話說 當日 姜維 、鄧艾 ，佢 兩個 喺 陣前 初次 相會 啊 ，各自 問答咗 幾句 說話 ，就 約定 明日 決戰 呢 ，就 雙方 後退 。
鄧艾 就 挨住 渭水 扎寨 ，姜維 呢 就 跨住 兩個 山頭 安營 。
鄧艾 佢 觀察 咗 一輪 蜀軍 嘅 陣地 嘅 地形 之後 呢 ，就 寫信 去 畀 司馬望 話 ：
我哋 千千 祈唔唔好 同 蜀軍 交戰 ，一味 固守 就 啱 。
等到 關中 救兵 嚟 嘅 時候 ，到 其時 ，蜀蜀 軍 嘅 糧草 已經 冇 ，我哋 三面 攻 佢 ，就 冇 話 唔贏 嘅 。
而家 我 派 長 子鄧忠 嚟 協 協助 守城 噉 。
同時 呢 ，鄧艾 又 派 人 去 司馬昭 處 求救 。
而家 講下 姜維 ，佢 收兵 之後 啊 ，就 派人 去 鄧艾 嘅 軍營 下 戰書 ，約 佢 聽日 大戰 。
哈哈 ，鄧艾 真係 鬼馬 ，佢 詐諦 應承 佢 先 。
第日 ，五更天 ，姜維 就 下令 三軍 煮飯 飽食 一餐 。
個天 蒙蒙光 嘅 時候 呢 就 佈起 陣勢 ，專心 等 鄧艾 帶 兵 嚟 嘞 喎 。
哈 ，誰 不知 鄧艾 嘅 兵營 呀 ，偃旗息鼓 好似 冇 晒 人 噉噃 。
姜維 一直 等到 天黑 先至 收兵 回營 。
到咗 第日 ，姜維 又 試 派人 去 下 戰書 ，指責 鄧艾 失約 。
鄧艾 呢 ，安排 啲 酒菜 款待 下 戰書 嘅 使者 ，就 佢 回覆 話 ，誒 皆皆 因 身體 有啲 唔舒服 ，失失失 咗 約 喇 ，對對唔住 啊 ，誒 一於 聽日 會 戰 啦 。
第日 ，噉 姜維 又 試 帶 兵 嚟 嘞 喎 ，鄧艾 照板 煮 碗 唔 出嚟 。
如是者 就 五六 次 咁多 。
傅僉 就 同 姜維 話 喇 ：鄧艾 噉樣 搞法 實係 有 陰謀 㗎 ，要 提防 佢 至 好 啊 。
姜維 話 喇 ：佢 不過 係 想 捱到 關中 兵 到 ，三面 夾攻 我 咋嘛 。
好 ，我 立即 派人 送信 去 東吳 孫綝 ，請 佢 合力 嚟 進攻 。
正喺度計劃緊 ，突然間 接到 探馬 嘅 報告 ，話 司馬昭 攻打 壽春 ，殺咗 諸葛誕 ，吳兵 啊 全部 投降 。
司馬昭 班師 返去 洛陽 ，就 快 帶兵 嚟 救 長城 喇 噉 。
姜維 大吃一驚 話 ：
吖 ！呢次 討伐 魏國 又 落空 咯 。
嗯 ，不如 返去 先 啦 。
於是 姜維 啊 ，就 安排 啲 軍器 車匠 ，所有 嘅 軍用 物資 同埋 步兵 先行 撤退 ，然後 由 馬軍 斷後 。
鄧艾 知道咗 呢個 消息 就 話 喇 ：
哈哈 ，哈哈哈哈 ，哈哈哈哈哈哈哈 ，姜姜維 知道 大將軍 兵 到 ，故此 就 撤 撤退 喇 ，不不必 追佢 ，追親 呀 誒 就 會 中中 佢 嘅 計 嘅 喇 。
跟住 ，鄧艾 又 派人 去 探聽 情況 。
冇 幾耐 就 返嚟 報告 話 喇 ：蜀軍 呀 喺 駱谷 嗰 啲 窄路 嘅 地方 ，果然 堆滿 柴草 準備 放火 燒 啲 追兵 㗎 噉 。
大家 都 稱讚 鄧艾 話 ：將軍 真係 神機妙算 啊 ！
噉即刻 派遣 使者 啊 ，向 朝廷 送呈 表章 ，稟報 蜀兵 撤退 喇噉 。
