王婆 就 整古整怪 拖咗 西門慶 入 房 啦 。
入到 房 ，王婆 就 對 潘金蓮 話 喇 ：
娘子啊 ，佢 就係 嗰位 施主 ，送 衣料 畀 我 嘅 官人 喇 。
西門慶 見到 潘金蓮 就 行咗 個 禮 。
潘金蓮 即刻 放低 啲嘢 ，企起身 還禮 ，講 一聲 萬福 。
王婆 指住 潘金蓮 對 西門慶 話 ：
難得 呢位 官人 送 啲 綢緞 畀 我 ，擠 咗 成年 都 未曾 做 。
而家 ，又 多得 晒 呢位 娘子 親手 幫 我 做 ，真係 吖 ，好似 織布機 咁 好 針線 ，又 密 又 好 ，真係 難得 㗎 咯 。
大官人 ，你 過嚟 睇下 。
西門慶 攞起 件 衫 嚟 睇下 ，猛咁 喝彩 話 ：
呢 位 娘子 喺 邊 處 學 嚟 呢 手 咁 好 嘅 功夫 啊 ？ 哈哈 ， 真 係 ， 啊 ， 神仙 一樣 噉 嘅 手勢 啊 。
潘金蓮 笑笑口 話 ：官人 唔好 取笑 我 啦 。
契娘 呀 ，請問 呢位 係 邊家 嘅 娘子 啊吓 ？
大官人 ，你 估下 呢 。
小人 點 估得到 呢 ？
我 話 你 聽 吖 ，佢 係 隔籬 武大郎 嘅 娘子 吖 嘛 。
咩 前日 果 支 鴉叉 打得 唔夠 痛 呀 呢 ？大官人 咁 快 就 唔 記得 咩 ？
潘金蓮 呀 即刻 面紅起上嚟 話 ：嗰日 奴家 偶然 失手 ，官人 唔好 記 喺 個 心 嚟 啊 。
嚱， 乜 說話 ， 乜 說話 呢 ？
王婆 接住 口話 喇 ：呢位 大官人 呀 ，一生 和氣 ，從來 都 冇 話 記仇 㗎 ，好好人 㗎 佢 。
西門慶 就 話 喇 ：哦 ，前日 小人 唔 認得 ，原來 係 武大郎 嘅 娘子 呀 ？
武大郎 誒 我 認得 ，勤勤懇懇 ，忠忠直直 ，呢佢 喺 街上 做咗 咁 耐 生意 ，大大小小 都 未曾 得罪過 一個 人 嘅 ；
又會賺錢性情又好 ，噉嘅人 真係 難得啊 ，哈哈 難得啊 。
王婆 又 話 喇 ：噉 唔係 ，娘子 嫁咗 呢位 大郎 ，凡事 都係 百依百隨 㗎 。
潘金蓮 就 答佢 話 ：拙夫 個人 好冇用 㗎 ，官人 唔好 見笑 啊 。
誒噉講就唔啱喇娘子 。
古人 都有 話 喇 ：柔軟 係 立身 之 本 ，剛強 係 惹 禍 之 胎 吖 嘛 。
好似 大郎 噉 嘅 人品 ，良良善善 ，噉 先至 穩陣 啊 。
王 婆 喺 一 便 就 打 衡 邊 鼓 話 喇 ： 一 啲 都 冇 錯 ， 一 啲 都 冇 錯 啊 官人 。
西門慶 誇獎 咗 一輪 ，就 坐 喺 潘金蓮 對面 。
王婆 就 問 ：娘子 ，你 知唔知道 呢位 官人 係 邊個 啊 ？
奴家 唔 知道 喎 。
呢個 大官人 呀 ，係 本 縣 一位 財主 嚟 㗎 ，連 知 縣相公 都 同 佢 有 來往 㗎 。
佢 叫做 西門大官人 ，佢呀 ，萬萬貫 家財 ，喺 縣衙門 前 便 ，開咗 間 藥材 舖 。
佢 屋企 啲 錢 呀 ，多 到 壓冧 樓 ，啲 米 就 多 到 諍爆 倉 。
赤色嘅係金 ，白色嘅係銀 ，圓嘅係珍珠 ，方嘅係寶貝 ；
又 有 犀牛 頭上 隻 角 ， 又 有 大象 口裏 頭 隻 牙添 㗎 。
嗰個 王婆 一味 咁 誇獎 西門慶 ，嘿 ，講到 口水 花 噴噴 啊 。
