兔仔 要 走 喇

兔仔 住 喺 呢 個 樹林 好 開心 ，佢 成日 同 佢 班 好 同學 一齊 玩 。

上晝 一齊 温書 ，下晝 一齊 去 打波 。

佢 哋 一齊 去 好多 唔 同 嘅 地方 玩 。

有 一 日 ，兔仔 喺 度 沖涼 ，媽媽 喺 廁所 出面 大叫 ︰

「出嚟 去 爸爸 媽媽 間 房 ，我哋 有 嘢 要 同 你 講 。」

「我哋 要 離開 呢個 樹林 ，呢度 啲 樹 越嚟越 少 ，好 難 揾 嘢食 。」

爸爸 話 畀 兔仔 知 。 「你 明 唔 明白 ？」

兔仔 點點頭 ，但係 有啲 唔開心 。

佢 打 電話 畀 佢 班 同學 仔 ， 兔仔 話 ︰ 「 我 聽日 朝早 十 點鐘 要 走 喇 。 」

而家 兔仔 間 屋 好 亂 。 佢 放 咗 ……

一 盞 燈 、兩 張 櫈 、

三 個 碗 、四 隻 碟 、五 隻 杯 、

六 對 鞋 、七 對 襪 、八 條 褲 、九 件 衫 、

同埋 十 個 毛 公仔 ，

喺 一 個 好 大 好 大 嘅 袋 入面 。

佢 班 好 同學 一 大 朝早 企 喺 兔仔 屋企 門口 ，

有 個 男仔 話 ︰ 「 你 不如 唔 好 走 啦 ！ 」

有 個 女仔 話 ︰ 「 你 不如 唔 好 走 啦 ！ 」

兔仔 同埋 佢 班 同學 仔 ，大家 一齊 喊 。

「我 都 同 你 哋 一樣 ，好 唔 想 走 。」 兔仔 喊 住 講 。

「對唔住 ……我 要 同 我 爸爸 媽媽 一齊 。」

「多謝 晒 ……拜拜 ……我 哋 一定 會 再見 㗎 ！」