柴進 見到 宋江 喺 咁 遠 嚟到 ，非常之 歡喜 啦 。
佢 就 拖住 宋江 隻 手 ，行 入去 裏 便 正廳 ，分 賓主 坐落 。
柴進 問 ：聽講 兄長 喺 鄆城縣 做事 ，呢次 乜 咁 得閒 嚟到 寒舍 呢 ？
宋江 就 回答 話 喇 ：
久聞 大官人 嘅 大名 ，如雷貫耳 啊 ，雖然 不時 都 收到 你 嘅 信 ，因 冇 時 得閒 ，唔能夠 前嚟 相會 。
呢一次 ，哈哈 ，小弟 唔好彩 ，做咗 件 冇出息 嘅 事 ，我哋 兩 兄弟 冇 地方 安身 嘞 。
想嚟想去 想起 大官人 仗義 疏財 ，所以 就 專誠 嚟 投奔 大官人啊 。
哈哈哈哈哈哈 ，兄長 放心 ，就算係 犯咗 十惡不赦 嘅 大罪 ，只要 嚟到 敝莊 ，就 唔使 憂心 。
唔係 柴進 誇口 ，任佢 乜嘢 捉賊 嘅 官軍 ，佢哋 呀 ，正眼 睇下 我 間 莊 都 唔 敢 㗎 。
跟住 宋江 就 將 殺咗 閻婆惜 嘅 事 ，從頭到尾 講 畀 柴進 知 。
柴進 笑起 上嚟 話 ：
哈哈哈 ，兄長 放心 啦 ，就算 係 殺咗 朝廷 嘅 命官 ，劫咗 官府 金庫 嘅 財物 ，柴進 都有 膽 將 佢哋 收藏 喺 屋企 嚟 啊 ，哈哈哈哈哈 。
講完 ，就 請 宋江 兩 兄弟 去 洗身 。
又攞咗 兩套 衣服 、頭巾 、鞋襪 ，請 宋江 兩 兄弟 換過晒 。
好喇 ，洗完身 ，乾淨 夾 舒服 ，換過 新衫 。
噉嗰啲舊衫呢 ，嗨 ，梗係 有人 幫佢哋 洗好 送去 客房 㗎 啦 嘛 。
呢個 時候 ，柴進 嚟 請 佢哋 去 後堂 ，嗰度 呀 已經 擺好 酒席 嘞 。
柴進 請 宋江 喺 正面 坐 ，佢 自己 就 對席 ，宋清 呢 就 坐 喺 橫頭 嚟 。
三個人 坐定嘞 ，有 十幾個 上等 嘅 莊客 ，同埋 幾個 主管 ，輪流 嚟 敬酒 ，侍候 佢哋 。
柴進 就 再三 勸 宋江 兩 兄弟 ，唔使 擔心 咁多 㗎 ，即管 開懷 痛飲 啦 噉 。
宋江啊 連聲 多謝 啦 。
飲到半醉 ，三個人 ，彼此 都 講下 平時 點樣 敬愛法 ，十分 高興 。
天色 夜喇 ，啲 莊客 就 點起 燈火 蠟燭 。
宋江話 ：飲夠酒咯 ，飲夠喇 。
柴進 又 點 肯 呢 ？
噉就 一直 飲到 夜晚 初更 咁上下 ，宋江 話 要 去 下廁所 喎 ，柴進 就 叫 個 莊客 揸住 個 燈籠 帶 宋江 去 。
宋江 其實 想 行開 下 ，避開 唔使 飲 咁多 酒啫 。
所以 去完 淨手 之後 呢 ，就 兜 個 大𡃈 ，行咗 出去 前 便 嘅 走廊 喇 。
喺 東廊 嗰度 啊 ，有 一 個 大漢 ，因為 得咗 瘧疾 發緊 冷 ，就 𢳂咗 一剷 炭火 喺度 焙緊 喎 。
宋江 已經 有 七八成 酒意 㗎喇 ，佢 腳步 浮浮 ，擔高 個 頭 ，步高步低 噉 行 。
點知 一腳 就 踩正 嗰條 鏟柄 ，將 鐵鏟 上面 嗰啲 炭火 呀 ，咕聲 就 彈咗 上去 嗰個 大漢 塊 面處 。
哎呀 嗰個 大漢 吃咗 一驚 ，嚇到 成身 出汗 添 。
