西門慶 行走咗 冇 幾耐 ，哈打咗 個 轉 又 返轉頭 ，行返 入 王婆 間 茶坊 裏 便 搵 個 位 坐落 。
王婆 笑 佢 話 喇 ：大官人 呀 ，先頭 行 個 禮 真係 深 啊 嘻 ！
嚱嚱嚱嚱嚱 ，誒契娘呀 ，你 過嚟 ，我 問下 你 ，喂 ，隔籬 嗰個 女 ，係 乜水 嘅 老婆 啊吓 ？
你 問 佢 呀 ，佢 係 閻羅王 嘅 親妹 五道將軍 嘅 女 ，你 問 佢 乜嘢 事 吖 ？
我係 同你 講 正經 㗎 ，咪 開玩笑 嘞 。
乜 大官人 唔識 佢 咩 ？佢老公 就係 日日 喺 縣 衙門 前 便 賣 熟食 嘅 啫 嘛 。
莫非 佢 係 賣 鬆糕 嗰 個 徐 老 三個 老婆 ？
唔係 ，如果 係 佢 咯 ，噉 就 正好 係 一對 啦 。
大官人 你 再 估 下 吖嗱 。
噉 ，係唔係 賣 雲吞 嗰個 李二 嘅 老婆 呢 ？
唔係 ，如果 係 李二 亦 倒是 係 一雙 咯 。
噉唔通係荒唐鏡陸小乙個老婆 ？
嘻嘻嘻嘻 ，唔係 ，如果 係佢 ，噉 亦 係 好 登對 吖 。
大官人 你 再 估下 添 啦 。
契娘 ，我 實在 估唔到 喇 。
嘻嘻 嘻嘻 嘻嘻 ， 我 講出 嚟 呀 ， 實笑 死 你 大官人 啊 。
佢 個 老公 ，就係 上街 賣 燒餅 嗰 個 武大郎 。
哎呀 ，真係 笑到 西門慶 呀 ，氣 都 咳 。
佢𨂽住腳話 ：係唔係 ，嘿嘿 ，係唔係人哋 叫佢 做 三寸丁 、谷樹皮 嗰個 武大郎 啊 ？
唔係 就係 佢 咯 。
哎 ，乜噉㗎 ，咁靚 一嚿 羊肉 ，點解 落 喺 個 狗 嘴 裏頭 㗎 ？
就係噉 先至 唔𪐀 更 。
自古 有話 ：駿馬 卻 馱 癡漢 走 ，美妻 常 伴 拙夫 眠 。
個月 下 老人 呀 ，偏偏 係 噉樣 配合 嘅 。
誒 ， 誒 ， 啊 啊 ， 阿契娘 呀 ， 我 ， 我爭 你 幾多 茶錢 啊 吓 ？ 吓 ？
哦 ，冇 幾多 啫 ，由得佢 先啦 ，慢慢 先至 計 都 唔遲 。
誒 ， 誒 ， 係 。
嗯 ， 啊 係 喇 ， 契娘 呀 ， 你 個 仔 跟 咗 邊個 出門 啊 吓 ？
都唔知 佢 咁多 咯 。
好似話 ，跟咗 一個 做生意嘅 ，去咗 淮河 嗰便 喎 ，到而家 都 仲未 返嚟 ，唔知 佢 生定死 啊 嗰個 衰仔 。
乜 你 唔 叫 佢 跟 我 呢吓 契娘 ？
哎呀 如果 得 大官人 抬舉 佢 ，噉 就 十分之 好 咯 。
等佢返嚟 我哋 再 商量 下 啦 ，冇 問題 嘅 。
又 傾 咗 幾句 閒 偈 ， 西門慶 就 起身 走人 嘞 。
約莫 過咗 兩個 時辰 ，西門慶 又 摸返嚟 王婆 間 茶坊 ，喺 近 門口 處 搵 個 位 坐低 ，就 對 實武 大郎 屋企 門口 。
坐落無耐 ，王婆 出嚟 招呼 佢 話 ：大官人 ，飲 碗 梅湯 呢 。
誒 好啊 ，好啊 ，誒 要 酸啲 嘅 。
王婆 整咗 碗 梅湯 就 雙手 捧住 嚟 遞畀 西門慶 。
西門慶 慢慢 噉 飲 ，飲完 咯 ，放低 隻 碗 喺 枱 處 ，佢 問 王婆 話 ：
契娘 ，你啲 梅湯 真係 好 ，屋企 仲有 幾多 啊吓 ？