潘金蓮 呢 ，就 耷低 個 頭 喺度 聯衫 。
西門慶 睇住 潘金蓮 ，嘿 ，生滋貓 入眼 噉 ，鍾意到 佢 死嘞 。
王婆 就 走 去 沖 咗 兩杯 茶 嚟 ， 一杯 係 畀 西門慶 ， 一杯 係 畀 潘金蓮 。
佢 話 ：娘子 啊 ，陪 大官人 飲 杯 茶 啦 。
飲完 茶 之後 ，就 覺得 佢哋 有 啲 眉目 傳情 咯 喎 。
王婆 望住 西門慶 ，用 隻手 嚟 摸下 自己 塊面 。
西門慶 一 睇 ，嘿 ，個 心 明白 王婆 呢個 逳作 嘅 意思 喇 。
撒開 五 隻 手指 吖嘛 ，即係話 ：喂 ，有 五分 光 咯 喎 。
呢個 時候 王婆 就 話 喇 ：大官人 如果 唔 嚟 ，我 呢個 伯爺婆 亦 唔 敢 上門 去 請 。
今日 呢 ，一則 係 有緣分 ，二則 係 嚟得 啱噃 。
開講 都有 話咯 ：一客 不煩 二主 吖嘛 。
大官人 係 出錢 嘅 ， 呢 位 娘子 係 出力 嘅 。
嗱 我 都 唔 客氣 喇 ，難得 呢位 娘子 喺 處 ，官人 啊 你 就 做 個 主人 ，同 我 請 下 娘子 飲 返 杯 酬謝 下 呢 。
西門慶 就 即刻 話 ：啊 你 睇 ，小人 都 冇 諗到 添 ，嗱 ，我 呢度 有 銀 喺 處 。
講完 就 攞 啲 銀 出嚟 交咗 畀 王婆 ，請 佢 去 買 酒菜 。
潘金蓮 就 話 喇 ：哎呀 ，噉 唔好嘅 。
個口 係 噉 講 ，之 又 唔 逳 身 喎 。
王婆 攞咗 啲 銀 就 行喇 ，嚱 潘金蓮 呀 仲 係 唔 起身 扯 。
王婆 要 出門口 喇 ，佢 話 ：唔該 阿娘子 你 陪 大官人 坐 一陣 先 啦 吓 。
潘金蓮 就 話 喇 ： 哎呀 契娘 ， 噉 唔 好 嘅 呢 。 之 始終 冇 逳 身 。
西門慶 呢 個 傢伙 啊 ， 嗰 雙眼 一味 望實 潘金蓮 。
潘金蓮 嗰 雙眼 呢 ，亦 係 偷偷 噉 睄 咗 下 西門慶 。
見到 佢 呢一 表人才 ，個 心 啊 已經 有 六七分 意思 嘞 。
睄咗 兩眼 ，又 耷低 個 頭 做 針指 嘞 。
冇 幾耐 ， 王婆 買 咗 嘢 返 嚟 喇 ， 無非 係 啲 肥鵝 熟肉 靚 點心 之類 等等 呢 ， 就 用 碟 裝好 都 擺 喺 張 枱 處 。
王婆 又 話 ：娘子 啊 ，快啲 收起 啲 針線 衣服 先 嚟 飲 杯 酒 啦 吓 。
潘金蓮 話 ：契娘 ，你 同 大官人 飲 啦 ，奴家 唔 敢 當 。
誒 ，口 係 噉 講 ，之 冇 逳到 身 喎 。
王婆 又 話 喇 ：乜噉 講 啊 ，呢餐 係 專登 請 娘子 嘅 ，你 唔 飲 噉 都 得 嘅 咩 ？
於是 三個人 就 埋位 咯喎 ，斟 咗 酒 。
西門慶 攞起 杯酒 話 ：娘子 ，飲勝 呢杯 啦 。
多謝 官人 厚意 。
王婆 就 撥 到 衡 喇 ：我 知道 娘子 好 飲得 嘅 ，今日 呀 開懷 飲 多 兩 杯 啦 。
潘金蓮 接咗 西門慶 遞過嚟 嗰 杯 酒 。
西門慶 又 攞起 筷子 嚟 話 ：契娘 ，幫 我 夾 啲 餸 畀 娘子 啦 。
王婆 梗 係 拍 硬 檔 啦 ， 一味 揀 啲 好 食 嘅 就 夾 畀 潘金蓮 嘞 。
一連 斟咗 三 巡 酒 ，王婆 又 去 坐 熱 第 壺 酒 嘞 。
