尋日 講到 趙顏 入山 ，向 兩個 仙人 求 咗 寿 吖 ，噉 佢 就 歡天喜地 返到 屋企 ，就 問 管輅 嗰 兩個 係 咩 嘢 人 嘞 喎 。
管輅 話 佢 聽 ：着 紅袍 嗰個 係 南斗 ，着 白袍 嗰個 就係 北斗 喇 。
趙顏 話 嘞 ：我 聽講 呀 ，北斗 係 九粒 星 嘅 噃 ，點止 一個 人 嘅 呢 ？
哎散而為九 ，合而為一吖嘛 。北斗 係 注定 人死 ，南斗 係 注定 人生 。
而家 已經 為 你 添咗 壽 咯 ，你 就 唔使 憂心 喇 。
趙 顏兩 父子 呀 真 係 千多 得 萬多 得 啊 。
噉啊 從此之後吖 ，管輅 就 恐怕 洩露 天機 ，就唔肯 輕易 同人哋 占卦 喇 。
許芝 就 將 管輅 嘅 事蹟 ，大致 噉 介紹完 就 同 曹操 話 ：
此人 而家 喺 佢 家鄉 平原 嚟 ，大王 想 知道 下 吉凶 ，不如 召 佢 嚟 問 下 都 好 吖 。
曹操 好 歡喜 ，即刻 派 人 去 請咗 管輅 嚟 。
呢一日 ，嚟到嘞 ，曹操 啊 就 將 左慈 嘅 事 講 佢 聽 。
管輅話 ：佢 呢啲 係 幻術 唧 ，唔使 憂心 嘅 噉 。
曹操 一 聽 個 心 就 安樂 晒 ，啲 病 呢 亦 漸漸 好返 嘞 。
有一日 ，曹操 要 佢 占卦 問下 天下 大事 ，管輅 占咗 支 卦 就 話 ：
三八縱橫 ，黃豬 遇 虎 ；定軍之南 ，傷折 一股 。
又叫佢 占下 子孫 後代 嘅 福祿 啊 ，長久 唔 長久 啊噉 ，管輅 又 占咗 支卦 話 ：
獅子 宮中 ，以 安神位 ；王道 鼎新 ，子孫 極 貴 。
淨係噏幾句 ，都唔清唔楚嘅 ，曹操啊 叫佢 講詳盡啲 啦噉 。
管輅話 ：茫茫 天數 唔好 預先 知道 ，日後 自然 就 靈驗 㗎喇 。
既然噉講就算啦 ，噉 曹操 就 想 封 管輅 做 太史 ，等 佢 喺 朝廷 任職 。
管輅話嘞 ：我條命薄呀 ，個相又唔好 ，唔稱呢個職嘅 ，我唔做得嘅 。
點解 呢 ？
我 額 無 主骨 ，眼 無 守睛 ；鼻 無 樑柱 ，腳 無 天根 ；背 無 三甲 ，腹 無 三壬 。
我啊 只能夠 治下 鬼怪 ，唔能夠 治 生人 嘅 。
哦 ，噉 你 同 我 睇 個 相 啦 ，我 個 相 點 啊 ？
大王 位極 人臣 ，仲 何必 睇相 呢 ？
誒唔係噉講嘅 ，你 同 我 睇下 ，吓 ，同我 睇下 。
曹操 再三再四 問 佢 ，管輅 一味 笑口吟吟 ，唔答 佢 。
曹操 又 叫 管輅 睇過 晒 啲 文武 官員 嘅 相 ，管輅 話 喇 ：都係 治世 之 臣 啊 。
就係噉讚咗一句 ，噉 曹操 再 問 下 吉凶禍福 啦 。
管輅 都 係 含含糊糊 唔 肯 盡 講 嘅 ， 嘿梗 係 啦 ， 講晒出 嚟 仲有 剩 嘅 咩 ， 乜嘢 都 畀 你 曹操 撈 晒 都 得 嘅 。
噉啊 曹操 又 叫 佢 占下 東吳 同 西蜀 呢 兩處 睇下 點 。
管輅 擺咗 一卦 就 話嘞 ：東吳 要 死 一員 大將 ，西蜀 有 兵 侵犯 邊界 啊 。
