話說 諸葛恪 嘅 箭傷 好返啲 嘞 ，佢 又 要 催促 兵馬 攻城 咯 喎 。
噉啲 管理人員 對 佢 話 喇 ：人人 都 病 啊 ，點 能夠 作戰 啦 ！
諸葛恪 發火 啊 ：邊個 再 講話 病 嘅 ，殺咗佢 ！
啲兵 知道 咗 呀 嘩趯佬 嘅 都 唔知 幾多 。
呢一日 ，諸葛恪 收到 報告 話 都督 蔡林 ，率領 本部 人馬 就 去咗 投降 魏軍 噉 ，大吃一驚 啊 ！
佢 親自 騎住 馬 去 各個 兵營 視察 。
唉果然 見到 啲 兵士 呀 ，個個 都 黃泡髧 熟 人人 都係 個 病 軍 噉 。
唔得喇唔得喇 ，立即 下令 撤退 。
毋丘儉 接到 吳兵 撤退 嘅 情報 ，就 率領 大軍 喺 後便 掩殺 過嚟 ，結果 就 吳兵 大敗 。
諸葛恪 醜 到 不堪 啦 ，返到 東吳 之後 ，就 藉口 話 有病 都 唔 上朝 嘞 。
諸葛恪 唔 上朝 ，噉 吳主 孫亮 呢 ，就 親臨 佢 嘅 住宅 向 佢 問候 。
文武百官 自 不然 都 一齊 嚟 拜見 請安 定 㗎 喇 。
諸葛恪 呢個人 都 幾 毒 㗎 吓 。
佢 又 怕 人哋 議論 自己 ，就 搜集 晒 啲 文官 武將 嘅 過失 。
邊個 唔啱 自己 心水 嘅 就 整 邊個 ，輕 嘅 就 充軍 去 邊緣 嘅 地區 ，重 嘅 呢 就 殺頭 示眾 。
誒呀 一時之間 搞到 內外 嘅 官員 ，冇 個 唔怕 人人 自危 啊 。
同時 諸葛恪 呢 又 任命 佢 心腹 將領 ，張約 同埋 朱恩 ，總管 御林軍 作為 自己 嘅 爪牙 。
嗯 ，噉 就 事大喇 。
原來 御林軍 呢 ，係 由 孫峻 掌管 開 。
孫峻 係 何許 人 也 呢 ？
孫峻 自 子遠 ，乃 是 孫堅 嘅 細佬 孫靜 嘅 曾孫 ，佢 父親 叫做 孫恭 。
孫權 在 生 嘅 時候 就 好 歡喜 佢 嘅 ， 就 任命 咗 佢 掌管 御林軍 。
哦乜 而家 聽聞 諸葛恪 竟然 任命 張約 、朱恩 兩個 嚟到 總管 御林軍 ，奪 佢 嘅 權 喎 唔嬲 就 假 咯 。
有個 官員 叫做 滕胤 ，佢 向來 同 諸葛恪 都係 有 仇口 嘅 ，就 乘機 去 說 孫峻 嘞 。
佢 話 ：孫 將軍 呀 ，諸葛 恪 獨攬 大權 作威作福 ，殺害 公卿 大臣 ，睇 個 樣 ，好快 就 會 作反 㗎 喇 。
將軍 你 係 皇上 嘅 宗族 ，點解 唔 及早 解決咗 佢 啊 。
冇錯 ，我 諗咗 好耐 嘅 喇 ，等我 即刻 去 稟奏 皇上 ，請 皇上 下 聖旨 殺咗 佢 啦 。
於是 孫峻 同 滕胤 啊 ，就 秘密 噉 入去 皇宮 見 吳主 孫亮 ，將 呢件事 講 佢 聽 。
孫亮 話 喇 ：係啊係啊 ，朕 見到 佢 呀 ，都 覺得 好 恐怖 㗎 。
