話說 司馬懿 執返 條命 ，逃跑 返去 營寨 就 收拾 殘兵 敗將 ，個心 呀 又 嬲 又 翳 啊 。
呢一日 ，洛陽 嘅 使者 帶咗 曹睿 嘅 聖旨 嚟到 。
話 東吳 三路 入侵 ，朝廷 上 正在 商量 派人 去 抵敵 。
故此 命令 司馬懿 等等 呢 就 務必要 堅守 唔好 出戰 。
司馬懿 接咗 聖旨 ，就 立即 下令 加強 防禦工事 ，堅守 不出 。
好喇 講到 呢處 啊 ，趁住 告 一個 段落 呢 ，就 抽空 講 一講 孔明 嗰啲 木牛流馬 。
有啲 聽眾 會 問 喇嘩嗨 ，乜 孔明 嗰啲 木牛流馬 咁 犀利 㗎 係 唔係 真 㗎 ？
係真 ，不過 呢 就 唔係 咁 神奇 。
呢根據 明朝 有 本書 叫做 《事物紀原》 啊 ，裏頭 就 有 關於 木牛流馬 嘅 記載 。
嗰本書 話啊 ，木牛 呢 ，就 即係 明朝 當時 嘅 一種 車 。
細細 架 嘅 ， 附有 一對 長 木頭 就要 嚟 拉車 嘅 。
噉流馬呢 ，即係 當時 一個人 推住 行嘅 就 民間 叫做 江州 車子 。
呢照 我 諗 呢 ，木牛 啊 就 類似 而家 我哋 嗰啲 豬籠車 咁上下 ，流馬 就係 山區 常見 嘅 雞公車 喇 一個 輪 嘅 。
好喇噉啊 閒話 休提 言歸正傳 啊 。
而家 講下 曹睿 佢 聽聞 孫權 兵分 三路 ，大舉 入侵 。
噉 亦 都 起兵 三路 去 迎敵 ，邊 三路 呢 ？
就係 劉劭 ，帶兵 去 救 江夏 ；
田豫 帶 兵 去 救 襄陽 ；
曹睿 自己 就 同 滿寵 ，率領 大軍 去 救 合肥 。
噉 三路 魏軍 啊 ，而家 單單 講 曹睿 同 滿寵 去 救 合肥 呢 一路 。
滿寵 先行 ，佢 帶 一支 軍隊 去到 巢湖口 ，望見 東岸 啊 無數 咁多 戰船 ，旗幟 招展 十分 齊整 。
滿寵 諗到 個 主意 嘞 ，就 去 稟奏 曹睿 話 ：
陛下 ，吳兵 必定 會 因為 我軍 喺 咁 遠 嚟到 就 睇輕 我軍 ，不作 戒備 嘅 。
今晚 我哋 若果 乘虛劫佢 水寨 ，實 可以 大獲全勝 㗎 。
講得啱 ，你嘅 說話 合晒 朕 嘅 意思 。
曹睿 立即 命令 猛將 張球 ，帶領 五千 兵 ，每人 都 帶住 放火 嘅 材料 用具 ，由 湖口 進攻 ；滿寵 啊 帶領 五千 兵 由 東岸 進攻 。
當晚 二更 時分 ，張球 、滿寵 就 各自 率領 人馬 ，靜悄悄 噉 向住 湖口 進發 。
到咗距離水寨冇幾遠喇 ，吳兵仲 毫不知覺 噃 。
噉 魏兵 一齊 大聲 吶喊 向住 水寨 衝殺 入去 。
啲 吳兵 啊 就 好似 倒瀉 籮蟹 就 慌亂 到 極 ，唔 打 就 趯佬 喇 。
畀啲 魏兵 四圍 咁 放火 ，燒毀 嘅 戰船 、糧草 、器具 不計其數 。
巢湖 啊 係 東吳 邊 個人 守 呢 ？ 係 諸葛謹 。
呢一晚 佢 畀 魏軍 劫營 打到 一敗塗地 ，帶住 啲 殘兵 逃走 返去 沔口 。
到咗第日 ，東吳 嘅 偵察人員 ，探聽到 情況 就 飛馬 去 報告 陸遜 。
陸遜 就 召集 眾 將官 嚟 商量 計策 。