曹操 唔 信 喎 ，過咗 無耐 ，合肥 嗰 便 有 消息 嚟 報告 話 ：東吳 鎮守 陸口 嘅 大將 魯肅 逝世 嘞 。
嘩 ，靈噃 ！噉 曹操 就 即刻 派 人 去 漢中 探聽 動靜 。
過咗幾日 ，飛馬 嚟 報告 ，話 劉備 派咗 張飛 、馬超 帶兵 去到 下辨 ，要 奪取 關隘 啊噉 。
曹操 可惱嘢喇 ，就 想 親自 率領 大軍 ，再 入 漢中 去 打 劉備 。
噉佢就叫 管輅 占 支卦 先 。
管輅 同 佢 占咗 支 卦 就 話 喇 ：大王 唔好 起兵 啊 ，出年 春天 ，許都 必定 有 一場 大 火災 啊 。
曹操 見到 管輅 講 親 都 靈 嘅 ，信到 十足 啦 ，故此 呢 就 唔敢 輕舉妄動 ，就 留 喺 鄴郡 住 。
只係 命令 曹洪 帶兵 五萬 ，去 協助 夏侯淵 同 張郃 啊 ，一齊 鎮守 東川 。
又 派 夏侯惇 呢 帶 兵 三萬 ，喺 許都 來往 巡查 警戒 以防 不測 。
又 任命 長史 王必 ，總督 御林軍 馬 。
司馬懿 對 王必 呢個 任命 就 唔同意 噃 ，佢 同 曹操 話 喇 ：
王 必 為 人 鍾意 飲酒 ，性情 又 過於 寬厚 ，怕 擔當 唔起 呢個 職務 啊 大王 。
曹操 話 喇 ：王 必 跟住 我 披荊斬棘 ，歷盡 艱難 。
佢 個人 又 忠誠 又 勤懇 ，心如鐵石 ，佢 完全 擔當得起 嘅 。
於是就 唔 聽 司馬懿 嘅 勸告 ，委任 咗 王必 率領 御林軍 ，駐扎 喺 許都 嘅 東華門 外 便 。
眨下眼 ，又 過咗 兩年 ，即係 到咗 建安 二十三 年 嘅 春天 。
當時 喺 許都 有 兩個 官員 啊 ， 一個 叫做 耿紀 ， 一個 叫做 韋晃 。 佢 兩個 人 嘅 交情 就 極深 。
佢哋 見到 曹操 封咗 王爵 之後 ，一出一入 用 嘅 車 啊 着 嘅 服裝 啊 都係 用 皇帝 嘅 規格 ，個 心 啊 極之 唔忿 。
有一日 ，佢哋 兩個人 秘密噉 商量 話 ：曹操 嗰個 奸賊 越嚟越壞 ，睇 個樣 呀 將來 必定 會 謀 朝 篡位 嘅 。
我哋 都係 漢朝 嘅 臣子 ，點能夠 同 佢 啲 噉嘅 大奸大惡 嘅 人 做事 㗎 。
韋晃 就 話 ：我 有 個 心腹 好友 ，姓 金 名 禕 ，係 前朝 嘅 宰相 金日磾 嘅 後代 。
佢 一直 都 想 剷除 曹操 嘅 ，更兼 佢 同 王 必 係 老友 。若果 得到 佢 同 我哋 一齊 行動 呀 ，噉 剷除 曹賊 就 實 成功 。
韋大人 ，佢 既然 同 王必 係 老友 嘞 ，又 點 肯 同 我哋 一齊 行動 嘅 呢 ？
嗱 ，我哋 即管 去 搵 佢 傾下 睇下 點 啦 。
好吖 好吖 。
於是 耿紀 同 韋晃 就 一齊 去 金禕 屋企 嘞 ，金禕 請 佢哋 入到去 後堂 坐落 。
韋晃話 喇 ： 金大人 ， 你 同 王長史 交情 咁 好 ， 我 哋 兩個 特意 嚟 有事相求 啊 。
不敢不敢 ，請問 兩位 大人 ，要 我 做 咩嘢事 呢 ？
我 聽講 ，魏王 好快 就要 受禪 登位 做 皇帝 ，噉 金 大人 同 王 長史 必定 高升 㗎 啦 。
