花榮 就 救咗 宋江 返去 吖 ，劉高 梗係 好 唔心甘 定啦 。
佢 就 連忙 點起 兩百 人 ，要 佢哋 去 搶 宋江 返嚟 咯 喎 。
嗰 兩百 人 裏 便 啊 ，新新 就 嚟咗 兩個 教頭 。
為首嗰個 教頭 呢 ，雖然 佢 個 刀槍 本事 都 幾 使得 ，但係 終歸 唔 及 花榮 嘅 武藝 咁 使得 㗎嘛 。
但係又唔敢唔服從劉高啊 ，就只有帶住嗰班人 就直奔花榮嗰間寨啦 。
把 門 嘅 軍士 ，入去 報告 畀 花榮 聽 。
呢個 時候 ，個 天色 都 仲 唔係 點 明亮 嘅 啫 ，嗰 二百 人 湧 喺 門口 ，就 冇 個 敢 行 入去 先 喎 ，事關 個個 都 怕 花榮 嘅 本事 厲害 㗎 嘛 。
冇 幾耐 ，天光 大白 喇 。
只見 兩 扇 大門 打開咗 ，花知寨 喺 正廳 上面 坐 喺 處 ，左手 攞住 張 弓 ，右手 挽住 箭 。
嗰班人 湧晒 喺 門前 ，唔 入去 。
花榮 就 豎起 張弓 ，大喝 一 聲 話 ：
你哋 呢班 兵卒 ，要 知道 冤 各有 頭 ，債 各有 主 。
劉高 派 你哋 嚟 ，你哋 唔好 同佢 賣命 啊 。
你 嗰 兩個 新嚟嘅 教頭 ，仲未 見過 我 花知寨 嘅 武藝 ，今日 就 叫 你哋 大家 見識 下 我 花知寨 嘅 弓箭 ；
然後 你哋 呢班 傢伙 有 邊個 要 替 劉高 出力 嘅 ，唔怕 死 嘅 就 入嚟 啦 。
而家 ，你哋 睇 我 先 射 大門 上便 ，左邊 門神 嘅 骨朵 頭 ！
花榮 搭上 箭 ，拉滿 弓 ，喝 一聲 話 ：着 ！一箭 就 射中 門神 骨朵 頭 。
嗰班人 見到 嘩嗨 ，乜 咁 犀利 㗎 喂 大吃一驚 。
花榮 又 攞 第二支 箭 ，佢 大聲 噉 話 ：
你哋 大家 ，再 睇 我 呢 第二 支 箭 ，要 射中 右邊 門神 頭盔 上面 嘅 紅纓 。
𠻘噉又一箭 ，嘿 ，不偏不斜 ，正中紅纓啊 。
嗰 兩 支 箭 呀 ，射 實 喺 嗰 兩 扇 門 上面 。
花榮 再 攞 第三 支 箭 就 喝 喇 ：
你 哋 大家 ， 睇 我 呢 第三支 箭 ， 要 射中 你 哋 嗰 個 着 白 衫 嘅 教頭 心口 。
嗰個人 一 聽見 嘩哎哎 ，咪咪咪啊 ，咪啊 ，轉身 就 趯 。
嗰班 兵 呀 ，喎 嗬 噉 冚𠾴 唥 就 散晒 走 清光 嘞 。
啲 人 扯晒 喇 ，花榮 叫 閂 返 上 寨門 ，就 走嚟 後堂 睇 宋江 。
花榮話 ：小弟 誤咗 阿哥 ，受 噉嘅 苦楚 咯 。
我唔緊要啊 ，就係 怕 劉高 嗰個 傢伙 唔肯 同你 罷休 。
我哋 都 要 想 個 辦法 先至 得嘅 。
小弟 拼住 唔要 呢個 官職 ，點 都 要 同 嗰個 傢伙 鬥過 。
唉 ，冇 想到 嗰個 女人 恩將仇報 ，叫 佢 丈夫 打咗 我 呢 一餐 。
我 本來 係 想 講出 自己 嘅 真 姓名 㗎 喇 ， 之 又 怕 閻婆惜 呢 件 事 暴露出 嚟 ， 所以 只 係 講話 係 鄆城縣 嘅 商人 張三 。
哼 ，點知 劉高 咁 豈有此理 ，安 我 做 鄆城 虎 張三 ，要 用 架 囚車 嚟 裝住 我 ，解 我 去 青州 。
