حياة عيلتنا: ترى شغل البيت بس للبنات؟
عائلتي الحبيبة
الدورة اللي رح آخدها بالشغل رح تكون بعنوان
"التحكيم في العمليات المصرفية"
مدتها ١٠ أيام
و تم إختياري من بين ٣٥ موظف و موظفة
و أنا بحتاج لدعمكم و تصويتكم
قصدي و ترتيبكم لأمور البيت
الرجاء الإلتزام بالبرنامج
كل الدعم يا أم سند، و أنا من جهتي بوعِدك
رح ألتزم بالمهام الموكولة إلي
الإشراف العام يعني
بكرا رح يكون أول يوم، و رح أرجع عالسبعة
ما تنسوا تتغدوا و ترتبوا و اتديروا بالكم عسامر
اتفقنا؟
اتفقنا
هاه مرحبا يا جماعة
يعطيكي العافية يا أم سند الحلوة
هاي ماما
كيف اليوم؟
كثير منيحة الدورة بس كثير تعبانة و جوعانة
خليني أدخل آكلّي إشي
ممكن أعرف على مين اليوم الجلي؟
ماما أنا امبارح كان دوري، فاليوم دور سند
و قلتله ألف مرة يقوم يجلي بس ما رد علي
معلش أعرف مين اللي خربش على اسم سند
و حط اسم سالي؟
من كل عقلك حاطه سند يجلي
همه الولاد بِجلوا
بعدين صدفت اليوم في مباراة مهمة
سامعة ست سالي شو بحكي البابا
يا سلام! ليش لازم أنا أجلي و هو لأ؟
هي الماما بتجليو البابا لأ
أصلاً شغل البيت بس للبنات
هيك يعني يا سيد سند
و انتا يا أبو سند، ماشي!
يلا يلا يلا يلااا جوووووول!!
ماما، أنا بدي أخت العب معها بليز ماما أنا بدي أخت
فال الله ولا فالك
انشالله ولد، بدنا أخو لسند هسه
بنت؟ يلا ؟ أهم إشي سلامتك
الله يعوضك بالولد يا دينا
اوف..اديش الساعة
شو هاد الصوت؟
أم سند حبيبتي! شو لسا بتعملي بالمطبخ؟
بكرا عندك نهار طويل
هاه مهو شغل البيت بس للبنات، مش هيك يا أبو سند
أنا رايحة أنام، بكرا عندي سروة الصبح
و انتا عندك شغل، روح نام
بصراحة، كثير زاكي طبيخ البابا
و أنا انصدمت كمان، بطلع منه صدّق ابوكي
ابو سند، سند، بدكم مساعدة؟
لا لا لا، ارتاحوا انتو، احنا مدبرين حالنا
هههههههههه
مين قال إنو شغل البيت بس للبنات؟
بس أكيد الإشراف العام رح يضل إلي
ههههههههه
إذا بدكم برنامج أعمال المنزل للعيلة
زي اللي معلقينه عنا بالبيت
عملنالكم واحد مجاني
اضغطوا هون عشان تنزلوه