嘿嘿 ，希望 金大人 唔好 唔記得 我哋 ，提攜 帶挈 下 我哋 ，噉 就 感謝 到 極 咯 ，嘿嘿嘿嘿嘿 。
哼 ！金禕 將 衫袖 一拂 就 企 起身 ，啱啱 僕人 送 茶 嚟 就 連 茶杯 都 打咗 落地 。
韋晃啊詐諦吃咗一驚噉話喇 ：金大人 ，我哋 都係 老朋友 咯 點解 咁 薄情 啊 ？
金禕 話 喇 ：我 同 你 做 朋友 ，皆因 你哋 係 漢朝 大臣 嘅 後代 。
你哋 而家 竟然 忘咗 本 ，唔想 報效 朝廷 ，反而 要 去 輔助 造反 嘅 人 ，我 唔願 同 你 做 朋友 ！
耿紀話 喇 ： 唉 ！ 天數 係 噉 樣 ， 唔 係 噉 做 唔 得 嘅 。
豈有此理 ！金禕 真係 發火 咯 。
耿紀 同 韋晃 試咗 下 金禕 ，見 佢 果然 係 有 忠義之心 嘅 就 講 白 佢 聽 ：
金大人 呀 金大人 ， 請 你 唔 好 嬲 ， 我 哋 一心 ， 係 要 剷除 曹賊 ， 專誠 嚟 求 你 㗎 。
剛才 講 嗰啲 說話 ，不過 係 試下 你 嘅 啫 。
唉 ，我嘅 家庭 ，世世代代 都 係 漢朝 嘅 臣子 ，點 會 順從 曹賊 㗎 ！
兩位 大人 想 挽救 漢室 ，有 何 高見 呢 ？
韋晃話 ：老實講 ，我哋 雖然 係 有 報國之心 ，但係 仲未有 殺賊之計 啊 。
金禕 諗 咗 一 諗 就 話 ： 我 有 個 計劃 ， 我 呀 想 裏應外合 ， 殺 咗 王必 ， 奪 咗 佢 嘅 兵權 ， 保護 主 上 。
同時 ，聯合 劉皇叔 做 外援 ，噉樣 一嚟 ，就 可以 消滅 曹操 奸賊 喇 。
啊 ，金大人 呢個 計策 好極呀 ，好極啊 ！
金禕 又 話 ：我 仲 有 兩個 心腹 朋友 ，佢哋 同 曹操 ，係 有 殺父 之 仇 嘅 。
而 家 喺 城外 住 ， 佢 兩個 都 可以 做 我 哋 嘅 幫手 嘅 。
係邊個啊 ？
佢哋 係 兩 兄弟 ，乃 係 太醫 吉平 個 仔 ，大 嗰 個 叫做 吉邈 ，第二 嗰 個 叫做 吉穆 。
以前 曹操 為咗 董承 衣帶詔 嘅 事 ，殺咗 佢哋 父親 。
當時 佢哋 兩個 逃跑咗 去 外地 ，僥倖 冇 死到 。
而家 ，佢哋 已經 靜靜 趯咗 返嚟 許都 。
若果 搵 佢哋 幫手 剷除 奸賊 呀 ，冇 話 唔肯 嘅 。
耿紀 、韋晃 聽講 都 極之 高興 嘞 。
金禕 立即 派人 偷偷地 叫咗 吉邈 、吉穆 兩 兄弟 嚟 。
金禕 將 決定 討伐 曹操 嘅 事 講畀 佢 兩 兄弟 聽 ，佢 兩個 呀 又 高興 又 憤恨 ，都 流住 眼淚 ，發誓 要 殺咗 曹操 。
金禕 就 話 喇 ：正月 十五 嗰 晚 ，城 裏 便 照例 張 燈 結彩 ，慶賀 元宵 嘅 。
耿大人 韋大人 ，你 兩位 率領 家丁 ，殺去 王必 嘅 兵營 ，一 見到 兵營 裏 便 起火 就 分 兩路 殺入去 啦 。
殺咗 王必 之後 ，就 跟 我 入去 皇宮 ，請 皇上 登上 五鳳樓 ，召集 文武百官 嚟 ，宣佈 討伐 曹操 奸賊 。