唉 ，如果 做咗 清風山賊頭 啊 ，頃刻之間 就係 一刀一剮 冇命喇 。
好彩 得到 賢弟 親自 嚟 救 我 啫 ，如果 唔係 就算 有 銅唇 鐵舌 ，亦都 好難 同 佢 分辯 喇 。
小弟 當時 係 噉 諗嘅 ，以為 佢 係 個 讀書人 ，會 乃念 同 姓 之 親 啦 ，所以 就 將 你 嘅 名 寫做 劉丈 ，點知 佢 咁 冇 人情 嘅 。
而家 ，既然 已經 救返 你 出嚟 咯 ，以後 有 咩嘢事 再 算 啦 。
賢弟 你 噉 就 錯 喇 。
既然 係 靠 你 嘅 威勢 救咗 我 返嚟 ，凡事 都 要 考慮 清楚 至 得 。
自古 有話 喇 ：食飯 就 防 啃 ，行路 防 跌 吖 嘛 。
佢 畀 你 公然 噉 救咗 我 返嚟 ，佢 馬上 派 人 嚟 搶 ，又 畀 你 一 嚇 ，嚇走 晒 。
我諗 ，佢 又 唔肯 罷休 嘅 ，梗 要 同 你 打官司 扭計 。
不如 ，今晚 我 返上去 清風山 躲避 一下 先 ；
聽日 你 見到 佢 呢 就 乜 都 唔 認 ，講到底 ，不外乎 係 文武 不和 互相 鬥毆 嘅 官司 啫 嘛 。
我 如果 再 畀 佢 捉咗 去 呀 ，你 就 唔夠 佢 講 㗎 喇 賢弟 。
係啊 ，兄長 你 講得 啱 。
小弟 只係 個 一勇之夫 ，冇 兄長 嘅 高明 遠見 啊 。
只不過 ，就怕 兄長 你 嘅 傷 咁 重 ，行唔逳 噃 。
唔緊要唔緊要 ，事情 緊急 啊 ，唔好 耽擱 喇 ，我 自己 捱得到 去 清風山 嘅 。
當時 ， 宋江 貼 咗 啲 膏藥 ， 食 咗 啲 酒肉 ， 將 包裹 行李 都 寄存 喺 花 榮 處 。
到咗 黃昏 時候 ，花榮 就 派咗 兩個 兵卒 ，送咗 佢 出去 寨外 。
噉 宋江 ，就 漏夜 走人 喇 。
而家 再 講 下 嗰個 劉知寨 啊 。
佢 見 啲 兵士 一個個 都 趯晒 返嚟 話 ：
哎呀 花知寨 十分 英勇 厲害 啊 ，邊個 敢 行近 去 捱 佢 弓箭 啊 ？
嗰 兩個 教頭 又 話 喇 ：
你 話畀佢 一箭 射穿 個 大窿 呀 ，仲得了嘅 ？唔好 去 喇 。
劉高嗰個傢伙 ，到底 係 個 文官 ，嘿 ，老謀深算 ，有啲 死計 嘅 。
當時 佢 就 諗 喇 ：
嘿 ，佢 噉 搶返 個人 返去 就 必定 係 漏夜 放 佢 上 清風山 ，聽日 走嚟 同 我 賴賬 。
噉 我 就算 爭到 上去 上司 喇 ，亦 只係 文武不和 互相 鬥毆 嘅 事情 啫 ，我啊 冇 佢 修 㗎 噃 。
哼哼 ，我 今晚 黑 ，派 二三十 個 兵卒 ，喺 條 路 處 睺 實 佢 。
如果 好彩 捉到 佢 呀 ，噉 我 就 唔聲唔氣 將 佢 韞 喺 屋企 嚟 ，靜靜地 派 人 漏夜 去 青州 ，請 上便 派 個 軍官 落 嚟 押 佢 。
順便 連 花榮 一齊 捉埋 ，攞 佢 條命 。
嘿嘿 ， 嗰 陣 時 呀 ， 我 獨自 霸住 呢 個 清風 寨 ， 唔 使 受 嗰 班 友 嘅 氣 幾 咁 好 吖 ， 幾 咁 好 吖 ， 誒 ！
當晚 ，劉高 點咗 廿幾人 ，帶住 槍棒 兵器 就 漏夜 去 。
約莫 到咗 二更 時候 ，派去 嘅 軍人 呢 ，捩轉 手 綁住 宋江 返嚟 。