佢 話 ：我要 寫 份 表章 稟奏 主上 ，請求 撤走 圍困 新城 嘅 軍隊 ，然後 用兵 嚟 切斷 魏軍 嘅 歸路 ；我 帶兵 進攻 佢 前便 。
噉樣 魏軍 頭尾 不能 照應 ，一打 就 垮喇 。
眾將官 都 好 同意 陸遜 呢個 計策 。
於是 陸遜 就 立即 寫好 一份 表章 ，派咗 個 軍士 秘密 噉 送去 新城 。
哈好衰唔衰 ，個 軍士 行到 去 渡口 就 畀 巡路 嘅 魏軍 捉住 ，押咗 佢 去 見 魏主 曹睿 。
曹睿 叫 人 搜 佢 身 ，搜出 陸遜 嘅 表章 。
曹睿 睇咗 ，哎呀 好彩 啊 ！
佢 不禁 讚 咗 一句 啊 ： 啊 ！ 東吳 陸遜 ， 確係 諗 得絕 啊 ！
曹睿 就 叫 人 將 個 軍士 監禁 起嚟 。
命令 劉劭 啊 ，認真 提防 孫權 喺 後便 嘅 兵馬 兜篤 將軍 。
而家 再 講下 諸葛瑾 ，佢 大敗咗 一場 。
當時 正係 大暑天 時啊 ，人馬 好多 都 得咗病 。
就 寫咗 封信 ，派人 送去 畀 陸遜 ，建議 撤兵 回國 。
陸遜 睇完 信 ，就 對 送信人 講喇 ：你 返去 回覆 將軍 ，我 自有 主意 喇 。
噉個 使者 返到去 就 照 講畀 諸葛瑾 聽 。
諸葛瑾 又 問 ：陸將軍 做緊 啲 咩嘢事 啊 ？
去到嘅時候 ，見到 陸將軍 催促 啲 兵士 喺 營外 種豆 ，陸將軍 同 各位 將官 喺 轅門 鬥 射箭 啊 。
咩嘢話 ？諸葛瑾 嚇咗 一跳 ，幾乎 唔信 自己 隻耳仔 嘞 。
就親自去到陸遜兵營搵陸遜 ，見到面 ，諸葛瑾就問 ：
而家 曹睿 親自 帶兵 嚟到 ，兵勢 甚盛 啊 。
都督 你 準備 點樣 同佢 對敵 呢 ？
陸遜 就 話 ：前 嗰排 ，我 派 人 送 份 表章 去 畀 主上 ，點知道 畀 敵人 截獲 咗 。
計謀 既然 洩露 出去 嘞 ，敵人 必定 會 有所 準備 。
所以 繼續 打落去 冇 好處 ，不如 暫時 撤退 先 。
我 已經 派人 送咗 表章 畀 主上 ，約 主上 慢慢 噉 一步步 退兵 㗎喇 。
都督 既然 有意 撤退 ，就 應該 盡快 撤退 至 係㗎 ，點解 仲要 拖延 呢 ？
我軍 要 撤退 ，就 應當 一步一步 嚟 。
如果 一下 就 退走 ，魏軍 必定 趁勢 嚟 追 ，噉樣 撤退 ，實會 招致 失敗 。
足下 應該 出動 戰船 ， 作出 向 敵兵 進攻 嘅 樣子 。
我 呢處 呢 ，亦 會 出動 全部 人馬 ，向住 襄陽 進發 ，作為 疑兵 之計 ，然後 先至 一步步 退返 去 江東 。
噉樣 一嚟 ，魏兵 就 唔敢 追 。
諸葛瑾 就 辭別 咗 陸遜 返到 本寨 ，按照 陸遜嘅 計策 ，整頓 戰船 準備 起行 。
陸遜 呢 ，亦 出動 大軍 ，虛張聲勢 向 襄陽 進發 。
噉呢啲情形啊 ，魏軍 嘅 間諜 一 探聽到 就 去 報告 畀 曹睿 聽 。
話 吳兵 已經 行動 喇 ，要 提防 佢哋 啊噉 。
魏軍 嘅 將領 啊 人人 都 話 要 出戰 。
曹睿 呢個人 就 唔係 草包 啊 ，佢 一向 都 了解 陸遜 係 個 好 有 本事 嘅 人 。