西門慶 又 問 潘金蓮 話 ：請問 娘子 青春 多少 啊 ？
奴家 虛度 二十三歲 。
哦 ，小人 比 娘子 大 五歲 咯 。
官人 係 將 天 比 地 啦 。
王婆 就 插嘴 話 ：娘子 好 本事 㗎 ，唔單止 做得 一手 好 針指 啊 ，諸子百家 樣樣 都 精通 㗎 佢 。
噉真係 去邊度 搵 啦 ，武大郎 真係 有福份 咯 。
大官人啊 ，唔係 我 喺度 講是講非吖 ，枉 你 大官人 屋企 有 咁多 個人 ，之邊處 有 一 個 及得 呢位 娘子 㗎 ？
唉 ，真係 一言難盡 嘞 ，總之 係 小人 嘅 命 唔好 係啦 ，總係 攞唔到 個 好 嘅 。
大官人 你 先頭 嘅 娘子 真係 好 嘅 嚱 ？
唉唔好講 ，如果 我 先妻 在世 ，就 唔會 搞到 而家 咁 家無主 屋倒豎 啦 。
而家 ，嘿 ，枉 我 有 六七口人 食飯 ，冇 個 頂用 嘅 。
聽到 呢處 ，潘金蓮 就 問 西門慶 喇 ：
大官人啊 ，噉 大娘子 去咗世 幾 多年 喇 ？
小人 嘅 先 妻 出身 係 好 低微 嘅 啫 ， 但 係 人 就 好 聰明 ， 好 嘜 叻 嘅 ， 事無大小 都 幫得 小人 。
佢 過咗身 已經 三年 喇 ，唉 ，屋企 嘅 事 呀 ，搞到 七顛八倒 。
唔係 點解 小人 成日 出咗嚟 吖 ，就係 喺 親 屋企 就 要 霎氣 。
王婆話 喇 ： 大官人 ， 唔 好 怪 我伯爺婆 直白 講 吖 嗱， 你 先頭 嘅 娘子 呀 ， 亦 冇 呢 位 娘子 咁 好 嘅 針 指 啊 。
噉老實講啊 ，就係 小人 嘅 先妻 ，嘿嘿 ，亦唔及 呢位 娘子 噉 嘅 人才 。
係 喇 ， 大官人 啊 ， 你 唔 係 養 咗 一個 外 宅 喺 東街 嚟 ？ 點解 唔 請 我 去 飲杯 茶 啊 ？
哦 ，就係 唱 小曲 嗰個 張 惜惜 咋嘛 。
我唔係 點鍾意 佢啫 。
大官人 ，噉 你 同 李嬌嬌 又 好 緣份 喎 。
佢 又 攞咗 返 屋企 喇 ，如果 佢 會 當家 嘅 呢 ，我 早就 扶正 咗 佢 啦 ，之 佢 又 唔得 吖 。
大官人 呀 ，如果 有 一位 合 大官人 你 心水 嘅 人 ，噉 你 收唔收得 佢 返 屋企 㗎 ？吓 ？你 怕 唔 怕 嘅 啫 ？
唓 ！我 個 爹娘 都 死咗 㗎 喇 ，屋企 係 我 話事 嘅 ，我 鍾意 嘅 邊個 敢 話 唔得 吖 ？
嘿嘿 ，我 發牙痕 講嚟 玩嘅啫 ，喇起手 ，邊處 搵到 個人 合 大官人 你 心水 㗎 ？
唉 ，點解 話 會 冇 吖 ？至衰 就係 我 夫妻 緣份 薄 ，撞唔到 啫 。
噉 西門慶 同 王婆 就 你 一言 時 我 一語 ，傾咗 一大輪 。
句句 說話 ，無非 都係 講畀 潘金蓮 聽嘅 。
講講下 ，王婆 話 喇 ：嘿 ，正 話 飲得 高興 ，冇咗 酒 添 。
大官人啊 ，咪怪我貪杯吓 ，再去買一樽返嚟呢 ，好唔好啊 ？
好啊 ，嗱 ，我 條 手巾仔 包住 五 兩 幾 碎銀 嘅 ，都 放 喺 你 處 啦 ，要 飲 就 即管 去 買 。
有多嘅 ，契娘 你 收起佢 咪就係咯 。
王婆 多謝 一聲 ，企咗 起身 。