劉知寨 見到 ，好 歡喜 噉 話 ：不出 我 嘅 所料 喇 。
人嚟 ！將 佢 韞 喺 後院 裏 便 ，邊個 都 唔 畀 知道 啊 。
於是 佢 漏夜 寫 封 報告 ，派 兩 個 心腹人 ，星夜 嚟 青州府 報告 嘞 。
第日 ，花榮 仲 懵盛盛 啊 ，佢 仲 估 話 宋江 去咗 清風山 ，喺 屋企 嚟 心安理得 噃 。
佢 話 ： 哼 ， 劉高 啊 劉高 ， 我 睇 你 點至 得 。
就冇再去理劉高嘞 。
劉高亦詐諦唔知 ，噉就 兩便 都 唔出聲 。
而家 講下 嗰個 青州 知府 ，佢 係 複姓 慕容 ，雙名 彥達 ，即係 慕容彥達 ，係 當今 徽宗 天子 慕容 貴妃 嘅 大佬 。
即係 國舅爺 嚟 噃 好 巴閉 㗎 。
佢 係 靠 佢 個 妹 嘅 權勢 ，喺 青州 橫行霸道 ，殘害 良民 ，欺凌 僚友 就 無所不為 嘅 。
呢一日 ，佢 辦完 公 ，正話 想 返去 後堂 食飯 ，只見 左右 差人 送畀 佢 一份 劉知寨 嘅 報告 ，係 飛報 賊情 嘅 。
知府 接咗 過嚟 一 睇 ，嘿 ，吃咗 一驚 ，佢 話 ：
花榮 係 個 功臣 之 子 噃， 點解 勾結 清風 山 嘅 強 賊 呢 ？ 嘿 ， 呢 個 罪大咯 。
即刻 嗌 本州 兵馬都監 ，嚟到 公堂 上面 吩咐 佢 去 。
原來 呢個 都 監 係 姓 黃 ，名 信 。
因為 佢 本身 嘅 武藝 高強 啊 ，威震 青州 ，所以 稱 佢 做 鎮三山 。
咩嘢 三山 呢 ？
喺 青州 地面 啊 ，管轄 之下 有 三座 險峻 嘅 山 。
第一座 就係 清風山 ，第二座 係 二龍山 ，第三座 就係 桃花山 。
噉呢 三個 山 呢 ，都 係 啲 強盜 草寇 出沒 嘅 地方 。
黃信 就 自己 誇口 ，要 捉盡 三山 嘅 人馬 ，所以 就 叫做 鎮三山 。
呢個 兵馬 都 監 黃信 ，佢 嚟到 公堂 ，接受 咗 知府 嘅 命令 就 出嚟 點起 五十 個 強壯 兵卒 ，披掛 咗 衣甲 ；
捧住 嗰口 喪門劍 啊 ，騎住 一匹 快馬 ，喇喇聲 就 趕嚟 清風寨 ，一直 嚟到 劉高 個 寨 前 落馬 。
劉知寨 出嚟 迎接咗 佢 ，請 入去 後堂 。
互相 行完 禮喇 ，一便 就 安排 酒食 款待 啦 ，一便 就 慰勞 士卒 。
喺 後院 就 押咗 宋江 出嚟 ，叫 黃信 睇下 。
黃信 就 話 ：唔使 問 咁多 喇 。
馬上 整個 囚車 ，將 呢個 傢伙 裝 喺 裏便 。
噉就叫人喺宋江頭上呢 ，扎咗幅紅絹 ，插咗面紙旗上面 寫住 ：清風山賊首 ，鄆城虎 ，張三 。
宋江 啊 邊度 敢 分辯 吖 ，點 搞 就 點搞 啦 冇 辦法 㗎 喇 。
黃信 又 問 劉高喇 ：你 捉到 張三 嘅 時候 ，花榮 知唔知道 㗎 ？
劉高就話 ：小官 喺 晚頭 黑 二更 咁上下 捉佢 嘅 ，唔聲唔息 噉 收埋 喺 屋企 嚟 。
花榮仲 估 佢 去咗 清風山 啊 喺 屋企 都 唔知 幾 安樂 。
既然 係 噉樣 ，噉 就 容易 喇 。
聽 朝早 ，你 安排 一圍酒 ，就 擺 喺 大寨公堂 上 便 ，四周 圍埋伏 定 四五十 人 ，作好 準備 。
