而家 講下 孔亮 啊 佢 離開 咗 青州 ， 日夜兼程 趕 去 梁山泊 ， 去班兵 嚟 救 佢 大佬 同 叔父 。
佢 又 去到 李立 開 嘅 酒店 ，講明咗 來意 ，李立呢 就 帶 佢 上山 。
孔亮 見到 三關 雄壯 ，刀槍劍戟 如林 ，個心 就 諗喇 ：
嘩 嗨 ， 聽見 講話 梁山泊 興旺 啊 ， 原來 真 係 做 落 一番 咁 大 嘅 事業 噃。
宋江啊 得到 小嘍啰 嘅 報告 喇 ，慌忙 落嚟 迎接 。
孔亮 一見到 宋江 就 連忙 跪低下 拜 。
宋江 就 問 ：賢弟 為咩事 嚟 呢處 啊 ？
孔亮 見完 禮 就 放聲 大哭 。
宋江 話 喇 ：賢弟 ，你 有 咩嘢 危難 即管 講晒出嚟 啦 。
我哋 不避 水火 ，盡力 嚟 解救 你 ，點都 幫忙 你嘅 賢弟 。
你 請 起身 ，起身 。
孔亮 就 話 喇 ：師父 啊 ，自從 同 師父 你 離別 之後 ，父親 就 過咗 身 喇 。
孔明大哥 同 本鄉 一個 有錢佬 爭執 起上嚟 殺咗 佢 一家 老小 。
官府啊 要 嚟 捉人 喇 ，因此 我哋 就 造反 上咗 白虎山 ，聚集咗 六七百 人 ，打家劫舍 。
之 我哋 有 個 阿叔 叫做 孔賓 ，佢 住 喺 青州城 嘅 ，畀 慕容 知府 捉咗 ，而家 韞 喺 監 嚟 。
因此 我 兩 兄弟 ，就 想 去 攻打 城池 指望 救返 個 叔父 啦 。
點知 去到 城下 ，撞正 一個 使 雙鞭 嘅 呼延灼 。
阿哥 同 佢 交鋒 ，畀 佢 捉咗 去 ，解咗 去 青州 ，韞 喺 監 嚟 ，而家 都 生死 未卜 。
小弟 又 畀 佢 追殺 咗 一陣 。
第日 ，撞正 武松 ，我 就 提起 師父 你 嘅 名嚟 ，佢 就 帶 我 去 拜見 佢 嘅 同夥 喇 ：
一個 係 花和尚 魯智深 ，一個 係 青面獸 楊志 。
佢 兩個 同 我 啊 一見如故 ，就 商量 嚟 救 我 大佬 嘞 噃 。
佢 話 ：我 請 魯 、楊 兩位 頭領 同埋 桃花山 李忠 、周通 ，聚集 三山 人馬 攻打 青州 。
你 就 漏夜 趕去 梁山泊 請 你 師父 宋公明 ，嚟 救 你 叔父 同 大佬 兩個 啦 噉 。
所以 我 就 嚟 呢處 請 師父 你 派 兵 去 救人 啊 。
宋江話 ：呢件事 好容易啫 ，你 放心 。
嚟 ，我 帶 你 去 拜見 晁頭領 共同 商量 啦 。
宋江 就 介紹 孔亮 參見 晁蓋 、吳用 、公孫勝 與及 眾位 頭領 。
同時呢 ，講畀大家聽 ，話 呼延灼 啊 趯咗 去 青州 投奔 慕容知府 ，而家 捉咗 孔明 ，因此 孔亮 呢 嚟到 求救 噉 。
晁蓋 話 喇 ：
既然 佢 嗰 兩 笪 地方 嘅 好漢 尚且 仗義 行仁 ， 三郎 你 又 同 佢 係 至愛 朋友 ， 點會 話 唔 去 吖 ？
三郎賢弟 ，你 連氣 幾次 落山 ，噉 呢次 你 就 留低 守寨 ，等 愚兄 代 你 行 一趟 。
宋江話 ：大哥 係 山寨 之 主 不可 輕動 啊 ，呢啲 係 小弟 嘅 事 。
既然 佢 咁 遠 嚟 投奔 我 咯 ，小弟 如果 自己 唔 去 恐怕 各位 弟兄 個 心 唔安 啊 。
小弟 希望 請 幾位 弟兄 一齊 去 行 一趟 。