司馬昭 極之 歡喜 喇 ，又 試 重重 噉 賞賜 鄧艾 喇 ，呢啲 呢 ，就 唔 講 佢 喇 。
而家 講下 東吳 大將軍 孫綝 啊 。
佢 聽講 全端 、唐 咨 佢哋 投降咗 魏國 ，哎呀 嬲 到 頭殼 出煙 ，下令 將 各人 嘅 家眷 冚𠾴 唥 殺 清光 。
吳國 嘅 皇帝 孫亮 啊 ，當時 係 一十六歲 。
佢 見到 孫綝 殺人 殺得 太過份 喇 ，個 心 就 好 唔 贊成 。
噉 啊 孫亮 呢 ， 雖然 仲 係 個 細路 啊 ， 為 人 就 幾 聰明 嘅 。
呢 ，有 件 噉嘅 事 。
有一次 孫亮 去 西苑 ，就 想 食 啲 青梅 ，叫 個 黃門太監 去 攞 蜜糖 嘞 ，冇 幾 耐 ，攞返嚟 喇 。
咦 ？點解 啲 蜜糖 裏 便 有 幾粒 老鼠屎 嘅 呢 ？
就即刻叫嗰個藏吏啊 ，即係 管理 倉庫 嘅 官員 嚟 鬧佢 。
藏吏 就 猛咁 叩頭 稟告 話 ：
臣 封閉 得 非常 嚴密 嘅 ，點 會 有 老鼠屎 嘅 呢 ？實在 冤枉 啊 ！
孫亮 就 問嘞 ：黃門 有冇 問 你 攞過 蜜糖 食 啊 ？
誒 ， 誒 有 啊 有 啊 ， 幾日 之前 ， 黃門 曾經 嚟 攞 蜜糖 食 ， 臣 唔 敢 畀 佢 。
於是 孫亮 就 對 嗰個 黃門 太監 話 喇 ：
噉就好明白 ，實係 你 因為 嬲 藏吏 唔畀 蜜糖 你 ，就 特登 放 啲 老鼠屎 落 啲 蜜糖 處 害 佢 ，係唔係 ？
黃門太監 就 猛嗌 冤枉 唔服 噃 。
孫 亮話 喇 ： 噉 好容易 知道 嘅 啫 ， 若果 啲 老鼠屎 浸 喺 啲 蜜糖 處好 耐 ， 就實 係 內外 都 濕 嘅 。
如果 係 啱啱 擠 落去 嘅 啫 ，就係 內 乾 外 濕 。
孫亮 立即 叫人 切開 啲 老鼠屎 嚟 檢查 下 ，嘿 ！果然 裏 便 係 乾 。
黃門太監 唔服罪 都 唔得 喇 呢趟 。
噉啊由此可見啊 ，孫亮嘅 為人 係 幾 聰明 。
唉 之 雖然 係 聰明 ，但係 佢 畀 孫綝 把持住 ，自己 話唔到 事 㗎 喎 。
孫綝 控制 皇室 極之 嚴密 ，佢 任命 佢 細佬 威遠 將軍 孫據 ，入去 蒼龍 宿衛 。
即係 入去 皇宮 入便 住宿 ，值班 警衛 啊 。
又 命令 武衛 將軍 孫恩 、偏將軍 孫乾 、長水 校尉 孫海 就 分別 住 喺 各個 兵營 。
有一日 ，孫亮 啊 坐 喺 處 發緊 吽豆 ，國舅 黃門侍郎 全紀 呢 就 喺度 陪伴 佢 。
孫亮 見 旁邊 冇 人 啊 ，就 流住 眼淚 噉 對 全紀 話 ：
孫綝 呢個 傢伙 ，專權 妄殺 ，將 朕 欺負 得 太甚 啊 。
而家 ，而家若果 仲唔剷除佢 ，就必為 後患 㗎 。
全紀話喇 ：陛下 ，只要 有用到 微臣 之處 ，微臣 萬死不辭 。
朕 係 噉樣 諗嘅 ，你 而家 ，帶領 啲 禁兵 ，同 劉丞將軍 去 把守 城門 。
到時 ，朕 要 親自 出去 殺 孫綝 。
不過 ，呢件事 ，千祈千祈 唔好 畀 你 母親 知道 噃 。
你 母親 係 孫綝 嘅 家姐 ，如果 事情 洩露 出去 ，就 會 誤咗 朕 嘅 大事 㗎 喇 。
