Lebanese Government

الحكومة اللبنانية:

سارة: في عنا مثلا الجمهورية اللبنانية، فيا اكيد رئيس، الرئيس منتخب من بقية النواب، مجلس النواب بعتقد عبارة عن ما بتذكر مية و كم مقعد اكيد من عدة طوائف لانو لبنان متعدد الطوائف، عندك المقعد السني و المقعد المارون، المقعد الاكيد الشيعي، الاحزاب يعني، و اكيد هالنواب مين بينتخبها، الشعب، و الانتخابات بتصير كل اربع سنين مرة، مننتخب نواب لكل محافظة، اه، في خمس محافظات بلبنان، انا من محافظة شمال لبنان. و رئيس الجمهورية ينتخب كل ست سنين و قابل للتجديد، يعني اذا ضلو ست نين ممكن يتجددلو ست سنين كمان او ممكن يتغير حسب، اكيد الشي بيرجع لمجلس النواب لانو مجلس الوزراء تقريبا نحنا عنا هيك نظام بلبنان.

وفاء: و ايمتى الانتخابات الجاي؟

سارة: انا بتذكر انو اخر مرة انتخبت هديك الصيفية فالانتخابات يمكن هلا بعد تلت سنين و نص ارع سنين، هديك السنة انتخبنا، عدي اربع سنين، منعمل الانتخابات النيابية، بس اكيد بضل في انتخابات بلدية هي بتصير بعتقد سنويا، او كل سنتين، ما بتذكر مظبوط. بكون متل في مختار عن كل منطقة، او محافظ بقولولو، عرفتي.