حياة عيلتنا: شو سِر عيلة ابو سند؟
يا ولاد
حد يرد على التلفون
سند قوم رد
هو ضل حدا يرن على تلفون البيت
هدول دعايات
اخر مرة قال بدهم يعملوا فحص للمية الشرب
خلص خلص انا قايمة
الو
أهلاً أهلاً
طبعاً
بس دقيقة شوي خليك معي على الخط
أبو سند
تعال بسرعة
اشي قناة تلفزيون بدهم يحكوا معك
بسرعة أسرع
تلفزيون !!!
الو
بعتذر
يعني تأخرنا عبل ما ردينا عليكم
صرلنا ساعة بنقول حد يرد حد يرد (هههه)
نعم طبعا اكيد
احنا جاهزين
في انتظاركم
شو بدهم ؟
بدهم يعملوا معنا مقابلة بكرا !!
مقابلة !!
طب حكولك ليش ؟
طب شو بدهم يسألونا؟
طب شو اسم القناة؟ قالوا لك شو اسم القناة؟
طب متى رح يبثوا؟
ابدا ما بعرف اشي
بس اشي واحد بعرفه
انه احنا لازم نستغل الفرصة اقصى استغلال
مزبوط
بابا
انا رح افرجيهم مهاراتي بكرة القدم
وممكن حدا من المدربيين يشوفني على التلفزيون
وادخل المنتخب الوطني
واخيرا رح انشهر
طب بس وين بدنا نقعدهم ؟
الصالون ارتب واوجه صح ؟
ولازم نجهز حالنا لكل الاسئلة
يا ربي شو رح يسألونا؟
ونرتب امورنا ونكون جاهزين مية بالمية
انا بالنسبة الي بدي اتألق
مديري قاعد بدور على ممثل عن الشركة
يصير يروح مؤتمرات وسفرات
وأكيد رح يحضر المقابلة
بدي افرجيه اني انا الشخص المناسب في المكان المناسب
سالي ؟؟
وين سالي ؟
شو بتحكي !! معقول
اه
هلأ هلأ حكوا معنا وبكرا رح يجوا
سالي احنا لازم نطلق مواهبنا
احم احم قصدي
لازم تطلقي مواهبك
ما اظن رنا
صراحة انا ما بحب الشو اوف وهيك
انت بتعرفيني
بس سالي تخيلي اذا عملنا
قصدي عملتي
اغنية وانتشرت
وصار عليها لايك وشير
وراحت فايرل شو بصير
فكرك ؟
خلينا نشوف
بس اذا بدي اعمل اشي اكيد انت معي
ما رح اعمل اشي لحالي
لا لا لا شو بتحكي شو دخلني
بس اذا مصرة
خلص رح اكون معك (ههههه) بنرجع بنحكي يلا باي
آآه يس يس يس
شو في رنا
ليش عم بتصرخي
ماما
ما بتصدقي شو رح يصير عنا بالعمارة بكرا
شو ؟؟
شو بتقولي ام يزن ؟؟
انت متأكدة
هلا خبرتني رنا
سالي حكيتلها
انا لازم اروح اشتريلي لبسة جديدة
واروح على الصالون
اكيد اكيد رح يطلبوا يقابلوني
لازم اكون جاهزة
اه عطا
زي ما بقولك
طب ابو يزن قولي
في عندك اشي خربان بده تصليح بده تبديل بده صيانة
حبيبك انا
أييي شو هذا
رح اعيد
لا هاي مش زابطة
يمكن لازم هيك
( تدندن الاغنية )
يييي خلص ما رح الحق
هيك تمام
مش حلو المبالغة ولا شو
ابو سند جهزت ؟
حضرت فيديوهات كثيرة عن اللون المناسب لربطات العنق
بقولك الازرق الشخص المسالم
انسي
الاحمر بدل على السلطة
انا بدي احمر
بدي اهبلهم هبل
طب يلا يلا بسرعة بلاش نتأخر
طلعت الكراسي فوق على السطح ؟
مع انه الصالون ارتب واوجه
بس معلش عشان الكورونا
هيك اضمن
كل شئ جاهز
ام سند انت بتبلشي اول
انا بدي اكون آخر واحد
بدي اترك الانطباع الاخير
وتلزق صورتي لزق في مخ المدير
لا!!
بس انا ما بدي اول وحدة
بتوتر
وصلوا وصلوا وصلوا
اذا ممكن بس تلفي راسك شوي على اليمين
ابو سند
حاول ما تضرب بالمايك وما تتحرك كثير
رح نبدا بام وابو سند مع بعض جهزوا حالكم
٥ ٤ ٣ ٢ ١آننند اكشن
بونسوار وأهلا وسهلا فيكن
المقابلة اللي عم تنطروها من زمان
اليوم حلقتنا ولعانة رح نستضيف فيها العيلة المحبوبة والمشهورة على يوتيوب
عيلة ابو سند
رح نسألهم اسألتكن ونسمع اجاباتن
فخليكن معنا
اول سؤال احنا عادة بنسأله بكون للزوجة
بس بما انو انتوا عيلة مثالية
وابو سند بساعد كثير بالبيت
فالسؤال رح يكون الكن انتوا التنين
والسؤال هو
كيف بتوفقوا بين البيت وبين الشغل ؟
احنا بصراحة
احنا
ليديز فيرست
احنا بصراحة بنعتبر انه احنا شركاء بالبيت وبرا البيت
بنتساعد تقريبا بكل شئ
احنا التنين بنشتغل برى البيت
فأكيد التنين لازم نتساعد جوى البيت
وبالنسبة للشغل
ما بدي انسى اذكر اهمية انه الواحد يكون ملتزم بشغله
وبدي اشكر مديري على ادارته الرائعة للشركة
اللي بتحفزنا كلنا نعطي احسن ما عنا و
شكرا ابو سند
في عندي سؤال لام سند بقول
شو سر القلاية
هيك بتقولوها انتوا بالأردني
شو سر القلاية الطيبة للي انت بتعمليها ؟
لا لا لا هاي أسرار ما بقدر بصراحة أصرح فيها على الهوا
معلش اسمحي لي
بمزح معاكي
هو الحقيقية ما في سر بالوصفة ولا إشي
السر انه أي اشي مطبوخ بنِفس وحب بطلع أذكى اشي
وانت يا حلو تعال لعندي هون أشوف قرب قرب لعندي
في سؤال الك كمان بيقول
مين بتحب اكثر البابا ولا الماما
يقبرني شو مهضوم
1250 ..1251..1252
وهلا معنا سند!