吉世兄 你哋 喺 城外 便 殺入嚟 ，放火 做 信號 ，要 大聲 咁 嗌 ，號召 百姓 消滅 國賊 ，截住 城內 嘅 援軍 。
等到 皇上 下咗 聖旨 ，等 招安 定咗 之後 ，就 向 鄴郡 進兵 ，攻打 曹操 。
同時 ，我 派 使者 帶住 聖旨 去 召 劉皇叔 ，噉 呢個 就係 全部 計劃 喇 。
我哋 而家 約定 喇吓 ，到期 ，夜晚 二更 行動 ，各位 務必 謹慎 ，唔好似 當年 董承 噉樣 自取其禍 啊 。
於是 五個人 ，當天 歃血發誓 ，然後 就 各自 返 屋企 ，暗中 準備 人馬 器械 。
耿紀 、韋晃 兩個 呢 ，每人 都有 三四百 名 家丁 嘅 。
吉氏 兄弟 呀 藉口 話 打獵 ， 亦 召集 咗 三百 幾人 ， 等 日期 一到 就 逳 手 嘞 。
到咗過年嘅時候 ，金禕 先 去 搵 王必 ，同佢 話 ：
當前 魏王 威震 天下 ，到處 都 比較 太平 ，元宵佳節 就 到喇 ，應該 大放 花燈 ，顯示 下 四海 升平 景象 至係 喎 。
王 必覺得 佢 講得 好啱 ，就 出 告示 通知 全城 嘅 居民 ，要 佢哋 張燈結彩 盡情 歡度 佳節 。
到咗 正月 十五 嗰 晚 ，天色 晴和 ，星月 交輝 ，三街六市 競放 花燈 ，真係 講唔盡 咁 熱鬧 繁華 咯 。
當晚 ，王必 同 御林軍 嘅 一班 將領 啊 ，喺 軍營 裏 便 舉行 宴會 ，飲 到 都 唔知 幾 高興 。
到咗 二更 之後 ，忽然 嘈起 上嚟 ，啲 人 嚟 報告 話 軍營 後 便 起 火 喇 。
王必就 急急行 出去 望下 ，嘩嗨 ，只見 火光 亂閃 ，又 聽見 喊殺 連天 。
嗯 ，知道 有人 作亂 喇 ，連忙 上馬 就 跑出 南門 。
啱 啱 撞 正耿紀 ， 畀 耿紀 一箭 射中 個膊頭 ， 哎呀 ！ 痛 到 佢 幾乎 跌落 馬 下 。
佢 忍住 痛 ，定一定神 ，就 跑去 西門 嗰 便 ，但係 後便 有 軍隊 追緊 嚟 啊 。
王必慌 起上嚟 就 唔 騎馬 咯 ，就噉 步行 ，左轉 右轉 ，行到嚟 金禕 嘅 門口 ，嘣嘣聲 搏命 打門 。
原來 金禕 呀 佢 一便 使 人 喺 軍營 裏 便 放火 呢 ，一便 又 親自 帶領 家丁 去 助戰 啦 嘛 ，屋企 只係 留低 啲 婦女 喺 處 唧 。
噉 當時 屋企 啊 聽見 外便 有人 敲門 就 估 話 金禕 返嚟 喎 。
金禕 嘅 老婆 隔住 道門 就 問 喇 ，王必 嗰個 傢伙 殺咗 未 啊 噉 。
王必一 聽 大吃一驚 ，嘩 原來 金禕 你 個 衰神 係 啲 叛亂分子 嘅 同謀 ，真係 畀 你 賣 咗 都 唔知 啊 ！
即刻 就 離開 金禕 屋企 ， 喇喇聲 趯 去 曹 休 嘅 住宅 ， 向 佢 報告 話 金 禕 、 耿 紀 佢 哋 呀 一齊 謀反 喇 噉 。
曹休 連忙 披掛 上馬 ，帶住 千幾人 ，喺 城內 同 金禕 佢哋 一班人 打 。
當時 城內 到處 都 燒着 火 嘞 ，五鳳樓 都 燒着埋 ，嚇到 皇帝 匿埋 喺 皇宮 最深 嗰 叢 嚟 。
曹氏 嘅 心腹 人馬 就 死守住 皇宮 大門 啦 。
