話說 曹操 啊 聽到 馬超 增加咗 兵力 ，佢 反而 高興 喎 。
嗰班 將領 就 覺得 奇怪 喇 ，就 問 佢 點解 啦 。
曹操 話 ：等 我 贏咗 喇 ，然後 同 你哋 講 啦 ！
過咗 三日 ，偵察人員 又 嚟 報告 話 關上 又 增加 咗 人馬 喇 噉 。
曹操 啊 更 覺得 高興 嘞 ，而且 啊 ，喺 中軍 帳 設 宴 慶賀 添 喎 。
嗰班 將領 都 暗暗 覺得 好笑 啦 。
曹操 知道 大家 嘅 心事 ，佢 話 ：
各位 笑 我 冇 打敗 馬超 嘅 辦法 係嘛 ？
噉 各位 ，有 乜嘢 好嘅 計策 呢 ？
徐晃話 ：而家 丞相 嘅 大軍 都 喺度 ，賊兵 亦都 全部 駐扎 喺 關 上 ，河西 嗰 便 必定 冇 防備 嘅 。
如果 我哋 派 一支 軍隊 暗渡 蒲阪津 ，先行 截斷 賊兵 嘅 歸路 ，然後 丞相 喺 河北 全力 打擊 佢 ，噉 賊兵 兩頭 唔 能夠 接應 ，佢 就 實 輸 嘅 。
好 ！你 噉 講 ，合晒 我 嘅 心意 。
曹操 就 叫 徐晃 帶 四千 精兵 ，同埋 朱靈 啊 一齊 去 襲擊 河西 。
又 吩咐 佢哋 埋伏 喺 山谷 裏 便 ，等 曹操 佢 自己 啊 帶兵 渡河 ，到達 河北 喇 就 同時 發起 攻擊 。
噉 徐晃 、朱靈 接受 咗 命令 ，先 帶住 四千 人馬 就 秘密 噉 出發 嘞 。
跟住 曹操 下令 ，首先 叫 曹洪 去 蒲阪津 ，安排 船隻 ，留低 曹仁 守 大本營 。
曹操 佢 親自 率領 大軍 ，渡過 渭河 向 河北 進發 。
曹操嘅 軍事 行動啊 ，早就 畀 馬超 探聽到 嘞 。
馬超 就 同 韓遂 商量 對策 。
馬超話 ：而家 曹操 唔 攻 潼關 ，而 使人 準備 船隻 要 渡過 河北 ，佢 必定 係 想 截斷 我哋 嘅 後路 喇 。
我 想 帶 一支 人馬 ，守住 北岸 ，曹軍 唔 能夠 渡河 。
噉樣 就 唔使 二十日 ，河東 就 會 冇 糧草 ，軍心 就 亂 。
然後 我哋 順住 河南 去 攻 佢 ，實 捉到 曹操 嘅 ！
韓遂 話嘞 ：唔使 噉嘅 ，兵法 都有 話 ，兵 半渡 可 擊 吖嘛 。
等 曹軍 渡河 過咗 一半 嘅 時候 ，你 就 喺 南岸 發起 攻擊 ，噉 曹兵 冚𠾴唥 都 要 死 喺 條 河 裏 便 。
係 ！叔父 嘅 說話 講得 啱 ！
馬超 立即 派人 去 探聽 曹操 幾時 渡河 。
而家 講 下 曹操 佢 整頓 完 軍隊 ，就 將 人馬 分成 三撥 ，開始 要 渡 渭河 喇 。
當 大隊 人馬 嚟到 河口 嘅 時候 啊 ，正係 東方 日出 。
曹操啊 首先 派 一隊 精兵 出發 ，渡過 北岸 為 全軍 建立 營寨 。
曹操 呢 ，親自 率領 住 親隨 護衛 將校 百幾人 ，按住 劍 ，坐 喺 南岸 就 睇住 軍隊 渡河 。
忽然間 ，有人 跑嚟 報告 話 ：白袍 將軍 喺 後便 嚟緊 喇 ！