我 自己 去 花榮 屋企 請 佢 嚟 ，我 就 話 ，慕容 知府 聽見 你哋 文武 不和 ，所以 特登 派 我 嚟 擺酒 勸解 。
噉就 將 佢 氹到 嚟 辦公廳 ，到時 呢 ，睇 我 掟杯 為 號 ，就 落手 捉佢 ，一齊 解去 青州 。
你 話 呢條 計 好唔好 吖 ？
劉高 就 猛 喝彩 話 ： 咦 呀 仲 係 相公 高見 啊 ， 呢 條計 妙極 ， 妙極 咯 ！ 真 係 好似 甕中捉鱉 ， 手到拿來 啊 。
當晚 定咗 計策 。
第日 朝頭早 ，就 喺 大寨 嘅 左右 兩邊 帳幕 裏頭 ，預先 埋伏 好 兵卒 ，喺 公堂 上面 就 假意 擺定 一圍 酒席 。
早飯 咁 上下 時候 ， 黃信 就 上 咗 馬 ， 淨 係 帶 住 三兩個 隨從 就 嚟 到 花榮寨 門口 。
守門嘅 軍卒 就 入去 傳報 喇 ，花榮 就 問 ：嚟 做咩嘢 啊 ？
個 軍卒 就 回答 喇 ：誒 黃 都監 前 嚟 探望 啊 。
花榮 聽咗 就 出嚟 迎接 啦 。
黃信 落咗 馬 ，花榮 就 請 佢 嚟到 大廳 ，互相 行過 禮 就 問 喇 ：
都監 相公 ， 嚟 呢 處 有何 公幹 啊 ？
黃信 就 話 啦 ：
知府大人 吩咐 下官 ，話 為 因 你哋 清風寨 ，文武官僚 不和 ，都 唔知 為 咩嘢 原因 。
知府 好怕 兩位 因 私仇 而 誤 公事 ，特登 派 黃某 帶咗 一圍 酒席 前 嚟 ，同 你 兩位 講和 。
已經 擺好 喺 大寨公堂 上 便 ，而家 請 足下 上馬 一齊 去 啦 。
哈哈哈哈 ，花榮 點 敢 話 欺凌 劉高 ，佢 又 係 個 正知寨 。
不過 佢 終之 無 日 ，都 要 捉 我 一啲 咩嘢 過失 想嚟 整 我 啫 。
點知驚動咗知府 ，有勞 都監 你 蒞臨 草寨 ，花榮 點樣 報答 相公 好啊 ？
黃信 就 伏 喺 佢 耳仔 旁邊 ，細細聲 噉 話 喇 ：
知府大人 ，就係 看中 足下 一個 嘅 啫 。
你 話 喇 ，如果 打起 仗 嚟 ，動起 刀兵 ，佢 係 個 文官 ，有 乜 用 啊 ？
你 聽 我 講 就 冇 錯 喇 。
多謝 都監 過 愛 。
黃信 就 請 花榮 一齊 行 。
花榮 就 話 ：請 都 監 喺 呢度 飲 幾杯 先至 去 。
唔好咯 ，等 講妥咗 ，再 嚟 開懷暢飲 都 未遲 吖 。
花榮 就 只有 叫 備馬 ，就 跟 黃信 一齊 去 。
當時 兩個 騎住 馬 一拍行 ，一直 嚟到 大寨 ，落咗 馬 ；
黃信 就 拖住 花榮 隻 手 ，一齊 行 相公堂 ，只見 劉高 呀 ，已經 喺度 等緊 喇 。
三個人 都 見過 禮 ，黃信 就 叫 攞 酒 嚟 。
噉佢 個 隨從 呢 ，就 已經 將 花榮 隻 馬 拉 出去 咯 喎 ，閂埋 道寨門 。
花榮 唔知道 中咗計 啊 ，佢 只係 諗住 黃信 同 佢自己 一樣 係 個 武官 ，冇 惡意 㗎 。
黃信 捧住 一杯酒 ，先 敬 劉高 噉 話 ：
知府 為 因 ，聽見 你 文武 兩 官 同僚 不和 ，好 擔心 。
今日 ，特登 委派 黃信 到嚟 ，同 你 兩位 講和 。
希望 你哋 以 報答 朝廷 為 重 啊 ，再 後 有 咩 嘢 事 就 共同 商議 啦 。
