問路

今日 我 同 媽媽 去 探 公公 同 婆婆 。 公公 婆婆 屋企 好 遠 ，我 好 少 見 佢哋 。

搭 巴士 搭咗 好 耐 。 落車 之後 ，有 一 個 公園 。 我哋 行 咗 入去 。

公園 好 大 ，好多 嘢 玩 。 我 想 喺度 玩 一陣 ，媽媽 唔 想 。

行 咗 一陣 ，媽媽 突然 停低 ，望 下 左 ，望 下 右 。 佢 唔 知 行 邊 好 。

媽媽 問 我 ：「家欣 ，你 知 唔 知 道 ，點 去 公公 婆婆 屋企 啊 ？」

我 唔 知道 ，唔記得 咗 。

媽媽 話 ：「不如 你 試下 問 人 啦 。 之後 一定 要 同 人 講 唔該 啊 。」

我 見到 有 個 女人 坐 喺 張 櫈 上面 ，於是 行 去 問 佢 ：

「唔好意思 啊 姨姨 ，你 知唔知道 點 去 香城 大廈 ？」

姨姨 諗 咗 一陣 ，答 我 ：「妹妹 ，你 先 喺 呢度 向 嗰邊 行 ，行到 公園 門口 轉 右 ，一路 行 ，去到 街市 嗰度 。 街市 對面 就 係 喇 。」

記得 點 行 之後 ，我 大聲 同 姨姨 講 ：「唔該晒 姨姨 ！」

姨姨 摸摸 我 個 頭 ，同 我 講 ：「唔使 客氣 。 不過 我 係 姐姐 嚟 㗎 ，唔係 姨姨 啊 ！」

媽媽 喺 隔籬 ，自己 一個 喺度 笑 。

媽媽 笑 ，跟住 姐姐 都 喺度 笑 。 點解 佢哋 喺度 笑 嘅 ？