حياة عيلتنا: لا للتنمر
سند منيح
بتقدر تعمل أحسن
واللي حصل أعلى علامة كالعادة سامي
٢١ من ٢٠ الكل يزقف لسامي
برافو عليك الوحيد اللي جاوب السؤال الزيادة صح
شكراً مس
برافو سامي يا ريت كل الصف مثلك
بكرة بدي الورق كله موقع من ولي الأمر
شو يا شاطر مين بيدرسك البابا ولا الماما هاهاها
شو بيعملوا هدول؟
إيه! معك سندويشة كمان؟ هاها
أعطيني أشوف أعطيني أشوف شكلها زاكية
سند! يلا!
يلا يلا هايني جاي
معلش توقعوا لي هاي الورقة
١٧ من ٢٠؟ ليش؟ وين راحوا الثلاث علامات؟
الامتحان كان صعب كثير والكل خبص
معلش ماما، المهم عرفت أغلاطك؟
عرفت
قلت لي صعب كثير، كم واحد جاب علامة كاملة؟ بدي أعرف
ولا حد جاب علامة كاملة إلا سامي كالعادة
مش معقول هذا الولد الله يحميه قد ما هو شاطر وذكي
صح هو شاطر وذكي والمس دائماً بتمدحه بالصف
والكل بينجلط منه بس اليوم يا حرام شفت ولاد بيدفشوه وبياخدوا أكله
وإنت شو عملت؟
شو بدي أعمل يعني؟ هاي الشلة مشكلجية وأنا ما بدي أبلش معهم
وبعدين سامي مش من شلة صحابي
بس يابا أنت مش لازم تسكت إذا عم بتشوف حدا عم بينظلم أو بينأذى
معه حق أبوك حتى لو مش صاحبك كان لازم تساعده
طيب معلش حدا يوقع لي هاي الورقة عشان لازم أكمّل دراسة
لسى علي كثير واجبات
تفضل، شد حيلك المرة الجاي
يلا شباب رح تبلش المباراة
شو رأيك نلعب بنظارة سامي بدل الطابة؟
وين نظارتي؟
أعطيني هذه مبارح كانت زاكية
شو؟ زيت وزعتر؟ ولك ميت مرة قلت لك ما بحبه
آآه هلا فهمنا سر ذكائه، الزعتر
عشان هيك المعلمة بس بتهتم فيك وأهلنا بيضلوا يعيرونا فيه
"ليش ما تصير زي سامي؟"
"أنا خلّفت ولد بيفهمش"
"ليش علامتك مش زي سامي؟"
أعطوني نظارتي هلا
ما تسمح له يعمل معاك هيك
سا سلام، من متى سيد سند؟ طب روح روح
طير من قدامي أحسن ما-
وقف عندك ما بسمح لك تحكي معاه بهاي الطريقة
أعطيني نظاراته هلا
لا لا لا، لا تشد على حالك خذ خذ خذ
ما تفكر إنك خلصت مني يا سيد سامي ماشي
سند شكراً كثير
ولا يهمك
نيالك بتقدر عليهم
أهم إشي أنك تقول للمتنمر لأ بوجهه
وما تسمح لحد يأذيك، إذا كلنا منساعد بعض
منقدر نوقفهم عند حدهم
شو رأيك تصير تلعب معنا بالفرصة؟ يلا تعال
وين صحابك؟ شكلك لحالك؟
لحالي؟ مش رح أسمح لك تأذيني إذا ما بتروح من قدامي رح أشكي عليك
سامي؟ في إشي؟
لا لا لا كل شي تمام هاهاهاها
مس ما هو معلمتنا بيتضل تقارنا بسامي
وبس بتضلها تعطي كل الاهتمام له
حتى أهلنا بيقارنونا فيه وبيحكولنا ليش ما نصير أذكياء مثله
أنا متفقة معكم أن المقارنة مش صح
وهذا الشي كمدرسة رح نتعامل معه
بس ما في أي إشي بيعطيكم الحق أن تأذوا زميلكم
لازم نعرف كيف نعبر عن مشاعرنا بالطريقة الصح
خلص مس خلص هلأ رح نروح نعتذر لسامي
ما تسمح لحدا يأثر على تفكيرك أو نظرتك لحالك
وإذا حدا حاول يأذيك بالحكي أو بالفعل
ما تسكت له وقول له وقف ما رح أسمح لك تعمل هيك
وإذا بتشوفوا حدا بيتعرض للتنمر
مسؤوليتكم تساعدوه وتوقفوا جنبه أنتوا وصحابكم
ولازم تحكوا للمعلمة أو لحدا أكبر منكم عشان يساعدكم
تذكروا أن المتنمر مش قوي زي ما هو مبين
وممكن بيتنمر لأنه حاسس في إشي ناقصه ومش عارف يعبّر عنه صح
برافو سند وإنتوا ما تنسوا تعملوا سبسكرايب وشير
عشان نوعي الناس عن التنمر
