Flirting - مغازلة

مغازلة

ولد: إيه ياجميل

بنت: إيه الغلاسة دي.

ولد: عاوز أعزمك علي حاجة سخنة ولا سقعة.

بنت: هو أنا عمري ماقابلتك، مقدرش أعمل كده!! ! ولد: ياعسل هتندم. بنت: إنت عاوز تقف هنا طول اليوم، روح هات تاكسي من حتة تانية.

ولد: طيب بلاش، هاتي نمرتك علشان أطمن عليكي لما تروحي البيت.

بنت: طيب، دي نمرة موبايلي.

ولد: أنا كنت عارف إنك مش هتزعليني.

بنت: إستنى، أنا إسمي ليلى، إنت إسمك إيه؟

ولد: أنا إسمي محمود.

بنت: باي باي يا محمود.

بنت: ألو، مين معايا؟

ولد: أنا محمود اللي كنت بحاول أوقف تاكسي معاكي إمبارح.

بنت: أهلا ياسيدي، إنت لحقت تكلمني.....، عايز إيه؟

ولد: أنا عاوز أعرفك وأقرب منك؟ .

بنت: إنت جرئ أوي كده علاطول.

ولد: أنا مش بحب ألف وأدور وأظن إن دي حاجة كويسة لينا.

ولد: ممكن أشوفك بكره؟

بنت: طيب ياعم الرومانسي أنا مشغولة بكره، بس لو عايز تشوفني بعد بكره إستناني في نفس المكان إلى شوفتني فيه الساعة سبعة بليل.

ولد: خلاص، أنا هستناكي من الصبح.

بنت: يا بكّاش! يلا بقى, عشان مامي جاية.

النشاط الخامس:

ا: أنا إسمي هشام وإنتي إسمك إيه؟

ب: إسمي هالة.

ا: ممكن أعزمك على عصير؟

ب: لا، بلاش إنهارده!

ا: ممكن أشوفِك بكره؟

ب: بكره، أوكي.

ا: الساعة كام؟

ب: هشوفك بكره، الساعة 11 الصبح!

ا: الساعة حداشر الصبح، كويس.

ب: باي.

ا: باي.