嘻嘻嘻嘻 ，我 做咗 一世 媒人 ，邊度 有 話 攞返 個 喺 屋企 嚟 㗎 。
我 問 你 梅湯 你就 講 做 媒人 ，差 天 共 地 嘞 。
我 聽見 大官人 話 媒人 做得好 啊 噉 ， 直估 話 要 我 做媒 人 啊 。
係喇契娘 ，你既然 做開 喇 ，亦都 同 我 做個 媒人 呢 ，幫 我 講返 頭 好 親事 ，我 重重 噉 酬謝 你 吖 。
哎呀 ，咪喇 大官人 ，你 府上 嗰位 大少奶 知道咗 呀 ，哼 ，我 呢個 伯爺婆 雖然 話 面皮厚 啫 ，都 唔禁 佢 摑 㗎 嘛 。
我 嗰位 大少奶 ，最好 相與 㗎喇 ，好 容得 人 嘅 。
而家 我 都 攞咗 幾個 妾侍 喺 屋企 嚟 啊 ，之 冇 個 鐘 我 意 㗎 咋嘛 。
契娘呀 ，如果 有 好嘅 ，幫 我 做主 搵返 個 吖 。
就算係返頭嫁都唔緊要㗎 ，鐘我意就得㗎喇 。
噉呀 ，啊 ，前日 我 見到 有 一個 真係 唔錯 㗎 ，不過 就 怕 大官人 唔要 唧 。
如果 真係 好嘅 ，你 同 我 講 成佢 ，我我 ，我 會 酬謝 你嘅 。
佢呀 生得 認真係 十二分 標青啊 ，就係 年紀 大咗啲 。
誒 ，誒爭 一兩歲 亦 唔緊要 㗎 ，啊 幾多歲 啊 ？
嗰個 娘子 ，係 戊寅年 生 屬 虎 嘅 ，過咗 年 啱啱 九十三 歲 。
哈哈哈 哈哈 ， 睇 下 你 個 顛婆 ， 冇 釐 正經 ， 哈哈哈 哈哈 。
西門慶 笑咗 一輪 ，起身 走人 嘞 。
到咗挨晚 ，王婆 點着 眼燈 ，正 話 要 上鋪 閂 門 嘅 時候 ，吖 西門慶 又 趷 返嚟 咯 喎 。
一嚟到 ，又去返 門簾 底下 嗰個 位 坐 ，一味 眼甘甘噉 ，對住 武大郎 屋企 嘅 門口 猛咁 望 。
王婆 話 喇 ：大官人 啊 ，飲 碗 和合湯 呢 呢次 好嘛 ？
誒 最好啦 ，啊 最好啦 ，阿契娘啊 ，唔該 落 甜啲 吓 。
王婆 整咗 碗 和合湯 遞畀 西門慶 飲 。
西門慶 就噉 坐咗 一晚 ，夜喇 ，佢 企起身 話 ：
阿契娘 記住 數 先 ，第日 一齊 畀 啦 。
得喇 ，早唞喇 大官人 ，聽朝 請 早啲 嚟 幫襯喇 。
西門慶 笑下 就 走人 。
當晚 無事 啦 。
第日一早 ，王婆 啱啱 先至 話 開門 ，吖 睇下 門口外 便 ，只見 西門慶 又 喺 門前 兩頭 來回 咁 逛 咯 喎 。
王婆個 心 諗 ： 呢 個 友仔 ， 睺 得 咁 緊 啊 吓 ， 等 我將 啲 蜜糖 抹 落 佢 個 鼻 哥 處 ， 等 佢 聞 得到 舐 唔 到 至 得 。
你 個 衰鬼 豆 一味 識得 搵人 着數 ，好 ，等 老娘 亦 揸住 啲 你 嘅 把柄 啦 。
呢 個 開 茶坊 嘅 王 婆 呀 ， 嘿嘿 ， 亦 唔 係 個 好 嘢 嚟 嘅 。
王婆 開咗 門 ，正喺度 透 炭爐 ，洗 茶煲 。
嗰個 西門慶 喺 外便 轉咗 幾 轉 ，一下 就 行入嚟 茶坊 坐低 ，向住 武大郎 門前 嗰道 門簾 猛咁 望 。
