話說 羊祜 辭咗 官 返去 家鄉 ，就 喺 呢 一年 嘅 十一月 ，羊祜 病危 嘞 。
晉主司馬炎啊親自去到佢屋企問候 。
當日 司馬炎 一直 嚟到 羊祜 嘅 病床 前 便 。
羊祜 感動 到 老淚 縱橫 啊 ，佢 話 ：
臣 ，萬死 都 不能 ，報答 陛下 啊 ！
司馬炎 亦都 流起 眼淚 佢 話 ：
朕 非常 後悔 ，當年 冇 用 愛卿 你 進攻 東吳 嘅 計策 。
噉 今後 ，有 邊個 可以 繼承 愛卿 你 嘅 遺志 呢 ？
臣 就 要 死咯 ，不敢 不竭盡 自己 嘅 忠誠 啊 。
右將軍 杜預 ，哦 可以 擔任 呢個 職務 。
若果 要 攻打 吳國 ，必須 用 佢 啊 。
向朝廷 舉薦 賢德 嘅 人才 乃係 好事 ，點解 愛卿 你 每次 向朝廷 推薦 人才 之後 ，都係 立刻 燒咗 奏章 嘅 底稿 唔畀 人 知 嘅 呢 ？
唉 ，向 朝廷 推薦 人 做官 ，而 期望 別人 感謝 自己 嘅 恩德 ，呢啲 噉 嘅 事 ，臣 唔 願 做 啊 。
講完 ，羊祜 就 斷氣 。
司馬炎 睇住 羊祜 逝世 ，好 傷心 ，佢 一路 喊住 回 宮 。
為咗 表彰 羊祜 對 國家 嘅 功績 ，司馬炎 追贈 佢 做 太傅 、巨平侯 。
羊祜 逝世 之後 ，司馬炎 真係 聽從 佢 臨終 嘅 說話 ，任命 杜預 做 鎮南 大將軍 ，都督 荊州 事 。
杜預 為人 啊 ，老成 練達 ，好學 不倦 。
佢 接受咗 司馬炎 嘅 命令 啊 ，就 駐扎 喺 襄陽 ，安撫 民眾 訓練 士兵 ，準備 攻打 吳國 。
喺 呢個 時候 ，吳國 嘅 丁奉 、陸抗 都 死咗 咯 。
吳主 孫皓 更加 暴虐無道 。
呢淨係 講 一件事 唧 ，孫皓 佢 每次 舉行 宴會 呢 ，都 要 班 大臣 飲到 爛醉 嘅 。
佢 就 安排咗 黃門郎 十個人 ，做 糾彈官 喎 。
每次 宴會 結束 ，趁住 啲 官員 大臣 飲醉嘞 ，就要 佢哋 各人 稟奏 邊個人 做錯過 咩嘢事 。
犯咗過錯 個人 呢 ，一係 就 剝 佢 塊 面皮 ，或者 呢 就 挖 佢 嘅 眼核 ，嘿 殘忍 到 極 咯 。
所以啊人人都怕到不得了 。
當時 晉國 益州 刺史 王濬 ，佢 分析 咗 吳國 嘅 局勢 ，就 上一道 表章 畀 晉主 司馬炎 ，請 佢 興兵 攻打 吳國 。
佢嘅 表章 大意 就係 話 ：
目前 孫皓 荒淫 殘暴 ，應該 盡快 去 攻打 吳國 。
一旦 孫皓 死咗 ，新立 嘅 君主 若果 係 個 賢德 英明 嘅 人 呢 ，就 會 係 個 強敵 。
七年多嚟 ，臣 所 監造 嘅 戰船 有 啲 漸漸 殘破 。
另外 ，臣 今年 已經 七十歲 ，隨時 都 可能 死 嘅 。
呢 三件事 隨便 一件 發生 ，要 消滅 吳國 就 難 喇 ，希望 陛下 勿 失 良機 。
