上次 講到 曹太公 同 里正 夾定計 ，要 灌醉 李逵 然後 就 綁佢 去 官府 。
噉 曹太公 返去 屋企 ，就 猛 落嘴頭 嚟 氹 李逵 要 佢 解低 包袱 ，放低 朴刀 ，舒舒服服 坐落嚟 飲酒 噉 話 。
李逵 就 話 喇 ：好 ，好 。
如果 劏 老虎 嗰陣 就 攞返 把 刀 嚟 畀 我 啦 。
曹太公 話 ： 壯士 放心 ， 放心 ， 我 呢 處 有 嘅 係 靚 刀 ， 嘿嘿 ， 等陣 我 送 把 靚 嘅 畀 壯士 。
李逵 解咗 腰刀 、尖刀 、錢袋 、包袱 ，交晒 畀 莊客 幫 佢 收起嚟 ，又 將 把 朴刀 憑 喺 牆邊 。
曹太公 就 叫 攞 大碗 酒 ，大塊 肉 嚟 。
成班啲 財主佬 同埋 里正 啊 獵人 等等 就 輪流 敬酒 ，大碗大盅 一味 敬 李逵 。
曹太公 就 問 喇 ：
唔 知道 壯士 ， 你 係 要將 呢 四隻 老虎 解去 官府 請功 呢 ， 抑或 就 喺 呢 個 村 呢 處 ，攞 啲 賞錢 呢 吓 ？
我係過路嘅人 ，好唔得閒 ，偶然 殺咗 呢一竇猛虎 ，唔使 去 縣裏 便 請功喇 。
如果 呢處 有 啲 賞錢 畀 我 噉 好 吖 ；
如果冇 ，哈哈 我 都 唔緊要 㗎 。
曹太公話 ：誒 ，噉點 能夠 話 怠慢 壯士 吖 ？
等一陣 ，村裏 便 就會 夾咗 啲 錢 嚟 送畀 你 㗎 喇 。
誒 然後 等 我 哋 自己 送 隻 老虎 去 縣 裏頭 得 啦 ， 啊 。
啊 ，係係 。
係喇 ，有 布衫 借件 畀 我 換一換 呢 ，污糟 晒喇 。
啊 有 ， 有 。
當時 曹太公 就 攞咗 一件 細青布 衲襖 ，同 李逵 換咗 成身 血污 嘅 衣裳 。
呢個 時候 ，只見 門前 敲鑼打鼓 吹笛 ，都 攞 酒 嚟 同 李逵 敬酒 啊 慶賀 佢 ，一杯 冷 一杯 熱 。
李逵 都 唔 知人 哋 使計 整 佢 㗎 嘛 ， 一味 開懷暢飲 啦 。
宋江 以前 吩咐 嘅 說話 冚𠾴 唥 唔 記得 晒 。
哼 ，唔使 兩個 時辰 ，將 李逵 灌 到 酩酊大醉 企 腳 唔穩 。
嗰班人 扶 咗 李逵 ，去 後堂 一間 空屋 裏 便 ，放低 佢 喺 張 板凳 上面 就 瞓低 ，攞 兩條 繩 ，將 佢 連 板凳 一齊 扎實 。
跟住 又 叫 里正 帶埋 人 ，飛噉 跑去 縣 裏 便 報告 ；
仲 帶埋 李鬼 嘅 老婆 去 做 原告 添 ，同 佢 補咗 一 張 狀 。
呢個 時候 呀 ，轟動咗 成個 沂水 縣城 。
知縣 聽咗 就 好緊張 ，連忙 升堂 佢 問 ：
黑旋風 捉咗 喺 邊處 嚟 啊 ？
呢個 係 謀反之人 啊 唔好 畀 佢 走甩 啊 。
原告人 李鬼 嘅 老婆 同埋 個 獵人 就 話 喇 ：
而家 綁住 喺 本鄉 曹大戶 屋企 ；
為因又冇人治得掂佢 ，怕有咩嘢差錯 畀佢喺路上走甩咗 ，所以就唔敢解嚟啊 。
知縣 聽講 即刻 嗌 本縣 都頭 嚟 。
喺 公堂 前 便 ，有 個 都頭 行 出嚟 應咗 一 聲 。
呢個人呀 ，生得 面闊 眉濃 ，眼睛 碧綠 ，頭髮 鬍鬚 都係 赤色 ，好似 個 老番 噉 嘅 。
佢 姓 李 名 雲 ，綽號 青眼虎 。
當時 知縣 就 吩咐 佢 話 喇 ：
李都頭 ，喺 沂嶺村 ，曹大戶 間 莊處 捉到 黑旋風 李逵 啊 。