呢 個 時候 ， 城內 一味 聽見 啲 人 喺 度 嗌 啊 ： 殺 盡 曹賊 ， 挽救 漢室 ！ 殺 盡 曹賊 ， 挽救 漢室 啊 ！
大家 都 記得 ，夏侯惇 係 奉 咗 曹操 嘅 將令 ，巡查 警戒 許都 㗎 嘛 。
佢啊 帶領住 三萬名人馬 ，喺 許都城 外 駐扎 。
當晚 佢 遠遠 望見 城 裏 便 火燭 ，立即 出動 大軍 ，沊沊𡃈噉 圍住 許都 。
同時 派 一支 軍隊 入城 去 接應 曹休 ，噉 啊 一直 混戰 到 天光 。
耿紀 、韋 晃佢哋 冇 人 援助 ，收尾 仲 得到 消息 ，話 金禕 、吉氏 兄弟 都 犧牲 咗 喇 噉 。
耿紀 、韋晃 見到 大勢 已去 ，就 殺開 條路 衝出 城門 準備 逃跑 。
啱啱 遇着 夏侯惇 大軍 圍城 ，就 畀 人 捉住 嘞 ，手下 嗰 百幾 人 全部 被 殺 。
夏侯惇 入咗 城 ，救熄咗 火 ，派兵 去 將 耿紀 呢 五個 人 嘅 宗族 啊 全部 捉起嚟 ，一便 就 派人 飛報 曹操 。
跟住 冇 幾 耐 ，曹操 有 命令 嚟到 ，要 將 耿紀 、韋晃 兩個 ，以及 五家 嘅 老小 宗族 拉去 街市 斬首 。
同時又將 在 朝 大小 官員 啊 ，全數 押去 鄴郡 ，聽候 處理 。
行刑嗰日 ，夏侯惇 押 耿紀 、韋晃 去 街市 。
耿紀 大聲 噉 嗌 ：曹阿瞞 ！我 在 生 嘅 時候 殺 你 唔到 ，我 死咗 都 要 做 隻 惡鬼 嚟 殺 你 啊 ！
劊子手 用 把 刀 嚟 㨃 佢 把 口 ，流 到 成 地 都 係 血 ，仲 係 大 罵 不絕 啊 ，最後 就 死咗 咯 。
韋晃 用 塊 面 出力 噉 撞 笪地 ，佢 話 ：可恨喇 ，可恨喇 ！死嘅 時候 呀 ，咬到 牙 都 碎晒 。
嗰 五家 嘅 大小 宗族 啊 ，亦都 喺 埋 同一日 處決 咗 咯 。
當 夏侯惇 將 朝上 嘅 大小 官員 ，押 到 去 鄴郡 嘅 時候 ，曹操 叫 人 喺 教場 呢 豎起 兩面 旗 ，一面 紅色 一面 白色 。
紅旗 啊 豎 喺 左便 ，白旗 豎 喺 右便 。
然後 拉晒 嗰班 官員 去到 教場 ，對 佢哋 宣布 話 ：耿紀 、韋晃 佢哋 造反 ，放火 焚燒 許都 。
你 哋 當中 有 啲 人 係 出 嚟 救 過火 嘅 ， 有 啲 人 係 閂 埋 道門 唔 出 嚟 嘅 。
邊個 出過嚟 救火 嘅 ，就 企 喺 紅旗 下 便 ，冇 救過 火 嘅 呢 ，就 企 喺 白旗 下 便 啦 噉 。
嗰班 官員 個 心 諗 ：咦 ，出去 救過 火 嘅 係 實冇罪 嘅 喎 。
於是 大多數 都 走去 企喺 紅旗 下 便 ，之後 小部分 人 呢 ，係 企喺 白旗 下 便 。
好喇 ，曹操 一聲令下 ，叫 將 企 喺 紅旗 下 便 嗰啲 人 都 捉起嚟 。
噉嗰班人 都 大聲 嗌話 我 冇罪 㗎 我 冇罪 㗎 噉 。
曹操 話 ：哼哼 ！你 當時 個 心 所 諗嘅 ，唔係 救火 ，係 想 出嚟 幫 啲 壞人 咋 ！
跟住 曹操 就 命令 將 呢 三百幾個 人 啊 ，全部 拉去 漳河 岸邊 斬首 。
