حياة عيلتنا:عيلة ابو سند والنت - الجزء الثاني
كِش ملك
عنجد وهاه
سامر!! هاد وين كان
آه آه صح
لأ هاد ما كان هون هاد أكيد أكيد ما كان هون
كان هون!
شو بتفكرني هبلة
أكيد ما كنت حأحطه هون عشان توكلني
أعطيني الحجر هلأ
اقلك هاه، بديش العب معك!
ايش في يا اولاد؟
يا الله شو هاي البربشة!
ولكم ما صرلي ربع ساعة مخلصة ترتيب!
هي غشاشة!
ماما شوفي سند
كل واحد على غرفته بسرعة أشوف
ما بدي أشوف ولا حدا هون ، يلا على غرفكم!!
وينهم هدول؟ زمان ما سمعت صوتهم
هيه! معقول صارلهم اشي
ولا سند!! مين هدول؟!
وانت شو عم تعمل
اه مش عم بعمل اشي، عم بلعب
أعطيني الآيباد أشوف
ماشي يا سند ماشي
خليني أروح أشوف سالي
لا لا لا صراحة أنفك أكبر من المطلوب
مخرب شكلك على الآخر
بده تزبيط
صراحة شعرك كثير لونه عادي
ما في أي شي مميز
بعتقد إنه بده تغيير
و بسرعة بليز
شو هادا لبسك
هاي البلوزة راح موديلها من شهرين
هاه! شو أولد فاشن
ماما! ماما سالي حبيبتي
شو اللي عم تحضري هاد!
ما تردي عليهم انت بتجنني
وكلشي فيكي حلو
ماما انتي شو بفهمك بالموضة
هدول أشهر يوتيوبرز بالموضة
سامر! شو عم تحضر انتا التاني؟
يعني بعد كل اللي بعمله عشان احميهم
وما بخليهم يروحوا أي محل بدون غير لما أسأل واستفسر
هيك بصير فيهم وجوا البيت كمان
بغرفهم؟!
طَولي بالك يا أم سند طَولي بالك
لا يا أبو سند
هادي الأشياء اللي شافوها بتتخزن بعقلهم
وبتأثر عليهم وعلى تصرفاتهم
طيب انتو حاطين فلتر للإنترنت بالبيت؟
الله وكيلك! فلتر مي ما عِنا ههه
استنى شوي خلينا نفهم من الدكتورة
ما كنا نعرف انو في اشي بِفَلتِر النت
يعني شو قصدك؟
هادا اشي ضروري كثييير يا أم سند
مش كلشي موجود عالإنترنت صح وصحّي
و الإنترنت فيها أشياء ممكن اتدمر حياة ولادكم
قوليلي قديش بيقعدوا كل يوم عالنت؟
يعني يدوب ساعة زمن، صح يا أم سند؟
مش عارفة يعني...مش كثير
يمكن ساعتين الصبح
ويمكن ثلاث ساعات بعد الغدا
وبالليل كمان مرات بفتحوا الإنترنت
يعني مش عارفة....يعني
يمكن كل الوقت؟
طارت الحزمة...هلكوني!
ما بصير النت يكون مفتوح كل الوقت
وما بصير يقعدوا بغرفهم ويسكروا على حالهم
لازم تحددوا الوقت والمكان
يا دكتورة، احنا منتعلم منهم
اي هذول بفّهموا بلد
يا أبو سند
انت بتقبل تعطي ابنك سند سيارتك
بدون ما يكون معه رخصة سواقة؟
ويعرف شو قوانين السير وكيف يتحكم بالسيارة؟
بقُص خبره، هاد خطر عليه وعاللي حواليه
وعلى السيارة كمان
والإنترنت نفس الشي
لازم تقعد تفّهم ابنك وبنتك شو المناسب وشو المش مناسب
وحط فلتر للإنترنت بالبيت
وحدّد الوقت للكل
الله لا يردها هالحزمة
شكلو في كثير شغلات أهم لازم ننتبهلها
صح يا دكتورة احنا كثير مقصرين
كل واحد يرجع محلّو
بدنا نتعلم كلنا كيف نحدد وقتنا عالنت
ونعرف شو منحضر
وانت يلا اعمل لنا سبسكرايب
وانتوا إذا بتحبوا تعرفوا أكثر عن فلاتر النت
ووسائل الأمان اللي ممكن تستخدموها للإنترنت بالبيت
اضغطوا عالرابط اللي عالشاشة