王婆 硬係 當作 冇 睇見 啊 ，一味 喺 裏頭 撥 風爐 ，冇 出嚟 問 佢 飲 乜嘢 。
西門慶 就 嗌 喇 ： 契娘 ， 契娘 啊 ， 沖 兩杯 茶 嚟 啦 。
哦？ 大官人 嚟咗 呀 ？哎呀 大官人 ，呢 幾日 好 少見 喎 ，請坐 啦 。
王婆 就 蓉蓉 噉 沖咗 兩 盞 薑茶 ，捧出嚟 放 喺 枱 處 。
契娘 ，你 嚟 陪 我 飲 下 茶 喇 。
嘻嘻嘻嘻 ，我 又 唔係 你 個 契家婆 ，嘻嘻嘻嘻 。
哈哈哈哈哈 ，係喇 ，契娘啊 ，誒 隔籬 賣 咩嘢 㗎吓 ？
佢 屋企 呀 ，係 賣 明火 乾煎 滾熱辣 鬆化 麻蓉 辣子 酥 嘅 。
哈哈哈哈 ，你 呢個 伯爺 婆 ，真係 發噏風 。
我唔係發噏風 ，佢 屋企 係 有 個 親老公 啫 。
契娘 ，我 同 你 講 正經 。
聽講 佢 屋企 整 嗰啲 燒餅 好 靚 噉 話 ，我 想 叫 佢 同 我 整 三五十 個 ，唔知 佢 喺 屋企 呢 定 出咗去 呢 嚱 ？
哦 ，大官人 想 買 燒餅 咋嘛 ，嗱 ，等陣間 等 佢 上街 賣嘢 返嚟 同 佢 買 咪得咯 ，使乜 上門 上戶 嘅 啫 ？
哦 ， 哦 ， 誒 呵呵 呵 ， 噉 又 係 喎 嚱。
西門慶 飲咗 茶 坐咗 一陣 就 企起身 話 ：契娘 呀 ，記住 數 先 啦 。
得喇 ，老娘 啲 賬 呀 ，記到 實一實 㗎 。
西門慶 笑下 就 走人 嘞 。
過 咗 一陣 ， 王婆 正 喺 茶坊 裏頭 張羅 緊 ， 一眼 就 睇 見 西門慶 ， 喺 門口 經過 就 去 咗 東頭 便 ， 望 咗 一望 ；
又行返過去西頭便 ，吖又睄咗一睄 ；
如是者 就 行咗 七八次 ，然後 又 走入嚟 茶坊 嘞 。
王婆 話 ：大官人 真係 稀客 喇 ，好耐 冇見 咯 喎 。
西門慶 笑起上嚟 ，佢 喺 身邊 扲 咗 兩零 白銀 遞咗 畀 王婆 。
契娘啊 ，你 收起 佢 當做 茶錢 先啦 。
哎呀 ，使乜 咁多 啊 ？
收起佢 先 啦 。
噉 多謝 大官人 咯 喎 。
王婆 個 心 暗暗 高興 嘞 ，佢 諗 ：你 呢條友仔 當 衰 喇 。
王婆 將 啲 銀 收起嚟 先 ，佢 話 ：
我 睇 大官人 ， 實 係 有 啲 頸 渴 喇 ， 飲 返杯 靚 茶 呢 。
契娘 ，點解 你 會 估得中 嘅 吓 ？
有乜嘢 咁 難估唧 ？
自古話 ：入門 休問 榮枯事 ，觀着 容顏 便得知 吖嘛 。
老娘呀 ，乜嘢 古靈精怪 嘅 事 都 估得到 。
係唔係啊 ？嗱 ，我 有 一件 心事 ，契娘 你 如果 估得中 呢 ，我 輸 五兩銀 過 你 。
嘻嘻 ，老娘 連 眉頭 都 唔使 皺下 ，我 一估 就 要 估到 你 十足十 喇 。
大官人 ，你 哄 隻 耳仔 過嚟 啦 。
你 呢 兩日 腳步 咁 緊 ，嚟得 又 頻踜 ，必定 係 掛住 隔籬 嗰個 人 。
有冇 估中 啊 ？
嘿嘿 ， 嘿嘿嘿 嘿嘿 ， 誒 契娘 呀 ， 你 真 係 叻 過 神仙 啊 ！嗱， 我 唔 怕 同 你 講啦 契娘 ， 唔 知 點解 ， 自從 尋日叉 門簾 嗰 陣 見 咗 佢 一面 ， 就 好似 收 咗 我 三魂七魄 噉 。