劉高 就 回答 話 喇 ：劉高雖然 冇乜 才能 ，都 仲 識 啲 理法 。
呢次 使到 知府 恩相 如此 掛心 ，十分 不安 啊 。
我哋 兩個 誒 亦 冇 咩 言語 爭執 嘅 ，呢啲 係 外人 亂 咁 傳 啫 。
黃信 哈哈聲 大笑話 ：妙哉 ，妙哉啊 ！
劉高 飲過酒 ，黃信 又 斟 第二杯 ，敬畀 花榮 。
既然 係 劉知寨 噉 講 ，諗嚟 都 係 閒人 亂 咁 傳 啫 。
如果係噉咯 ，請你 飲咗 呢杯 。
花榮 接過 酒 ，飲咗 喇 。
劉 高 斟 一 杯 酒 ，回敬 黃 信 咯 喎 ，佢 話 ：
勞煩 都監 相公 降臨 敝地 ，請 你 飲 勝 呢一杯 。
黃信 接過 酒 嚟 ，揸住 喺 手 ，用 隻 眼 四圍 一望 ：
呢個 時候 ，已經 有 十幾個 軍佬 湧緊 上嚟 㗎喇 。
黃信 將 隻 酒杯 向 地 下 一 掟 ，砰 一聲 ，只 聽見 後堂 一 聲 吶喊 ，兩便 帳幕 裏頭 ，有 三五十 個 壯健 軍漢 走 出 嚟 ，一 湧 而 上 就 將 花榮 捉住 。
黃信 喝 一 聲 話 ：將 佢 綁起嚟 ！
花榮 就 猛咁 嗌話 ：我 有 咩嘢 罪 啊 ，我 有 咩嘢 罪 啊 ！
哈哈哈哈 哈哈哈哈 ， 你 仲 敢 喺 處 嗌 呀 ？
你 勾結 清風山 嘅 強賊 ，一齊 背叛 朝廷 ，該當 何罪 啊 ！
我 念 在 同 你 往日 嘅 交情 ，冇 去 驚動 你 嘅 家人 喇 。
花榮 就 話 喇 ：噉 你 有 咩嘢 證據 吖 ？
好 ，我 畀 個人 你 睇下 ，等 你 睇下 真贓真賊 ，我 冇 冤屈 你 嘅 。
人 嚟 ，將 佢 拉出嚟 ！
冇幾耐 ，一架 囚車 ，裏頭 韞住 一個 人 ，插住 一支 紙旗 ，綁住 一條 紅 抹額 ，喺 外 便 推入嚟 咯 喎 。
花榮 定眼 一睇 ，哎呀 ，弊咯 ，原來 係 宋江 ！
當頭 啊 眼 都 擎 埋 ， 你 睇 我 我 睇 你 ， 冇 聲出 喇 。
黃信 又 喝佢 話 ：呢個 唔關 我 事 啊 ，而家 有 原告人 劉高 喺 處 。
花榮 就 話 ： 唔 緊要 唔 緊要 ， 呢 個 係 我 個 親眷 ， 佢 係 鄆城縣 人 。
你 夾硬 誣陷 佢 做 賊 ，到到 上司 嗰 處 自然 會 講 清楚 嘅 。
你既然係噉樣講 ，我就解你上青州 ，你自己去分辯啦 。
於是 黃信 就 嗌埋 劉知寨 點起 一百寨兵 嚟 押送 。
花榮 就 對 黃信 講 喇 ：
都監 你 氹咗 我 嚟 ，雖然 捉咗 我 ，就係 去到 朝廷 我 都 仲 要 分辯 。
請你 睇 在 我 同 都 監 一樣 係 武職官員 嘅 份上 ，唔好 除咗 我 衣服 ，就 等 我 坐 喺 囚車 裏 便 啦 。
黃信 就 話 ：呢一件 就 容易 啫 ，可以 應承 你 。
我叫埋劉知寨一齊去州裏便講明白 ，我亦唔冤枉好人 ，亂咁害人性命 。
當時 黃信 同 劉高 都 上咗 馬 ，監押住 兩 架 囚車 ，帶住 三五十 個 軍士 、一百 寨兵 ，一路 趕去 青州府 嘞 。
佢哋 行咗 三四十 里 啦 ，前便 係 一座 大樹林 。
啱啱嚟到嗰個山嘴 ，前頭 有個寨兵 就 指住 話喇 ：誒 ，樹林 裏 便 有人 裝裝下 噃 。