話 猶 未了 ， 廳 上 廳 下 一齊 都 話 喇 ：
願效犬馬之勞 ，跟 阿哥 一齊 去 ！
宋江 好 歡喜 ，當日 ，就 擺 酒 嚟 款待 孔亮 。
飲酒之間 ，宋江 就 嗌 鐵面孔 目 裴宣 ，安排 落山 嘅 人數 ，分作 五 隊 兵馬 起行 。
前軍 ，就 派 花榮 、秦明 、燕順 、王矮虎 做 開路 先鋒 ；
第二隊 呢 ，派 穆弘 、楊雄 、解珍 、解寶 ；
中軍 就係 主將 宋江 、吳用 、呂方 、郭盛 ；
第四隊 就係 朱仝 、柴進 、李俊 、張橫 ；
後軍 呢 ，就 派 孫立 、楊林 、歐鵬 、凌振 作為 後應 。
梁山泊 點起 五路 軍 ，共計 二十 個 頭領 ，馬步 軍 兵 二千 人馬 。
噉 其餘 嘅 頭領 呢 ，就 協助 晁蓋 把守 山寨 。
當時 ，宋江 辭別 咗 晁蓋 就 同 孔亮 落山 喇 。
梁山人馬 浩浩蕩蕩 ，所過 嘅 州縣 秋毫無犯 非常之好 紀律 。
到咗 青州 ，孔亮 啊 行先 ，去到 魯智深 佢哋 嘅 軍隊 嗰度 ，報畀 眾位 好漢 知 就 安排 迎接 。
等到 宋江 中軍 到喇 ，武松 就 介紹 魯智深 、楊志 、李忠 、周通 、施恩 、曹正 等等 啊 同 宋江 相見 。
宋江 就 請 魯智深 坐 ， 魯智深 話 ：
久聞 阿哥 大名 ， 總 係 無緣 拜會 ， 今日 認識 阿哥 真 係 高興 啊 。
宋江 就 回答 話 喇 ：小弟 不才 ，何足道哉 吖 ？
江湖上 嘅 義士 非常 稱讚 師父 嘅 清德 ，今日 得以 見面 幸甚 幸甚啊 。
楊志亦都起身再拜噉話 ：
楊志 往日 經過 梁山泊 ，多蒙 山寨 重義 挽留 ，只因為 我 愚昧 不堪 唔肯 留低 。
今日 咁好彩 得到 義士 嚟 壯觀 山寨 ，呢個 真係 天下 第一件 好事 。
宋江 就 回答 話 喇 ： 制使 威名 傳播 於 江湖 ， 只恨 宋江 相會 太遲 咯 ， 哈哈哈 哈哈 。
總之 大家 都 客氣 一番 就係 喇 。
魯智深 即刻 叫 人哋 擺 酒 接待 ，各人 都 見過 面喇 。
第日 ，宋江 就 問 青州 交戰 嘅 事情 近日 勝敗 如何 啊噉 。
楊志 就 話 ：自從 孔亮 去咗 ，前後 亦都 交鋒 三五 次 ，各無 輸贏 啦 。
而家 青州 只係 靠 呼延灼 一個人 。
如果 捉到 佢 ，攻打 青州城 呀 ，嘿 ，就 好似 滾水 淋 雪 一樣 咯 。
吳學究 就 笑住 話 ：嘿嘿嘿 ，呢個 人 ，不可 力敵 ，要 用 智擒 啊 。
宋江 就 問 ：要 點樣 智擒 法 呢 ？
吳學究 話 ：呢 ，噉噉噉啦 。
宋江 聽咗 非常之 歡喜 話 ：嘿 ，妙啊 ，呢條 計策 妙啊 ！
當日 就 分派 定 人馬 。
第二 朝早 一早 就 出兵 ，嚟到 青州 城下 ，四周圍 用 兵馬 嚟到 圍住 ，擂鼓 搖旗 ，吶喊 挑戰 。
城裏便 ，慕容知府 得到 報告 喇 ，就 慌慌忙忙 請 呼延灼 嚟 商量 話 ：
呢次 呢班 賊人 ，又 去 拉埋 梁山泊 宋江 嚟到 ，噉樣 我哋 如之奈何 啊 ？
呼延灼 話 ：恩 相 放心 。
呢 班 賊人 嚟 到 青州 ， 就 失 咗 地利 先喇 。
呢班傢伙 ，喺 水泊 裏 便 就 猖狂 啫 ，而家 擅離 巢穴 ，仲有 乜嘢 咁 叻 啊 ？