哎呀 我 就 係 冇 埞 埋手 ， 誒 唔 知 你 有 咩 符弗 冇 呢 嚱？
王婆 哈哈大笑話 ：老娘 亦唔怕 同 大官人 講 啦 ，我 喺 呢度 賣 茶 叫做 鬼打更 。
三年前 六月初三 落雪 嗰日 ，賣過 一碗 茶 直到 如今 喇 都 未 發市 ，專係 靠 做 啲 雜不掕 過日 嘅 啫 。
西門慶 就 問 喇 ：咩嘢 叫 雜不掕 啊 契娘 ？
王婆 就 笑住 話 ：老娘 第一 就係 做媒人 ，又 會 做經紀 ，會接生 又 會落仔 ，會 講風情 ，亦 會 扯皮條 。
契娘 ，你 如果 真係 同我 講 成 呢件事 ，我 就 送 十兩 銀 畀 你 做 棺材本 嗱 。
大官人 ， 我 都 恨 同 你 講成 佢 啊 不過 ， 不過 我 睇 有件事 好惡 搞 嘅 ， 都 怕 係 解決 唔 了 㗎 噃。
你講 啦 ， 你講 ， 有 咩 嘢 事 咁 惡搞 啊 ？
大官人 ，你 唔好 怪 我 直白 講 啦 吓 。
但凡 搵 女人 嘅 嘢 ，你 要 落足 功夫 至 得 ，十分 功夫 你 使 錢 使到 九分九釐 都 仲係 唔成 㗎 。
我 啊 知道 你 從來 好 孤寒 嘅 ， 唔 肯立 亂 使 錢 嘅 ， 噉 就 係 呢 件 事 惡搞 唧 。
哎 ，我 估 乜嘢 事 喎 ，得得得 ，呢 一點 就 容易 醫到 極 啦 ，我 聽 你 話 咪 得咯 。
嗱， 如果 大官人 肯使 錢 嘅 話 ， 老娘 有條 計仔 ， 能夠 使 大官人 同個 女會 一會 嘅 。
唔知 大官人 願唔願 聽 我 講 唧 ？
嘿 ，唔理 點 都 好 ，我 都 聽 你 講 嘅 ，阿契 娘 ，你 有 乜 妙計 啊 ？
王婆 笑起嚟 話喇 ：嗯 ，今日 都 咁 夜 喇 ，你 返去 先 啦 ，過得 半年 三個月 先至 再 講 啦 。
西門慶 啪聲 跪低 話 ：哎 契娘 啊 唔好 撚 我 啦 ，唔該 你 ，啊 ，幫下 我 手 ，幫下 我 手 啦 契娘 。
大官人 你 唔使 慌 ，老娘 呢條計 呀 ，係 個 上着 ，十拿九穩 。
大官人 ，我 而家 就 講 你 聽 啦 ，呢個 女 呢 ，本來 係 清河縣 大戶人家 嘅 妹仔 嚟 嘅 ，做得 一手 好 針指 。
大官人 ，你 去 買 一匹 白綾 ，一匹 藍紬 一匹 白絹 ，仲有 十兩 靚棉線 添 ，都 攞晒嚟 畀 我 。
我 就 過去 佢 屋企 ，同 佢 話 ：誒 有 個 施主 官人 ，畀 咗 一套 送 老 衣料 過 我 ，想 嚟 借 本 通勝 ，請 娘子 幫 我 擇 個 好 日 ，去 請 個 裁縫 嚟 做 啦 噉 。
佢 如果 聽 我 噉 講 唔睬 我 ，噉 呢件事 就 𢰸 啦 。
之如果佢話 ，我 同 你 做 啦噉 ，叫 我 唔使 搵 裁縫 ，噉 就 有 一分 光 喇 。
跟住 我 就 請 佢 嚟 我 屋企 做 。
佢 如果 話 ，唔好 喇 ，就 喺 我 屋企 做得 喇 ，唔肯 過嚟 ，呢件事 就 𢰸 喇 。
佢 如果 歡天喜地 噉 話 ： 好 啊 ， 我 嚟 做 ， 即刻 同 你 裁 咗 佢 。