嗰個 大漢 嬲 起上嚟 ，一手 就 揦住 宋江 心口 ，喝 佢 話 ：
你 係 乜嘢 人 啊 ？咁 大膽 嚟 撚化 我 ！
宋江 亦 吃咗 一驚 ，都唔知 點 講好 。
嗰個 揸燈籠 嘅 莊客 連忙 大聲 噉 話 ：
你唔好亂嚟噃 ，呢位 係 大官人 最 敬重 嘅 客官 嚟 啊 。
嗰 個 大漢 就 話 嘞 ： 哼 ！ 客官 客官 ， 我 初 初 嚟 嗰 陣 ， 夠 係 客官 嘞 ， 待 我夠 好 咯 。
而家 聽埋 啲 莊客 學 事非 ，就 怠慢 我 ，真係 人 無 千日 好 ，花 無 百日 紅 啊 ！
嗰個 大漢 越 講 個 心 就 越 嬲 ，哦 真係 舉起 拳頭 要 打 宋江 喎 。
嗰個 莊客 就 掉低 個 燈籠 連忙 上嚟 勸 啦 。
正喺度嘈緊 ，只見 兩三個 莊客 打住 燈籠 ，帶住 柴 進 就 飛 咁快 親自 趕嚟 話 ：
我 等 嚟 等 去 都 唔 見 押司 返 嚟 ， 點解 會 喺 呢 度 嘈 起 上 嚟 啊 ？
嗰個 莊客 ，就 將 踩着 鏟柄 彈起 炭火 啲 事 講畀 柴進 聽 。
柴進 聽到 就 笑起上嚟 話 ：哈哈 大漢 ，你 唔識 呢位 咁 出名 嘅 押司 咩 ？
出名出名 ，佢 叻得過 鄆城 宋押司 ？
哈哈哈哈哈哈 ，誒 大漢 ，你 識唔識 宋押司 啊 ？
我 雖然 未見 過 佢 ， 之 喺 江湖 上 ， 早就 聽講 佢 係 及時雨 宋公明 。
而且 又 仗義 疏財 ，扶危濟困 ，係 個 天下 聞名 嘅 好漢 。
點 見得 佢 係 個 天下 聞名 嘅 好漢 呢 ？
先頭咪 講咯 ，佢 真係 個 大丈夫 嚟 ，有頭有尾 有始有終 。
呢 ，我 呢個 病 一 好 ，我就 去 投奔 佢 㗎 喇 。
你 想唔想 見 佢 吖 ？
梗 係 想 啦 。
哼哼 ，大漢 呀 ，遠在天邊 ，近在目前 喇 。
柴進 指住 宋江 話 ：呢位 就係 及時雨 宋公明 喇 。
真唔真啊 ？
宋江 就 話 ：小可 就係 宋江 。
嗰個 大漢 定眼 睇咗 一睇 ，跪低 就 拜 ，佢 話 ：
我 而家 唔係 發緊 夢 同 兄長 相見 吖 嘛 ？
宋江話 ：乜 咁 錯愛 啊 ？
先頭 小人 十分 無禮 ， 萬望 兄長 恕罪 ， 真 係 有眼不識泰山 啊 ！
個大漢 仲 一味 跪喺 地下 唔肯 起身 。
宋江 就 連忙 扶起 佢 話 ：足下 高姓 大名 啊 ？
柴進 就 介紹 佢 ： 佢 係 清河縣 人士 ， 姓 武名 松 ， 排行 第二 ， 喺 呢 度 都 住 咗 成年 喇 。
宋江 話 ： 喺 江湖 上 時常 聽講 起 武二郎 個名 ， 估 唔 到 今日 喺 呢 度 相會 ， 幸甚 ， 幸甚 啊 ！
柴進話 ：豪傑 相遇 實在 難得 ，嚟 ！請 一齊 入席 飲返杯 。
宋江 非常之 高興 ，佢 拖住 武松 隻手 一齊 返到 後堂 ，就 嗌 宋清 嚟 見過 武松 。
柴進 就 請 武松 埋位 ，宋江 又 連忙 讓 佢 一齊 喺 上面 坐 ，武松 點 都 唔肯 。
謙讓咗 一輪 ，終歸 武松 係 坐喺 第三位 。