係 ，請 陛下 寫 一 封 詔書 交畀 微臣 啦 。
臨到逳手嘅時候 ，微臣 就 將 詔書 畀 大家 睇 ，使到 孫綝 手下 嘅 人 都 唔敢 亂逳 。
好吖 ，孫亮 聽 佢 嘅 ，喇喇聲 就 寫咗 一 張 秘密 詔書 交畀 全紀 。
全紀 接受 咗 詔書 又 返去 屋企 ，靜靜 講咗 畀 佢 父親 全尚 知道 。
全尚知咗 呢件事 呀 就 話畀 佢 老婆 聽 咯 噃 。
講你聽啊 ，三日之內啊 ，就要 殺孫綝㗎喇 。
佢 老婆 話嘞 ：嗯 ，殺咗 佢 就 啱喇 。
把口 就係 噉 講啊 ，之 靜 雞雞 就 派 人 帶 封 信 講畀 孫綝 聽 。
哎呢 ，你 話 噉 死唔死 吖 ，孫亮 啊 叫 全紀 唔好 講 畀 佢 老母 聽 。
全紀啊確係冇對老母講喎 ，之佢忍唔住口 ，講咗畀佢老豆聽 。
老豆 聽 咗 又 口痕 痕講 畀 佢 老婆 聽 ， 哎 ， 老豆 個 老婆 咪 就 係 自己 嘅 老母 咯 ， 撞 晒 大板 喇 呢 勻 。
做 啲 噉 嘅 機密 大事 呀 真 係 老豆 都 唔 講得 㗎 嘛 。
孫綝 一 接到 信 ，就 嬲 到 跳起 八丈 高啊 。
當晚 就 叫 佢 嗰 四個 兄弟 嚟 ，點起 精兵 ，首先 就 圍住 大內 。
大內 就係 皇宮 內苑 嘞 。
噉 一便 呢 ，就 將 全尚 、劉丞 同埋 一家 大細 啊 ，冚𠾴唥 捉起嚟 。
到咗天蒙蒙光嘅時候 ，孫亮 聽見 宮門外 便 擂起 戰鼓 敲響 銅鑼 ，震天動地 。
啲 太監 呀 慌 到 一僕 一碌 噉 趯 入 嚟 稟奏 話 ： 陛下 陛下 唔 得 了 喇 ， 孫綝 帶兵 圍住 皇宮 喇 ！
哎呀 孫亮 嬲 啊 ， 佢 指 住 皇后 就 鬧 佢 話 ： 你 ， 你 你 你 你 ， 你 嘅 父兄 誤 咗 我 個 大事 喇 ， 嘿 ！
孫亮 講完 ，撐聲 拔出 寶劍 啊 想 行 出去 。
全皇后 同埋 身邊 嘅 侍臣 啊 ，個個 都 拉住 孫亮 嘅 衣服 猛 咁 喊 唔 畀 佢 出去 。
孫綝 呢 ，首先 就 將 全尚 、劉丞 佢哋 殺咗 。
然後 就 召集 全體 文武 大臣 嚟到 金殿 ，佢 下令 話 喇 ：
主上 荒淫無道 ，唔可以 繼續 做 皇帝 侍奉 宗廟 咯 ，今日 ，就要 廢黜 咗 佢 。
你哋 全體 文武官員 ，又 敢話 唔服從 嘅 ，以 謀反 論處 ！
嗰 班 大臣 呀 驚 到 及 及 震 ， 都 話 ： 誒 ， 嗯 我 哋 都 服從 將軍 嘅 命令 ， 我 哋 都 服從 將軍 嘅 命令 啊 。
係唔係 個個 都 咁 衰牌 啊 ？唔係 ，有 一 個 叻 嘅 。
邊個 啊 ？ 係 尚書 桓 彝 啊 。
佢 見到 孫綝 噉樣 倒行逆施 ，就 嬲 到 鬍鬚 都 豎起 。
佢 挺身而出 就 指住 孫綝 大聲 噉 鬧 佢 話 ：
當 今天 子 ，乃 係 聰明 嘅 君主 啊 ，你 點 敢 亂講 一通 啊 你 ！
我 ，我我 寧肯 死 ，都 唔 聽 你 呢個 賊臣 嘅 命令 ！
豈有此理 ！我 殺咗 你 ！