所以 佢 命令 大家 話 喇 ：陸遜 好多 計謀 㗎 ，呢次 莫非 佢 係 想 誘敵 ？嗯 ，我哋 唔好 隨便 逳 。
既然 主上 係 噉 講嘞 ，眾 將官 就 唔 逳 係 啦 。
過咗 幾日 之後 ，探馬 嚟 報告 話 ：東吳 三路 兵馬 都 撤退 咗 嘞 。
撤退咗 ？再探 ！
得令 ！
哈再去探聽返嚟話 ，果然 全部 撤退 咗 喇 。
曹睿 就 話 喇 ：嘿呀 ！陸遜 用兵 真係 不亞於 孫臏 、吳起 啊 。
噉樣 東南 一帶 ，都 未 平定 得住 㗎 。
因此呢 ，曹睿 就 命令 眾 將官 ，各 守 險要 ，自己 帶領 大隊 人馬 駐扎 喺 合肥 ，等待 時機 。
而家 講返 孔明 ，佢 喺 祁山 ，為咗 能夠 長久 駐扎 喺 處 ，就 下令 全體 兵士 ，同 當地 魏國 嘅 百姓 一齊 耕田 。
軍隊 一份 ，百姓 兩份 ，唔准 侵犯 當地 百姓 嘅 利益 。
故此 魏國 嘅 百姓 呢 人人 都 安心 ，耕種 都 好 落力 。
有一日 ，司馬師 對 佢 父親 司馬懿 話喇 ：
父親 ，蜀兵 劫咗 我軍 咁多 糧食 。
而家 孔明 又 叫 啲 蜀兵 同 我國 嘅 民眾 住埋 一齊 ，喺 渭水 河岸 一帶 耕種 。
好似噉樣 確實 係 國家 嘅 大患 啊 。
父親 點解 唔同 孔明 約 一個 日期 ，大戰 一場 分 個 勝負 高低 呢 ？
我 奉旨 堅守 ，不可 輕動 啊 。
兩 父子 正 喺度 商量 緊 ，衛兵 嚟到 報告 話 ：
魏延攞住元帥前嗰排失咗嘅金頭盔 ，前嚟罵戰啊噉 。
嘩蝦 到 上門 噃 。
眾將官 都 嬲 到 不得了 ，個個 都 話 要 出去 打過 。
司馬懿 話 喇 ：哈哈哈哈哈哈哈哈哈 ，聖人 講過 ，小 不忍 則 亂 大 謀 。總之 係 堅守 為上 啊 ！
噉 大家 就 聽從 命令 唔 出戰 。
魏延 喺 外 便 罵 戰 好耐 先至 收兵 返 扯 ，唔 出嚟 打 冇 符 ！
孔明 諗計 喇 ，得 ，有嘞 ！
佢 叫咗 馬岱 嚟 ，交帶 佢 一個 秘密 命令 ，叫 佢 帶兵 搭 啲 木柵欄 ，喺 營寨 裏 便 呢 就 掘 啲 深深 嘅 壕塹 ，準備 大量 柴草 等等 引火 嘅 材料 。
同時 喺 周圍 啲 山 上 ，用 樹木 、乾草 搭咗 好多 草棚 ，內內外外 都 埋晒 地雷 。
馬岱 搞掂晒 喇 。
呢一日 ，孔明 就 細細聲 囑咐 佢 話 ：
你 去 將 葫蘆谷 嘅 後路 塞斷 ，喺 山谷 裏 便 ，埋伏 好 人馬 。
若然 司馬懿 追到嚟 呢 ，就 任 佢 入谷 ，佢 一 入到去 ，就 放火 將 地雷 、乾柴 一齊 燒着 佢 啦 。
又 命令 啲 軍士 啊 ，日頭 ，就 喺 谷口 舉起 七星號 帶 ，晚上 就 喺 山上 掛起 七盞 燈 作為 暗號 。
馬岱 接受 咗 命令 就 帶兵 去 嘞 。
孔明 又 叫 魏延 嚟 吩咐 佢 話 ：
你 帶 五百 兵 去 魏軍 營寨 挑戰 ，務必要 引到 司馬懿 出嚟 。
打嘅時候 唔好 贏 ，吓 ，要 詐輸 。