柴進 就 叫 莊客 換過 晒 啲 杯盤碗筷 ，然後 請 佢哋 三個 痛飲 。
宋江 喺 燈光 之下 ，見到 武松 呀 身軀 凜凜 相貌 堂堂 ，確係 一表人才 ，個 心 十分 歡喜 。
佢 就 問 武松 ： 二郎 為 咩 事 嚟 到 呢 處 呢 ？
武松 回答 佢 話 ：
小弟 喺 清河縣 ，有 一次 因為 飲醉咗酒 ，同 本地 一個 官差 爭執 起 上嚟 ，一時 火 起 ，一拳 就 打暈咗佢 。
小弟 以為 打死 咗 佢 添 ， 就 趯 佬 啦 。
所以 就 投奔 嚟 大官人 呢處 躲災避難 ，到 而家 已經 有 成年 幾 喇 。
收尾 ，探聽到 消息 話 嗰個 傢伙 冇 死到 ，救返 喇噉 。
我 就 想 返去 家鄉 搵 我 大佬 ，點知 得咗 瘧疾 ，就 唔起得 程 嘞 。
先頭 我 正話 發緊 冷 ，喺 走廊 嗰度 焙火 ，畀 兄長 你 踩親 條 鏟柄 嚇咗 我 一驚 ，出咗 一身 冷汗 ，吖 ，而家 覺得 啲 病 好咗 咯 喎 。
宋江 聽咗 非常 歡喜 。
當晚 ，佢哋 一直 飲到 三更 先至 散席 。
散咗席之後呢 ，宋江 就 留 武松 喺 西軒 客房 ，同 佢 一齊 住 。
第二日 ，柴進 又 殺 羊 劏 豬 擺 酒 ，款待 宋江 。
呢啲 都 不在 話下 喇 。
過咗 幾日 ，宋江 又 攞咗 啲 銀 出嚟 ，要 同 武松 做 新 衫 。
畀柴進知道咗 ，嘿 ，邊處 肯 叫 宋江 使 錢 啦 。
佢 自己 呢 ， 即刻 就 攞 出 一大 箱 綢緞 ， 吩咐 屋企 啲 裁縫 ， 同 佢 哋 三個 做返 啲 合身 嘅 衣裳 。
講到 呢處 ，有 人 就 會 問 喇喂 ，柴進 為 咩嘢事 咁 唔 喜歡 武松 呢噉 ？
係 噉 嘅 ， 原來 啊 ， 武松 初初 嚟 投奔 柴 進 嘅 時候 ， 亦 一樣 噉 受到 接納 款待 嘅 。
不過 住落 之後 呢 ， 好多 時 佢 飲 醉 咗 酒 ， 脾氣 又 猛 喎 ， 撞 啱 啲 莊客 有 咩 嘢 招呼 唔 到 個 地方 呀 ， 佢 就要 開 拳打 人 哋 㗎 喇 。
因此呢 ，搞到 成間莊 所有 啲 莊客 呀 ，冇 一個 話 佢 好 嘅 。
因為 大家 都 憎佢 啊 ，有機會 呢 就 喺 柴進 面前 煮佢米 講 佢 閒話 咯 喎 ，呢樣 唔係 就 嗰樣 唔啱 。
講得多喇 ，柴進 雖然 仲 冇 話 趕佢 扯 ，之待佢 呢 就 差得多嘞 。
呢 次 宋江 嚟 到 ， 帶協 咗 武松 啦 ， 日日 都 請 埋 佢 一齊 飲酒 傾 偈 ， 噉 武松 就 成個 好 返 晒 ， 發冷 病 又 好 咗 脾氣 又 好 埋 啦 。
陪住 宋江 住咗 十幾日 ，武松 啊 想念 家鄉 ，要 返去 清河縣 探 佢 個 大佬 。
柴進 、宋江 都 留 佢 再 住 下 添 。
武松話 ：好耐冇得到 我大佬個消息 ，好掛住佢 ，我係要返去 睇下 至得 。
宋江 話 喇 ： 二郎 實在 要 去 咯 ， 就 唔 敢留 你 喇 ， 你 得閒 喇 就 再 嚟 相會 啦 。