哼 ，嚟 一個 ，捉 一個 ，嚟 兩個 捉 佢 一雙 。
請恩 相上 城 ，睇 小將 廝殺 啦 。
呼延灼 就 連忙 披掛 衣甲 上馬 ，打開 城門 放落 吊橋 ，帶住 一千 人馬 就 喺 城邊 擺開 陣勢 。
喺 宋江 嘅 陣 裏頭 呢 ，有 個 大將 出馬 喇 。
嗰個人 ，手執 狼牙棍 ，大聲 痛罵 慕容 知府 ：
你個狗官 ，害民賊 ！你將我全家殺晒 ，今日 我正好 報仇雪恨喇 ！
慕容 知府 認得 呢個 係 秦明 ，就 鬧佢 喇 ：
你 ，你呢個傢伙 ，係 朝廷 命官 ，國家 都 冇 辜負 到 你吖 ，因乜事 幹噉樣 造反 ？如果 捉住 你呀 ，碎尸萬段 ！
誒呼延將軍 ，你 落手嚟 捉 呢個 賊人 先 啦 。
呼延灼 聽咗 ，舞起 雙鞭 ，縱馬 直取 秦明 。
秦明 亦都 出馬 ，舞動 狼牙大棍 嚟 迎戰 呼延灼 。
兩將 交馬真 係 對手 啊 ， 兩個 鬥到 四五十個 回合 仲 係 不分 勝敗 。
慕容 知府 見 打咗 咁耐 咯 ，就 怕 呼延 灼 頂唔住 就 連忙 鳴金 收兵 入 城 咯 噃 。
秦明 亦 唔 去 追 佢 ，退返 去 本陣 。
宋江 就 叫 眾 頭領 帶兵 退後 十五 里 扎寨 。
而家 講 下 呼延灼 ，佢 返到去 城 裏 便 ，落馬 嚟 見 慕容 知府 佢 就 話 喇 ：
小將 正係 想 捉 嗰個 秦明 ，恩相 因 乜事 幹 要 收兵 呢 ？
知府 就 話 ：我 見 你 鬥 咗 咁多 回合 ，怕 你 太過 勞累 因此 就 收兵 暫時 休息 下 先 。
秦明嗰個傢伙 ，本來 係 我呢度 嘅 統制 ，同 花榮 一齊 背叛 嘅 ，呢個 傢伙 呀 不可 輕敵 啊 。
呼延 灼 就 話 ： 恩相 放心 ， 小將 一定 要 擒住 呢 個 背信棄義 嘅 賊人 。
先頭 同 佢 鬥 嘅 時候 ，佢 嘅 棍法 已經 亂 咗 咯 。
聽日 ，請 恩 相 睇 我 斬咗 佢 。
知府 就 話 ：啊 既然 將軍 係 咁 英雄 ，不如 噉啦 ，聽日 對陣 嘅 時候 ，將軍 你 就 殺開 條 血路 ，送 三個 人 出去 。
一個 呢 ，就 叫佢 去 東京 求救 ；
嗰 兩個 就 叫 佢哋 去 鄰近 州府 ，叫 佢哋 起兵 嚟 相助 一齊 剿捕 梁山泊 嘅 賊人 。
呼延灼 就 話 ：恩相 高見 。
噉 當日 啊 ，知府 啊 寫咗 三 封 求救 文書 ，選派 三 個 軍官 ，準備 跟 呼延灼 聽日 出發 ，都 安排 妥當 晒 喇 。
呼延灼 就 返到 去 住宿 嘅 地方 ，卸咗 衣甲 休息 。
第二 朝早 ，天 都 未 光 ，就 聽見 有 個 軍校 嚟 報告 喇 ：
稟告 將軍 ，北門 外 便 嘅 土坡 上 ，有 三 個 人 騎住 馬 偷偷 喺 處 睇 城 啊 。
中間 一個 ，係着 紅袍 騎 白馬 嘅 ；
兩邊 兩個 ，只係 認得 右便 嘅 ，係 小李 廣花榮 ，左便 嗰個 人 呢 係 着住 件 道袍 嘅 。
呼延灼 話 ：哼 ，嗰個 着 紅袍 嘅 實 係 宋江 ，着 道袍 個 呢 梗係 軍師 吳用 喇 。
你哋 唔好 驚動 咗 佢哋 ，即刻 點 一百 馬軍 ，跟住 我 去 捉 呢 三個 人 啦 。