睇 下個 潘金蓮 ， 嗯 ， 一 杯酒 落肚 ， 已經 心 逳逳 咯 ；
而家 呢 ，聽見 王婆 話 去 買 酒 ，只係 耷低 個 頭 ，冇 話到 要 扯 就 更 冇 逳到 身 。
於是 王婆 笑 騎騎噉 話 ：我 去 買 樽 酒 返嚟 ，同 娘子 再 飲 一杯 吓 。
娘子啊 ，勞煩 你 招呼住 大官人 坐下 先 啦 。
壺 裏 便 仲 有冇 酒 啊吓 ？有 就 再 斟 兩 杯 同 大官人 飲 啦 ，吓 。
誒 ，嗱 我 而家 去 縣衙門 前面 嗰 間 舖頭 ，買 一 樽 好 酒 返嚟 ，要 去 幾耐 下 先至 返得嚟 㗎 。
潘金蓮 嘅 口 就 話 喇 ，唔好 去 買 咯噉 ，個人 呢 ，仲 係 坐住 喺度 逳 都 冇 逳 。
嗰個 老虔婆 行 出咗 房 ，順手 掩 返埋 道門 ，仲 用 條 繩 將 道門 綁 到 實實 添 。
佢 自己 呢 ，就 喺 房門 外 便 坐 喺度 守住 。
等 王婆出 咗 去 ， 閂 咗 門 ， 西門慶 就 斟 咗 杯酒 嚟 敬 潘金蓮 嘞 。
佢 特登 用 堂衫 袖 一揩 ，揩咗 雙 筷子 落地 ，嗰 雙 筷子 就 咁啱 跌 正 喺 潘金蓮 嘅 腳 邊 。
西門慶 即刻 踎低 去 執 筷子 咯 喎 ，只見 潘金蓮 嗰 一雙 尖尖 細細 嘅 小腳 ，喺 正 筷子 旁邊 嚟 。
哼 ，西門慶 嗰 單嘢 就 唔 去 執筷子 ，佢 用 隻 手 喺 潘金蓮 嘅 繡花鞋 上面 捻咗 一下 。
潘金蓮 咭 聲 笑 起 上 嚟 話 ： 官人 你 咪 啦 ， 你 ， 你 ， 你 真 係 要 勾搭 我 呀 ？
西門慶 一下 跪低 話 ：唔該 娘子 你 ，應承 小生 啦 ，吓 ，吓 。
噉 呢 兩個 嘢 就 勾搭 上 ， 喺 度 胡天胡帝 嘞 。
過 咗 一陣 ， 王婆 突然 間 推開 房門 入 嚟 ， 好 嬲 噉 話 ： 好 啊 ， 好 啊 ， 你 哋 兩個 嘢 做得好 事 啊 ！
嚇到 西門慶 同 潘金蓮 一 跳 。
好 啊 你 ， 好 啊 你 ， 我 請 你 嚟 做 衣服 咋 噃， 冇 叫 你 嚟 勾佬 㗎 吓 。
如果 畀 武大 知道 呀 ，實 連累 埋 我 嘅 ，咪喇咪喇 ，我 去 出 首先 喇 。
王婆 擰轉身 就 走嘞 。
潘金蓮 掹住 王婆 話 ：哎呀 契娘 ，饒恕 我 啦 。
西門慶 亦 都 話 喇 ：哎 契娘 呀 ，細聲啲 啦 。
王婆 就 笑住 話 ：哼哼 ，如果 想 我 饒恕 你哋 都 得 ，不過 都 要 聽 我 一件事 。
潘金蓮 話 ：咪 講 一件 啦 ，就算 係 十件 ，我 都 聽 你 話 嘅 契娘 。
嗱 ，你 從 今日 開始 ，要 瞞住 武大 ，每日 都 唔好 失約 ，唔好 辜負 咗 大官人 ，做得到 嘅 呢 ，我 就 算數 係 啦 ；
如果 你 有 一日 唔嚟 我 就 要 去 同 你 武大 講 㗎喇 。
哦 ，我 聽 契娘 話 就係啦 。
西門大官人啊 ，你 嗰處 就 唔使 我 講 咁多 喇 。
呢 十分 好事 已經 功德圓滿 啦 ，你 應承 我 嗰件 嘢 唔好 失信 喎 。
你 如果 負心 呀 ，我 亦 要 同 武大 講 㗎 。
契娘 放心 啦 ，我 冇 話 失信 嘅 。