司馬懿 嚟 追 嘅 時候 呢 ，你 就 向住 有 七星旗 嘅 地方 走 。
若果 喺 夜晚 呢 ，就 向住 有 七盞 燈 嘅 地方 走啦 。
只要 你 引到 司馬懿 入 葫蘆谷 裏 便 ，我 自然 有計 捉 佢 㗎喇 。
魏延 接受 咗 命令 就 帶兵 去 。
跟住 ，孔明 又 叫 高翔 嚟 吩咐 佢 話 ：
你 去 帶 住 啲 木牛流馬 ， 三 二十隻 為 一群 亦 好 ， 四五十隻 為 一群 亦 好 ， 裝住 糧食 ， 喺 啲 山路 行 。
如果 畀 魏兵 搶咗去 呢 ，就係 算 你 嘅 功勞 。
高翔 接受 咗 命令 ，就 去 趕 木牛流馬 嘞 。
孔明 就 將 祁山 嘅 蜀兵 一隊 一隊 噉 調出去 ，藉口 話 係 分散 駐扎 去 耕田 。
孔明 就 吩咐 話 ：如果 係 第啲 魏兵 嚟 打 ，就 只 准 詐敗 。
若果 司馬懿 親自 嚟 呢 ，就 出力 去 攻打 渭南 ，切斷 佢 嘅 歸路 。
孔明 部署 好晒 ，自己 就 帶 一支 軍隊 ，去 上方谷 附近 安營 嘞 。
而家 講 夏侯惠 同 夏侯和 兩 兄弟 啊 ，佢 又 被 任命 做 行軍司馬 㗎 。
呢一日 ，佢哋 去 見 司馬懿 提出 建議 話 ：
稟告 都督 ，目前 蜀兵 分散 安營扎寨 ，到處 咁去 耕種 ，睇嚟 ，係 要 作 長久 打算 嘅 。
若果唔趁呢個時候消滅佢 ，等到佢哋安安穩穩住定落嚟嘞 ，根深蒂固嘞 ，嗰陣就難以動搖嘅嘞喎 。
嗯 ，呢啲 必定 又 係 孔明 嘅 計謀 嚟 啊 。
都督大人 ，你 如果 咁多疑慮嘅 ，敵人 幾時 先至 可以 消滅 呢 ？
我 兩 兄弟 願意 奮力 決 一 死戰 ，嚟 報答 國恩 啊 。
既然 係 噉 ， 你 兩個 就 分頭 出戰 啦 。
司馬懿 同意 嘞 ，就 命令 佢 兩個 各 帶 五千 兵 去 。
夏侯惠 、夏侯和 就 兵分 兩路 出發 。
行行下 ，忽然 遇見 一隊 蜀兵 ，趕緊 啲 木牛流馬 嚟緊 喎 ，哼哼 啱晒 喇 。
兩個人 就 揮軍 衝殺 過去 。
蜀兵 大敗 逃走 ，啲 木牛流馬 呢 ，冚𠾴唥 畀 魏軍 繳獲 ，押晒 返去 司馬懿 嘅 大本營 。
初戰得勝 ，夏侯惠 、夏侯和 嗰種 高興法 就 唔使 講 㗎 啦 。
好食又返尋味唧 ，第日 夏侯惠 、夏侯和 又 試 去過 ，哈 又 俘虜 咗 百幾名 蜀兵 ，亦 押 咗 返 去 大本營 。
司馬懿 審問 啲 蜀兵 。
蜀兵 就 話 喇 ：孔明 以為 都督 啊 ，就係 一味 堅守 ，唔會 出戰 嘅 ，所以 就 命令 我哋 四處 咁 分散 去 耕種 ，作 長遠 打算 ，誒 誰知 畀 你哋 捉住 嘞 。
司馬懿 審問 咗 蜀兵 一輪 ，就 吩咐 冚𠾴唥 放 佢哋 返 扯 。
夏侯和 問 喇 ：都督 點解 唔 殺咗 佢哋 呢 ？
區區 一班 小卒 ，殺咗 又 冇 好處 嘅 。
不如 放佢哋 返扯 ，等 佢哋 返到去 ，見人 就 講 我哋 魏軍 仁慈 寬厚 ，使 佢哋 唔想 打仗 。
呢個呀 ，就係 當日 呂蒙 取 荊州 之計 喇 。
跟住 司馬懿 傳令 落去 ，但凡 今後 捉到 蜀兵 嘅 ，一律 妥善 遣送 返 扯 ，不加 殺害 。