你 帶 多 幾個 人去 ， 秘密 噉 將 佢 解 返 嚟 ， 千祈 唔 好 驚動 村莊 ， 千祈 咪 畀 佢 走 甩 啊 。
李 都 頭 接咗 命令 ，出嚟 點咗 三十個 土兵 ，帶齊 刀槍器械 ，就 去 沂嶺村 嘞 。
呢個 沂水縣 係 個 小 地頭 ，咁 大件事 點 揞得住 吖 ？
呢 陣時 呀 街市 上面 講到 含 含聲 喇 都 話 捉 咗 鬧 江州 嘅 黑旋風 喇 ， 而家 派 咗 李都頭 去 解 佢 嚟 喇 。
朱貴 喺 朱富 屋企 聽到 呢個 消息 ，慌忙 嚟到 後 便 同 朱富 話 ：
嗨 ，嗰個 黑鬼 又 撞 大板 喇 ，點 救 佢 好 呢 ？
宋公明 就係 怕 佢 出事 ，所以 派 我 嚟 打聽 消息 。
好嘞 ，而家 佢 畀 人 捉咗 ，我 如果 救唔到 佢 ，點 返去 山寨 見 阿哥 呢 ？
唉 ，點好呢呢趟 ？
朱富話 ：大哥 你 唔使 慌 。
呢個 李 都 頭 啊 ，非常之 好 本事 ，三五十 人 都 唔 埋得 佢 身 㗎 。
而家 就 得 你 同埋 我 兩個 ，點 打得過 佢 呢 ？
所以 只可 智取 ，不可 力敵 。
李都頭李雲 ，平時 係 最鐘意 我 嘅 ，時時 都 教 我 武藝 。
我 有 個 計仔 對待 佢 ，不過 呢 ，以後 喺 呢處 我 就 唔 踎得 就係 喇 。
嗱 ，阿哥 ，我哋 今晚 煮 三二十 斤 肉 ，帶 十幾 樽 酒 ，將 啲 肉 呢 大嚿 大嚿 噉 切 好 佢 ，攞 啲 蒙汗藥 撈勻 。
噉 我哋 兩個 呢 ，喺 五更 時候 ，帶 幾個 夥記 擔住 去 ，喺 半路 搵 笪靜僻 嘅 地方 ；
等佢 解 李逵 嚟 嘅 時候 ，我哋 就 詐諦話 同 佢 敬酒 賀喜 ，將 嗰班人 呀 都 整暈晒 佢 ，救返 李逵 你 話 點 吖 ？
朱貴話 ：得 ，呢條 計仔 得啊 。
事不宜遲 ，快啲 準備好 就 去 。
朱富話 ： 就 係 李 雲 佢 唔 會 飲酒 嘅 ， 就算 麻醉 咗 佢 ， 佢 都 醒 得 好 快 。
仲有件事 ，呢單嘢 日後 穿咗煲 ，我 喺 呢度 就 踎唔落 咯噃 。
朱貴 話 喇 兄弟 ，你 喺 呢處 賣 酒 ，都 係 冇 乜 行 嘅 啫 ，不如 帶埋 家眷 ，跟 我 上 山 ，一齊 入 咗 夥 ；
論秤分金銀 ，換套穿衣服 ，唔係 仲 快活 ？
嗱， 今晚 叫 兩個 夥記 搵 定 架車 ， 送 咗 家眷 同埋 細軟 行李 起程 先 ， 約定 喺 十里 牌 等候 ， 一齊 去 梁山 啦 。
我個包袱 裏 便 有 一包 蒙汗藥 喺 處 嘅 。
李雲 佢 唔會 飲酒 吖 ，喺 肉裏 便 撈 多啲 ，監 佢 食 多 兩 嚿 ，一樣 整暈 佢 ，救返 李逵 上山 有 何 不可 啊 ？
啊係 ，阿哥 ，你 講得 啱 。
於是呢 叫人 去 搵咗 一架 車 ，執拾好 四五個 箱籠 啊 放喺 車上 便 ，屋企 嘅 粗重 雜物 ，冚𠾴 唥 掉 低 唔 要 喇 。
叫個 老婆 同 仔女 上咗 車 ，吩咐 兩個 夥記 ，跟架 車 行先 。
噉 朱貴 、 朱富 啊 當夜 煮熟 咗 啲 肉 ， 切成 一大 嚿 一大 嚿， 搵 啲 蒙汗藥 撈 勻 佢 ， 連埋 啲 酒 呢 裝成 兩擔 ， 帶 咗 二三十隻 空碗 。
又整咗啲菜蔬添 ，又將啲藥撈勻 。
點解 又整 啲 菜 啊 ？ 梗 係 啦 ， 為 因有 啲 唔 食肉 嘅 點 啊 ， 噉 等 佢 亦 都 領 嘢 噉 至 得 㗎 嘛 。