孫綝 掹出 劍 嚟 ，自己 逳手 就 斬死 咗 桓彝 。
跟住 ，孫綝 就 入去 皇宮 裏 便 ，指住 孫亮 噉 鬧 佢 話 ：
無道瘟君 ！本應 就 殺咗 你 嚟 向 天下 謝罪嘅 。
而家 睇 在 先帝 嘅 份上 ，免 你 一 死 ，廢黜 你 嘅 皇位 ，命令 你 做 會稽王 ，以後 ，我 另外 選過 一 位 品德 好 嘅 ，嚟 立 佢 做 皇帝 。
孫綝 講完 就 叫 中書郎 李崇 啊 ，搶咗 個 皇帝 玉璽 ，就 吩咐 鄧程 收起嚟 。
唉 ，孫亮 就 唯有 諤諤聲 噉 喊住 走人 啦 。
噉 孫綝 廢 咗 孫亮 ，佢 又 要 立 邊個 做 新 皇帝 呢 ？佢 係 要 立 琅琊 王 孫休 啊 。
呢個 孫休 係 孫權 嘅 第六 仔 。
孫休佢 係 住 喺 虎林 嘅 ，有 一 晚 佢 發夢 噃 ，佢 發夢 騎住 條 龍 上 天 。
佢 擰轉頭 望下 哎呀 弊 ，乜 唔見咗 條 龍尾 嘅 噉 一 驚 噉 就 醒咗 。
第日 ，孫綝 嘅 使臣 到喇 ，要 請 佢 去 京都 登位 。
噉啊孫休 跟住 使臣 一路 去到 京都 嘅 郊外 。
孫 綝 嘅 細 佬 孫 恩 啊 ， 已經 準備 好 皇帝 用 嘅 車駕 ， 喺 處 迎接 喇 。
孫休 又 唔敢 坐 皇帝 用 嘅 輦車 啊 ，佢 只係 坐 一架 小車 入 城 啫 。
噉 當時 文武百官 就 夾道 跪拜 迎接 ，孫休 連忙 落車 答禮 啊 。
孫綝 就 請 孫休 入 去 大殿 ，登上 皇帝 寶座 即位 做 天子 。
孫休 循例 再三 謙讓 之後 呢 ，就 接受 咗 個 皇帝 玉璽 ，又 接受 文武百官 嘅 朝拜 祝賀 。
跟住 就 下令 大赦 天下 ，改 個 年號 做 永安 元年 ，即係 公元 二五八 年 嘞 。
又 封 孫綝 做 丞相 ，荊州 牧 ；
其他 嘅 官員 呢 亦 各 有 封賞 ；
又 封 佢 阿哥 嘅 仔 啊 ，孫皓 ，做 烏程侯 。
孫綝 而家 一門 五個 侯爵 ，個個 都係 統領 禁兵 ，控制住 整個 京師 嘅 。
做 皇帝 呀 ，嘿嘿 ，其實 係 喺 佢 個 威權 之下 㗎 咋 。
孫休 佢 剛剛 做 皇帝 ，就 怕 孫綝 發動 政變 ，謀 朝 篡位 。
所以 表面上 對 孫綝 啊 非常 信任 ，但係 個 心 呢 ，就 度度 提防 住 佢 嘅 。
孫綝 根本 冇 將 孫休 放在 眼內 唄 故此 呢 越嚟越 驕橫 喇 。
到咗 呢 一年 嘅 十二月 ，有 一日 ，孫綝 帶住 牛酒 入 宮 ，向 孫休 獻禮 。
孫休 唔 受 佢 個 禮 喎 。
嘿噉啊孫綝真嬲啊 ，佢轉身出嚟 ，就將牛酒帶去 拜訪左將軍張布 ，同佢一齊飲 ，自己嚟食返佢 。
飲到咁上下 ，飲到㷫喇 ，孫綝 就 對 張布 話 ：
想當初 ，我 廢會稽王 嘅 時候 ，好多人 都 勸 我 自己 做 皇帝 ，我 唔 做 。
以為 當今 主上 為人 賢德 ，故此 就 立咗 佢 啦 。
哼 ！今日 我 帶住 牛酒 去 同 佢 獻禮 ，竟然 拒絕 唔受 喎 ，豈唔係 睇 我 唔起 ！
豈有此理 ！我 遲早 有嘢 畀 你 睇嘅 。