朕 想 剷除 佢 好耐 㗎喇 ，總係 未 有 機會 。
而家 兩位 愛卿 有 噉嘅 忠義之心 就 好咯 ，你哋 想辦法 殺咗佢 啦 。
滕胤 就 話 喇 ：陛下 ，請 你 定 一個 日子 ，召 諸葛恪 嚟 飲宴 。
預先 喺 帷幔 後 便 埋伏 定啲 武士 ，以 掟 杯 為 號 ，就 喺 酒席 上 殺咗 佢 ，以 絕 後患 啊 。
孫亮 聽 佢 嘅 ，於是 孫峻 、滕胤 就 去 佈置 。
而家 講 下 諸葛恪 ，佢 自從 兵敗 回朝 啊 ，就 藉口 話 有病 ，一路 都 住 喺 屋企 。
佢 心神恍惚 ，有 一日 ，佢 偶然 行 出去 大廳 ，忽然 見到 有 個人 ，穿 麻 掛孝 噉 行 入嚟 。
諸葛恪 喝 佢 ，嚇到 嗰個人 呀 手 揗 腳 震 。
諸葛恪 叫 人 將 佢 捉起嚟 拷問 佢 。
嗰個人 話 喇 ：誒誒誒 ，小人 因為 新新 死咗 父親 ，入城 嚟 請 和尚 打齋 。
小人 見到 係 寺院 就 入嚟 啦 ，誒 ，誒 ，誒 點知 入到嚟 ，原來 係 太傅 嘅 府上 喎 。
誒 ， 誒 ， 小人 ， 誒 小人 都 唔 知道 點解 會入 到 嚟 呢 處 㗎 。
諸葛恪 嬲 到 不得了 ，就 叫 守門 嘅 軍士 嚟 問 。
啲 軍士 話 喇 ：我哋 幾十 人 ，個個 都 擔住 槍 守門 嘅 ，一陣 都 冇 離開過 ，冇 見過 人 入嚟 啊 。
諸葛 恪越 聽 越 火滾 ， 將 守門 嘅 軍士 冚𠾴唥 殺 晒 。
當晚 ，諸葛恪 碌嚟碌去 瞓唔着 ，突然間 聽見 大廳 裏頭 哩喇噉 一聲 ，好似 打咗 個 大雷 噉 啊 ，嚇到 佢 跳起身 ，親自 出去 大廳 睇下 。
嘩 ！原來 係 條 大梁 斷咗 做 兩 橛 。
諸葛恪 吃咗 一驚 ，行返去 瞓房 。
呼 ，噉 忽然間 一浸 陰風 吹過嚟 。
咦呀 ！只見 殺咗 嗰個 披麻掛孝 嘅 人 同埋 嗰 幾十 個 守門 嘅 軍士 ，個個 都 用 隻 手 挽住 自己 嘅 人頭 要 佢 賠命 啊 ，嘩 嚇死人 咯 。
諸葛恪 驚到 𢴈咗 喺 地 暈咗 ，好耐 好耐先至 蘇醒返 。
第二 朝早 佢 起身 洗面 ，咦 ？聞見 嗰啲 水 呀 ，一浸 血臭 滁 。
諸葛恪 就 鬧 啲 婢女 啦 ，乜 畀 啲 噉 嘅 水 嚟 佢 洗面 㗎 噉 。
點知 連氣 換咗 幾十盆 ，盆盆 水 都 一樣 咁 臭嘅 。
諸葛恪 正 喺度 驚疑緊 ，呢個 時候 ，天子 嘅 使者 到嘞 ，宣召 太傅 入 宮 赴宴 。
諸葛恪 即刻 換過 衣服 ，叫人 安排好 車 就 準備 去 咯喎 。
佢 啱啱 要 出門口 ，有 隻 黃狗 一口 就 及住 佢 件 衣服 ，嚶嚶嚶嚶嚶 噉 叫 就 好似 喊 噉 。
哈！ 隻 狗 都 嚟 戲弄 我 吓 ！
