宋江 辦完咗 公事 行出咗 縣衙門 ，行咗 三二十步 ，忽然間 聽見 有人 喺 後 便 嗌咗 佢 一聲 話 押司 啊 噉 。
宋江 擰轉頭 睇下 ，哦 ，原來 嗌佢 嘅 係 專門 同人哋 做媒人 嘅 王婆 。
佢 同 旁邊 一位 女人 話 ：
哎呀 你 真係 有緣 喇 ，呢嗱 ，做好事 嘅 押司 嚟 喇 。
宋江 就 問 佢 話 喇 ：有 咩 事 啊 ？
王婆 指住 嗰個 女人 同 宋江 話 ：
押司呀 ，佢 叫做 閻婆 。
佢哋 一家 三口 ，係 喺 東京 搬嚟 嘅 ，唔係 本地人 嚟 。
佢 個 夫 主 閻 公 ，有 個 女 叫做 婆 惜 。
嗰 個 閻 公 呀 ， 平時 好會 唱 嘢 嘅 ， 自細 就 教 佢 個 女 婆 惜 唱 嘢 ， 咩 小曲 小調 啊 都 會 唱 嘅 。
今年 先至 十八歲 ，生得 呀 好靚 下 㗎 。
佢哋 一家 三口 ，因為 嚟 山東 投靠 一位 官人 唔成 ，就 流落 喺 鄆城 縣 嚟 。
呢度啲 人 呀 ，押司 你 都 知 㗎 啦 ，好死 古板 局 嘅 ，唔 鍾意 啲 風流 宴樂 㗎 嘛 ，所以 呢 佢哋 就 冇 咩 嘢 好 做 咯 ，日子 好 艱難 。
呢就喺 縣衙門 後便 一條 好 偏僻 嘅 巷仔 住 咋嘛 。
尋日啊 ，佢 個 夫主 得咗 疫症 死咗 ，佢 又 冇 錢 嚟 辦 後事 ，冇 晒 辦法 啦 ，就 嚟 𠼮 我 同 佢 個 女 做 媒人 喎 。
我話啦 ：呢個時候 ，邊度 搵到 個 咁啱 㗎噉 。
唉 又 生 借 無 門 ，真係 呀 搞到 我 都 走投無路 喇 。
不過 又 天 無 絕 人 之 路 喎 嗱 ，押司 你 啱啱 喺度 經過 ，所以 我 就 同 阿閻婆 追住嚟 ，唔該 押司 你 可憐 下 佢 ，幫 佢 一埲 棺材 呢 。
宋江話 ：哦 ，原來 係噉啊 。
好 啦 ， 你 兩個 跟 我 嚟 ， 去 巷口 嗰 間 酒店 借 啲 筆墨 寫個 字條 畀 你 ， 你 就 搦 住 去 東城 陳 三 郎 嗰 度 攞 副 棺材 啦 。
啊係喇 ，你 有冇 錢 辦 後事 啊 ？
閻婆 就 話 喇 ：唉 ，實不相瞞 啦 押司 ，棺材 都 冇 咯 ，仲 邊度 有 使用 吖 ？
噉啦 ，我 仲 畀 十 兩 銀 過 你 愛 嚟 做 使用 啦 。
哎呀 ，噉 真係 多得晒 你 咯 押司 。
你真係 我哋 嘅 重生 父母 ，再世 爹娘 啊 ！
我哋 以後 做驢 做馬 ，都 要 報答 ，押司 你嘅 恩德 啊 。
唔好噉講 唔好噉講 。
嗱 ，呢度 係 十兩 銀 ，你 攞 去 啦 。
宋江 寫咗 字條 ，又 畀咗 十兩 銀 過 閻婆 ，就 返去 自己 住宿 嘅 地方 。
噉閻婆呢 ，拎住 宋江 寫嘅 字條 去到 城東 陳三郎 嗰 間 鋪頭 ，攞咗 一副 棺材 就 返到 屋企 。
佢 辦完 喪事 之後 ，仲有 剩 五六 兩 銀 ，噉 兩 母女 就 愛嚟 做 日用 啦 呢啲 就 唔 講 佢 。
過後 有 一日 ， 嗰 個 閻 婆 走 去 多謝 宋江 ， 見 佢 屋企 冇 個 女人 嘅 ， 返 嚟 就 問隔 籬個 王婆話 ：
喂 ，宋押司 屋企 ，都 唔見 有 女人 面 嘅 ，佢 有 老婆 未 嘅啫 ？
王婆 就 話 喇 ：
係呢 ，我 誒 只係 聽聞 話 宋押司 嘅 屋企 ，係 喺 宋家村 嚟 ，之 冇 聽講過 話 佢 有 老婆 嘅 噃 。