兩擔酒肉 ，兩個夥記 各擔一擔 ；
佢哋 弟兄 兩個 呢 ，自己 就 挽住 啲 果盒 之類 ；
四更 前後 ，就 去到 靜僻 嘅 山路口 坐 喺 處 等 喇 。
等到天光 ，遠遠 聽見 砰嗙砰嗙 噉 鑼鼓 響 ，嚟喇 。
嗰 三十 零 個 土兵 啊 ，喺 村 裏頭 飲 咗 成 半晚 酒 。
到咗 四更 前後 ，將 李逵 捩轉 手綁 實 ，解佢 去 縣城 咯 喎 。
後便呢 ，李 都 頭 騎住 馬 ，𠽤𠽤 咯咯噉 就 嚟喇 。
朱富 即刻 向前 攔住 佢 嗌 一聲 話 ：恭喜 啊 師父 ，小弟 帶 啲 酒肉 嚟 同 大家 加力 啊 。
講完 ，就 斟咗 一大盅 酒 嚟 敬畀 李雲 。
朱貴 呢 捧住 啲 肉 嚟 ，夥記 捧 個 果盒 。
李雲 見咗 連忙 下馬 ，就 行 上前 嚟 話 ：
啊賢弟 ，噉點 係 啊你 咁遠 嚟到 。
朱富 話 ：聊表 徒弟 孝敬 之 心 啫 。
李雲 接過 酒 嚟 ，喺 嘴唇 邊 碰咗 一 碰 ，冇 飲到 。
朱富 跪低 話 ：小弟 已經 知道 師父 唔 飲酒 㗎喇 。
不過 今日 呢一杯 係 喜酒 喎 ，請 師父 無論如何 都 飲 半杯 咁多 。
李雲 推辭 唔過 ，稍為 呷咗 兩啖 。
朱富又話 ：師父 唔飲酒 ，噉 誒 點 都 請 你 食啲肉 啦 。
我 唔 食 喇 唔 食 喇 ， 好 飽 啊 ， 食 唔 落 啊 。
師父 你 行咗 咁多 路 都 肚餓 啦 ，雖然 唔係 點 好食 ，都 求其 食啲 ，畀 個 面 小弟 呢 。
於是 揀咗 兩件 靚嘅 夾 過去 。
李雲 見到 個 徒弟 咁 殷勤 ，只有 勉強 食咗 兩件 。
朱腹馬 倒酒 敬給 尚戶里正 和 聶仁 等 ，都 敬咗 三 大杯 。
朱貴 又 嗌 啲 土兵 、莊客 大家 嚟 都 嚟 飲酒 啦 噉 。
呢班人 呀 唔理 三七廿一 啊 ，好食 唔好食 啊 ，酒肉 到口 啊 一味 刷 ，嘿 十足 風捲殘雲 落花流水 ，一齊 上嚟 搶住 咁 食 。
李逵 碌 大 雙眼 ，見到 係 朱貴 兄弟 兩個 唄 ，知道 係 使計仔 喇 。
佢 特登 話 ：喂 ！你哋 都 搵 啲 嘢 嚟 我 食下 都 好啩 ？
朱貴 就 喝 佢 喇 ：哼 ！你 呢個 賊佬 吖 ，有 咩 嘢 酒肉 畀 你 食 啊 ？
你 呢個 斬頭鬼 ，合埋 你 把嘴 吖咪 出聲 啊 你 ！
李雲 見到 時候 唔早 嘞 ，叫 啲 土兵 話 快啲 走 啦 噉 。
只見啲土兵 一個個 都 面懵懵 ，唔行得 唔逳得 ，口震 腳痺 跌倒晒 。
李雲 嗌咗 一 聲 話 ：弊 ，中計 喇 ！
啱啱 想逳 ，哈 ，點知 自己 都 頭重腳輕 ，暈倒咗 ，軟顂顂 碌 喺 地下 嚟 。
當時 朱貴 、朱富 ，即刻 搶咗 把 朴刀 ，喝咗聲 ：你班 衰仔 咪 走 啊 ！
挺起朴刀 ，追 嗰班 未曾 飲酒 食肉 嘅 莊客 ，同埋 嗰啲 睇嘢 嘅 人 咯噃 。
趯得快嘅 就 走咗 啦 ，趯得遲嘅 就 當場 殺死 喺 地 嚟 。
李逵 大叫 一聲 ，把 綁佢 嗰啲 麻繩 冚𠾴 唥 掙斷了 ，搶咗 把 朴刀 嚟 殺 李雲 。
朱富 連忙 攔住 佢 話 ：唔好 殺佢 ，佢 係 我 師父 ，為人 最好 㗎喇 ，你 快啲 走 先 啦 。