سمعت انك بتحب كرة القدم كتير
مش بس بحب كرة القدم!
انا لعيب كرة قدم
في اخر دوري كنت الهداف
وأحلامي
انه يوم من الأيام ألعب في المنتخب الوطني
حلو كتير
بتمنالك كل التوفيق
طب بدي اسألك سؤال تاني كمان
شو اكثر اشي
كات.. عفواً مين حضرتك؟
انا ام انصاف الجارة
معقول ما سمعتوا عني
اهلين اهلين ام انصاف
يييي يا علي! ما كنت عارفة انكم عم بتصوروا
جاي انشر غسيل حبيبتي
ام سند خليهم يسألوني اي سؤال صرت جاي
بس احنا هلا لازم ناخد بريك 5 دقايق
اذا هيك
انا نازلة ازبط مكياجي شوي
سند سليهم عبين ما اجي آه
بتعرفوا شو اخر نكتة ؟
شو ؟
قال كيف الفايروس بودع الفايروس
كيف ؟
الى اللقاح .. هههههههه
بدكم وحدة ثانية
مسيو أبو سند
بعد الفاصل رح أسألك سؤال عن تأثير جائحة كورونا على عيلتكم
وخاصة من الناحية الاجتماعية
اكيد اكيد!
احنا زينا زي أي عائلة هاي السنة
أثرت علينا الجائحة بشكل كبير
خاصة من الناحية الاجتماعية
مثلا في العمارة احنا والجيران
لا لا مش هيك مش هيك
مثلا
مديري ابنه البكر الله يخليله اياه نجح بالجامعة بدرجة امتياز
وما قدرنا نقوم بالواجب
بحب أوجهله من خلال شاشتكم أحر التهاني بهالمناسبة السعيدة
نقزتوني، اهلين جيرانا
شو انا شايفة الكل متجمع هون
ايه انا جاي اعمل صيانة لمضخات العمارة
فور فري يعني بس تشيك
واحنا بدنا نشوف الساتلايت
مش عارف شو مشكلته عم بفصل
طيب تعالوا تعالوا ما انتو كمان من العيلة
واذا كان في وقت ممكن تقولوا اشي قدام الكاميرا
انا ما بدي اقول ولا كلمة قدام الكاميرا
بس بدي لقطة وحد عالبزنس كارد تبعي
بروموشن يعني
السؤال هلا لابو سند
احلى ابو سند
بدنا نعرف قديه بتعرف أم سند
أكلها المسكين
شو لون ام سند المفضل
ام سند بتحب كل الألوان
بس لونها المفضل
ممم بصراحة
كل الألوان حلوة عليها
واو شو هالرومنسية أبو سند
بس لحديت هلأ بعد ما جاوبتني عالسؤال
كات... دقيقة دقيقة هذا مسؤول البرامج
شو؟؟
احنا تقريبا خلصنا التصوير
اوكيه اوكيه
يا جماعة مش عارفة شو بدي اقولكم بس صار عنا مشكلة اليوم كثير كبيرة
ولازم نختصر كل المقابلة لدقيقتين
دقيقتين!!
ابو سند
انت صرلك بتجهز حالك كثير عشان يشوفك المدير على التلفزيون
خلص انت احكي
لا لا لا
سند حابب كثير انه يفرجي مهاراته
سند حبيبي الك المايك
لا مش مهم بابا
خلي ماما او سالي
أنا أكيد بتيجيلي فرصة مرة تانية
ماما ؟؟
طب خليني أقول لكم
اذا الوضع هيك
شو اكثر اشي بدنا الناس تعرفه عنا
خلينا نحكي ببساطة في هالدقيقتين
شو رأيكم؟
انا ورنا حضرنا أغنية عن عيلتنا الصغيرة
عيلة ابو سند
وعن عيلتنا الكبيرة عمارتنا الحلوة
شو رأيكم نغنيها كلنا مع بعض
فكرة حلوة، فكرة ممتازة، ممتاز
جاهزين؟ ٥ ٤ ٣ ٢ ١ أكشن
دخلك أبو سند
ما قلتلي
شو لوني المفضل؟
الأحمر؟
أصفر؟
أزرق؟
مرة أخطبوط زعل.. فراح حط اجر عإجر
عإجر عإجر عإجر
واحد بسأل وحدة شو اسمك
بتقلله يارا ياسين
انت شو اسمك
بقوللها يا سين يا صاد مش متأكد
مره فرشاة أسنان اتخنقت مع فرشاة أسنان
احزر شو قالتلها؟
أنا بفرشيكى
مرة في ولد بقول لامو
ماما شوفي ببطنك؟
قالتلو الام: اخوك يا حبيبي
تاني يوم سالو الاستاذ:عندك اخوان؟
ولا هو بقوله: كان عندي بس ماما اكلتو
مرة ليمونة راحت تقدم امتحان
جابت عسرة من عسرة
أخطبوط عم ببكي.. ليش؟
لأنه مش عارف يده من أجره