人人 都 認得 馬超 嘅 ，一聽 講話 佢 殺嚟 唄 㗾噉 一齊 湧落 船 。
霎時之間 ，河邊 啊 人 喊 馬 嘶 ，催 巴 嘈閉 ，亂晒 大龍 。
曹操 仲好 鎮定啊 ，仲係 坐喺度 唔逳 ，按住 劍 ，制止 啲 兵士 唔準 亂 ，但係啊 ，冇人 聽 指揮 咯 。
呢個 時候 ，船上 有 個 將軍 烚聲 跳 上 岸 ，大聲 噉 嗌 ：
賊兵 嚟 喇 請 丞相 快啲 落 船 ！
曹操 一 睇 ，係 許褚 。
曹操 個 口 一便 講 ，賊兵 嚟到 又 何妨 呢噉 ，一便 就 捩轉頭 望下 ，嘩嗨 ，馬超 啊 已經 離 佢 唔到 百零步 嘞 。
許褚 都 唔理 三七廿一 喇 一手 拖住 曹操 就 拉佢 落 船 。
但係 隻 船 呢 ，就 已經 撐 離岸 成 丈 幾 遠 嘞 。
許褚 孭住 曹操 ，出力 一跳 ，嘿呀 好似 飛噉 就 跳咗 上 船 噃 。
嗰啲 隨行 將士 就 個個 都 浭落水 ，摱住 船邊 爭住 想 上船 逃命 。
隻船 又 好 細 ，人 又 多 ，你 摱 我 摱 ，啷得 兩啷 ，爭啲 沉 咁滯 。
許褚 拔出 把 刀 亂咁 斬 啊 ，摱住 船 邊 啲 手 呀 冚𠾴 唥 都 畀 佢 斬斷 晒 ，嗰 啲 人 呢 就 跌 晒 落 水 浸 死 嘞 。
許褚 就 企 喺 船尾 ，用 竹篙 嚟 撐 船 ，向住 下游 嗰 便 棹 過去 。
曹操 就 伏 喺 許褚 嘅 腳邊 。
馬超啊 追到嚟 河岸 ，見到 隻 船 已經 去到 河中間 嘞 ，就 拈 弓 搭 箭 ，叫埋 啲 猛將 一齊 嚟 射 。
嘩 ，嗰啲 箭 呀 𠻘𠻘 聲 好似 大雨 噉 飛過去 。
許褚 又 怕 啲 箭 射傷 曹操 啊 ，就 用 隻 左手 ，舉住 個 馬鞍 嚟 遮住 曹操 。
馬超啊 好好眼界 ，箭無虛發 ，棹船 啲 人 呢 一個個 應 弦 落水 。
當時 船上 幾十 人 呀 都 畀 箭 射 低 咗 。
噉隻船 撐唔穩 嘞 ，水流 又 急 噃 ，隻船 呀 搞到 沊沊 轉 。
許褚 奮起 神威 ，佢 用 兩隻 大髀 挾穩 個 軚 ，一隻 手 啊 揸住 竹篙 撐 船 ，一隻 手 呢 就 舉住 馬鞍 保護 曹操 。
嘩 認真 本事 啊 ，夠晒 搏命 啊 ！
噉啊當時 渭南縣令 叫做 丁斐 喎 ，佢 喺 南山 上 便 ，睇住 馬超 追 曹操 ，曹操 就 危急 非常 。
丁斐 就 情急 智生 ，即刻 叫人 將 寨 裏頭 嘅 牛馬 ，冚𠾴唥 放晒 出嚟 。
霎時間 ，漫山遍野 都係 牛馬 啦 。
嗰啲 西涼兵 見到 呀嘿 好嘢 咯 個個 都 返轉頭 ，爭住 捉 牛 捉 馬 就 無心 去 捉 曹操 嘞 。
故此 曹操 走 甩咗 。
曹操 佢哋 一 到 北岸 ，即刻 就 吩咐 將 啲 船隻 鑿沉 佢 。
噉 啊當 曹操 部下 啲 將領 ， 聽講 曹操 喺 河 上 有 危險 ， 急急 趕 嚟 救 嘅 時候 呢 ， 曹操 啊 已經 上 咗 岸 嘞 。