佢 喺 院 裏頭 做 押司 ，求其 租 間 房 一個人 住 嘅 啫 。
時時 都 見 佢 施藥 施棺材 ，好 肯 周濟 啲 窮人 嘅 ，怕 係 未 有 老婆 嘅 。
閻婆 就 話 ：我 呢個 女生 得 咁 好樣 ，又 會 唱 小曲 ，玩 乜嘢 都 好叻 嘅 。
佢 細時 喺 東京 嗰陣 呀 ，去親 啲 妓院 行下 咋 ，邊 一 間 妓院 唔 鍾意 佢 吖 ？
有幾個班頭 ，幾次三番 ，要 我 將 個女 過咗 房 畀佢 ，我 唔肯 咋嘛 。
梗係啦我兩公婆 ，得佢一粒女 ，噉畀咗人就冇人養老㗎啦嘛 ，所以就唔肯將佢過房畀人哋 。
唉 點知 到頭嚟 ，仲 係 苦咗 佢 添 。
尋日 我 去 多謝 宋押司 ，見 佢 屋企 冇 個 女人 喺度 。
噉呢 ，我啊 想 請 你 幫 我 同 宋押司 講 ，佢 如果 係 想 攞返 個人 咯 ，我 誒 情願 畀 阿婆 惜過 佢 。
前幾日 得 你 幫忙 ， 多得 宋押司 救濟 我 ， 我 又 冇 咩 嘢 報答 佢 咯 ， 不 如同 佢 做 個 親戚 啦 。
唔該 你 去 講下 呢 。
得得得 ，我 去 同 你 講 啦 。
第日 ，王婆 真係 走去 搵 宋江 ，就 將 件事 講畀 佢 聽 咯 喎 。
宋江 初時 係 唔 肯 嘅 ， 收尾 終歸 頂 唔 住 王 婆 嗰 把 啷 過 油 嘅 嘴 ， 宋江 就 應承 咗 。
就喺 城西 一條 巷 處 租咗 一間 屋 ，置咗 啲 傢私 什物 ，就 接咗 閻婆 惜 兩 母女 喺 嗰度 住 。
嘿 ，都唔到 半個月 咋 ，就 將 婆惜 呀 打扮得 滿頭 珠翠 遍體 綾羅 ，靚到 沈聲 。
又過咗冇耐 ，宋江 就 連 嗰個 閻婆 亦 都 同 佢 置咗 唔少 好 衣服 ，確實 係 養得 閻婆 惜 呀 豐衣足食 嘞 。
初初嗰陣呢 ，宋江 啊 晚晚 都 喺度 同 閻婆惜 一齊 住 嘅 ，到 收尾 ，漸漸 就 嚟得 少咗 喇 。
噉 又 點解 呢 又 ？
原來啊 ，宋江 係 個 好漢 嚟㗎嘛 ，佢 就係 鍾意 學習 槍棒 武藝 ，喺 女色 上頭 呢 ，就 並唔係 十分 緊要 嘅 。
而 呢 個 閻婆惜 呢 ， 水性楊花 ， 兼之正 係 十八九歲 ， 最 歡喜 風流 快活 嘅 時候 ， 所以 宋江 噉 嘅 性格 就 唔 鍾 呢 個 女人 意 。
有 一日 ， 宋江 就 好 請 唔 請 喎 ， 請 咗 張文遠 一齊 去 閻婆惜 屋企 飲酒 。
張文遠 係 宋江 嘅 同事 ，亦 係 喺 衙門 做 押司 嘅 。
呢個 傢伙 啊 ，花名 叫做 小張三 ，生得 眉清目秀 ，齒白唇紅 好靚仔 嘅 。
平時 至 鍾意 去 嗰啲 妓院 歌壇 遊嚟逛去 ，學得 周身 風流 俊俏 。
更兼 吹彈 演唱 冇 樣 唔會 。
所以 閻婆 惜 一見到 張三 啫 ，個心 就 好 歡喜 佢 。
等 宋江 行開咗 一陣 ，就 講 啲 說話 嚟 挑逗 佢 咯 喎 。
嗰個 張三 係 乜嘢 人 至得㗎 ，酒色之徒 嚟㗎 嘛 ，呢啲 事 有 話 唔知 咩 。
睇見 婆惜 對 佢 眉來眼去 十分 有情 唄 ，就 記住 喺 個 心 嚟 。
過後 有 一日 ，佢 睺住 宋江 唔 喺度 ，張三 就 去 閻婆惜 處 ，詐 假意 話 去 搵 宋江 喎 噉 。