司馬炎 睇咗 表章 ，就 同 班 大臣 商量 喇 佢 話 ：
王公 呢番 意見 ，同 楊 都督 不謀而合 啊 。
朕 ，下決心喇 。
侍中 王 渾 就 稟奏 話 喇 ：
臣 聽聞 孫皓 正 係 想 興兵 北上 ，軍隊 都 已經 做好 準備 ，聲勢 正盛 。
不如 暫時 避開 佢 嘅 鋒芒 ， 再 等 一年 添 ， 等到 佢 哋 軍隊 疲困 嘞 ， 噉 我 哋 先至 可以 成功 㗎 。
噉又係喎 。司馬炎 個 決心 其實 就 唔係 好大 嘅 ，畀 王渾 噉樣 一 講 呢 就 縮沙 嘞 。
佢 同意咗 王渾 嘅 建議 ，下一道 詔書 ，制止 出兵 。
散咗 朝 ，佢 返到 後宮 就 同 秘書丞 張華 捉 圍棋 消遣 。
捉捉下 ，侍臣 嚟 稟奏 話 邊境 有 表章 送到 。
司馬炎 接過嚟 一 睇 ，乃係 杜預 呈送嚟 嘅 表章 。
大意 呢 就係 講 ，從 利害 嚟 比較 啊 ，攻打 吳國 ，有利 佔 十之八九 。
講到 害處 呢 ，最多 不過 係 打佢 唔落 唔成功 唧 。
自從 秋天 以來 ，我哋 要 討伐 吳國 嘅 跡象 已經 好 明顯 嘞 ，孫皓 唔 會 唔知道 。
而家 我哋 若果 終止 進攻 計劃 ，孫皓 就 會 趁 呢個 機會 遷都 去 武昌 ，將 江南 各個 城鎮 修整 得 堅固 完備 ，同時 遷走 啲 居民 。
到時呀 ，城 又 難攻 ，田野 上 亦 無 可 掠奪 。
故此 到 明年 再去 攻 吳國 ，亦都 太遲 喇噉 。
司馬炎 剛剛 睇完 表章 ，張華 突然 企起身 ，推開 棋盤 ，嚴肅 恭敬 噉 稟奏 話 ：
陛下 英明 ，國 富 民 強 ；
吳 主 淫虐 ，民 憂 國 弱 。
目前 去 討伐 佢 ，唔使 幾 大 嘅 力量 就 可以 成功 。
希望 陛下 唔好 猶疑 喇 。
係 ，愛卿 嘅 說話 將 利害 道理 講得 好 分明 ，朕 仲 有 咩嘢 猶疑 呢 ？司馬炎 呢次 就 真正 下決心 嘞 。
佢 立即 登殿 臨朝 ，命令 鎮南 大將軍 杜預 做 大都督 ，率領 十萬 兵馬 ，進攻 江陵 ；
鎮東 大將軍 琅琊 王 司馬伷 ，進攻 塗中 ；
安東大將軍王渾 ，進攻 橫江 ；
建威將軍 王戎 ，進攻 武昌 ；
平南將軍 胡奮 ，進攻 夏口 ：
各人 帶 兵 五萬 ，全部 聽從 杜預 指揮 。
又 命令 龍驤 將軍 王 濬 、廣武 將軍 唐 彬 ，由 長江 向 東 順流 而 下 ，水陸 兵馬 二十 幾 萬 ，戰船 幾 萬 隻 。
又 命令 冠軍 將軍 楊濟 ，去 襄陽 駐扎 ，節制 各路 人馬 。
而家 講下 東吳 啊 ，吳主 孫皓 一 聽到 話 晉軍 大舉 嚟 進攻 嘅 消息 ，心驚膽震 ，就 急急 召 丞相 張悌 、司徒 何植 、司空 滕循 噉 幾個 大臣 嚟 商量 打退 晉軍 嘅 辦法 。