而俘虜蜀兵 有功 嘅 人員 啊 照樣 給予 重賞 。
而家 講返 孔明 ， 佢 命令 高翔 詐作 運糧 ， 就 趕住 一隊 隊 嘅 木牛流馬 ， 喺 上方 谷外 就 來來往往 。
而 夏侯惠 兩 兄弟 呢 ，就 不時 咁 帶兵 嚟 截殺 ，喺 半個月 之內 就 連 贏 幾場 。
噉 就 唔 止 夏侯惠 兩 兄弟 高興 喇 。
司馬懿 見到 蜀兵 連氣 打敗仗 個 心 都 極之 歡喜 啊 。
有 一日 ，又 捉到 幾十個 蜀兵 。
司馬懿 問 佢哋 嘞 ：孔明 而家 喺 邊處 嚟 啊 ？
諸葛丞相 唔 喺 祁山 嘞 ，佢 去咗 上方谷 西 便 十里 安營 ，誒 就 住喺 嗰度 。
而家 日日 都 運 糧食 ，誒 擠 喺 上方谷 㗎 。
司馬懿 問 清楚啲 詳細 情形 ，又 將 呢啲 蜀兵 放咗 。
跟住 佢 召集 眾 將官 嚟 吩咐 話 嘞 ：孔明 而家 唔 喺 祁山 ，去咗 上方谷 安營 。
聽日 ，你哋 一齊 出動 ，合力 去 攻佔 祁山 營寨 。
我 會 帶 兵 嚟 接應 嘅 。
得令 ！眾將官 紛紛 去 準備 嘞 。
司馬師 問 ： 父親 點解 去 攻 佢 嘅 後方 呢 ？
祁山 乃係 蜀軍 嘅 根本 啊 ，若果 見到 我軍 去 攻 佢 ，各個 營 呀 實 要 嚟 救 嘅 。
而我呢 ，就 直取 上方谷 ，燒佢啲糧草 ，使 佢 頭尾 不能 接應 ，噉 蜀兵 就 必定 大敗 嘅喇 。
係 ， 父親 真 係 英明 ！ 司馬師 服 晒 佢 老豆 呀 。
司馬懿 部署 好嘞 ，就 點兵 出發 ，命令 張虎 、樂綝 各 帶 五千 兵 喺 後 便 接應 。
而家 講下 孔明 ，佢 喺 山上 便 清清楚楚 噉 望見 魏軍 ，三五千人 一隊 ，或者 一二千人 一隊 ，紛紛 咁 出動 。
孔明 估計 佢哋 實係 想嚟 奪取 祁山 營寨 嘅 喇 ，就 發佈 秘密 命令 ，要 眾 將官 一見到 司馬懿 親自 帶兵 嚟 ，就 立即 去 劫 魏軍 營寨 ，一舉 奪取 渭南 噉 。
好喇 ，噉 啊 而家 講 啲 魏兵 㗾㗾聲 噉 向住 祁山 營寨 進攻 啦 。
噉啊 各處 嘅 蜀兵 就 好似 紛紛 跑嚟 救助 噉樣 喎 。
司馬懿 見到 蜀兵 都 去 救 祁山 營寨 以為 得法 喇 ，就 帶住 兩個 仔 ，率領 中軍 護衛 兵馬 ，殺奔 上方谷 而去 嘞 。
魏延 呀 一直 都 喺 谷口 ，日盼 夜盼 啊 就係 盼 司馬懿 嚟 。
今日 忽然 見到 有 一支 魏軍 殺到 ，魏延 縱馬 上前 睇清楚 啲 ，呵呵 如假包換 正係 司馬懿 。
魏延 大喝 一聲 ：司馬懿 你咪走 ，我 等 你 好耐 喇 ！
講完 就 舞起 大刀 ， 對住 司馬懿 兜頭 就 斬 ， 司馬懿 挺槍 嚟 迎戰 。
打咗唔到 三個 回合 ，魏延 虛晃 一刀 撥馬 就 走 。
司馬懿 呀 跟住 尾 追過去 。
魏延 呢 ，一味 就 向住 七星旗 嗰處 走 。
司馬懿 睇見 魏延 只係 得 一個 人 ，兵馬 又 少 ，哼 ！你 更叻 都 唔使 怕 你 ，就 放心 追 佢 。