噉就 有 兩分 光咯噃 。
如果 佢 肯 嚟 我 呢度 做 嘅話 呢 ，噉 我要 整定 啲 酒菜 點心 請 佢 食 㗎 。
第一日 ，你 唔好 嚟住 。
到 第二日 ，佢 如果 話 唔方便 ，一定 要 拎返去 佢 自己 屋企 做 ，呢件事 就 𢰸喇 。
如果 佢 仍然 肯 過嚟 我 屋企 做 呢 ，噉 就 有 三分 光 㗎 喇 。
不過 呢一日 ，你 仲係 唔好 嚟 喎 。
誒 ，哎呀 契娘 呀 ，噉 我 幾時 至 嚟得 㗎 吓 ？
你 聽 我 講 啦 ，使乜 咁 猴擒 吖 。
嗱 ，到咗 第三日 中午 咁上下 ，你 嚟啦 ，要 打扮得 齊齊整整 噉 ，嚟到 喇 ，就 咳 一聲 做個 信號 。
噉 你 喺 門口 就 話 ，乜 咁多 日 唔見 契娘 啊 噉 。
我 就 出嚟 請 你 入 房 坐 。
如果 佢 一見 你 入嚟 ，即刻 就 起身 扯 ，哎噉 唔通 我 拉住 佢 咩 ？
噉 呢件事 就 𢰸㗎喇 。
如果 佢 見到 你 入嚟 ，佢 都 唔 逳身 ，噉 就 有 四分 光 咯喎 。
你 入嚟 坐落 喇 ，我 就 同 嗰個 女 話 ：
呢呢個 就係 畀 衣料 我 嘅 施主 官人 喇 ，真係 多得 佢 啊噉 。
總之呢 ，我 就 猛咁 誇獎 大官人 你 嘅 種種 好處 ，你 就 要 大讚 佢 個 針指 做得 好 。
如果 佢 聲 都 唔 聲 下 ， 呢 件 事 就 𢰸 喇 。
佢 如果 開口 嚟 應 我哋 呢 ，噉 就 有 五分 光 咯 。
噉嗰陣呢 我 就 會 話喇 ：難得 呢位 娘子 親自 逳手 幫 我 做 咋 ，真係 多得晒 你哋 兩位 施主 咯 ，一個 出錢 一個 出力 。
係 喇 ， 咪 話 我 唔 識 客氣 喇 ， 難得 呢 位 娘子 喺 呢 度 ， 官人 你 做 個 東 ， 幫 我 請 娘子 飲 返杯 呢 。
噉 你 呢 ，就 攞 啲 銀 出嚟 叫 我 去 買 嘢 。
如果 佢 企起身 要 扯 呢 ，哎噉 唔通 我 又 掹實 佢 咩 ？
噉 呢件事 呢 就 𢰸喇 。
之 如果 佢 唔 逳身 呢 ，噉 就 有 六分 光 喇 。
噉 我 攞咗 啲 銀 啦 ，我 去 買 嘢 咯 喎 ，臨行 我 就 同 佢 話 ：
唔該 娘子 陪住 大官人 坐 一陣 先 啦 吓噉 。
如果 佢 又 起身 要 扯 呢 ，唔通 我 監硬 攔住 佢 咩 ？
噉呢件事 又 𢰸喇 。
如果 佢 唔 返 扯 呢 ， 呢 件 事 又 妥咯 ， 有 七分 光 㗎 喇 。
啊係啊係啊 ，冇錯冇錯 ，你 快啲 講埋落去 啦 ，契娘 。
嗱 ，等我 買咗 嘢 返嚟 ，擺咗 喺 張 枱 處 ，我 就 話 ：娘子 呀 ，收起 啲 針線 嚟 飲 兩 杯 先 啦 ，難得 呢位 官人 咁 破費 啊 。
如果 佢 唔肯 同 你 同枱 飲酒 ，行咗 返去 ，呢件事 又 𢰸喇 。
如果 佢 淨係 把 口 講話 要 返 扯 ，但係 又 唔 逳 身 ，呢件事 又 好咯 有 八分 光咯 。