李逵 話 ：我 唔 殺咗 佢 曹太公 呢 一隻 老狗 ，我 唔 出得 呢 一啖 氣 啊 ！
李逵 追上去 ，手起一刀 ，先 殺死 曹太公 ，跟住 殺死咗 李鬼 嘅 老婆 ，然後 連 里正 都 殺埋 。
嘿 李逵 殺得 性起 ，將 嗰班 獵人 啊 逐個 咁 斬啊 。
嗰 三十幾個 土兵 冚𠾴 唥 畀 佢 殺死 晒 。
嗰啲 睇熱鬧 嘅 人 同埋 啲 莊客 呀 ，哎呀 ，只恨 爹娘 少 生 兩 隻 腳 ，搏命 咁 趯 啊 。
李逵 仲 喺度 搵 人 嚟 殺 噃 ，朱貴 喝住 佢 話 ：
唔關 睇嘢 啲 人事 ，唔好 一味 殺人 喇 。
連忙 攔住 佢 ，李逵 噉 先至 停咗 手 。
然後呢 ，佢 就 喺 土兵 身上 剝 咗 兩件 衣服 嚟 着返 。
三個人 提住 朴刀 ，就要 混小路 走人 。
朱富一 諗 就 話 ：弊喇 ，我 害死 師父 喇 呢趟 。
佢 醒嘅 時候 ，點 去 見得知縣 呢 ，佢 梗嚟 追 㗎 。
噉啦 ，你哋 兩個 行 先 我 等 一 等 佢 。
佢 以前 教過 我 武藝 有恩於 我 ，而且 佢 為人 忠直 。
等 佢 嚟 追 嘅 時候 ，我 請 佢 一齊 上山 入夥 ，免得 佢 返去 縣 裏 便 受苦 啊 。
朱貴話 ：好 ，你 講得啱 ，而家 我 去 跟車 先 ，留 李逵 幫 你 喺度 等 佢 。
李雲 食得 藥 少 ，唔使 一個 時辰 就 醒 㗎喇 。
如果 佢 唔嚟 追 呢 ，你哋 兩個 就 唔好 瘟 咁 等 佢 咯噃 。
朱富 話噉 梗係啦 。
噉 朱貴 就 行 先 嘞 ，留返 朱富 同 李逵 坐 喺 路邊 等 。
果然 唔到 一個 時辰 ，就 見到 李雲 挺住 一把 朴刀 飛噉 追嚟 大聲 嗌話 ：強賊 你 咪 走 啊 ！
李逵 見 佢 嚟 得 咁 勢 兇 唄 ，就 跳起身 挺住 朴刀 嚟 鬥 李雲 咯 喎 。
兩個 就 喺 大路 旁邊 ，打咗 六七個 回合 不分勝敗 。
朱富 即刻 用 朴刀 喺 中間 隔開 佢 話 ：
唔好鬥喇 ，聽我講 聽我講 。
兩個人 都 停咗 手 。
朱富話 ：師父 ，小弟 多蒙 你 錯愛 ，指教 我 嘅 槍棒 非常之 感激 。
皆因 我 大哥 朱貴 佢 喺 梁山泊 做咗 頭領 ，而家 奉咗 及時雨 宋公明 嘅 將令 ，叫 佢 嚟 照顧 李大哥 。
點知 李大哥 畀 你 捉住 要 解 去 官府 ，噉樣 你 叫 我 阿哥 點樣 返去 見 宋公明 呢 ？
因此 就 使出 先頭 嗰啲 手段 。
啱先 李大哥 本來 想要 殺 師父 你 嘅 ，都係 小弟 唔畀 佢 逳手 啫 ，所以 只係 殺咗 嗰啲 土兵 。
我哋 係 想 走 㗎喇 ，不過 估到 師父 你 唔 返得去 ，梗 會 嚟 追 我 嘅 。
小弟 又 想起 師父 平常 嘅 恩德 ，所以 特登 喺 呢處 等 你 。
師父 ，你 係 個 聰明 嘅 人 ，一定 會 諗 。
而家 殺咗 咁多人 ，又 走甩咗 黑旋風 ，你 點 返去 見 得知 縣 啊 ？
你 如果 返去 一定 要 吃 官司 一定 要 坐 監 ，又 冇 人 嚟 救 你 。
不如噉啦 ，今日 同埋 我哋 一齊 上山 ，投奔 宋公明 入咗 夥 罷啦 。
唔知 尊意 如何 呢 ？
李雲 諗咗 一陣 ，佢 話 ：
賢弟 ，就怕 佢 嗰處 唔肯 收留 我 噃 。