諸葛恪 叫 啲 侍從 趕走 隻 狗 ，就 坐 車 出 門口 嘞 。
行咗 幾步 遠 ，只見 一道 白虹 就 喺 車 嘅 前面 地下 升起 ，好似 一匹 白布 噉噃 ，沖天而去 ，諸葛恪 呀 又 驚 又 奇怪 啊 。
佢嘅 心腹 將官 張約 就 行到嚟 車前 便 ，細細聲 噉 對 佢 話 ：
主公 呀 ， 今日 喺 皇宮 裏 便 舉行宴會 ， 都 唔 知 係 好定 醜 嘅 噃， 主公 不如 唔 好 去 喇 。
嗯 ，回府 ！諸葛恪 就 吩咐 調頭 返 屋企 。
行咗 十零步 遠 ，孫峻 、滕胤 就 𡃈𡃈聲 騎住 馬 嚟到 架 車 前面 話 ：太傅 ，點解 返轉頭 啊 ？
誒 ，我 忽然間 覺得 肚痛 ，唔能夠 去 見 皇上 喇 。
滕胤 就 話 ：皇上 見到 太傅 征戰 返嚟 ，一直 都 未曾 見面 聚會 一下 。
故此 今日 特意 設宴 ，嚟 請 太傅 你 歡聚 一番 ，同時 要 商量 一下 國家 大事 。
太傅 雖然 貴體 欠安 ，仲係 應該 勉強 去 一趟 好啊 。
誒 ，噉 好啦 。諸葛恪 終歸 聽 佢 話 ，就 同埋 孫峻 、滕胤 入 宮 。
張約 亦都 跟埋 一齊 入 宮 ，梗係 啦 ，心腹 死黨 嚟 㗎 噃 。
噉入到 皇宮 ，諸葛恪 呀 拜見過 孫亮 ，就 入席 嘞 。
孫亮 叫 人 斟 酒 。
諸葛恪 個 心 就 思疑 嘞 ，就 推辭 話 ：
臣 有 病 ，唔敢 飲酒 啊 。
孫峻 話 喇 ：太傅 喺 屋企 經常 飲 藥酒 嘅 ，攞 啲 嚟 飲 呢 ，好唔好 啊 ？
誒 ，誒噉 好吖 ，好吖 。
於是 諸葛恪 就 叫 人 返 屋企 ，攞 啲 自製 藥酒 嚟 。
攞到嚟喇 ，噉 諸葛恪 就 放心 飲嘞 。
飲過 幾 巡 酒 ，孫亮 就 話 有啲 事 行開咗 先 。
孫峻 跟住 行 出 殿 外 ，除咗 長袍 ，只係 着住 一套 短打 ，裏 便 仲 着住 一件 連環甲 ，手 執 利刀 行返 上 殿 大聲 噉 話 ：
天子 有 詔 ，殺 逆賊 啊 ！
諸葛恪 嚇到 大驚失色 ，嘭聲 下 掉咗 隻 杯 落地 。
正話 想 掹 劍 出 嚟 迎敵 啊 ， 但 係 劍 未 掹 出 嚟 ， 佢 個人 頭 已經 落地 咯 。
嘩 ，張約 見到 孫峻 殺咗 諸葛恪 ，就 舞起 把 刀 衝上嚟 。
孫峻 急忙 閃開 ，刀尖 一劃 ，就 割傷 咗 佢 左手 嘅 手指 。
孫峻 轉身 一刀 就 斬中 張約 嘅 右手 。
呢個 時候 ，埋伏 嘅 武士 一齊 衝出嚟 ，斬低咗 張 約 ，你 一刀 佢 一刀 就 斬成 肉醬 。
孫峻一 便 就 派兵 去 捉 諸葛恪 嘅 家屬 ，一便 就 吩咐 人 將 諸葛恪 同 張約 嘅 屍體 啊 ，用 張席 嚟 包住 ，用 架 車仔 裝咗 就 運 到 去 城 南 門 外 石子崗 ，就 噉 掉咗 喺 啲 亂葬坑 裏 便 。
