種子 銀行

「媽媽 ，點解 呢 次 啲 菜 好食 咗 咁 多 嘅 ？」 阿樂 喺度 夾 緊 條 菜 。

「因為 呢 次 係 食 有機菜 呀 ！ 等 我哋 食 完 飯 再 同 你 講 個 『種子 銀行 』嘅 故事 。」

等 媽媽 整好 晒 嘢 坐低 ，佢 就 開始 講 ：「阿樂 ，喺 好 耐 之前 有 一 個 地方 ……」

「因為 天氣 嘅 問題 ，所以 農夫 嘅 收成 唔係 咁 好 ……」

「佢哋 唔 試 下 種 其他 嘢 嘅 ？」 阿樂 唔係 好 明 。

「因為 佢哋 冇 錢 買 其他 有機 種子 呀 。」

「吓 ？ 咩 係 『有機 』？ 同埋 農夫 唔係 好 有錢 嘅 咩 ？ 佢哋 賣 啲 菜 咁 貴 。」 阿樂 即刻 又 問 。

「『有機 』即係 佢哋 種 嘢 嗰陣 冇 用到 農藥 ，食 落 會 健康 啲 ……」

「 而且 ， 你 咪 睇 啲 菜 好似 好 貴 噉 ， 其實 農夫 嘅 收入 得 好 少 好 少 ， 同埋 佢 哋 要 用 好多 心機 去 種 啲 菜 ， 所以 唔 准 浪費 食物 ， 知道 冇 ？ 」

「知道 ！ 我 會 食 晒 佢哋 㗎 喇 ！」 阿樂 起身 敬 咗 個 禮 。

「噉 我 問 下 你 吖 ，如果 你 係 農夫 你 會 點 做 ？」

「我 諗 我 會 去 銀行 借 錢 。」 阿樂 諗 咗 好 耐 先 答 。

「啱咗 一半 啦 ！ 佢哋 最後 開 咗 一 間 『種子 銀行 』。」

「噉 有 咩 唔同 呀 ？」 阿樂 舉手 問 。

「其實 都 係 差唔多 嘅 嘢 嚟 ，只不過 佢哋 存入 銀行 嘅 係 種子 ，而 唔係 錢 。」

「過咗 冇耐 ，啲 人 開始 知道 呢 間 種子 銀行 ，之後 就 有 好多 人 嚟 存 種子 喇 ！」

「依家 銀行 入面 存 咗 好多 唔同 嘅 種子 ，好似 蘋果籽 、香蕉籽 、橙籽 ……

「農夫 仲 可以 去 銀行 借 種子 ！」

「借 係咪 要 錢 ？ 佢哋 唔係 冇 錢 嘅 咩 ？ 噉 仲 點 借 種子 ？」 阿樂 忍唔住 問 。

「睇嚟 你 有 留心 聽 喎 ！ 佢 哋 可以 拎 屋企 有 嘅 種子 存 喺 銀行 ， 跟 住 借 其他 種子 ， 借 到 種子 就 可以 開始 種 嘢 喇 ！」

你 估 唔 估到 啲 農夫 之後 點 呀 ？

「農夫 梗係 收成 好好 啦 ！ 喺 啱 嘅 天氣 種 啱 嘅 嘢食 。 就 好似 唔同 嘅 問題 就 要 用 唔同 嘅 解決 方法 。 阿樂 你 知唔知 呀 ？」

「梗係 知 啦 ！ 對症下藥 呀 嘛 。」 阿樂 笑 咗 一 笑 。

「係 喇 ！ 叻 喇 ！ 噉 佢哋 收成 之後 就 要 去 返 銀行 『還款 』喇 ，佢哋 仲 要 還 返 多少少 嘅 種子 畀 銀行 做 『利息 』。

「就係噉 ，佢哋 間 種子 銀行 嘅 種子 越嚟越多 ，啲 農夫 可以 因應 唔同 天氣 種 返 啱 嘅 嘢食 。 故事 講 到 呢度 ，阿樂 你 學 到 啲 咩 呀 ？」

「第 一 ，農夫 想 我哋 食 得 健康 啲 ，所以 會 種 啲 有機 食物 。」

「因為 種 有機 食物 係 唔會 用到 農藥 嘅 。」

媽媽 點點 頭 ：「係 喇 。 其實 呢個 故事 係 真人真事 ，世界 上 真係 有 種子 銀行 㗎 ！

「佢 最 開始 係 由 一 班 女人 建立 嘅 ，依家 好多 地方 都 有 㗎 喇 。 你 仲 有冇 學到 其他 嘢 呀 ？」

阿樂 又 起身 敬禮 話 ：「有 啊 ！ 就係 要 多謝 農夫 同 好好 愛惜 食物 ！」