婆惜 就 留佢 喺度 飲杯茶 啦 ，哈 ，噉 呢 兩個 嘢 就 勾搭上 嘞 。
從此之後呢 ，一有機會 就 喺埋度 鬼混 ，打得火熱 。
閻婆惜 同 張三 好咗 啊 ，噉 就 對 宋江 呢 連 半點 情分 都 冇 咯 噃 。
宋江 如果 嚟到 ，就 用 惡言惡語 嚟 傷佢 ，黑口黑面 噉 ，半句 好話 都 冇 嘅 。
宋江 係 個 好漢 ，一啲 都 不 以 女色 為 念 嘅 ，故此 呢 ，十天半月 先至 去 一趟 咁多 。
哦 你 宋江 嚟 得 少 啊 ，噉 張三 同 婆惜 就 更 得 戚 喎 ，真係 如 膠 似 漆 ，夜 去 明 來 就 搞到 街坊 鄰里 都 知道 晒 。
冇 幾耐 呢 ， 亦 有 啲 風聲 吹到 入 去 宋江 隻 耳仔 。
宋江 啊 半信半疑 噃 ，佢 諗 ：
唓 ，又唔係 我 父母 同 我 明媒正娶 嘅 老婆 嚟 ，噉 既然 佢 無心 愛 我 咯 ，我 又 何苦 攞嚟 激氣 吖 ？
我 唔 上 佢 門 唔係 了 咯 。
所以呢 ，有 成幾個月 都 冇 去 閻婆惜 處 。
不過 嗰個 閻婆 成日 咁 使人 嚟 請 佢 喎 ，梗係 啦 衣食 父母 嚟 㗎 嘛 ，之 宋江 呢 ，就 總係 推 有事 ，硬係 唔去 。
話分 兩頭 ， 有 一日 ， 都 時近 黃昏 嘞 ， 宋江 喺 縣衙門 辦完 公 ， 就 行出 嚟 去 對面 茶坊 飲茶 。
只見 街上 有 一個 大漢 ，頭戴 白色 范陽氈笠 ，身穿 一件 墨綠 羅襖 ，打起 腳繃 ，着住 對 八搭 麻鞋 ；
腰間 掛住 一把 腰刀 ，孭住 個 大包袱 ，行到 佢 呀 ，白豆 咁 大粒 汗 ，氣㗾㗾 噉 隔夜 風爐 都 吹得着 。
一便行一便就捩住條頸 ，盯實縣衙門 就猛咁望喎 。
宋江 見 呢個 大漢 ，嚟得 咁 蹺蹊 ，即刻 就 起身 行 出去 ，跟住 嗰個 大漢 行 。
約莫 行咗 三 二十 步 ，嗰個 大漢 擰轉頭 嚟 ，望咗 宋江 一眼 。
咦 ？又 唔識 宋江 嘅 。
之 宋江 見 呢個 人 啊 ，係 有啲 面熟熟噉 ，吖 喺 邊處 見過 佢 呢吓 ？
個 心 一時 諗唔起 。
嗰個 大漢 同 宋江 望咗 一陣 ，又 好似 有啲 認得 噉樣 咯喎 ，就 企定 喺度 ，定眼 噉 睇實 宋江 ，但係 呢 又 唔敢 問 噃 。
宋江 就 諗 ：哈 ，呢個 人 夠 古怪 嘞 ，點解 一味 睇實 我 呢 ？
嚱嚱 ，宋江 亦 唔 敢 問 佢 喎 。
終歸 仲 係 嗰個 大漢 忍唔住 ，佢 走去 路邊 一間 賣 梳篦 嘅 鋪頭 問 個 夥記 話 ：
誒大哥 ，請問 前便 嗰個 押司 係 邊位 啊 ？
哦 ，嗰位 呀 ，係 宋押司 吖嘛 。
嗰 個 大漢 提住 把 朴刀 ， 即刻 行到 宋江 面前 行 咗 個 禮話 ：
押司 ，仲唔 認得 小弟 嘛 ？
足下 係 有啲 面善 喎 。
押司 ， 請行過 啲 講句 說話 呢 。
於是 宋江 就 同 嗰個 大漢 行咗 入 一 條 僻靜 嘅 巷仔 。
嗰度 有 間 酒店 ，個 大漢 就 話 喇 ：
啱喇 ，喺 呢間 酒店 傾偈 最 啱 。
兩個人 上到 間 酒樓 ，搵咗 間 僻靜 嘅 廂房 坐落 。
嗰個 大漢 憑 好 把 朴刀 ，除低 個 包袱 放 咗 喺 枱 底 ，然後 對住 宋江 就 拜 。