而家 講下 諸葛 恪 嘅 老婆 ， 呢 一日 ， 佢 喺 間 房 處 ， 心神恍惚 ， 坐 又 唔 安樂 企 又 唔 安樂 ， 總之 周身 唔 自然 。
突然間 有 個 婢女 入嚟 間 房 ，諸葛恪 老婆 一 聞 就 話 喇 ：點解 你 周身 一浸 血 滁㗎 吓 ？
喂呀 ，只見 嗰個 婢女 啊 ，坦起 雙眼 ，咬牙切齒 噼噼啪啪 咁 跳 ，成個人 飛起 喎 ，用 個 頭 呀 撞 條 屋樑 ，大聲 噉 嗌 ：
我係 諸葛恪 啊 ！畀 奸賊 孫峻 謀殺 啊 ！
哎呀 ！嚇到 諸葛恪 全家 老少 喊到 噁噁聲 。
過咗一陣 ，兵馬 嚟到喇 ，沊沊 𡃈 圍住 間 屋 ，就 將 諸葛恪 全家 老少 ，一齊 綁住 拉到 去 街市 殺晒 。
當時 就 乃係 東吳 建興 二年 ，即係 公元 二五三 年 啊 ，就係 孫權 死後 一年 嘅 事 。
以前 啊 ， 當 諸葛瑾 在 生 嘅 時候 呢 ， 佢 見到 個 仔 諸葛 恪 嘅 聰明 全部 外露 ， 就 曾經 好 感慨 噉 講過 ：
呢個仔呀 ，並非 保家之主 啊噉 。
仲有 ，魏國 嘅 光祿大夫 張緝 啊 ，就 曾經 同 司馬師 講過 話 ：
諸葛恪 就快 死㗎喇 。
噉啊司馬師 就 問 佢 點解 啦 。
張緝話喇 ：威震其主 ，能夠 過得 幾耐 吖 ？
呢嗱 ，完全 應晒 佢哋 嘅 說話 。
噉 孫峻 殺 咗 諸葛 恪 ， 孫亮 就 封孫峻 做 丞相 、 大將軍 、 富春侯 ， 掌握 全國 內外 嘅 軍隊 。
從此 東吳 嘅 軍政 大權 啊 ，就 全部 歸晒 孫峻 嘞 。
而家 講 下 姜維 啊 ，佢 喺 成都 接到 諸葛恪 嘅 來信 ，請求 幫助 去 討伐 魏國 。
佢 好 歡喜 ，就 上朝 稟奏 後主 就 得到 批准 喇 。
就喺 蜀漢 延熙 十六 年 ，即係 公元 二五三 年 ，秋天 ，點起 二十萬 大軍 ，任命 廖化 、張翼 ，分別 做 左右 先鋒 ，夏侯霸 做 參謀 ，張嶷 做 運糧 使 ，由 陽平關 出兵 去 討伐 魏國 。
呢一日 ，姜維 同 夏侯霸 商量 話 ：
以往 想 去 奪取 雍州 都 冇 成功 ，而家 如果 再 去 呢 ，佢哋 必定 有 準備 嘅 喇 。
夏侯將軍 有 何 高見 啊 ？
夏侯霸 話 ：隴上 咁多 個 郡 以 南安郡 嘅 錢糧 最多 。
若果 先 去 奪取 南安 ，就 可以 作為 基本 喇 。
同時 ，以往 所以 唔能夠 成功 ，皆因 羌兵 冇 嚟 。
呢次 就 應該 先 派 個 使者 ，去 同 羌兵 聯絡 好 ，然後 進兵 出 石營 ，由 董亭 直取 南安 ！
哦好極好極 ，夏侯將軍 講得 甚好啊 ！