宋江 嘅 好意 武松 係 好感激 嘅 。
柴進 就 送 咗 啲 金銀 畀 武松 ， 武松 多謝 佢 話 ： 實在 係 滾 攪 晒 大官人 嘞 。
臨走嘅時候 ，柴進 擺咗 圍酒 同 佢 送行 。
嗰日 武松 着咗 一件 新做 嘅 紅綢襖 ，戴 一頂 白色 嘅 范陽 氈笠 ，孭起 個 包袱 ，揸住 一條 齊眉 棍 ，同 大家 辭別過 就 起行 。
宋江 叫 佢 等 一等 ，喇喇聲 返去 自己 間 房 ，攞 咗 啲 銀 就 趕 返嚟 大門口 話 ：我 送 兄弟 你 一程 啦 。
於是 宋江 同 宋清 ，就 送 武松 行 喇 。
等武松同柴進辭別過 ，宋江 亦話 ：大官人 ，暫時分別一陣 ，等下 就 返嚟 。
三個人 離開咗 柴進 嘅 莊院 ，行咗 六七里 路 ，武松 話 ：好遠喇 ，兄長 請 返去 啦 ，柴大官人 梗係 喺度 等 你 㗎 喇 。
再送 幾步 都 唔緊要 。
噉 一路 行 一路 傾下 閒偈 ，不知不覺 又 行咗 兩三里 路 。
武松 拖住 宋江 話 ：
兄長 不必 遠送 喇 ，常言 話 送君 千里 終須 一別 吖 嘛 。
再行幾步添啦 ，嗱 ，前便 官路 旁邊 有 間 酒店 ，我哋 飲 佢 三杯 再 分別 。
三個人 就 行到去 嗰間 酒店 ，宋江 喺 上首 便 坐落 ，武松 就 憑 好 條 齊眉 棍 ，坐喺 下席 ，宋清 就 喺 橫頭 坐落 。
宋江 叫 酒保 打酒嚟 ，又 叫咗 幾味 餸 。
大家 飲咗 幾杯 ，眼 睇住 紅日 平西 嘞 ，武松 就 話 ：
天色 就 嚟 夜 ， 阿哥 如果 唔 嫌棄 武 二 嘅 話 ， 就 請 你 喺 度 受 我 武 二四 拜 ， 拜為 義兄 啦 。
宋江 大為 高興 啦 。
武松 就 跪低 對住 宋江 拜咗 四拜 。
宋江 就 叫 宋清 攞出 一 錠 十 兩 重 嘅 銀 ，送 畀 武松 。
武松 唔肯 收 ，佢 話 ：
阿哥 ，你 亦 係 出門 嘅 人 啊 ，留返 你 自己 用 。
賢弟 你 不必 顧慮 我 ，嗱 你 如果 仲 推 ，我 就 唔 認 你 做 兄弟 㗎 喇 ，哈哈哈哈哈哈哈哈 。
見 宋江 噉樣 講 ，武松 只好 收咗佢 啦 。
宋江 找咗 數 ，三個人 就 離開 間 酒店 。
武松 流住 眼淚 ，拜別 咗 宋江 就 起程 走 。
宋江 兩 兄弟 企 喺 酒店 門口 ，睇住 武松 行 ，一直 睇到 望唔見 喇 噉 先至 返轉頭 扯 。
行咗唔到 五里路 ，就 見到 柴進 騎住 馬 ，背後 仲 牽住 兩匹 空 馬 嚟 接 佢哋 。
宋江 好 歡喜 ，一齊 騎住 馬 返去 。
返到去喇 ，柴進 就 請 佢哋 入去 後堂 飲酒 。
噉 宋江 兩 兄弟 呢 ，從此 之後 就 一路 住 喺 柴進 間 莊 嚟 。
話分兩頭 ，啊 ，而家 只係 講下 武松 。
佢 同 宋江 分別 之後 啊 個 心 就 諗 嘞 ：
平時 喺 江湖 上 ，只係 聽聞過 及時雨 宋公明 ，係 ，果然 唔錯 ！
能夠 結識到 噉樣 嘅 兄弟 ，亦 不枉 呢一生 。