大家 睇下 許褚 啦 ，嘩 佢 着住 一件 好厚 嘅 甲 ，上便 啊 都 唔知 中咗 幾多 箭 都 仲 插住 喺 甲 上便 嚟 啊 。
噉啊眾位 將官 護送 曹操 嚟到 新建 嘅 營寨 ，大家 都 叩頭 請安 。
曹操 哈哈大笑話 ：哈哈哈哈哈 ，我 今日 ，呵 ，幾乎 畀 個 小賊 困住 添 啊 ，哈哈哈哈哈哈 。
許褚 話 嘞 ：如果 唔係 有人 放 啲 牛馬 出嚟 引誘 啲 賊兵 呀 ，佢哋 必定 會 搏命 渡河 㗎 喇 。
曹操 問嘞 ：係咯 ，放牛馬 引誘 敵人 嘅 係 邊個 呢 ？
有啲人 知道 嘅 呢 就 回答 話 喇 ：啟稟 丞相 ，係 渭南 縣 令 丁斐 啊 。
過咗 一陣 ，丁斐 嚟到 拜見 曹操 請安 。
曹操 好 感激 佢 噉 話 ： 若果 唔 係 先生 你 嘅 好 辦法 呀 ， 我 就要 畀 賊人 捉 咗 去 咯 。
於是就 提升 丁斐 做 典軍校尉 。
丁斐話 ：賊兵 雖然 暫時 退走 ，聽日 必定 會 再 嚟 嘅 ，一定要 諗 個 好 辦法 嚟 打 佢哋 至得 啊 。
我 已經 準備好 㗎喇 。
於是 曹操 就 命令 啲 將官 ，各自 分頭 順住 河岸 ，築起 一條 甬道 。
話賊兵嚟嘅時候呢 ，就將人馬部署喺甬道外便 ；甬道之內呢 ，虛設旗幟 ，作為疑兵 。
同時啊 ，沿河 掘 啲 壕塹 ，用 樹枝 整個 蓋 遮實 ，仲 鋪返 啲 泥沙 做 偽裝 添 。
打起嚟嘅時候 ，用 啲 兵 去 引 敵人 嚟 。
曹操 話 喇 ：賊兵 嚟 嘅 時候 ，實 跌落 壕塹 嘅 ，賊兵 一 跌 ，就 好 打 啦 嘛 。
而家 唔 講 曹操 點樣 佈置 ，只係 講 馬超 ，佢 打完仗 返去 同 韓遂 話 ：
今日 ， 幾乎 捉住 曹操 ， 收尾 畀 個 將官 奮勇 孭 咗 曹操 落船 去 咗 ， 哈 ， 唔 知 佢 係 邊個 呢 ？
韓遂話 ： 我 聽講 曹操 係 挑選 咗 一 啲 極其 精壯 嘅 人 ， 做 佢 嘅 帳 前 侍衛 ， 叫做 虎衛 軍 。
由 猛將 典韋 、 許褚 嚟 率領 ， 誒 典韋 已經 死 咗 啦 ， 噉 今日 救 曹操 嘅 ， 必定 係 許褚 。
此人 勇力 過人 啊 ，人人 都 叫佢 做 虎癡 。
若果 遇着 佢 ，賢侄 你 唔好 輕敵 啊 。
許褚 係嘛 ？我 亦 聽聞 佢 嘅 名 好耐 嘞 。
賢侄 ，而家 曹操 渡咗 河 ，睇嚟 ，就快 會 去 襲擊 我哋 嘅 後方 。
所以 我哋 一定 要 盡快 去 攻佢 ，唔好 畀 佢 有 時間 去 建立 營寨 。
如果 佢 嘅 營寨 一 立 ，就 好 難 剿滅 佢哋 㗎 喇 。
叔父 ，以 我 個 意見 呢 ，仲係 頂住 北岸 ，使 佢 唔能夠 渡河 ，呢個 先至 係 上策 噃 。
噉誒賢侄 你 留喺度 守衛 營寨 ，等 我 帶兵 去 同 曹操 交戰 ，噉 好唔好 吖 ？
就 照 叔父 個 意思 做 啦 ，同時 ，叫 龐德 做 先鋒 ，跟埋 叔父 你 一齊 去 。