嚱 ，噉 就 斟妥晒 ，三個人 坐落 又 飲咗 幾杯 酒 。
已經 到 咗 下午 嘅 時候 ， 潘金蓮 就 企 起身 話 ：
武大 嗰個 嘢 就 返嚟 㗎 喇 ，奴家 要 返去 先 喇 。
佢 混 後門 返去 屋企 ，除低咗 道門簾 ，哈咁啱 武大郎 就 入 門口 嘞 。
噉喺呢頭呢 ，王婆 就 望住 西門慶 話 ：點啊 ，老娘 嘅 手段 掯啩 ？
真係 多得 晒 契娘 啊 。
我 一 返到 屋企 ，即刻 攞 一錠 銀 嚟 送畀 你 ，應承過 嗰樣 嘢 ，唔敢 話 冇 良心 嘅 契娘 。
嗱， 噉 我 就 一心 等 住 好消息 啦 吓 ， 千祈 唔 好 等 我 望 到 頸 都 長 晒 ， 落得 個 竹籃打水一場空 噃。
放心啦契娘 。
西門慶 笑下 就 走人 喇 。
噉嗰個潘金蓮呢 ，從此之後啊 ，每日 都 趯咗過去 王婆 屋企 同 西門慶 喺埋一處 ，嘿 真係 如膠如漆 啊 糖黐豆噉 。
自古話 ：好事 不出門 ，惡事 就 傳 全 千里 啊 。
唔到 半個月頭 ，街坊 鄰里 ，人人 都 知道 呢件 醜事 嘞 ，就係 瞞住 武大郎 一個人 唔知 。
話 分 兩頭 ，而家 講下 縣城 裏頭 有 一 個 細路仔 今年 就 十五六歲 ，姓 喬 嘅 。
因為 佢 係 佢 老豆 喺 鄆城 縣 當兵 嘅 時候 生 嘅 ，所以 就 改個名 做 鄆哥 。
屋企 呢 ，就 得 老豆 喺 處 ，父子 兩人 就 相依為命 。
呢個 細路 呢 ，就 生得 幾 精乖醒目 嘅 。
平時 就係 靠 喺 啲 酒店 裏頭 賣 啲 應時 水果 賺錢 度日 ，周時 亦 得到 西門慶 幫襯 ，就 搵返 啲 使用 。
嗰日 ，佢 搵到 一籃 雪梨 ，就 挽住 周街 咁 到處 搵 西門慶 咯 喎 。
嚱 有 個人 正一 係 口 多多 ， 好管閒事 嘅 ， 佢 見到 鄆哥 就 話 喇 ：
喂 ，細路 ，嚟嚟嚟 ，你 想 搵到 佢 係嘛 ，嗱 ，我 教 你 去 一笪 地方 搵 吖嗱 。
鄆哥 就 話啦 ：吖 真係 唔該晒 你 喇 阿叔 ，等 我 去 搵到 佢 ，賺返 四五十 個 錢 嚟 養 阿爹 都 好吖 。
話 你 聽 啦 細路 ，嗱 ，西門慶 呢 ，而家 就 索咗 賣 燒餅 嗰 個 武大 嘅 老婆 ，日日 都 喺 紫石街 王婆 嗰 間 茶坊 坐 。
嚱嚱 呢 ，而家 呢個 時候 啊 ，多數 喺度 㗎 喇 。
你 係 個 細佬哥 ，即管 撞入去 都 唔怕 㗎 吓 。
鄆哥 聽咗 就 多謝 一句 阿叔 指教 ，就 挽住 籃 雪梨 ，一直 行去 紫石街 喇喎 。
佢 直筆 噉 行入 王婆間 茶坊 處 ， 見到 王婆 坐 喺 張 凳 仔 處 搓麻 線 喎 。
鄆哥 放低 籃 雪梨 ，對住 王婆 行個禮 話 ：契娘 有 禮喇 。
哦 ， 乜 係 鄆哥 呀 ， 你 嚟 呢 處 有 咩 嘢 事 啊 ？
想搵下大官人 ，賺返 四五十 個 錢 嚟 養 阿爹 啫 嘛 。
咩嘢 大官人 啊 ？
嚱契娘 ，你 都 知㗎 啦 ，唔係 就係 ，嗰個 。
就算係 大官人 都有個 姓名 㗎嘛 。
嘿嘿 ，呢 就係 ，兩個 字 嘅 啫 。
咩嘢 兩個 字 啊 ？
契娘 你 咪 喺 度 撚 化 我 喇 ， 我要 同 西門 大官人 講句 說話 呢 。