宋江 連忙 答禮 話 ：請問 足下 貴姓 啊 ？
大恩人 ，乜 你 唔記得 小弟 嘞咩 ？
兄長 係 邊位 啊 ？確係 有啲 面熟 ，不過 小人 唔記得 喇 。
小弟 ，就係 喺 晁保正 屋企 拜識 尊顏 ，多得 你 嘅 大恩 救返 條命 嘅 赤髮鬼 劉唐 啊 ！
哎呀 ，賢弟 ，你 咁 大膽 啊 ！
哎好彩冇畀啲官差睇到 ，如果唔係呀 ，就會惹出事嚟喇 。
因為 感激 你 嘅 大恩大德 ，就算 係 死 都 唔怕 ，專誠 嚟 答謝 大恩人 啊 。
晁保正 同埋 各位 弟兄 近來 點啊 ？
係喇 ，兄弟 ，邊個 叫 你 嚟 㗎 ？
晁頭領 大哥 再三 問候 大恩人 啊 。
佢 多蒙 你 救 返 條 命 ，而家 ，做咗 梁山泊 主 都 頭領 。
吳學究 做咗 軍師 ，公孫勝 同 掌兵權 。
呢啲 都係 林沖 一力 擔承 ，火併 咗 王倫 啊 。
計埋 山寨 裏 便 原來 嘅 杜遷 、宋萬 、朱貴 ，同埋 我哋 弟兄 七個 ，總共有 十一個 頭領 。
而家 我哋 山寨 ，聚集咗 七八百 人 ，糧食 就 不計其數 咁多 。
皆因 想起 兄長 嘅 大恩 ，冇乜嘢 好 報答 咯 ，所以 特登 叫 小弟 帶咗 一封 信 ，仲有 一百 兩 黃金 送 畀 押司 同 朱都頭 、雷都頭 啊 。
講完 ，劉唐 就 打開 個 包袱 ，攞咗 封 信 出嚟 交畀 宋江 。
宋江 睇完 信 就 揦起 衫襟 ，攞出 個 招文袋 。
劉唐 就 將 啲 黃金 擺晒 喺 枱面 嚟 。
宋江 呢 ，只係 攞咗 一條 咁多 黃金 唧 ，就 連埋 嗰封 信 一齊 包好 ，放咗 喺 招文袋 裏 便 ，就 放返 低 衫襟 ，佢 話 ：
賢弟 ，你 將 啲 金包 返 好 佢 。
跟住 ，宋江 就 叫 夥記 打酒 嚟 ，同埋 切 咗 一 大 碟 肉 ，仲有 幾 味 菜 添 ，請 劉唐 食 嘞 。
眼睇住 個 天 就 黑 ，劉唐 飲完 酒 ，又 想 打開 嗰個 包袱 攞 啲 金 出嚟 送 畀 宋江 。
宋江 攔住 佢 話 ：賢弟 ，你 聽 我 講 。
你哋 七個 弟兄 初初 上到 山寨 ，正係 聽 錢 使 嘅 。
我 屋企 仲 過得去 ，呢啲 金 就 放 喺 你哋 山寨 處 先 ，等到 幾時 我 唔夠 使用 咯 ，再 叫 我 個 細佬 宋清 去 攞 啦 。
朱仝 呢個人 呢 ，亦係 有啲 家底 嘅 ，唔使 送 錢 畀佢 㗎 喇 ，我 同 佢 講 聲 等 佢 知道 呢份 心事 就 得喇 。
至於 雷橫 ，佢 又 唔 知道 係 我 通知 保正 嘅 ，何況 呢個 人 又 好 好賭錢 。
如果 佢 搦 啲 金 出去 賭 啊 ，就 好 容易 會 惹出 是非 噉 就 唔 妥 咯 ，所以 千祈 唔好 畀 啲 金 佢 。
賢弟啊 ，我 亦 唔敢 留 你 喺 屋企 過夜 ，事關 畀人 認出 你 ，就 唔係 講 玩 㗎喇 。
今晚 會 係 好 月色 嘅 ，你 漏夜 趕返去 山寨 啦 ，唔好 喺 呢處 逗留 喇 。
誒勞煩你代我向各位頭領致意 ，我唔能夠去慶賀 請大家恕罪 。
阿哥 你 嘅 大恩 我哋 都 唔知 點樣 報答 至好 ，所以 叫 小弟 送 啲 薄禮 畀 押司 ，聊表 孝敬 之 心 嘅 啫 。
而家 保正 大哥 做咗 頭領 ，學究 軍師 嘅 號令 唔 聽唔得 ，唔同 往日 啊 。