呼延灼啊即刻披掛上馬 ，提起雙鞭 ，帶領百幾馬軍 ，靜悄悄噉開咗北門 ，放落吊橋 ，帶住啲馬軍 就即刻趕去山坡 。
宋江 、吳用 、花榮 佢哋 三個人 呢 ，喺度 出晒 神噉 睇 城 噃 。
呼延灼 拍馬 衝上去 ，三個人 勒轉 馬頭 ，哈 ，仲係 滋滋悠悠 ，慢慢噉 走 。
呼延灼 出力 噉 趕到 前面 。
前面 有 幾 樖 枯樹 ，宋江 、吳用 、花榮 三個人 去到 枯樹 旁邊 就 齊齊 勒住 馬 。
呼延灼 啱啱 趕到 去 枯樹 旁邊 ，只 聽見 喎嗬噉 吶喊 一聲 ，呼延灼啊 踩正 個 陷坑 ，轟沙噉 啊 連 人 帶 馬 碌咗 落 個 坑 嚟 。
兩便 即刻 走出 五六十個 撓鉤手 ，首先 就 將 呼延灼 勾咗 起身 ，綁住 捉咗 去 ，後便 呢 就 拉住 嗰 匹 馬 。
呼延灼 帶嚟 嘅 馬軍 啊 ，畀 花榮 拈 弓 搭 箭 射倒 當頭 六七個人 ；
後便啲勒轉馬喇喇聲走都走唔切喇 。
宋江 返到去 軍營 裏 便 坐落 ，左右 嘅 刀斧手 ，就 將 呼延灼 推過嚟 。
宋江 見咗 ，連忙 起身 喝啲 人 話 ：快啲 鬆綁 ！
就 親自 扶 呼延灼 坐好 ，宋江 好 恭敬 噉 嚟 拜見 佢 ：
呼延灼 就 話 喇 ：點解 噉樣 啊 ？
宋江 話 ： 小人 宋江 ， 點敢 話 背負 朝廷 吖 ？
完全 都係 因為 啲 貪官 污吏 威逼 得緊 ，就 誤犯 大罪 啫 。
因此 ，暫時 喺 水泊 裏 便 避下 難 ，就係 等待 朝廷 赦罪 招安 。
點知 呢次 出動 到 將軍 嚟 ，我哋 誤犯 虎威 ，請 將軍 多多 恕罪 。
我 係 被 擒 之 人 ， 萬死 尚輕 ， 義士 何故 重禮 相待 呢 ？
諒我 宋江 點 敢 話 傷害 將軍 性命 ？皇天 可 表 寸心 。
宋江啊 口口聲聲 ，一味 喺 處 懇告 哀求 噃 。
呼延灼 就 話 ：兄長 尊意 ，莫非 係 叫 我 去 東京 請求 招安 ，赦免 你哋 嘅 罪 呢 ？
宋江話 ：將軍 你 仲 點 去得 吖 ？
高太尉 嗰個 傢伙 ，係 個 心地狹窄 之徒 ，忘人 大恩 ，記人 小過 。
將軍 你 損失 咗 咁多 軍馬 錢 糧 ，佢 點 會 話 唔 追究 你 嘅 罪責 呢 ？
而家 ，韓滔 、彭玘 、凌振 已經 喺 呢度 入夥 喇 。
如果 將軍 你 唔 嫌棄 山寨 微賤 ，宋江 情願 讓位 畀 將軍 。
等到 將來 朝廷 起用 咯 ，受 咗 招安 ，到 嗰陣 盡忠 報國 都 仲 未 為 遲 吖 。
呼延灼 諗咗 一陣 ，一來 ，係 天罡星 之一 ，當然 係 義氣 相投 ；
二來 呢 見到 宋江 禮貌 咁 恭敬 ，説話 亦 有 道理 。
佢 歎咗 一口氣 ，跪喺 地下 嚟 話 ：
唉 ，唔係 呼延灼 不忠於 國 啊 。
兄長 確係 義氣 過人 ，唔到 我 唔依從 。
小人 願意 為 兄長 執 鞭 牽 馬 ，決不 反悔 。
宋江 聽咗 非常之 高興 ，就 請 呼延灼 同 眾位 頭領 見面 ；
又 問 李忠 、周通 ，攞返 嗰 匹 踢雪 烏 騅 馬 嚟 送返 畀 呼延灼 坐 。
然後 ，大家 就 再 嚟 商量 救 孔明 嘅 辦法 。