鄆哥 一頭 講 ，一頭就 要 行 入 裏 便 咯 喎 。
王婆 一手 揪住 佢 話 ：馬騮仔 去 邊處 啊 你 ？人哋 間 屋 亂 咁 撞 都 得 嘅 咩 ？
你 等 我 入去 房 搵 佢 啦 。
死馬騮乾 ，我 間 房 裏 便 有 咩 嘢 西門 大官人 啊 ？
嘿嘿嘿 ，契娘 ，唔好 獨食 喎 你 ，獨食 難 肥 㗎 喎 。
畀返啖汁水 我 呷下 都 好吖 ，你 估 我 烏瀡瀡 乜 都 唔知 㗎 ？
你個死馬騮仔 ，你知乜嘢啊 ？知 ！
雞 春 咁 密 都 哺 出 仔 啊 ，你 估 你𢫏到冚 就 得㗎 喇 ？
哼 ，如果 我 講出嚟 呀 ，至 怕 賣 燒餅 嗰個 大哥 要 發火 啫 嚱 ？
王婆 畀 佢 呢 兩 句 嘢 督 穿晒 ，嬲 到 佢 死咯 ，就 喝 佢 話 ：
死馬騮仔 ，咁大膽 走嚟 老娘 屋企 放臭屁 啊吓 ？
哼 ！我 係 馬騮仔 ，你 係 老龜婆 。
王婆 唔 講 咁多 咯 ，揪住 鄆哥 ，咯咯 ，噉 就 出力 鑿咗 佢 兩下 頭殼 。
哎 ，哎吖哎吖 ，你 ，你你 做咩嘢 打 我 啊 你 ？
死馬騮 你 仲 嗌 吖 嗱？ 你 仲 嗌 吖 嗱？ 我 大巴 摑 死 你 ！
老龜婆 你 有 乜 道理 打 我 吖 ？
嗰個 王婆 都 唔理 你 咁多 啊 ，一手 叉住 鄆哥 ，一手 就 出力 咁鑿 佢 頭殼 ，一直 打到 出街 ，連 嗰籃 雪梨 都 擗咗 出去 。
嗰啲 雪梨 呀 四分五落 ，碌 到 成 街 都 係 。
嗰個 馬騮仔 打唔過 老虔婆 啊 ，就 一便 鬧 一便 喊 ，一便 行 一便 喺 街 處 執返 啲 雪梨 。
指住 王婆間 茶坊 就 鬧 佢 話 ： 你 老龜 婆 你 ， 哼 你 去 死 吖 你 ， 你 去 死 吖 你 ， 你 你 你 睇 住 嚟 吖 嗱， 嗯 你 睇 我講 唔 講 畀 佢 聽 吖 嗱， 嗯 我 我 ， 我 唔 去 就 唔 係 人 ， 誒 。
挽住 個 籃仔 就 去 搵 武大郎 嘞 。
鄆哥 轉咗 兩條街 ，就 見到 武大郎 擔住 擔 燒餅 行緊 過嚟 。
鄆哥 企定 腳 ，等 武大郎 行 到 面前 就 對住 佢 左望 右望 噉 話 ：
哈 ， 呢 排 冇 見 你 ， 乜成個 光鮮 晒 喎 。
武大郎 放低 擔 燒餅 話 ： 嗯 我 係 一直 都 係 噉 樣 啫 ， 有 咩 嘢 咁 光鮮 吖 ？
使乜咁謙吖 ，你 睇下 ，你嘅 頭巾 染得 幾靚 。
亂噏廿四 ，嗯 舊 頭巾 嚟 咋嘛 ，幾時 有 染到 呢 又 ？
吖仲話冇喎 ，染成綠色嘅 ，幾棖眼啊 。
吖 你 個 死馬騮 你 嘩 ，乜乜乜 噉樣 嚟 鬧 我 呀 ？
吖 我 個 老婆 又 冇 勾佬 ，點解 話 我 戴 綠 頭巾 吖 你 ？
係 ，你 老婆 冇 勾佬 ，勾仔 啫 。
武大郎 一手 捉住 鄆哥 話 ：你 ，嗯 ，你你你 仲 講 吖嗱 ？
你 呀 ， 淨 係 識得 會 捉住 我 ， 你 又 唔 會 去 捉 佢 ？
噉 ，噉 ，誒誒 好兄弟 啊 ，噉 你 講 我 聽 ，究 ，究竟 係 邊個 嚟 吖 ？嗯 我 送 十個 燒餅 過 你 吖 。