於是 姜維 就 派 郤 正 做 使者 ， 帶住 金珠 寶貝 綢緞 去 羌 地 ， 同羌王 訂立 同盟 。
呢個 羌王 叫做 迷當 呀 ，佢 得咗 禮物 ，就 起兵 五萬 ，任命 俄何燒戈 將軍 做 大 先鋒 ，帶兵 去 南安 喇 。
南安郡城啊 ，就 喺 今日 甘肅省 隴西縣 東 。
噉啊 而家 講 魏國 左將軍 郭淮 ，佢 一 接到 蜀兵 進犯 嘅 消息 呢 ，立刻 就 飛奏 洛陽 。
司馬師 召集 全體 將領 嚟 商量 ，佢 問 ：
邊位 將軍 敢 去 迎 敵 蜀 兵 啊 ？
輔國 將軍 徐質 就 話 ：我 去 ！
司馬師 歷來 都 知道 徐質 英勇 過人 ，所以 個心 就 好 高興 。
立即 任命 徐質 做 先鋒 ， 任命 司馬昭 做大 都督 ， 率領 兵馬 就 向 隴西 進發 。
當佢哋嘅軍隊 去到 董亭 嘅 時候 ，就 遇着 姜維 喇 。
噉啊 雙方 都 各自 排開 陣勢 。
徐質 使 一把 開山大斧 出馬 挑戰 。
蜀軍 陣內 啊 ，由 廖化 出馬 迎戰 。
噉啊打咗幾個回合 ，廖化 頂唔住啊 就 拖住把刀 跑返轉頭 。
張翼 挺槍 縱馬 接住 上前 迎敵 。
打咗 冇 幾多 個 回合 又 打 輸 回陣 嘞 。
徐質 就 揮兵 掩殺 ，打到 蜀兵 大敗 退 後 三十幾里 。
噉司馬昭 呢 亦 都 下令 打鑼收兵 ，噉啊 各自 安營 啦 。
呢一仗 打敗咗 ，姜維 就 同 夏侯霸 商量 話 ：
徐質 咁 勇猛 ，用 咩嘢 計策 嚟 捉 佢 好 呢 ？
姜將軍 ，我哋 聽日 詐敗 啦 ，用 伏兵 嚟 贏 佢 。
噉唔得嘅唔得嘅 。
司馬昭 係 司馬懿 嘅 仔 ，佢 點會 唔識 兵法 嘅 呢 ？
佢 一見到 地勢 複雜 ，必定 唔肯 追 嘅 。
以前 魏兵 屢次 切斷 我哋 嘅 運糧 道路 ，嗯 而家 ，我 就 用 呢一條 計 嚟 引 佢 ，實 可以 斬咗 徐質 嘅 。
於是 姜維 就 叫 廖化 嚟 ，吩咐 佢 如此 如此 。
又叫 張翼 嚟 ，吩咐 佢 這般 這般 。
噉 兩個人 就 遵照 命令 帶兵 去咗 喇 。
然後呢 ，姜維 又 命令 啲 軍士 喺 路 上 撒落 啲 鐵蒺藜 ，喺 營寨 外 便 佈 多 啲 鹿角 等等 嘅 障礙物 ，作出 一種 長期 固守 嘅 樣子 。
徐質 就 連 氣 幾日 都 帶 兵 去 挑戰 嘞 ，蜀軍 呢 就 硬係 唔 出嚟 迎敵 。
呢一日 ，探馬 嚟 報告 司馬昭 話 ：
啟稟 都督 ，蜀兵 喺 鐵籠山 後 便 ，用 木牛流馬 搬運 糧草 ，作 長期 打算 等待 羌兵 嚟 接應 。
知道喇 ，再探 ！
得令 ！
跟住 司馬昭 叫 徐質 嚟 ，對 佢 話 ：
以前 ，我哋 之所以 打贏 蜀兵 ，皆因 係 切斷 佢哋 嘅 運糧 道路 吖 。