大家 就 企定 晒 腳 唔 行 咯 喎 。
黃信 喺 馬 上面 就 問 喇 ：點解 唔 行 啊 ？
咦 ，前便 樹林 裏 便 有人 裝裝下 。
唔好睬佢 ，我 有 我哋 行 。
當佢哋就快接近樹林個時候 ，只聽見 嗙嗙嗙嗙嗙 二三十 面 大鑼 一齊 響起上嚟 。
嗰班 寨兵 呀 慌晒 手腳 咯 想 趯 人 咯 喎 。
黃信 就 喝 佢哋 話 唔准 走 ！大家 同 我 擺開 陣勢 。
劉知寨 ，你 押住 囚車 。
劉高 騎 喺 馬 上 便 嘿慌 到 都 唔會 應 ，個 口 一味 猛 咁 念話 ：救苦救難 觀世音菩薩 ，誒 救苦救難 觀世音菩薩 。
佢 許願 要 捐 十萬 卷 經 ，三百 座 寺 ，想 救 返 條 命仔 喇 。
嚇到 佢 個 面 呀 ，嘿 好似 東瓜 精 噉 喎 ，青 一陣 黃 一陣 又 白 一陣 。
呢個 黃信 係 個 武官 嚟 ，仲 係 有啲 膽量 ，佢 拍馬 上前 嚟 一 睇 ，只見 樹林 四周圍 ，三五百 個 小嘍啰 一齊 圍 上嚟 ；
一個個 身強力壯 ，凶神惡煞 ，頭扎紅巾 ，身穿 衲襖 ；
腰掛利劍手執長槍 ，將 一行人 都 圍住 晒嘞 。
樹林中間 ，又 跳出 三個 好漢 ，一個 着 青 ，一個 着 綠 ，一個 着 紅 。
都係 戴住 一頂 銷金萬字頭巾 ，各人 都 掛住 一口 腰刀 ，又 使 一把 朴刀 ，擋住咗 條 去路 。
中間 ， 係 錦 毛虎燕 順 ， 上首 ， 係 矮腳 虎 王英 ， 下首 係 白面 郎君 鄭天壽 。
三個 好漢 大聲 噉 喝話 ：來往 行人 ，嚟到 呢處 就 要 停步 ，留低 三千兩 買路 黃金 ，就任 你 過去 係 啦 。
黃信 喺 馬 上面 喝 佢哋 話 喇 ：
你哋 呢班 傢伙 ，不准 無禮 ，鎮三山 在此 ！
呸 ！你 就算 係 鎮萬山 啊 都 要 你 三千 兩 買路 黃金 。
如果 冇 呀 ，就 唔 放 你 過去 ！
我係上司派嚟提取犯人嘅都監 ，有乜嘢買路錢畀你啊 ？
嘿嘿嘿嘿嘿嘿 ，咪 講 你 係 上司 嘅 一個 都監 ，就算 係 趙官家 駕到 ，亦 要 三千 貫 買路錢 ；如果 冇 呀 ，你 將 個 犯人 留 喺 呢處 ，你 返去 攞 錢 嚟 贖 啦 。
死賊 ，居然 咁 豈有此理 吓 ！
左右 ，擂鼓 鳴 鑼 ！
啲兵 就 打鼓 敲鑼 啦 。
黃信 拍馬 舞劍 就 直撲 燕順 ，三個 好漢 一齊 挺起 朴刀 嚟 打 黃信 喇 。
黃信 見 三個 好漢 一齊 嚟 打佢 唄 ，就 奮力 喺 馬上 鬥 咗 十個 回合 ，頂 佢哋 三個 唔住 。
劉高 係 個 文官 ，完全 就 唔 敢 上嚟 打 嘅 。
見到 噉嘅 勢頭 嘿呀 想 趯 喇 。
黃信 就 怕 畀 佢 三個 捉 到 ， 咪 有損 名聲 ， 三十六計 走 為 上 計咯 ， 一鞭 隻 馬 ，𠽤 哩 𡃈 嘞 𠽤 哩 𡃈 嘞 就 跟 住 條舊 路 跑 返去 。
三個 頭領 挺住 朴刀 趕過嚟 咯噃 ，黃信 邊 處 仲 顧得 兵卒 咁多 吖 ，單人匹馬 就 奔返去 清風鎮 。
