حياة عيلتنا: التحدي الاكبر
شو يا ولاد، ليش ساكتين؟
لا كلام على طعام
حبيبتي قصدك لا سلام على طعام
ههههه، شو؟ شو في أخبار؟
ولا إشي، آه صح
اليوم وزعوا علينا ورقة قال رح يعملوا خصم للأول في كل الصف
ورح يحطوا اسمه على لائحة الشرف
شو؟! خصم؟
وساكت؟ مبروك مبروك سند حبيبي
بابا لسا ما طلعوا علامات الشهر الأول
التفوق مضمون حبيبي
قولي، مين أشطر منك بالصف آه؟ مين؟
يعني في عندك يوسف شاطر وسيف شاطر ويزن كمان
يزن؟
آه بابا يزن ورنا كثير شاطرين
أنا بدي أفهم شو ناقصك إنك تكون الأول يعني سند بشو أحسن منك آه؟
قولي، بشو أحسن منك؟
بابا سند شاطر وأبوه كثير بيساعده بدراسته
أبوه بيساعده كثير نينينا
أقول لك أنا عندي فكرة ابعد هيك خليني أعمل سيرتش
سيرتش على شو؟
هلأ بفرجيك رح تطلع الأول يعني رح تطلع الأول والخصم إلنا هالمرة
ماما معلش أطلع عند يزن شوي؟
لا لازم تدرس
بابا خلصت دراستي
راجع راجع ما بدي حدا يتفوق عليك
بابا يزن أبوه جاب له كمبيوتر جديد قال رح يساعده في الدراسة بدي أطلع أشوفه
شو؟ كيف؟ من وين؟ شو يعني بيعمل الكمبيوتر؟
قال سريع سريع سريع
يعني أي سؤال بتعمل له سيرتش بيطلع لك كل الإجابات الصح اللي بالدنيا
آآه طيب طيب روح روح روح ادرس أنا بشوف لك الموضوع
عصام؟ شو بتعمل؟
اممم ولا شي بس بتأكد إذا في إشي عم بينقط من فوق
ممم طيب أنا طالعة عند أم يزن بدي أجيب الصابون اللي وصيتها عليها
يييي خلص أنا بطلع أجيب لك إياه أصلاً أنا بحتاج مفك من عند أبو يزن
ارتاحي حبيبتي بلاش اتعبي حالك
أتعب حالي؟
أهلين أهلين أبو سند
كيفك أبو يزن؟ كيف الولاد؟ شو عم بيدرسوا شكلهم، آه؟
يعني بيحضروا حالهم للامتحانات
حرام عليك يا زلمة مهمة طول النهار بيدرسوا بالمدرسة كمان بالبيت
لازم يلعبوا يطلعوا طاقتهم
أبو يزن بدي أسألك، شو نوع الكمبيوتر اللي جبته ليزن
امممم صدق إني ناسي بشوف لك إياه، بتحتاج إشي أبو سند؟
آه صابون أم سند إذا ما فيها غلبة
قال ناسي قال
قال لازم يلعبوا، علي، هاي غرفة سند مضوية مقطع حاله دراسة، لا وبشمشم عن نوع الكمبيوتر
استعد للهزيمة يا أبو سند
مع مين عم تحكي؟
آآآه نقزتيني ولا مع حدا مع حالي بحكي مع حالي
شو عم بيصير له؟
اسمع يابا بتركز بالامتحان منيح اقرأ السؤال ميت أقول لك مليون مرة
ما بدي أقل من علامة كاملة وهذا سند اللي بيدرس من وراك وبيقول أبوه إنو بيلعب
بس هدفه يتفوق عليك سيبك منه هاد
سند حبيبي بدي إياك تفلل علامة كاملة اليوم وهذا صاحبك يزن شو مفكر حاله ممكن ينافسك
على كل حال الكمبيوتر تبعك اليوم بوصل وأكيد رح تتفوق عليه
يلا يا ولاد جهزوا حالكم رح أوزع ورق الامتحان
طلعوا قلم رصاص ومحاي والآلة الحاسبة
يييي مس نسيت الآلة الحاسبة تبعتي بالبيت
أنا نبهت عليكم ميت مرة ما تنسوها دبر حالك
مس أنا جايب وحدة زيادة سند بيقدر يستخدمها
أيوه وصل سند العبقري اللي رح يجيب لنا أحلا خصم
كيف يابا طمنني؟
بابا لو صاحبي ما أطاني آلته الحاسبة كان سقطت بالامتحان
إنت لخمتني الصبح ونسيت آلتي الحاسبة بالبيت
شو بتقول؟ كان راح الخصم الله ستر
إإه مين هذا صاحبك لازم نحكي نشكره ونشكر أهله
يا سلام يا سلام هيك الترباية ولا بلاش
هذا صاحبي ورح يضله صاحبي يزن
وبابا معلش إذا إنت وعمو أبو يزن حابين تتنافسوا تنافسوا بالشغل واتركونا ندرس براحتنا
حلو كثير إنو نشجع ولادنا يبدعوا ويتفوقوا
بس الهدف إنهم يقدموا أحسن إشي عندهم مش الهدف يكونوا أحسن من غيرهم
المقارنة والمنافسة إذا ما كانت صحية مش منيحة لولادنا خلونا ندير بالنا
صراحة أنا مصدومة من اللي عملوه زواجنا، القل منهم ولا شو؟
هههههههه
يزن مش معقول شو سريع هذا الكمبيوتر سريع كثير
بقول لك مان مفيد كثير للدراسة كمان
ههههههههه
دراسة قلتوا لي، آه؟