至於 企喺 白旗 下 便 嗰啲 官員 呢 ，哈哈 ，個個 都 給予 賞賜 ，叫 佢哋 返去 許都 照舊 做 官 。
王必啊 已經 因為 畀 箭 射傷 ，醫治 無效 死咗 嘞 。
曹操啊 吩咐 將 佢 隆重噉 安葬好 。
同時 又 任命 曹休 總督 御林軍 馬 ，鐘繇 做 相國 ，華歆 做 御史大夫 。
又 規定 侯爵 六 等 十八 級 ，關中 侯爵 十七 級 ，都 係 金印 紫綬 。
誒 ，古代 啲 官 呢 ，都 係 將 個 官印 啊 佩戴 喺 身邊 嘅 ，噉 佩印 所 穿 嗰 條 繩 就 叫做 綬 嘞 。
職位 唔同 呢 ，綬帶 嘅 顏色 亦都係 唔同 嘅 。
又 規定 關內外 侯 十六 級 ，銀 印 龜 紐 墨 綬 ；五 大夫 十五 級 ，銅 印 環 紐 墨 綬 。
曹操 噉樣 定 爵 封 官 呀 ，喺 朝廷 上 又 換 咗 一班 人物 嘞 。
經過 呢 次 事件 ， 曹操 先至 明白 管輅 所講 嘅 許都 有 火災 原來 就 係 噉 嘅 ， 就 重重 噉 賞賜 佢 ， 但 係 管 輅 唔 肯 接受 。
好喇噉呢啲呢 ，就 放落 唔講佢喇 。
而家 講 下 曹洪 啊 佢 帶兵 去到 漢中 。
命令 張郃 、夏侯淵 就 分別 據守 險要 嘅 地方 ，自己 就 進兵 去 打嘞 。
當時 張飛 啊 帶住 雷銅 一齊 鎮守 巴西 。
馬超 就 帶領 人馬 嚟到 下辨 啦 。
佢 叫 吳蘭 做 先鋒 ，帶 一 支 部隊 喺 前面 偵察 。
嗰日呢 ，吳蘭 就 同 曹洪 嘅 兵馬 相遇 。
吳蘭 係 想 後退 嘅 ，但係 佢 個 牙 將 任夔 就 話 嘞 ：
敵兵 剛剛 到 ，如果 我軍 唔 先 挫下 佢 嘅 銳氣 ，我哋 點 好意思 返去 見 馬將軍 啊 ！
一 講完 就 縱馬 挺槍 向 曹洪 挑戰 噃 。
曹洪 提刀 躍馬 上前 迎戰 ， 唔 到 三個 回合 ， 就 斬 死 咗 任 夔 ， 趁勢 咪 掩殺 過去 咯 。
吳蘭 就 大敗 一場 ，趯 返去 見 馬超 。
馬超 責備 佢 話 嘞 ：你 冇 我 個 命令 ，點解 咁 輕敵 出去 打 ，搞到 慘敗 返嚟 呢 ？
馬將軍 ，呢啲 皆因 任夔 唔聽 我 嘅 說話 ，所以 造成 呢次 失敗 唧 。
我 哋 唔 好 出戰 喇 ， 緊守 隘口 啦 。
馬超 又 立即 派人 去 成都 報告 聽候 進一步 嘅 命令 。
曹洪 見到 馬超 連氣 咁多日 都 冇 嚟 出戰 ，就 怕 佢 有 咩 陰謀 詭計 噃 ，就 帶 兵 退 返 去 南鄭 。
張郃 走嚟 見 曹洪 話嘞 ：
將軍 既然 斬咗 一名 敵將 ，點解 反而 退兵 ？
哦 ，我 見 馬超 唔肯 出戰 ，怕 佢 有 咩 詭計 啊 。
而且 我 喺 鄴郡 聽 神卜 管輅 講過 ，話 我哋 會 喺 呢處 損失 一員 大將 嘅 ，我 總係 諗住 佢 呢句 說話 ，故此 我 就 唔敢 輕易 進兵 。
哈哈哈哈哈哈哈哈 ，曹將軍 ，你 行兵 打仗 半世人 喇 ，點解 而家 信起 占卦 先生 嘅 說話 ，搞到 冇晒 信心 呢 ？