於是 韓遂 同 龐德 ，率領 五萬 軍馬 就 直抵 渭南 。
曹操 命令 將 部隊 埋伏 喺 甬道 兩便 ，引 韓遂 佢哋 嚟 。
龐德 係 先鋒 吖 ，所以 佢 就 帶住 幾千 名 鐵甲 馬 軍 就 衝過嚟 嘞 喎 。
點知 喎嗬噉 一聲 吶喊 ，龐德 嗰班 人馬 景轟噉 啊 連 人 帶 馬 就 落咗 陷阱 裏 便 。
哈 ，龐德 啊 真係 勇 ，佢 大喝一聲 ，誒噉 ，踴身 一跳 ，跳咗 出 陷阱 。
一企穩就即刻就斬殺咗好幾個人 ，步行殺出重圍 。
呢個 時候 ，韓遂 畀 曹兵 圍住 喺 戰場 中心 ，龐德 啊 就 噉 步行 衝入去 救返 佢 。
正好啊 遇着 曹仁 嘅 部將 曹永 啊 。
龐德 發起 神威 ，一刀 就 將 曹永 斬咗 落馬 ，就 搶 咗 佢 匹馬 過嚟 ，殺開 一條 血路 就 救返 韓遂 ，向住 東南方 走咗 。
啲 曹兵 跟住 後尾 窮追不捨 ，撞正 馬超 帶領住 人馬 嚟 接應 ，就 殺敗咗 曹兵 ，又 再 救出 大半 軍馬 。
一直 打呀打 ，就 打到 日落 西山 先至 收兵 。
點一點人馬 ，損失咗 將官 程銀 同 張橫 ，噉 啊 跌落 陷阱 嘅 呢 ，就 死咗 二百幾 人 。
馬超 又 同 韓遂 商量 話 ：
若果 拖得 時間 長 ，噉 曹操 喺 河北 建立起 營寨 ，到 嗰陣 就 好 難 打敗 佢哋 嘅 嘞 喎 。
不如 趁 今晚 ，帶 一隊 輕裝 嘅 馬軍 去 劫 曹賊 嘅 野營 喇 。
噉都好 ，之必須 將 隊伍 分開 ，等 前後 都有 得 支援 照應 。
於是 馬超 自己 啊 做 先鋒 ，吩咐 龐德 、馬岱 做 後應 ，當晚 就 漏夜 起行 。
而家 講下 曹操 ，佢 收咗 兵 就 駐扎 喺 渭北 。
佢 對 各位 將領 話 喇 ：賊兵 蝦 我 未曾 建立 好 營寨 ，必定 會 嚟 劫營 嘅 。
我哋 可以 喺 四面 ，將 兵士 埋伏 好 ，空咗 中軍 。
等到 號炮 一 響 ，全部 伏兵 都 要 殺出嚟 ，韓遂 、馬超 ，實 可以 捉得到 㗎喇 。
噉啊 各 將領 都 根據 命令 ，率領 軍士 去 埋伏 好 喇 。
當晚 ，馬超 派 成宜 帶 三十個 馬軍 行 前 一步 ，去 探聽 虛實 。
成宜 去到 曹操 個 營寨 ，咦 ？冇到 人馬 噃 ，於是 佢 就 直筆 就 衝入 中軍 。
曹軍 見到 西涼兵 殺到嚟喇 ，就 轟噉 啊 放 響 號炮 ，喎嗬 四面 嘅 伏兵 啊 ，全部 殺出嚟 。
但係呢 ，只係 包圍到 三十名 西涼 嘅 馬軍 ，成宜 就 畀 夏侯淵 殺死咗 。
但係 馬超 啊 ，由 背後 同 龐德 、馬岱 就 分兵 三路 噉 ，蜂擁 殺過嚟 嘞喎 。
於是 兩軍 混戰 一場 ，一直 打到 天光 先至 各自 收兵 。
之後 呢 ，馬超 將軍隊 駐扎 喺 渭口 ，噉 啊 日日夜夜 ，分開 軍隊 一前一後 ，不停 噉 猛攻 。