而家 ，蜀兵 喺 鐵籠山 後 便 運 糧 。
你 今晚 帶 五千 人馬 ，去 切斷 佢哋 嘅 糧道 ，噉樣 蜀兵 自自然然 就 要 撤退 喇 。
謹遵 都督 將令 ！
徐質 接受咗 命令 ，喺 當晚 嘅 初更 時分 ，帶住 人馬 就 去 鐵籠山 嘞噃 。
吖一 去到 ，果然 見到 有 二百幾個 蜀兵 ，趕住 百幾隻 木牛流馬 ，裝住 糧草 喺度 行緊 喎 。
魏兵 一聲 吶喊 衝 啊噉 ，徐質 就 當先 攔住 蜀兵 。
蜀兵 掉低晒 啲 糧草 就 走 。
徐質 就 分出 一半 兵 押運 繳獲 返嚟 嘅 糧草 返去 營寨 。
自己 就 帶住 一半 兵 去 追 ，追追下 追咗 唔到 十里 ，見到 前便 有 好多 車輛 擔擔 ，橫 兵馬 𠾴噉 攔住 條 路 。
徐質 就 命令 啲 兵士 落馬 去 搬開 啲 嘢 啦 。
突然間 ，只見 兩便 含聲 下 燒着 火 嚟 。
咦唔妥 ，徐質 急忙 勒馬 跑返轉頭 。
誰知 跑到 後面 條 路 窄 嗰處 ，又 係 有 啲 車 塞住 條 路 嘅 ，而且 啊 燒 到 㷫㷫 含含 添 死咯死咯 。
徐質佢哋 冒煙 突火 ，猛鞭隻馬 ，搏命噉 衝出去 。
走咗冇幾遠 ，轟噉一聲炮響 ，左有廖化 右有張翼 兩路兵馬 殺過嚟 ，噉啊 大殺一場 就打到 魏兵 大敗啊 。
徐質 舞起 把 開山大斧 ，亂斬亂劈 ，單人匹馬 就 突圍 趯走咗 。
呢個 時候 呀 ，確係 人 又 攰 時 馬 亦 腳 軟 嘞 。
行行下 ，前便 又 遇着 一支 兵馬 殺到 ，當頭 一員 大將 乃係 姜維 啊 嚇到 徐質 慌晒 。
姜維 一槍 㨃過去 將 佢 隻 戰馬 刺倒咗 ，徐質 噼啪 一聲 𢴈咗 落地 ，就 畀 啲 軍士 衝上嚟 亂刀 斬死 。
噉啊至於 徐質 先頭 分出 嗰 一半 押糧兵 呢 ，亦都 畀 夏侯霸 俘虜 晒 。
俘虜 到 呢班 魏兵 啊 啱晒 何車 咯 。
夏侯霸 將 啲 魏兵 嘅 衣服 袍甲 就 畀 啲 蜀兵 着住 ，打起 魏兵 旗號 ，騎住 魏兵 嘅 馬匹 ，由 小路 跑 返到 魏軍 營寨 。
魏軍 見到 本部 兵馬 返嚟 唄 ，就 打開 寨門 放 佢哋 入 咯 喎 ，蜀兵 呀 就 喺 營寨 裏 便 大殺 起嚟 。
喂呀不得了 ！司馬昭 慌忙 上馬 逃命 ，點知 畀 廖化 喺 前面 截住 。
噉司馬昭 想 向前 跑 唔得 ，就唯有 向後 退 啦 。
哈！ 弊弊弊喇 姜維 已經 帶兵 由 小路 殺到 嘞 。
司馬昭 見 四面 都 被 包圍 ，冇 路 好 趯 喇 只有 將 人馬 帶 咗 上去 鐵籠山 據 險 死守 係 啦 。
原來 鐵籠山 呢 就 只有 一條 路 上得去 嘅 啫 ，其餘 四邊 四便 啊 都 係 懸崖 峭壁 ，極其 險峻 就 冇法子 上 嘅 。