阿哥 你 唔肯 受落 啲 黃金 ，噉 小弟 點 敢 返去 呢 ？
返到去 山寨 呀 ，一定 受到 責罰 㗎 。
既然 係 號令 嚴明 ，噉 我 寫 一 封 回信 畀 你 帶 返 去 就 係 啦 。
劉唐 苦苦 噉 𠼮 求 宋江收 落 啲 黃金 ， 宋江 啊 一 於 唔 收 。
佢 攞 一張 紙 ，又 叫 個 夥記 攞 筆墨 嚟 ，詳詳細細 噉 寫 咗 封 回信 交畀 劉唐 。
劉唐 係 個 爽直 嘅 人 ，見 宋江 噉樣 推辭 ，知道 佢 係 唔肯 受落 㗎 喇 ，就 將 啲 黃金 包返 好 佢 。
睇 下 個 天 都 好 晏 喇 ，劉唐 就 話 ：
既然 兄長 寫 咗 回信 咯 ， 小弟 就 漏夜 趕返 去 咯 。
賢弟 ，我唔留你喇 ，我哋 以心相照 ，代我 問候 各位 。
劉唐 對住 宋江 又 拜咗 四拜 ，嘿 真係 好禮 㗎 喇 。
宋江 叫 個 夥記 嚟 話 ：呢位 官人 擠 低 一兩 銀 喺 處 ，我 聽日 先至 嚟 結數 啦 。
劉唐 孭 返 起 個 包袱 ，攞 咗 朴刀 ，跟住 宋江 落 咗 樓 。
行出咗 酒樓 去到 巷口 。
呢個 時候 ，係 八月 中旬 ，一輪 明月 啱啱 升起 。
宋江 拖住 劉唐 隻手 囑咐 佢 話 ：
賢弟 保重 啊 ，以後 唔好 再 嚟 喇 。
呢度 好多 差人 ，唔係 講 玩 㗎 。
我唔送你喇 ，就喺呢處 告別 啦 。
劉唐 見到 月色 明朗 ，就 放開 腳步 ，向住 西 便條路 就 行 ，漏夜 趕返 去 梁山泊 咯 。
宋江 同 劉唐 分別 之後 ，自己 就 慢慢 噉 行返去 住宿 嘅 地方 ，一便 行 個 心 一便 諗 ：
哎 好彩 冇 畀 啲 差人 睇見 ，爭啲 撞咗 大板 啊 ！
哈 ，嗰個 晁蓋 趯咗 去 落草 ，乜 真係 搞得 咁 巴閉 啊吓 。
宋江 行咗 冇 幾 遠 ，忽然 聽見 後便 有人 嗌 佢 話 ：
押司呀 ，去邊度嚟啊 ？乜咁耐冇見你啊 。
宋江 擰轉頭 睇下 ，哦 ，原來 係 閻婆 。
閻婆 行前 嚟 對 宋江 話 ：
押司 呀 ， 咁 多次 叫 人 去 請 你 ， 你 真 係 大 貴人 啊 ， 請極 都 請 唔 到 。
就算係 個 小賤人 ，講 說話 唔知 高低 ，得罪咗 押司 咯 。
噉 押司 你 就 睇 在 我 呢個 伯爺 婆 嘅 薄面 唔好 怪 佢 ，等 我 教訓 下 佢 ，叫 佢 同 押司 賠禮 吓 。
今晚 我 真係 有緣分 咯 撞見 押司 ，嗱 ，你 同 我 一齊 返 屋企 啦 。
宋江話 ：今日 我 衙門 啲 事務 好 忙 ，做唔掂 咁多 ，第日 先至 去 啦 。
噉點得㗎 ，我 個女 喺 屋企 呀 等緊 你 啊 。
押司 你 求其 將就 下 佢 啦 ，有 咩 嘢 事 咁 緊要 唧 ，去 啦 去 啦 。
確實 係 唔得閒 呢 ，聽日 啦 ，我 聽日 一定 去 。
我 今晚 就 要 你 去 。
閻婆 一手 揦 實 宋江 隻 衫袖 ，佢 又 話 ：
啊係邊個 挑撥 你 咁衰 啊吓 ，我 兩母女 呢下半世人 ，都係 全靠 押司 你 過日子 㗎喇 。
啲 外人 呀 ，講 埋 嗰啲 閒事 閒非 ，你 千祈 咪 聽 佢哋 發牙痕 啊 。
嗰啲嘢 呀 正 衰 人 嚟 嘅 ！
我個女 呢 但凡 有 啲 乜嘢 差錯 ，都係 我 呢個 伯爺 婆 唔好 係 啦 。