噉啊叫 司馬師 在 左 ，司馬昭 在 右 ，司馬懿 自己 居中 一齊 攻殺 過去 。
魏延 見 司馬懿 嚟 追 唄 ，帶住 五百 兵 退 晒 入去 山谷 裏 便 。
司馬懿 追 到 谷口 ， 好 穩陣 啊 佢 ， 唔 入住 ， 首先 就 派 人入 去 探聽 下先 。
探過 返嚟 回報 話 山谷 裏 便 並 冇 發現 伏兵 ，山上 有 好多 草棚 噉 。
司馬懿 話 喇 ：冇錯喇 ，呢度 實係 孔明 儲備 糧食 嘅 地方 。
就 立即 指揮 全部 人馬 進入 山谷 。
司馬懿 仲係 好 警覺 嘅 ，佢 忽然 一眼 擸到 山上 嘅 草棚 啊 ，都 唔係 裝 糧食 ，係 裝住 啲 乾柴 。
前面 魏延 已經 唔見 蹤影 嘞 ，佢 疑心 喇 ，對 兩個 仔 話 ：嗯 ，如果 有 兵 截斷 谷口 如之奈何 啊 ？
話口未完 ，只 聽見 喎嗬噉 吶喊聲 ，山上面 一齊 掉 啲 火把 落嚟 將 谷口 燒 斷 咗 ，魏兵 冇 路 趯 喇 。
跟住 山上 又 射 火箭 落嚟 喎 轟轟聲 點着 啲 地雷 ，草棚 裏 便 啲 乾柴 霎時間 燒起晒 ，力力喇喇 大火 沖天 。
驚到 司馬懿 呀 手揗腳震 ，落馬 攬住 兩個 仔 大聲 咁 喊 啊 ：吖啊 ，我 父子 三人 ，今日 都 死 喺 呢處 咯 。
正喺度 喊緊 等死 ，突然間 呼呼 ，狂風大作 ，滿天 黑氣 ，啪啦 ，轟噉 一個 霹靂 ，啪啪聲 落起 傾盆 大雨 。
一下間唧 ，將 滿山滿谷 嘅 大火 啊 全部 淋熄晒 ，地雷 又 唔 響 嘞 ，火器 冇 晒 用 嘞 。
司馬懿 歡喜 到 癲 啊 ，仲唔 趁 而家 殺出去 更 待 何時 啊 ！立即 帶 兵 奮力 衝殺 。
張虎 、樂綝 亦都 各自 帶兵 殺嚟 接應 。
馬岱 因為 兵 少 ，唔敢 追 。
終歸 畀 司馬懿 父子 同埋 張虎 、樂綝 合埋 一齊 ，衝咗 出去 山谷 ，趯返 到 渭南 嘅 營寨 。
噉啊 誰知 呢陣時 呢 ，佢哋 嘅 營寨 已經 畀 蜀兵 攻佔咗 。
郭淮 同 孫禮 啊 正 喺 浮橋 上 便 同 蜀兵 搏命 打緊 。
當 司馬懿 佢哋 帶兵 殺到 嘅 時候 呢 ，蜀兵 呀 退走 。
司馬懿 立即 下令 燒斷 浮橋 ，就 據守 北岸 。
而家 講返 當日 去 攻打 祁山 蜀軍 營寨 嗰啲 魏兵 。
佢哋 一 聽到 司馬懿 大敗 ，連 渭南 嘅 大本營 都 失埋 嘞噉 ，當堂 軍心 慌亂 ，𠻘𠻘聲 啊 撤退 。
畀 四面 嘅 蜀兵 掩殺 過嚟 輸到 都 唔知 幾 慘 ，十傷八九 啊 ，死咗 無數 咁 多人 。
剩落嚟嗰啲敗兵 呀 趯咗 過去 北岸 逃生 。
孔明 喺 山上 望見 魏延 引 咗 司馬懿 追 入 山谷 ，霎時間 呢 燒起 大火 個 心 就 好 歡喜 啦 ，諗住 呢次 呢 司馬懿 父子 呀 實 冇 命 㗎 喇 。
誰 不知 個 天 一場 大雨 淋 熄晒 啲 火 。
跟住 探馬 嚟 報告 話 司馬懿 父子 都 逃跑 咗 嘞噉 。