山上 只有 一個 泉水 ， 僅僅 係 夠 一百 人 飲 嘅 啫 。
之而家呢 ，司馬昭 手下 有 成 六千 人 咁多 ，就 畀 姜維 喺 山下 封死 個 路口 。
冇錯啊 ，確係 要 攻上嚟 就 唔 容易啊 ，之要 落返去 亦 難喎 。
山上 嘅 泉水 唔夠 飲 啊 ，人馬 都 頸 渴 到 極 真係 唇 乾 嘴 裂 啊 。
司馬昭啊仰天長歎話 ：唉 ，我 死 喺 呢處 㗎喇 。
正在束手待斃嘅時候 ，主簿 王韜 突然 諗起 一件 前人 嘅 事 ，就 提醒 司馬昭 話 喇 ：
將軍啊 ，往日呀 ，耿恭 被困 ，去 拜個井 ，竟然 得到 甘泉啊 。
誒 ，將軍 ，你 點解 唔 學下 佢 呢 ？
係 ，我 去 ，我 去 ！
司馬昭 聽 佢 話 ，就 行 上 山頂 嘅 泉水 旁邊 ，恭恭敬敬 跪低 叩 幾個 頭 ，佢 禱告 話 ：
我 ，司馬昭 ，奉詔 要嚟 打退 蜀兵 。
若果 我司馬昭 註定 要 死嘅 ，就 等 啲 泉水 枯竭 ，我 立刻 割頸 自殺 ，命令 部下 軍士 投降 。
如果 ， 如果 我 嘅 壽命 未 完 ， 希望 蒼天 ， 早賜 甘泉 ， 救眾 人 性命 啊 ！
司馬昭 一 禱告 完唧 ， 嘿好彩 啊 好彩 啊 ， 睇 住 啲 泉水 㗾㗾 聲 噉 湧出 嚟 ， 用極 都 用 唔 完 嘅 。
因此 司馬昭 嘅 人馬 呢 就 唔使 死 嘞 。
噉 姜維 喺 山下 困住 魏兵 ，佢 對 嗰班 將官 話 ：往日 丞相 喺 上方谷 ，捉唔到 司馬懿 真係 遺憾 啊 ！
呢次 ，司馬昭 必定 畀 我 捉住 㗎喇 ！
而家 講下 郭淮 ，佢 聽聞 司馬昭 喺 鐵籠山 被困 ，就 想 出兵 去 救 。
陳泰 就 建議 話 ：姜維 聯合 羌兵 ，係 想 首先 奪取 南安 。
而家 羌兵 已經 嚟到 嘞 ，將軍 若果 撤兵 去 救 鐵籠山 ，羌兵 就 一定 會 乘虛 襲擊 我軍 嘅 背後 嘅 。
不如 先 派 人 去 羌兵處 詐降 ，喺 佢 內部 攻破 佢 ，等 打退咗 羌兵 ，然後 去 同 鐵籠山 解圍 就着 喇 。
冇錯啊 ，你 講得 啱 ！
郭淮 聽 佢 嘅 ，就 命令 陳泰 去 詐降 。
陳泰 率領 五千 兵 ，直到 羌王 嘅 營寨 。
除低晒盔甲 入到去 中軍帳 ，流住眼淚 叩頭 行禮 拜見 羌王 迷當 。
佢 話 ：啟稟 大王 ，因為 郭淮 此人 妄自尊大 ，時常 都 想 殺 我 ，故此 我 就嚟 投降 。
郭淮 軍隊 裏頭 嘅 虛實 ，我 知道 得 一清二楚 。
今晚 ，只要 帶 一支 軍隊 去 劫寨 就 可以 成功 㗎喇 。
如果 大王 嘅 兵馬 一 到 魏營 ，自然 會 有 內應 㗎 。