哈哈哈 ，師父 ，乜 你 唔 知道 山東 及時雨 嘅 大名 ，專一 招賢納士 ，結識 天下 好漢 嘅 咩 ？
李雲 聽咗 歎 一啖氣 ：唉 ，畀 你哋 搞到 我 有 家難 奔 ，有 國難 投 。
好彩 我 係 無家無室 ，孤家寡人 一個 。
好啦 ，就 跟 你哋 去 啦 。
李逵 聽咗 就 笑喇 ：哈哈哈哈哈 ，阿哥 ，你 早啲 講 就 好啦 。
噉啊 同 李雲 互相 行咗 禮 ，於是 三個人 就 一齊 追上 架 車 。
朱貴 見到 佢哋 嚟 喇 ，非常之 歡喜 。
四條 好漢 ，一路 跟住 車 行 。
上下 嚟 到 梁山泊 喇 ， 又 撞 到馬麟 、 鄭天壽 咯 喎 。
佢哋 話 ：晁 、宋 兩位 頭領 ，又 派 我哋 兩個 落山 嚟 探聽 你 嘅 消息 啊 。
你哋 返嚟 就 好喇 ，我哋 兩個 返去 報告 先 吓 。
於是 兩個人 就 趕住 上山 返去 報告 。
第日 ，四名 好漢 ，帶住 朱富 家眷 ，都 嚟到 梁山泊 大寨 聚義廳 。
朱貴行 前 首先 帶 李雲 拜見 晁 、宋 兩位 頭領 ，同埋 各位 好漢 見咗面 。
佢 話 ：呢位 係 沂水縣 都頭 ，姓 李 名 雲 ，綽號 青眼虎 。
跟住 ，朱貴 又 帶 朱富 嚟 參拜 眾位 頭領 。
呢個 係 舍弟 朱富 ，綽號 笑面虎 啊 。
引見 完喇 ， 李逵 就 拜見 咗 宋江 ， 宋江 還返 兩把 板斧 畀 佢 。
李逵 就 講 起 點樣 接 母親 去到 沂嶺 ，畀 老虎 食咗 ，因此 呢 殺咗 四隻 老虎 。
又 將 嗰個 假 李逵 打 腳骨 ，畀 佢 殺咗 嘅 事情 就 從頭到尾 講 畀 大家 聽 。
聽到 大家 哈哈聲 大笑 。
晁 、宋 兩位 就 笑起上嚟 話 ：哈 ，畀 你 殺咗 四隻 猛虎 ，今日 山寨 裏 便 又 添咗 兩隻 活虎 啊 ，應該 慶祝 。
就吩咐 殺羊 劏馬 ，大排筵席 慶賀 兩位 新到 嘅 頭領 ，晁蓋 叫 佢哋 兩個 去左 便 白勝 上首 坐落 。
大家 坐好喇 ，呢個 時候 ，軍師 吳用 有事 吩咐 啊 ，佢 話 ：
近來 山寨 十分 興旺 ，吸引得 四方 豪傑 望風而來 ，呢啲 都係 晁 、宋 兩位 兄長 嘅 恩德 ，亦係 眾位 弟兄 嘅 福氣 啊 。
而家 朱貴 返咗嚟 ，仲係 由 佢 掌管 山東 邊 嘅 酒店 ，替 返 石勇 、侯健 。
朱富 嘅 家眷 ，另外 撥 一間 房屋 畀 佢哋 住 。
目前 我哋 山寨 事業 大咗咯 ，唔同 往日 啊 ，應該 再 設 多 三處 酒館 ，專一 探聽 吉凶 事情 ，迎接 往來 義士 上山 。
如果 有朝一日 ，朝廷 調遣 官兵 嚟 攻打 我哋 ，亦 可以 探聽 清楚 佢哋 如何 進兵 ，好 做 準備 吖 。
西山 地面 廣闊 ，命令 童威 、童猛 兩 兄弟 ，帶領 十幾個 夥記 喺 嗰處 開店 ；
命令 李立 ，帶 十幾個 夥記 去 山南 便 嗰度 開店 ；
命令 石勇 ，亦 帶 十零個 夥記 去 北山 嗰處 開店 。
每一處 都 要 設立 水亭 號箭 ，接應 船隻 ，一 有 緩急 軍情 就 馬上 報嚟 。
山前 設置 三座 大關 ，由 杜遷 總管 把守 。
命令 陶宗旺 為 總監工 ，要 做啲事 係 ：掘 港汊 ，修 水路 ，開 河道 ，整理 宛子城墻 ，修築 山前 大路 。
命令 蔣敬 ，掌管 倉庫 物資 ，支出 納入 ，書 算帳目 。
