حياة عيلتنا: سند غيران
يعني أنا مش فاهمة
طول عمرك بتجيبي كيك جاهز
ليش هلأ صرتي بدك تعمليه بالبيت؟
هيه معقول!!
هاي ثالث مرة بعملها، ولا كاينة تزبط
افففيييي الريحة! انحرقت الكيكة
ههههههه شو صار؟
بس يا ولد، عيب تضحك على أمك
الماما حابّة تتفنن بالكيك عشان أول عيد لسامر
صح ماما؟
هيِّك عارفة، وليش بتسألي
يا سلام...عمرك ما عملتيلي كيكة على عيدي
ليش بس لعيد سامر دلوع الماما؟
طب يلا يلا معلش تطلعولي برا
عندي وصفة تانية هالمرة أكيد أكيد رح تزبط
ماما شوفي بوطي كيف شكلو
أنا محتاج بوط جديد
و انتي وعدتيني تجيبيلي واحد هاد الأسبوع
سند حبيبي....ممكن نأجلها للشهر الجاي؟
شو ضايله الشهر الجاي
ماما ليش ليش ليش كل مرة بتوعديني وما بتوفي
معلش حبيبي...علينا هاد الشهر مصاريف كثير
و انتا عارف علينا عزومة كبيرة لَعيد سامر
خلص أكيد أكيد الشهر الجاي بجيبلك أحلى بوط
سامر سامر سامر!!
صارلكم شهر مشغولين بعيد سامر!
أنا ما دخلني
أنا بدي بوط جديد زي ما وعدتيني هلأ!!!
سند خوّفت أخوك
اصحك مرة ثانية تصرخ بهاي الطريقة
يا سلام..يعني هو بيبكي بصوت عالي
عادي ما بتحكيله اشي
و أمّا أنا ممنوع احكي بصوت عالي
هيه شو صارله
سالي...تعالي تعالي
تعالي ساعديني و امسكي هادي
بابا...عم بنفخ البلالين
انقطع نفسي
طب وين سند؟
سند!
بهتموا فيه أكثر مني
كل شي بده اياه بصير
امّا آنا بترجاهم و ما بِرُدوا علي
دايماً أنا الغلطان
لأنه هو الصغير و أنا الكبير
كبّر عقلك حبيبي و بالأخير أنا بتعاقب
اليوم الكل معجوق بعيد سمّور
ماشي....أنا بفرجيهم
يلا يا جماعة، خلونا نغني
وين راح الشمع؟
أنا حطيته هون قبل شوي
أنا عندي الشمع
Happy birthday to you لك عيد سعيد
Happy birthday to you لك عيد سعيد
Happy birthday dear Samer لك عيد يا سامر
سند!!!!
سند بعدين بتكمل تنظيف
تعال تعال....تعال نحكي
و هادي كيكة عيد ميلادك الأول
كل واحد منكم بعيد ميلاده الأول
عملتله كيكة بالبيت
يعني أنا مش كثير شاطرة بالكيكات
بس يعني بحب اقلكم اديش أنا بحبكم
عشان هيك بحب اعمل الكيكة بإيدي
ماما، شوفي اديش سامر بشبه سند وهو صغير!
وااال! كل هدول الناس اجو على عيد ميلادي الأول
أكيد يا بابا
كل واحد فيكم مهم
بس في اوقات حدا من اخوانك
بكون محتاج اهتمام أكثر
بس هدا مش معناته انو
احنا منحبك أقل منه
بابا...احنا متأسفين انو حسسناكم بعدم الإهتمام
و انشغلنا عنكم الفترة الماضية
أنا متأسف إنّي خربت العيد
كل سنة و انتا سالم يا سمّور
دقيقة شوي
رحت دورت على البوم عيدي الأول و ما لقيت
ليكون ما عملتولي؟
ههه شو شكلك غِرتي منّي
ههههههههههههههه