武松 行咗 好幾日 ，就 嚟到 陽穀 縣 地面 ，不過 呢 ，離開 縣城 仲 好 遠 下 。
當日 嘅 中午 時分 ，佢 行到 又 餓 又 渴 ，哈哈 好彩 ，前便 就 有 一 間 酒店 。
門前 就 掛住 一面 酒旗 ，上 便 寫住 五個 大字 ：三碗 不過 岡 。
武松 入到 去 間 酒店 裏 便 坐落 ，憑 好 條 齊眉 棍 ，佢 就 叫 喇 ：主人家 ，快啲 攞 酒 嚟 飲 。
嚟喇嚟喇 ！
只見 店主人 將 三隻 碗 ，一雙 筷子 ，一碟 熱菜 就 放 喺 武松 面前 。
然後 就 滿滿噉 同佢 斟咗 一碗 酒 。
武松 攞起 碗 ，咕咕咕 一 飲而盡 。
好酒 ，嗯 ，好掯啊 ！
主人家 ，有 頂得肚嘅 ，賣啲 嚟 送酒 。
只係得啲熟牛肉咋喎 。
好啊 ，切 兩三斤 嚟 送酒 啦 。
個 店家 行 入去 裏 便 ，切咗 兩 斤 熟 牛肉 ，裝滿 一 大 碟 攞咗 出嚟 放 喺 武松 面前 ，跟住 又 再 斟滿 一 碗 酒 。
武松 飲咗 ：好酒 ，好酒啊 ！
又 斟滿 一碗 。
啱好 飲咗 三 碗 酒 ，店家 就 唔再 嚟 斟 咯 喎 。
武松 嘭嘭聲噉 拍 張 枱 ：主人家 ，點解 唔 斟 酒 嚟 啊 ？
店家 就 話 ： 客官 如果 要 牛肉 呢 ， 就 同 你 切 啲 嚟 添 啦 。
我 又 要 酒 ， 又 要 牛肉 。
嘿嘿嘿 ，牛肉 呢 即刻 就 切出嚟 畀 客官 食 ；之 酒 呀 ，就 冇得 添 咯 喎 。
誒 ，吖噉 又 古怪 ，你 點解 唔肯 賣 酒 畀 我 飲 吖 ？
客官 ，我 門口 面 酒 旗 就 明明 寫住 三碗 不過 岡 ，你 梗係 睇到 㗎啦 。
乜嘢 叫做 三碗不過岡 ？
我 酒店 啲 酒 呀 ，雖然 係 鄉下 自己 整 ，但係 比得上 老酒 嘅 功力 㗎 。
但凡 啲 客人 嚟 我間 店 ，飲咗 三碗 就 醉 㗎 喇 ，唔過 得 前面 個 山岡 喇 ，因此 呢 就 叫做 三碗不過岡 。
所以啲 來往 嘅 客官 啊 ，只係 飲 三 碗 嘅 啫 ，飲完 就 唔再 要 㗎 喇 。
哈哈哈 ，原來 噉嘅 。
不過 我 已經 飲咗 三 碗 嘞 ，點解 又 唔醉 呢 ？
我 呢種 酒 呀 ，叫做 透瓶香 啊 ，又 叫做 出門倒 。
入口 好純 好好飲 ，之一陣 咁耐 ，就 醉到 碌低 㗎喇 。
咪亂噏啦你 ，憂我唔畀錢你咩 ，嚟 ，再 斟 三碗 嚟畀我飲 。
個 店家 睇 見 武松 ， 嘩 嗨 厲害 喇真 係 逳 都 唔 逳 過 喎 。
好 ，又 斟咗 三 碗 。
武松 飲住 酒話 ： 嗯 ， 真 係 好 酒 ！ 嘿 主人家 ， 我 飲 一碗 就 畀 一碗 錢 你 ， 即管 斟 嚟 啦 。
誒 ，客官啊 ，嘿客官 ，你咪 一味 飲啊 ，呢啲 酒呀 真係 醉死人 冇藥醫㗎 。
咪亂噏廿四啦你 ，就算 你 放咗 蒙汗藥 落 啲 酒度 ，我 都有 個 鼻 㗎嘛 。
個 店家 講 佢 唔掂 嘞 ，又 一氣 斟 咗 三 碗 。
武松話 ：再切 兩斤 熟牛肉 嚟 食下 。