嗯 ，燒餅 唔 中用 嘅 ，嗱 ，你 做 個 小東 ，請 我 飲 返 幾 杯 啦 ，我 就 講 畀 你 聽 。
嗯乜 你 會 飲酒 嘅 咩 ？嗯嗯 ，噉 誒 跟 我 嚟 啦 。
武大郎 擔起 擔嘢 ，帶住 鄆哥 行到 去 一間 小 酒店 。
放低擔嘢 ，攞咗 幾個 燒餅 ，又 買咗 啲 熟肉 ，打咗 一壺 酒 ，就 請 鄆哥 食 咯喎 。
嗰個 僆仔 又 話 喇 ：酒 就 唔使 添 喇 ，切 幾 嚿 肉 嚟 畀 我 添 啦 。
誒 ， 誒 好 兄弟 啊 ， 嗯 ， 你講 我 聽 啦 ， 吓 。
唔使急嘅 ，等我 食晒啲嘢 先至 講你聽啦 ，啊 。
你 唔使 嬲 㗎 ，我 會 幫 你 捉 佢哋 㗎 。
武大郎 睇住 個 僆仔 食完 肉 飲完 酒 就 話 喇 ：嗯 你 而家 講得 我 聽 喇 掛 ？
鄆哥 就 話 ： 你 想 知道 呀 ，嗱， 你 用 隻 手 嚟 摸 我 頭殼 個瘤 先 ， 呢 ， 呢 處 呢 處 。
咦 ？啊係呢 ，誒 點 會 搞到 咁 大 個 瘤 㗎 你 ？
我講 你 聽 啦 ： 我 今日 攞 住 一籃 雪梨 ， 想話 去 搵 西門 大官人 撈 返 多少 油水 啦 ， 哈點 知邊 處 都 搵 佢 唔 到 噃。
喺 街上 有 個人 話 我 聽 ，話 佢 喺 王婆 間 茶坊 處 ，勾 咗 武大娘子 啊 噉 ，日日 都 喺 嗰度 出入 嘅 。
我就指意話去賺佢三五十個錢使下啦 ，我唔係去咯 。
哈豈有此理 ，王婆 嗰隻 老豬乸 唔畀 我 入去 噃 ，仲 瘟 咁 出力 撞 我 個 頭 添 ，趕咗 我 出嚟 。
噉 我 特登 嚟 搵 你 咋嘛 。
先頭 呀 ， 我 又 噏 嗰 兩句 嘢 嚟 激 你 嘅 ， 唔 激下 你 ， 你 又 唔 會問 我 㗎 。
吓 ？ 誒 ， 誒 ， 乜 ， 乜真 係 有 噉 嘅 事 咩 ？
睇你 ，睇你又嚟喇又嚟喇 ，我話你呀 ，正一係衰公啊 。
嗰 兩個 嘢 日日 都 喺度 等 你 一 出咗 門口 就 趯去 王婆 屋企 鬼混 ，都 唔知 幾 風流 快活 。
你 仲 喺度 問 係唔係 真 有 件 噉 嘅 事 喎 。
唉 兄弟 ， 我 我 我 ， 我 唔 怕 同 你 講啦 ， 嗯 我 女人 呀 ， 日日 去 王婆 屋企 做 衣服 ， 噉 返到 嚟 呢 就 面 紅紅 噉 ， 我 都 係 有 啲 思疑 㗎 喇 。
噉 ，噉講起上嚟 ，就 冇 錯 係 㗎 喇 。
嗯嗱 ，嗯嗯 ，我 ，我而家 擠落 擔嘢 ，就 返去 捉姦 ，你 話 好唔好 吖 ？
鄆哥 就 話 喇 ： 你 咁 大 個人 都 冇 釐 見識 嘅 。
王婆 嗰隻 老狗 乸 ，犀利 到 飛起 ，你 點 夠 佢 挭 㗎 ？
佢哋 三個人 呀 ，實有 個 暗號 㗎 嘛 ，見 你 去到 捉 佢 ，一早 就 將 你 老婆 收起 上嚟 先 ，噉 你 去 邊處 搵 佢 吖 ？
西門慶 嗰 單 嘢 又 好 打 得 嘅 ， 好似 你 啲 噉 㗎 ， 廿 零個 都 唔 係 佢 手腳 啦 。
到時 如果 做 佢 唔到 ，仲 白白 畀 佢 打一餐 添 。
佢 又 有 錢 有勢 ，反轉頭 告 你 一 狀 ，噉 你 仲 要 吃 官司 添 噃 ；
又 冇 人同 你 做主 ， 實 畀 佢 害死 為止 啦 。