嗰班 兵卒 見到 黃信 回馬 走 呀 ？哦 ，你 做官 都 趯得 喇 ，噉 就 衰仔 走得 摩咯 呢趟 ，喎 嗬 噉 嗌咗 一 聲 ，掉低 囚車 就 四散 走 清光 。
噉啊 剩返 劉高 咯喎 ，佢 見勢頭唔好 喇 ，慌忙 勒轉 馬頭 ，連氣 打咗 三鞭 。
嗰隻 馬 正 話 想 跑 啦 ，點知 畀 呢啲 小嘍啰 拉 起 條 絆馬索 ，就 將 劉高 嗰隻 馬 𠽤倒 ，劉高 就 打倒 埞 成個 舂咗 落地 。
嗰班 小嘍啰 一湧 上前 ，捉咗 劉高 ，搶咗 囚車 。
花榮 就 好力 啊 ，就 將 自己 嘅 囚車 撐開 咗 ，跳咗 出嚟 ，將 綁住 佢 嘅 繩索 都 掙斷 咗 ；
轉過身 嚟 就 打碎 另外 嗰 架 囚車 就 救 咗 宋江 出 嚟 。
噉 當時 有 個 小嘍啰 ，就 已經 捩轉 手 綁住 劉高 ；
又 追 前去 就 搶到 佢 騎 嗰 匹 馬 ，仲 搶到 有 三 匹 拉 車 嘅 馬 添 ；
跟手 就 剝咗 劉高 個 衣服 畀 宋江 着住 ，用 隻 馬 呢 就 送 佢 上山 先 。
呢 三個 好漢 ，同埋 花榮 帶住 一班 小嘍啰 ，將 劉高 赤條條 噉 綁住 押 返 去 山寨 。
原來 呢 三位 好漢 ，為因 好耐 都 冇 得到 宋江 消息 ，就 派 幾個 能幹 嘅 小嘍啰 落山 ，一直 嚟到 清風鎮 嚟 探聽 消息 。
聽人 講話 ，都 監 黃信 就 掟 杯 為 號 ，捉 咗 花知寨 同埋 宋江 ，用 架 囚車 裝住 要 解 去 青州 啊噉 。
噉就 返嚟 報畀 三個 好漢 知 啦 。
嗰日 ，佢哋 就 帶咗 人馬 ，嚟 個 大迂迴 ，出咗 條 大路 ，預先 呢 就 截住 條 去路 ，喺 小路 處 呢 亦都 派咗 人 埋伏 。
因此呢就 救咗 佢哋 兩個 捉到 劉高 ，噉 而家 都 返到嚟 山寨 。
當晚 ，返到 上山寨 呢 已經 係 二更 咁上下 ，大家 都 嚟到 聚義廳 相會 。
請 宋江 、花榮 啊 當中 坐定 ，三個 好漢 就 對席 ，一面 呢 就 安排 酒席 嚟 款待 。
燕順 就 吩咐 啲 小嘍啰 ，各自 返去 飲酒 、休息 。
花榮 就 多謝咗 三個 好漢 ，佢 話 ：
花榮 同 阿哥 都 係 多得 三位 壯士 救返 條 性命 ，報咗 冤仇 ，呢個 恩德 真係 難以 報答 啊 。
不過 花榮 仲 有 老婆 仔女 、阿妹 ，佢哋 喺 清風寨 嚟 ，梗 畀 黃信 捉咗 去 ，都 唔知 點 至 救得出嚟 呢 ？
燕順 就 話 ：知寨 你 放心 ，我 估 黃信 唔 敢 隨便 去 捉 夫人 。
就算係捉咗 ，佢 亦都 要 由 呢條路 經過 。
我 聽日 三兄弟 落山 ，去 接 夫人 同埋 令妹 嚟 還畀 知寨 。
佢 即刻 就 派 小嘍啰 落山 ，去 探聽 消息 。
花榮 就 多謝 佢 話 ：十分 感激 壯士 嘅 大恩 啊 。
宋江 話 喇 ：同 我 捉 劉高 嗰個 傢伙 過嚟 。
燕順 就 話 啦 ：冇錯 ，將 佢 綁 喺 條 柱 上 便 ，劏肚 攞 心 ，同 阿哥 你 慶賀 一番 。
花榮話 ：我要 親自 落手 劏 呢個 傢伙 ！
拉咗 劉高 嚟 喇 ，將 佢 綁 喺 條 柱 上 便 。
宋江啊 指住 劉高 鬧佢 話 ：