丞相 張悌 建議 任命 車騎將軍 伍延 做 都督 ，向 江陵 進兵 ，迎戰 杜預 。
派驃騎將軍 孫歆 ，帶兵 去 抵抗 夏口 等地 嘅 晉軍 。
同時啊 ，佢 自願 擔任 軍師 嘅 職務 ，率領 左 將軍 沈瑩 、右 將軍 諸葛靚 ，帶 十萬 兵 向 牛渚 進發 ，接應 各路 軍馬 噉 。
孫皓 聽晒 佢 ，即時 就 叫 張悌 帶兵 出發 。
孫皓 返到 後宮 愁眉苦臉 心神不安 。
佢 最 寵愛 嗰個 太監 中常侍 岑昏 就 問 佢 ，哦 主上 為 咩嘢 事 咁 憂愁 啊 噉 。
孫皓 話 喇 ：而家 晉兵 大舉 入侵 ，我哋 各路 都有 兵馬 去 迎敵 嘞 。
無奈 王濬 帶住 幾萬 兵 坐住 戰船 順流而下 ，鋒芒 甚 銳 啊 。
哎 ，朕 故此 憂心 啫 。
岑 昏話 喇 ： 主上 使 乜 憂心 吖 ， 臣 有 一條 妙計 ， 可以 使到 王 濬 嘅 戰船 呀 ， 變成 粉末 啊 ！
哦 ？ 你 有 咩 嘢 妙計 ， 快 啲 講出 嚟 ， 快 啲 講出 嚟 聽 下 。
嗱 ，我哋 江南 出產 好多 鐵 ，就 用 啲 鐵 嚟 打 百幾 條 連環 鐵索 ，整 佢 幾百 丈 長 。
每個 鐵環 要 二三十 斤 重 咁 大 嘅 ，喺 沿江 一帶 最 緊要 嘅 地方 ，用 鐵索 打橫 噉 攔住 。
然後 ，再 造 幾萬個 大 鐵錐 ，丈 幾 長 一個 ，放 喺 水 裏 便 。
若果 晉軍 嘅 船隻 乘風 嚟到 ，撞到 鐵錐 啊 就 穿底 ，佢 仲 點 能夠 渡江 呢 ？
吖好計啊 ！好計啊 ！
孫皓噉就 歡喜嘞 ，立即 傳令 集中 啲 工匠 嚟 江邊 ，日夜 趕工 ，製造 鐵索 、鐵錐 ，做好 之後 呢 就 布置 妥當 。
而家 講 晉 軍 都督 杜預 ，佢 就 率領 大軍 向 江陵 進兵 。
佢 首先 命令 一名 牙將 叫做 周旨 啊 ，帶住 八百 名 水軍 ，坐 小船 偷渡 長江 ，夜襲 樂鄉 。
成功之後 呢 ，就 喺 啲 山林 裏 便 ，豎 多啲 旗幟 ，日頭 就 放炮 擂鼓 ，夜晚 就 各處 點火 作為 疑兵 。
周旨 接受 咗 命令 ，就 帶住 一班人 渡過 長江 埋伏 喺 巴山 嚟 。
第日 ，杜預 就 率領 大軍 水陸 並進 。
行到 咁上下 ，前哨 就 嚟 報告 嘞 ：
稟告 都督 ，吳主 派 伍延 出 陸路 ，陸景 出 水路 ，孫歆 做 先鋒 ，兵 分 三 路 嚟 迎戰 啊 。
知道嘞 ，再探 ！
得令 ！
杜 預 繼續 帶兵 前進 。
冇 幾耐 ，孫歆 嘅 戰船 嚟到 。
兩軍 剛剛 一 接戰 ，杜預 就 下令 後退 。
孫歆 立即 帶兵 上岸 ，一路 咁 追上去 。
追咗 唔夠 二十里 ，轟噉 一聲 炮響 ，四面八方 晉軍 龐大 嘅 軍隊 包圍 過嚟 。
哎呀 ！ 中計 喇 中計 喇 ！ 吳兵 就 急急 撤退 。