噉 曹操 呢 方面 呢 ，佢 又 喺 渭河 上 將 啲 船 啊 同埋 木筏 啊 ，用 鐵鏈 就 鎖埋 一齊 ，做咗 三 條 浮橋 ，連結 南北 兩岸 。
曹仁 帶住 一隊 兵士 ，夾住 條 河 建立 營寨 。
佢 首先 係 將 啲 運糧 嘅 車輛 啊 ，一 架架 連 起 嚟 就 作為 屏障 。
馬超 知道咗 ，呢一日 ，佢 命令 啲 兵士 每人 都 帶住 一紮 草 ，就 帶埋 火種 添 。
同 韓遂 一齊 啊 ，率領住 軍隊 ，合力 殺到 曹軍 嘅 寨前 ，跟住 堆起 啲 乾草 ，實行 放火 嚟 燒 。
又燒又殺 ，結果 曹軍 頂唔住 嘞 ，就 放棄咗 營寨 就 走 。
所有嘅 車輛 啊 浮橋 啊 ，冚𠾴 唥 燒得 乾乾淨淨 。
呢一仗呀 ，西涼兵 有 殺 冇 賠 贏晒 ，截住 條 渭河 嘞 。
曹操 睇見 建立 唔起 營寨 就 好 擔心 。
荀攸 向 佢 建議 ，擔 渭河 嗰啲 沙泥 嚟 築 個 土城 。
曹操 聽 佢 嘅 ，就 撥 三萬 名 兵士 擔 泥 築 城 嘞 噃 。
點知 馬超 又 派 龐德 、馬岱 ，每人 率領 五百 馬軍 ，衝來 殺去 。
就 更兼 嗰啲 沙泥 又 唔實 嘅 ，啱啱 築起 就 冧 ，搞到 曹操 呀 頭 都 大晒 就 冇計 好 諗 。
當其時 係 九月底 ，天氣 突然間 暴冷 起嚟 ，烏雲 密布 啊 連 氣 幾日 都 係 噉樣 。
呢一日 ，曹操 呀 正 喺 寨 裏頭 發吽哣 。
衛士 入嚟 報告 話 外便 有 個 伯爺 公 求見 ，話 有 啲 呀 好 緊要 個 事情 ，要 同 丞相 講 喎 噉 。
曹操 請 佢 入 嚟 啦 ， 咦 ， 見到 嗰 個 伯父 雖然 係 比較 清瘦 啊 ， 但 係 十分 精神 嘅 ， 好 有 型 格 嘅 。
曹操 問 佢 嘅 姓名 ，原來 佢啊 ，係 京兆 人 ，隱居 喺 東南 山 ，就 姓 婁 名 子伯 ，道號 夢梅 居士 。
哦嗨 ，係 有啲 來歷 嘅 喎 ，噉 曹操 待 佢 好 客氣 。
呢個 婁子伯 話 喇 ：丞相 想 喺 渭河 兩岸 安營 好耐 嘅 啦 ，而家 點解 仲 唔 趁住 呢個 時候 築起 佢 呢 ？
曹操 話 ：啲 泥沙 好 鬆 嘅 ，總係 築唔成 。
請問 老人家 你 有 乜嘢 好辦法 指教 下 呢 ？
丞相 你 用兵 如 神 ，應該 知道 天時 㗎 。
嗱 ，連 氣 幾日 ，都係 陰天 ，烏雲 密布 ，北風 一起 就 必然 凍得 好 交關 嘅 。
等 一翻 風 ，丞相 就 叫 啲 兵士 堆 啲 泥 ，潑 水 上去 ，等到 天光 ，噉 土城 就 築 好 啦 嘛 。
哎呀 ，噉樣 一點 呀 曹操 就 明喇 ，好高興啊 ，即刻 就 叫 人 攞咗 好多 金銀 嚟 ，要 賞賜 畀 婁子伯 。
但係 婁子伯 呢 唔肯 接受 ，飄然而去 。
當晚 ，呼呼聲 啊 翻起 大北風 。
曹操 就 下令 叫 全部 兵士 擔 泥 潑 水 。