押司 ，嚟啦 ，去 一趟 啦吓 。
你唔使纏住我咯 ，啲公事多 ，我真係做唔切啊 。
押司 ，你 就算 真係 誤咗 啲 多 公事 ，噉 唔 通知 縣相公 ，就會 責罰 你 嘞 咩 ？唔會 嘅 。
呢一回 錯過咗 呀 ，下次 就 冇 咁啱 撞到 你 喇 。
嚟啦押司 ，你 同 我 去 一趟 啦 。
返到去屋企 我 有 說話 跟 你 講啊 。
宋江 本來 係 個 爽快 嘅 人 ，畀 嗰個 閻婆 纏得 兩纏 ，頂 佢 唔住 喇 就 只好 話 ：
好喇好喇 ，你 放開 手 啦 我 去 就係 喇 。
嗱 ，押司 你 唔好 趯咗 去噃 ，我 老人家 追 你 唔到 㗎 。
唉 我 邊度 會 噉㗎 ！
於是 兩個人 就 一齊 返到 閻婆 屋企 門口 。
一去到 ，宋江 就 企定 腳 。
閻婆 即刻 將 隻手 一攔 ，佢 話 ：哎呀 押司 ，都 嚟到 屋門口 喇 ，唔通 唔入去 咩 ！
冇法子啦 ，宋江 就 跟 佢 入咗 屋 ，坐 喺 張 椅 處 。
哈 ，嗰個 閻婆鬼 都 冇 佢 咁 精 ，佢 一步 都 唔 行開 就 怕 宋江 走人 吖嘛 。
佢 挨住 宋江 坐 喺 處 ，就 大聲 噉 嗌 上去 話 ：
阿女啊 ，你 心愛 嘅 三郎 嚟咗 喇 ！
嗰個 閻婆 惜啊 正係 瞓 喺 鋪床處 ，對住 眼 孤燈 ，正 一係 影 隻 形 單 都 唔知 幾 咁 冇 思候 ，一味 喺度 等住 佢 嗰個 小 張 三 嚟 。
一 聽到 佢 老母 嗌 佢 話 你 心愛 嘅 三 郎 嚟 咗 喇 噉 ， 佢 又 估 話 係 張 三 郎 喎 。
即刻 趷 起身 ， 用 隻 手 擸 擸 隻 髻 ， 個口 就 吟吟 沉沉 噉 鬧 話 ：
你 個 短命鬼 吖 ，等得 我 真係 辛苦 咯 ！
等 老娘 打 你 兩 巴 先至 得 ！
個口 一便 噏 ，一便就 飛噉 趯落 樓 。
喺 啲 疏 嚹 窗門 望出去 ， 哈 ， 只見 前廳 眼 琉璃燈 光光 猛猛 照住 嗰 個人 原來 係 宋江 。
嗰個 閻婆 惜呀 心 都 淡晒 ，一 掉頭 噔噔噔 即刻 返 上樓 ，又 碌 返 落 鋪床 處 。
閻婆 聽到 佢 個 女 嘅 腳步聲 落咗 樓 㗎 喇 ，誒 ？乜 又 聽見 再 返 上 樓 呢 ？
閻婆 又 嗌 佢 話 ：阿女啊 ，你 個 三郎 喺 呢度 嚟 啊 乜 你 又 返 上 樓 呢 ？
閻婆 惜 瞓 喺 鋪床 處 應 佢 話 ：
間屋 裏頭 有 幾 遠 呢 ，佢 唔 會 嚟 咩 ？
佢 雙眼 又 冇 盲 ，點解 自己 唔 上樓 啊 ，一定 要 我 落樓 嚟 接 佢 咯噃 ！
都冇解嘅 ，一味噉 吟沉 ，長氣到死 ！
嗨呀嗰個賤人吖 ，咁耐 都 望唔到 押司 嚟 激氣 啊佢 。
你 聽下 佢 講埋 啲 乜嘢 ，翳返 押司 你 幾句 添啊 。
押司啊 ，我 同 你 上樓 啦 。
宋江 聽咗 閻婆惜 噏咗 嗰 幾 句 嘢 ，個 心 已經 有 五成 冇 癮 㗎 喇 ；
不過 畀 閻婆 掹住 亦 只有 勉強 上樓 啦 。
樓上 呢 ，係 間 開做 兩半 嘅 。
前半間 ，當做 個 廳仔 ，有 枱 有 凳 ；
後半間 就 愛嚟 做 臥室 ，靠裏便 ，鎮咗 一鋪 床 ；
床頭 床尾 都 有 欄杆 嘅 ， 掛住 一堂 紅羅蚊 杖 ；
側跟 就 放住 個 衣架 搭住 啲 手巾 ；