吳用 就 話 ：如果 請 呼延灼 將軍 ，氹 開 咗 城門 ，就 垂手 可得 喇 。
更兼 絕咗 呼延 將軍 嘅 後路 啊 。
宋江 聽咗 ，就 去 𠼮 呼延灼 ，佢 話 ：
唔係 我 宋江 貪心 要 劫 城池 ，確實 係 因為 孔明 兩 叔侄 韞 喺 監牢 裏 便 受 苦 。
唔係 將軍 你 去 氹 開 城門 ，就 點 都 救唔到 佢哋 出嚟 。
呼延灼 就 話 ：小將 既然 得到 兄長 收容 ，理當 效力 。
於是 ，當晚 就 點起 秦明 、花榮 、孫立 、燕順 、呂方 、郭盛 、解珍 、解寶 、歐鵬 、王英 總共 十個 頭領 ，都 扮成 軍士 嘅 模樣 ，跟住 呼延灼 啊 總共 十一個 人 都 騎住 馬 ，就 去到 青州城 咯噃 。
一嚟到壕塹上面就大聲嗌話 ：城上開門啊 ，我得返條命逃跑返嚟喇 。
城上啲人 聽見 係 呼延灼 把 聲 唄 ，就 慌忙 報畀 慕容 知府 聽 啦 。
呢陣時啊 ，慕容知府 正係 因為 損失咗 呼延灼 都 唔知 幾 愁悶 。
聽講話 呼延灼 將軍 逃跑 返嚟 ，個心 就 好 歡喜 ，連忙 上馬 跑到去 城上 便 。
佢 睇見 呼延灼 有 十個 八個 騎兵 跟住 ，又 唔見 個樣 嘅 ，就 只係 認得 呼延灼 把 聲 ，噉 慕容 知府 就 問 喇 ：
將軍 你 點樣 趯 返嚟 㗎 ？
呼延灼 就 話 ：我 跌咗 落 陷坑 ，畀 佢哋 捉咗 我 返去 山寨 。
好彩 得到 原來 跟 我 嘅 頭目 ， 暗中 偷返 呢 匹 馬 畀 我 騎 就 跟 埋 我 返 嚟 喇 。
知府 聽見 呼延灼 噉 講 就 信 咯喎 ，即刻 叫 軍士 大開 城門 ，放 落 吊橋 。
嘿 ，得法喇 呢趟 。
十個 頭領 ，跟住 呼延灼 入到 城門 裏 便 ，啱啱 撞正 個 知府 ，畀 秦明 兜頭 一棍 就 將 慕容 知府 打咗 落馬 。
解珍 、解寶 就 去 放 起 火 上嚟 。
歐鵬 、 王矮虎 啊 跑 咗 上城 ， 將 啲 軍士 殺散 晒 。
宋江大隊人馬 ，見到 城上 火 起咯 ，就 一齊 湧入去 啦 。
入咗 城 之後 ，宋江 啊 急急 下 命令 ，一 ，就 唔准 殘害 百姓 ，二 ，點 收 倉庫 嘅 錢糧 ；
同時 喺 監牢 裏 便 ，救出 咗 孔明 同 佢 嘅 叔父 孔賓 一家 嘅 老小 ，跟住 就 叫 人 救熄 返 啲 火 。
將 慕容 知府 一家 老幼 冚𠾴 唥 斬首 ，將 佢 個 家財 分晒 畀 啲 軍卒 。
天光 喇 ， 查 明白 喺 城裏 頭 百姓 有 邊間 屋 係 畀 火燒 咗 嘅 ， 都 發 啲 糧食 嚟 救濟 佢 哋 。
將 青州府 ，庫房 嘅 金帛 、米糧 ，裝滿咗 五六百 車 ；
又奪咗 二百幾 匹 好馬 ，嘿 ，呢次 嘅 收穫 呀 梗係 好大 㗎啦 。
宋江 就 吩咐 就 喺 青州府 裏 便 ，大排筵席 嚟 慶賀 ，請 三山 嘅 頭領 一齊 返去 梁山泊 大寨 。
李忠 、周通 ，就 叫 人 返去 桃花山 ，要 盡數 收拾 人馬 錢糧 落 山 ，放火 燒咗 山寨 。
魯智深 呢 ，亦都 派 施恩 、曹正 返去 二龍山 ，同 張青 、孫二娘 收拾 好 人馬 錢糧 ，亦 燒咗 寶珠寺 嘅 山寨 。
噉幾日 咁耐 ，三山人馬 都 到齊 喇 。