誒 ， 誒 嘿嘿 ， 誒 誒 誒 。
張布 聽 孫綝 噉 講啊 ，一味 嗯嗯 牙牙 就算 嘞 。
第日 ，張布 入 宮 去 拜見 孫休 ，靜靜噉 將 孫綝 尋日 嘅 事 ，稟奏 佢 聽 就 嚇到 孫休 不得了 。
過咗 幾日 之後 ，孫綝 突然 派 中書郎 孟宗 ，帶住 中營 所管轄 嘅 精兵 一萬五千人 就 出發 去 武昌 駐防 。
而且 呢 ， 仲將 武庫 裏 便 嘅 軍器 啊 撥 晒 畀 佢 。
咦 ，唔妥啊 ，於是 將軍 魏邈 、武衛士 施朔 兩個 呢 就 秘密噉 向 孫休 稟奏 話 ：
陛下 ，孫綝 調兵 到 外 便 ，又 搬晒 武庫 嘅 軍器 ，睇嚟 呀 ，好快 就 會 有 變故 喇 。
孫休 大吃一驚 ，急急 召 張布 嚟 商量 。
張布 話 喇 ：老將 丁奉 極 有 計謀 ，對 啲 重大 事情 好 有 決斷 嘅 ，陛下 召 佢 嚟 一齊 商量 啦 。
於是 孫休 就 召 丁奉 嚟 ，將 呢件事 啊 靜靜 講 畀 佢 聽 。
丁奉 聽咗 諗咗 下 就 稟奏 話 喇 ：
陛下 唔使 憂心 ，老臣 ，有 一條 計策 ，可以 為 國 除害 ！
啊 ，噉 好極喇 好極喇 ，係 咩嘢 計策 呢 ？
聽日 係 臘日 ，陛下 藉口 話 要 大會 群臣 ，召 孫綝 嚟 赴宴 ，到時 ，老臣 ，自有 安排 ！
孫休 噉 就 高興 喇 ，噉啊 商量 決定 由 丁奉 同 魏邈 、施朔 啊 掌握 外便 嘅 事情 ，張布 就 做 內應 。
當晚 ，突然 翻起 大風 ，飛沙走石 ，吹到 有啲 老樹 呀 連根拔起 啊 ，噉 啊到咗 天光 呢 就 風停喇 。
孫休 派 人 召 孫綝 入 宮 參加 宴會 。
呢朝早 ，孫綝 一起身 就 好似 畀人哋 㧬咗一下 噉噼啪噉 躀低 喺 地 ，個心 就 好唔高興 。
使者 到 喇 ，十幾個人 湧入嚟 ，宣召 孫綝 去 赴會 。
啲 家人 就 勸 孫綝 話 喇 ：尋晚 成晚 咁 翻風 ，今朝 又 無緣無故 噉 躀 咗 一跤 ，恐怕 唔係 吉兆 噃 ，唔好 去 赴宴 喇 。
孫綝 就 話 喇 ：哼 ！我哋 幾 兄弟 一齊 統領 禁兵 ，有 邊個 敢 埋身 啊 ？
誒 ，如果 有 咩嘢 變動 ，你哋 就 喺 府內 放火 為 號 啦 。
孫綝 吩咐完 就 坐車 去 皇宮 。
當佢嚟到金殿嘅時候 ，孫休就慌忙起身嚟迎接佢 ，請佢入席坐落 。
酒 過 數 巡 ，突然間 有人 嚟 報告 孫綝 話 ：宮外 望見 大火 啊 。
吓 ？孫綝 想起 身 走人 。
孫休 話 ：丞相 安心 飲酒 啦 ，外便 咁多 兵馬 使 乜 怕 呢 ？
話口未完 ，左將軍 張布 ，手執 寶劍 帶住 三十幾個 武士 ，大踏步 噔噔噔 衝上 金殿 。
張布 高聲 大叫 ：奉聖旨 ，捉拿 反賊 孫綝 啊 ！
哎呀 ！孫綝 急急 想 趯喇 。
冇得逳咯 ，早就 畀 嗰班 武士 呀 七手八腳 噉 捉住 喇 。
孫綝 啪聲 跪喺 地 ，瘟 咁 叩頭 就 哀求 孫休 ：
陛下陛下 ，請 你 將 我 流放 去 交州 ，返去 耕田 喇 陛下 。