於是 個 店家 又 去 切咗 兩 斤 熟 牛肉 畀 佢 。
武松 飲到 口滑 ，㷫晒 ，仲要 飲喎 ，佢 喺 身邊 攞 咗 啲 碎銀 出嚟 。
主人家 ，你 嚟 睇下 我啲 銀 ，夠唔夠 找數 啊 ？
吓 ？ 哦 ， 哈有 突咯 有 突咯 ， 仲有 得 找 返 畀 你 添 。
唔使 你 找錢 喇 ，你 斟 酒 嚟 飲 啦 。
客官 ， 你 如果 要 嚟 飲酒 仲有 五六碗 個 喎 ， 就 怕 你 飲 唔 晒唧 。
嗯 ，仲有 五六 碗 咋咩 ？
好 ，你 斟晒嚟 啦 ！
客官啊 ，你 神高神大 如果 真係 醉到 唔逳得 ，嘿嘿 ，點 扶得住 你 啊 ？
要 你 扶 嘅 就 唔 算 好漢 ！
個 店家 點 都 唔 肯 斟 酒 喇 呢趟 。
我 又 唔 係 冇 錢 畀 ， 又 唔 係 白食 你 嘅 ， 你 咪 激到 老爺 發火 啊 吓 。
我 發起火嚟 ，就要 打爛晒 你 間 屋企 裏頭 嘅 嘢 ，將 你 呢 間 鬼 酒店 成 間 反轉嚟 ！
哎呀 呢 個 嘢 都 飲醉 㗎 喇 ， 咪 喇 咪 喇 ， 咪 惹 佢 喇 。
哦嚟喇嚟喇嚟喇 ，斟畀 你 係啦 。
店家 再 斟咗 六 碗 酒 畀 武松 飲 。
噉 武松 前前後後 啊 ，總共 飲咗 十五 碗 嘞 。
佢 攞起 條 棍 ，企 起身 嚟 話 ：
你 睇 ， 你 睇 ， 我 邊度 有醉 啊 ？
佢 行到 出門口 笑住 話 ：哈哈 ，仲 話 三碗 不過 岡 ？啊 ！吓 ！
哈哈哈哈哈哈哈哈哈哈哈 ，攞住 條 棍 就 行 咯喎 。
個 店家 即刻 追出嚟 叫住 武松 話 ：客官 啊 你 去 邊度 啊 ？
武松 企定 腳 ：叫 我 做 乜嘢 啊 ！我 又 冇 欠 酒錢 ，嗌 我 做 乜 啊 ？
我係好意㗎 ，嚟嚟嚟嚟 ，你返入嚟 ，睇下 官府 嘅 榜文 先 我哋 抄咗 喺 處 喇 ，你嚟啦 。
乜嘢 榜文 啊 ？
我 講 你 聽 啦 客官 ，而家 啊 ，喺 前 便 景陽岡 上 便呀 ，有 隻 吊睛白額大老虎 ，個 天 晏啲 唧 就 出嚟 傷人 㗎 喇 ，已經 呀 咬 死 咗 二三十 個 大漢 㗎 喇 。
官府 就 落咗 命令 ，限期限刻 要 啲 獵戶 打 嗰 隻 老虎 。
喺 山岡 啲 路口 都 貼住 榜文 ，叫 啲 來往 客人 呢 ，要 成群結隊 ，喺 巳 、午 、未 三個 時辰 過 岡 。
巳 、午 、未 呢 ，就 即係 上午 九點 到 下午 三點 呢 幾個 鐘頭 以內 。
噉 其餘 寅 、卯 、申 、酉 、戌 、亥 呢 六 個 時辰 就 唔 准 過 岡 㗎 喇 。
嗰啲 單身 客人 呀 ，務必要 等齊 有伴 先至 好過 。
客官呀 ，而家 正係 未末申初 嘅 時分 ，我 見 你 行 喇 都 唔 問 下 人 嘅 ，噉 啊 盞 白白 送 咗 自己 條 命 啫 。
不如 就 喺 我 呢度 住 一晚 先 ，等 聽日 慢慢 等夠 二三十 人 喇 ，噉 先至 一齊 過 岡 罷 啦 。
哈哈哈哈 哈哈哈哈 ， 我 係 清河縣 人士 ， 景陽岡 呢 條路 ， 話 少 啲 我 都行 過一 二十次 嘞 ， 幾時 聽講 過有 老虎 㗎 ！