杜預 趁勢 掩殺 ，打死 打傷 吳兵 不計其數 嘞 。
孫歆 逃跑 嚟到 城邊 ，誰知 畀 周旨 嗰 八百 名 兵士 混雜 埋 喺 一齊 ，就 喺 城 上 放起 火 嚟 。
嚇到 孫歆 大驚失色 佢 話 ：
吓 ？唔通 北便 嘅 晉軍 ，飛過嚟 㗎 ？佢哋 點 過江 㗎 ？
佢 急急 想 掉轉頭 走 ，畀 周旨 大喝 一 聲 就 將 佢 斬 於 馬 下 。
而家 又 講 下 嗰個 陸景 ，佢 帶住 一支 吳軍 就 坐船 由 水路 嚟 迎敵 晉軍 。
佢 喺 船 上 遠遠 望見 長江 南岸 啊 ，一片 大火 含含聲 燒起嚟 。
巴山 上面 有 面 大旗 迎風 飄揚 ，上面 寫住 ，晉 ，鎮南 大將軍 杜預 噉 一行 大字 。
咦呀弊咯 ！喇喇聲 就 上岸 逃命 。
誰知 走咗 冇 幾 遠 ，就 畀 晉軍 嘅 將官 張尚 快馬 追上去 一刀 就 殺咗 佢 。
噉啊 仲 剩返 一個 伍延 嘞 。
伍延見 各路 軍隊 都 打敗 嘞 ，就 放棄 江陵城 逃跑 ，畀 伏兵 捉住 ，五花大綁 押 佢 去 見 杜預 。
杜預話 ：呢啲人 留嚟 冇用 喇 ，立即 斬咗 佢 。
就噉樣 ，江陵 就 畀 晉軍 佔領 。
跟住 沅江 、湘江 一帶 一直 到 廣州 各個 郡 啊 ，守城 嘅 官吏 望風 歸降 。
杜預 派 個 使者 ，揸住 節 去 各地 安撫 ，秋毫 無犯 ，噉 當然 係 深得 人心 嘞 。
跟住 杜預 進兵 去 攻打 武昌 ，武昌 亦 投降 ，一時之間 呢 ，杜預 軍威 大震 啊 。
呢一日 ，杜預 召集 各路 兵馬 嘅 指揮官 嚟 開 軍事 會議 ，商量 去 奪取 吳國 嘅 京師 建業 。
平南 將軍 胡奮 就 話嘞 ：
敵人 仲 係 好 強大 ，一時之間 ，唔 容易 完全 殲滅 。
而且 ，目前 春水 泛濫 ，難以 久住 ，不如 等 出年 春天 ，再嚟 大舉 進攻 罷啦 。
杜預 話嘞 ：古時候 名將 樂毅 喺 濟西 一戰 ，就 擊潰 咗 強大 嘅 齊國 。
而家 ，我軍 兵威 大震 ，就好似 破竹之勢 ，破咗 幾節 之後 ，就會 迎刃而解 ，再 冇乜 棘手 㗎嘞 。
於是 杜預 決定 啊 ，乘勝 繼續 進攻 ，發出 檄文 ，通知 各路 兵馬 一齊 進兵 ，攻取 建業 。
嗱 各位 ，有 一句 成語 叫做 勢如破竹 吖 ，就係 噉嚟 㗎 嘞 。
而家 講下 晉國 嘅 另一路 大軍 ，就係 龍驤 將軍 王濬 率領 嘅 水兵 ，佢哋 順流而下 。
呢一日 ，前哨 嚟 報告 話 吳軍 啊 用 鐵索 ，沿住 大江 打橫 攔截 ，又 喺 水底 安置 啲 鐵錐 就 防止 戰船 通過 噉 。
王濬 聽咗 忍唔住 笑起上嚟 ，噉 都 攔得住 嘅 咩 ？
就 下令 做咗 幾十排 大木排 。