我 張郃 雖然 冇 咩 本事 ，請 將軍 準許 我 率領 本部 兵馬 去 奪取 巴西 。
一得到巴西 ，蜀郡 就 容易 打咯 。
巴西 係 張飛 喺 處 把守 ， 張飛 並非 等閒之輩 啊 ， 唔 能夠 輕敵 㗎 。
哈哈 ，人人 都 怕 張飛 ，喺 我 張郃 眼內 ，直情 當 佢 細佬哥 一樣 咋 ，我 呢次 去 一定 要 生擒 佢 ！
張將軍 ，如果 有 差錯 又 點 呢 ？
我 甘當 軍令 ！
曹洪 於是 叫 張郃 立咗 軍領狀 ，就 同意 佢 進兵 去 攻打 巴西 嘞 。
張郃 部下 有 三萬 兵 ，佢 分 為 三 個 寨 ，都 係 依 山 傍 崖 ，地勢 十分 險要 。
一個 叫做 宕渠寨 ，一個 叫做 蒙頭寨 ，一個 叫做 盪石寨 。
嗰 日 張 郃 立 咗 軍 領 狀 之後 呢 ， 就 喺 佢 每 一個 寨 抽出 一半 兵力 ， 噉 啊 三 五一 十五 又 一萬五千 人 留 喺 度 守 寨 ， 一萬五千 人 就 跟 佢 去 打 巴西 。
張郃 呢 頭 一 出兵 唧 ，嗰 便 早 就 有 探馬 去 報告 張飛 ，話 張郃 帶 兵 嚟 打 巴西 喇 噉 。
張飛 立即 搵 雷銅 嚟 商量 ， 雷銅話 喇 ： 閬中 一帶 ， 地惡 山險 ， 易於 埋伏 兵馬 。
張將軍 ，你 帶兵 去 迎敵 ，我 啊 出奇兵 嚟 助戰 ，實 捉到 張郃 嘅 。
閬中 係 笪 地方 名 ， 係 巴西 郡 嘅 首府 ， 位於 今日 四川省 北部 ， 嘉陵江 嘅 中游 。
噉啊 張飛 同意 嘞 ，撥咗 五千 兵 畀 雷銅 ，叫 佢 去 埋伏 。
噉張飛 自己 呢 ，帶住 一萬 人馬 ，離開 閬中 出去 迎擊 曹軍 。
行咗 卅里 左右 啦 ，就 遇到 張郃 嘅 軍隊 嚟喇 。
雙方 立即 擺開 陣勢 ，張飛 出馬 同 張郃 大戰 廿幾個 回合 。
忽然間 張郃 嘅 後軍 嘈起 上嚟 ，為 咩事 呢 ？
原來 嗰班人 啊 望見 後山 有 蜀兵 嘅 旗幟 就 驚 起 上嚟 。
張郃 見到 軍心 已經 慌亂 嘞 ，所以 就 唔敢 打落去 ，撥轉 馬 就 走 。
張飛 啊 一啲 都 唔使 客氣 啊 吓 你 走 我 就 追 ，喺 後 便 掩殺 過去 。
張郃 走咗 一陣 ，又 撞着 雷銅 突然 喺 前面 帶兵 殺出嚟 截住 ，噉 啊 兩頭 夾攻 打到 張郃 大敗 。
張飛 、雷銅 馬 不停蹄 ，漏夜 咁 追擊 ，一直 追追追追到 宕渠山 。
張郃 返到 老巢 ，咪喇 呢 勻 ，佢 依舊 分兵 守 硬 三個 寨 ，準備 定 多多 嘅 擂木 炮石 一於 堅守 唔出嚟 打 。
張飛 嘅 人馬 就 喺 離開 宕渠寨 十里 遠 嘅 地方 安好 營 。
第日 ，就 帶兵 去 挑戰 。
張郃 亦 好夠 道行 嘅 ，佢 特登 喺 山上 便 大吹大擂 飲酒 喎 ，唔 落 山 。
張飛 叫 啲 士兵 猛鬧 。
張郃 畫 隻 耳仔 上 牆 ，當 你 冇 嚟 啊 ，總之 就 唔 落 山 係 啦 。
張飛 冇晒 符啡 嘞 ，唯有 收兵 回營 啦 。