宋江 就 率領住 大隊 人馬 ，班師 回 山 。
命令 花榮 、 秦明 、 呼延 灼 、 朱仝 ， 四名 大將 開路 ， 一路 經過 各州 各縣 啊 都 係 秋毫無犯 嘅 。
噉啲 鄉村 百姓 ，不分 男女 老嫩 都 跪喺 路邊 ，燒香 嚟 迎接 歡送 。
哎呀 ，行咗 幾日 ，就 返到 梁山泊 喇 。
嗰班 水軍 頭領 ，撐晒 啲 船 嚟 迎接 。
晁蓋 呢 ，就 帶住 山寨 嘅 馬步 軍 頭領 ，喺 金沙灘 嚟 迎接 。
一齊 返到去 大寨 ，喺 聚義廳 上面 一排排 噉 坐好 ，然後 就 大排筵席 ，慶賀 新到 山寨 嘅 頭領 。
呢次呢 ，有 呼延灼 、魯智深 等等 總共 十二 位 新 頭領 上山 。
大家 喺度 傾開偈 ，林沖 就 好多謝 魯智深 當日 救 佢 嘅 事 。
魯智深 就 問 喇 ：自從 同 教頭 喺 滄州 分別 之後 ，阿嫂 有 咩嘢 消息 冇 啊 ？
林沖 就 回答 話 喇 ：小弟 火併 咗 王倫 之後 呢 ，又 叫 人 返去 接 家人 嚟 㗎 喇 。
嗰陣 先至 知道 拙妻 畀 高太尉 個 衰仔 所逼 ，已經 吊頸 死咗 。
我 外父 ，亦 因為 日日 咁 憂心 得病 過咗身 。
楊志 又 講起 往日 王倫 做 寨主 嗰陣 ，曾經 上山 相會 嘅 事 。
噉 大家 都 話 喇 ：唉 呢啲 都係 註定嘅 ，唔係 偶然 㗎 。
晁蓋 又 同 大家 講 當日 喺 黃泥岡 ，劫取 生辰綱 ，大家 聽咗 都 哈哈大笑 。
第日 ，就 輪流 嚟 請 飲 ，不在 話下 喇 呢啲 。
噉 啊 講下 宋江 啊 佢 見到 山寨 又 增添 咗 咁 多 人馬 ， 梗 係 好 歡喜 定 啦 。
喺 人事 上 呢 ，又 做咗 啲 新 嘅 安排 。
就 命令 湯隆 做 鐵匠 總管 ，監理 打造 各種 軍器 同埋 鐵葉 連環甲 等等 嘅 盔甲 。
侯健 就 做 旌旗 袍服 總管 ， 添造 三才 、 九曜 、 四斗 、 五方 、 二十八宿 等等 嘅 旗幟 ， 又 做 飛龍 、 飛虎 、 飛熊 、 飛豹 旗 ， 黃鉞白 旄 ， 朱纓皂蓋 。
有咗呢啲嘢呀 ，軍容 就 威得多咯 。
山邊 嘅 四便 就 築起 墩台 。
喺 西路 南路 兩 笪 地方 呢 重新 起 間 酒店 ，嚟到 招接 往來 上山 嘅 好漢 ，同時 啊 順便 探聽 軍情 。
山西路酒店 ，就 分派 張青 、孫二娘 兩 夫妻 去 看守 ，事關 佢 兩 個 平常 都 開 酒店 嘅 ，已知 熟手 喇 。
山南路酒店 呢 ，仍舊 叫 孫新 、顧大嫂 兩 夫妻 去 看守 。
山東路 嘅 酒店 ，依舊 係 朱貴 、樂和 ；
山北路酒店 呢 ，仲 係 李立 、時遷 。
三關 上頭 ，添造 寨柵 ，分別 安排 頭領 嚟到 看守 。
噉 部署 定咗 喇 ，就 各各 遵守 。
有一日 ，花和尚 魯智深 就 走嚟 對 宋公明 話 ：
我 有 個 朋友 ，呢 ，李忠 兄弟 亦 都 認識 嘅 ，叫做 九紋龍 史進 。
佢 而家 喺 華州 華陰縣 少華山 上 便 ，同 嗰個 神機軍師 朱武 ，又 有 一個 跳澗虎 陳達 ，同埋 白花蛇 楊春 ，四 個 人 喺 嗰處 聚義 。
我 好 掛念住 佢 。
