حياة عيلتنا: يا سالي ما في مصاري
بابا أنا بحتاج بوط جديد
عصام إلحق!
جابولنا فاتورة المي متأخرين وبدهم يقطعوها علينا لازم لازم تدفعها
بابا لازم ندفع فاتورة النت
أبو سند بحياتك ما تنسانى ببنك الإحسان
ها! شو هذا!
عصام؟ شو في؟
ولا شي ولا شي حلم مزعج
طب قوم قوم غسل وجهك وأنا بعمل لك أحلى فنجان قهوة
صباح الخير لأحلى أب، كيفك اليوم بابا؟
صباح النور حبيبتي شوفتكم بتخليني دايماً منيح
بابا أنا ما بدي أضغط عليك بس متذكر شو حكينا مبارح
شو حكينا؟
بابا اللابتوب
عنجد أنا محتاجيته
وخاصة أن القديم خرب وما بتصلح
خلص اليوم انشاء الله بجيب لك إياه
شكراً بابا
عصام أنا طالعة على الشغل
وبعدين رح أمر أجيب أغراض للبيت، بدك إشي؟
سلامتك أنا شوي وطالع
رهيب العرض الخاص هاد
ألو؟ آه عصام
أنا جبت لسالي اللابتوب وطالع على البيت عشان أنزل عليه برامج
إنتي وين صرتي؟
هيني هيني أربت أخلص شرا وبدي أحاسب
جبت معي أغراض للغدا، بدك إشي؟
جبنة؟ بدنا جبنة؟ آه مش عارفة خلص يلا بحطها
ممتاز آه بتعرفي، جيبي حليب وفول بالثوم وشوية مكسرات
بشوفك بالبيت
إه أبو سند!
يا رب يا رب يا ساتر يا ساتر
صار لك إشي؟
مش عارف
ش-ش-ش-شيك علي، كل شي بمحله؟
هاهاها نشكر الله سليمة
بس شو صار معي أنا مش عارف
شوف مع إنو مش تخصصي بس هات أشوف لك
أوباا هدول عزيزي العجال ماسحين عالآخر
لازم يتغيروا بأسرع وقت
شو بتحكي؟
إه هلأ وقته؟
هذا اللي إجاك مش تقول لي مصلحة
أبداً مش شغلتي بس بعرف لك واحد عنده عجال رخيصة، أرن لك عليه؟
سلام، سالي هاي اللابتوب بابا
شكراً كثير حلو شكراً كثير بابا
شو مالك حبيبي في إشي؟ حسستك مش مزبوط
كنت رح أعمل حادث وأنا راجع طلعوا العجال ماسحين
غيرتهم
يييي حمد الله على السلامة
منيح ما صار إشي
آه بس دفعت مبلغ وقدره على العجال واللابتوب
مش عارف كيف رح ندبر حالنا لآخر الشهر
ولسى علينا فواتير كهربا ومي
ولا يهمك حبيبي بتهون يلا خلينا نتغدى
شو طابخيتلنا اليوم؟
عملت مجدرة
وشكلها رح نوكلها أنا وياك لحالنا قال الولاد إيش، ما بحبوها
وراحوا طلبوا أكل من برا
شو؟ ليش يطلبوا من مطعم وفي أكل بالبيت؟
سند! سالي!
آخ يا ظهري لسى علي ضب الأغراض
شو هذا كله؟ خليني أساعدك
ليش جايبة كل هذا العصير؟ ما حدا بيحب منجا غير سالي
إنت بس لو تعرف أديش حقه رح تشكرني
عليه أفر نص السعر
مش كل إشي عليه أفر بطلع أوفر
هذا تاريخ انتهائه بعد يومين ما رح تلحق تشربه كله
يي عنجد! ما انتبهت أعطيني أعطيني أشوف
هذا مزبوط
وهذا الفول بالثوم لفطور الجمعة
أبو سند طلع عنا خمس علب فول بس جوا جوا مش مبينين
هاتي أرتبهم حسب تاريخ الانتهاء
حطي اللي تاريخه قرب ينتهي برا واللي جبتيه جوا
برضه فكرة
بس يا دينا هذا للي عنده حساسية جلوتين، لشو جايبتيه؟
ما حدا فينا عنده حساسية
مش عارفة قلت بجيب احتياط يلا ما بضر ما بضر
أعطيني أعطيني وخذ هدول
معكرونة؟ إنتي ناوية تفتحي مطعم إيطالي؟
قديش في عندك؟
عندي هون خمس بكيتات
بس شوف هذا شكله مسوس خلص بلاه
وهاي الفريكة قديمة كمان خلص كبها
وهذا خلص خلص كبهم كبهم
أكبهم؟! دقيقة ستني شوي
هدول ورقتين، كيف بثلاث دنانير؟
عصام إنت شو بفهمك هذا ريحان
غالي شوي بس سالي بتحب طعمه بالأكل كثير
هات هات أحطه بالثلاجة
هاد كله خلص لازم أشيله
وكمان أكب باقي المجدرة لأنه ما حد رح يوكلها خليني خليني أساعدك
صح اليوم الأكل من برا بدل المجدرة
هاد النعنع دبلان والبندورة ييي خربانة والخيار شوف شوف ما في روح
شوفي سعر الأكل اللي كبيناه اليوم
طلع أكثر من فاتورة الكهربا اللي مش قادرين ندفعها، شو رأيك؟
معقول؟!
يمكن صار وقت انو نخلق عادات جديدة بالعيلة في تعاملنا مع الأكل
والمصروف في البيت
من يوم وطالع ما بدنا أكل ينكب
الدراسات بتقول انو قيمة الأكل اللي بينكب في العالم
بتكفي تطعمي كل الفقراء والناس اللي عم بيموتوا من الجوع وبزيد كمان
رح نطبخ عالقد إذا ما بدكم توكلوا أكل بايت
وما في طلب أكل من برا طول ما الماما طابخة في البيت
الموجود بدنا نوكل منه
حاضر
ورح نحدد شو الأكلات اللي رح نوكلها بأول الأسبوع الجاي بالأغراض اللي عنا
وما رح نطلب من برا
أنا عندي فكرة حلوة
ماما هاي الجورد خلص كتبت كل إشي عنا بالخزانة وبالثلاجة
هون الاسم وهون العدد وهون تاريخ الانتهاء كمان
قد زيادة من
ممتاز شكراً حبيبي يسلموا إيديك
حسب نتايج الجورد أنا أكيد بدي معكرونة الأسبوع الجاي لازم نخلص المعكرونة
زرعت النعنع والريحان وضل علي الزعتر
برافو حبيبتي بس تخلصي إسقيهم مي
كثير فكرة حلوة الزراعة عشباك المطبخ
خلينا يا جماعة نكون منتبهين على كمية الطعام المهدورة ببيوتنا
المثل بيقول يزيد ولا ينقص بس احنا بدنا نقول اليوم
يكفي وما ينكب
وما ننسى نشارك ونساعد غيرنا
اعملوا لنا لايك وسبسكرايب