哦好兄弟 ，嗯嗯 ，你 講 嘅 都係 啱嘅 。
噉 ， 噉 ， 噉 我點 先至 出得 呢 啖 氣 呢 你 話 ？
哼 ！我 畀 嗰隻 老狗 乸 打咗 一餐 ，又 夠 係 冇 埞 出氣 咯 。
嗱 ，等 我 教 步棋 你 吖 嗱 ：
你 今日 呢 ，就 夜啲 先至 好 返 屋企 ，返到 屋企 就 乜 都 唔 好 發作 ，嚱 ，一啲 聲氣 都 唔 好 漏出嚟 ，就 好似 平時 噉 就 得喇 。
噉聽朝早呢 ，你 就 做少啲 燒餅 出嚟 買 ，我啊 會 喺 巷口 睺實 㗎喇 。
我 一見到 西門慶 入咗去 ，就 即刻 嚟 嗌 你 。
你 就 擔住 擔嘢 就 喺 左近 等 我 啦 ，到時 我 就 入去 撩 嗰 隻 老狗 乸 先 ，噉 佢 梗係 嚟 打 我 㗎 嘛 。
我 就 擗 隻 籃仔 出街 ，你 一 見到 就 衝入嚟 啦 。
我 一頭頂 實嗰個 老鬼 ，你 就 唔好 理 咁多 喇 ，一味 撞入 房 ，大聲 咁 嗌 啦 。
嗱 ，你 話 呢條 計仔 得唔得 吖 ？
嗯 ，如果 係 噉 ，噉就 難為咗 你 咯 。
嗯 ，嗱 ，誒 我 呢度 有 幾貫 錢 ，你 攞 去 趯 米 啦 吓 。
噉 ，噉聽 朝 一早 就 嚟 紫石街 巷口 等 我 咯 喎 ，吓 。
鄆哥 逗咗 幾貫 錢 ，仲有 幾個 燒餅 就 走咗 喇 。
武大郎 找咗 數 ，擔起 擔嘢 喺 街上 賣咗 一輪 就 返 屋企 。
返到 去 ， 就 好似 鄆哥 噉 樣講 ， 亦 都 係 好似 平時 一樣 ， 乜嘢 都 冇 問 乜嘢 都 冇 講 。
嗰個 潘金蓮 呢 ，舊時 只係 會 鬧 個 老公 ，一味 欺負 佢 個 啫 。
之 近日 嚟 呢 ， 因為 亦 都 知道 係 對 武大郎 唔 住 咯 ， 所以 對 武大郎 嘅 態度 就 好 返 啲 喎 又 。
當晚 ，佢 見到 武大郎 返嚟 就 話 喇 ：大哥 ，飲杯酒 呢 ？
嗯 ，唔飲咯 ，先頭 我 同 一班 朋友 飲咗 幾碗 㗎咯 。
噉 潘金蓮 就 開 枱 伺候 武大郎 食 晚飯 ，當晚 就 冇事 啦 。
第日 ，食完 朝飯 ，武大郎 只係 做咗 三籠 燒餅 。
潘金蓮 嗰份 人 呀 ，終之 無日 ，一心 只係 想住 西門慶 ，根本 都 冇 理 佢 做多 定 做少 。
呢朝早 ，武大郎 擔起 擔 燒餅 就 出街 做 生意 嘞 。
潘金蓮 就 巴不得 佢 早啲 出去 啦 ，武大郎 啊 前腳 出門 佢 後腳 就 行咗過去 王婆 屋企 等 西門慶 嘞 。
而家 講下 武大郎 ，佢 擔住 擔燒餅 ，出到去 紫石街 巷口 ，迎面 就 見到 鄆哥 挽住 個 籃仔 喺度 望望下 。
武大郎 就 問 佢 話 ，點啊噉 。
鄆哥 就 話 ：仲係 早得啲 ，你 去 賣 一轉 嘢 先 返嚟 啦 。
佢 九成 係 嚟咗 㗎 喇 ，你 喺 呢度 左近 等 就 啱喇 。
武大郎 就 真係 滾水 淥 腳 噉 走去 賣 咗 一轉 燒餅 就 返嚟 。
鄆哥 話 ：嗱 ，你 等陣 睇住 我 將 隻 籃仔 一 掉 出嚟 ，你 即刻 就 衝 入去 咯噃 ，啊 。
武大郎 將 擔嘢 ，寄存 喺 相熟 嘅 人家 之後 ，就 喺度 等 嘞 。