命令蕭讓 ，設置 寨中寨外 ，山上山下 ，三關把隘 ，所有嘅行移關防文約 ，大小頭領 號數 。
命令 金大堅 ，刻造 一切 兵符 、印信 、牌面 等等 。
命令 侯健 ，專管 製造 衣袍 盔甲 、五方 旗號 等等 。
命令 李雲 ，監造 梁山泊 一切 房舍 、廳堂 。
命令馬麟 ，監管 修建 大小 戰船 。
命令 宋萬 、白勝 ，去 金沙灘 扎寨 。
命令 王矮虎 、鄭天壽 ，去 鴨嘴灘 扎寨 。
命令 穆春 、朱富 管 收 山寨 錢糧 。
呂方 、郭盛 ，喺 聚義廳 兩便耳房 住宿 。
命令 宋清 專管 大小 宴會 。
軍師 吳用 將 啲 工作 呀 分派 好咯 ，連 氣 飲宴 咗 三日 。
從此之後呢 ，梁山泊 每日 都係 操練 人馬 ，教 演武藝 。
水寨嘅頭領 ，都 教習 駛船 、游水 、喺 船上 廝殺 ，呢啲 不在話下 喇 。
有一日 ，宋江 同 晁蓋 、吳學究 同埋 大家 喺度 傾 閒偈 。
宋江話 ：我哋 咁多 弟兄 ，今日 都 喺 齊度 共聚 大義 ，就係 得 公孫 一清 唔見 佢 返嚟 。
本來 佢 話 返去 薊州 探望 母親 、參拜 師父 ，一百日 就 返嚟 㗎喇 。
而家 已經 咁耐 咯 都 冇 消息 ，唔通 佢 失信 唔 返嚟 ？
係唔係勞煩 戴宗 兄弟 同 我 去 走一趟 啊 ，探聽 下 佢 嘅 虛實 下落 ，為 咩事 幹唔返嚟 都 好吖 。
戴宗 一啖 應承 。
宋江 好 歡喜 佢 話 ：就係 賢弟 行得 快 ，十零日 就 有 消息 呢嚱 ？
第朝早 ，戴宗 打扮 成 個 官差 噉樣 就 落山 去 薊州 。
佢 將 四個 甲馬 ， 即 係 一種 畫住 神像 個紙 啊 係 啲 符 嚟 嘅 ， 綁住 喺 腳 上 便 嚟 ；
作起神行法 ，佢 一路上 只係 飲啲 素酒 食齋飯 。
行咗 三日 就 嚟到 沂水縣 嘞 。
佢 聽見 人哋 講 ：
嘩 前 嗰 排 啊 ， 走 咗 黑旋風 啊 ， 打死 咗 好多 人 喇 ， 搞 得 都頭 李雲都 不知去向 ， 而家仲捉 唔 到 啊 噉 。
戴宗 聽咗 一味 冷笑 啦 。
當日 ，佢 正 喺度 行行下 ，只見 遠遠 有 個人 行緊嚟 ，手裏 便 揸住 一支 渾鐵 筆管槍 。
嗰個人 見到 戴宗 行得 咁快 ，就 企定 喺度 嗌咗 一聲 話 ：神行太保 噉 。
戴宗 聽咗 ，亦都 停住 腳步 。
佢 回過頭嚟 定 眼 一 睇 ，見到 山坡 下 便 小路 旁邊 ，企住 一個 大漢 ，生得 頭 圓 耳 大 ，鼻 直 口 方 ，眉 秀 目 疏 ，腰 細 膀 闊 。
戴宗 就 問喇 ： 同 壯士 素不相識 ， 點解 知道 小弟 嘅 賤 名 啊 ？
嗰個 大漢 話 ：兄長 ，果然 係 神行太保 啊 。
放低 支槍 跪低 行禮 。
戴宗 連忙 扶住 佢 答禮 話 ：足下 高姓 大名 啊 ？
小弟 姓 楊 名 林 ，彰德府 人 氏 ；
一向 多數 喺 綠林 裏 便 安身 ，江湖 上 都 叫 小弟 做 錦豹子 楊林 。
幾個月 之前 ，喺 路上 一間 酒店 遇到 公孫勝 先生 ，一齊 飲酒 傾起 上嚟 。
佢 講起 話 梁山泊 ，晁 、宋 兩位 兄長 招賢納士 ，非常 義氣 ；
寫落 一 封 信 ，叫 小弟 攞住 去 投奔 大寨 入夥 ，不過 小弟 唔敢 冒昧 噉 去 啫 。