咁 多人 噃 唔夠 嘢 裝 水 㗎 ，嘿 唔緊要 ，搵到 啲 唔容易 透水 嘅 布 ，做咗 好多 袋 ，愛嚟 裝 水 ，嘿 噉 就 解決 晒 喇 。
呢頭 堆起 啲 泥 ，嗰頭 就 淋水 ，等到 天光 ，沙泥 同 啲 水 呀 ，冰凍 到 實一實 ，嘿嘿 ，土城 噉 就 築起嚟 喇 。
馬超 聽見 啲 偵察人員 話 曹軍 啊 已經 築起 土城 ，哈 初時 仲 唔 信 喎 。
及至佢 帶住 兵 去 睇 嘅 時候 ，嘩嗨 ，果然 係 噃 又 唔到 佢 唔驚 嘞 ，噉 係唔係 有 神仙 幫 曹操 嘅 喂 ？
第日 ，馬超 率領 大軍 ，擂響 戰鼓 啊 向 曹操 營寨 進攻 。
曹操 親自 騎馬 出營 ，邊個 都 唔 帶 ，淨係 得 許褚 一 個人 跟住 喺 後 便 唧 。
曹操 舉起 條 馬鞭 大聲 噉 嗌 ：
我 曹孟德 單人匹馬 嚟 呢處 ，請 馬超 出嚟 答話 ！
馬超 一踢 隻 馬 ，挺起 銀槍 就 衝出嚟 。
曹操 話 ：你 欺負 我 築唔到 營寨 係嘛 ，而家 ，我 一晚 就 築好 嘞 ，你 仲 唔快啲 投降 ？
呸 ！馬超 發火 ，佢 想 衝上前去 捉住 曹操 。
哎呀咪住 ，佢 見 曹操 背後 有 個人 ，碌 大 雙眼 ，手提 鋼刀 ，勒馬 企 喺 處 。
馬超 諗住 呢個 人 ，係 許褚 㗎 喇 ，就 舉起 條 馬鞭 問 曹操 ：
聽聞 你 軍隊 裏 便 有 個 虎侯 ，佢 喺唔喺度 啊 ？
許褚 眼射神光 ，威風凜凜 ，提起 鋼刀 大聲 話 ：
我就係譙郡許褚 ！
咦 ，厲害 ！馬超 唔敢 逳 ，勒馬 返轉頭 。
曹操 亦 帶住 許褚 回 營 。
雙方 嘅 士兵 睇見 噉 嘅 場面 呀 ，個個 都 緊張 到 幾乎 連 呼吸 都 停住 啊 。
返到中軍帳 ，曹操 對 嗰班 將官 話 喇 ：
呵呵 連 賊人 都 知道 仲康 叫做 虎侯 啊 ！
從此之後 ，喺 曹軍 裏 便 就 人人 都 叫 許褚 做 虎侯 。
許褚 話 ：我 聽日 一定要 捉住 馬超 ！
曹操 話 ：馬超 好 英勇 ，千祈 唔好 輕敵 啊 。
我 幾大 都 要 同佢 死戰 一場 㗎喇 ！
許褚 立刻 使人 去 下 戰書 ，話 虎侯 ，就係 喽 馬超 一個 聽日 決戰 。
馬超 接到 封 挑戰書 嬲 到 不得了 ，哼 ！想 蝦 我 咁 大膽 ！
攞起 支筆 ，就 喺 戰書 上 便 批咗 六個 大字 ：明日 誓 殺 虎癡 ！
第日 ，雙方 嘅 軍隊 都 出營 ，大家 都 佈好 陣勢 。
馬超 分派 龐德 做 左翼 ，馬岱 做 右翼 ，韓遂 喺 中軍 壓陣 。
馬超 挺槍 縱馬 ，出到 嚟 陣前 大聲 高叫 ：虎癡 快啲 出嚟 ！
睇見 馬超 呢種 威風法 呀 ，曹操 喺 門 旗 之 下 忍唔住 對 嗰班 將官 話 ：
馬超 真係 不減 呂布 當年 之 勇 啊 ！
話猶未了 ，許褚 已經 拍馬 舞刀 直 衝 出去 。