孔明 就 唯有 歎咗 啖 氣話 ：唉 ！謀事 在 人 ，成事 在 天 。哎 唔 勉強 得 嘅 。
正是 谷 口風 狂 烈焰 飄 ， 何期 驟雨 降青霄 。 武侯 妙計 如能 就 ， 安 得 山河 屬 晉朝 ！
噉司馬懿 大敗 一場 ，死過 返生 之後 ，就 喺 渭北 嘅 營寨 發佈 命令 話嘞 ：
渭南嘅營寨 已經 失守 ，眾將官 如果 有人 仲 話 要 出戰 嘅 ，斬 ！
噉 大家 都 遵守 命令 堅守 不出 。
過咗 一段時間 ，有一日 ，郭淮 嚟 對 司馬懿 話 喇 ：
都督呀 ，近來 發現 孔明 帶兵 四圍 咁 視察 ，實係 想 搵 地方 安營 定 嘞 。
嗯 ，孔明 ，如果 由 武功 出去 ，順住 山勢 向 東 進攻 ，噉 我哋 就 非常 危險 喇 。
如果 佢 由 渭南 出去 ，去到 西便 就 喺 五丈原 停落嚟 ，噉 我哋 先至 冇事 啊 。
司馬懿 即刻 派 人 去 探聽 ，返嚟 報告 話 果然 係 駐扎 喺 五丈原 嚟 唧 。
司馬懿 心 上面 一 嚿 大石頭 落返 地 喇 ， 佢 話 ： 啊 ！ 真 係 大 魏皇帝 嘅 洪福齊天 啊 ！
司馬懿 再次 命令 眾 將官 話 喇 ：一定 要 堅守 ，唔好 出戰 ，時間 一 長 ，蜀軍 必定 有 變亂 嘅 。
噉而家 講下 孔明 ，佢 親自 帶領 一支 軍隊 駐扎 喺 五丈原 。
係喇 ，五丈原 喺 邊度 嚟 呢 ？
五丈 原 係 古時 嘅 地名 ， 係 喺 今日 陝西省 ， 眉縣 西南 ， 斜 谷口 嘅 西側 。
孔明 屢次 派兵 去 挑戰 ，之 魏兵 呢 ，總係 唔出嚟 交戰 。
孔明 諗到 個 辦法 ，佢 攞咗 一條 女人 頭巾 ，一套 女人 衣服 就 用 個 大 盒 裝住 ，另外 寫咗 封 信 ，派 個 使者 送去 魏軍 營寨 畀 司馬懿 噃 。
噉 去到 喇 眾 將官 唔 敢 攔阻 ，亦 唔 敢 隱瞞 ，就 唯有 帶 使者 去 見 司馬懿 啦 。
司馬懿 初時 都 唔知 係 咩嘢 噃 ，以為 孔明 送 咩 禮物 嚟 添 ，所以 佢 就 喺 大家 面前 打開 個 盒 嚟 睇 。
啊 ？ 咩 嚟 啊 ？ 啊 原來 係 女人 頭巾 同 女人 衣服 。
仲有 一封信 ， 司馬懿 打開 封信 睇 下 ， 封信 嘅 大意 係 話 ：
仲達 你 身為 大將 ，統領 龐大 嘅 中原 軍隊 ，總唔想 點樣 衝鋒陷陣 一決雌雄 ，而係 喺 啲 泥坑 裏 便 縮埋 個 頭 ，躲避 刀箭 ，噉樣 嘅 所為 同 女人 有 何 分別 呢 ？
今日 ， 我 特意 派 人 送 女人 嘅 頭巾 同 衣服 嚟 畀 你 ， 你 如果 仲 唔 出戰 ， 就 唔 該 你 受落 佢 啦 。
倘若 你 嘅 羞恥心 未 死得晒 ，仲有 啲 男子 胸襟 嘅 話 ，就 快啲 定 個 日期 嚟 同 我 打過 啦 。
哦原來 孔明 出咗手 噉嘅 怪招 啊 。
司馬懿 睇完 信 嬲 到 佢 吹鬚碌眼 ，嗨 但係 此人 厲害 ，佢啲 火氣 啱啱 升起 ，即時 咕聲 吞返 落肚 。
噉究竟 司馬懿 如何 應付 孔明 呢 ？且 聽 下回 分解 。