公孫先生 又 話 ， 喺 李家 道口 朱貴開 咗 間 酒店 喺 嗰 處 ， 招引 上山 入夥 嘅 人 。
山寨裏便 ，亦 有 一個 招賢飛報 嘅 頭領 ，叫做 神行太保 戴院長 ，日行 八百里路 嘅 。
先頭 見到 兄長 行得快 到 非常 ，因此 即管 嗌 一聲 睇下 ，想唔到 果然 係 仁兄 。
無意中 能夠 遇見 真係 好彩 啊 。
係喇 ，兄長 而家 去 邊處 呢 ？
因為 公孫勝 先生 返咗 薊州 ，杳無音信 。
小弟 奉咗 晁 、宋 兩位 兄長 嘅 將令 ，嚟 薊州 探聽 消息 ，要 搵 公孫勝 返去 山寨 ，想唔到 喺 呢處 遇見 兄長 。
小弟 雖然 係 彰德府 人 咋 ，呢 薊州 屬下 嘅 地方 我 都 行到 勻 喇 。
如果 唔 嫌棄 我 ，就 跟隨 兄長 一齊 去 行 一趟 呢 。
好啊 ，得仁兄 你 作伴 實在 係 萬幸 。
我哋 搵到 公孫先生 一齊 返去 梁山泊 都 未 遲 吖 。
楊林 聽 佢 噉 講 ，非常之 歡喜 ，就 同 戴宗 結拜 為 兄弟 。
戴宗 收起 甲馬 ，兩個 慢慢 行 。
晚黑 ，就 喺 鄉村 嘅 客店 過夜 。
楊林 要 請 戴宗 飲酒 。
戴宗話喇 ：我 使 神行法 ，唔敢 食葷啊 。
噉 兩個 只係 食齋 。
過咗 一夜 ，第日 朝頭早 起身 食咗 早飯 ，收拾好 起程 。
楊林 就 話 喇 ： 兄長 你 使 神行法 行路 ， 噉 小弟 點 跟得上 啊 ？
我 怕 唔能夠 同 你 一齊 行 呢嚱 ？
哈哈哈哈 ，我 嘅 神行法 呀 ，能夠 帶 人 一齊 行 嘅 。
嗱 ，我 將 兩個 甲馬 綁 喺 你 隻 腳 上 便 ，作 起法 嚟 ，同埋 我 一樣 噉 行得 咁 快 ，要 行 就 行 要 停 就 停 。
如果唔係 ，你 點 追得上 我 吖 ？
就係 怕 小弟 係 凡胎俗骨 ，唔 比得上 兄長 你 嘅 神仙 軀體 噃 。
唔緊要 ，我 呢個 法術 人人 都 帶得 嘅 。
一作起法嚟 ，同我一樣 行 。
不過 呢 我 就 要 食齋 ，你 就 唔緊要 。
當時 戴宗 攞咗 兩個 甲馬 ，同 楊林 綁 喺 腳 上 便 ，佢 自己 呢 亦 綁 兩個 。
一作 起 神行法 ， 呼 噉 吹 一 啖 氣 喺 上 便 ， 兩個 人 就 輕輕 快快 噉 行起 嚟 喇 。
要快要慢 ，都 跟住 戴宗 行 。
兩個 喺 路上 ，傾講 下 啲 江湖 上 嘅 事情 ，雖然 睇上嚟 好似 緩緩而行 啊 ，嚱 ，都 唔知 已經 行咗 幾多 路 㗎 喇 。
兩個人 行到 巳牌 時候 即係 十點 零鐘 ，嚟到 一笪 地方 ，四周圍 都係 高山 ，中間 有 一條 馬路 。
楊林 就 認得 喇 ，佢 就 同 戴宗 話 ：阿哥 ，呢處 地名 叫做 飲馬川 。
呢 ，前面 嗰座 高山 裏 便 呀 經常 有 大班 人馬 喺 處 㗎 ，近日 又 唔知 點 啫 。
呢處 因為 山勢 秀麗 ，水 繞 峰 環 ，所以 叫做 飲馬川 。
佢 兩個人 行到 山邊 ，忽然間 聽見 嗙噉 一聲 鑼響 ，啲 戰鼓 沊沊 聲 擂起 上嚟 ，有 一二百 個 小嘍啰 行出嚟 攔住 條 路 。
當先 擁住 兩名 好漢 ，各人 都 挺住 一把 朴刀 ，大聲 噉 喝話 ：
唔 好行 喇 ！ 你 兩個 係 咩 嘢 人 啊 去 邊處 啊 ？