馬超 挺槍 接戰 。
嘩 ，犀利啊 ！鬥咗 百幾個 回合 ，不分勝負 。
打到佢 兩隻馬 ，個鼻 都 啡啡聲 咁 噴氣 啊 口吐白泡 ，都冇晒力 嘞 。
噉啊 各自 返去 換過 隻 馬 ，又 出嚟 打過 。
呢次 又 鬥咗 百幾個 回合 ，依然 呀 不分 勝負 。
許褚 打到 㷫晒 喇 ，飛跑 返 入 陣 裏頭 ，除咗 個 頭盔 ，卸咗 鐵甲 ，除埋 件 衫 。
嘩 ！淨係 睇 嗰啲 肌肉 嗰種 威法 呀 就 夠 睇 嘞 。
佢 打 大赤肋 ，提刀 上馬 ，再 同 馬超 決戰 。
兩便嘅 軍士 見到 ，個個 都 激動到 擘大個嘴 瞪大雙眼 ，捻實 個拳頭 。
噉啊 兩個 又 鬥 到 卅幾個 回合 ，許褚 奮起 神威 ，舉起 大刀 就 斬過去 。
馬超 扭身 一 閃避開 ，跟手 一槍 就 對準 許褚 心口 㓤過去 。
許褚 想 回 刀格 開 就 已經 嚟唔切 。
眼睇住 支槍 㓤到嚟 ，說時遲那時快 ，許褚 索性 連刀 都 擗開 ，雙手 一擸 住 支槍 就 出力 咁 掹嘞 。
嘿嘿 ，兩個人 變咗 喺 馬上 便 搶槍 嘞 喎 。
許褚 好 大力 㗎嘛 ，啪 一聲 拗斷 咗 槍桿 ，各人 揸住 半橛 就 亂 咁 㩧 。
曹操 怕 許褚 吃虧 ，即刻 就 叫 夏侯淵 同 曹洪 兩個 一齊 出馬 去 夾攻 。
龐德 同 馬岱 睇見 曹操 嗰 便 兩個 軍官 一齊 衝出嚟 唄 ，就 大喝 一聲 衝啊 ，噉啊 指揮 兩翼 嘅 馬軍 ，橫衝直撞 就 混殺 過去 ，一下 就 殺到 曹軍 就 亂晒 大龍 。
許褚 隻 手臂 中咗 兩支 箭 ，曹操 同 班 軍官 就 慌忙 退返 入 寨 。
馬超 一直 殺到 壕邊 先至 收兵 。
呢一仗 ，曹軍 損失咗 成 大半 人馬 。
曹操 就 下令 喇 ，一於 堅守 唔準 再 出去 打 喇 。
真係識 英雄 重 英雄啊 ，馬超 返到去 渭口 見到 韓遂 就 話嘞 ：
我 同 咁多 猛將 打過 ，冇 邊個 打得 有 許褚 咁 狼 嘅 ，叫 佢 虎癡 呀 ，冇錯 ！
而家 講 下 曹操 ，佢 估計 呢 係 可以 用計 嚟 打敗 馬超 ，就 命令 徐晃 、朱靈 ，率領 一 支 軍隊 ，秘密 噉 渡過 河西 扎營 ，準備 前後 夾攻 馬超 。
有一日 ，曹操 喺 土城 上 便 見到 馬超 帶住 幾百 名 馬軍 ，一直 逼近 到 營寨 前 便 就 跑嚟跑去 好似 飛 噉 。
曹操 睇咗 好耐 ，突然間 一手 除咗 頂頭盔 ，咣聲 掉落 地 ，佢 話 ：
馬仔 唔死 ，我 無 葬身之地 啊 ！
夏侯淵 聽到 噉 講 唄 激到 呀 肚 都 爆 ，佢 大聲 話 喇 ：
我 情願 死 喺 呢處 都 要 消滅 馬賊 ！
即刻 就 帶住 本部 軍兵 千幾人 ，大開 寨門 一直 追出去 。
曹操 想 制止 佢 都 嚟唔切 嘞 ，又 怕 佢 有 咩 冬瓜豆腐 啊 慌忙 親自 上馬 ，帶 兵 跟住 去 接應 。