孫休 鬧 佢 喇 ：呸 ！點解 當日 你 又 唔 將 滕胤 、呂據 、王惇 佢哋 流放 呢 ？
張將軍 ！
陛下 。
將佢 推出去 斬 ！
臣 ， 遵旨 ！
於是 張布拉 孫綝 出去 金殿 外 便 殺咗 。
當時呀 ，跟隨 孫綝 嚟 嗰啲 人 一個 都 唔 敢 逳 。
張布 宣讀 詔書 ，講明 罪 在 孫綝 一 人 ，其餘 嘅 人 都 唔 追究 。
嗨呀 ！嗰班人 呀 ，噉 就 安心 喇 個 心 就 歸返 位 。
跟住 ，張布 請 孫休 登上 五鳳樓 。
呢個 時候 ，丁奉 、魏邈 、施朔 佢哋 又 已經 得手 嘞 ，捉晒 孫綝 嗰 幾個 兄弟 嚟到 。
孫休 命令 將 佢哋 拉去 街市 斬首 。
同時 係 將 孫綝 嘅 宗族 、同黨 ，總共 幾百 人 啊 全部 逮捕 處斬 ，滅 佢 三族 。
又叫啲 軍士 掘開 孫峻 嘅 墳墓 ，斬 佢 嘅 屍首 。
孫休 又 下令 啊 ， 為 諸葛 恪 、 滕胤 、 呂據 、 王 惇 呢 幾個 畀 孫峻 、 孫綝 害死 嘅 大臣 啊 ， 重新 建立 墳墓 ， 表彰 佢 哋 嘅 忠心 。
因為 過去 受到牽連 ， 流放 到 去 邊遠地區 嘅 人 呢 ， 就 全部 赦免 ， 畀 佢 哋 回鄉 。
噉 對於 丁奉 呢啲 有功 嘅 人員 啊 ，當然 係 重加 封賞 啦 呢啲 就 唔 在 多 講 喇 。
噉誒 關於 呢次 人事 上 嘅 大變動 ，東吳 呢 就 派 人 帶 信 去 成都 通知 西蜀 。
因為 喺 呢段期間 啊 ，兩國 之間 嘅 關係 仲 係 算 好 嘅 。
後主劉禪 知道咗 ，就 派 個 使者 去 東吳 祝賀 。
跟住呢 ，東吳 又 派 薛珝 去 西蜀 答禮 。
當 薛珝 喺 西蜀 返嚟 嘞 ，孫休 就 問 下 佢 西蜀 近來 有 咩 情況 啊噉 。
薛珝 就 稟奏 話嘞 ：近日 ，係 中常侍 黃皓 話晒事 ，好多 大臣 都 奉承 巴結 佢 。
入到 佢哋 嘅 朝廷 ，聽唔到 率直 真誠 嘅 說話 ；
經過 佢哋 嘅 田野 ，老百姓 都 係 面有 菜色 。
正所謂 燕雀 處 堂 ，不知 大廈 之 將 焚 。
睇起嚟 ，佢哋 嘅 處境 真係 極其 危險 而 自己 仲 唔 知道 啊 。
孫休 就 話 喇 ：唉 ！如果 諸葛武侯 在世 ，又 何至 搞到 噉樣 吖 ！
於是 孫休 又 寫咗 封 國書 ，派 人 帶 去 成都 畀 劉禪 。
話司馬昭啊 ，唔使幾耐 就會 篡奪 魏國 ，到時 必定 會 侵犯 吳 、蜀 ，嚟到 顯示 威風 。
彼此 都 應該 加強 戒備 噉 。
姜維 得到 呢個 消息 ，就 十分 高興 。
佢 立即 上一份 表章 ，請求 批准 再次 出師 去 討伐 魏國 。
劉禪 同意 咗 。
噉就喺 蜀漢 景耀 元年 ，即係 公元 二五八年 ，嘅 冬天 ，大將軍 姜維 ，以 廖化 、張翼 為 先鋒 ，王含 、蔣斌 為 左軍 ，蔣舒 、傅僉 為 右軍 ，胡濟 為 合後 ，姜維 自己 同 夏侯霸 就 統率 中軍 ，總共 出動 蜀兵 二十萬人 ，辭別 咗 後主 劉禪 直到 漢中 。