以前 ， 佢 喺 瓦罐 寺 幫助 過我 ， 我 一直 都 記 喺 心 嚟 。
我 想 去 嗰 處 探 下 佢 ， 順便 接 佢 四個 人 一齊 嚟 入夥 ， 唔 知 大哥 你 尊意 如何 呢 ？
宋江 就 話 ：我 亦 聽聞過 史進 嘅 大名 ，如果 師父 去 請 佢哋 嚟 就 最好 喇 。
不過 唔好 一個人 去 ，勞煩 武松 兄弟 陪 你 去 行 一趟 。
佢 係 個 行者 ，都 係 出家人 ，一齊 去 係 最啱 。
武松 就 話 ：好啊 ，我 同 師父 去 。
當日 就 執好 行李 包袱 。
魯智深 呢 ，就 打扮 成 個 遊方 和尚 噉樣 ；
武松 呢 ，就 裝成 個 隨侍 行者 。
兩個人 ，辭別咗 眾頭領 就 落山 ，過咗 金沙灘 ，一路 就曉行夜宿 ，就行咗 好多日 ，嚟到 華州 華陰 縣界 ，就 一直 去 少華山 。
宋江 喺 魯智深 、武松 下山 咗 之後 呢 ，就 有 啲 放心唔落 ，就 嗌 神行太保 戴宗 啊 隨後 跟住 去 探聽 下 消息 。
而家 再 講下 魯智深 、 武松 佢 哋 兩個 嚟 到 少 華山 腳 啦 ， 喺 路口 埋伏 個 小 嘍 啰 出 嚟 攔住 問 佢 哋 喇 ：
喂 ，你 兩個 出家人 去 邊度 啊 ？
武松 就 回答 話 ： 呢 個 山上 便 係 咪 有 個 史大官人 啊 ？
哦 ，你哋 要 搵 史大王 係嘛 ？
誒唔該喺度等等先 ，我 上去 報畀 頭領 知道 就 落山嚟 迎接 你哋 喇 。
你 就 話 魯智深 嚟 探 佢 就 得 喇 。
小嘍啰 去咗 冇幾耐 ，只見 神機軍師 朱武 ，同埋 跳澗虎 陳達 、白花蛇 楊春 三個人 落山 嚟 迎接 ，但係 唔見 有史進 面噃 。
魯智深 就 問 喇 ：史大官人 喺 邊處 啊 ？點解 唔見 佢 呢 ？
朱武行 上前 話 ：師父 ，係咪 就係 延安府 魯提轄 啊 ？
魯智深 話 喇 ：冇錯 ，我 就係 嘞 。
呢個 行者 就係 景陽岡 打虎 嘅 武都頭 武松 。
三個人 連忙 行禮 話 ：聞名 好耐 喇 。
聽講 兩位 喺 二龍山 扎寨 ，今日 點解 會 嚟 呢處 呢 ？
魯智深 就 話 ：我哋 而家 唔 喺 二龍山 咯 ，投靠 咗 梁山泊 宋公明 嗰度 入夥 。
而家 特意 嚟 搵 史大官人 。
朱武話 ：既然 兩位 嚟到咯 ，請 上去 山寨 ，等 小弟 詳詳細細 噉樣 講畀 你哋 聽 。
魯智深 就 話 ：有 説話 就 講 啦 仲 等等等 ，邊個 咁 得閒 啊 ！
武松 就 話 ：師父 係 個 性急 嘅 人 ，有 説話 就 講 啦 唔 緊要 。
朱武話 ：係噉嘅 ，我哋 三個人 喺 呢個 山寨 嚟 ，自從 史大官人 上山 之後 就 越嚟越 興旺 。
近日 ，史大官人 落山 ，因為 撞見 有個 畫匠 ，佢 本來 係 北京 大名府 人氏 ，姓 王 名 義 。
因為 曾經 許落願 要 去 西嶽 華山 ，金天聖帝廟 裏 便 去 畫 壁畫 ，噉啊 去 還願 啦 。
佢 係 有 個 女 ，叫做 玉嬌枝 ，佢 帶 個 女 一齊 去 。
哈 ，點知 華州 賀太守 ，佢 呢 係 蔡太師 嘅 門生 嚟 ，嗰個 傢伙 啊 ，為官 貪婪 ，害民 害物 。