等 佢 飲酒 飲到 㷫 喇 ， 傾得 又 啱 橋喇 ， 我 就 詐 諦 話 冇 晒 酒 嘞 ， 要 你 買 ， 你 就 𠼮 我 去 買 喎 。
噉 我 就 話 去 買 酒 啦 ，行咗 出去 ，閂住 道門 ，將 你哋 兩個 閂住 喺 房 裏 便 嚟 。
佢 如果 一嬲 趯咗 返去 ，呢件事 𢰸喇 。
佢 如果 由得 我 閂埋 道門 都 唔 嬲 ，就 有 九分 光 咯 大官人 ，爭 一分 光 ，就 功德圓滿 喇 。
不過 呢一分 呢 ，就 冇 咁 容易 㗎 噃 ，大官人 。
你 喺 間 房 嚟 ， 要 講返 幾句 甜甜蜜蜜 嘅 說話 ， 同 佢 講 妥 至 好 啊 ， 千祈 唔 好 擒 擒 青 動手動腳 啊 ；
如果 搞𢰸檔 ，我 就 唔理得 你 咁多 㗎喇 。
你 要 噉 做 ，我 教埋 你 啦 。
你 先 不 先呢 ，裝作 唔覺意 ，用 衫袖 將 雙筷子 喺 枱 上面 撥咗 落地 ，你 執 筷子 嘅 時候 ，用 隻手 捻 一捻 佢 隻 腳 。
如果 佢 嘈 起上嚟 ，我 會 嚟 搭救 你 嘅 ，不過 呢件事 噉 就 𢰸咗 喇 ，要 成都 幾 難 㗎 喇 。
如果 佢 唔 出聲 呢 ，噉 就 係 十分 光 喇 。
佢 就 必定 係 有意 㗎喇 ，呢件事 就 十十足足 妥晒 喇 。
你話 呢條 計策 好唔好 吖 ？
嘿嘿 ， 嘿嘿 ， 嘿嘿嘿 ， 哎呀 契娘 ， 叻 ， 叻 ， 叻 啊 ， 你 做 得 女 丞相 有突 啊 ！
嗱 你 咪唔記得 我 嗰 十兩 銀 噃 。
契娘 ，我 個人 講得出 做得到 ，我唔會 話 打完 齋 唔要 和尚 嘅 。
哎 ， 哎 呢條 計策 幾時 可以 逳 手 啊 ？
今晚 我 就 可以 有 回音 畀 你 㗎喇 。
而家 我 趁住 武大郎 未 返 屋企 ，過去 落嘴頭 氹 掂佢 先 。
你 就 使 個人 攞 啲 衣料 同 棉線 嚟 啦 。
好 ， 好 ， 我 即刻 就 去 ， 得 契娘 幫手 做 妥 呢 件 事 ， 你 要 我點 就點 㗎 喇 。
西門慶 離開 咗 王婆 之後 ，去 綢緞 舖 買 齊 啲 衣料 同 十 兩 靚 棉線 。
叫 屋企 一個 夥記 ， 用 包袱 將 啲 嘢 包好 ， 帶 埋 五兩 銀 ， 一齊 送 去 茶坊 交 畀 王婆 。
王婆 收好啲嘢 ，打發咗 個夥記 返去 。
自己 就 開咗 道 後門 行 過去 武大郎 間 屋企 。
潘金蓮 見到 王婆 嚟 唄 ，就 請 佢 上樓 坐 啦 。
王婆 話 喇 ：娘子 點解 總 唔 過 我 嗰 便 飲茶 啊 ？
潘金蓮 話 ：呢幾日 身子 唔係 點 舒服 ，懶行 咋嘛 。
娘子啊 ，你 屋企 有冇 通勝 喺度 啊吓 ？
唔該 借畀 我 睇下 啦 ，我 想 擇 個 日 做 衣服 啊 。
契娘 想 做 咩嘢 衣服 呢 ？
我 咁 老 喇 ，十病九痛 ，噉 咪 怕 有 咩 嘢 三朝兩日 ，所以 就 預先 想 做 定 套 送 老 衣裳 咋嘛 。
難得 有 一位 財主 ，聽見 我 噉 話 就 好心 送咗 一套 衣料 畀 我 ，綾羅綢緞 ，仲 畀埋 好靚 嘅 棉線 添 。