姜維 同 夏侯霸 商量 呢次 北伐 中原 啊 ，應當 首先 攻佔 邊處 為好 呢噉 。
夏侯霸 就 話 喇 ：
祁山 乃係 用武之地 ，由 嗰處 進兵 係 最啱 㗎 。
故此 往日 丞相 六出 祁山 ，皆因 其他 嘅 地方 ，都 唔 合適 吖 嘛 。
姜維 聽 佢 個 說話 ，就 傳令 三軍 向 祁山 進發 ，就 去到 谷口 扎落 營寨 。
當其時 鄧艾 呢 ，就 正 喺 祁山寨 裏頭 ，整頓緊 隴右 嘅 兵隊 。
呢一日 ，流星馬 嚟 報告 話 蜀兵 呀 喺 谷口 扎落 三個 營寨 噉 。
鄧艾一 接到 呢 個 消息 ， 就 出去 高頂 觀察 咗 一輪 ， 哎呀 ！ 鄧艾好 高興 好 高興 啊 佢 話 ：
不不出 我 嘅 所料 啊 ！哈哈哈哈哈哈哈哈 。
乜 鄧艾 咁 高興 呢 ？
原來 佢 預先 就 睇好 晒 地形 ，就 故意 留出 一啲 地方 ，嚟 畀 蜀兵 安營扎寨 嘅 。
而喺 地底 呢 ，由 祁山寨 啊 直到 蜀寨 ，早就 挖好 地道 ，就 等到 蜀兵 嚟 喇 就 睺 啱 時機 煲佢 嘅 。
呢次 姜維 嚟到 谷口 ，分成 三個 寨 。
條 地道 呢 就 啱 啱 喺 正 左 寨 下 便 。
左寨 係 王含 、蔣斌 駐兵 嘅 地方 。
當日 ，鄧艾 叫 佢 個 仔 鄧忠 ，同埋 師纂 ，各 帶 一萬 人馬 ，就 分開 一左一右 向 蜀寨 衝擊 。
又 命令 副將 鄭倫 ，帶 五百 名 掘地道 嘅 工兵 ，喺 當晚 二更 ，由 地道 直去 左營 ，喺 蜀兵 帳 後 衝出嚟 。
而家 講 下 王 含 同 蔣 斌 。
因為 剛剛 扎落 營寨 啊 ，未 企穩 㗎 嘛 ，就 怕 蜀兵 嚟 劫寨 。
所以 當晚 休息 嘅 時候 呢 ，都 唔 敢 解開 盔甲 瞓覺 。
忽然間 ，聽見 中軍 亂起 上嚟 ，連忙 揦起 兵器 就 上馬 。
呢個 時候 鄧忠 帶 兵 喺 寨 外 殺 到 嘞 ，內 外 夾攻 。
王含 同 蔣斌 搏命 咁 打 ，終歸 頂唔住 ，就 唯有 放棄 營寨 退走 啦 。
姜維 喺 中軍 帳 啊 聽見 左寨 嗰 便 喊殺 連天 ，估計 敵人 係 有 內應 外合 嘅 。
就 立即 飛身 上馬 ，站正 喺 中軍 帳 前 便 ，傳令 落去 話 ：
邊個 亂逳 嘅 斬 ！有 敵兵 嚟到 營 邊 ，唔使 問 佢 ，即管 用 箭 射 啦 ！
同時 又 派人 傳令 去 右營 ，唔准 佢哋 亂逳 。
姜維 呢一着 厲害 啊 ！
魏兵 連氣 進行咗 十幾次 衝擊 ，次次 都 畀 蜀兵 用 箭 射 返轉頭 。
咪 一直 衝 殺 到 天光 大白 ，魏兵 始終 唔 能夠 殺入去 。
鄧艾 收兵 回寨 之後 就 忍唔住 讚歎 話 喇 ：
啊！ 姜維啊！ 姜維 佢 學晒 孔孔明 嘅 本事 啊！
誒兵 在 夜 而 不驚 ，就 將 聞 變 而 不亂 。
啊 ！ 姜維 ， 佢 佢 真 係 大將 之 之 才 啊 ！
呢啲呀 ，就 叫做 識 英雄 重 英雄 嘞 。
嗱 各位 ， 噉 究竟 姜維同 鄧艾 兩個 再次 交鋒 啊 ， 誰 勝誰負 呢 就 且 聽 下回分解 。
