حياة عيلتنا: رحلة عائلية
عائلتي العزيزة بعد مباحثات طويلة مع أمكم
اسمحوا لي أعلن أنه من اليوم وطالع
يوم الجمعة رح يكون يوم العائلة
يوم الفرح، يوم النشاط رح نقضي فيه وقت نوعي
بتعرفوا شو يعني نوعي؟
لا
يعني رح نلعب، نروح، نيجي، نحكي عن أحلامنا
مشاعرنا، طموحاتنا، ما في مواعيد، ما في صحاب
ما في شغل، ما في-
أبو سند أظن خلص وضحت الأمور
وبعد بكرة الجمعة رح اندشن هذه الفكرة الخرافية
بزيارة مواقع أثرية في البلد
لا بابا كثير شوب
يا بابا خلينا نروح على البحر
آه آه آه بدنا نسبح بليز
بترجاكوا ما تغيروا المخططات
بس بابا
بدون بس بس
ألو، أهلاً هلا معلم
آه متذكر المشروع الياباني
الوفد هون؟ شو بتحكي؟!
عنجد رح نوخد المشروع؟
هذا خبر بمليون دينار
أكيد بجتمع معهم
متى؟ الجمعة!
آآآه هذا هو الوقت الوحيد؟
بالشركة؟ شو؟ بالبحر الميت؟
شو كل هاي الأغراض؟
اللي بيشوفنا بفكر رايحين انّام أسبوع
هاها لازم الواحد يكون جاهز لكل شي
أنا على الشباك
لا أنا على الشباك
بلشنا، من كان آخر مرة؟
سند، سالي
سند أنت كنت آخر مرة على الشباك
بابا شكراً أنك وافقت تاخذنا على البحر
وأنا يا بابا شو بدي غير سعادتكم؟
وأعمل كل اللي بتحبوه
يلا بابا تحرك
البابا ما بيتحرك إلا إذا الكل حاطت حزام الأمان
يلا جاهزين؟
جاهزين!
نزلن على البستان يا عنيد يا يابا أيوه أيوه أيوه
يوما وحلّن شعرهن
شش شش خلص ولا كلمة، ألو؟
أهلين أهلين معلم
آه آه على الطريق
كل شي تمام كل شي تمام
المدير بطّمن علينا يا الله
آه أكيد آه أكيد
قلبه طيب كثير هالمدير
بابا شغلنا الراديو بليز
آه آه آه حطلنا غيتارات
لا لا حبيبي أنا اللي طلبت أنا بدي أسمع إشي أجنبي
Oh my God so cool (يا الله شو فايعة)
آخ آخ
بابا شوف سالي ضربتني
تستاهل عشان تتخوت علي
البحر! هيو!
وأخيراً وقت التشمس
بابا أنت وعدتني نسبح بالبحر
أكيد أكيد بابا
أهلين أهلين معلم
وصلت ثلاث دقائق بكون بالاجتماع
يابا يا سند قبل ما ننزل نسبح بالبحر بدي أسألك
بتعرف ليش سموه البحر الميت؟
بتعرف قديش البحر الميت منخفض عن مستوى البحر؟
بتعرف قديش نسبة الملوحة؟ لا
خذ هذا الكتاب، أدرسه منيح الكتاب مهم
في معلومات قيمة لازم تعرفها فبل ما نغط بالبحر
وأنا شوي وباجي لك
We believe this project (نحن نؤمن أن هذا المشروع)
will be a success story in the region (سيكون قصة ناجحة في المنطقة)
Thank you very much, I believe so (شكراً كثير، أنا أعتقد ذلك أيضاً)
وينك؟ سند صارله ساعة بدور عليك
هايني جاي هايني جاي
وين كنت؟ قلبنا الدنيا عليك
هيني، وين بدي أكون يعني؟
بابا أنا زهقت ما بدي أقرأ بدي أسبح
يلا يلا بابا أي هو هلأ وقت القراءة
سالي سالي بسرعة أعطيني شنتة سامر
ماما مش هون يمكن نسيناها بالسيارة
روحي أركضي نادي البابا يروح يجيبها
Congratulations, thank you very much (مبروك، شكراً كثير)
خليني أخبر المدير
يلا، مين بدو يسبح؟
أكلنا هوا
وقت نوعي آه؟
عائلتي العزيزة إسمحوا لي أعتذر عن اللي صار اليوم
صحيح أنه اتفقنا أنو من اليوم وطالع
يوم الجمعة رح يكون يوم العائلة، يوم الفرح، يوم النشاط
ورح نقضي فيه وقت نوعي
بس أنا طلع لي شغل استثنائي
حاولت أوفق بين الشغل والعيلة
بس كان لازم أكون صريح معكم من البداية
وعشان أعوضكم عن اليوم
واحتفالاً بتوقيع العقد الجديد
رح نمدد رحلتنا كمان يوم ورح نقضي كل الوقت مع بعض
ياي شكراً بابا!
شوفوا شوفوا ما أحلى الشمس وهي بتغيب يلا سلفي
سند تعال بسرعة
شو هاد؟ كأني بالغت شوي بالتشمس
الوقت النوعي مع العيلة هو الوقت
اللي منقعد فيه مع بعض بدون انشغالات
يعني بدون موبايلات ولا مكالمات عمل
هو وقت منعمل فيه نشاطات مشتركة مع اولادنا
و منقوي علاقتنا معهم
إذا بتحبوا يصير عندكم وقت نوعي مع أهلكم
شاركوا معهم هاد الفيديو
و اكتبولنا افكار لقضاء وقت نوعي مع العيلة بالكومنتات