之擠喺屋企嚟 ，都 有 成年 幾 咯 都 未曾 做 。
今年 覺得 個 身體 好 唔妥 啊 ，又 撞啱 而家 閏月 ，想 趁住 呢 兩日 做咗 佢 啦 噉 ；
吖點知 又 畀 嗰啲 衰鬼 裁縫 吊起嚟 買 ，一味 推 話 功夫 忙 喎 ，唔肯 同 我 做 噃 。
哎 我 真 係 講唔 出 咁 閉翳 啊 ！
潘金蓮 聽咗 就 笑住 話 喇 ：
至怕 奴家 做出嚟 契娘 唔鍾意 啫 ；
如果 唔 嫌 我 隻 手 笨 ，等 奴家 同 契娘 做咗 佢 吖嗱 。
王婆 即刻 噬起 棚牙 話 ：
如果 得 娘子 貴手 同 我 做 咯喎 ，老娘 死 都 死得 安樂啲 啊 。
我 早就 聽聞 娘子 好好 針指 㗎喇 ，就係 唔敢 嚟 求 娘子 你 啫 。
有 乜 所謂 吖 ， 我 既然 應承 咗 契娘 咯 ， 我 就 一定 同契娘 做 。
嗱 你 攞 部 通勝 去 ，叫 人 擇 個 黃道吉日 ，噉 奴家 就 同 你 開工 係 啦 。
唓 如果 娘子 肯 同 我 做 ，你 係 個 福星 仲 使 乜 擇日 吖 。
係喇 ，我 前日 都 求人 同 我 睇過 㗎喇 ，話 聽日 係 個 黃道吉日 。
我 估話 做衫 唔 用 黃道日 嘅 ，冇 記住 佢 咋嘛 。
潘金蓮 話 ：做 送 老衣裳 ，黃道日 就 最啱 㗎 啦 ，仲 使 乜 另外 擇日 唧 。
王婆 打 蛇 隨 棍 上 啊 ：
既然 娘子 肯 成全 我 咯 ，噉 我 就 大膽 勞煩 娘子 你 移下 玉步 ，聽日 就 過嚟 我 屋企 做 呢 ？
契娘 不必 喇 ，搦過嚟 我 度 做 唔係 得 咯 。
我 又 想 睇 下 娘子 你 做 針指 呢 ， 之 又 怕 屋企 冇 人 看 檔口 。
既然 契娘 噉 樣講 咯 ， 我 聽 日食 完朝飯 就 過去 你 處 啦 。
妥晒咯噉就 ，王婆 千恩萬謝 落樓 扯人 喇 。
當晚 ，就 畀咗 消息 過 西門慶 ，約 佢 後日 準時 嚟 。
到 第日 朝頭早 ，王婆 將 間 房 執拾 得 乾乾淨淨 ，買 定 啲 餸菜 準備 好 茶水 ，喺 屋企 等 潘金蓮 嚟 嘞 。
呢朝早 ，武大郎 食完 早飯 ，擔起 擔 燒餅 出街 去 做 生意 喇 。
潘金蓮 掛起 道門簾 ，然後 就 由 後門 行過去 王婆 屋企 。
嗰個 老虔婆 歡喜 到 極 喇 ，接咗 佢 入 房 坐落 ，沖咗 一 杯 蓉蓉 嘅 茶 ，又 攞出 啲 白松子 、核桃肉 嚟 畀 潘金蓮 食 。
王婆 抹乾淨 張 枱 ，攞咗 啲 衣料 出嚟 。
潘金蓮 用 把尺 量好 尺寸 ，沙沙沙 剪裁好 喇 ，就 落針線 聯咯 喎 。
王婆 喺 側 跟 睇住 不歇嘴 咁 喝彩 話 ：真係 好手藝 啊 ！
老娘 都 過咗 六七十歲 咯 ，從來 都 未見過 咁好 針指 嘅 。
一直做到中午 ，王婆 就 整啲 酒菜 又 淥咗 一斤 麵 ，請 潘金蓮 食 。
食完 ，又 做咗 一輪 ，做到 好晏 下 先至 執埋 啲 嘢 ，然後 自己 返 屋企 。
咁啱 武大郎 返嚟 ，潘金蓮 就 去 除咗 門簾 閂 好 道門 。