迷當 就 高興 到極 ， 就 命令 俄 何燒戈 同陳泰去 劫 魏 軍營 寨 。
俄何燒戈呢 ，佢 就 將 陳泰 帶嚟 嘅 降兵 就 擺 喺 後便 ，叫 陳泰 率領 羌兵 喺 前便 打頭陣 喎 。
呢 佢 有 佢 嘅 諗 法 ， 以為 噉 嘅 部署 最 妥當 嘞 。
當晚 二更 時分 ，嚟到 魏軍 營寨 喇 。
只見 大門 打開 冇 攔 冇 阻 ，陳泰 騎住 馬 首先 衝咗 入 寨 。
俄何 燒 戈 驟 馬 挺 槍 亦 跟住 衝 入去 咯 喎 。
哎呀弊喇 ！就係噉嗌得一聲 ，佢 連人帶馬 噉 沙噉 啊 跌咗 落去 陷坑 。
呢勻 就 輪 都 輪到 陳泰 嘅 兵 喺 後便 殺過嚟 喇 。
噉 啊 仲有 郭 淮 嘅 兵馬 喺 左 便 殺 嚟 噃， 噉 啊 當堂 打到 羌兵 大亂 ， 自 相 踐踏 ， 死 咗 無數 咁 多 。
嗰啲 好彩 執返 條命 嘅 呢 ，就 全部 投降 嘞 。
俄何 燒戈 自殺 死咗 。
跟住 郭淮 、陳泰 帶 兵 直 殺 去 羌人 嘅 營寨 。
迷當大王 急忙 上馬 想逃跑 嘅 時候 啊 ，就 畀 魏兵 一湧 上去 ，七手八腳 就 將 佢 捉咗 生公 ，押 佢 去 見 郭淮 。
郭淮 一見到 ，連忙 落馬 ，親自 同佢 解開 啲 繩 ，好言好語 噉 安慰 佢 話 ：
朝廷 一向 都 認為 大王 係 個 忠義之人 啊 ，呢次 點解 要 幫助 蜀兵 作亂 啊 ？
係 ，小王 知罪 ！
噉啦 ，大王 你 率領 兵馬 ，作為 前鋒 去 解 鐵籠山 之 圍 。
打退蜀兵之後 ，我 奏准 天子 ，一定 有 豐厚 嘅 賞賜 嘅 。
遵命 ！迷 當 應承 嘞 ，就 率領 羌兵 打 前鋒 ，魏兵 在 後 ，直奔 鐵籠山 。
去到 嘅 時候 ，係 半夜 三更 。
迷當大王啊 派人 先 去 報告 姜維 知 。
姜維 好 歡喜 啦 ，即刻 請 佢 入嚟 見面 噉 。
啲 魏兵 呢 ，大多數 都 係 混雜 喺 啲 羌人 部隊 裏 便 嘅 。
當行到 蜀軍 營寨 前 便 嘅時候 ，姜維 命令 佢哋 就 喺 寨外 駐扎 。
迷當大王啊帶住百幾人直到中軍帳 。
姜維 、夏侯霸 出嚟 迎接 咯 喎 。
嗰啲 魏軍 呢 都 未 等 迷當 開聲 唧 ，就 喺 背後 逳手 殺 起嚟 嘞 ，嘩 ！姜維 大吃一驚 啊 ，急忙 上馬 走人 。
呢個 時候 羌兵 、魏兵 一齊 殺入嚟 ，殺到 蜀兵 四分五裂 各自 逃生 。
當時 因為 事變 嚟得 太過 突然啊 ，姜維 手上 連 兵器 都 冇 ，只係 腰間 掛住 一副 弓箭 。
而且 逃跑 嘅 時候 慌慌忙忙 ，啲 箭 都 跌晒 嘞 ，剩返 個 空 嘅 箭壺 哎 真係 狼狽 咯 。
究竟 姜維 嘅 性命 如何 啊 ，且 聽 下回 分解 。
