀 梁山人 馬 殺 到 七零八落 ，哩哩嗱嗱 退 返 入 城 ，閂實 道 城門 就 唔 敢 出嚟 。
宋江 指揮 啲 兵馬 ，直逼 城下 就 扎住 營寨 。
第日 ，索超 親自 帶 一支 兵馬 出 城 嚟 衝陣 。
吳用 見咗 ，就 叫 軍校 呢 詐假意 同 佢 打 ，佢 吩咐 話 喇 ：
索超 如果 追嚟 呢 ，你 就 趁勢 退走 。
所以啊 ，索超 就 贏咗 呢一仗 喎 ，就 歡歡喜喜 噉 返入城 啦 。
當晚 ，落咗 一場 大雪 。
吳用 見到 ，嗯 ，有計喇 。
就 派 步兵 啊 ，去 大名城 外 ，靠住 山腳 河邊 嗰 條 路 窄 嘅 地方 ，掘 咗 個 陷坑 ，上 便 就 用 泥 冚 返住 。
當晚呢大雪紛飛 ，朝頭早 睇下 嗰啲雪 呀落到 成二尺厚 。
索超 喺 城 上 望見 宋江 嘅 軍馬 ，個個 都 好似 好怕 噉樣 ，有啲 指揮 唔靈 喇 。
就即刻 點起 三百 軍馬 ，出城 嚟 打 咯噃 。
宋江 的 軍馬 就 四散 奔走 。
水軍 頭領 李俊 、張順 呢 ，就 身披 軟甲 ，勒馬 橫槍 上前 嚟 迎敵 。
點知 同 索超 交手 冇 幾下 啫 ，掉低 支 槍 就 走 ，就 引 索超 就 向住 陷坑 嗰 便 嚟 。
索超 係 個性急 嘅 人 ，邊度 會 諗得 咁多 㗎 ，咪 一味 咁 追 咪係咯 。
呢處 一邊 係 路 ，一便 係 澗 。
李俊 就 連 馬 都 唔 要 咯 ，跳咗 落 澗 就 向住 前 便 大聲 噉 嗌話 ：
宋公明 大哥 快 啲 走 啊 ， 快 啲 走 啊 ！
索超 聽咗 ，以為 宋江 就 喺 前面 就唔理 三七廿一 啊 飛馬 衝上去 。
山背後 轟噉 一聲 炮響 ，索超 就 連 人 帶 馬 跌咗 落去 ，後便 就 伏兵 齊 起 。
索超 就算 有 三頭六臂 亦 只有 束手就擒 喇 呢趟 。
梁中書 聽到 呢個 消息 ，慌到 揗揗震啊 ，命令 啲 人 啊 只准 堅守 ，不准 出戰 。
佢 又 想 話 殺咗 盧俊義 同 石秀 啦 ，呢 又 怕 激嬲 咗 宋江 ，聽下 朝廷 又 冇 兵馬 嚟 救應 ，噉咪 仲 衰得 快啲 ，所以 就 唔敢 殺 ；
就 只有 監守住 兩個 人 ，就 再次 報告 京師 啊 ，就 聽憑 蔡太師 處理 。
而家 講下 宋江 佢 返到去 營寨 ，喺 中軍 帳 坐落 ，啲 伏兵 呢 就 押索 超 嚟到 。
宋江 見咗 好 歡喜 ，喝退咗 啲 兵卒 ，親自 同 佢 解開 條 繩 ，請 佢 入去 帳篷 ，擺 酒 嚟到 款待 佢 。
宋江話 ：你 睇 我 各位 兄弟 ，大半 都 係 朝廷 軍官 。
都係因為 朝廷 不明 ，縱容 貪官 當道 ，污吏 專權 ，殘害 良民 ，所以 都 情願 協助 宋江 替天行道 。
如果 將軍 唔 嫌棄 喇 ，就 一同 以 忠義 為 主 。
楊志行 上前 ，對 索超 行咗 個 禮 ，又 勸咗 佢 一輪 。
索超 見到 已經 到咗 噉樣 嘅 地步 咯 ，就 投降咗 宋江 。
當晚 ，再 喺 中軍 帳 擺 酒 慶賀 。
第日 ，就 商量 攻城 。
連氣 攻咗 幾日 ，都 攻唔落 ，宋江 就 好 憂悶 。
當晚 喺 帳篷 瞓覺 ，忽然間 ，咈，咈 ，噉 陰風 陣陣 ，寒氣 逼人 噃 ，宋江 擔 高頭 睇下 ，誒 ，見到 天王 晁蓋 就 想 入 唔入 噉 。
佢 嗌 一 聲 話 ：兄弟 ，你 唔 返去 ，更 待 何時 啊 ？
宋江 吃咗 一驚 ，急急 起身 問 ：大哥 ，你 喺 邊處 嚟 啊 ？
阿哥 你 個 冤仇 都 未曾 報 啊 ，小弟 個 心 日夜 不安 。
呢 幾日 ， 又 因為 有事 未曾 去 祭奠 阿哥 你 ， 你 今晚 顯靈 一定 係 責怪 小弟 咯 。
唔係 ，唔係啊 。
兄弟 你 褪 後啲 ，你嘅 陽氣 逼人 我 唔敢 行近前嚟 啊 。
我 而家 特意 嚟 講 你 聽 ，賢弟 你 有 百日 血光 之 災 ，只有 江南 地靈 星 可以 醫得 好 。
你要 早早 收兵 ，呢個 係 上策 啊 。
宋江 仲 想 問 清楚啲 ，點知 畀 晁蓋 一推 ，即刻 扎醒 ，原來 係 南柯一夢 。