你呢個傢伙吖 ，吓 ，我同你往日無冤 ，近日無仇 ，吓 ，為乜事 幹你要聽 你嗰個壞女人 說話嚟害我 ，吓 ！
今日 捉到 你 嚟 喇 ，你 有 咩 說話 講 ，你 有 乜嘢 說話 講 ！
花榮 就 話 ：阿哥 你 問 佢 做乜嘢 吖 ！
佢 攞 把 刀 嚟 ，對住 劉高 個 心口 一㓤一挖 ，就 攞咗 佢 個 心 嚟 獻 喺 宋江 面前 嘞 。
啲 小嘍啰 就 將 佢 尸首 拉埋 一便 。
宋江話 ：嘿 ，今日 雖然 殺咗 呢個 壞蛋 ，不過 仲有 嗰個 淫婦 未曾 殺 ，未曾 出得完 嗰啖氣 啊 。
王矮虎 就 話 喇 ：誒 阿哥 你 放心 啦 ，聽日 我 親自 落山 ，捉 嗰個 女人 ，不過 呢次 就 要 畀 我 咯喎 。
大家 聽到 都 笑起上嚟 。
當晚 飲完酒 ，就 各自 返去 休息 嘞 。
第日 起身 ，就 商量 打 清風寨 嘅 事 。
燕順就話 ：尋日 ，孩兒們 行得 咁 辛苦 ，今日 唞佢 一日 ，聽朝早 落山 都 未 遲 吖 。
宋江 就 話 ：冇錯喇 ，就係 要 保養 得 人 強 馬 壯 ，唔使 咁 匆忙 嘅 。
而家 暫時 就 唔 講 山寨 裏 便 準備 兵馬 起程 嘅 事 。
只係 講下 都監 黃信 啊 ，佢 單人匹馬 ，就 跑返去 清風寨 大寨 裏 便 ，即刻 就 派 寨兵 人馬 ，緊守 四便 寨門 。
黃信 就 寫咗 報告 ，派 兩個 頭目 ，飛馬 去 報告 畀 慕容 知府 聽 。
知府 聽見 話 有 緊急 嘅 軍 情報告 嚟 唄 ，漏夜 升堂 辦公 啦 ，就 睇咗 黃信 嘅 報告
個 報告 裏頭 話 ：花榮 作反 ，勾結 清風山 嘅 強盜 ，清風寨 呀 ，旦夕 不保 喇 ，事 在 危急 ，請 火速 派遣 良將 嚟 保衛 地方 噉 。
知府 睇咗 就 大驚 啦 ，即刻 就 派 人 去 請 青州 指揮司 ，總管 本州 兵馬 秦 統制 ，要 佢 馬上 嚟 商量 軍機 要事 。
呢個 秦 統制 啊 ，乃 係 山 後 開州 人 氏 ，姓 秦 ，單名 一個 明字 。
因為 佢 性格 好 急躁 嘅 ，開聲 就 好似 打雷 ，所以 人人 都 叫 佢 做 霹靂火 秦明 。
祖先 係 軍官 出身 ，使 一條 狼牙棒 ，有 萬夫不當之勇 。
秦明 聽見 話 知府 請 佢 唄 ，即刻 就 嚟 見 知府 嘞 。
行完禮 ，慕容 知府 攞出 黃信 嘅 緊急 報告 ，畀 秦 統制 睇 。
秦明 睇咗 就 好嬲 ，佢 話 ：哼 ！嗰班 賊佬 竟然 膽敢 無禮 ！
公祖 你 不必 憂心 ，末將 馬上 起兵 ，捉唔到 呢班 強賊 ，我 決 唔 返嚟 再見 公祖 ！
慕容 知府 就 話 ：將軍 如果 去 遲啲 ，恐怕 呢班 傢伙 就 去 打 清風寨 嘅 咯 。
秦明 回答 話 ：呢件事 點 敢 遲誤 呢 ？
今晚 ，漏夜 就 去 點起 人馬 ，聽日 一早 起行 。
知府噉就歡喜喇 ，連忙叫安排酒肉乾糧 ，先去城外便等候嚟到慰勞軍隊 。
秦明 聽見 話 花榮 作 反唄 ，嬲爆爆 噉 上咗 馬 ，跑到 去 指揮 司 裏 便 ，點起 一百 馬軍 ，四百 名 步軍 ，命令 佢哋 出城 去 集合 ，準備 出發 。