呢便呢 ，放住 個 洗手盆 ；
有 一 張 金漆 枱 ，上面 放住 一個 錫 燈台 ；
旁邊 就 放住 兩張 馬杌 ；
正面 嘅 牆壁 ，掛住 一張 侍女 畫 ；
床 對面 呢 ， 一 迾 噉 擺住 四張 挨 漰 椅 。
宋江 上到 樓 ，閻婆 就 拖咗 佢 入 房 。
宋江 喺 床邊 張 馬杌 處 坐落 。
閻婆 就 行埋 張床 處 拉 個 女 起身 話 ：
押司 而家 嚟咗 喇 ，女 呀 ，你 又 一味 脾氣 唔好 ，講埋 啲 唔好聽 嘅 說話 嚟 衝撞 佢 ，激到 押司 呀 都 唔願 上門 。
平時 你 喺 屋企 成日 咁 想 住 押司 ， 呢 而家 我 唔 知 幾 辛苦 先至 請到 佢 返 嚟 咯 ， 吖 你 又 唔 起身 嚟 講返 句 好話 同 佢 賠 個 禮 喎 ， 真 係 唔 生性 㗎 喇 你 。
婆惜 用 隻 手 㧬開 個 老母 話 ：唓 ，你 發 咩 嘢 噏風 唧 ！
我 又 冇 做過 啲 咩 嘢 壞事 ，佢 自己 唔 上門 咋嘛 ，叫 我 同 佢 講 咩 嘢 好話 ，賠 咩 嘢 禮 啊 ！
宋江 聽咗 亦 唔 出聲 。
閻婆 就 擔咗 張 挨漰椅 過嚟 ，擠 喺 宋江 旁邊 。
然後 就 去 推 個 女 過嚟 嘞 喎 ，佢 話 ：
你 同 三郎 坐下 啦 ，唔賠禮 就 罷喇 ，之 唔准 發𤷪𤺧 㗎 。
你 兩個 咁耐 冇見 咯 ，都 要 講返 句 有情有義 嘅 說話 至 係 㗎 嘛 。
閻婆 惜 點 都 唔 肯 過嚟 同 宋江 一拍 坐 ，只係 坐 喺 宋江 對面 嚟 。
宋江 就 耷低頭 唔出聲 。
閻婆 望 下個 女 ，哈哈 又 係 擰歪 塊 面 。
閻婆 就 話 喇 ：哎呀 真係 吖 ，冇 酒 冇 菜 點 得 熱鬧 㗎 ？
我 有 一樽 好酒 喺度 ，嗱 ，我 去 買 啲 果品 返嚟 ，同 押司 賠禮 吓 。
阿女啊 ，你 喺度 陪 押司 坐下 ，唔好 怕醜 啊 ，我 就 返嚟 㗎 喇 。
宋江 個 心 諗 ：我 畀 呢個 伯爺 婆 盯到 實 ，唔甩得 身 。
啱喇 ，等 佢 落咗 樓 我 跟手 就 扯 人 。
閻婆 呢 單嘢 呀 雙眼 真係 利 嘅 ，佢 睇出 宋江 想 走 嘞 ，所以 佢 一 出 房門 ，就 捩手 將 道門 閂好 。
門外 便 係 有 搭鉤 嘅 ，佢 順手 將 個 搭鉤 勾實 。
宋江 聽見 外便 啪聲 下噉 戌住 道門 佢 就 諗 ：唉 ，嗰個 老虔婆 吖 呢回 畀 佢 裝到 應晒 添 。
閻婆 落咗 樓 ，先 去 灶頭 點着 眼燈 。
隻 鑊 裏 便 本來 煲咗 一 鑊 熱水 嘅 ，噉 佢 又 喺 灶窟 加咗 啲 柴頭 。
然後 攞 啲 碎銀 出去 巷口 買 咗 啲 應時 果品 ，同埋 鮮丸 嫩雞 之類 嘅 餸菜 就 返到 屋企 ，三兩下 手勢 就 整好晒 ；
坐 熱咗 一壺 酒 ，就 連 酒 帶 菜 ，用 個 托盤 裝好 就 搦咗 上 樓 ；
開返道房門 ，將啲酒菜啊放喺張枱處 ，又擺咗 三隻酒杯 三雙筷子 。
之 睇下 宋江 呢 ，哈 ，仲係 耷低 個 頭 ，個 女 亦 係 擰歪 塊 面 。
閻婆 就 話 喇 ：阿女 ，過嚟 敬杯酒 啦 。
婆惜 就 話 喇 ：你 有 你哋 自己 食 啦 ，我 冇 心機 啊 。
阿女啊 ，爹娘 自細 縱 成 你噉嘅樣 ，喺 人哋 面前 就 唔好 睇 㗎喇 。