武大郎 睇見 老婆 塊面 紅紅噉 ，就 問 佢 話 ：
你 去 邊度 飲酒 嚟 啊 吓 ？
潘金蓮 回答 佢 話 ：
呢 ，就係 隔籬 王契娘 求 我 幫 佢 做 套 送 老 衣裳 ，中午 請 我 食 咗 啲 點心 啫 嘛 。
哎呀 ，唔好食佢㗎 ，我哋 都有 求佢嘅 時候 㗎嘛 。
佢 求 你 做 一兩件 衣裳 ，你自己 又 返嚟 食 啲 點心 就 得 啦 ，何必 去 滾攪 佢 呢 ？
聽日 誒 如果 你 再 去 做 呢 ，你 就 帶 定 啲 錢 喺 身 嚟 ，亦 買 返 啲 酒菜 請 返 佢 。
哦 開講 都 有 話 喇 ：遠親 不如 近鄰 ，人情 誒 唔 失得 嘅 。
如果 佢 唔肯 要 你 還禮 咯 ，噉 你 就 攞返嚟 屋企 同 佢 做 啦 ，啊 。
潘金蓮 聽咗 ，岌下 個 頭 ，同意 嘞 。
又到第日 ，食完早飯 ，武大郎 出咗去 之後 ，王婆 過嚟 請 潘金蓮 過去 咯喎 ，去到 攞出 啲 衣服 嚟 ，就 開工 聯 喇 。
王婆 招呼 潘金蓮 飲茶 啊 等等 ，呢啲 都 不在 話下 啦 。
到咗 中午 ，潘金蓮 攞咗 一貫 錢 出嚟 交畀 王婆 話 ：
契娘 ，奴家 同 你 買 杯 酒 飲下 。
王婆 就 話 喇 ：哎呀 邊度 有 噉 㗎 ，我 求 娘子 你 嚟 幫 我 做 衫 ，反轉頭 要 你 破費 都 得 嘅 咩 ？
係 我 男人 吩咐 落 㗎 。
如果 契娘 咁 客氣 ，噉 我 就 攞返 去 屋企 做好 至 畀 你 喇 。
你 睇 你 睇 ，大郎 幾 識 做 吖 。
好啦 ，既然 娘子 噉樣 講 咯 ，我 就 唔 客氣 收落 佢 喇吓 。
嗰 個 王 婆 呀 ， 至怕 搞 𢰸 呢 單野 ， 自己 又 添 咗 啲 錢 ， 去 買 啲 好 酒 好 餸 ， 上 等 嘅 點心 果子 返 嚟 招呼 潘金蓮 ， 嘿 ， 又 殷勤 又 妥當 。
食完嘢 ，又 做咗 一陣 功夫 添 ，潘金蓮 見到 時間 差唔多 喇 ，就 返歸 喇 。
啰嗦嘢就唔講咁多咯 ，又到咗第三日 ，王婆 睺住 武大郎 一出門口 就嚟請咯喎 。
潘金蓮 啱好 落樓 ，噉 兩個人 一齊 返到去 王婆 間房 坐落 ，攞 啲 衫 出嚟 繼續 做 啦 。
王婆 梗係 照例 又 茶 又 水 咁 招呼 定 㗎 啦 。
到咗 中午 咁上下 ，嘿 ，嚟喇 。
西門慶 望到 頸 都 長晒 望到 今日 。
佢 戴住 一 頂 新 頭巾 ，着返 套 齊齊整整 嘅 衣服 ，帶 定 幾 兩 碎銀 ，就 一直 嚟 紫石街 。
嚟 到 茶坊 門口 就 咳 咗 一聲 話 ： 嗯 嗯 誒 ， 契娘 啊 ， 契娘 ， 乜 點解 幾日 都 唔 見 你 啊 ？
嗰個 老虔婆 裝模作樣噉 應佢話 ：邊個 叫 我 啊 ？
西門慶 話 喇 ：係 我 啊 ，契娘 。
王婆 喇喇聲 行出去 ，見到面 就 笑住 話 ：哦 ，我 估話 邊個 喎 ，原來 係 施主 大官人 ，你 嚟得 真係 啱喇 ，請 你 入嚟 睇下 啦 。
佢 將 西門慶 嘅 衫袖 一 拖 就 將 佢 拖咗 入 房 。