第日 ，雷銅 又 嚟 山下 嘍 打 ，張郃 依然 唔 出嚟 。
雷銅忍 唔 住 喇 ， 就 指揮 啲 兵士 衝上去 ， 點知 山上 便 乒乒乓乓 將 啲 擂木 啊 炮石 打落 嚟 ， 雷銅 呀 急忙 退返 落 嚟 啦 。
噉啊盪石 、蒙頭 兩個 寨啲 兵 呢 ，突然 殺出嚟 噃 ，打到 雷銅 大敗 。
第日 ，輪到 張飛 又 去 挑戰 嘞 ，哈 張郃 又 係 唔 出嚟 。
噉 張飛 叫 啲 兵卒 出力 咁 鬧 ，鬧到 有 咁 邋遢 得 咁 邋遢 。
誒 ，張郃 又 回敬 返轉頭 呀 ，你 鬧 佢 又 鬧唧 。
張飛 啊 真係 撓 穿 頭皮 都 諗唔到 計 嘞 。
就係噉樣 ，相持咗 五十幾日 。
收尾呢 ，張飛 喺 山 前面 扎落 營寨 ，日日 咁 飲酒 ，飲到 醉昏昏 就 坐 喺 山前 辱罵 。
有 一日 ， 劉備 就 派 咗 人 嚟 慰問 軍隊 。
嘩 ，乜 見到 張飛 張三爺 終之 無日 搏命 飲酒 喎 ，所以 一 返去 就 報告 劉備 。
劉備 就 嚇咗 一跳 啦 ，連忙 去 話畀 孔明 知 。
孔明 聽咗 就 話 喇 ：呵呵呵呵呵 ，原來 噉 係嘛 ，誒 喺 前線 恐怕 冇 好酒 喎 ，成都 嘅 好酒 就 極多 咯 。
誒 我哋 將 五十 埕 酒 ，分 三 車 裝 ，即刻 送 去 前線 畀 張 將軍 飲 。
哎呀呀 ， 軍師 啊 軍師 啊 ， 我三弟 一向 都 容易 飲酒 誤事 ， 乜 軍師 你仲要 送 酒 去 畀 佢 飲 添 呀 ， 唔 好 喇 ， 唔 好 喇 。
哈哈哈哈哈哈 ，主公 你 同 翼德 做咗 咁 多年 兄弟 嘞 ，仲唔 知道 佢 嘅 為人 咩 ？翼德 啊 從來 剛強 粗魯 。
但係噉噃 ，前嗰陣 攻取 西川 嘅 時候 ，佢 能夠 義釋 嚴顏 ，呢啲 就 並非 淨係 一身 牛力 ，冇 到 頭腦 嘅 勇夫 所為 嘞喎 。
而家 ，佢 同 張郃 相持 五十幾日 ，每日 飲 醉酒 ，就 坐 喺 山前 辱罵 ，旁若無人 。
哈哈哈哈 ，翼德 噉樣 並非 貪杯 ，呢個 係 佢 打敗 張郃 嘅 計策 嚟㗎 。
哦 ，雖然 係 噉啫 ，亦 唔能夠 過份 自信 而 驕傲 自大 滿不在乎 㗎 。
於是 孔明 就 命令 魏延 啊 押運 啲 酒 去 前線 ，送 畀 張飛 。
車上面 插住 黃旗 ，寫住 前線 供用 美酒 噉 。
送到去喇 ，嘿呀 ，張飛 高興啊 ！
佢 就 吩咐 魏延 、雷銅 各 帶 一支 人馬 作為 左翼 右翼 ，一 睇見 升起 紅旗 就 進兵 。
然後啊 ，將 啲 酒 一埕 一埕 噉 擺晒 喺 帳幕 前 便 ，叫 啲 軍士 啊 ，大張旗鼓 痛飲 啊 。
張郃 得到 間諜 嘅 報告 ，話 張飛 如此如此噉 ，就 親自 上去 山頂 睇下 係咪 真 㗎 啦 。
哈果然見到張飛 ，坐喺帳幕外便飲酒 ，仲叫咗兩個卒仔 ，喺佢面前摔跤 畀佢睇嚟開心添 。
嘩 ，張飛 你 欺人 太甚 啊 ！真係 佛 都 激出 火 喇 。
張郃 嬲起 上嚟 ，立即 傳令 ，今晚 落山 去 偷襲 張飛 嘅 營寨 。