哼 ！唔敬酒 又 點 啊 ，都 唔使 放 把 飛劍 嚟 取 我 個人頭 啩 ？
閻婆 畀 佢 講到 笑起上嚟 ，佢話 ：好好好 ，又係 我 唔啱 。
真係吖 ，押司 係 個 風流人物 ，大人大量 ，唔同 你 計較 咁多 。
嗱 ，唔敬酒 就 罷喇 ，擰返 個面 過嚟 ，飲杯酒 啦 。
閻婆 惜 硬係 唔肯定 擰 個 頭 過嚟 噃 。
噉嗰個伯爺婆 就 只有 自己 斟 杯 酒 嚟 敬 宋江 啦 。
宋江 勉勉強強 飲咗 佢 一杯 。
閻婆 就 笑住 話 ：押司 唔好 見怪 啊吓 ，有咩 說話 都 收埋 先 ，聽日 先至 慢慢 講 。
啲 外人 呀 見到 押司 嚟咗 呢度 ，又 眼紅 又 唔服氣 ，喺度 胡言亂語 ，亂噏 廿四 。
你就當佢哋放屁就係喇 ，乜都唔好聽佢哋嘅 。
押司 ，我 有 我哋 飲酒 。
閻婆 斟 滿 三 杯 酒 ，佢 又 話 ：阿女 ，咪 喺度 發 細佬哥 脾氣 喇 ，快啲 嚟 飲返 杯 酒 啦 。
閻婆惜話 ：你 一味 纏住 我 做乜鬼唧 ！我 好飽啊 ，唔想食啊 ！
哎呀 乖女 噉 你 陪下 你個 三郎 飲杯酒 都 怕得啩 ？
婆 惜 聽 佢 阿媽 噉樣 講 ，佢 就 諗 咯喎 ：
我啊 一心 鍾意 張三 嘅 啫 ，邊度 咁 得閒 陪 呢個 嘢 吖 ？
之如果唔灌醉佢呢 ，佢就梗係纏實我㗎噃 。
好啦 。婆 惜 噉樣 一諗 就 勉強 攞起 杯 酒 嚟 飲咗 半杯 。
閻婆 就 笑喇 ，佢 話 ：
阿女啊 ，你 係 一味 唔好脾氣 ，開開心心 飲返 兩杯 瞓覺 啦 。
押司啊 ，你 都 飲 勝 佢 幾 杯 呢 。
宋江 畀 佢 勸得 多 ，就 連 氣 飲咗 四五 杯 。
閻婆 自己 呢 亦 飲 勝咗 好幾 杯 ，又 落樓 去 坐 熱啲 酒 咯 喎 。
閻婆 初初 見 個 女 唔肯 飲酒 ，個心 就 唔 高興 啦 。
啱 先見 個 女 回心轉意 飲酒 嘞 ， 佢 又 歡喜 返咯 喎 ， 佢 諗 ：
如果 今晚 兜得住 宋江 呢 ，噉 佢 就 乜嘢 嬲怒 都 會 唔 記得 㗎喇 。
好 ，傍返 實佢 先 ，以後 再 慢慢 嚟 諗掂 佢 。
閻婆 一便 諗 ，一便就 喺 灶頭 飲咗 三 大 杯 酒 飲到 佢 呀㷫晒 ，又 飲咗 一 碗 添 。
然後 裝咗 大半壺 酒 ，又 返返 上樓 。
哦 ？吖 見到 宋江 耷低頭 唔出聲 。
個女 又 係 擰轉 塊 面 喺度 搞下搞下 條 裙 喎 。
閻婆 騎騎 聲笑 住 話 ： 睇 下 你 哋 兩個 吖 ， 又 唔 係 畀 泥 做 嘅 ， 點解 冚 都 好似 啞 咗 噉 唔 出 聲 嘅 啫 ？
押司 ， 邊個 叫 你 係 個 男子漢 啦 ， 噉 係 要 你 溫溫 柔柔 講 啲 好玩 嘅 說話 畀 人 聽 下 㗎 喇 。
宋江 真係 冇晒 修嘞 ，一味 合埋 把嘴 唔出聲 ，呢趟 真係 進退兩難 喇 。
閻婆惜 係 點 諗 嘅 呢 ？
佢 個 心話 ：哼 ！你 唔 嚟睬 我 ，仲 指意 老娘 好似 平常 噉 ，嚟 同 你 講 好 話 ，陪 你 玩 陪 你 笑 啊 ？開胃 喇 你 ！
我 而家 ，唔鍾意 玩 喇 。
之嗰個 伯爺 婆 呢 ，飲飽咗 黃湯 一味 口花花 係 又 講 唔係 又 講 ，一個人 就 喺度 張家長 李家短 亂噏 一通 咯喎 。
