我 讀書 唔 叻 ， 但 我 ……

「阿瑩 ，你 又 喺度 搞 咩 呀 ！ 功課 又 唔 做 ，書 又 唔 温 ，成日 睇 啲 冇用 嘅 書 ！ 你 睇 下 人哋 小明 ，讀書 年年 拎 第 一 ，你 學 下 人哋 啦 ！」 媽媽 今日 又 發嬲 喇 。

「媽媽 依家 要 出去 買 啲 嘢 ，你 都 好 去 溫書 ，唔好 亂 開火 煮 嘢食 ，聽到 未 呀 ？」 媽媽 好 大聲 噉 問 阿瑩 。

「得 喇 ！ 知道 喇 ！ 」阿瑩 放低 本 書 扮 鬼臉 。

媽媽 出 咗 門口 。

阿瑩 聽到 媽媽 噉 講 ， 其實 有 啲 唔 開心 ， 佢 覺得 媽媽 唔 明白 佢 。 佢 心諗 ：其實 我 科學 都 高 分 㗎 ！ 又 唔 見 佢 讚 下 我 。

突然 ，阿瑩 諗 到 啲 嘢 ！ 佢 決定 做 啲 媽媽 估唔到 佢 識 做 嘅 嘢 ，就 係 煲湯 ！

阿瑩 好 鍾意 科學 ，所以 佢 決定 用 一 個 特別 嘅 開火 方法 。 佢 先 準備 一啲 薯仔 同 蕃茄 ，將 佢哋 一 舊舊 排 好 。

「好似 仲 爭 緊 啲 嘢 ……」阿瑩 望 一 望 上面 個 架 ，笑咗 笑 ——啲 嘢 都 幾 啱 用 噉 喎 ！

呢個 時候 ，媽媽 因為 唔記得 拎 銀包 ，所以 返 咗 屋企 拎 ……

佢 一 打開 門 ，就 見到 阿瑩 喺 廚房 唔 知 整 緊 咩 。 佢 想 去 鬧 阿瑩 ，但 諗 諗 下 又 想 睇 下 阿瑩 搞邊科 ，就 冇 出聲 。

阿瑩 喺到 排 緊 架 上面 啲 匙羹 ，完全 冇 為意 到 後面 嘅 媽媽 。

就嚟 搞掂 喇 ！ 再 放 個 波 上去 就 得 喇 ！

媽媽 仲未 知 阿瑩 想 做 咩 。

「準備 ！ 三 、二 、一 ，開始 ！」 阿瑩 好 興奮 噉 輕輕 一 吹 ， 個 波 撞 跌 咗 左邊 隻 匙羹 ， 然後 一 隻 撞 一 隻 ， 最後 一 隻 仲 跌 埋 落架 ……

隻 匙羹 跌 落 嚟 ， 撞 到 枱 上面 嚿 薯仔 ， 舊 薯仔 又 慢慢 碌 去 右邊 ， 咚 、 咚 、 咚 ， 一 舊 撞 一 舊 ……

撞到 最後 ，支 麵包棍 撞到 個 開關掣 ，火 就 開 咗 喇 ！

「得 咗 ！」 阿瑩 好 開心 。

媽媽 估唔到 阿瑩 會 識得 用 呢啲 嘢 嚟 玩 骨牌 ，而 同時 又 真係 煲 到 湯 ！

佢 忍唔住 嗌 咗 句 ：「阿瑩 ！」

阿瑩 嚇 咗 一 跳 ，佢 轉身 望 到 企 喺 廚房 門口 嘅 媽媽 ，心諗 ：死 喇 ！ 呢 次 又 要 俾 媽媽 鬧 喇 ！

正當 佢 以為 媽媽 會 鬧 佢 嗰陣 ，媽媽 跑 過去 攬 住 佢 ，講 咗 句 ：「乜 原來 我哋 阿瑩 係 咁 叻 㗎 ！」

阿瑩 至 由 驚 轉為 笑 ， 攬 住 媽媽 ， 話 ： 「 媽媽 ， 你 都 試 啖 湯 吖 ！ 過 多 陣 就 飲 得 㗎 喇 。 平日 辛苦晒 你 ！」

自此之後 ，媽媽 冇 再 話 阿瑩 睇 啲 咩 書 ，有時 仲 會 讚 佢 係 「小書生 」添 ！