上便沊沊𡃈 ，都豎滿晒草人 ，啲草人 就着住盔甲 揸住兵器 ，噉啊 順水 放啲木排 流落去 。
吳兵 見到 ，唔知道 係 草人 嚟噃 ，以為 係 晉軍 水兵 嚟到 嘞 ，遠遠 就 望風 而 走 。
噉嗰啲 安喺 水底 嘅 鐵錐 一㓤 就 㓤入 木排 ，㓤到 實 ，噉 就 畀 啲 木排 拖走 晒 咯噃 。
好喇 ，王濬 又 吩咐 喺 木排 上 便 啊 扎起 大 火炬 ，成 十幾丈 長 ，十幾圍 粗 嘅 。
用啲麻油淋到佢淰 ，一碰到鐵索就點着火佢嚟燒 。
好快趣 ，就 將 啲 鐵索 燒斷 晒 。
於是 兩路人馬 由 長江 直落 ，所到之處 着着 勝利 。
而家 講返 東吳 丞相 張悌 ，佢 命令 左 將軍 沈瑩 、右 將軍 諸葛靚 去 迎擊 晉軍 。
沈瑩 就 同 諸葛靚 商量 話嘞 ：
我哋 喺 上流 嘅 各路 軍隊 都 係 冇 防備 嘅 ，我 諗 ，晉軍 必定 會 嚟到 呢處 嘅 。
我哋 應該 全力 迎擊 ，若果 好彩 打贏 ，江南 自然 平安 。
至於 渡江 作戰 ，不幸 一 打敗 呀 就 不堪 設想 㗎 喇 。
諸葛靚 就 話 喇 ：係啊 ，沈將軍 講得 啱 。
話口未完 ，啲人 報告 話 晉兵 順流而下 勢不可當 啊噉 。
兩個人 大吃一驚 ，慌忙 去 見 張悌 。
諸葛靚 對 張悌 話 喇 ：東吳 危險 喇 ，不如 遁走 罷 啦 。
張悌一 傷心 ，不禁 流起 眼淚 啊 佢 話 ：
吳國 就快要 滅亡 咯 ，呢層 係 盡人皆知 。
不過 ，若果 而家 君臣 都 全部 投降 ，冇 一個 人 死於 國難 ，就 實在 太 恥辱 喇 。
諸葛靚 陪 張悌 流咗 幾 滴 眼淚 ，一個人 就 逃走咗 咯 。
張悌 同 沈瑩 不顧一切 ，指揮 人馬 同 晉軍 交戰 。
晉軍 就 包圍住 佢哋 ，周旨 當 先 衝殺 。
張悌 就 拼命 噉 搏鬥 ，終於 死 喺 亂軍 之中 。
而 沈瑩 呢 ，就 畀 周旨 殺死 咗 。
吳兵 冇咗 指揮官 嘞 ，就 好似 山崩 噉㗾㗾 聲 散晒 逃命 咯 。
而家 講 下 王濬 率領 嘅 大軍 ，佢 佔領 咗 牛渚 ，深入 吳國 國土 。
王濬 就 派人 去 京師 報捷 ，司馬炎 接到 捷報 就 滿懷 高興 啊 。
但係 賈充 就 稟奏 話 喇 ：
我軍 喺 外便 作戰 勞累 咗 好耐 喇 ，佢哋 不服 水土 ，必定 會 病 嘅 。
陛下 應該 下令 召 軍隊 班師 回朝 ，以後 再作 打算 啦 。
秘書丞 張華 就 反對 賈充 嘅 意見 ，佢 話 ：
而家 我軍 已經 深入 敵巢 ，吳國 啲 人 嚇到 心驚膽裂 。
不出 一個月 ，必定 可以 捉到 孫皓 㗎 嘞 。
若果 隨隨便便 就 召 軍隊 返嚟 ，噉 就會 前功盡廢 ，太 可惜 嘞 。
司馬炎 都 未 及 開聲 唧 ，賈充 就 鬧 張華 喇 ：