馬超 見到 曹軍 嚟 嘞 ，啱晒 ，就 將 前軍 做 後隊 ，後隊 做 先鋒 ，一字 噉 擺開 陣勢 。
夏侯淵 一嚟到 ，馬超 迎上去 就 同佢 交鋒 。
打得 幾打 ， 馬超 隻 眼 確係 厲害 啊 ， 喺 亂軍 之中 ， 佢 一 擸 就 見到 曹操 ， 馬上 掉 低 夏侯淵 呀 直取 曹操 。
曹操 嚇到 走 都 走唔切 。
哎 曹操 噉樣 一 走 ，弊嘞 ，軍隊 當堂 亂龍 。
馬超 正在 追緊 嘅 時候 ，忽然 得到 報告 話 曹操 啊 ，派 咗 一支 軍隊 ，已經 喺 河西 嗰便 扎落 營寨 喇 噉 。
嗨呀 ，大吃一驚啦 ，又 無心 去 追 ，急急 收兵 回營 。
噉啊佢 同 韓遂 商量 話 ：
曹軍 趁 我哋 冇 防備 ，已經 渡過 河西 嘞喎 。
而家 我軍 前後 受敵 ，噉 ，如之奈何 啊 ？
韓遂 部下 嘅 將官 李堪 呢 就 建議 話 嘞 ：
不如 ，割地求和 ，雙方 各自 收兵 好過 喇 。
等 捱過咗 冬天 ，到 出年 春暖 嘅 時候 再 作 打算 啦 。
韓遂 話 喇 ：係嘅 ，李堪 嘅 意見 ，係 最好 㗎 ，就 照噉 做啦 。
馬超 一直 都 係 猶豫不決 ，楊秋 、侯選 都 勸 佢 求和 。
於是 韓遂 就 下決心 啦 ，即刻 派 楊秋 做 使者 ，去 曹操 營寨 送 信 ，講明 割地 求和 個 事 。
噉曹操就話 ：你 返去 先 ，我 聽日 就 會 派人 回報 㗎喇 。
楊秋 告辭 走咗 之後 ，賈詡 入嚟 見 曹操 話 喇 ：
丞相 你 嘅 主意 點 啊 ？
噉 先生 你 嘅 意思 又 如何 呢 ？
兵 不厭詐 ，丞相 可以 詐作 答應 佢 先 ，然後 用 反間計 ，使到 韓遂 、馬超 互相 猜疑 ，噉一下 就 擊破 佢 啦 。
哈哈哈哈哈哈哈哈哈哈哈哈 。
天下 嘅 高見 好多 都 係 相同 嘅 。
你 講 呢個 計謀 ，我 早就 係 噉 諗 喇 。
於是 曹操 派人 送回信 去 ，話 ，等 我 一步步 噉 退兵 ，將 河西 嘅 地方 還返 畀 你哋 噉 。
同時 呢 ，曹操 就 下令 搭好 浮橋 ，做出 個 退兵 嘅 姿態 。
馬超 收到 曹操 個 覆信 就 同 韓遂 話 ：
曹操 雖然 應承 講和 啊 ，不過 佢 呢個 奸雄 個心 好 難 估 ，我哋 如果 唔 作好 準備 就 會 吃 佢 嘅 虧 。
我嘅意思係噉 ，我 同 叔父 你 輪流 出動 人馬 。
今日 ，叔父 你 去 監視 曹操 ，我 就 監視 徐晃 。
聽日 ，我 監視 曹操 ，叔父 啊 監視 徐晃 。
我哋 分頭 防備 ，因住 佢 使 咩 嘢 詭計 。
賢侄 ，你 講得 啱 。
韓遂 就 依照 馬超 呢個 辦法 就 做嘞 。
呢件事 ，好快 就 畀 曹操 知道咗 。
曹操 對 賈詡 話 ：我 嘅 計謀 呀 ，可以 成功 喇 呢趟 。
噉究竟曹操有咩計謀呢 ？噉啊且聽下回分解 。