有一日 ，賀太守 去 廟裏 便 燒香 嘞噃 ，哈點知 畀 佢 見到 玉嬌枝 ，見 佢 幾靚下 ，就 幾次三番 搵人 嚟 講 ，要 娶 佢 做 妾侍 喎 。
王義 又 唔肯 啦 ，太守 就 將 佢 個 女 夾硬 搶 咗 去 做 妾侍 ，又 將 王義 充軍 去 有 咁 遠 得 咁 遠 嘅 地方 。
佢 充軍 經過 呢處 ，撞正 史大官人 ，就 將 呢件事 講咗 畀 史大官人 聽 。
史大官人 就 救咗 王義 上山 ，將 嗰 兩個 押送 差人 殺咗 ，然後 呢 ，就 去 府衙門 要 暗殺 賀太守 。
點知 畀人 發覺咗 就 捉住 ，而家 韞 喺 監 嚟 。
嗰個 賀太守 啊 ，又 要 話 帶齊 人馬 ，嚟 掃蕩 我哋 山寨 喎 ，我哋 而家 喺 處 正係 無計可施 啊 。
魯智深 聽咗 就 話喇 ：嗰個 衰公 竟然 咁 豈有此理 係嘛 ！
嘿 ，佢 咁 厲害 吓 ，我 同 你 去 殺咗 嗰 傢伙 。
朱武 就 話 ：噉啊 請 兩位 去 山寨 裏 便 商量 下 先 啦 。
一行 五個 頭領 ，都 上到去 少華山 山寨 坐落 ，就 叫 王義 出嚟 見 魯智深 同 武松 ；
就 將 賀太守 啊 ，貪贓枉法 ，殘害 百姓 ，強佔 良家婦女 嘅 事 講 畀 佢哋 聽 。
朱 武 佢 哋 呢 ， 一面 就 殺 牛 劏 馬 款待 魯智深 同 武松 。
飲酒 嘅 時候 魯智深 就 話 喇 ：
賀太守 嗰個 傢伙 認真 豈有此理 ，我 聽日 同 你 去 州里 便 ，打死咗佢 。
武松話 ：阿哥 你 唔好 亂嚟 啊 。
不如 我 同 你 即刻 返去 梁山泊 去 報告 ，請 宋公明 率領 大隊 人馬 嚟 打 華州 ，噉 就 可以 救到 史大官人 。
魯智深 大聲 噉 嗌 話 ： 等 我 哋 去 山寨 叫 得 人 嚟 呀 ， 史進 兄弟 條命 都 唔 知去 咗 邊處 喇 ！
武松 就話喇 ：就算 殺咗 太守 又 點 救到 史大官人 呢 ？
我 點都唔肯畀 阿哥 你 去 。
朱武 又 勸 ：師父 你 唔好 咁 嬲 ，武 都 頭 講得 啱 啊 。
魯智深 嬲起上嚟 ：啱啱啱 ，你哋 個個 都係 咁滋悠嘅 ，實害死 我 嘅 史進 兄弟 。
你 亦 唔使 去 梁山泊 報告 ，你哋 睇住 我 去 啦 ！
大家 點 勸得住 佢 吖 ，當晚 再 勸 佢 仲 係 唔 理 。
第二朝早 ，魯智深 四更 就 起身 ，揸住 禪杖 ，帶埋 戒刀 就 直奔 華州 。
武松 就 話 喇 ：唉 佢 唔 聽 人 話 ，呢次 去 呀 實 會 撞板 。
朱武 就 即刻 派 兩個 精明仔細 嘅 小嘍啰 跟住 去 打聽 消息 。
而家 講下 魯智深 ， 佢 一路 去 到 華州 城裏 便 ， 就 問人州 衙門 喺 邊 處 咯 噃。
啲 人 就 指 畀 佢 睇 話 ：呢 ，過咗 道州橋 啦 ，向 東 便 行 就係 喇噉 。
魯智深 啊啱啱嚟到 浮橋 上便 ，啲人 就 話 喇 ：喂 ，和尚 你 避一避 先 ，太守 相公 嚟緊 喇 。
魯智深 諗 ：嗯 ，我 正係 想搵佢 ，佢 咁啱 啊 撞正 喺 我 隻手 嚟 。
嗰個 傢伙 整定 抵死 㗎喇 。
呢個 時候 ，賀太守 嘅 儀仗隊 啊 ，一 隊 隊 咁 行緊 過嚟 。