懂事嘅 快啲 攞 買路錢 嚟 ，放生 你哋 兩個 ！
楊林 笑住 話 喇 ：哈哈 阿哥 啊 ，你 睇 我 結果 嗰個 衰公 吖 嗱 。
佢 揸住 筆管槍 就 衝上去 。
嗰 兩個 好漢 見 佢 來勢 兇猛 ，褪 歪 咗 一步 。
誒 ， 上首 便 嗰 個 就 嗌 喇 ： 唔 好 逳 手 唔 好 逳 手 ， 你 唔 係 楊 林大哥 ？
楊林 一 睇 ，哈 ，原來 係 識得 嘅 。
上首 便 嗰個 大漢 攞住 軍器 同 楊林 互相 行咗 個 禮 ，就 嗌 下首 便 嗰個 高佬 過嚟 行 禮 。
楊林 對 戴宗 話 ：兄長 ，你 嚟 同 呢 兩位 弟兄 認識 下 啦 。
戴宗 問 ：呢 兩個 壯士 係 邊個 啊 ？佢 點 會 識得 賢弟 嘅 呢 ？
呢個 識得 小弟 嘅 好漢 ，原來 係 蓋天軍 襄陽府 人氏 ，姓 鄧 名 飛 。
因為 佢 兩隻 眼核 都 係 紅色 嘅 ，江湖 上 人人 都 嗌 佢 做 火眼 狻猊 。
狻猊 即係 舊時 講 獅子 啊 。
佢 會 使 一條 鐵鏈 ，好多人 都 唔 近得 佢 身 㗎 。
以前 我 同佢 合過 夥 ，一別 五年 冇見面 ，點想到 今日 喺 呢處 同佢 遇到 。
鄧飛 就 問 喇 ：楊林 大哥 ，呢位 兄長 係 邊個 啊 ？一定 唔係 平常 嘅 人 喎 。
楊林話 ：我 呢位 仁兄 係 梁山泊 好漢 ，神行太保 戴宗 就係 佢 。
啊 ，係唔係 江州 個 戴 院長 ，一日 能夠 行 八百里 路程 㗎 ？
戴宗 回答 話 ：小弟 就係 。
嗰 兩個 頭領 慌忙 行禮 ：
平日 只係 聽見 大名 ，想唔到 今日 喺 呢處 拜識 尊顏 啊 ，幸會 ，幸會啊 ！
行完禮 ，戴宗 就 問 喇 ：呢位 好漢 高 姓 大名 啊 ？
鄧飛 話畀佢聽 ：我 呢位 兄弟 姓 孟 名 康 ，係 真 定州 人氏 ，造船 好叻 嘅 。
為因 押送 花石綱 要 做 大船 ，佢 嬲 嗰個 提調官 催逼 同 責罰 佢 ；
將 個 官 殺咗 ，連 屋企 都 唔 要 ，逃走 喺 江湖 上 綠林 裏 便 安身 ，已經 好多 年 喇 。
因為 佢 生得 高大 白淨 ，啲 人 就 起 佢 一個 綽號 ，叫 佢 做 玉幡竿 孟康 。
當時 戴宗 見咗 兩個人 ，心裏 便 非常之 歡喜 。
楊林 又 問 ：兩位 兄弟 喺 呢處 聚義 咗 幾 耐 啊 ？
鄧飛 話 ：都 年 幾 喇 。
半年前 ，我哋 喺 呢處 遇到 一個 人 ，姓 裴 名 宣 ，京兆府 人士 ；
原來 係 本府 六案 孔目 出身 ，打官司 、寫 狀詞 好叻 嘅 ；
佢 為人 忠直 聰明 ，分毫 都 唔肯 苟且 ，當地 嘅 人 都 叫 佢 做 鐵面孔目 。
佢 亦 會 拈槍 使棒 ，舞劍 揮刀 ，確係 智勇俱備 啊 。
為因 朝廷 任命 咗 一個 知府 嚟 ，呢個 知府 貪贓枉法 ，借 啲 意 將 佢 刺配 沙門島 就 喺 我 呢處 經過 ；
畀 我哋 殺咗 啲 防送 差人 ，救咗 佢 喺 呢處 安身 ，聚集咗 三 兩 百 人 。
呢個 裴宣 嗰 對 劍 啊 使得 極好嘅 ，因為 佢 年長 ，而家 喺 山寨 做 頭 。
請 兩位 義士 一齊 去 小寨 ，聚會 一下 呢 。
講完 ，就 嗌 小嘍啰 牽 咗 馬 過嚟 ，請 戴宗 、楊林 都 上 咗 馬 ，四 騎馬 一齊 跑 上 山寨 。