哼 ！你 都 不識 天時地利 ，為咗 自己 想 撈啲 功勞 ，就 不惜 使到 士卒 疲勞 困頓 。
就算係 殺咗 你啊 ，都 不足以 向 天下 謝罪啊 ！
司馬炎 話 喇 ：呢個 係 朕 嘅 意思 ，張華 不過 係 講咗 朕 要 講 嘅 說話 啫 ，不必 爭論 嘞 。
正喺呢個時候 ，杜預 派人 十萬火急 送 表章 到 。
表章 裏 便 啊 ，亦 係 講 應該 急速 進兵 。
司馬炎 睇完 表章 ，就 唔再 猶豫 喇 ，立即 下令 各路 晉軍 ，繼續 向前 推進 。
噉 王濬 佢哋 奉咗 司馬炎 嘅 命令 ，以 雷霆萬鈞 之 勢 就 水陸 並進 。
吳兵見 到 晉 軍 嘅 戰旗 呀 就 投降 喇 ， 真 係 兵敗如山倒 啊 。
孫皓 聽到 呢啲 消息 ，慌到 佢 面青面白 。
嗰班 大臣 就 問 佢 嘞 ：
陛下 ，晉兵 越嚟越近 喇 ，江南 嘅 軍民 打 都 唔 打 就 投降 喇 ，噉 點 好 啊 陛下 ？
孫皓 問 返轉頭 ：啲 人 ，點解 唔願 打 呢 ？
陛下 ，造成 今日 嘅 大禍 ，都 係 岑昏 嘅 罪過 ，請 陛下 殺咗 佢 啦 ！
臣等 就 出城 ，同 晉兵 決 一 死戰 。
唉 ，諒佢 一個 太監 ，又 有 咩嘢 能力 誤國 呢 ？
陛下 ，唔通 你 唔見 蜀國 嗰個 黃皓 咩 ？
誒嗰班大臣 都 唔 等 孫皓 出聲 啊 ，一齊 湧入去 皇宮 ，捉住 岑昏 攞 刀 嚟 逐窟逐窟 嚟 割 佢 ，就噉 夾生 嚟 食 佢 嘅 肉 啊 。
好 喇 ， 殺 咗 個 奸 鬼 太監 喇 ， 陶 濬 就 稟奏 話 嘞 ：
臣所統領嘅 戰船 都係 細隻嘅 ，請 陛下 撥 二萬 兵 ，坐住 大戰船 去 同 晉軍 交戰 ，就 完全 能夠 戰勝 佢哋嘅 。
孫皓 同意 ，就 將 所有 嘅 御林軍 撥 畀 陶濬 指揮 ，去 上游 迎敵 。
前將軍張象 ，就 率領 水軍 沿住 長江 迎敵 。
當佢 兩個 帶住 船隊 ，正話 想 開船 起行 嘅 時候 ，忽然間 呼呼聲 翻起 大西北風 ，吳兵 嘅 旗幟 啊 豎 都 豎唔起 ，湴 倒晒 喺 船 上 嚟 。
啲 兵卒 見到 咁 大風 都 唔 肯 落船 噃 ，四散 趯走 晒 添 。
只係 張 象 部下 一 小部分 軍隊 啊 ，仲 留低 冇 逳 ，就 喺 處 等住 敵軍 嚟 。
而家 講 下 晉軍 大將 王濬 啊 ，佢 率領 船隊 ，揚帆 前進 。
過咗 三山 就 遇着 大風 ，船公 就 稟告 話 ：
風浪 太 大 ，船 唔能夠 行 㗎 喇 ，等 啲 風 細啲 再 行 啦 。
王濬 就 可惱喇 ，佢 掹出 把 劍 嚟 喝 個 船公 話 ：
你 ！我 正係 要 佔領 石頭城 ，你 點解 話 要 停船 啊 ，行 ！
於是 王濬 下令 ，擂響 戰鼓 快速 前進 。