嗱 你 咪 講埋 啲 噉嘅 說話 嚟 嚇 我 喇 ，就算 有 老虎 ，我 亦 唔 怕 ！
我係 好意 救 你 㗎 ，嗱 ，你唔信 就 入嚟 睇下 官府 嘅 榜文 啦 。
戇居 ！真係 有 老虎 老爺 亦 唔怕 ！
哦 ，你 留 我 喺度 過夜 ，莫非 想 半夜三更 ，要 謀 我 個 財 ，害 我 個 命 ，就 攞 隻 咩 嘢 老虎 嚟 嚇 我 係 呢 ！
你 睇下 你 睇下 你 睇下 ，哎 真係 好 頭戴爛帽 好 柴燒壞灶 ，仲 畀 你 講埋 啲 咁 難聽 嘅 說話 添 ！
好 喇 好 喇 ， 你 信 就 信 唔 信就罷 ， 要行 就任 從尊 便 係 啦 。
嗰個 店 主人 猛咁 擰頭 ，行返 入 酒店 。
武松 呢 ，揸住 條 齊眉棍 ，大踏步 就 一於 行去 景陽岡 。
約莫 行咗 四五里 路 ，嚟到 景陽岡 下便 ，見到 有 一樖 大樹 ，刮咗 一浸 樹皮 ，喺 上面 寫住 兩行 字 嘅 。
吖 武松 識得 返 幾個 字個 喎 ， 佢 擔 高 個頭 睇 下 ， 只見 上面 寫住 ：
近因 景陽岡 老虎 傷人 ，凡 有 過往 客商 ，可 於 巳 、午 、未 三 個 時辰 ，結伙 成隊 過岡 ，請勿 自誤 。
武松 睇咗 就 笑喇 ：
嗰個 店 主人 真 鬼馬 ，整埋 啲 噉嘅 詭計 嚟 嚇人 ，等 啲 人 去 佢 間 酒店 過 夜 。
哈哈哈哈 ，我 使 乜 怕 佢 啊 ！
拖住 條 棍 一步一步 就 行 上 景陽岡 。
嗰陣時 ，已經 係 申時 喇 ，即係 上下 五 點鐘 ，一 輪 紅日 ，慢慢 落山 。
武松 根本 冇 理佢 ，趁住 酒興 一直 行 上 山岡 。
行咗 唔夠 半里路 就 見到 有 一間 破爛 嘅 山神廟 。
行到去 ，見到 廟門 上 便 貼住 一張 扱住 官府 大印 嘅 榜文 。
武松 停住 腳步 讀 下 張 榜文 ：
陽穀縣 示 ：為 景陽岡 上 ，新 有 一 隻 老虎 ，傷害 人命 。
現今 ，杖限 各鄉里 正 ，並 獵戶 人等 捕捉 ，未獲 。
如 有 過往 客商 人等 ，可 於 巳 、午 、未 三個 時辰 ，結伴 過岡 ；
其餘 時分 及 單身 客人 ，不許 過 岡 ，恐 被 傷害 性命 。各 宜 知悉 。
不准 過 岡 ，恐 被 傷害 性命 ？
武松 讀完 呢一張 榜文 先至 知道 原來 真係 有 老虎 㗎噃 。
佢 想 返轉頭 再 去 嗰間 酒店 啦 ，不過 佢 又 諗 ：
我噉樣返去 ，豈唔係 畀佢哋 恥笑 話 我唔係 個好漢 ？
咁衰仔 都 得嘅 咩 ？唔得 ，唔返得去 嘅 。
哼 ，怕 乜嘢 吖 ，即管 上去 睇下 點 至 得 。
武松 行行 下 ，啲 酒 湧 上嚟 嘞 ，佢 將 頂 范陽 氈 笠 孭 喺 背脊 處 ，挾 住 條 棍 ，一步一步 噉 上 岡 。
擰 轉頭 睇 下 ， 個 日頭 已經 漸漸 落 咗 山 。
呢個 時候 係 十月份 ，正係 日短 夜長 個 天 好 容易 黑 。
