حياة عيلتنا: خلينا نتأكد بالأول

يلا سمور طيارة طيارة طيارة طيارة

افففت ماما مش قابل يوكل

يا حبيبتي سايريه، من الصبح ما أكل ولا لقمة، أقول لك

خديه عند المراجيح بلكي التهى وقدرتي اطعميه أكم لقمة

أوكي ماما، يلا سمورة نروح نلعب

يييي شوف هاي بسة الجيران كيوتي

شوف شوف ما أحلاها، رح أطعمي الأكل للبسة

يلا افتح فمك كبير كبير كبير برافو سمور

لا هذا لسمور

يما شوف هاي البسة بتخوف

سالي ماما عم تسأل إذا سامر عم بوكل

آه آه عم بوكل

يلا سموري كمان لقمة

ماما سالي عم بطعمي أكل سامر للبسس

سالي!

مش معقول شو مبينين مثل النمور

لقيت هالبستين بحارتنا اليوم، صح شكلهم زي النمور؟

عنجد شكلهم زي النمر

عنجد! نمورة!

مراسلكم من قلب الحدث

ومن الموقع الذي يقال بأنه تم تصوير النمور الجائعة

تتعارك على الطعام فيه

عمو عمو أنا شوفت النمر مبارح

احنا بصراحة سكان المنطقة عم منعيش بذعر شديد

والكل خايف ومش قادر يطلع من بيته واحنا مناشد الجهات المعنية

بالتدخل السريع لحل الموضوع

شوارع خالية من المارّة، مخابز نفذ الخبز منها

خطر كبير يهدد سكان المنطقة

ويمنعهم من ممارسة حياتهم

بشكل طبيعي، السبب نمور جائعة تتجول في المدينة

معكم عمر من قلب الحدث

دينا حبيبتي تعالي شوفي تعالي

كل المواقع الإخبارية بتحكي عن نمورة هاربة

وهيهم عاملين مقابلة في الشارع اللي فوقنا

شكله هاي النمورة كاينة في حارتنا

معقول؟! نمورة؟!

من وين إجوا؟ يعني الخبر مزبوط؟

لازم ندير بالنا يا أبو سند، ما في طلعة

والولاد ممنوع يروحوا محل لحالهم لحد ما يلاقوهم

بيقولوا أنهم هاربين من حديقة حيوانات

خليني أبعت لينك للجيران عشان يديروا بالهم

قفل قفل الباب عصام بلاش ما يطلعوا عالدرج

وأنا خليني أبعت لجروبات صحباتي

ماما لمتى رح نضلنا عايشين بالعتمة هاي؟

أنا انخنقت، لمتى ما بصير نطلع من البيت؟

لحد ما يلاقوا النمور الهربانة

ما في طلعة أبداً أبداً

أهلاً أم شادي، لا لا سند منيح هيو جنبي قاعد

أنت جنبي سند؟ آه آه هيو جنبي

ليش ليش شو في؟

مع النمورة؟ شو القصة؟ شادي صاحب سند

بقول أنه شايف صورة سند مع النمور، سند

أنت شفت النمور؟ أنا؟ لا ما شوفت

تعال نشوف هاي الصورة

إيه؟ أنا شو عم بعمل مع النمور؟

شو؟! هدول هم النمورة اللي كلنا كنا خايفين منهم هاهاها

بس هاي بسة الجيران كيوتي مع بسة لقيتها بالحديقة

هاي الصورة أنا صورتها وأنا بطعمي سامر لما كنا هناك مع بعض

بسس؟!

خلينا ندير بالنا وما نساهم بنشر الإشاعات

كثير مهم الواحد قبل ما يكبس كبسة الشير

أنه يتأكد من أي معلومة بتوصله ويتحقق منها

حتى لو كان الكل بشارك وبيحكي فيها

مش شرط تكون صحيحة

هاهاها بلاش كيوتي تتحول لنمر فجأة