張 象 唔係 帶住 一 小部分 軍隊 喺 處 等 敵人 嚟 嘅 ？
你哋 估 佢 等 敵人 嚟 打過 呀 ？唔係 啊 ，等 敵人 嚟到 就 投降 咋 。
佢 投降 王 濬 ， 王 濬 對 佢 話 喇 ：
你 若果 係 真 投降 ，就 喺 前便 打頭陣 立功 啦 。
於是 張象 返落 自己 嘅 戰船 ， 帶頭 嚟 到 石頭城 下 ， 叫開 城門 迎接 晉軍入 城 。
孫皓 聽聞 晉軍 已經 入城 嘞 ，佢 想 鋸頸 自刎 噃 。
有 兩個 大臣 就 勸 佢 話 ：陛下 ，點解 唔 學下 安樂公 劉禪 吖 ？唔好 自刎 啊 。
孫皓 一 諗 誒 又 係 ，就 學 似 當日 劉禪 噉 ，亦都 面 縛 輿櫬 ，率領 全體 文武 官員 ，去到 王濬 嘅 軍隊 嗰 度 請求 投降 。
王 濬 就 解開 佢 嘅 繩 ， 燒 咗 埲 棺材 ， 按照 王禮 嚟 款待 佢 ， 接受 佢 嘅 投降 。
噉 於是 東吳 四州 ，四十三 郡 ，三百一十三 縣 ，戶口 五十二萬三千 ，官吏 三萬二千 ，兵 二十三萬 ，男女老幼 二百三十萬 ，米谷 ，二百八十萬 斛 ，船隻 五千餘艘 ，後宮 妃嬪 宮娥 太監 五千幾人 ，冚𠾴唥 歸晒 晉國 。
冇 幾耐 之後 ，王濬 班師 回朝 ，就 帶埋 吳主 孫皓 到 洛陽 朝見 皇帝 。
孫皓行上金殿 ，對 晉主 司馬炎 稽首 行禮 。
即係 跪低 叩頭 啊 ，用 個 額頭 碰到 地下 。
司馬炎 賜佢 坐落 ，司馬炎 話嘞 ：
朕 設 呢個 座位 等住 你 嚟 坐 好耐 㗎 喇 。
孫皓 此人 亦 夠 撲 啊 ，佢 回答 話 ：
臣 喺 南方 ，亦 設咗 噉嘅 座位 等 陛下 呢 。
吓 ？哈哈哈哈哈哈哈哈哈 ，司馬炎 不禁 哈哈大笑 。
賈充 就 問 孫皓 話嘞 ：
聽講 你 喺 南方 經常 挖 人 嘅 眼 核 ， 剝 人 嘅 面皮 嘅 ， 呢 啲 係 乜嘢 刑 啊 ？
孫皓 話嘞 ：為人臣子 殺害 君王 ，與及 奸邪 不忠 嘅 人 ，都 要 受 呢啲 刑罰 。
賈充 聽咗 當堂 面 都 紅晒 冇 聲 出 啊 。
事關 當日 ，係 佢 帶 劍 逼 魏主 退位 。
孫皓 個 說話 啊 ，直情 係 針對 佢 嚟 講 ，冇晒 味道 喇 佢 。
跟住 司馬炎 就 封 孫皓 做 歸命侯 ，佢 嘅 子孫 ，封 做 中郎 。
跟隨 佢 投降 嘅 重要 大臣 啊 都 封 列侯 。
吳國 嘅 丞相 張悌 陣亡 ，封贈 佢 嘅 子孫 。
至於 晉國 方面 ，封 王濬 做 輔國 大將軍 。
其餘嘅 文武官員 就 各 加 封賞 。
從此之後啊 ，三國 就 歸於 晉帝 司馬炎 ，成為 一統 之 基業 。
之所謂 天下 大勢 就 合久必分 ，分久必合 喇 。
正是 紛紛 世事 無窮盡 ，天數 茫茫 不可逃 。鼎足三分 已成 夢 ，後人 憑弔 空 牢騷 。