武松 自言自語 噉噏 ：
邊度 有 乜嘢 老虎 啊 ，啲 人 自己 怕 ，唔敢 上山 咋嘛 。
武松 行咗 一陣 ，酒力 發作 個 身 發㷫 嘞 。
噉佢 一隻手 啊 揸住 條棍 ，一隻手 解開 啲 衫紐 打開咗 個 胸 。
腳步 浮浮 舂 下 舂 下 噉 ， 行過 一座 樹林 ， 佢 見到 有 一塊 光 捋 捋 嘅 大 青石 ， 嘿 啱 晒 喇 ！
就 將 條 棍 憑 埋 一 便 ，碌 低 個 身 正 話 想 瞓 咯 喎 ，只 見 呼呼 噉 刮起 一 陣 狂風 。
咦 ？ 點解 突然 間會 翻風 啊 ？
原來啊 ，喺 世間上 ，雲 生 從 龍 就 風 生 從 虎 喎 。
即係 有 龍 出現 嘅 時候 呢 ，就 先 會 有 啲 雲 湧起 嘅 ；
老虎 嚟 呢 ，就 實起 風 個 喎 。
所以 呢一浸 狂風 吹過 啊 ，只 聽見 喺 個 樹林 背後 ，撲噉 一聲 ，跳咗 一隻 吊睛白額大老虎 出嚟 。
武松 見到 ，嗌咗聲 哎呀 ！即刻 喺 塊 青石 上面 跳起身 ，一手 擸返 嗰條 齊眉 棍 ，瀡聲 就 閃 喺 嚿 青石 旁邊 嘞 。
嗰隻 老虎 ，正在 又 飢 又 渴 。
佢 將 兩隻 爪 喺 地下 輕輕 一䟴 ，成隻 向上 一飚 ，就 喺 半空中 撲落嚟 咯 喎 。
哎呀 武松 畀 佢 嚇咗 呢一下 ，先頭 飲 嗰 十五 碗 酒 都 變 晒 冷汗 流 返 晒 出嚟 咯 。
說時遲那時快 ，武松 見到 嗰隻 老虎 撲落嚟 ，就 將 個身 一閃 ，就 閃咗 喺 老虎 嘅 背後 。
嘿 ，呢下 就 閃得着 喇 。
事關 老虎 啊 ，喺 背後 睇 人 係 最 難 嘅 。
噉嗰隻老虎 就 將 對 前爪 撳住 地下 ，將 條 腰 一掀 就 成 隻 掀起 。
武松 啊 即刻 一 避 就 避埋 一便 。
嗰隻 老虎 見 掀 佢 唔到 ，就 嘩嗷噉 大吼 一 聲 ，哎呀 好似 半天 打咗 個 霹靂 噉 ，震到 成 座 山岡 都 岌 咗 一 岌 啊 嘿 厲害 啊 。
跟住 ，就 將 嗰條 好似 鐵棍 噉 嘅 老虎尾 一趷 ，趷起嚟 一剪 ，即係 一拂 喇 。
武松 又 閃開咗 。
好喇 ，原來 老虎 要 捉 人 呢 ，就係 一撲 ，一掀 ，一剪 。
呢 三 籠 嘢 都 出齊 仲 捉 唔到 呢 ，佢 嗰啲 威 就 已經 冇咗 一半 㗎 喇 。
噉 嗰 隻 老虎 出 到 第三 籠 拂 噉 將條 尾 拂 唔 到 武松 ， 佢 又 試 嘩 噉 吼 咗 一聲 ， 一 兜兜 返 轉頭 。
武松 見到 隻 老虎 返轉頭 唄 ，就 雙手 捹起 條 棍 出盡 平生 之 力 ，將 條 棍 喺 半空 中 劈落去 嘞 喎 。
只聽見啪啦沙噉一聲響 ，將一尾樹呀 ，連枝帶葉 打斷咗 兜頭兜面 跌落嚟 。
定眼 一 睇 ， 呢 一棍 就 冇 打着 老虎 啊 。
原來 打得 急過頭 ，打正 落 樖樹 度 ，將 嗰條 齊眉棍 都 打成 兩橛 。
而家 只係 得返 半橛 揸 喺 手 嚟 唧 ，誒 弊傢伙 點算 呢 ？點 打 隻 老虎 啊 ？
