Innovation in Palestinian Dance

بس أنا بعتقد أنو تطوير بنطوير, تشكيل ممكن أني أنا أعمل رقصة جديدة, ممكن تلاقوني أنا متدرب لفريق شوي حديث يعطوني مبادئ رقص البالية ورقص التعبيري. الإشي إلو علاقة بتحضير الجسد والمرونة واللياقة والجمالية حتى, هذا إشي اساس ممكن أخذوا. ممكن أوخذ تدريبات على رقص البالية, الرقص التعبيري, الرياضة, الإحماء, التفاصيل هذه. تطورت المسائل هذه في العالم. صارت توخذ شكل الرقصات, حتى الحركات الرياضية صارت توخذ شكل رقصات. هذا الموضوع. قديش ممكن أنو أنا أكون ذكي ولماح لمسألة إنو لما أكون أنا متدرب بداية تدريبي, بديش أحكي متهور بش متعطش لمسألة الرقص, بدي أخذ كل إشي. ماشي العنوان واضح أنو بدي أرقص رقص شعبي, ودبكة الشمالية والجنوبية والوحدة ونص والمسائل المتعارف عليها كثقافة وكوعي وحتى ككلمات تطلق عادة, الكل بعرفاها, وببساطة شديدة. قديش أنا بكون لما بدي أدرب بفريق قديش بكون عندي وعي إني شو أختار كمان. متدرب بدخل على الفريق, بعطوه أساسيات, أساسيات بس على أساس صحيه حتى أنو ما يؤذيش جسموه وهو بدرب. إرشادات طبية, إرشادات رياضية, ممكن يأخذها أثناء التدريب. هذي تحضير. ممكن تكون تحضير. بعرفش شوي دخلت على تفصيلات كيف عمالنا بنتدرب, بس هذا قديش بترك أثر على ثقافتي أنا كمتدرب, وين أتجه. بيتطور, وصل فيه الحد أنو يقدر يصمم رقصة. مثلا ممكن أطور الرقصة, هل أنا بطور فيها ولا عمالي بضيف عليها إشي يجملها ولا إشي يشوها ولا إشي يخفي معالم ثقافتها. هين المعضلة. فيمكن فيه على الفرق المدربة, إلي بتدرب الأجيال الناشئة هذه, عندها مسؤولية مش بسيطة بالموضوع هذا. ممكن أدرب طفل على أسس رقص غربي, وأدمجوا شوي بالرقص الشعبي, عمالي رسخت في بالوا على إنو في إشي متطور, بالرغم أنو لأ مش متطور صفى الموضوع. ممكن انا دخلت إشي ممكن يؤذي تراثي الفلسطيني نفسه. قديش أنا عندي هويتي الفلسطينية بداخلي, قديش أنا مقتنع, وشايف أنو الرقص الشعبي تبعي كفلسطيني أداة تعبير إلي, بس يعني كرسالة, كحس, إشي بعشقوا, إشي بحبوا كثير. إذا وصلت للمرحلة هذه بقدر أحافظ على التراث صح.